لاہور: جمعیت علما اسلام کے سربراہ مولانا فضل الرحمان کا کہنا ہےکہ پیپلز پارٹی نے آخری وقت میں تحریک عدم اعتماد لانے پر زور دیا تھا۔

باغی ٹی وی: لاہور میں صحافیوں سے گفتگو کرتے ہوئے مولانا فضل الرحمان کا کہنا تھا کہ موجودہ صورتحال کے پیش نظر فوری الیکشن ناگزیر ہیں، ملک میں عام انتخابات فروری کے آخر تک ہوں گے پیپلزپارٹی آخری وقت میں آکر فیصلے سے پھرگئی تھی، ایم کیو ایم اور اختر مینگل سمیت دیگرنے اتفاق رائے سے فوری الیکشن کرانےکا فیصلہ کیا تھا، اگر پیپلز پارٹی وعدے سے نہ پھرتی تو اب تک الیکشن ہو جاتے، پیپلز پارٹی نے آخری وقت میں تحریک عدم اعتماد لانے پر زور دیا تھا۔

سپریم کورٹ میں سانحہ جڑانوالا کیس سماعت کیلئے مقرر

مولانا فضل الرحمان کا کہنا تھا کہ ملک میں انتخابات فروری کے آخر تک ہوں گے، جو حالات قبائلی علاقوں میں ہیں ان میں الیکشن مہم چلانا مشکل ہے، جمہوری ممالک میں نگران حکومتوں کا تصور ہی نہیں ہےپی ٹی آئی چیئرمین لانے والوں نے اعتراف کیا کہ ان کا ایجنڈا کچھ اور ہے، پی ٹی آئی کو ملک کو معاشی طور پر کمزور کرنے کے لیے لایا گیا تھا جو صورتحال قبائلی علاقوں کی ہے وہاں انتخابی مہم چلانا مشکل ہوگا۔

باجوڑ میں دھماکا،ایک شخص جاں بحق ایک زخمی

لاہورہائیکورٹ میں پرویز الہی کی بازیابی کا کیس کل کی کازلسٹ سے نکال دیا گیا ہے جبکہ جسٹس امجد رفیق نے سیشن جج کو کل پرویز الہی کو پیش کرنے کا حکم دے رکھا تھا اور جسٹس امجد رفیق کل سے لاہورہائیکورٹ کی پرنسپل سیٹ پر کیسز کی سماعت نہیں کریں گے ۔جسٹس امجد رفیق نے آئی جی اسلام آباد کو بھی توہین عدالت عدالت کا نوٹس جاری کیا تھا.

خیال رہے کہ پاکستان تحریک انصاف کے مرکزی صدر چوہدری پرویز الہٰی کی بازیابی کیس کی لاہور ہائیکورٹ میں سماعت ہوئی تھی اور عدالت نے انہیں اٹک جیل سے بازیاب کرانے اور کل عدالت میں پیش کرنے کا حکم دیا تھا جبکہ عدالت نے ڈسٹرکٹ اینڈ سیشن جج اٹک کو حکم دیا کہ وہ بطور بیلف کل اٹک جیل سے پرویز الہٰی کو بازیاب کروائیں جب کہ آئی جی اسلام آباد کو توہین عدالت کا نوٹس جاری کر دیا تھا۔

لاہور ہائیکورٹ نے اپنے فیصلے میں کہا کہ یہ توہین عدالت نہیں کیونکہ عدالت کے اندر نہیں ہوئی، یہ فوجداری اور سول توہین عدالت ہے، ان افسران پر فرد جرم بھی عائد کروں گا اور اس کیس میں توہین عدالت اور محکمانہ کارروائی ہوگی اور عدالت نے کہا کہ پرویز الہٰی کو حوالے کرتے ہوئے قانون کو نظر انداز کیا گیا۔ اب سب کچھ قانون کے مطابق ہوگا۔

سماعت کے دوران سینیئر قانون دان لطیف کھوسہ پیش ہوئے اور کہا کہ چوہدری پرویز الہٰی کی گرفتاری پری پلان تھی، یونیفارم میں ملبوس افسران سے سادہ لباس اہلکار پرویز الہٰی کو لے گئے، اگر انہیں اس عدالت کی حدود سے لے جایا گیا ہے تو عدالت کو اختیار ہے کہ وہ کسی بھی صوبے میں حکم دے سکتی ہے، اس طرح عدالتی حکم کی خلاف ورزی 50 سال کی وکالت میں نہیں دیکھی جبکہ اس موقع پر عدالت نے ایڈووکیٹ جنرل پنجاب سے استفسار کیا کہ کیا آپ جانتے ہیں کہ پرویز الہٰی کہاں ہیں؟ جس پر ایڈووکیٹ جنرل نے کہا کہ وہ پنجاب کی کسی اتھارٹی یا ادارے کے پاس نہیں ہیں۔ آئی جی پنجاب نے بھی پرویز الہٰی سے متعلق لاعلمی کا اظہار کیا، ان کے اس جواب پر عدالت میں قہقہے لگ گئے۔

علاوہ ازیں عدالت نے آئی جی سے استفسار کیا کہ کیا آپ کو اسلام آباد سے کوئی مراسلہ آیا کہ ہماری ٹیم آ رہی ہے جس پر انہوں نے بتایا کہ جی سی سی پی او کو رپورٹ دینے کا کہا جو رجسٹرار آفس میں جمع کرا دی، عدالت نے کہا کہ اگر کوئی اسلام آباد پولیس کا آتا ہے تویونیفارم میں ہونا چاہیے جس پر پنجاب پولیس چیف نے کہا کہ میں اسلام آباد پولیس کا ذمے دار نہیں، میں تمام حقائق تحریری رپورٹ میں آپ کے سامنے رکھوں گا۔
مزید یہ بھی پڑھیں؛
سی ٹی ڈی کی کاروائی،سات مبینہ دہشتگرد گرفتار
ہیلی کاپٹر حادثے پر بہت دکھ ہوا،اللہ تعالی شہدا کے درجات بلند کرے، نواز شریف
اگلے 10 دن اہم،بازی پلٹ گئی،نواز شریف،مریم پر ریڈ لائن ختم، بڑی تیاریاں شروع
اوپن مارکیٹ؛ ڈالر 331 روپے کی بلند ترین سطح پر پہنچ گیا
تاہم خیال رہے کہ عدالت نے کہا کہ اگر کسی مجسٹریٹ کا نظر بندی کا حکم تھا تو وہ الگ معاملہ ہے، آپ اس معاملے کی محکمانہ انکوائری کرائیں جبکہ آئی جی پنجاب سے عدالت سے استدعا کی کہ اس معاملے پر شوکاز نوٹس جاری نہ کیا جائے بلکہ صرف نوٹس کریں، پہلے ڈی آئی جی کا پہلے ڈی آئی جی کا موقف سن لیں پھر جو آپ کا حکم ہو گا اس پر عمل کریں گے تاہم واضح رہے کہ لاہور ہائیکورٹ نے پرویز الہٰی کو یکم ستمبر کو رہا کرنے کا حکم دیا تھا تاہم اسی روز انہیں اسلام آباد پولیس نے نقص امن کے تحت ظہور الٰہی روڈ سے گرفتار کیا، ان کی ایم پی او قوانین کے تحت گرفتاری عمل میں لای گئی اور انہیں خصوصی ہیلی کاپٹر سے اسلام آباد منتقل کرنے کے بعد اٹک جیل بھیج دیا گیا تھا۔

لاہور: عظیم صوفی بزرگ حضرت داتا گنج بخش علی ہجویریؒ کے سالانہ عرس کے موقع پر چھٹی کا اعلان کر دیا گیا۔

باغی ٹی وی: عظیم صوفی بزرگ حضرت داتا گنج بخش علی ہجویریؒ کے عرس کے موقع پرلاہور شہر میں 7 ستمبر کو عدالتیں بند رہیں گی ہائی کورٹ کی پرنسپل سیٹ ،لاہور کی ماتحت عدالتوں میں عرس داتا دربار کی مقامی چھٹی ہوگی۔

عرس کے دوران قرأت، نعت خوانی اور سماع کی محفلیں عروج پر ہوں گی،صوفی بزرگ علی ہجویریؒ کے عرس پر لنگر کے انتظامات مکمل ہیں، دودھ کی سبیلیں بھی لگائی جارہی ہیں، مٹھائیوں اور دیگر اشیا کی دکانیں بھی سج گئیں۔

حضرت علی ہجویریؒ کا شمار عظیم المرتبت اولیائے کرام میں ہوتا ہے،آپ کی پیدائش پانچویں صدی کی شروعات میں ہوئی، آپؒ کا شجرہ نسب حضرت سیّدنا امام حسن بن حضرت علیؓ سے ملتا ہے، آپ کا خاندان افغانستان کے شہر غزنی میں آباد تھا۔

عوام کے لیے بڑے بڑے سسٹم کوچیلنج کریں گے،پاکستان مرکزی مسلم لیگ

آپ نے ابتدائی تعلیم اپنے بزرگوں سے حاصل کی، بعد ازاں آپ اسلامی علم سے روشناس ہونے آذربائیجان، فرغانہ، خراسان اور مرو میں تشریف لے گئے، جہاں آپ نے چوٹی کے مشائخ کرام سے علمی اِستفادہ حاصل کیا،آپ کے اساتذہ کرام میں شیخ ابو سعید ابوالخیر، احمد بن محمد القصاب، ابوالعباس، عبدالکریم بن ہوازن اور حضرت ابوالقاسم جیسی نامور ہستیاں شامل ہیں۔

آپ قطبِ وقت حضرت ابو الفضل محمد بن الحسن الختلی الحنبلیؒ کے ہاتھ پر بیعت ہوئے اور ان کی ہدایت پا کر ہندوستان چلے آئے، یہاں آپ نے لاہور کو اپنا مسکن بنایا، آپ کے ہاتھوں اس سرزمین کے ہزاروں جاہل عالم بنے، آپ نے لاکھوں کافروں کو توحید سے روشناس کراتے ہوئے مسلمان کیا۔

شمالی وزیرستان: نامعلوم افراد کی گاڑی پر فائرنگ،ایک شخص جانبحق ، ایک زخمی

کہتے ہیں کہ اس خطے میں آپ نے جس شخص کو مسلمان بنا کر حلقہ بگوش اسلام کیا وہ صوبہ پنجاب کا نائب حاکم رائے راجو تھا جو بعد میں شیخ ہندیؒ کے نام سے مشہور ہوا،مخلوق خدا کو اللہ تعالیٰ کی تعلیمات سے فیض یاب کرکے آپ نے 465 ھ بمطابق 1073ء کو اپنی جان مبارک 65 سال کی عمر میں جانِ آفرین کے سپرد فرمائی اور اپنی مسجد اور دَرسگاہ کے قریب دفن ہوئے۔

بجلی اور پیٹرول کی قیمتوں میں اضافہ نامنظور مرکزی علماء کونسل پاکستان نے جماعت اسلامی کی 2 ستمبر بروز ہفتہ کو ملک گیر ہڑتال کی ہمایت کا اعلان کردیا ہے جبکہ صاحبزادہ زاہد محمود قاسمی چیئرمین مرکزی علماء کونسل پاکستان نے کہا کہ کل فیصل آباد میں تمام تاجر تنظیموں نے فیصلہ کیا ہے کہ پرامن ہڑتال ہوگی.

بجلی اور پیٹرول کی قیمتوں میں اضافہ نامنظور کا اعلان،
مرکزی علماء کونسل پاکستان نے جماعت اسلامی کی 2 ستمبر بروز ہفتہ کو ملک گیر ہڑتال کی ہمایت کا اعلان کردیا ہے۔ pic.twitter.com/M8RubchFhS

— Malik Ramzan Isra (@MalikRamzanIsra) September 1, 2023

انہوں نے مزید کہا کہ بجلی کی قیمتوں کو کم کیا جائے اور مہنگائی کو کنٹرول کیا جبکہ یہ احتحاج پرامن ہوگا اور کوئی بھی سرکاری املاک کو نقصان نہیں پہنچائے گا، اور آپ کا احتجاج وفاق تک پہنچ گیا ہے اور حکومت نے آئی ایم ایف کو آگاہ کردیا ہے کہ عوام کو یہ معاہدہ پسند نہیں ہے.

بجلی قیمتوں میں بےتحاشا اضافہ کے خلاف دو ستمبر کو ملک بھر میں ہڑتال کریں گے کراچی سے چترال تک ظالمانہ فیصلے کے خلاف عوام سڑکوں پر نکلیں گے

— Siraj ul Haq (@SirajOfficial) August 27, 2023

تاہم خیال رہے کہ اس سے قبل امیر جماعت اسلامی کراچی حافظ نعیم الرحمان نے کہا تھا کہ 2 ستمبر کو پر امن احتجاج اور ہڑتال کریں گے۔ انہوں نے مزید کہا کہ عنقریب ہم ایک بڑے دھرنے کا اعلان کرنے والے ہیں، اور کراچی میں نیو ایم اے جناح روڈ پر خواتین کارکنان سے خطاب میں حافظ نعیم الرحمان نے کہا تھا کہ آج کا احتجاج کروڑوں ماؤں اور بہنوں کا نمائندہ احتجاج ہے، تمام پاکستانی 2 ستمبر کو پُر امن احتجاج میں شرکت کریں۔

تاہم خیال رہے کہ امیر جماعت اسلامی کراچی نے کہا کہ نگراں وزیراعظم لیکچر دیتے ہیں بجلی کے بلوں میں ریلیف نہیں دیتے ہیں، جبکہ انہوں نے مزید کہا تھا کہ بجلی کے بلوں میں ٹیکسوں کی وجہ سے غریب چیخ رہے ہیں ، لوگ بجلی کا بل ادا کریں یا بچوں کے اسکولوں کی فیس بھریں۔
مزید یہ بھی پڑھیں؛
پاکستان ہاکی فیڈریشن ایگزیکٹو بورڈ کا اجلاس 5 ستمبر کو ہو گا
اپر چترال میں چکن پاکس پھیلنے لگا،درجنوں افراد متاثر
مہنگائی میں مزید اضافہ ہوگیا
سی پیک مکمل ہونے کے بعد ملک میں ترقی اور خوشحالی کا دور آئے گا،پرویز خٹک
اوپن مارکیٹ میں ڈالر 328 روپے کی تاریخی سطح پر پہنچ گیا
ہمیں مہنگائی کا احساس ہے، کوشش کر رہے ہیں کہ عوام کو ریلیف دیں۔ کے پی کے نگران وزیر اطلاعات
علاوہ ازیں ان کہنا تھا کہ بلوں کی وجہ سے پورے پاکستان میں آگ لگی ہوئی ہے، ہمارا ملک انارکی کا متحمل نہیں ہوسکتا، اور دوسری طرف ساری پارٹیاں اور نیپرا حکومت سے ملی ہوئی ہیں جبکہ جماعت اسلامی کے احتجاج کی کال کے حوالے سے 28 اگست کو امیر جماعت اسلامی سراج الحق نے بھی ٹوئٹ کرکے ہڑتال کا اعلان کیا تھا۔

چیف سیکرٹری کا سپیشل برانچ ہیڈ کوارٹرز کا دورہ

چیف سیکرٹری پنجاب زاہد اختر زمان نے پنجاب پولیس سپیشل برانچ ہیڈ کوارٹرز (رابرٹس کلب)  کا دورہ کیا اور تاریخی حالت میں بحال کئے گئے کینن بلاک کی افتتاحی تختی کی نقاب کشائی کی۔آئی جی پنجاب ڈاکٹر عثمان انور اور ایڈیشنل آئی جی سپیشل برانچ ذوالفقار حمید نے چیف سیکرٹری پنجاب کو خوش آمدید کہا۔

جدید ٹیکنالوجی کے ذریعے خدمات کی فراہمی مزید بہتر بنانے کی ضرورت پر زور دیتے ہوئے چیف سیکرٹری نے کہا کہ سرکاری اداروں کو  دور جدید کے تقاضوں سے ہم آہنگ کرنا ہوگا۔ انہوں نے کہا کہ محکموں کی استعداد میں اضافے کیلئے ہر ممکن وسائل فراہم کر رہے ہیں۔انہوں نے کہا کہ رابرٹس کلب کی تاریخی عمارت کی بحالی پر آئی جی پنجاب اور ایڈیشنل آئی جی سپیشل برانچ  مبارک باد کے مستحق ہیں۔

وقت آ گیا ہے کہ عالمی برادری پاکستان کے لئے یہ کام کرے، سیکرٹری جنرل اقوام متحدہ نے کی اپیل

اقوام متحدہ امن مشن میں کتنی پاکستانی خواتین اہلکار ہیں؟ ڈی جی ملٹری آپریشنز نے بتا دیا

افغانستان میں جنگ بہت ہو چکی، اب امریکا کی کیا خواہش ہے؟ زلمے خلیل زاد بول پڑے

چیف سیکرٹری نے کہا کہ سپیشل برانچ آرگنائزڈ کرائم کی سرکوبی اورگڈ گورننس کے لئے حکومت پنجاب اور پولیس کیلئے آنکھ اور کان کی حیثیت رکھتی ہے۔ انہوں نے مزید کہا کہ امن و امان برقرار رکھنے، فرقہ واریت، جعلی خوراک و ادویات کی روک تھام، مانیٹرنگ اور سرویلنس میں سپیشل برانچ کا کردار نہایت اہم ہے۔

چیف سیکرٹری اور آئی جی نے نئے تعمیر شدہ کینن بلاک کے مختلف حصوں کا معائنہ کیا۔ایڈیشنل آئی جی ذوالفقار حمید نے چیف سیکرٹری کو  پنجاب پولیس سپیشل برانچ میں آفس آٹومیشن بارے بریفنگ دی اور انہیں سووینئر پیش کیا۔سیکرٹری تعمیرات و مواصلات سہیل اشرف اور پولیس کے اعلیٰ افسران بھی اس موقع پر موجود تھے۔