ائیرپورٹس سکیورٹی فورس نے اسلام آباد اور لاہور ائیرپورٹس پر کارروائیاں کے دوران دو مسافروں کے سامان سے منشیات برآمد کرلی۔
ترجمان اے ایس ایف کے مطابق اے ایس ایف کے عملے نے اسلام آباد سے ابوظبی جانے والے مسافر محمد عدنان خان سے 1.8 کلو گرام حشیش جب کہ لاہور سے بحرین جانے والے مسافر عبدالرحمان سے950 گرام آئس ہیروئن برآمد کی ہے.
ڈی آئی جی آپریشنز سہیل چوہدری کے احکامات کی روشنی میں صدر ڈویژن پولیس نےمنشیات فروشوں کے خلاف کارروائی کرتے ہوئے لاہور میں منشیات کی سپلائی کی کوشش ناکام بنا دی.
سبزہ زار پولیس نے کارروائی کے دوران 40کلو گرام چرس برآمد کر کےخاتون سمیت 3ملزمان گرفتارکع لئے.گرفتار ملزمان میں عثمان ،حمزہ اور شاد بی بی شامل ہیں،ملزمان علاقہ غیر سے چرس لاکر لاہور سمیت دیگر اضلاع میں سپلائی کرتے تھے۔ ملزمان گاڑی کے خفیہ خانوں میں چرس چھپا کر لا رہے تھے۔ ملزمان کو سبزہ زار کے علاقے میں سنیپ چیکنگ کے دوران چیک کیا گیا۔ ملزمان کے خلاف مقدمہ درج کر کے مزید تحقیقات عمل میں لائی جارہی ہیں.
دونوں مسافروں نے منشیات اپنے اپنے بیگز میں انتہائی مہارت سے چھپا رکھی تھی تاہم اے ایس ایف کے عملے نے سامان کی تلاشی کے دوران منشیات برآمد کر کے اسمگلنگ کی کوششں ناکام بنا دی۔اے ایس ایف کے مطابق ملزمان کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اے این ایف حکام کے حوالے کر دیا گیا ہے۔
دوسری جانب سول ایوی ایشن نے ملازمین کی اسلام آباد ایئرپورٹ کے لیے متعدد روٹس پر ٹرانسپورٹ سروس بند کردی،پیٹرول کی قیمتیں بڑھنے پر سی اے اے کے ملازم نے ڈی جی کے نام درخواست لکھ دی ،درخواست گزار نے لکھا کہ سی اے اے کی پارکنگ میں گدھا گاڑی لانے کی اجازت دی جائے،اسلام آباد انٹرنیشنل ایئر پورٹ پر کام کرنے والے سی اے اے کے ملازم راجہ آصف اقبال نے درخواست میں کہا کہ مہنگائی کے اس دور میں سول ایوی ایشن نے ٹرانسپورٹ بند کر دی، اس لئے گدھا گاڑی پارکنگ تک لانے کی اجازت دی جائے،فدوی پبلک ٹرانسپورٹ افورٹ نہیں کر سکتا
درخواست کے بعد ترجمان سول ایوی ایشن کا کہنا ہے کہ سی اے اے ملازمین کو فیول الاؤنس دیتا ہے، اسلام آباد ایئرپورٹ پر پبلک ٹرانسپورٹ کی سہولت موجود ہے، جن ملازمین کو فیول الاؤنس ملتا ہے اور جہاں سہولت ہے ان روٹس پر ٹرانسپورٹ بند کردی ہے،
واضح رہے کہ حکومت نے گزشتہ شب بھی پٹرول مہنگا کر دیا، پٹرول مہنگا ہونے کی وجہ سے کرایہ جات میں بھی اضافہ ہو گیا ہے
