لندن: پاکستان کے معروف چائے والے ارشد خان کا لندن میں واقع کیفے شدید مالی مشکلات کا شکار ہے۔
باغی ٹی وی:ا یک سال قبل اس کیفے کوارشد خان نے خاصے شاندار انداز سے لانچ کیا تھا؛برطانیہ کے فرنچائز اونرز نے ارشد خان کو وعدے کے مطابق رائلٹی ادا نہیں کی ارشد خان اُن نے شائستہ انداز سے رائلٹی کا مطالبہ کرتا رہا ہے مگر وہ کاروبار میں نقصان کا بہانہ بناکر رائلٹی دینے سے انکار کرتے آئے ہیں ساتھ ہی ساتھ انہوں نے کیفے کا کرایہ بھی ادا نہیں کیا۔
نجی خبررساں ادارے کے مطابق ارشد خان کا برانڈ گزشتہ برس اس کے دو کزن نادر خان درانی اور یاور اکبر درانی لائے تھے برطانیہ کے متعلق ادارے کا ریکارڈ بتاتا ہے کہ یاور اکبر درانی نے کمپنی نمبر 13205566 کے تحت کیفے چائے والا لمٹیڈ رجسٹر کروایا تھا نادر خان درانی برطانوی شہری ہے اور یاور اکبر درانی کینیڈین، یاور امریکا میں رہتا ہے۔
اردن کا اسرائیلی حمایت میں جوابی حملوں پرنظر ہے، اردن ہمارا اگلا ہدف ہوسکتا ہے،ایران
ذرائع کے مطابق نادر خان درانی اور یاور اکبر درانی نے کمپنی 2021 میں رجسٹر کروائی تھی اور اس وقت متحرک کمپنی کی حیثیت سے بزنس کر رہے ہیں۔ کیفے چائے والا ارشد خان مشرقی لینڈن میں 229 الفریڈ لین میں واقع ہے یاور اکبر درانی کا دعویٰ ہے کہ اے آر ریسٹورنٹس گروپ کے تحت امریکا میں اس کی دو درجن پوپائیز برانچیں ہیں صورتِ حال اتنی خراب ہے کہ پست معیار کی سروس کے باعث کیفے چائے والا کا گراؤنڈ فلور عام کے لیے کبھی کھولا ہی نہیں جاسکا۔
رپورٹ کے مطابق گزشتہ برس جب یہ ریسٹورنٹ کھولا گیا تھا تب یہ برانڈ بہت مقبول تھا اور برطانیہ کے مختلف علاقوں سے لوگ یہاں آتے تھے بدانتظامی، حفظانِ صحت کے اصولوں کی پاس داری نہ کیے جانے اور کمتر معیار کے باعث لوگوں نے یہاں آنا کم کردیا یاور اور نادر درانی کے درمیان کیفے کی ملکیت کے حوالے سے تنازع چل رہا ہے یاور اکبر درانی نے ارشد خان سے اسلام آباد میں ملاقات کی اور وعدہ کیا کہ واجب الادا رائلٹی جلد ادا کردے گا مگر بعد میں یہ کہا کہ جب تک کاروبار منافع نہیں کماتا وہ رائلٹی ادا نہیں کرسکے گا۔
آئی سی سی ٹی20 ورلڈکپ کی ٹرافی رواں ماہ پاکستان لائے جانے کا امکان
یاور درانی نے ارشد خان کو یہ بھی بتایا کہ الفرڈ لین میں چائے کے کئی کیفے کھل گئے ہیں جس سے کاروبار کو نقصان پہنچا ہے۔ ارشد خان نے اپنے براںڈ کو بچانے کے لیے معاملات کو بعض حدود میں رکھنے کی کوشش کی ہے اور یاور درانی نے اِسی بات کا فائدہ اٹھایا ہے اس نے یہ شکوہ بھی کیا ہے کہ ارشد خان نے وعدے کے مطابق چائے کی پوری ترکیب لندن میں متعارف نہیں کرائی اسلام آباد میں ذرائع کا کہنا ہے کہ فریقین نے ایک دوسرے کے خلاف قانونی چارہ جوئی کی دھمکی دی ہے۔
