Baaghi TV

Tag: محکمہ موسمیات

  • ملک بھر میں اگلے 24 گھنٹوں میں موسم کیسا رہے گا:محکمہ موسمیات نے تفصیلات جاری کردیں

    ملک بھر میں اگلے 24 گھنٹوں میں موسم کیسا رہے گا:محکمہ موسمیات نے تفصیلات جاری کردیں

    ملک کے بیشتر علاقوں میں موسم سرد اور مطلع جزوی ابرآلود رہے گا۔ شمال مشرقی بلوچستان،پنجاب، خیبرپختونخوا،گلگت بلتستان اور کشمیر میں تیزہواؤں کے ساتھ کہیں بونداباندی /کہیں ہلکی با رش اور پہاڑوں پر ہلکی برفباری کا امکان ہے

    بدھ کے روز موسم کی صورتحال: ملک کے بالائی علاقوں میں موسم سرد اور مطلع جزوی ابرآلود رہے گا۔ شمال مشرقی پنجاب ، بالائی خیبرپختونخوا،کشمیراور گلگت بلتستان میں کہیں بونداباندی /کہیں ہلکی با رش اور پہاڑوں پرہلکی برفباری کا امکان۔پنجاب کے میدانی علاقوں میں صبح اوررات کے اوقات میں شدید دھند چھائے رہنے کی توقع ہے

    اسلام آباد: اسلام آباد میں صبح سویرے ہلکی بارش/بونداباندی ہو سکتی ہے ۔دن کے دوران موسم خشک رہے گا۔

    پنجاب: صوبہ کے زیادہ تر اضلاع میں موسم سرد اور خشک رہے گا ۔ لاہور،گوجرانوالہ،سیالکوٹ،نارووال اور خطۂ پوٹھوہار میں تیزہواؤں کے ساتھ کہیں بونداباندی اورکہیں ہلکی جبکہ مری اور گلیات میں ہلکی بارش / ہلکی برفباری کی توقع۔ صبح اوررات کے اوقات میں لاہور، گوجرانوالہ ، سیالکوٹ،نارووال ، اوکاڑہ،ساہیوال،فیصل آباد، سرگودھا،ملتان، بہاولپوراورگردونواح میں شدید دھند چھائے رہنے کا امکان ہے

    خیبرپختونخوا: صوبے کے بالائی اضلاع میں مطلع ابرآلودرہے گا۔ دیر ،چترال ، سو ات ، کوہستان ، ایبٹ آباد،مانسہرہ،بونیراورشانگلہ میں ہلکی با رش اور پہاڑوں پر برفباری کا امکان۔
    سندھ: صوبہ کے بیشتر اضلاع میں موسم سرد اور خشک رہے گا۔

    بلوچستان: صوبہ کے بیشتر اضلاع میں موسم سرد اور خشک رہے گا۔

    کشمیر/گلگت بلتستان: گلگت بلتستان اور کشمیر میں مطلع ابر آلو د رہنے کا ساتھ ہلکی بارش/ہلکی برفباری کا امکان ہے

    گزشتہ24گھنٹوں کاموسم: سندھ: کراچی (نارتھ کراچی، سعدی ٹاؤن 17، سرجانی 14، گڈاپ ٹاؤن 10، یونیورسٹی روڈ 09، قائد آباد 07، جامعہ الرشید 06، کیماڑی 05، جناح ٹرمینل 04، گلشن حدید، ناظم آباد 02 ، ڈی ایچ اے، اورنگی، مسرور بیس 01)، جیکب آباد 01، بلوچستان: خضدار 05، لسبیلہ 04، قلات، اورماڑہ 03، خیبرپختونخوا: کاکول، مالم جبہ 02، کشمیر: راولاکوٹ02، پنجاب: خانپور میں02ملی میٹربارش ریکارڈ کی گئی۔

    برفباری(انچ): مالم جبہ2.0،کالام ،مری 0.5 اوراسکردو میں ہلکی برفباری ریکارڈ کی گئی۔

    آج ریکارڈ کیے گئےکم ازکم درجہ حرارت: لہہ منفی 12،کالام منفی10،گوپس منفی08،اسکردومنفی06،پاراچنار،مالم جبہ منفی05،بگروٹ،راولاکوٹ،ہنزہ،استور،بارہ مولہ،پلوامہ منفی04،قلات،شوپیاں منفی03،گلگت منفی02،دیراور کوئٹہ میں منفی01ڈگری سینٹی گریڈ ریکارڈ کیا گیا۔

    کم سے کم /زیادہ سے زیادہ درجہ حرارت:
    اسلام آباد 05/ 20
    لاہور 09/ 23
    کراچی 17/ 27
    پشاور 07/ 21
    کوئٹہ منفی01/ 12
    گلگت منفی02/ 13
    اسکردو منفی06/ 04
    مظفر آباد 06/ 18
    مری 00/ 10
    فیصل آباد 06/ 24
    ملتان 08/ 22
    سری نگر 01/ 12
    جموں 09/ 21
    لہہ منفی12/ 01
    پلوامہ منفی04/ 11
    اننت ناگ 00/ 10
    شوپیاں منفی03/ 11
    بارہ مولہ منفی04/ 12

    محکمہ موسمیات ، اسلام آباد

  • فروری میں ملک میں معمول سے کم بارشوں کا امکان

    فروری میں ملک میں معمول سے کم بارشوں کا امکان

    اسلام آباد: رواں ماہ فروری میں ملک میں معمول سے کم بارشوں کا امکان ہے۔

    باغی ٹی وی : محکمہ موسمیات کے مطابق ملک کے بیشتر میدانی علاقوں میں موسم سرد رہے گا،اسلام آباد میں موسم سرد،خشک اور مطلع ابر آلو د رہے گا
    سیا لکوٹ ، لاہور، نارووال ، گوجرانوالہ، سر گودھا اور گر د نواح میں دھند کا راج ہے دیر،چترال،سو ات،مالا کنڈ ڈویژن ،کرم ، کالام ،خیبر پختونخو ا اور گلگت بلتستا ن میں چند مقامات پر بارش اوربرفباری کا امکان ہے-

    اسلام آباد، راولپنڈی، پشاور سمیت ملک کے مختلف علاقوں میں زلزلے کے شدید جھٹکے

    محکمہ موسمیات کے مطابق رواں ماہ مشرقی پنجاب و سندھ میں معمول کے قریب جبکہ شمال وشمال مغربی علاقوں میں معمول سے کم بارشیں متوقع ہیں رواں ماہ کے دوران فوگ کی صورتحال میں بدستور کمی آئے گی اور مہینے کے آخر تک فوگ کا مکمل خاتمہ ہوجائے گا اس دوران دن کے اوقات میں درجہ حرارت میں اضافہ متوقع ہے۔

    محکمہ موسمیات کے مطابق درجہ حرارت میں اضافہ و خشک موسم اسلام آباد و لاہور سمیت بڑے شہروں میں قبل ازوقت پولن سیزن کیلئے سازگار ہوسکتا ہے۔

    دادو: جلدی مرض لیشمینیا کا پھیلاؤ جاری،مریضوں کی تعداد میں تیزی سے اضافہ

    محکمہ موسمیات کے مطابق شہر قائد میں آج سے سمندر کی بند ہوائیں مکمل طورپرفعال ہونے کا امکان ہے جبکہ آئندہ 24گھنٹوں کے دوران درجہ حرارت میں اضافہ متوقع ہے،اس دوران کم سے کم پارہ 18اورزیادہ سے زیادہ 29ڈگری سینٹی گریڈ ریکارڈ ہوسکتا ہے۔

    جمعے کے روز موسم خشک رہا،زیادہ سے زیادہ پارہ 28 ڈگری سینٹی گریڈ ریکارڈ ہوا، شہر کا مطلع صاف اورخشک رہا، صبح کے وقت بلوچستان کی شمال مشرقی ہوائیں چلیں جبکہ دوپہر کے بعد سمندرکی جنوب مغربی سمت کی ہوائیں جذوی طورپربحال ہوئیں جس کی رفتار14کلومیٹر فی گھنٹہ ریکارڈ ہوئیں-

    کورونا وبا: مزید 28 افراد جاں بحق، مثبت کیسز کی شرح 9.68 فیصد

  • لاہو:مختلف علاقوں میں بوندا باندی،مسلسل 4 روز تک بارشوں کا سلسلہ جاری رہے گا،محکمہ موسمیات

    لاہو:مختلف علاقوں میں بوندا باندی،مسلسل 4 روز تک بارشوں کا سلسلہ جاری رہے گا،محکمہ موسمیات

    لاہور کے مختلف علاقوں میں بونداباندی جاری ہے، محکمہ موسمیات کے مطابق مسلسل 4 روز تک بارشوں کا سلسلہ جاری رہے گا۔

    باغی ٹی وی :مغربی ہواؤں کا سلسلہ بلوچستان میں بھی داخل ہو گیا ہے، بلوچستان کے مختلف علاقوں میں موسلا دھار بارش جاری ہے، گوادر اور گردو نواح میں 7 گھنٹے تک بارش جاری رہی، جس سے گوادر کے نشیبی علاقے زیر آب آگئے۔

    محکمہ موسمیات کی کراچی میں بارش کی پیش گوئی

    جڑانوالہ اور گردونواح میں بوندا باندی کا سلسلہ جاری ہے تو میرپور آزاد اور گردونواح میں رات سے بارش کا سلسلہ جاری ہے، ساہیوال اور گردونواح میں بھی وقفے وقفے سے بارش ہو رہی ہے۔

    پاکستان میں جمادی الثانی کا چاند نظر نہیں آیا

    جب کہ کراچی میں آج شام یا رات سے گرج چمک کے ساتھ بارش کا امکان ہے محکمہ موسمیات کے مطابق کراچی میں مزید3 روز تک موسم ابر آلود رہے گا، کراچی کا موجودہ درجہ حرارت 18 سینٹی گریڈ ہے جبکہ 15 کلومیٹر فی گھنٹے کی رفتار سے ہوا چل رہی ہے۔

    جو مسجدیں گراتی ہے وہ میری حکومت نہیں،ڈاکٹر عامر لیاقت اپنے ہی لیڈر پر برس پڑے

    محکمہ موسمیات کا کہنا ہے کہ کراچی میں دن میں درجہ حرارت 20 سے 22 سینٹی گریڈ تک رہے گا۔

    دوسری جانب لاہور3 ماہ بعد آلودہ ترین شہروں کی فہرست میں 7 ویں نمبر پرآ گیا ہے، شہر کا ائیر کوالٹی انڈکس 180 ریکارڈ کیا گیا جبکہ گلبرگ 380 اے کیو آئی کے ساتھ آلودہ ترین علاقہ ہے۔

    پی ٹی آئی کا مسلم لیگ (ن) اور پیپلز پارٹی کے خفیہ اکاؤنٹس چھپانے کا دعویٰ

  • کراچی: بارش کے ساتھ اولے پڑنے کا امکان

    کراچی: بارش کے ساتھ اولے پڑنے کا امکان

    محکمہ موسمیات کے مطابق منگل کی شام سے رات کے درمیان کراچی میں گرج چمک کے ساتھ بارش کے دوران اولے پڑنے کا امکان 20 سے 30 فیصد ہے۔

    باغی ٹی وی : کراچی پروونشل ڈیزاسٹر مینجمنٹ اتھارٹی (پی ڈی ایم اے) سندھ نے آج (4 جنوری کی) رات سے 7 جنوری کے دوران بارشوں کا الرٹ جاری کر دیا محکمۂ موسمیات کا کہنا ہے کہ آج شام یا رات سے شہرِ قائد میں بارشوں کا امکان ہے۔

    کراچی کا موجودہ درجۂ حرارت 18 ڈگری سینٹی گریڈ ریکارڈ کیا گیا ہے جبکہ یہاں10 کلو میٹر فی گھنٹہ کی رفتار سے ہوائیں چل رہی ہیں جن میں نمی کا تناسب 49 فیصد ریکارڈ کیا گیا ہے۔

    ملک کے بالائی علاقوں میں برف باری اور بارش کا سلسلہ جاری

    موسمیاتی تجزیہ کار جواد میمن کا کہنا ہے کہ کراچی میں آج سے شروع ہونے والی بارش کے دوران اولے پڑنے کا امکان 20 سے 30 فیصد ہے موسم سرد ہو تو آبی بخارات جم کر اولے بن جاتے ہیں، شہر میں آخری بار اولے 18 دسمبر 2017ء کو پڑے تھے۔

    محکمۂ موسمیات کے چیف میٹرولوجسٹ سردار سرفراز کا کہنا ہے کہ کراچی میں آج سے شروع ہونے والی بارش سے سردی میں اضافہ ہو گا اور درجۂ حرارت سنگل ڈیجٹ میں جا سکتا ہے موسمِ سرما کا طاقت ور مغربی ہواؤں کا سلسلہ بلوچستان پر اثر انداز ہوا ہے، اس مغربی ہواؤں کے سسٹم نے جنوبی بلوچستان میں اچھی بارش برسائی ہے۔

    چیف میٹرولوجسٹ نے بتایا کہ شہرِ قائد میں 45 سے 54 کلو میٹر فی گھنٹہ کی رفتار سے ہوائیں چل سکتی ہیں، جبکہ شہر میں کہیں معتدل اور کہیں تیز بارش کا امکان ہے5 جنوری کی دوپہر تک کراچی میں وقفے وقفے سے بارش کا امکان ہے، جبکہ 5 جنوری کے بعد بارش میں وقفہ آ جائے گا مغربی ہواؤں کا سلسلہ 6 جنوری کی دوپہر سے ایک بار پھر سرگرم ہو گا، جس کے باعث 6 سے 7 جنوری کی صبح یا دوپہر تک بارش جاری رہ سکتی ہے۔

    لاہو:مختلف علاقوں میں بوندا باندی،مسلسل 4 روز تک بارشوں کا سلسلہ جاری رہے گا،محکمہ…

    چیف میٹرولوجسٹ سردار سرفراز کا یہ بھی کہنا ہے کہاس پورے سلسلے میں شہرِ قائد میں 40 سے 50 ملی میٹر بارش ہوسکتی ہے 8 جنوری سے شہر میں سردی کی شدت میں اضافہ ہو سکتا ہے، جبکہ درجۂ حرارت سنگل ڈیجٹ میں جا سکتا ہے۔

    دوسری جانب پی ڈی ایم اے سندھ کی جانب سے جاری کردہ مراسلے کے مطابق 4 جنوری سے 7 جنوری کے دوران کراچی، سکھر، شہید بے نظیر آباد، لاڑکانہ، جامشورو، میر پور خاص، دادو، بدین، ٹنڈو الہٰیار، ٹنڈو محمد خان، سانگھڑ، جیکب آباد، شکار پور، تھر پارکر، قمبر شہد اد کوٹ اور عمر کوٹ میں تیز ہواؤں اور طوفان کے ساتھ بارش کا امکان ہے۔

    پی ڈی ایم اے سندھ نے ممکنہ متاثرہ اضلاع کی انتظامیہ کو اس دوران الرٹ رہنے اور ضروری اقدام کرنے کی ہدایت کر دی۔

    ادھر مغربی ہواؤں کا طاقتور سلسلہ شمالی بلوچستان میں داخل ہو گیا، جس کی وجہ سے بلوچستان کے مختلف علاقوں میں موسلا دھار بارش جاری ہے محکمۂ موسمیات کے مطابق بارش برسانے والا سسٹم گوادر اور گرد و نواح میں داخل ہو چکا ہے گوادر شہر اور گرد و نواح میں موسلا دھار بارش کا سلسلہ رات گئے سے جاری ہے۔

    محبت کا جادو، پاکستانی نوجوان کو بھارتی صحرا میں لے گیا، پھر کیا ہوا؟

    گوادر کے دیگر علاقوں پسنی، جیوانی، سر بندن، اورماڑہ، پشکان گنز، پلیری، بُرز کپّر، دشت کُرمی میں گرج چمک کے ساتھ تیز بارش کا سلسلہ جاری ہے گوادر شہر میں بارش کے بعد سڑکیں اور گلیاں تالاب کا منظر پیش کرنے لگیں، بارش کا پانی گھروں میں بھی داخل ہو گیا، شہریوں کو مشکلات سامنا ہے۔

    بارش کے باعث شدید سردی میں بھی اضافہ ہو گیا ہے بارش کے بعد سے گوادر شہر میں بجلی کی فراہمی بھی معطل ہے، ضلعی انتظامیہ نے ماہی گیروں کو 6 جنوری تک کھلے سمندر میں نہ جانے کی ہدایت پہلے ہی کر رکھی ہے محکمۂ موسمیات نے 3 سے 6 جنوری تک ضلع کے ساحلی علاقوں میں تیز ہوائیں چلنے اور بارشوں کا امکان ظاہر کیا ہے۔

    تیز بارش کے پیشِ نظر ڈپٹی کمشنر گوادر نے ماہی گیروں کی کشتیوں کو مشرقی ساحل سے مغربی ساحل کی طرف منتقل کرنے اور آج رات سے 6 جنوری تک ماہی گیروں کو کھلے سمندر میں نہ جانے کی ہدایت کی ہے۔

    گزشتہ روز محکمہ موسمیات کا کہنا تھا کہ مغربی ہواؤں کا ایک طاقتور سلسلہ آج شمالی بلوچستان میں داخل ہوگا، جس کے باعث منگل کی شام سے رات کے درمیان کراچی میں گرج چمک کے ساتھ بارش کا امکان ہے۔

    والہ ہنڈی کا غیر قانونی کاروبار کرنیوالا نیٹ ورک پکڑا گیا

    محکمہ موسمیات کا کہنا ہے کہ شہر میں بدھ کے روز بھی وقفے وقفے سے گرج چمک کے ساتھ کہیں درمیانی اور کہیں تیزبارش ہونے کا امکان ہے، اور اگلے 3 روز کے دوران شہر کا کم سے کم پارہ 14 سے 16 ڈگری اور زیادہ سے زیادہ درجہ حرارت 24 سے 26 ڈگری کے درمیان رہ سکتا ہے-

    محکمہ موسمیات کے مطابق بدھ کو بارش کے بعد زیادہ سے زیادہ درجہ حرارت مزید 4 سے 5 ڈگری کمی سے 19 سے 21 ڈگری کے درمیان رہنے کی توقع ہے۔

    تولیہ فیکٹری میں خوفناک آتشزدگی، لاکھوں روپے کا سامان جل گیا

    محکمہ موسمیات کے مطابق مغربی سلسلے کے اثرات بتدریج بالائی سندھ کی جانب بڑھیں گے، اور بعدازاں مغربی سسٹم کے اثرات پورے ملک میں پھیل جائیں گے اس سٹم کے نتیجے میں دادو، جام شورو، شہید بےنظیر آباد، جیکب آباد، شکارپور، سکھر، لاڑکانہ، قمبر شہداد کوٹ میں منگل اور بدھ کے درمیان گرج چمک کے ساتھ موسلا دھار بارشیں ہونے کا امکان ہے۔

    عثمان بزدار کو بڑی یقین دہانی کروا دی گئی

    جبکہ کراچی، حیدرآباد سانگھڑ، بدین، ٹھٹھہ، میرپور خاص، ٹنڈو الہ یار، ٹنڈو محمد خان، عمر کوٹ اور تھر پارکر میں 5 سے 6 جنوری کے درمیان متوازن اور تیز بارشیں ہوسکتی ہیں۔

    وزیراعظم عمران خان سمیت دیگر اراکان اسمبلی کی ٹیکس تفصیلات سامنےآ گئیں

  • پنجاب اور خیبر پی کے میں دھند کا راج :بارشوں کی خوشخبری بھی آگئی

    پنجاب اور خیبر پی کے میں دھند کا راج :بارشوں کی خوشخبری بھی آگئی

    اسلام آباد:پنجاب اور خیبر پی کے میں دھند کا راج :بارشوں کی خوشخبری بھی آگئی ،اطلاعات کےمطابق پنجاب اور خیبرپختونخوا کے میدانی علاقوں میں دھند کے باعث موٹر وے کے کئی سیکشن بند کردئیے گئے۔

    ذرائع کے مطابق بارشوں کے باوجود پنجاب اور خیبر پختونخواہ میں دھند نہ چھٹ سکی، کئی مقامات پر دھند کے ڈیر ے ہیں جس کے باعث موٹر وے کے کئی سیکشن بند کردئیے گئے ہیں۔

    موٹر وے حکام کے مطابق موٹر وے ایم ون پشاور سےبرہان تک ایم ٹو ٹھوکر نیازبیگ سےشیخوپورہ تک اور ایم تھری فیض پور سےننکانہ تک دھند کےباعث بند کردی گئی ہے۔

    موٹر وے پولیس نے عوام کو ہائی وے پر غیر ضروری سفر سے روکنے کی ہدایت کرتے ہوئے گاڑیوں کے مالکان کواحتیاطی تدابیر اخیتار کرنے اور دوران سفر فوگ لائٹ استعمال کرنےکا مشورہ دیا ہے۔

    بلوچستان کے شمالی اضلاع میں بارش برسانے والا سسٹم بدستور موجود ہے۔محکمہ مو سمیات نے 2 جنوری سے 6 جنوری تک صوبے کے مختلف علاقوں میں بارش اور برف باری کی پیشگوئی کردی۔

    محکمہ موسمیات کے مطابق 2 جنوری سے کوئٹہ، زیارت، پشین، ژوب، قلعہ عبداللّٰہ، نو کنڈی، دالبندین، نوشکی، تربت، پنجگور، گوادر، پسنی، جیونی، لسبیلہ، قلات، خضدار، مستونگ، نصیر آباد، جعفر آباد، جھل مگسی، بولان، سبی، کوہلو، بارکھان میں شروع ہو نے والا بارشوں کاسلسلہ 6جنو ری تک جاری رہنے کا امکان ہے۔

    اس دوران کوئٹہ، پشین، زیارت، قلعہ عبداللّٰہ، ہرنائی، چمن میں شدید برف باری کی بھی توقع ہے۔محکمہ موسمیات کے مطابق 3 سے 5 جنوری کے دوران سبی، بولان، قلات، خضدار، نصیر آباد کے ندی نالوں میں طغیانی کا امکان ہے۔

  • محکمہ موسمیات کی آئندہ ہفتے بارشوں اور برفباری کی پیش گوئی

    محکمہ موسمیات کی آئندہ ہفتے بارشوں اور برفباری کی پیش گوئی

    محکمہ موسمیات نے آئندہ ہفتے بارشوں اور برفباری کی پیش گوئی کی ہے-

    باغی ٹی وی : محکمہ موسمیات کے مطابق خیبر پختونخوا کے بیشتر اضلاع میں پیرسے بارش اور پہاڑوں پر برفباری کا امکان ہے جبکہ ،چترال، دیر، سوات، مالاکنڈ، کوہستان، شانگلہ اورمانسہرہ میں بارش متوقع ہے۔

    تھرپارکر:بچوں کی اکثریت غذائی قلت، کم وزنی اور بونا پن کی شکار

    محکمہ موسمیات کے مطابق ایبٹ آباد، ہری پور، مردان، نوشہرہ، پشاور، کوہاٹ اورباجوڑ میں بارش کا امکان ہے۔ گلیات، ناران، کاغان چترال، دیر، سوات اور مالم جبہ کے پہاڑوں پر برفباری متوقع ہے۔

    کراچی کا ساحل نوگو ایریا قرار دے دیا گیا

    محکمہ موسمیات کی جانب سے بالائی اضلاع میں تیز بارش اور برفباری کے باعث روڈ بندش اور لینڈسلاڈینگ کا خدشہ بھی ظاہر کیا گیا ہے جبکہ بارشوں اور برفباری کا سلسلہ پیر سے جمعرات تک جاری رہنے کی پیش گوئی کی گئی ہے۔

    مقبوضہ کشمیر:مندر میں بھگدڑ سے 12 ہندو یاتری ہلاک 20 زخمی

    علاوہ ازیں بلوچستان کے مختلف اضلاع میں بھی آج سے بارش اور پہاڑوں پر برف پڑنے کا امکان ہے محکمہ موسمیات نے چمن، قلعہ عبداللہ، قلعہ سیف اللہ، زیارت، کوئٹہ اورملحقہ علاقوں میں بارش اور برفباری کی پیش گوئی کی ہے۔

    پاکستان میں کورونا مثبت کیسز کی شرح میں اضافہ

    محکمہ موسمیات کے مطابق بلوچستان کے بیشتر اضلاع میں سخت سردی اور سرد ہواوں کا راج رہے گا گزشتہ چوبیس گھنٹے میں کوئٹہ میں کم سے کم درجہ حرارت منفی 2 گری سینٹی گریڈ کیا گیا ۔زیارت میں کم سے کم درجہ حرارت منفی4 اور قلات میں کم سے کم درجہ حرارت منفی3گری سینٹی گریڈ کیا گیا۔

    2022 اہم سال ، پاک بھارت ٹاکروں کا سال،دنیا کی نظریں لگ گئیں

  • ملک میں موسم سرما کی پہلی بارش اور برفباری،جاڑے نے رنگ جما دیا

    ملک میں موسم سرما کی پہلی بارش اور برفباری،جاڑے نے رنگ جما دیا

    ملک میں بارشوں کے سسٹم نے بلوچستان کے راستے انٹری دے دی جس سے خشک سردی کا خاتمہ جب کہ سردی کی شدت میں اضافہ ہوگیاکوئٹہ سمیت شمالی بلوچستان کے مختلف علاقوں میں موسم سرما کی پہلی بارش اور برف باری کے بعد موسم شدید سرد ہو گیا۔

    باغی ٹی وی :گزشتہ رات مغربی ہواؤں کا سسٹم ایران کی سمت سے بلوچستان میں داخل ہوا جس کے بعد کوئٹہ، مستونگ، ژوب، کوہلو، قلعہ عبداللہ، قلعہ سیف اللہ، چمن اور بارکھان میں گرج چمک کے ساتھ بارش ہوئی، خانوزئی اور قلات میں ہلکی برفباری کے بعد یخ بستہ ہوائیں چل رہی ہیں بلوچستان میں بارشوں سے برساتی ندی نالوں میں طغیانی کی وارننگ بھی دی گئی ہے جبکہ جنوبی پنجاب کے مختلف علاقوں میں بھی بارش کا سلسلہ شروع ہو گیا۔

    دھند اور رات کے اندھیرے میں الیکشن کمیشن تحلیل کردیا گیا

    سوات اور مالم جبہ میں بھی برفباری کے بعد موسم شدید سرد ہو گیا ہے جب کہ لاہور سمیت پنجاب کے بیشتر اضلاع میں آج مطلع ابر آلود اورموسم سرد ہے،چشتیاں، سرائے مغل، گگومنڈی، فقیر والی، بورے والا ، بہاولنگر، سانگلہ ہل، پاکپتن میں صبح کے وقت بوندا باندی ہوئی۔

    رپورٹس کے مطابق کراچی میں مختلف علاقوں میں بوندا باندی شروع ہوگئی ہے کراچی میں اسکیم 33 اور اطراف، لسبیلہ، گرومندر، ایم اے جناح روڈ پر ہلکی بوندا باندی ہورہی ہے-

    بہترین اوقات جن میں پانی پینا انتہائی مفید ثابت ہوتا ہے

    محکمہ موسمیات کے مطابق کراچی میں آج رات سے ہلکی بارش کا سلسلہ شروع ہونے کی توقع ہے اور ہلکی بارش کا سلسلہ کل رات تک وقفے وقفے سے جاری رہ سکتا ہے۔

    محکمہ موسمیات کا کہنا ہے کہ کراچی میں 28 دسمبر سے سردی کی نئی لہر آنے کی توقع ہے، سردی کی نئی لہر کے اثرات 5 جنوری تک برقرار رہ سکتے ہیں، سردی کی لہر میں درجہ حرارت 10 ڈگری سے نیچے بھی جاسکتا ہے۔

    ملک کے مختلف علاقوں میں بارش اور برفباری متوقع

    محکمہ موسمیات کے مطابق آج دن بھر مطلع ابر آلود رہنے کا امکان ہے، کراچی میں آج کم سے کم درجہ حرارت 17 ڈگری سینٹی گریڈ ریکارڈ ہوا، آج کم سے کم حدِ نگاہ ایک کلومیٹر رہی جب کہ آج ذیادہ سے ذیادہ درجہ حرارت 26 ڈگری سینٹی گریڈ رہنے کی توقع ہے۔

    واضح رہے کہ گزشتہ روز محکمہ موسمیات نے پیش گوئی کی تھی کہ ملک میں بارشوں کا سبب بننے والا مغربی ہواؤں کاسلسلہ بلوچستان میں داخل ہو چکا ہے جس کے باعث ملک کے بیشتر اضلاع میں گہرے بادلوں کا راج ہے اورسردی کی شدت میں بھی اضافہ ہوا ہے-

    کراچی پریس کلب انتخابات: ”دی ڈیمو کریٹس کاپھر کلین سوئپ،سعید غنی کی مبارکباد

    کل سے لاہور، گوجرانوالہ، سیالکوٹ، فیصل آباد اور جنوبی پنجاب میں بارش متوقع ہے اس کے علاوہ کراچی،سکھر ،میر پور خاص سمیت متعدد شہروں میں تیز ہواوں کے ساتھ بارش کا امکان ہے اتوار کو بلوچستان ،خیبر پختونخوا، پوٹھوہار، وسطی/جنوبی پنجاب،گلگت بلتستان اورکشمیر میں بارش اور برفباری کا امکان ہے۔ اس دوران پنجاب کے میدانی علاقوں میں رات و صبح کے اوقات میں دھند اور اسموگ چھائے رہے گی-

    دوسری جانب اسلام آباد، راولپنڈی، چکوال، جہلم ، گجرات میں بھی بارشوں کا امکان ہے جبکہ نیلم، مری، گلیات، کاغان ناران، سکردو، گلگت، استور، ہنزہ، چترال، سوات مالم جبہ میں برفباری متوقع ہے۔

    سابق فاسٹ باؤلر شعیب اختر کی والدہ انتقال کر گئیں

  • محمکمہ موسمیات نے دھند اور سموگ سے پریشان شہریوں کو خوشخبری سنا دی

    محمکمہ موسمیات نے دھند اور سموگ سے پریشان شہریوں کو خوشخبری سنا دی

    محکمہ موسمیات کے مطابق پنجاب اور خیبر پختونخوا کے بیشتر علاقوں میں آج سے بارشیں شروع ہونے کا امکان ہے ۔

    باغی ٹی وی :تفصیلات کےمطابق ڈائریکٹرمیٹ آفس ڈاکٹر ظہیربابر کاکہنا تھا کہ سندھ اور بلوچستان کےمختلف علاقوں میں کل سے بارشوں کاامکان ہےبارشوں سے پنجاب اور سندھ کے مختلف علاقوں میں دھند اور آلودگی میں کمی ہو گی ۔

    ڈاکٹر ظہیربابر کے مطابق ملک کے پہاڑی علاقوں میں برفباری متوقع ہے اس لیے شہری احتیاط کریں ۔ان کا کہناتھا کہ آزاد کشمیر ، گلگت بلتستان اور کے پی کے کے بالائی علاقوں میں سردی کی شدت میں اضافہ ہوگا۔

    کورونا وبا:مزید 4 افراد جاں بحق ، 322 نئے کیسز رپورٹ

    دوسری جانب فضائی آلودگی کے اعتبار سے بھارتی دارالحکومت نئی دہلی آج دنیا کا آلودہ ترین شہر قرار پایا ، پاکستان کا شہرلاہور فہرست میں دوسرے جبکہ بنگلہ دیش کا دارالحکومت ڈھاکہ تیسرے نمبر پر ہے ۔

    دنیا کے آلودہ ترین شہروں کی فہرست میں بھارتی شہر کلکتہ چوتھے ، چین کا شہر ووہان پانچویں ،چونگ کنگ چھٹے ، چینگڈو ساتویں ، ویتنام کا شہر ہنوئی آٹھویں ،نیپال کا شہر کٹھمنڈو نویں اور پاکستان کا شہر کراچی دسویں نمبر پر ہے ۔

    گوگل کا معین اختر کی سالگرہ پر خراج تحسین

    محکمہ تحفظ ماحولیات پنجاب کے مطابق لاہور میں ٹاؤن ہال میں ائیر کوالٹی انڈیکس 303 ، ٹاؤن شپ سیکٹر ٹو میں 201، نیشنل ہاکی اسٹیڈیم لاہور کا ائیر کوالٹی انڈیکس 297ریکارڈ کیا گیا فیصل آباد میں ائیر کوالٹی انڈیکس 176، رحیم یار خان میں 166انڈیکس ریکارڈ کیا گیا۔

    محکمہ تحفظ ماحولیات کے مطابق یہ تمام ڈیٹا 24 گھنٹے کی بنیادپر مرتب کیا گیا ہے۔

    آرمینیا نے پاکستان کیساتھ تعلقات استوار کرنے کی خواہش کا اظہارکردیا

  • 25 دسمبر سے سردی کی شدید لہر پاکستان میں داخل ہونے کی پیش گوئی،52 سالہ ریکارڈ ٹوٹنے کا امکان

    25 دسمبر سے سردی کی شدید لہر پاکستان میں داخل ہونے کی پیش گوئی،52 سالہ ریکارڈ ٹوٹنے کا امکان

    محکمہ موسمیات نے 25اور 26 دسمبر 2021 کو سردی کی شدید ترین لہر کے پاکستان میں داخل ہونے کی پیش گوئی کی ہے جس سے سردی کا52 سالہ ریکارڈ ٹوٹنے کا امکان ہے-

    باغی ٹی وی : ہیڈ کوارٹر ائیر پورٹس سیکیورٹی فورس کی جانب سے مراسلہ جاری کیا گیا ہے جس کے مطابق 25اور 26 دسمبر 2021 کو سردی کی شدید ترین لہر کے پاکستان میں داخل ہونے کا امکان ہے جس کے باعث درجہ حرارت 1 تا 2ڈگری سینٹی گریڈ تا منفی 1 تامنفی 2 ڈگری سینٹی گریڈ تک گر سکتا ہے جس سے سردی کا 52 سالہ ریکارڈ بھی ٹوٹ سکتا ہے-

    محکمہ موسمیات کی کراچی کا درجہ حرارت بڑھنے کی پیش گوئی


    مراسلے کے مطابق سائیبیریا سے آنے والی یہ سرد ہوائیں 28 تا 29 دسمبر 2021 کو تمام عام معمولات زندگی کاروبار نقل و حمل اور ماحول کو بری طرح متاثر کر سکتی ہیں اور اسی دوران 26دسمبر کو صبح 8 بج کر 41 منٹ تا صبح 10 بج کر 41 منٹ تک مکمل سورج گرہن ہو گا اور بتدریج درجہ حرارت گرنے کا خدشہ ہے جس سے سردی کی شدت مزید بڑھ سکتی ہے جس سے تمام افسران و اہل کاران کے متاثر ہونے کا امکان ہے-

    مراسلے میں بتایا گیا کہ مذکورہ بالا کی بناء پر آپ اپنے زیر کمان افسران و اہلکاران کو تاکید کریں کہ ان آمد و موسمی حالات سے بچنے کے لیے مناسب گرم لباس پہنیں اور گھر سےبلا ضرورت باہر نہ نکلیں اس سردی کی شدید لہر سے سانس اور دمہ کے مریض سب سے زیادہ متاثر ہونگے اور تمام اہل خانہ خصوصاً چھوٹے بچے سردی / موسمی تبدیلی سے لاحق ہونے والے امراض مثلاً نمونیہ وغیرہ سے محفوظ رہ سکیں-

    اومیکرون، برطانیہ سے پاکستان آنیوالوں کی سخت چیکنگ ہوگی

    گرم علاقوں میں بسنے والے لوگ اتنی بڑی موسمیاتی تبدیلیوں سے ناآشنا ھونے کی وجہ سے اسں کا شکار ہو سکتے ہیں لہذا گرم لباس کے پہنے بغیر گھر سے باہر مت نکلا جائے اور اپنے اردگرد بسنے والے غریب لوگوں کو آگاہ کریں اور گرم کپڑوں سے ان کی مدد ضرور کریں۔

    اس سے قبل محکمہ موسمیات نے منگل سے کراچی کا درجہ حرارت بڑھنے کی پیش گوئی کی تھی محکمہ موسمیات کے ارلی وارننگ سینٹر کی پیش گوئی کے مطابق منگل سے کئی روز سے جاری سردی کی لہر میں کمی جبکہ شہر کا درجہ حرارت بڑھنے کی توقع ہے، کم سے کم پارہ 15 سے 17 اور زیادہ سے زیادہ 25 سے 27 ڈگری کے درمیان رہنے کا امکان ہے-

    24 گھنٹوں کے دوران مطلع صاف اور جزوی طور پر ابر آلود رہ سکتا ہے، اس دوران رات سرد جبکہ صبح کے وقت دھند چھاسکتی ہے۔ اگلے دوروز کے دوران شہر میں سمندر کی جنوب مغربی سمت کی ہوائیں چل سکتی ہیں۔

    اومی کرون ویریئنٹ کی علامات سامنے آگئیں

  • محکمہ موسمیات کی کراچی کا درجہ حرارت بڑھنے کی پیش گوئی

    محکمہ موسمیات کی کراچی کا درجہ حرارت بڑھنے کی پیش گوئی

    محکمہ موسمیات نے منگل سے کراچی کا درجہ حرارت بڑھنے کی پیش گوئی کی ہے-

    باغی ٹی وی : محکمہ موسمیات کے ارلی وارننگ سینٹر کی پیش گوئی کے مطابق منگل سے کئی روز سے جاری سردی کی لہر میں کمی جبکہ شہر کا درجہ حرارت بڑھنے کی توقع ہے، کم سے کم پارہ 15 سے 17 اور زیادہ سے زیادہ 25 سے 27 ڈگری کے درمیان رہنے کا امکان ہے۔

    بلدیاتی انتخابات نے ثابت کردیا کہ گزشتہ الیکشن میں دھاندلی ہوئی تھی،مولانا فضل الرحمان

    محکمہ موسمیات کے مطابق 24 گھنٹوں کے دوران مطلع صاف اور جزوی طور پر ابر آلود رہ سکتا ہے، اس دوران رات سرد جبکہ صبح کے وقت دھند چھاسکتی ہے۔ اگلے دوروز کے دوران شہر میں سمندر کی جنوب مغربی سمت کی ہوائیں چل سکتی ہیں۔

    پیر کو شہر کا کم سے کم پارہ 10 ڈگری سینٹی گریڈ جبکہ زیادہ سے زیادہ 27 ڈگری سینٹی گریڈ ریکارڈ ہوا۔

    بلدیاتی الیکشن: ساس نے بہو کو شکست دے دی

    چوہدری پرویز الہی اورعثمان بزدارکی بلدیاتی الیکشن میں ملکرحصہ لینےکےحوالے سے…

    بحریہ انکلیو میں گولیاں چل گئیں، سیکورٹی گارڈ جاں بحق