Baaghi TV

Tag: محکمہ موسمیات

  • کراچی میں سائبیرین ہوائیں چل پڑیں،سردی کی شدت میں مزید اضافے کا امکان

    کراچی میں سائبیرین ہوائیں چل پڑیں،سردی کی شدت میں مزید اضافے کا امکان

    کراچی میں سائبیرین ہوائیں چل پڑیں،سردی کی شدت میں مزید اضافہ

    باغی ٹی وی : تفصیلات کے مطابق جمعرات کو شہر میں یخ بستہ شمال مشرقی ہوائیں چلیں، ابتدا میں ہواؤں کی رفتار 22 کلومیٹر رہی تاہم بعدازاں گردآلود ہوائیں بھی ریکارڈ ہوئیں، جس کی رفتار 46 کلومیٹرفی گھنٹہ رہی، جمعے کو شہر میں کم سے کم پارہ 6 ڈگری تک گرسکتا ہے۔

    پاکستانیوں کو امریکی ویزا کے حصول کیلئے آسانی

    محکمہ موسمیات کے مطابق جمعرات کو کم سے کم پارہ 16.5 جبکہ زیادہ سے زیادہ درجہ حرارت گذشتہ روز کے مقابلے میں 3 ڈگری کمی سے 24.2 ڈگری ریکارڈ ہوا، صبح کے وقت دھند کی وجہ سے حد نگاہ کم ہوکر ایک کلومیٹر رہ گئی تھی۔

    محکمہ موسمیات ارلی وارننگ سینٹر کی پیش گوئی کے مطابق اگلے 3 روز کے دوران موسم سرد اور خشک رہنے جبکہ جمعے کو شہر میں تند و تیز ہوائیں چل سکتی ہیں اور کم سے کم پارہ 6 سے 8 ڈگری کے درمیان ریکارڈ ہوسکتا ہے۔

    ڈیرہ غازی خان : باغی ٹی وی کی گیارہویں سالگرہ کا کیک کاٹا گیا

    محکمہ موسمیات کےمطابق سردی کی موجود لہر 17 جنوری تک برقراررہ سکتی ہے، جس کےزیراثر کراچی، حیدرآباد، مٹیاری، ٹنڈوالہیار، ٹنڈومحمد خان، بدین اور سجاول اور ٹھٹھ میں پارہ 5 ڈگری تک بھی گرسکتا ہےجبکہ لاڑکانہ ، قمبر شہداد کوٹ، کشمور، شکارپور، جکیب آباد، جامشور،دادو اورتھر پارکرمیں پارہ 2 ڈگری جبکہ شہید بےنظیرآباد ،میرپورخاص، نوشہرو فیروز، خیرپور،سکھر، گھوٹکی اور سانگھڑ میں 3 ڈگری تک ریکارڈ ہوسکتا ہے۔

    ٹھٹھہ :1962 سے چلنے پرائمری سکول میں 6 سال سے کوئی ٹیچرتعینات نہ ہوسکا،سکول بند

  • موسم سرما کا بدترین طوفان،امریکامیں 55 جاپان میں17 ہلاکتیں،سعودی عرب میں بھی پہاڑ برف سے ڈھک گئے

    موسم سرما کا بدترین طوفان،امریکامیں 55 جاپان میں17 ہلاکتیں،سعودی عرب میں بھی پہاڑ برف سے ڈھک گئے

    موسم سرما کا بدترین طوفان، امریکا اور جاپان میں برفباری میں بالترتیب 55 اور 17 افراد ہلاک ہوگئے۔

    باغی ٹی وی : عالمی خبر رساں ادارے کے مطابق موسم سرما میں امریکا کی تاریخ کے بدترین برفانی طوفان میں اب تک 55 ہلاکتیں ہوچکی ہیں اور درجنوں زخمی ہیں صرف نیویارک میں برفباری سے ہلاکتوں کی تعداد 27 ہے۔

    نیویارک کا شہر بفیلو سب سے زیادہ متاثر ہوا جبکہ ریاستوں اوہائیو، کینٹکی، میزوری اور کنساس میں بھی برفانی طوفان نے تباہی مچادی۔

    کینیڈا میں بھی برفانی طوفان نے معمولات زندگی کو درہم برم کر دیا ہے بم سائیکلون نے امریکا کے بعد سب سے زیادہ نقصان کینیڈا کو پہنچایا۔

    فلپائن میں آنے والے سیلاب نے بڑے پیمانے پر تباہی مچادی جس میں اب تک 13 افراد ہلاک اور درجنوں زخمی ہوگئے جبکہ 45 ہزار افراد کو محفوظ مقام پر منتقل کیا گیا ہے۔

    رواں موسم سرما میں برفباری سے سب سے زیادہ متاثر ہونے والا ایشیائی ملک جاپان ہے جہاں برفانی طوفان نے 17 افراد نگل لئے جبکہ 100 سے زائد زخمی ہیں۔

    ان دنوں جاپان کے شمالی علاقوں میں شدید برف باری کا سلسلہ جاری ہے اور کرسمس کی چھٹیوں میں ملک کے بیشتر حصوں میں زیادہ برفباری ریکارڈ کی گئی۔

    جاپان کی فائر اینڈ ڈیزاسٹر مینجمنٹ ایجنسی کے مطابق جاپان کے شہر ناگائی میں 2.6 فٹ برف باری ریکارڈ کی گئی اور اس دوران ایک گھر کی چھت سے گرنے والی برف تلے دب کر بزرگ خاتون ہلاک ہوگئی۔

    محکمہ موسمیات کے مطابق موسم سرما کی وجہ سے جاپان کی مغربی ساحلی پٹی شدید برف باری کی لپیٹ میں ہے جب کہ برفباری کی وجہ سے دسمبر کے وسط سے ہی ہائی ویز پر ٹریفک متاثر اور ڈلیوریز تاخیر کا شکار رہیں۔

    ادھرسعودی عرب میں بھی برفباری سے موسم سرد ہوگیا صوبے تبوک کے مشہور پہاڑوں الجبل اور الکان نے برف کی چادر اوڑھ لی اور سیاحوں کی بڑی تعداد برفباری سے لطف اندوز ہونے پہنچ گئے-

    ماہرین کا کہنا ہے کہ دنیا بھر میں غیر معمولی اور غیر متوقع بارشوں، سیلاب، برفباری اور زلزلوں کی بنیادی وجہ موسمیاتی تغیرات ہیں۔ صنعتی ممالک کی زہریلی گیسیں دنیا کے ماحول کو ناقابل تلافی نقصان پہنچارہی ہیں۔

  • اتوار سے بارش اوربرفباری برسانے والا مغربی سسٹم شمالی بلوچستان میں داخل ہونے کی پیشگوئی

    اتوار سے بارش اوربرفباری برسانے والا مغربی سسٹم شمالی بلوچستان میں داخل ہونے کی پیشگوئی

    سائبیرین ہوائیں چلنے سے شمالی بلوچستان اور سندھ میں سردی کی شدت میں اضافہ ہوگیا۔

    باغی ٹی وی : وادی زیارت میں درجہ حرارت منفی 10 تک پہنچ گیا جبکہ کراچی میں بھی سردی بڑھ گئی،بلوچستان کے کان مہترزئی، توبہ اچکزئی، خانوزئی میں درجہ حرارت منفی 9 ڈگری ریکارڈ کیا گیا، چمن میں درجہ حرارت منفی 3، پرانا چمن میں منفی 5 تک گرگیا۔

    محکمہ موسمیات کا کہنا ہے کہ سائبیرین ہوائیں چلنے سے شمالی بلوچستان میں نظام زندگی شدید متاثر ہورہا ہے، وادی زیارت، پشین، حرم زئی میں گیس غائب ہونے سے صارفین کو مشکلات ہیں، شمالی بلوچستان کے ہزاروں سیلاب متاثرین کو بھی سرد موسم میں مشکلات کا سامنا ہے-

    محکمہ موسمیات نے اتوار سے بارش اوربرفباری برسانے والا مغربی سسٹم شمالی بلوچستان میں داخل ہونے کی پیش گوئی کرتے ہوئے شمالی علاقہ جات اور بلوچستان میں شدید سردی کی وارننگ جاری کر دی ہے۔

    برفباری کی صورت میں این 50 پر ٹرانسپورٹرز کیلئے موٹروے پولیس نے الرٹ جاری کر دیا ہے سیکٹر کمانڈر موٹروے کے مطابق کوئٹہ، قلعہ سیف اللّٰہ، ژوب این 50 شاہراہ پر برفباری کے دوران شہری احتیاط کریں کان مہتر زئی، خانوزئی، زیارت کراس پر ریسکیو ٹیمیں تعینات کر دی گئی ہیں۔

    دوسری جانب کراچی کے متعدد علاقوں میں رات موجودہ سیزن کی سرد ترین رات رہی، شہر قائد میں صبح صادق کے وقت درجہ حرارت 11 سے 12 ڈگری تک ریکارڈ کیا گیا ہے۔

  • آج رواں برس کی طویل ترین رات اور دن مختصر ترین ہوگا

    آج رواں برس کی طویل ترین رات اور دن مختصر ترین ہوگا

    22 دسمبر کو سال کی طویل ترین رات ہوگی اور مختصر ترین دن ہوگا-

    باغی ٹی وی : محکمہ موسمیات کے مطابق 22 دسمبر سال 2022ء کی طویل ترین رات اور مختصر ترین دن ہوگا رات کا دورانیہ تقریباً 14 گھنٹے اور دن کا دورانیہ 10 گھنٹوں پر محیط ہوگا ،سورج پانچ بج کر ایک منٹ پر غروب ہوگا۔

    23دسمبر سے دن کا دورانیہ بڑھنے لگے گا جبکہ رات کا دورانیہ کم ہونا شروع ہو جائے گا،جنوبی پنجاب میں رات کا دورانیہ13گھنٹے 58منٹ اور دن 10گھنٹوں پر محیط ہو گا تاہم 21 اور 22 مارچ کو دن اور رات کا دورانیہ برابر ہو جائے گا۔

    خیال رہے کہ 21 دسمبر کے بعد سے راتیں مختصر اور دن طویل ہونا شروع ہوجائیں گے اور 21 جون کو سال کا طویل ترین دن اور مختصر ترین رات ہوگی۔

  • ملک کے مختلف حصوں میں کل سے مغربی ہواؤں کا سسٹم اثر انداز ہوسکتا ہے،محکمہ موسمیات

    ملک کے مختلف حصوں میں کل سے مغربی ہواؤں کا سسٹم اثر انداز ہوسکتا ہے،محکمہ موسمیات

    محکمہ موسمیات کے مطابق کل شام یا رات ملک کے مختلف حصوں میں کل سے مغربی ہواؤں کا سسٹم اثر انداز ہوسکتا ہے –

    باغی ٹی وی : محکمہ موسمیات کے مطابق 7 نومبر تک مغربی ہواؤں کا سلسلہ ملک پر اثرانداز رہے گا جس سے مختلف علاقوں میں گرج چمک کے ساتھ بارش اور برفباری کا امکان ہے محکمہ موسمیات نے متعلقہ اداروں کو ہائی الرٹ رہنے کی ہدایت بھی کی ہے۔

    پنجاب میں گندم کا روزانہ کا کوٹہ بڑھانے کا فیصلہ،وزیراعلیٰ نے دی منظوری

    محکمہ موسمیات کے مطابق کل یعنی 4 نومبر کی شام سے7 نومبر کے دوران چترال، دیر، سوات، گلگت اور کشمیر میں گرج چمک کے ساتھ بارش کا امکان ہے جبکہ پہاڑوں پر برفباری اور چند مقامات پر ژالہ باری بھی ہو سکتی ہے۔

    محکمہ موسمیات کے مطابق 5 سے 6 نومبر کے دوران دیر سوات، مانسہرہ، ایبٹ آباد، کشمیر، مری اور دیگرمقامات پر موسلا دھار بارش کا امکان ہے، اسی کے ساتھ 6 نومبر کی شام یا رات سے 7 نومبر کے دوران کوئٹہ اور ژوب میں تیز ہواؤں کے ساتھ بارش متوقع ہے۔

    ٹوئٹر کے دفتر میں خاتون مینجر کی فرش پر سونے کی تصویر وائرل

    محکمہ موسمیات کے مطابق بارکھان، چمن، پشین اور دیگرمقامات پربھی تیز ہواؤں اور گرج چمک کے ساتھ درمیانی اور ہلکی بارش کا امکان ہے جبکہ کراچی، جیکب آباد، سکھر، شہید بینظیرآباد میں تیز ہواؤں اور گرج چمک کے ساتھ ہلکی بارش کا ماکان ہے-

    اس دوران بالائی علاقوں اور شمالی بلوچستان میں دن کا درجہ حرارت 5 سے7 ڈگری سینٹی گریڈ تک کم ہونے کا امکان ہے جبکہ ملک کے جنوبی حصے میں بھی درجہ حرارت 2 سے 4 ڈگری سینٹی گریڈ کم ہو سکتا ہےبارش کاسلسلہ ختم ہونےکے ساتھ بلوچستان سمیت ملک کے بالائی علاقے سردی کی لپیٹ میں آجائیں گے، تیز بارش کے باعث پہاڑی علاقوں میں لینڈ سلائیڈنگ کا خطرہ بھی بڑھ سکتا ہے-

    ٹی 20 ورلڈ کپ: پہلے پاکستان اب بنگلہ دیش،کوہلی کے اشارے پردو متنازعہ نو…

  • ملک بھر میں سیلاب سے مزید9 افراد جاں بحق ،تعداد 1 ہزار 717 ہو گئی

    ملک بھر میں سیلاب سے مزید9 افراد جاں بحق ،تعداد 1 ہزار 717 ہو گئی

    محکمہ موسمیات کے مطابق ملک کے بیشتر علاقوں میں موسم خشک اور گرم رہے گا-

    باغی ٹی وی : محکمہ موسمیات کے مطابق خیبر پختونخوا، گلگت بلتستان اور کشمیر میں بارش کا امکان ہے،اسلام آباد میں گرج چمک کے ساتھ بارش کا امکان ہے ،مری اور گلیات میں چند مقامات پر بارش متوقع ہے-

    سستے فضائی سفرکے لیےسستی ایئرلائن ‘فلائی جناح’ نے پرواز کا لائسنس حاصل کرلیا

    محکمہ موسمیات کے مطابق دیر ، سوات،ایبٹ آباد ، مانسہرہ، ہری پور اور کوہستان میں بارش کا امکان ہے گلگت بلتستان میں چند مقامات پر گرج چمک کے ساتھ بارش کا امکان ہے-

    دوسری جانب این ڈی ایم اے کی جانب سے جاری رپورٹ کے مطابق ملک بھر میں بارشوں اور سیلاب سے مزید9 افراد جاں بحق ہوئے ہیں جس کے بعد ملک بھر میں سیلاب سے اب تک جاں بحق افراد کی تعداد ایک ہزار717ہو گئی ہے-

    ڈی آئی خان : یوسی دھپ شمالی کے گاؤں سگو شمالی میں دریائے سندھ کا کٹاؤ، لوگوں کی…

    این ڈی ایم اے کے مطابق گزشتہ 24گھنٹے کےدوران سیلاب سے سندھ میں 9 افراد جاں بحق ہوئے،سندھ میں سیلاب سے 21 لاکھ 14 ہزار سے زائد گھر مکمل تباہ ہو گئے-

    این ڈی ایم اے کی جانب سے جاری رپورٹ کے مطابق سیلاب سے 13 ہزار کلو میٹر سے زائد سڑکیں،436 پل تباہ ہوئے،سیلاب سے 11لاکھ 60 ہزار سے زائد مویشی ہلاک ہوئے-

    ٹھٹھہ : 20 افراد اپنے گھر کا کھاتے ہی بے ہوش ہوگئے، ہسپتال داخل

  • پنجاب اورآزاد کشمیرمیں بھی آندھی اورگرج چمک کےساتھ بارش متوقع

    پنجاب اورآزاد کشمیرمیں بھی آندھی اورگرج چمک کےساتھ بارش متوقع

    محکمہ موسمیات کے مطابق ملک کےجنوبی علاقوں میں موسم خشک اورگرم رہےگا-

    باغی ٹی وی : محکمہ موسمیات کے مطابق اسلام آباد میں آندھی اور گرج چمک کے ساتھ بارش اور ژالہ باری کا امکان ہے، خیبرپختونخوا ،گلگت بلتستان،خطۂ پوٹھوہارمیں بارش کا امکان ہے-

    روجھان : باغی ٹی وی کی خبرپر ایکشن ، سیلاب زدہ علاقوں میں ہونے والے نقصانات کے سروے کا حکم جاری کر…

    محکمہ موسمیات کے مطابق پنجاب اورآزاد کشمیرمیں بھی آندھی اورگرج چمک کےساتھ بارش متوقع ہے جبکہ مری ،اٹک، چکوال، خو شا ب، سرگودھا،فیصل آباد اورجھنگ بار ش کا امکان ہے –

    محکمہ موسمیات کے مطابق لاہور،اوکاڑہ،قصور،گوجرانوالہ،سیالکوٹ،لیہ،بھکر،میانوالی میں بارش متوقع ہے ،ٹوبہ ٹیک سنگھ اورساہیوال میں ژالہ باری اورگرج چمک کےساتھ بارش کا امکان ہے-

    محکمہ موسمیات کے مطابق نوشہرہ،پشاور،کوہاٹ،کرم،ہنگو اوراورکرزئی میں بارش اورژالہ باری متوقع ہے،ہری پور، بٹگرام، مانسہرہ، مردان،چارسدہ،مہمند،خیبر،صوابی میں بارش کا امکان ہے جبکہ دیر،چترال،سوات،مالاکنڈ،بونیر،شانگلہ،کوہستان اور ایبٹ آباد میں بارش متوقع ہے-

    پی آئی اے کا سابق انجنئیر کراچی ایئر پورٹ سے گرفتار

    دوسری جانب این ڈی ایم اے کی رپورٹ کے مطابق ملک بھر میں بارشوں اور سیلاب سے مزید ایک شخص جاں بحق ہوا ہے ،ملک بھر میں اب تک جاں بحق افراد کی تعداد ایک ہزار697 ہو گئی-

    این ڈی ایم اے کے مطابق گزشتہ 24گھنٹے میں سندھ میں ایک شخص جاں بحق ہوا،سیلاب سے 20 لاکھ 48 ہزار سے زائد گھر مکمل طور پر تباہ ہو گئے،سیلاب اور بارشوں سے اب تک 12 ہزار 867 افراد زخمی ہوئے،سیلاب اور بارشوں سے 13 ہزار کلو میٹر سے زائد سڑکیں ،440 پل تباہ ہوئے ہیں-

    منی لانڈرنگ کیس، ایف آئی اے کی ٹک ٹاکر حریم شاہ سے تین گھنٹے تک پوچھ گچھ

  • رواں سال کا دوسرا اور آخری سورج گرہن 25 اکتوبر کو ہوگا

    رواں سال کا دوسرا اور آخری سورج گرہن 25 اکتوبر کو ہوگا

    رواں سال کا دوسرا اور آخری سورج گرہن 25 اکتوبر کو ہوگا –

    باغی ٹی وی : محکمہ موسمیات کے مطابق 25اکتوبر کو سورج کو گرہن لگے گا،جس کا مشاہدہ جذوی طورپرپاکستان میں بھی کیا جاسکے گا،جزوی سورج گرہن کا آغازپاکستانی وقت کے مطابق دوپہر ایک بج کر58 منٹ پرہوگا،4 بجے سورج گرہن عروج پرہوگا،جس کا اختتام 6 بج کر2 منٹ پرہوگا۔

    100 نوری سال کے فاصلے پر دو نئے "سپر ارتھ” سیارے دریافت

    محکمہ موسمیات کے مطابق پاکستان کے علاوہ سال کا آخری سورج گرہن یورپ کے بیشترحصوں،ایشیاء کے مغربی حصوں،شمالی افریقہ سمیت مشرق وسطیٰ میں بھی دیکھا جاسکے گا۔

    زمین پر سورج گرہن اس وقت لگتا ہے جب چاند دورانِ گردش زمین اور سورج کے درمیان آ جاتا ہے، جس کی وجہ سے سورج کا مکمل یا کچھ حصہ دکھائی دینا بند ہو جاتا ہے۔ اس صورت میں چاند کا سایہ زمین پر پڑتا ہے۔ چونکہ زمین سے سورج کا فاصلہ زمین کے چاند سے فاصلے سے 400 گنا زیادہ ہے اور سورج کا محیط بھی چاند کے محیط سے 400 گنا زیادہ ہے، اس لیے گرہن کے موقع پر چاند سورج کو مکمل یا کافی حد تک زمین والوں کی نظروں سے چھپا لیتا ہے۔

    2 بہت بڑے بلیک ہولز کے درمیان آئندہ 3 سال کے اندر تصادم متوقع

    سورج گرہن ہر وقت ہر علاقے میں نہیں دیکھا جا سکتا، اس لیےسائنسدانوں سمیت بعض لوگ سورج گرہن کامشاہدہ کرنے کے لیے دور دراز سے سفر طے کرکے گرہن زدہ خطے میں جاتے ہیں۔ مکمل سورج گرہن ایک علاقے میں تقریباً 370 سال بعد دوبارہ آ سکتا ہےاور زیادہ سے زیادہ سات منٹ چالیس سیکنڈ تک برقرار رہتا ہے۔ البتہ جزوی سورج گرہن کو سال میں کئی دفعہ دیکھا جا سکتا ہے۔

    سورج گرہن کئی قسم کا ہو سکتا ہے: مکمل سورج گرہن، حلقی سورج گرہن، مخلوط سورج گرہن، جزوی سورج گرہن

    جب بھی زمین کے کسی خطے میں مکمل سورج گرہن لگتا ہے تو اس کے گردونواح میں چاروں طرف جزوی گرہن ہوتا ہے،یورپ میں دیکھا گیا 1999ء کا مکمل سورج گرہن تاریخ میں سب سے زیادہ دیکھا جانے والا سورج گرہن تھا۔

    زمین سے 100 سال کے نوری فاصلے پرسمندر سے ڈھکا سیارہ دریافت

  • ملک کے مختلف حصوں میں بارش متوقع

    ملک کے مختلف حصوں میں بارش متوقع

    محکمہ موسمیات کے مطابق ملک کے بیشترمیدانی علاقوں میں موسم گرم رہے گا-

    باغی ٹی وی : محکمہ موسمیات کے مطابق اسلام آباد ،بالائی پنجاب ، کشمیر، بالائی خیبر پختونخوا اور گلگت بلتستان میں بارش متوقع ہے،اسلام آباد میں تیز ہواؤں اورگرج چمک کے ساتھ بارش بھی کا امکان ہے-

    سیلاب زدہ علاقوں میں امدادی آپریشن جاری ہیں. نیشنل فلڈ ریسپانس کوآرڈینیشن سنٹر

    محکمہ موسمیات کے مطابق لاہورکے مختلف علاقوں میں ہلکی بارش ہو ئی ایئرپورٹ پر3 ملی میٹر بارش ریکارڈ کی گئی،لاہور میں آج مزید بارش کا امکان ہے-

    محکمہ موسمیات کے مطابق خطہ ٔپوٹھوہار، گوجرانوالہ ، سیالکوٹ، نارووال،اوکاڑہ اور قصور میں بارش متوقع ہے،رائیونڈ، مانگامنڈی سندر و گردونواح بارش، موسم خوشگوار ہو گیا جبکہ فیصل آباد، ساہیوال ،سرگودھا،خوشاب، منڈی بہاؤالدین میں بارش کا امکان ہے-

    تیز ہواؤں اور گرج چمک کے ساتھ موسلادھار بارش کی توقع

    محکمہ موسمیات کے مطابق ٹوبہ ٹیک سنگھ اور میانوالی میں چند مقامات پر تیز ہواؤں اورگرج چمک کا بارش کاامکان ہے مالاکنڈ، سوات، دیر، چترال ، مردان، پشاور، ایبٹ آباد، مانسہرہ اورکوہاٹ میں بارش متوقع ہے،کرم اور چارسدہ میں چند مقامات پر گرج چمک کے ساتھ بارش کا امکان ہے-

    شکارپور ، ڈکھن کے قریب گاؤں پیر چنڈام میں نہر کو 10فٹ چوڑا شگاف پڑ گیا،علاقہ مکینوں کے مطابق بخشو شاخ پر شگاف پڑنے سے کھڑی فصلیں زیرے آب آگئیں کسانوں کا کہنا ہے کہ بارشوں سے پہلے ہی نقصان ہوا ہے، شگاف کی وجہ سے مذید نقصان کا خدشہ ہے-

    ننکانہ:دریائے راوی میں نہاتے ہوئے 2 آدمی ڈوب کر جاں بحق

  • ملک بھرمیں بارشوں اور سیلاب سے مزید 10 افراد جاں بحق

    ملک بھرمیں بارشوں اور سیلاب سے مزید 10 افراد جاں بحق

    محکمہ موسمیات کے مطابق ملک کے بیشتر علاقوں میں موسم خشک اور گرم رہے گا-

    با غی ٹی وی : محکمہ موسمیات کے مطابق خیبر پختو نخوا اورشمال مشرقی پنجاب میں گرج چمک کے ساتھ ہلکی بارش کا امکان ہے ،اسلام آباد میں دن میں موسم گرم اور خشک رہے گا،لاہور، گوجرانوالہ اور سیالکوٹ میں ہلکی بارش کا امکان ہے-

    جوکر نے چارسدہ میں کنسرٹ کیا مگر سیلاب متاثرین تک نہیں گئے ،شازیہ مری

    محکمہ موسمیات کے مطابق چترا ل، دیر سوات اور کرم میں گرج چمک کے ساتھ ہلکی بارش کا امکان ہے،گلگت بلتستان میں مطلع جزوی ابر آلود رہنے کے علاوہ ہلکی بارش کا امکان ہے-

    دوسری جانب این ڈی ایم اے نے سیلاب اور بارشوں سے ہونے والے نقصانات کے تازہ اعدادو شمار جاری کئے ہیں –

    این ڈی ایم اے کے مطابق ملک بھر میں بارشوں اور سیلاب سے مزید 10افراد جاں بحق ہوئے ،ملک بھر میں بارشوں اور سیلاب سے جاں بحق افراد کی تعداد ایک ہزار 569 ہوگئی-

    انجلینا جولی پاکستان پہنچ گئیں، سیلاب سے متاثرہ دادو کا دورہ

    این ڈی ایم اے کے مطابق بارشوں اور سیلاب کی وجہ سے 9 لاکھ 98 ہزار 407 مویشی ہلاک ہوئے،ملک بھرمیں بارشوں اور سیلاب سے 20 لاکھ 9 ہزار 794 گھروں کو نقصان پہنچا، پنجاب 191،آزاد کشمیر 48 اور گلگت بلتستان میں 22افراد جاں بحق ہوئے-

    این ڈی ایم اے کے مطابق سندھ 701،بلوچستان 300،خیبرپختونخوا میں 306 افراد جاں بحق ہوئے ،بارشوں اور سیلاب کے باعث اب تک 12 ہزار 860 افراد زخمی ہوئے-

    پاکستانی نژاد کینیڈین رکن پارلیمنٹ اقرا خالد کی اسلام آباد آمد، سیلاب متاثرین…