پنجاب اسمبلی میں صدارتی انتخابات کے لئے پولنگ جاری ہے، اراکین اسمبلی پہنچ چکے ہیں اور ووٹ پول کر رہے ہیں، اس موقع پر سیکورٹی کے سخت انتظامات کئے گئےہیں,پنجاب اسمبلی میں صدارتی انتخاب کیلئے اب تک 70 ووٹ کاسٹ ہوچکے ہیں،پنجاب اسمبلی میں دو پولنگ بوتھ بنائے گئے ہیں۔پنجاب اسمبلی میں صدارتی انتخاب کیلئے چار بجے تک پولنگ جاری رہے گی
پارلیمانی لیڈر پیپلزپارٹی سید علی حیدر گیلانی کا کہنا ہے کہ آصف علی زرداری آج بھاری اکثریت سے دوبارہ صدر منتخب ہوں گے، آج کے انتخاب میں سرپرائز ملے گا،آصف علی زرداری وہ واحد شخص جنہوں نے پہلے بھی بطور صدر اپنے اختیارات پارلیمنٹ کو دئیے، تین پولنگ ایجنٹ مقرر کریں گے کوشش ہوگی ایک خاتون بھی ہو،
ایک وقت تھا اسمبلی آنے پر لگتاتھا کہ کسی مقبوضہ علاقے میں آگئےہیں ،سپیکر پنجاب اسمبلی
اسپیکر پنجاب اسمبلی ملک محمد احمد خان کا کہنا ہے کہ میرے پاس آئینی عہدہ ہے اس لیے کوئی سخت بات نہیں کر سکتا ، ن لیگ اور اتحادی جماعتوں کی ایوان میں واضح اکثریت ہے،آصف علی زرداری کی جیت یقینی ہو گی،ایک وقت تھا اسمبلی آنے پر لگتاتھا کہ کسی مقبوضہ علاقے میں آگئےہیں ،قاسم سوری مضحکہ خیر جعلی خط لہرا کر عدم اعتماد کی تحریک کو لائے اور اسمبلی توڑ دی ،بطور قانون کے طالب علم اسمبلی توڑنا میرے لیے سیاہ ترین وقت تھا ،جمہوریت برداشت اور آئین پر عمل کر نے کا نام ہے ،ایوان میں ملک احمد خان بچھڑ کے ایک جیسے نام کی وجہ سے درخواست کی کہ میرا مکمل نام ملک محمد احمد خان لکھا یا پکارا جائے،
سینیٹ کا امیدوار نہیں، فتنہ فساد ہو گا تو ویسا ہی سلوک ہو گا، رانا ثناء اللہ
مسلم لیگ ن کے رہنما رانا ثناء اللہ نے کہا ہےکہ آٹھارویں ترمیم کے بعد اور ترمیم بھی آسکتی ہے،زرداری صاحب ایک تجربہ کار اور منجھے ہوئے سیاستدان ہیں،ان کا جمہوریت پر بڑا یقین ہے، پہلے بھی انہوں نے پارلیمنٹ کو تو انا اور اختیارات دیے اس بار بھی ان سے ایسے ہی امید ہے، آصف علی زرداری کا مفاہمت کے حوالے سے بڑا نام ہے،اس وقت ملک میں موجود سیاسی تقسیم میں معاملات کو بہتر کریں گے،پارٹی جو بھی فیصلہ کرے میں سینیٹ کا امیدوار نہیں ہوں،اپوزیشن کے ساتھ ان کے رویے کے مطابق سلوک ہو گا،میں نہ مانوں، کسی کو نہیں چھوڑوں گا ان کے ڈائیلاگ ہیں،اگر فتہ فساد ہو گا تو ایسا ہی سلوک ہو گا، اچکزئی صاحب نظریاتی سیاستدان اور اچھے انسان ہیں،اب چیلنجز زیادہ ہیں تاہم پنجاب میں ترقیاتی کاموں کے ریکارڈ کو بہتر کریں گے،
اداروں کے خلاف ہرزہ سرائی کرنے والوں کو برداشت نہیں کیا جائے گا،عظمیٰ بخاری
پنجاب کی صوبائی وزیر اطلاعات عظمیٰ بخاری نے پنجاب اسمبلی کے باہر میڈیا سے بات کرتے ہوئے کہا ہے کہ اب عورت کارڈ نہیں چلے گا، میرٹ پر بات ہوگی شاندانہ گلزار میں آپ کو بھاگنے نہیں دوں گی،ظل شاہ سارا دن زمان پارک کے باہر بیٹھا رہتا تھا کہ عمران خان سے ملاقات ہو جائے، شاندانہ گلزار نے مریم نواز پر الزام لگایا ہے کہ مریم نواز کی کوئی آڈیو ہے،شاندانہ گلزار کے خلاف ایف آئی اے میں درخواست دی گئی ہے، جو کچھ آپ نے کہا اس کو ثابت کرنا پڑے گا، امید ہے شاندانہ گلزار انکوائری میں پیش ہونگی،اسمبلی کے تقدس کا خیال رکھنا سب ارکان کا فرض ہے،پاکستان کے اداروں کے خلاف ہرزہ سرائی کرنے والوں کو برداشت نہیں کیا جائے گا،پی ٹی آئی ہمیشہ لاشوں پر سیاست کی ہے،اب عورت کارڈ نہیں چلے گا، میرٹ پر بات ہوگی
صدر مملکت ایک بار پھر آئین شکنی کرنا چاہتے ہیں ، اسحاق ڈار
صدارتی انتخاب کا طریقہ کاراور آئینی تقاضے
چیئرمین سینیٹ صدارتی انتخابات میں ووٹ نہیں ڈال سکیں گے
صدارتی انتخابات،آصف زرداری، محمود اچکزئی کے کاغذات منظور
صدارتی امیدوار محمود اچکزئی کے گھر پر چھاپہ،ترجمان، خالی پلاٹ پر قبضہ واگزار کروایا،انتظامیہ
صدارتی انتخاب ، پارلیمنٹ کا مشترکہ اجلاس 9 مارچ کو طلب
محمود اچکزئی کیلئے عمران خان نے جو الفاظ استعمال کئے ،سب کے سامنے ہیں،خورشید شاہ
صدارتی انتخابات،عام شہری نے بھی کاغذات جمع کروا دیئے
