Tag: متحدہ عرب امارات

متحدہ عرب امارات میں سرد ہواؤں کے ساتھ مزید بارشوں کی پیشگوئی کر دی گئی ہے۔

یو اے ای میں آج موسلادھار بارش نے پہاڑوں کو بھی آبشاروں میں تبدیل کر دیا جس سے ملحقہ وادیوں میں پانی داخل ہو گی،شدید بارش اور آندھی نے متحدہ عرب امارات میں سماں باندھ دیا، بارش سے ٹھنڈ میں اضافہ ہو گیا، خلیج ٹائمز کا کہنا ہے کہ نیشنل سینٹر آف میٹیورالوجی (این سی ایم) نے پہلے ہی موسم کے بارے میں پیشگوئی کر دی تھی،دبئی، راس الخیمہ اور اس کے اطراف میں صبح کے وقت آسمان پر گہرے سیاہ بادل چھا گئے۔ اس طرح دیکھتے ہی دیکھتے موسم معمول سے ہٹ کر سرد ہو گیا۔

نیشنل سینٹر آف میٹیورالوجی کا کہنا ہے کہ 16 سے 19 دسمبر تک موسم میں شدت آ سکتی ہے اور اس دوران سرد ہواؤں کے ساتھ مزید بارشیں ہو سکتی ہیں،درجہ حرارت میں کمی کی بھی پیشگوئی کی گئی ہے،دبئی اور ابو ظہبی پولیس نے شہریوں سے موسم کی شدت کو دیکھتے ہوئے احتیاطی تدابیر اختیار کرنے کی اپیل کرتے ہوئے کہا ہے کہ شہری حکومتی ہدایات پر عمل کریں تاکہ کسی بھی ممکنہ حادثے سے محفوظ رہا جا سکے۔

اقوام متحدہ نے اپنی تازہ رپورٹ میں متحدہ عرب امارات کو دنیا بھر میں سب سے زیادہ امداد فراہم کرنے والا ملک قرار دیا ہے۔

میڈیا رپورٹس کے مطابق امارات عالمی سطح پر مختلف ممالک کو مسلسل امداد فراہم کر رہا ہے، جبکہ سال 2025 میں اس کی مجموعی سالانہ امداد 1.5 ارب ڈالر تک پہنچ گئی۔رپورٹ میں بتایا گیا ہے کہ فلسطین، خصوصاً غزہ کے لیے عالمی امداد کا 44 فیصد حصہ متحدہ عرب امارات نے فراہم کیا، جو دنیا بھر میں کسی بھی ملک کی جانب سے سب سے زیادہ معاونت ہے۔اسی طرح سوڈان کے بحران کے دوران بھی امارات نے 600 ملین ڈالر کی امداد کے ساتھ 90 ہزار ٹن انسانی سامان متاثرہ علاقوں تک پہنچایا۔

علاوہ ازیں امارات نے افغانستان میں زلزلے سے متاثرہ افراد کے لیے بھی ہنگامی بنیادوں پر امدادی کارروائیاں کیں۔ اقوام متحدہ کے مطابق عالمی انسانی بحرانوں میں متحدہ عرب امارات کا ردِعمل ہمیشہ تیز اور مؤثر رہا ہے

امریکا کی بھارت کو جدید اسلحے کی فروخت کی منظوری

کوپ 30 پویلین میں آگ لگنے کا واقعہ، تمام سرگرمیاں منسوخ

28ویں آئینی ترمیم پر ابتدائی مشاورت شروع، ٹائم لائن دینے سے گریز

متحدہ عرب امارات میں عدالت نے ایک شخص کو ساتھی کی گاڑی بغیر اجازت استعمال کرنے، تیز رفتاری سے چلانے اور گاڑی ضبط کروانے کے معاملے پر 10 ہزار درہم ہرجانہ ادا کرنے اور ملک بدری کی سزا سنائی۔

غیر ملکی خبر رساں ایجنسی کے مطابق ملزم کو اس سے قبل فوجداری عدالت کی جانب سے قید، ایک سال کے لیے ڈرائیونگ لائسنس معطلی، گاڑی ضبطی اور ملک بدری کی سزا بھی سنائی جا چکی تھی۔رپورٹ کے مطابق مدعیہ اور مدعا علیہ ایک ہی ادارے میں کام کرتے تھے۔ خاتون نے عدالت میں مؤقف اختیار کیا کہ ملزم اس کی گاڑی اجازت کے بغیر لے گیا، غیر ذمہ داری کا مظاہرہ کرتے ہوئے تیز رفتاری سے چلائی اور نتیجتاً گاڑی ضبط ہوگئی۔

مدعیہ نے بتایا کہ گاڑی چھڑوانے اور مرمت کے لیے اسے 11 ہزار درہم خرچ کرنے پڑے، جبکہ گاڑی نہ ہونے کی وجہ سے آمدورفت میں شدید مشکلات کا سامنا کرنا پڑا۔ملزم نے مؤقف اپنایا کہ وہ پہلے ہی خاتون کو 9 ہزار 400 درہم ادا کر چکا ہے اور اس کا ثبوت بینک ٹرانسفر اسٹیٹمنٹ ہے، لہٰذا دعویٰ خارج کیا جائے۔تاہم عدالت نے قرار دیا کہ ملزم نے گاڑی بغیر اجازت استعمال کی اور غیر محتاط رویہ اپنایا، اس لیے اسے 10 ہزار درہم ہرجانہ ادا کرنا ہوگا۔

پاک-بھارت میچ پر بھی سٹے بازی، جوا کھیلنے والے 3 بکی گرفتار

ڈنمارک کے فوجی اڈے پر نامعلوم ڈرونز کی پرواز، ’ہائبرڈ حملہ‘ قرار

پاک-چین سرحد پر 68 روزہ دھرنا ختم، تجارتی و سیاحتی سرگرمیاں بحال

رجب بٹ نے جنسی تعلقات پر مجبور کیا،ٹک ٹاکر فاطمہ خان

رجب بٹ نے جنسی تعلقات پر مجبور کیا،ٹک ٹاکر فاطمہ خان

متحدہ عرب امارات نے قطر میں حماس رہنماؤں پر اسرائیلی حملے کے بعد جمعہ کو اسرائیلی سفیر کو طلب کر لیا۔

خبر رساں ادارے رائٹرز کے مطابق اسرائیلی نشریاتی ادارے ’’کان‘‘ نے رپورٹ کیا کہ اماراتی حکومت نے دوحہ پر اسرائیلی حملے کے خلاف یہ قدم اٹھایا ہے مبصرین کے مطابق یہ اقدام دونوں ممالک کے قریبی اقتصادی اور دفاعی تعلقات میں تناؤ کی واضح علامت ہے۔

یاد رہے کہ منگل کو قطر کے دارالحکومت دوحہ پر اسرائیلی حملے میں حماس کے رہنماؤں کو نشانہ بنایا گیا تھا، جس پر عالمی سطح پر مذمت کی گئی بعد ازاں اسرائیلی وزیر اعظم بینجمن نیتن یاہو نے قطر کو وارننگ دی تھی کہ وہ حماس کے رہنماؤں کو ملک بدر کرے یا عدالت میں پیش کرے، ورنہ اسرائیل خود کارروائی کرے گا۔

دریائے چناب میں سیلاب :درجنوں دیہات کے زمینی رابطے منقطع

امارات نے نیتن یاہو کے بیان کو ’’جارحانہ‘‘ قرار دے کر اس کی سخت مذمت کی ہے یہ پیشرفت ایسے وقت میں ہوئی ہے جب امارات کے صدر شیخ محمد بن زاید النہیان خلیجی ممالک کے دورے پر ہیں تاکہ اسرائیلی حملے کے حوالے سے مشترکہ موقف اختیار کیا جا سکے۔

قطر اس اتوار اور پیر کو ایک ہنگامی عرب-اسلامی سربراہی اجلاس کی میزبانی کرے گا، جس میں دوحہ پر اسرائیلی حملے اور خطے کی صورتحال پر غور کیا جائے گا۔

پنجاب سیلاب: اموات کی تعداد 100 کے قریب، تقریباً 45لاکھ افراد متاثر،2300 سے زائد دیہات متاثر

تیل پیدا کرنے والی بڑی ریاست اور خطے کی تجارتی و کاروباری سرگرمیوں کا مرکز ہونے کے ساتھ ساتھ مشرقِ وسطیٰ میں سفارتی اثر و رسوخ کے حامل متحدہ عرب امارات نے 2020 میں امریکا کی ثالثی میں اسرائیل کے ساتھ ’ابراہم معاہدوں‘ کے تحت تعلقات قائم کیے تھے، ان معاہدوں نے قریبی اقتصادی اور سکیورٹی تعلقات، بشمول دفاعی تعاون کی راہ ہموار کی۔