Tag: مریم نواز

پنجاب میں ایک لاکھ صارفین کے لئے سی ایم پنجاب فری سولر پینل سکیم کی لانچنگ کر دی گئی-

وزیراعلی مریم نوازشریف نے سی ایم پنجاب فری سولر پینل سکیم کا باقاعدہ افتتاح کردیا-پنجاب کے صارفین آج سے ہی ایس ایم ایس یاآن لائن پورٹل پر گھر بیٹھے اپلائی کرسکتے ہیں -وزیراعلی مریم نوازشریف نے اس موقع پر گفتگو کرتے ہوئے کہاکہ فری سولر پینل سکیم کا مقصد عوام کو مہنگی بجلی سے مستقل ریلیف ہے-فی یونٹ 14روپے سبسڈی سے پنجاب کے 73لاکھ صارفین مستفید ہوئے-عوام کے وسائل عوام کی سہولت اور ریلیف کے لئے ہی خرچ ہوں گے-صوبائی سیکرٹری انرجی نے سی ایم پنجاب فری سولر پینل سکیم کے بارے میں بریفنگ دی اور بتایاکہ سی ایم پنجاب فری سولر پینل سکیم کے تحت سال بھر میں ایک لاکھ سولر سسٹم لگائے جائیں گے -صوبہ میں ماہانہ 200 یونٹ تک صرف کرنے والے صارفین کو سولر سسٹم مفت دیا جائے گا-100یونٹ ماہانہ صرف کرنے والے صارفین کو 550واٹ کا مفت سولر سسٹم دیاجائے گا- 200یونٹ تک ماہانہ بجلی صرف کرنے والے صارفین کو 1100واٹ کا سولر سسٹم مفت دیاجائے گا -بریفنگ میں مزید بتایا گیا کہ سی ایم فری سولر پینل سکیم کی رجسٹریشن کیلئے پورٹل ”cmsolarscheme.punjab.gov.pk“ پر آن لائن اپلائی کیا جا سکتا ہے- پنجاب کے صارفین فری سولر پینل سکیم کے لئے 8800پرایس ایم ایس بھیج کر بھی رجسٹریشن کراسکتے ہیں – صارفین کے ماہانہ بل پر درج ریفرنس نمبر اور سی این آئی سی نمبر سے ویری فکیشن کی جائے گی -سی ایم پنجاب فری سولر پینل سکیم میں شفافیت یقینی بنانے کیلئے کمپیوٹرائزڈ قرعہ اندازی کی جائے گی-

فری سولر پینل حاصل کرنے والے صارفین کی معاونت او ررہنمائی کے لئے ہیلپ لائن بھی قائم کی جائے گی -سولر پینل اور انورٹر کو چوری سے بچانے کے لئے صارف کے کمپیوٹرائزڈ شناختی کارڈ سے منسلک کیا جائے گا-پنجاب میں ایک لاکھ سولر سسٹم انسٹال کرنے سے 57ہزار ٹن کاربن کااخراج کم ہوگا -فری سولرپینل سکیم سے وفاقی حکومت پر بھی سبسڈی کا بوجھ کم ہوگا-

چین سے 12ہزار میگاواٹ کے سولر پینل کی درآمد متوقع

لاہور:پاکستان کوکلئیر ویلفیئر آرگنائزیشن کا پہلا باضابطہ اجلاس،اہم فیصلے کئے گئے

پیدائشی سماعت سے محروم بچوں کے کامیاب آپریشن کے بعد”پاکستان زندہ باد” کے نعرے

اقلیتی برادری کے لیے سولر پینلز کی تقسیم: وفاقی حکومت کا اہم اقدام

ے سندھ کی عوام کو مفت سولر پینل کی فراہمی کے حوالہ سے خوشخبری

200 یونٹ تک استعمال کرنے والے عوام 14 اگست سے مفت سولر پینل حاصل کر سکیں گے

500یونٹ تک خرچ کرنے والے 45لاکھ صارفین کے لئے سولر سسٹم لا رہے ہیں

وزیر اعلیٰ پنجاب مریم نواز شریف پاکستان کے سب سے بڑے ہونہار سکالرز شپ لانچنگ کے لئے پنجاب یونیورسٹی پہنچ گئیں

ہونہار سکالرز شپ حاصل کرنے والے طلبہ کو پولیس کے چاق و چوبند دستے نے گارڈ آف آنر پیش کیا،سیکرٹری ہائر ایجوکیشن ڈاکٹر فرخ نوید نے ہونہار سکالرز شپ سکیم کی تفصیلات بیان کیں،ڈاکٹر فرخ نوید نے کہا کہ پہلی مرتبہ پاکستان کی 15 پرائیویٹ یونیورسٹیوں کی طلبہ بھی سکالرشپ کی حامل کرینگے۔ میٹرک اور انٹرمیڈیٹ کے پوزیشن ہولڈر بھی سکالرز شپ حاصل کر سکیں گے۔ہونہار سکالرشپ حاصل کرنے والی بی فارمیسی کی طالبہ حمنہ مقصود نے طلبہ کی نمائندگی کرتے ہو ئے وزیر اعلی مریم نواز کاشکریہ ادا کیا

وزیراعلی پنجاب مریم نواز نے ہونہار سکالرشپ پروگرام کی افتتاحی تقریب سے خطاب میں کہا کہ ہونہار سکالر شپ پروگرام سے وسائل رکھنے والے طلباء کے خواب حقیقت بنیں گے،جو محبت اور فکر میں اپنے بچوں کے لیے محسوس کرتی ہوں، ویسی ہی پنجاب کے بچوں کے لیے محسوس کرتی ہوں،میں آج وزیراعلیٰ یا سیاسی لیڈر کے طور پر نہیں بلکہ ایک ماں کے طور پر خطاب کر رہی ہوں،میرے تین بچے ہیں، دو بیٹیاں، ایک بیٹا، میں آگے چل کربتاؤن گی کہ بچوں کے لئے کیا سوچتی ہوں، جو انکے لئے سوچتی ہوں وہ ذمہ داری کم، آپکی ذمہ داری زیادہ لگتی ہے، ریاست ماں کی طرح ہوتی ہے اور ہونا چاہئے، ایک ایسی چیف ایگزیکٹو ہے صوبے کی جو آپ کے مستقبل کے لئے کام کر رہی ہے، دن رات ایک ماں بن کر سوچ رہی ہے،30ہزار اسکالر شپس میں 12 ہزار لڑکے اور 18 ہزار لڑکیاں شامل ہیں۔ہونہار سکالرشپ پروگرام میں میڈیکل کالج ، لمز ، جے آئی کے اور فاسٹ بھی شامل ہیں۔

مریم نواز نے طلبا سے خطاب کرتے ہوئے مزید کہا کہ میرے پاس پنجاب یونیورسٹی کی ڈگری ہے،میں ہونہار طلبہ کو اپنا سلام پیش کرتی ہوں، آپ کے مستقبل کے لیے دن رات سوچتی ہوں، آج طلبہ کو صرف اسکالرشپس نہیں، بلکہ میرٹ پر محنت کا صلہ مل رہا ہے، پولیس کے دستے نے آج آپ کی محنت کو گارڈ آف آنر پیش کیا ہے۔ پنجاب کا کوئی بچہ فیس نہ ہونے کے باعث اعلیٰ تعلیم سے محروم نہیں رہے گا،آپ کی تعلیم آپ کے والدین سے زیادہ میری ذمہ داری ہے، 30 ہزار اسکالرشپس کے لیے 70 ہزار درخواستیں آئیں، 60 فیصد اسکالرشپس طالبات کو مل رہی ہیں، 30 ہزار اسکالرشپس میں سے 18 ہزار لڑکیوں اور 12 ہزار لڑکوں کو مل رہی ہیں،نوازشریف انٹرنیٹ سٹی بنا رہے ہیں، اور انٹرنیشنل یونیورسٹیز کے کمپیس یہاں لائیں گے۔کہا جاتا ہے کونسا اپنی جیب سے پیسہ لگا رہے ہیں عوام کا پیسہ ہے عوام پر لگ رہا ہے۔سیاستدان وہ ہوتا ہے جو نئی نسل پر سرمایہ کاری کرے۔

وزیراعلیٰ پنجاب مریم نواز کا کہنا تھا کہ نواز شریف کی بیٹی ہوں، جو وعدہ کرتی ہوں وہ پورا کرتی ہوں، لیپ ٹاپ بھی لے کر آ رہی ہوں،یہ وعدہ کر کے جا رہی ہوں، یہ تین چار سال کی تعلیم نہیں دیکھ رہی آگے تعلیم حاصل کریں گے تو وہ اخراجات بھی اٹھائیں گے، میں وعدہ کرکے جا رہی ہوں،ایک ماں کے طور پر ،تعلیم حاصل کر کے نوکری نہ ملے تو یہ ناکامی،روزگار نہ ملے تو ناکامی،آج سے میں نے کام شروع کیا ہے جب آپ ایک ڈگری لے کر نکلو تو آپ کو کام کا موقع ملے، باہر ملک نہ جانا پڑے،یہی ہماری توانائیاں،محنت جو باہر جا کر کرتے اپنے ملک میں کریں تو دیکھیں ملک کتنی ترقی کرے، پاکستان کو اللہ نے بہت نعمتیں دی ہیں،بچے بین الاقوامی یونیورسٹیوں میں باہر جاکر پڑھنا چاہتے ہیں وہ مہنگا پراجیکٹ ہے لیکن اپنے بچوں سے زیادہ مہنگا کچھ نہیں ہے، ہماری پوری کوشش ہے کہ باہر جاکر پڑھنے کا بچوں کا پورا خرچہ ہم اٹھائیں

وزیراعلیٰ پنجاب مریم نواز کا مزید کہنا تھا کہ ایسا نہیں ہوسکتا کہ آپ اپنے بچوں کو محفوظ جگہ پر بٹھایا ہوا ہے اور ان پر آنچ بھی نہیں آسکتی اور قوم کے بچوں کو آپ نے مار کھانے اور مارنے کے لیے قوم کے بچوں کو رکھا ہوا ہے،میں مثبت چیز کی ترغیب دوں گی، اگر جلاؤ گھیراؤ کرنا ہے تو میرے بچوں کو سب سے آگے کھڑا ہونا چاہئے وہ آگے نہیں ہیں تو اسکا مطلب ہے یہ کہ درست اور محفوظ نہیں، رینجرز اور پولیس پر گولیاں چلائی گئیں،طلباء کے ہاتھ میں پتھر کیلوں والے ڈنڈے اور شیل نہیں دیکھنا چاہتی۔طالب علم پڑھتا ہوا اچھا لگتا ہے ڈی چوک میں بیٹھا ہوا اچھا نہیں لگتا۔جیل میں بیٹھے شخص سے سزا نہیں کاٹی جارہی، اس نے بار بار کال دی، ہر کال بری طرح فیل ہوئی

وزیراعلیٰ پنجاب مریم نواز نے سابق وزیر اعظم عمران خان کو مخاطب کرتے ہوئے کہا ہے کہ چار سال حکومت کی ہے اب آرام سے جیل کاٹو۔

لاہور میں ستھرا پنجاب پروگرام کی تقریب سے خطاب کرتے ہوئے انہوں نے کہا کہ سلمان اکرم راجہ کہتےہیں لاہور میں کسی کو نکلنے نہیں دیاگیا جب لوگ نکلتے ہیں تو انہیں روکنا کسی پولیس، انتظامیہ اور حکومت کے بس میں نہیں ہوتا، جب کوئی نکلا ہی نہیں تو آپ کو نظر کون آتا؟ یہ محض اتفاق نہیں ہے کہ ان کی ہر کال بری طرح پٹ گئی، ناکام ہوگئی، اس کی ایک وجہ مجھے سمجھ آتی ہے اور آپ کو بھی سمجھ آتی ہے، جب لوگ تنگ، بے چین اور بے آرام ہوتے ہیں، ان کی زندگیوں میں تکلیف اور پریشانی ہوتی ہے تو لوگ نکلتے ہیں۔پاکستان سے سیاسی گند کا صفایا کرنے کا وقت آ گیا، ملک کے آگے بڑھنے کیلئے ان کو ختم ہو جانا چاہیئے، پوائنٹ بلینک رینج سے گولی چلائیں گے تو کیا سکیورٹی فورسز پھولوں کے ہار پہنائیں، یہ پیار محبت والے سلوک کے مستحق نہیں، پنجاب اور پاکستان سے سیاسی گند کا صفایا زیادہ ضروری ہے۔ان کا کہنا تھا کہ میں نے خود 4 سال سڑکوں، گلیوں، محلوں میں عوام کے درمیان گزارے ہیں، جلسے جلوس کیے ہیں، دنیا رات کو 4 بجے بھی امڈ کے آتی تھی، انہیں کوئی روک نہیں سکتا تھا لیکن آج یہ بات بڑی سننے کو ملتی ہے کہ ہم نے تو انہیں جلسے جلوس کی اجازت دی مگر یہ ہمیں اجازت نہیں دیتے، ہم نے 5،6 سال جلسے بھی کیے جلوس بھی کیے اور ہفتے میں کئی کئی بار کیے، کوئی یہ نہیں کہہ سکتا مریم نواز، مسلم لیگ ن یا پی ڈی ایم کے جلسے میں کوئی ایک گملا بھی ٹوٹا، جب آپ خود کو جمہوریت پسند کہتے ہیں تو آپ کے طریقے بھی وہی ہونے چاہئیں۔وزیراعلیٰ پنجاب نے کہا کہ جمہوریت میں آپ ظلم بھی برداشت کرتے ہیں، اس ظلم کے خلاف احتجاج بھی کرتے ہیں آواز بھی اٹھاتے ہیں لیکن تشدد کا راستہ اختیار نہیں کرتے، مریم نواز نے کوئی دیوار، گملا، شیشہ یا میٹرو کا جنگلا توڑا یا کسی ریاستی ادارے کے دفتر کو آگ لگائی ہے تو کوئی بتادے لیکن اڈیالہ جیل میں ماسٹر مائنڈ بیٹھا ہے اُس سے جیل نہیں کاٹی جارہی، پہلے ایسی حرکتیں نہیں کرنی تھیں ناں، 2014ء سے لے کر آج تک ان کا ایک دھرنا دکھا دیں جو پُرامن ہو، ان کو ابھی کُھل کر کھیلنے کی اجازت نہیں، سوچیں ان کو کُھل کر کھیلنے کی اجازت مل جائے تو یہ خون کی ندیاں بہا دیں، ان کیلئے کوئی ریڈ لائن نہیں.

پاکستان کا سکیورٹی کونسل میں مسلم ممالک کی مستقل نشست کا مطالبہ

پی ٹی آئی کو کہیں نہ کہیں دشمن ملک سے سپورٹ مل رہی ہے، سعید غنی

لاہور:وزیراعلیٰ پنجاب مریم نواز نے کہا ہے کہ احتجاج کا حق ضرور ہے مگر کوئی احتجاج کے لیے ہتھیاروں سے لیس ہوکر نہیں آتا بیٹھ کر بات کرتا ہے۔

باغی ٹی وی : لاہور میں ’’ستھرا پنجاب‘‘ کی تقریب سے خطاب کرتے ہوئے انہوں نے کہا کہ شہباز شریف کے جانے کے چار سال بعد مجھے جو پنجاب ملا اس میں تمام وہ سڑکیں ٹوٹی ہوئی تھیں جو شہباز شریف بناکر گئے تھے، صفائی کا نظام بھی نہیں تھا، مفت دوا ئیں بند ہوچکی تھیں اسپتالوں کا برا حال تھا، میٹرو بس کا ٹریک بھی ٹوٹ پھوٹ کا شکار تھا اگر شہباز شریف کی حکومت چلتی رہتی تو پنجاب آج نجانے کہاں ہوتا۔

انہوں ںے کہا کہ ہم کچرا اٹھانے کا نظام متعارف کرارہے ہیں کچرا آپ کے گھر سے اٹھایا جائے گا اور گاربیج تک پہنچایا جائے گا، یہ نظام شہروں اور دیہات میں متعارف کرایا جارہا ہے یہ صرف حکومت کا کام نہیں ہر شخص کی ذمہ داری ہے،اس پروگرام کے تحت پنجاب میں ایک ہفتے کے اندر ایک لاکھ نئی نوکریاں سامنے آئیں گی، سڑکیں دھوئی جائیں گی، کچرا لینڈ فل سائٹ پہنچایا جائے گا، صفا ئی کے نئی آلات خرید لیے۔

انہوں ںے کہا کہ کوڑا صاف کرنے سے زیادہ ضروری ہے کہ سیاسی گند صاف کیا جائے، بار بار کال دی گئی کہ باہر نکلو، ماردو، جلادو، توڑ دو لیکن انہیں ہر بار منہ کی کھانی پڑی اور پنجاب میں ان کی کال پر ایک بندہ نہیں نکلا، میں نے کسی بھی شہر میں دو درجن سے زیادہ لوگ نکلتے نہیں دیکھے، سلمان اکرم راجا نے کہا کہ میں لاہور کی سڑکوں پر پھر رہا ہوں یہاں لوگوں کو جمع ہونے نہیں دیا جارہا، لوگ جب اکٹھے ہوکر آتے ہیں تو انہیں روکنا کسی کے بس میں نہیں ہوتا مگر جب کوئی نکلا ہی نہیں تو نظر کیسے آئے گا؟-

انہوں نے کہا کہ آج یہ بات سننے کو ملتی ہے کہ ہم نے انہیں جلسے جلوسوں کی اجازت دی مگر ن لیگ ہمیں نہیں دے رہی، ہم نے برسوں تک جلسے جلوس کیے مگر کوئی بتادے ہم نے کبھی کوئی گملا بھی توڑا ہو، مریم نواز نے کوئی شیشہ توڑا، کہیں آگ لگائی کوئی بتادے، احتجاج منع نہیں ہے وائلنس منع ہے سی ایم ایچ گئی تو درجنوں پولیس اور رینجرز کے جوانوں کو زخمی دیکھا، ان کی ہڈیاں ٹوٹی ہوئی تھیں انہیں آپ عوامی احتجاج کہتے ہیں؟ احتجاج کا جو ماسٹر مائنڈ جیل میں بیٹھا ہے اس سے قید نہیں کاٹی جارہی، ہم نے جیلیں کاٹیں مگر کبھی کسی نے سنا کہ احتجاج کی کال دی ہو کہ جلادو مارو شہر بند کردو نہ نواز شریف نے ایسی بات کی۔

مریم نواز نے کہا کہ کوئی مجھے ان کا ایک دھرنا دکھادے جو 2014 سے اب تک عوامی احتجاج ہو، انہوں ںے غیر ملکیوں کو ہائر کرکے انہیں ٹاسک دیا ہے اور ہتھیار دے کر کہا ہے کہ ملک میں آگ لگانی ہے، فی دہشت گرد انہوں ںے پچاس پچاس ہزار روپے دیے ہیں، کے پی کے عوام کا پیسہ دہشت گردی میں چلاگیاانہوں ںے دعویٰ کیا کہ ان کا ہزار بندہ مارا گیا اتنے بندے مریں اور کسی کو پتا نہ چلے؟ پھر یہ پانچ سو پر آگئے، بشریٰ بی بی کی فرار ہوتی ہوئی ویڈیو سامنے آگئی ان لاشوں کی کہاں ہے؟-

وزیراعلیٰ پنجاب مریم نواز شریف نے متحدہ عرب امارات کےقومی دن پرمبارکباد دی ہے

وزیراعلیٰ پنجاب مریم نواز کا کہنا تھا کہ متحدہ عرب امارات کے عوام کو53ویں قومی دن پر مبارکباد پیش کرتے ہیں.متحدہ عرب امارات سے پاکستان کے تعلقات کئی دہائیوں پر محیط ہیں.متحدہ عرب امارات دنیا بھر میں جدت اور ترقی کی قابل تقلید مثال ہے. یواے ای نے قدیم روایات کی پاسداری کرتے ہوئے ترقی کی معراج حاصل کی.پاکستان کی ورک فورس نے متحدہ عرب امارات کی ترقی میں بھرپور کردار ادا کیا. یو اے ای کے قومی دن پراپنےبہن بھائیوں کی خوشیوں میں برابرکے شریک ہیں.متحدہ عرب امارات مسلم دنیا کا اہم ترین ملک ، اسکی ترقی دنیا کیلئے ایک مثال ہے.متحدہ عرب امارات نے آزمائش کی ہر گھڑی میں پاکستان کا پورا ساتھ دیا.متحدہ عرب امارات کی اقتصادی اورسفارتی حمایت کو قدر کی نگاہ سے دیکھتے ہیں. یواے ای پاکستانیوں کا دوسرا گھر ،دونوں ممالک کے عوام کے دل ایک ساتھ دھڑکتے ہیں. متحدہ عرب امارات کی مزید ترقی اور استحکام کے لیے دعا گو ہوں،

ہمیں متحدہ عرب امارات کے ترقی و خوشحالی کے شاندار سفر پر فخر ہے،وزیراعظم

متحدہ عرب امارات کا قومی دن مبارک ہو!!! — بلال شوکت آزاد

سیلاب متاثرین کی مدد میں متحدہ عرب امارات کا مثالی کردار

مقامی ہوٹل میں متحدہ عرب امارات کے 51ویں قومی دن کی تقریب منعقد ہوئی

،پاکستان کو اپنے اماراتی بھائیوں کی زبردست ترقی پر فخر ہے

وزیر اعلیٰ پنجاب مریم نوازشریف نے عوام کے تحفظ کے لئے جامع فلڈنگ پلان طلب کر لیا-وزیراعلیٰ مریم نوازشریف نے اربن فلڈنگ روکنے کے لئے مشینری خریدنے کی اصولی منظوری دے دی-

وزیر اعلیٰ مریم نوازشریف کی زیر صدارت خصوصی اجلاس منعقد ہوا،جس میں پنجاب میں اربن فلڈنگ دریائی سیلاب اور رودکوہی سے نمٹنے کے لئے اقدامات کا جائزہ لیاگیا -موٹرویز، ہائی ویز اور ریلوے ٹریک کے نیچے سیلابی راستوں کی صفائی کی ہدایت کی گئی- روڈز سے بارش کے پانی کا نکاس یقینی بنانے کے لئے گرین بیلٹ کا لیول نیچے کرنے کے منصوبے کی منظوری دی گئی- وزیراعلی مریم نوازشریف نے سیلابی نالوں کی بروقت صفائی اور بحالی یقینی بنانے اور فلڈنگ کے سدباب کے لئے قوانین کے نفاذ کو یقینی بنانے کی ہدایت کی-اجلاس میں اربن فلڈنگ سے متاثرہ شہروں میں سٹوریج ٹینک بنانے کی تجویز پر اتفاق کیا گیا-وزیراعلی مریم نوازشریف نے کہاکہ شہروں میں راستے ڈوب جاتے ہیں، سیوریج کا نظام بہتر بنانا ہوگا۔ لوگوں کی تکالیف کے پیش نظر سیوریج سسٹم کی بحالی اور بہتری کی ترجیحات کا تعین کیا جائے۔

لاہور: وزیراعلیٰ مریم نواز کی ہدایت پرمعاون خصوصی ثانیہ عاشق نے لاہور میں سپیشل ایجوکیشن سنٹرز کا دورہ کیا-

معاون خصوصی ثانیہ عاشق نے صفائی کے معیار، اساتذہ کی حاضری اور دیگر انتظامی امور کاجائزہ،بصارت سے محروم طالبات کے ہاسٹل کا بھی معائنہ کیا ،ثانیہ عاشق نے 500 سپیشل بچوں کو مین سٹریم سکولز میں لانے کے لئے تمام انتظامات جلد مکمل کرنے کی ہدایت کی-

سپیشل اسسٹنٹ ٹو سی ایم ثانیہ عاشق نے بصارت سے محروم طالبات کے ہاسٹل کھانے کا معیار اور صفائی کی صورتحال پر اطمینان کا اظہار کیا،معاون خصوصی ثانیہ عاشق نے ذہنی معذور بچوں کیلئے جاری تشخیصی پروگرام کا دورہ کیا اور ماہرینِ نفسیات کی کارکردگی کا جائزہ لیااور خصوصی بچوں کی ضروریات کے مطابق ان کی تعلیم کے عمل میں بہتری اور تیزی لانے کی ہدایت کی-

ثانیہ عاشق نے کہا کہ وزیر اعلیٰ مریم نواز شریف روزانہ کی بنیاد پر سپیشل بچوں اور ان کی ایجوکیشن کے حوالے سے اپ ڈیٹ لیتی ہیں، وزیر اعلیٰ مریم نوازشریف کی ہدایت پر سپیشل بچوں کو انٹرنیشنل سٹینڈرڈز کی سہولیات کی فراہمی کیلئے دن رات کام جاری ہےخصوصی بچوں کو معاشرے کے باوقار اور خودمختار شہری بنانے کے لئے حکومت ہر ممکن اقدام اٹھا رہی ہے-

ثانیہ عاشق نے زیر صدارت خصوصی تعلیم کے حوالے سے اہم اجلاس، نظام میں بہتری کے حوالے سے تبادلہ خیال کیا،وزیراعلیٰ پنجاب مریم نواز شریف کی ہدایت پر معاون خصوصی سپیشل ایجوکیشن ثانیہ عاشق نے لاہور کے مختلف خصوصی تعلیمی اداروں کے دورے کئے۔معاون خصوصی سپیشل ایجوکیشن ثانیہ عاشق نے لاہور میں بصارت سے محروم گورنمنٹ گرلز سکول برائے طالبات اور شاداب سکول برائے ذہنی معذور کا دورہ کیا۔

معاون خصوصی سپیشل ایجوکیشن ثانیہ عاشق نے سکولوں میں صفائی کے معیار، اساتذہ کی حاضری اور دیگر انتظامی امور کا تفصیلی جائزہ لیا۔ثانیہ عاشق نے بصارت سے محروم طالبات کے ہاسٹل کا بھی معائنہ کیا۔سپیشل اسسٹنٹ ٹو سی ایم ثانیہ عاشق نے بصارت سے محروم طالبات کے ہاسٹل کھانے کا معیار اور صفائی کی صورتحال پر اطمینان کا اظہار کیا۔

معاون خصوصی ثانیہ عاشق نے ذہنی معذور بچوں کے لیے جاری تشخیصی پروگرام کا بھی دورہ کیا اور ماہرینِ نفسیات کی کارکردگی کا جائزہ لیا۔ ثانیہ عاشق نے خصوصی بچوں کی ضروریات کے مطابق ان کی تعلیم کے عمل میں بہتری اور تیزی لانے کی ہدایت کی۔بعد ازاں ثانیہ عاشق کی زیر صدارت خصوصی تعلیم کے حوالے سے اہم اجلاس میں نظام میں بہتری کے حوالے سے تبادلہ خیال کیا گیا۔ مین اسٹریم سکول سسٹم میں شمولیت کے منتظر ہیں 500 خصوصی طلبہ کو فوری طور پر تعلیمی دھارے میں شامل کیا جائے گا۔

ثانیہ عاشق نے 500 سپیشل بچوں کو مین سٹریم سکولز میں لانے کے لئے تمام انتظامات جلد مکمل کرنے کی ہدایت کی۔انہوں نے کہاکہ وزیر اعلیٰ مریم نواز شریف روزانہ کی بنیاد پر سپیشل بچوں اور انکی ایجوکیشن کے حوالے سے اپ ڈیٹ لیتی ہیں۔وزیر اعلیٰ مریم نواز شریف کا ویژن ہے کہ کوئی سپیشل بچہ کسی بھی سہولت سے محروم نہ رہے۔وزیر اعلیٰ مریم نواز کی ہدایت پر سپیشل بچوں کو انٹرنیشنل سٹینڈرڈز کی سہولیات کی فراہمی کیلئے دن رات کام جاری ہے۔ اجلاس میں خصوصی طلبہ کے لیے معیاری تعلیم کی فراہمی کو یقینی بنانے کیلئے والدین کے ساتھ روابط کو مزید مضبوط کرنے پر بھی زور دیا گیا۔

ثانیہ عاشق نے کہاکہ خصوصی بچوں کو معاشرے کے باوقار اور خودمختار شہری بنانے کے لئے حکومت ہر ممکن اقدام اٹھا رہی ہے۔ہماری کوشش ہے کہ سپیشل بچے معیاری تعلیم اور بہترین سہولیات کے ذریعے اپنی مکمل صلاحیتوں کا اظہار کر سکیں۔اسپیشل اسسٹنٹ ثانیہ عاشق نے اساتذہ اور سپیچ تھراپسٹ کو ذہنی معذور بچوں کی سپیچ کو بہتر بنانے کے لئے خصوصی اقدامات کرنے کی ہدایت کی۔ سپیشل بچے ہمارے معاشرے کے اصل ہیروز ہیں۔ سپیشل بچوں کی تعلیم اور بحالی حکومت کی اولین ترجیحات میں شامل ہے اور ہم والدین کے ساتھ مل کر ان کے روشن مستقبل کے لیے کام کریں گے۔

ثانیہ عاشق نے سپیشل بچوں کے والدین سے ملاقات کی، دورے اور اجلاس میں کیے گئے فیصلوں کو والدین نے خوش آئند قرار دیا سپیشل بچوں کے والدین نے خصوصی بچوں کے لئے حکومت پنجاب کی کاوشوں کو سراہا۔

لاہور: وزیر اعلیٰ پنجاب مریم نواز سے ایشیائی ترقیاتی بینک کی کنٹری ڈائریکٹر برائے پاکستان ریزیڈنٹ مشن کی ڈاکٹر ایما ژاؤچن فین نے ملاقات کی-

باغی ٹی وی : ملاقات میں جاری ترقیاتی منصوبوں، معیشت کی مضبوطی اور بنیادی ڈھانچے کی بہتری کے لیے تعاون پر تبادلہ خیال کیا گیا،اور زراعت، صحت، تعلیم، ماحولیاتی تحفظ اورڈیجیٹل ڈیویلپمنٹ پر تعاون بڑھانے پر غور کیا گیا، جلال پور ایریگیشن پراجیکٹ اور کلین انرجی کے بارے میں بات چیت کی گئی-

ایشیائی ترقیاتی بینک کی کنٹری ڈائریکٹر ڈاکٹر ایما ژاؤچن فین نے وویمن ایمپاورمنٹ اور پنجاب حکومت کے عوامی فلاحی اقدامات کو سراہا -وزیر اعلیٰ نے ایشیائی ترقیاتی بینک کی پنجاب کے مختلف منصوبوں میں مالی و تکنیکی معاونت کی تعریف کی-

وزیراعلیٰ مریم نواز نے اس موقع پر کہاکہ اے ڈی بی کا تعاون عوام کی خوشحالی اور معیشت کی بحالی میں اہم کردار ادا کر رہا ہے، پنجاب حکومت سماجی و اقتصادی ترقی کے لیے جامع منصوبہ بندی کے تحت آگے بڑھ رہی ہے، ایشیائی ترقیاتی بنک کے ساتھ مزید اشتراک کار پنجاب میں ترقی کے مقاصد کو مزید تقویت دے گا۔

ایشیائی ترقیاتی بینک کی کنٹری ڈائریکٹر برائے پاکستان ریزیڈنٹ مشن کی ڈاکٹر ایما ژاؤچن فین نے کہاکہ ایشیائی ترقیاتی بینک پاکستان، خصوصاً پنجاب کے ساتھ تعاون کو مزید وسعت دینے کا خواہاں ہے پنجاب کی کلائیمٹ پالیسی ماحول اور اکانومی کیلئے سودمند ثابت ہوگی-

وزیر اعلیٰ پنجاب مریم نواز نے پنجاب پولیس افسروں اور اہلکاروں پر حملے پر شدید ردعمل دیا ہے

وزیر اعلیٰ مریم نواز شریف نے پولیس کانسٹیبل پر فائرنگ پر شدید غم وغصے کا اظہار کیا ہے،وزیر اعلیٰ مریم نواز شریف نے پولیس پوسٹوں پر فائرنگ کی شدیدمذمت کی ہے،وزیراعلیٰ پنجاب مریم نواز کا کہنا تھا کہ ایس پی، ڈی ایس پی ایس ایچ او سمیت 20 سے زائد پولیس اہلکار کا حملوں میں زخمی ہونا افسوسناک ہے ۔مظاہرین کے پاس شارٹ مشین گن ، آنسو گیس،چاقو،ماسک وغیرہ بھی دیکھے گئے ۔ مظاہرین کی جانب سے پنجاب پولیس حملوں میں ایسا اسلحہ استعمال ہوا جو صرف پولیس کے پاس ہوتا ہے ۔غازی بروتھا ،میانوالی ،ہزارہ موٹروے اور دیگر مقامات پر فائرنگ کی گئی۔پنجاب پولیس کو پہلے بھی تصادم سے بچنے کےلئے غیر مسلح رکھا گیا تھا ۔ اب بھی غیر مسلح ہے۔پچھلے احتجاج میں بھی ایک کانسٹیبل شہید۔ 25 سے زیادہ زخمی ہوئے تھے۔ ایک صوبے کی پولیس کا دوسرے صوبے پر سرکاری وسائل سے حملہ قومی یک جہتی کو پارہ پارہ کرنے کے مترادف ہے ۔ یہ کونسا احتجاج ہے جہاں سرکاری وسائل استعمال کیا جارہے ہیں ۔احتجاج کی بجائے یہ تحریک مسلح دہشت گردی کی کاوش ہے۔

پی ٹی آئی کا سوشل میڈیا بھی "وڑ”گیا

عمران خان کی جانب سے "فائنل کال” پنجاب میں "مس کال” بن گئی

پی ٹی آئی احتجاج،خیبر پختونخوا سے 12 سو سے زائد چھوٹی بڑی گاڑیاں،شرکا کی تعداد

پی ٹی آئی احتجاج،قیادت بشریٰ بی بی نے سنبھال لی،کینٹینر پر چڑھ گئیں

پی ٹی آئی احتجاج، بشریٰ تو آ گئیں، علیمہ خان منظر سے غائب

اسلام آباد، مظاہرین پتھراؤ سے متعدد پولیس اہلکار زخمی

24 نومبردن ختم،لاہورسے نہ قافلہ نکلا نہ کوئی بڑا مظاہرہ

سپریم کورٹ پر حملہ کرنے والوں کو سزا مل جاتی تو نومئی نہ ہوتا، مبشرلقمان

بشریٰ کو خون چاہیے،مولانا کو 3 میسج کس نے بھجوائے؟

بشریٰ کا خطاب،عمران خان تو”وڑ” گیا. مبشر لقمان

خود گرفتاریاں دے رہے،پی ٹی آئی قیادت کہیں نظر نہیں آرہی،مصدق ملک

گاڑیوں میں بیٹھیں،تیز چلیں، خان کو لئے بغیر واپس نہیں آنا، بشریٰ بی بی کا شرکا سے خطاب