Tag: مصر

مصر نے سعودی عرب کے شہروں پر حوثی میزائل اور ڈرون حملوں کی شدید مذمت کی ہے۔

مصری وزارتِ خارجہ نے اسے “خطرناک کشیدگی”، سعودی خودمختاری کی خلاف ورزی اور سعودی عوام کی سلامتی کے لیے خطرہ قرار دیا حملوں میں ابہا، خمیس مشیط، جازان اور نجران کو نشانہ بنایا گیا سعودی حکام کے مطابق 73 شہری زخمی ہوئے، جن میں خواتین اور بچے بھی شامل ہیں۔

قاہرہ نے سعودی عرب کے ساتھ مکمل یکجہتی کا اظہار کرتے ہوئے کہا کہ وہ مملکت کی سلامتی، خودمختاری اور علاقائی سالمیت کو لاحق خطرات کے مقابلے میں اس کے ساتھ کھڑا ہے،مصر نے شہریوں اور شہری تنصیبات کو نشانہ بنانے کو بھی واضح طور پر مسترد کیا اور کہا کہ سعودی عرب کی سلامتی مصری اور عرب قومی سلامتی کا لازمی حصہ ہے۔

دوسری جانب حوثیوں کے خبر رساں ادارے صبا نیوز ایجنسی کے مطابق سعودی عرب نے صوبہ الجوف، البیضا، مأرب اور تعز میں مختلف مقامات کو فضائی حملوں اور کروز میزائلوں کے ذریعے نشانہ بنایا ہے،اس کے علاوہ شمالی شہر الحزم میں ایک جیل پر فضائی حملے کا الزام بھی عائد کیا گیا۔ حوثیوں کے مطابق حملے میں ایک بچے سمیت 7 افراد ہلاک اور خاتون سمیت کم از کم 7 زخمی ہوئے۔

الجزیرہ کے مطابق حوثیوں کے زیر انتظام وزارت صحت کے ترجمان انیس الاصبحی نے کہا کہ حملہ الجوف صوبے میں قائم سینٹرل کریکٹیو فیسلٹی پر کیا گیاحوثی ٹی وی چینل المسیرہ نے مبینہ حملے کے بعد کی فوٹیج بھی نشر کی، جس میں ایک عمارت منہدم اور لوگوں کو ملبے میں تلاش کرتے دیکھا جا سکتا ہے۔

سعودی عرب نے جیل پر فضائی حملے کے حوثی الزام پر تاحال کوئی تبصرہ نہیں کیا۔

کھانا تیار کرنے کے معاملے پر تلخ کلامی پربیوی نے شوہر کو فرائنگ پین کے وار سے قتل کردیا۔

میڈیا رپورٹ کے مطابق مصر کے شہر اسکندریہ میں 65 سالہ شخص اور اس کی اہلیہ کے درمیان کھانے کی تیاری پر جھگڑا شدت اختیار کر گیا،ابتدائی تحقیقات کے مطابق بحث کے دوران خاتون نے مبینہ طور پر غصے میں آکر فرائنگ پین سے شوہر کے سر پر وار کیا، جس کے نتیجے میں وہ موقع پر ہی گر پڑا اور بعد ازا ں زخموں کی تاب نہ لاتے ہوئے دم توڑ گیا۔

اطلاع ملنے پر پولیس اور ریسکیو ٹیمیں فوری طور پر موقع پر پہنچ گئیں اہلکاروں نے خاتون کو حراست میں لے لیا جبکہ واقعے میں استعمال ہونے والا فرائنگ پین بھی تحویل میں لے لیا گیا ہے متوفی کی لاش کو پوسٹ مارٹم کے لیے مردہ خانے منتقل کر دیا گیا،استغاثہ نے واقعے کا باقاعدہ نوٹس لیتے ہوئے تحقیقا ت کا آغاز کر دیا ہے اور فرانزک معائنہ کا حکم دے دیا گیا ہے تاکہ موت کی اصل وجہ اور واقعے کی نوعیت کا تعین کیا جا سکے۔

مصر کے سابق وزیر خارجہ نبیل فہمی عرب لیگ کے نئے سیکرٹری جنرل مقرر ہوگئے ہیں۔

میڈیا رپورٹس کے مطابق یہ تقرری اُردن کے دارالحکومت اومان میں منعقدہ عرب لیگ کے 165ویں عام اجلاس کے دوران عمل میں آئی،یکم جولائی 2026 سے باضا بطہ طور پر اپنی ذمہ داری سنبھالیں گے،75 سالہ نبیل فہمی یکم جولائی کو پانچ سالہ مدت کے لیے لیگ کے نئے سربراہ کا عہدہ سنبھالیں گے اور سبکدوش ہونے والے سیکریٹری جنرل احمد ابو الغیط کی جگہ لیں گے جنہوں نے مسلسل دو مرتبہ سربراہ کی حیثیت سے خدمات انجام دیں۔

جون 2013 سے جولائی 2014 تک مصر کی وزارت خارجہ کی قیادت کرنے والے تجربہ کار سفارت کار کو مارچ میں متفقہ طور پر 22 رکنی عرب ممالک کا سربراہ نامزد کیا گیا تھا، اس تقرری پر مصری وزارت خارجہ نے ایک بیان میں کہا کہ یہ انتخاب جناب نبیل فہمی کے پاس موجود سفارتی تجربے اور ان کے طویل پیشہ ورانہ کیرئیر کی تعریف کی عکاسی کرتا ہے، جس کے ذریعے انہوں نے علاقائی اور بین الاقوامی میدانوں میں عرب کارروائیوں کی حمایت میں اپنا کردار ادا کیا۔

یاد رہے مصر نے 30 جون کو موجودہ سیکرٹری جنرل احمد ابو الغیظ کی دوسری مدت کے اختتام کے بعد سابق وزیر خارجہ نبیل فہمی کو سیکرٹری جنرل کے عہدے کے لیے باضابطہ طور پر نامزد کیا تھا نبیل فہمی، سابق وزیر خارجہ رہے ہیں، ان کے والد اسماعیل فہمی بھی مصر کے وزیر خارجہ رہ چکے ہیں امریکہ میں مصر کے سفیر اور اقوام متحدہ میں نمائندگی کرچکے ہیں، وہ عرب دنیا کے نمایاں سفارتکاروں میں سے ایک ہیں۔

ائب وزیرِ اعظم اور وزیرِ خارجہ اسحاق ڈار مصر کے دارالحکومت قاہرہ پہنچ گئے ، پاکستان، سعودی عرب، ترکیہ اور مصر کے وزرائے خارجہ کا اجلاس آج قاہرہ میں ہوگا –

اسحاق ڈار کا استقبال اسسٹنٹ وزیرِ خارجہ برائے پالیسی پلاننگ نازیہ النگاری اور مصر میں پاکستان کے سفیر عامر شوکت نے کیا اسحاق ڈار مصر میں آر-4 گروپ کے چوتھے اجلاس میں شرکت کریں گے،پاکستان سمیت سعودی عرب، ترکیہ اور مصر کے وزرائے خارجہ شریک ہو گےاجلاس کے موقع پر نائب وزیراعظم و وزیر خارجہ شریک ممالک کے وزر ائے خارجہ کے ساتھ دوطرفہ ملاقاتیں بھی کریں گے۔ مصر کے صدر عبدالفتاح السیسی سے بھی ملاقات کریں گے۔

اجلاس میں علاقائی سلامتی، باہمی روابط، تجارت اور مغربی ایشیا میں تیزی سے بدلتی ہوئی صورتحال پر تفصیلی تبادلہ خیال کیا جائے گاذرائع کے مطابق وزرائے خارجہ خطے میں امن و استحکام کے فروغ اور موجودہ چیلنجز سے نمٹنے کیلئے مشترکہ حکمت عملی پر بھی غور کریں گے۔اجلاس کے دوران غزہ کی صورتحال اور امن عمل سے متعلق امور بھی ایجنڈے کا اہم حصہ ہوں گے۔

ماہرین آثارِ قدیمہ نے دریافت کیا ہے کہ تقریباً دو ہزار سال قبل ہندوستان سے تعلق رکھنے والے ایک شخص نے مشہور شاہی قبرستان ویلے آف دی کنگز میں چٹانی مقبروں کے اندر اپنا نام کندہ کر دیا تھا۔

تحقیق کے مطابق بھارت سے تعلق رکھنے والے شخص سِیکائی کورن نے قدیم تامل زبان میں اپنا نام پانچ شاہی مقبروں میں آٹھ مرتبہ تحریر کیا یہ مقبرے فرعونوں اور اشرافیہ کی آخری آرام گاہیں تھےپہلی سے تیسری صدی عیسوی کے درمیان لکھی گئی تقریباً 30 تحریریں چھ مختلف مقبروں میں ملی ہیں، جو چار بھارتی زبانوں میں درج ہیں، یہ دریافت اس بات کا مضبوط ثبوت فراہم کرتی ہے کہ جنوبی ایشیا کے لوگ نہ صرف قدیم مصر کے ساتھ تجارتی روابط رکھتے تھے بلکہ وہاں طویل عرصے تک قیام بھی کرتے تھے۔

سوئٹزرلینڈ کی یونیورسٹی آف لوزان سے وابستہ محقق اِنگو اسٹراچ کا کہنا تھا کہ اس سے قبل بھی تامل ناڈو کے تاجروں کے مصر کی بندرگاہوں تک آنے کے شواہد مل چکے ہیں تاہم، نئی دریافت سے معلوم ہوتا ہے کہ وہ صرف تجارت تک محدود نہیں تھے بلکہ مصر کے تاریخی اور مذہبی مقامات کا بھی دورہ کرتے تھے، یہ دریافت قدیم مصر اور جنوبی ایشیا کے درمیان موجود گہرے تجارتی، ثقافتی اور انسانی روابط پر نئی روشنی ڈالتی ہے۔