چیئرمین پاکستان ریسٹورنٹس ایسوسی ایشن عامر رفیق قریشی ہمراہ دیگر عہدیداران و ممبران نے ڈپٹی کمیشنر عمر شیر چھٹہ سے اہم ملاقات کی۔

ملاقات میں عامر رفیق قریشی چیئرمین پاکستان ریسٹورنٹس ایسو سی ایشن نے ڈپٹی کمشنر لاہو رکو ریسٹورنٹس کے معاشی حالات کے بارے آگاہ کیا۔ انھوں نے کہا کہ ریسٹورنٹس جو ابھی کرونا وائرس کے معاشی اثرات سے باہر نہیں آ سکے ان پر وقت کی پابندی لگانا ظلم عظیم ہے۔ ان ڈور ریسٹورنٹس رات 12:00 تک کھلا رہنے کی اجازت دی جائے۔ تمام ممبران نے کہا کہ ٹیک اوے اور آؤٹ ڈور 24 گھنٹے کھلا رہنے کی اجازت دی جائے کیونکہ آؤٹ ڈور میں اے سی کا استعمال بالکل نہیں ہوتا۔ ہر بار پابندیوں میں ریسٹورنٹس کو نشانہ نہ بنایا جائے۔ ڈپٹی کمشنر نے یقین دہانی کروائی کہ وہ ہمارے مطالبات ارباب اختیار تک پہنچائیں گے اور جلد ہی اس پر جوابی رائے دیں گے اور عید سے پہلے پابندیاں اٹھانے کا یقین بھی دلایا۔

چیئرمین پاکستان ریسٹورنٹس یونٹی ایسوسی ایشن کی اہم شخصیت سے ملاقات

واضح رہے کہ توانائی بحران سے نکلنے کے لئے حکومت نے لاہور میں رات نو بجے مارکیٹیں بند کرنے کا فیصلہ کیا ہے جس کے خلاف تاجر برادری سراپا احتجاج ہے تاجروں کا کہنا ہے کہ اب عید آ رہی ہے اور ہمارے کمائی کے دن ہیں حکومت کا یہ فیصلہ غلط ہے، اس طرح کے فیصلوں سے تاجر سڑکوں پر آ جائیں گے پہلے کرونا کے دنوں میں کاروبار نہیں ہو سکا ،حکومت کو چاہئے کہ تاجروں کو ریلیف دے

پاکستان پیپلزپارٹی کے شریک چیئرمین اور سابق صدر مملکت آصف علی زرداری کی وفاقی وزیر چوہدری سالک حسین کی رہائش گاہ آمد.مسلم لیگ ق کے صدر چوہدری شجاعت حسین سمیت وفاقی وزیر طارق بشیر چیمہ ، چوہدری شافع حسین اور چوہدری سالک حسین نے سابق صدر آصف زرداری کا استقبال کیا.

سابق صدر آصف زرداری نے ق لیگ کے صدر چوہدری شجاعت حسین سے ان کی خیریت دریافت کی، زرائع کے مطابق آصف زرداری نے چوہدری شجاعت حسین کے ساتھ ملک کی سیاسی صورتحال سمیت اہم معاملات پر مشاورت کی.

اس موقع پرسابق صدر آصف علی زرداری نے کہا کہ قومی و وفاقی حکومت ق لیگ کے ساتھ اور ق لیگ قومی حکومت کے ساتھ کھڑی ہے،ق لیگ کے دونوں وفاقی وزرا ہماری حکومت کا اہم حصہ ہیں،انہون نے کہا کہ ق لیگ کے صدر چوہدری شجاعت سیاست کا اثاثہ ہیں.

چوہدری شجاعت حسین کا کہنا تھا کہ ق لیگ قومی حکومت کے ساتھ ہاتھ میں ہاتھ ڈال کر کھڑی ہے اور اپنا وعدہ نبھارہی ہے اور نبھاتی رہے گی، طارق بشیر چیمہ نے کہا کہ سابق صدر آصف علی زرداری آج ہمیں باقاعدہ طور پر کابینہ کا حصہ بننے پر مبارکباد دینے آئے تھے.

پیپلزپارٹی کے شریک چیئرمین اوع سابق صدر آصف علی زرداری کی دعوت پروزیر اعلی پنجاب حمزہ شہباز بلاول ہاؤس پہنچ گئے.پیپلزپارٹی کے شریک چیئرمین آصف علی زرداری نے وزیر اعلی پنجاب حمزہ شہباز کا خیرمقدم کیا اور انہیں وزارت اعلی کا منصب سمنھالے پر مبارکباد دی.

وزیراعلی پنجاب حمزہ شہباز اور سابق صدرآصف علی زرداری کے درمیان ملاقات ہوئی ،ملاقات میں میں باہمی دلچسپی کے امور ، سیاسی صورتحال اور ورکنگ ریلیشن شپ پر تبادلہ خیال کیا گیا.

حمزہ شہباز اور آصف علی زرداری کے درمیان ورکنگ ریلیشن شپ کو مزید مضبوط بنانے پر اتفاق کیا گیا،عمران نیازی کے غیر جمہوری ہتھکنڈوں کا مل کر مقابلہ کرنے کے عزم کااعادہ بی کیا گیا جبکہ دونوں رہنماوں نے ضمنی انتخابات مشترکہ طور پر لڑنے پر اتفاق بھی کیا.

اس موقع پر وزیراعلی پنجاب حمزہ شہباز نے کہا کہ عوام کی خدمت کے سفر میں ایک ہیں اورایک رہیں گے،پاکستان پیپلز پارٹی ہماری اتحادی جماعت ہے، ساتھ لیکر چلیں گے،ورکنگ ریلیشن شپ کو مزید بہتر بنانے کے حوالے سے مشاورت کا عمل جاری رہے گا۔

حمزہ شہباز نے کا کہنا تھا کہ مسلم لیگ ن اور پیپلزپارٹی کا اتحاد عوام کی خدمت کے لیے ہے ،سیاست کو عبادت سمجھتا ہوں اور اجتماعی فیصلوں کا قائل ہوں.

صوبائی وزراء عطا تارڑ ،ملک محمد احمد علی، خواجہ سلمان رفیق، عمران گورایہ، وزیر اعلی سندھ مراد علی شاہ، شرجیل میمن ،ڈاکٹر عاصم حسین،صوبائی وزراء سید علی حیدر گیلانی اور سید حسن مرتضی بھی ملاقات میں موجود تھے

آصف علی زرداری نے وزیر اعلی حمزہ شہباز کے اعزاز میں ظہرانہ بھی دیا

حمزہ شہباز مسلم لیگ ن کے وفد کے ہمراہ بلاول ہاوس لاہور پہنچے، مسلم لیگ ن کے وفد میں صوبائی وزراء عطا تارڑ ، ملک احمد علی، خواجہ سلمان رفیق اورعمران گورایہ بھی شامل تھے.

ملاقات میں پیپلزپارٹی کے وزیر اعلی سندھ مراد علی شاہ، شرجیل میمن ،ڈاکٹر عاصم حسین، سید علی حیدر گیلانی اور سید حسن مرتضی بھی موجود تھے.
آصف علی زرداری نے وزیر اعلی حمزہ شہباز کے اعزاز میں ظہرانہ بھی دیا.

چین کے نئےقونصل جنرل ژاؤ شیرین(Mr. Zhao Shiren) نے وزیراعلی پنجاب حمزہ شہباز شریف اور سپیکر پنجاب اسمبلی چوہدری پرویز الہی سے الگ الگ ملاقات کی ہے.

وزیراعلیٰ پنجاب حمزہ شہباز سے چین کے نئےقونصل جنرل ژاؤ شیرین(Mr. Zhao Shiren) کی ملاقات میں پاک چین تعلقات کے فروغ، سی پیک کے منصوبوں اور نئے شعبوں میں تعاون بڑھانے پر تبادلہ خیال کیا گیا.چین کے قونصل جنرل نے حمزہ شہباز کو وزیر اعلی پنجاب کا منصب سنبھالنے پر مبارکباد دی

وزیر اعلی پنجاب حمزہ شہباز نے لاہور میں قونصل جنرل کی ذمہ داری سنبھالنے پر ژاؤ شیرین کے لئے نیک خواہشات کا اظہارکیا.وزیراعلیٰ اور چین کے قونصل جنرل نے مستقبل میں تعاون کو نئی جہت دینے کیلئے تیزی سے اقدامات کرنے پر اتفاق کیا.

چینی قونصل جنرل نے کہا کہ آپ کا عوام کی خدمت کا ویژن قابل تحسین ہے، حمزہ شہباز نے کہا کہ چین پاکستان کا انتہائی بااعتماد دوست ملک ہے۔ پاکستان کی تعمیر و ترقی میں چین کے تعاون کو قدر کی نگاہ سے دیکھتے ہیں۔ وزیر اعظم شہباز شریف کے دور میں
پاک چین معاشی تعلقات کی نئی جہتوں پر کام شروع ہو چکا ہے۔ سی پیک کے منصوبے پاکستان کی پائیدار ترقی کے سفر میں اہمیت رکھتے ہیں۔

وزیراعلی حمزہ شہباز نے مزید کہا کہ پاکستان اور چین کے درمیان عوامی سطح پر بھی رابطے مضبوط کریں گے۔ سی پیک کی نئی جہتوں کو سامنے رکھ کر مستقبل کا لائحہ عمل مرتب کریں گے۔ چینی قونصل جنرل نے کہا کہ زراعت، تجارت اور سرمایہ کاری کے فروغ کیلئے ملکر کام کریں گے۔ چین ترقی وخوشحالی کے سفر میں پاکستان کے ساتھ ہے۔

علاوہ ازیں سپیکر چودھری پرویز الٰہی سے چینی قونصل جنرل Mr. Zhao Shirenکی اسمبلی چیمبر میں ملاقات کی ہے ،چین کے قونصل جنرل Zhao Shiren نے سپیکر چودھری پرویز الہی کو چین کے صوبہ GANSU میں منعقد ہونے والی تقریب میں شرکت کی دعوت دی جسے سپیکر چودھری پرویز الہی نے قبول کیا۔اس موقع پر سپیکر پنجاب اسمبلی کا کہنا تھا کہ ہر مشکل گھڑی میں چاہے وہ جنگ ہو یا قدرتی آفات چین ہمیشہ پاکستان کے ساتھ کھڑا رہا ہے۔

سپیکر چودھری پرویز الٰہی نے کہا کہ پاکستان اور چین میں دو طرفہ مضبوط تعلقات، بھائی چارے اور برسوں کی دوستی کے رشتہ کو قدر کی نگاہ سے دیکھتے ہیں۔یہ دوستی حکومتوں کے درمیان نہیں بلکہ عوام کے درمیان ہے۔ ہمارے دل ایک ساتھ دھڑکتے ہیں۔ سی پیک دونوں ملکوں کی ترقی میں ریڑھ کی ہڈی کی حیثیت رکھتا ہے لہٰذا اس منصوبے کو جلد از جلد مکمل ہونا چاہئے۔ سی پیک کی وجہ سے پاکستان کو نہ صرف خطہ میں بلکہ عالمی سطح پر بھی مزید اہم حیثیت حاصل ہو چکی ہے۔

چودھری پرویز الٰہی نے مزید کہا کہ خطے میں امن و سلامتی اور ترقی کیلئے اپنا رول بخوبی ادا کر رہے ہیں اور آج دونوں ممالک پائیدار علاقائی اور عالمی امن کیلئے شانہ بشانہ کوشاں ہیں۔

ملاقات میں دونوں ممالک کے تعلقات اور باہمی دلچسپی کے دیگر امور پر تبادلہ خیا ل بھی کیا گیا، چین کے قونصل جنرلZhao Shiren نے چودھری پرویزالٰہی کے خیالات و جذبات کا خیر مقدم کیا.چین کے قونصل جنرلZhao Shiren نے پنجاب اسمبلی کے نئے ایوان کا دورہ بھی کیا۔

ملاقات میں چودھری ظہیر الدین‘ رکن اسمبلی‘ سیکرٹری پنجاب اسمبلی محمد خان بھٹی‘ سیکرٹری‘ پارلیمنٹری افیئرز عنائیت اللہ لک اور ڈائریکٹرجنرل پارلیمانی امور رائے ممتاز حسین بابر بھی موجود تھے.

پیپلز پارٹی کا لانگ مارچ لاہور آئے تو ہم….شہباز شریف کو کیا مشورہ مل گیا
باغی ٹی وی کی رپورٹ کے مطابق شہبازشریف آصف زرداری سے ملاقات کیلئے بلاول ہاوس پہنچ گئے لیگی وفد میں احسن اقبال، رانا ثنااللہ ، خواجہ سعد رفیق اور مریم اورنگزیب شامل ہیں،سابق صدر پیپلز پارٹی کے رہنما آصف زرداری نے شہباز شریف کا استقبال کیا،

قبل ازیں قومی اسمبلی میں قائد حزب اختلاف شہبازشریف کی رہائش گاہ پر لیگی رہنماوں کی مشاورتی بیٹھک ہوئی ،مشاورتی بیٹھک میں خواجہ سعد رفیق، مریم اورنگزیب، رانا ثنااللہ ، احسن اقبال شریک تھے لیگی رہنماوں نے آج ہونے والی ملاقات سے متعلق اہم نکات پر شہبازشریف سے گفتگو کی مشاورتی بیٹھک میں آصف زرداری سے ملاقات میں زیر غور آنے والے امور پر گفتگو کی گئی ، اہم بیٹھک میں عدم اعتماد اور تمام قانونی و آئینی آپشنز کے استعمال پر آصف زرداری سے تبادلہ خیال ہوگا،ن لیگی رہنماؤں نے شہباز شریف کو پیپلز پارٹی کے لانگ مارچ پر لاہور میں بڑا ویلکم کرنے کی تجویز دی ہے، شہباز شریف تجویز آصف زرداری کے ساتھ فائنل کریں گے، ن لیگی ترجمان مریم اورنگزیب کا کہنا تھا کہ عشائیے کے بعد تمام جماعتوں کے سربراہان پریس کانفرنس کریں گے،

ن لیگی رہنما احسن اقبال کا کہنا تھا کہ عدم اعتماد میں تاخیر اس لیے کی کہ حکومت مکمل طور پر ایکسپوز ہو جائے،ان کے اپنے اتحادی کہتے ہیں کہ حکومت چلانا ان کے بس کی بات نہیں ہے، وزیراعظم عمران خان کے اتحادی بھی ان سے ناراض ہو گئے ہیں،تحریک عدم اعتماد کامیاب ہو گی،عمران خان کے اتحادی بھی عمران خان سے مایوس ہیں،عمران خان کی حکومت کے خلاف پوری قوم عدم اعتماد کر چکی ہے،ہم رابطے کر کے حکومت کے خلاف ہوم ورک کر رہے ہیں، عمران خان کی حکومت ہر شعبے کے لیے غیر متعلقہ ہو چکی ہے، پاکستان بدترین سفارتی تنہائی کا شکار ہے،پی ٹی آئی کے جو لوگ صبح ٹی وی پر بیان دیتے ہیں، شام کو ہم سے رابطے کرتے ہیں تحریک انصاف کے لوگ ہم سے اگلے الیکشن کیلئے ٹکٹس مانگتے ہیں، جو بڑھ چڑھ کر بیان دے رہے ہیں، وہی ہم سے رابطے کر رہے ہیں،

ن لیگی رہنما رانا ثناء اللہ کا کہنا تھا کہ ہمارا اپنا فیصلہ ہے، جب مناسب ہو گا تب تحریک عدم اعتماد لائیں گے، حکومت کو معلوم ہے کہ ہمارے پاس حمایتوں کی اکثریت ہے،منڈی بہاؤالدین میں وزیراعظم کا رویہ انکے عہدے کے شایان شان نہیں تھا،