Tag: لاہور

لاہور: وزیراعلیٰ پنجاب مریم نواز نے عید کے بعد لاہور میں صنعتی نمائش کے انعقاد کا اعلان کیا ہے-

باغی ٹی وی:ہارس اینڈ کیٹل شو کی آرگنائزنگ ٹیم کے لیے اپنے پیغام میں وزیراعلی پنجاب مریم نواز کا کہنا تھا کہ پانچ ماہ میں آپ نے مسلسل محنت سے کام کیا، ہارس اینڈ کیٹل شو کی کامیابی آپ اور آپ کی ٹیم کی محنت، لگن اور تخلیقی صلاحیتوں کا ثبوت ہے۔

وزیراعلیٰ پنجاب نے پی ایچ اے کے ڈائریکٹر جنرل طاہر وٹوافسران اور عملے کو شاباش دی اور کہا کہ آپ کی محنت بچوں اور بڑوں کے چہروں پر خوشیاں لائی، عوام کی تفریح کے لیے آئندہ بھی انٹرٹینمنٹ ایونٹس اور تفریحی پروگرام کراتے رہیں گے اور ہارس اینڈ کیٹل شو کی شاندار روایت جاری رکھیں گے۔

گیس امپورٹ پر پابندی نہیں، پائپ بچھانے پر پابندی ہے،ایم ڈی سوئی ناردرن

مریم نواز نے مزید کہا کہ 9 سے 24 فروری تک ہارس اینڈ کیٹل شو سے پنجاب کے رنگ اُجاگر ہوئے، 20 بڑے ایونٹس میں بچوں اور ہزاروں فیملیز شریک ہوئیں اور 13 انٹرنیشنل ٹیموں کی آمد سے پاکستان اور پنجاب کا عالمی امیج روشن ہوا، سالوں بعد شہریوں نے لاہور میں پولو، نیزہ بازی، بُزکشی، تیر اندازی اور گھڑ سواروں کے سنسنی خیز مقابلے دیکھے۔

گیس امپورٹ پر پابندی نہیں، پائپ بچھانے پر پابندی ہے،ایم ڈی سوئی ناردرن

ان کا کہنا تھا کہ ایونٹ کے دوران چلڈرن فیسٹیول، ڈاگ شو، پھولوں، نادر اور نایاب گاڑیوں کی نمائش بھی کی گئی، جب کہ رستم پنجاب د نگل کے سنسنی خیز مقابلوں نے ہارس اینڈ کیٹل شو کا لطف دوبالا کیا، عید کے بعد لاہور ایکسپو سنیٹر میں صنعتی نمائش کا انعقاد بھی ہو گا۔

لاہور:پاکستان انٹرنیشنل ایئر لائن (پی آئی اے) کی لاہور سے دبئی جانے والی پرواز کی ہنگامی لینڈنگ ،طیارہ بڑے حادثے سے بال بال بچ گیا۔

باغی ٹی وی: رپورٹ کے مطابق لاہور سے دبئی جانے والی پی آئی اے کی کی پرواز پی کے 203 کے طیارے سے پرندہ ٹکرا گیاایئربس طیارے کے انجن سے پرندہ ٹکرایا،کپتان نے ایئر ٹریفک کنٹرولر سے رابطہ کرکے طیارے کی ہنگامی لینڈنگ کی اجازت طلب کی اور طیارے کو کپتان نے بحفاظت لینڈ کرایا۔

طیارے میں 150 سے زائد مسافر سوار تھے، پی آئی اے انجینئرنگ ٹیم کراچی سے پی کے 304 کے ذریعے لاہور ایئرپورٹ روانہ کی جائے گی انجینئرز کی ٹیم طیارے کی بورو اسکوپک انسپکشن کرے گی، انسپکشن سے طیارے کے انجن کو ہونے والے نقصان کا اندازہ لگایا جائے گا۔

ازبکستان میں پاکستانیوں پر ملازمت کے حصول پر عائد پابندی ختم ،اہم ہدایات جاری

امریکا :2025 میں مسلسل فضائی حادثوں نے مسافروں کو ہلا کر رکھ دیا

اسلام آباد ہائیکورٹ کا چلڈرن پارک میں غیر قانونی تعمیرات روکنے کا حکم

لاہور: رائیونڈ میں شادی کی تقریب میں کھانا کھانے سے 200 باراتیوں کی حالت غیر ہو گئی،جن میں سے متعدد کی حالت تشویشناک بتائی گئی ہے۔

باغی ٹی وی:لاہور کے تھانہ ستو کتلہ کی حدودمیں شادی کا کھانا کھانے سے200 سے زائد افراد کی طبیعت ناساز ہوگئی، تمام افراد کو لاہور سمیت قصور اور نارووال کے ہسپتالوں میں منتقل کیا گیا،لاہور کے جنرل ہسپتال میں داخل کئے گئے 9 افراد کو ڈسچارج کردیا گیا، یونیورسٹی آف لاہور ٹیچنگ ہسپتال سے 6 افراد علاج معالجہ کے بعد ڈسچارج کیا گیا، رائیونڈ انڈس ہسپتال میں طبی امداد اور معائنہ کے بعد 22 افراد کو ڈسچارج کردیا گیا.

ترجمان فوڈ اتھارٹی کے مطابق رائیونڈ میں شادی کی تقریب میں مضرصحت کھانا کھانے سے 200 افراد کی حالت غیر ہوگئی جنہیں فوری طبی امداد کیلئے اسپتال منتقل کیا گیا، اس واقعے پر ڈی جی فوڈ اتھارٹی نے نوٹس لیا اور فوڈ سیفٹی ٹیموں نے جائے وقوعہ پر پہنچ کر خوراک کے نمونے اکٹھے کیے جن پر تحقیقات کے بعد رپورٹ جاری کی جائے گی۔

اشنا شاہ کی سالگرہ پر صنم سعید کے چرچے

ترجمان فوڈ اتھارٹی کے مطابق واقعے کے بعد کارروائی کرتے ہوئے میرج ہال کو سیل کردیا گیا ہے جب کہ مالکان کے خلاف مقد مےکے اندراج کیلئے درخواست جمع کرادی ہے،دوسری جانب اسپتال انتظامیہ نے تمام مریضوں کی حالت خطرے سے باہر بتائی ہے۔

بین الاقوامی جوہری توانائی ایجنسی کے ڈائریکٹر جنرل کی اسحاق ڈار سے ملاقات

سرفراز نامی شہری نےمارکی مالک کیخلاف اندراج مقدمہ کی درخواست جمع کروادی شہری سرفراز نےالزام عائد کیا ہےکہ مارکی انتظا میہ نے انتہائی ناقص اور غیر معیاری کھانا فراہم کیا جس کی وجہ سے اتنی بڑی تعداد میں مہمانوں کی حالت بگڑی، اس واقعہ کے بعد مقا می انتظامیہ نے تحقیقات کا آغاز کر دیا ہے اور اس کے ذمہ داروں کے خلاف سخت کارروائی کا عندیہ دیا ہے۔

عورت کی کمائی میں برکت نہیں ہوتی،اداکارہ صائمہ قریشی

پاکستان مسلم لیگ (ن) کے صدر محمد نواز شریف اور وزیراعلی پنجاب مریم نواز شریف سے گوجرانوالہ، نارووال، سیالکوٹ کے اضلاع سے تعلق رکھنے والے پنجاب اسمبلی کے ارکان نے ملاقات کی۔

اس ملاقات میں ملک کی موجودہ سیاسی، معاشی صورتحال، پنجاب میں ترقیاتی منصوبوں اور عوامی فلاحی کاموں پر تبادلہ خیال کیا گیا۔ملاقات کے دوران نواز شریف نے کہا کہ ملک میں مہنگائی کی رفتار میں کمی آنا اور سٹاک ایکسچینج کی بلندی معاشی بہتری کی طرف بڑھتا ہوا اشارہ ہے۔ ان کا کہنا تھا کہ کاروباری اور سرمایہ کار برادری کا اعتماد واپس آنا خوش آئند ہے اور ترقی کی رفتار میں تیزی کی آمد خوشگوار تبدیلی کی علامت ہے۔ نواز شریف نے کہا کہ پاکستان کی معیشت کو جس پستی کی طرف دھکیل دیا گیا تھا، اس میں اب تھماﺅ آنا خوش آئند ہے اور وزیراعظم شہباز شریف وفاقی سطح پر بڑی محنت سے کام کر رہے ہیں، جس سے ملک میں اللہ کی مدد سے بہتری آ رہی ہے۔

نواز شریف نے مریم نواز کے بارے میں بات کرتے ہوئے کہا کہ وہ صرف وزیراعلی نہیں بلکہ پنجاب میں ایک ماں اور بیٹی کے جذبے سے کام کر رہی ہیں، اور اللہ تعالی بھی ان کی محنت اور نیک نیتی کی بدولت ان کا ہاتھ پکڑتا ہے۔

ارکان پنجاب اسمبلی نے وزیراعلی مریم نواز شریف کی تعریف کرتے ہوئے کہا کہ وہ مریم نواز پر جتنا فخر کریں، کم ہے۔ انہوں نے کہا کہ مریم نواز نے ایک سال کے اندر ہر طبقے کی بحالی کے لیے کئی اہم پروگرام شروع کیے ہیں جن کی عوام میں بہت پذیرائی ہو رہی ہے۔ ان پروگراموں میں "ستھرا پنجاب”، "کسان کارڈ”، "سکالرشپ پروگرام”، سڑکوں کی تعمیر و بحالی، "دھی رانی پروگرام” اور بنیادی صحت کے نظام کی اپ گریڈیشن شامل ہیں۔

وزیراعلی مریم نواز شریف نے ارکان اسمبلی کا شکریہ ادا کرتے ہوئے کہا کہ وہ قائد محمد نواز شریف کی بیٹی ہونے کے ناطے اور وزیراعظم شہباز شریف کی عوامی خدمت کی وجہ سے اپنی ذمہ داری محسوس کرتی ہیں۔ انہوں نے کہا کہ ان کی محنت اور عوامی خدمت کا معیار مسلم لیگ (ن) کی ماضی کی روایات کو مزید آگے بڑھانے میں مدد دے گا۔

ملاقات میں قومی اور صوبائی سطح پر معاشی ترقی، عوامی فلاحی منصوبوں اور دیگر شعبوں میں مستقبل کی حکمت عملی پر بھی مشاورت کی گئی۔ اس اجلاس میں پارٹی کے سینئر رہنما، وزیردفاع خواجہ محمد آصف، سینیٹر پرویز رشید، رانا ثناء اللہ، پنجاب کی سینیئر وزیر مریم اورنگزیب اور راشد نصر اللہ بھی موجود تھے۔

شرجیل میمن کی بیجنگ میں چینی ای وی بس مینوفیکچرر سے ملاقات،سرمایہ کاری کی دعوت

انسانی سمگلنگ،لاہور میں 5 ملزمان کے خلاف مقدمات درج

لاہور ہائی کورٹ میں پیکا ترمیمی ایکٹ کے خلاف کیس کی سماعت ہوئی

عدالت نے فوری طور پر پیکا ترمیمی آرڈیننس کی مختلف شقوں پر عملدرآمدروکنے کی استدعا مسترد کر دی، جسٹس فاروق حیدر نے کہا کہ پہلے فریقین کا موقف آ جائے پھر فیصلہ کریں گے ،جسٹس فاروق حیدر نے تین ہفتوں میں تمام فریقین کو نوٹسز جاری کرتے ہوئے جواب طلب کر لیا ،جسٹس فاروق حیدر نے صحافی جعفر بن یار کی درخواست پر سماعت کی

عدالت نے درخواست سماعت کیلئے منظور کرلی ،عدالت نے وفاقی حکومت سمیت دیگر فریقین کو نوٹس جاری کر دیئے ،لاہور ہائیکورٹ میں دائر درخواست میں کہا گیا کہ پیکا بل متعلقہ اسٹیک ہولڈرز اور صحافتی تنظیموں کی مشاورت کے بغیر لایا گیا ،پیکا ترمیمی بل کی منظوری سے آئین میں دی گئی آزادی اظہار شدید متاثر ہوگی،پیکا ترمیمی ایکٹ غیر آئینی اور آئین میں دی گئی آزادی اظہار کے تحفظ سے متصادم ہے،عدالت پیکا ترمیمی ایکٹ کو غیر آئینی قرار دے کر کالعدم قرار دے،عدالت پیکا ترمیمی ایکٹ کے تحت ہونے والی کارروائیوں کو درخواست کے حتمی فیصلے سے مشروط کرے

واشنگٹن فضائی حادثہ،پاکستانی خاتون بھی جاں بحق

سیالکوٹ:اسمارٹ پولیسنگ،سنیپ چیکنگ کے لیے جدید ٹیمیں تشکیل

لاہور: ڈی جی ایکسائز لاہور عمر شیر چٹھہ نے ٹوکن ٹیکس نادہندگان کے خلاف سخت اقدامات کا فیصلہ کر لیا ہے۔

باغی ٹی وی : عمر شیر چٹھہ نے ہدایت کی ہے کہ ٹوکن ٹیکس نہ ادا کرنے والی گاڑیوں کی رجسٹریشن معطل کرکے انہیں سسٹم میں بلاک کیا جائےانہوں نے کہا کہ گاڑی مالکان کو آگاہی فراہم کرنے کے باوجود وہ ٹوکن ٹیکس ادا نہیں کر رہےانہوں نے بڑے ڈیفالٹرز کی گاڑیاں بند کرنے اور ایک سال سے زائد نادہندگان کے چالان کرنے کا حکم دیا ہے۔

ڈی جی ایکسائز نے پنجاب بھر میں ناکہ بندی کو مؤثر بنانے اور ٹیکس وصولی کے عمل کو تیز کرنے کی ہدایات جاری کی ہیں، یکسائز حکام کے مطابق پنجاب بھر میں تقریباً 13 لاکھ گاڑی مالکان سالانہ ٹوکن ٹیکس ادا کرتے ہیں تاہم لاہور میں 8 لاکھ سے زائد گاڑیوں کے مالکان نے ٹیکس ادا کیا ہے جبکہ 5 لاکھ سے زائد گاڑیوں کا ٹوکن ٹیکس ابھی تک واجب الادا ہے۔

ایف بی آر کا سالانہ ٹیکس پورا نہیں ہو سکا،گاڑیاں خریدی جا رہی ہیں،فیصل واوڈا

ایکسائز حکام نےبتایا کہ لاہور میں پونے 3 ارب روپے کے قریب ٹوکن ٹیکس کی وصولی باقی ہے،بینکوں اور لیزنگ کمپنیوں کے نام رجسٹرڈ گاڑیوں کے ٹوکن ٹیکس وصولی کے لیے ان سے بھی رابطہ کیا جائے گا۔

یونیفارم فوجی افسر بطور جج کیسے غیرجانبدار ہو سکتا ہے؟جسٹس مسرت ہلالی

لاہور: اینٹی کرپشن عدالت لاہور میں شہباز شریف اور حمزہ شہباز کے خلاف رمضان شوگر ملز کے ریفرنس میں بڑی پیش رفت ہوئی ہے-

باغی ٹی وی :کیس کی سماعت اینٹی کرپشن عدالت کے جج سردار محمد اقبال کی زیرِ صدارت ہوئی،دوران سماعت مدعی ذوالفقار نے کہا کہ میں نے ایسی کوئی درخواست دائر نہیں کی،مجھے درخواست کے نقاط کا بھی علم نہیں ہے اور میں یہ درخواست واپس لیتا ہوں۔

عدالت نے ذوالفقار کا بیان سننے کے بعد اسے ہدایت دی کہ آپ یہ ساری بات تحریری صورت میں بیان حلفی پر عدالت میں پیش کریں،جس پر ذوالفقار نے کہا جی میں اپنے وکیل سے بیان حلفی تیار کروا کے لے آتا ہوں، کچھ وقت دیا جائے-

واضح رہے کہ گزشتہ برس احتساب عدالت نے وزیر اعظم شہباز شریف اور سابق وزیراعلیٰ پنجاب حمزہ شہباز کے خلاف رمضان شوگر مل ریفرنس، اینٹی کرپشن عدالت کو منتقل کیا تھا18 فروری 2019 کو قومی احتساب بیورو(نیب) نے وزیر اعظم پاکستان اور مسلم لیگ (ن) کے صدر شہباز شریف اور ان کے صاحبزادے وزیر اعلیٰ پنجاب حمزہ شہباز کے خلاف رمضان شوگر ملز کیس میں نیا ریفرنس دائر کیا تھا۔

اس ریفرنس میں صرف دونوں ملزمان کو نامزد کیا گیا تھا اور الزام لگایا تھا کہ رمضان شوگر ملز کے لیے انہوں نے غیر قانونی طور پر نالہ تعمیر کروایا،عدالت میں دائر ریفرنس میں کہا گیا تھا کہ شہباز شریف اور حمزہ شہباز کی جانب سے اس نالے کی تعمیر سے قومی خزانے کو 21 کروڑ 30 لاکھ روپے کا نقصان ہوا، لہٰذا دونوں ملزمان کو سزا دی جائے۔

وزیر اعلیٰ مریم نوازشریف کےدورہ چین کے ثمرات، چھ ہفتے میں تیز ترین فارن انویسٹمنٹ کا آغاز ہو گیا

پنجاب میں پہلی مرتبہ ماحول دوست ایگریکلچر اینڈ سالڈ ویسٹ مینجمنٹ کی ای میکانائزیشن کا آغازہو گیا،بیجنگ اے آئی فورس ٹیک اور ڈائیوو پاکستان کے درمیان سالڈ ویسٹ کے لیے جدید اے آئی بیسڈ مشینری کے لئے ایم او یو پر دستخط کر دیئے گئے، وزیر اعلیٰ مریم نوازشریف کی موجودگی میں اے آئی فورس ٹیک کے سی ای او ڈاکٹر ہان وے اور ڈائیوو پاکستان کے محمدخالد نے ایم او یو پر دستخط کیے،

وزیر اعلیٰ پنجاب مریم نواز شریف سے بیجنگ اے آئی فورس ٹیک کے سی ای او اور چیئرمین ہان وی کی قیادت میں وفد کی ملاقات ہوئی،پنجاب میں ای ایگریکلچر میکانائزیشن کے لئے اسمبلینگ اور مینوفیکچرنگ پلانٹ لگانے پر اتفاق کیا گیا،چین کی اے آئی فورس ٹیک کمپنی پنجاب میں روبوٹک ایگریکلچر آلات تیار کرنے کا پلانٹ لگائے گی،ایگریکلچر سیکٹر کے لئے ٹرانسپورٹیشن روبوٹ اور ہار ویسٹنگ روبوٹس کے استعمال کا جائزہ لیا گیا،پنجاب میں سالڈ ویسٹ مینجمنٹ سیکٹر میں جدید اور خودکار اے آئی ٹیکنالوجی کو فروغ دیا جائے گا ،سالڈ ویسٹ مینجمنٹ کے لیے مصنوعی ذہانت (AI) پر مبنی خودکار مشینری کا استعمال کیا جائے گا، بیجنگ اے آئی فورس ٹیک لاہور کے مضافات میں ای میکانائزڈ ماڈل فارم ڈویلپ کرے گی،17ایکڑ پر مشتمل ماڈل فارم میں الیکٹرک ٹریکٹر، ہارویسٹر، لینڈ لیولر اور دیگر مشینری استعمال ہوگی،اے آئی فورس ٹیک چارجنگ کے لئے گرین ہاؤس پر سولر انرجی سسٹم لگائے گی،اے آئی فورس ٹیک پنجاب میں بغیر ڈرائیور الیکٹرک ٹریکٹر بھی متعارف کراے گی،چین کی کمپنی اے آئی فورس ٹیک ای ٹریکٹر اور دیگر الیکٹرک مشینری کے لئے چارجنگ سٹیشن بھی قائم کرے گی، اے آئی فورس ٹیک،لاہور ویسٹ مینجمنٹ کمپنی کو بھی ای ٹریکٹر اور دیگر زرعی مشینری فراہم کرے گا،اے آئی فورس ٹیک روبوٹک فارمنگ، سیڈز، ویدر فورکاسٹ، زمین کی فرٹیلیٹی بڑھانے میں بھی معاونت کرے گی ،اے آئی فورس ٹیک ماڈرن ایگریکلچر فارمنگ میں پانی کے کم از کم استعمال سے پیداوار کے حصول کے لئے رہنمائی کرے گی،ڈیجیٹل پلانٹیشن، ڈیجیٹل لیب کے قائم، سیٹلائٹ کے ذریعے مانیٹرنگ اور ایڈوانس ریسرچ میں تعاون کو فروغ دیا جائے گا

وزیراعلیٰ پنجاب مریم نواز کا کہنا ہے کہ پنجاب میں جلد از جلد 15 سے 16 فارن انویسٹمنٹ کا ہدف پورا کیا جائے گا۔ بیجنگ اے آئی فورس سے شراکت ستھرا اور سرسبز پنجاب کے وژن کی جانب اہم پیش رفت ہے۔حکومت پنجاب عوامی خدمت کے ہر شعبے میں جدت لانے پر کاربند ہے۔بیجنگ اے آئی فورس سے معاہدہ پنجاب ماحولیاتی تحفظ اور جدید ٹیکنالوجی کے فروغ کی جانب ایک بڑا قدم ہے۔جدید اے آئی ٹیکنالوجی کے ذریعے سالڈ ویسٹ مینجمنٹ کے نظام میں نمایاں بہتری آئے گی۔ مسٹر ہان وی کا کہنا تھا کہ سالڈ ویسٹ مینجمنٹ پر پنجاب حکومت کے ساتھ شراکت داری کو قدر کی نگاہ سے دیکھتے ہیں۔

اس دوران بریفنگ میں بتایا گیا کہ جدید اے آئی مشینری کے ذریعے کوڑے کو مؤثر طریقے سے جمع، ٹرانسپورٹ اور ٹھکانے لگایا جائے گا- سالڈ ویسٹ مینجمنٹ کے لیے اے آئی کے استعمال سے ماحولیاتی آلودگی کم ور صفائی کا معیار بہتر ہوگا۔

وزیر اعلیٰ مریم نوازشریف نے وفد کے ہمراہ دورہ چین میں روبوٹک فارمنگ اور دیگر ای مشینری کا مشاہدہ کیا تھا
وزیر اعلیٰ مریم نوازشریف اور وفد نے ای ایگریکلچر مشینری کے لئے معروف اے آئی فورس ٹیک کو پنجاب مدعو کیا تھا،وزیر اعلیٰ مریم نواز شریف نے پاکستان مسلم لیگ ن کے ویژن کو آگے بڑھاتے ہوئے فارن انویسٹمنٹ کے لئے بے مثال کامیابی حاصل کی

حکومت نے مذاکرات ختم نہیں کیے،عرفان صدیقی

قومی اسمبلی سے منظور شدہ پیکا ترمیمی ایکٹ 2025 مسترد کرتے ہیں۔لاہور پریس کلب

لاہور: جوڈیشل مجسٹریٹ نے شیر کا بچہ رکھنے کے الزام میں ٹک ٹاکر رجب بٹ کو سزا سنا دی

رجب بٹ کے خلاف وائلڈ لائف آفیسر نے رپورٹ جمع کروائی تھی فیصلے میں عدالت نے کہا کہ رجب بٹ نے شیر کا بچہ غیر قانونی طور پر اپنے پاس رکھنے کا اعتراف جرم کیا،رجب بٹ نے اپنے بیان میں کہا کہ میں اعتراف جرم کرتا ہوں کہ میرے پاس سے غیر قانونی طور پر شیر کا بچہ بر آمد ہوا،میرے علم میں نہیں تھا کہ جنگلی جانور تحفے کے طور پر وصول نہیں کیئے جا سکتے،اب میں سمجھ گیا ہوں کہ ان حالات میں جنگلی جانوروں کو رکھنا غیر مناسب ہے،مجھے اپنے اس عمل پر انتہائی افسوس ہے،بطور سوشل میڈیا انفلوئنسر مجھے مثبت مواد بنانا چاہیئے، اب مجھے احساس ہو گیا ہے کہ میں شیر کا بچہ رکھنے کا مجاز نہیں تھا، میں نے اس عمل سے ایک غلط مثال قائم کی،اپنی غلطی کا ادراک کرتے ہوئے میں رضاکارانہ طور پر اپنے سوشل میڈیا پلیٹ فارم سے کمیونیٹی سروس فراہم کروں گا،میں جنگلی جانوروں کے حقوق سے متعلق مثبت پیغام رسانی کروں گا،میں خود کو عدالت کے رحم و کرم پر چھوڑتا ہوں،میں ہمدردانہ اپیل کرتا ہوں کہ مجھے خود کو ثابت کرنے کا ایک موقع فراہم کیا جائے،

جیوڈیشل مجسٹریٹ نے رجب بٹ کو ایک سال کی کمیونیٹی سروس فراہم کرنے کا حکم دے دیا،عدالت نے فیصلے میں کہا کہ رجب بٹ ایک سال تک پروبیشن آفیسر کے ماتحت کمیونیٹی سروس فراہم کرے گا، رجب بٹ اپنے پانچ منٹ کے وی لاگ میں جانوروں کے حقوق بارے گفتگو کرے گا،وی لاگ ہر ماہ کے پہلے ہفتہ میں پروبیشن آفیسر کی اجازت کے بعد اپلوڈ ہو گا،وی لاگ میں جانوروں کے تحفظ اور حقوق سے متعلق گفتگو ہو گی، رجب بٹ اپنے تمام سوشل میڈیا پلیٹ فارمز پر یہ وی لاگ اپلوڈ کرنے کا پابند ہو گا،عدالت نے محکمہ وائلڈ لائف کو جانوروں کے تحفظ بارے تمام مواد رجب بٹ کو فراہم کرنے کی ہدایت کر دی،عدالت نے فیصلے میں کہا کہ اگر پروبیشن آفیسر رجب بٹ کو ذاتی حیثیت میں طلب کرے تو وہ حاضری کا پابند ہو گا،فیصلے پر عملدرامد نہ ہونے کی صورت میں رپورٹ عدالت میں پیش کی جائے گی،

وزیراعظم سے یونیورسٹی آف لندن کی وائس چانسلر وینڈی تھامسن کی ملاقات

پہاڑوں پر لڑنے والے بلوچوں کو دو وقت کی روٹی بھی میسر نہیں، دہشتگرد کمانڈر کا انکشاف