Tag: منیب بٹ

چھوٹی سکرین کے بہترین اداکار منیب بٹ جو کہ اداکارہ ایمن خان کے شوہر ہیں. انہوں نے حال ہی میں اپنے مداحوں کے ساتھ یہ خبر شئیر کی ہے کہ وہ ایک خواجہ سرا کا کردار ادا کرنے جا رہے ہیں. منیب بٹ کا کہنا ہےکہ یہ کردار ان کی زندگی کا بہترین کردار ہو گا اور ایسا کردار یقینا انہوں نے پہلے کبھی نہیں ادا کیا. منیب بٹ نے کہا کہ میرے ساتھ اس ڈرامے میں منجھی ہوئی اداکارہ صبا قمر بھی ہوں گی وہ بھی اپنی زندگی کے بہترین کردار میں‌نظر آئیں گی.دوسری طرف اداکارہ صبا قمر نے بھی ڈرامے کا ٹیزر شیئر کیا اور اپنے مداحوں کو بتایا کہ وہ اپنی نوعیت کے

منفرد ڈرامے اور کہانی میں ایک اہم کردار ادا کرنے جا رہی ہیں.منیب بٹ اس ڈرامے میں پیدائشی خواجہ سرا کا کردار ادا کررہے ہیں جو اعلیٰ تعلیم کے بعد سی ایس ایس کا امتحان پاس کرکے اسسٹنٹ کمشنر تعینات ہوتا ہے۔ یاد رہے کہ خواجہ سرا کی زندگی کے گرد گھومتی کہانی اور فلم جوائے لینڈ کو ریلیز کے حوالے سے پاکستان میں کافی مشکلات کا سامنا رہا ہے. اب دیکھنا یہ ہے کہ منیب بٹ کے اس ڈرامے کی کہانی کو ہضم کیا جاتا ہے یا نہیں . منیب بٹ اور صبا قمر پہلی بار ایک ساتھ سکرین شئیر کرنے جا رہے ہیں.

لاہور میں برائیڈل کٹیور ویک کامیابی سے جاری ہے. فیشن ڈیزائنرز اپنی خوبصورت عروسی کلیکشنز متعارف کروا رہے ہیں. گزشتہ روز اس شو کا دوسرا روز تھا . اس بار اس شو کی خاص بات یہ تھی کہ معروف کرکٹر شاہد خان آفریدی کے برینڈ کا ڈیبیو تھا. شاہد آفریدی برینڈ نے اپنی مینز وئیر کلیکشن پیش کی جبکہ اداکار منیب بٹ ان کے شوسٹاپر تھے. ریمپ پر شاہد آفریدی کا انتظار کیا جا رہا تھا لیکن آفریدی اپنی کچھ ذاتی مصروفیت کے باعث اس موقع پر نہ آسکے. برائیڈل کیٹیور ویک کے دوسرے دن کا آغاز سوچاج کے ”عکس“ کے ساتھ ہوا جو وراثت‘ ورثے اور ثقافت سے متاثر پرانی دستکاری کی تکنیک کا بہترین عکاس تھا۔ اس کے بعد ماہا وجاہت خان کی’ ’رانجھنا“ تھی‘ جسے

ناقابل یقین تفصیلات کے ساتھ تخلیق کیا گیا تھا ان کے بعد آٹھ مزید برینڈز نے اپنی کلیکشنز متعارف کروائیں.جوسلیبرٹیز شوسٹاپر بنیں ان میں ،ایمن خان ،میکال ذوالفقار، نمرہ خان، کنزہ ہاشمی، اشنا شاہ اور عبدالحنان،عماد عرفانی، کومل میر و دیگر کے نام قابل زکر ہیں. اس موقع پرسوچ بینڈ نے اپنی شاندار پرفارمنس کے ذریعے لوگوں کے دل جیت لئے. فیشن شو میں ہم ٹی وی کی روح رواں سلطانہ آپا بھی موجود تھیں. یاد رہے کہ آج برائیڈل کٹیور ویک کا تیسرا اور آخری روز ہے اورمزید فیشن ڈیزائنرز اپنی کلیکشنز متعارف کروائیں گے.

آج سے لاہور میں تین روزہ برائیڈل کٹیور ویک شروع ہو رہا ہے. اس میں مختلف برینڈز اپنی اپنی کلیکشنز متعارف کروائیں گے. اس بار کے برائیڈل ویک کی خاص بات یہ ہے کہ اس میں معروف کرکٹر شاہد آفریدی اپنی مینز وئیر کلیکشن متعارف کروائیں گے، شاہد آفریدی کے ملبوسات زیب تن کر کے شوسٹاپر اداکار منیب بٹ بنیں گے. اداکار منیب بٹ کافی پر جوش ہیں ان کا کہنا ہےکہ میں ویسے بھی شاہد آفریدی کا مداح ہوں ان کے برینڈ کے ملبوسات زیب تن کرکے ویمپ پر واک کرنا یقینا باعث مسرت ہے. شاہد آفریدی کی نئی کلیکشنز جو کہ انہوں‌ نے مردوں کے لئے نکالی ہے

ان کے مداحوں کے لئے خوشخبری ہے اور یقینا ان کے مداح اس کلیکشن کو خریدنے کےلئے بےتاب ہوں گے. یاد رہے کہ اداکار منیب بٹ پہلے بھی متعدد مرتبہ ہم برائیڈل کٹیور ویک کے ریمپ پر واک کر چکے ہیں لیکن اس بار یہ واک اس لئے بھی مختلف ہو گی کیونکہ اس بار وہ ہر دلعزیز شاہد خان آفریدی کے برینڈ کے تیار کردہ ملبوسات زیب تن کررہے ہیں. یاد رہے کہ برائیڈل کٹیور ویک آج کے دن شروع ہو رہا ہے اور آئندہ کل آفریدی کے برینڈ کی تیار کردہ منیز وئیر کےلئے منیب بٹ ریمپ پر واک کریں گے.شاہد آفریدی خود بھی موقع پر موجود ہوں گے.

چھوٹی سکرین کے بڑے اداکار منیب بٹ نے حال ہی میں ایک انٹرویو دیا ہے اس میں انہوں نے کہا ہے کہ میں نے اپنی اہلیہ ایمن جو کہ سپر سٹار ہیں ان کو کبھی بھی کام کرنے سے نہیں روکا. میں نے ہمیشہ ان کی حوصلہ افزائی کی ہے. ان کی مرضی ہے وہ کام کریں یا نہ کریں . کام کرنے کا فیصلہ بھی ان کا اپنا ہے اور نہ کرنے کا فیصلہ بھی اپنا ہے. ہم کبھی ایک دوسرے کے فیصلوں پر اثر انداز نہیں‌ہوتے. ایمن نے خود ہی شادی کے بعد فیصلہ کیا کہ وہ اپنی بچی اور گھر کو وقت دیں گی لہذا انہوں نے کام سے بریک لی ہے. انہوں نے ایک سوال کے جواب میں کہا کہ

مجھ سے ایمن اگر کوئی مشورہ لیتی ہے تو میں اسکو اپنا مشورہ ضرور دے دیتا ہوں لیکن کبھی اس کے سامنے یہ شرط نہیں رکھی کہ وہ اسے مانے بھی. انہوں نے مزید کہا کہ ایمن کو جب بھی کام شروع کرنا ہو گا وہ کر لیں گی اور میں ان کا ساتھ دوں گا. یہ گمان بالکل غلط ہے کہ میں نے اسکو کام کرنے سے روکا ہے. ایمن اپنی مرضی اور فیصلے کرنے میں بالکل آزاد ہیں. یاد رہے کہ ایمن اور منیب کی شادی سے پہلے تک ایمن کام کررہی تھیں لیکن شادی ہوتے ہی انہوں نے کام چھوڑ دیا.

اداکار منیب بٹ جو کہ آج کل قلندر ڈرامے میں ایک ایسے لڑکے کا کردار کررہے ہیں جو پیسے کے پیچھے پاگل ہے اور اسے ہی اپنا دین دھرم سمجھتا ہے. منیب بٹ نے حال ہی میں ایک انٹرویو دیا ہے اس میں انہوں نے کہا کہ میں الگ کردار کرنے کی کوشش کرتاہوں خوش نصیبی ہے کہ ہر بار کامیاب ہوجاتا ہوں عوام سراہتی ہے. انہوں نے کہا کہ ہر پاکستان کو سیاست میں دلچپسی ہونی چاہیے ، سیاست میں دلچپسی میں ملک سے محبت کے لئے ہونی چاہیے. انہوں نے کہا کہ میں مجھے نالج اکٹھا کرنے کا اچھے لوگوں‌کو سننا پڑھنا بہت اچھا لگتا ہے. میں عمران خان کا

بلائنڈ فالور نہیں ہوں لیکن مجھے لگتا ہے کہ وہ ایک بہتر سیاستدان ہیں . میں ان پر حملے کی شدید مذمت کرتا ہوں. جب مجھے بتایا گیا کہ عمران خان پر حملہ ہوا ہے تو مجھے تو یقین ہی نہیں آرہا تھا لیکن جب سوشل میڈیا دیکھا ٹی وی دیکھا تو ایسی ہی خبر چل رہی تھی. ایسا نہیں ہونا چاہیے . اختلاف سیاست میں ایک دوسرے کی رائے اور طرز سیاست سے ہونا چاہیے کسی کا بھی اختلاف کسی کی شخصیت سے نہیں ہونا چاہیے. یاد رہے کہ منبب بٹ عمران خان کے حامی ہیں اور ان کی زیادہ تر پوسٹیں عمران خان کے حق میں‌ہی ہوتی ہیں .

ڈرامہ سیریل قلندر جو کہ آن ائیر جا چکا ہے اس ڈرامے کی شوٹنگ مسلسل لاہور میں چل رہی ہے۔ ڈرامے کی شوٹنگ لاہور کے مختلف علاقوں میں کی جا رہی ہے۔ گزشتہ روز اس ڈرامے میں شادی کی ایک تقریب کی شوٹنگ کی گئی جس میں ساری کاسٹ موجود تھی۔ سینئر اداکارہ اسماءعباس نے اپنے سوشل میڈیا اکاونٹ پر شوٹنگ کی ایک تصویر بھی جاری کی۔ ڈرامے کی مرکزی کاسٹ میں منیب بٹ ، کومل میر ، علی عباس ، اسماءعباس ، علی طاہر ، کنزہ ملک ، احمد عباس ، محمد افضل خواجہ ، عثمان چوہدری ، نعیمہ خان ، فجر خان اور کاشف محمود و دیگر شامل ہیں۔ ڈرامہ کی کہانی ثمرہ بخاری نے لکھی ہے جبکہ ڈرامے کا او ایس ٹی صابر ظفر نے لکھا اور اسکی کمپوزیشن

شانی ارشد کی ہے اور گایا راحت فتح علی خان نے ہے۔ڈرامے کے پرڈیوسر عبداللہ کادوانی اور اسد قرشی ہیں اور ڈائریکٹر صائمہ وسیم ہیں۔ کہانی سوشل ایشو ہے اور اس میں بنتے بگڑتے رشتوں اور نوجوان نسل کی ترجیحات کیا ہوتی ہے وہ دکھایا گیا ہے۔ ڈرامے کو بڑے پیمانے پر پسند کیا جا رہا ہے۔ منیب بٹ اس میں ایک ایسے لڑکے کا کردار ادا کررہے ہیں جو پیسے کی خاطر ایک امیر لڑکی سے شادی کرتا ہے۔ کہانی جوں جوں آگے بڑھ رہی ہے ڈرامہ شائقین کی دلچپسی مزید بڑھی جا رہی ہے۔

الیکشن کمیشن آف پاکستان نے توشہ خانہ ریفرنس میں سابق وزیراعظم عمران خان کو گزشتہ روز نااہل قرار دے دیا۔اس فیصلے کے بعد ان کے حامیوں میں کافی غم و غصہ پایا جاتا ہے ان کا ماننا ہے کہ عمران خان ایک طاقت بن کر ابھر رہے ہیں اسی لئے ان کو نااہل قرار دیکر سیاسی گیم سے باہر کیا جارہا ہے. عمران خان جن کو شوبز کے سٹارز کی بڑے پیمانے پر حمایت حاصل ہے وہ سب اس فیصلے کے بعد کافی پریشان ہیں اداکارہ غنا علی نے کہا کہ جب آپ کسی کا مقابلہ نہیں کر سکتے تو اسکو نااہل کر دیتے ہو اور عمران خان کے ساتھ ایسا ہی ہوا ہے، سینئر اداکارہ ثمینہ

پیرزادہ نے کہا کہ کسی کے آنے اور کسی کے جانے کی قیمت کب تک اور کتنی ادا کرنی ہے ، یہ کیا مذاق ہے؟جبکہ منیب بٹ نے ٹویٹ کیا کہ ” کوئی رہ تو نہیں گیا”، انہوں نے ٹوچہ خانہ اک بہانہ کا ہیش ٹیگ بھی استعمال کیا. یوں عمران خآن کے حامی شوبز ستارے کافی ہیں غصے میں ان کا مطالبہ ہے کہ اس فیصلے کو واپس لیا جائے . منیب بٹ ، ثمینہ پیرزادہ اور غنا علی کے علاوہ بھی شوبز ستارے غصے سے بھری پوسٹیں کررہے ہیں. دوسری طرف جیسے ہی یہ فیصلہ آیا عمران خان کے حامی سڑکوں پر نکل آئے.

پاکستان تحریک انصاف کے سربراہ عمران خان نے ملک میں عدم برداشت کے کلچر کو فروغ دیا ہے خود کو ٹھیک اور دوسروں کو چور ڈاکو ثابت کرنےکےلئے ان سے بہتر لفاظی کوئی نہیں کر سکتا. انہوں نے اپنے فالوورز کو درس دیا ہے کہ جہاں کہیں بھی پی ٹی آئی کے علاوہ کوئی سیاستدان نظر آجائے اسکی انسلٹ کی جائے اسکو چور کہا جائے چور چور کے نعرے لگائے جائیں اور ان کے فالورز عمران خان کا کہا نہیں‌ٹالتے . اسکی مثال مریم اورنگزیب کے ساتھ حالیہ ہونے والی ہراسگی ہے مریم اورنگزیب کو لندن میں پی ٹی آئی کے سپورٹرز کی جانب سے ہراساں کیا گیا. اس واقعہ کی ہر کسی نے مذمت کی ہے یہاں تک کہ پی ٹی آئی کے چند ایک ایسے سپورٹرز جو عمران خان کو اس ملک کا مسیحا سمجھتے ہیں وہ بھی اس واقعہ کو برا جان

رہے ہیں. حال ہی میں منیب بٹ جو کہ پی ٹی آئی کے بہت بڑے سپورٹر ہیں انہوں نے لندن میں مریم اورنگزیب کے ساتھ جو بھی ہوا ہے کہ اسکی مذمت کی ہے اور کہا ہے کہ سیاست میں اس طرح کا کلچر تباہی کی طرف لیجائے اور اورملک کو اندھیری گلی میں لیجائے گا لہذا اس کلچر کو فروغ مت دیا جائے. سیاسی اختلافات کو اس نہج تک نہ لیکر جایا جائے. یوں منیب بٹ نے مریم اورنگزیب جن سے وہ سیاسی اختلاف رکھتے ہیں ان کے ساتھ ہونے والی ہراسگی کی مذمت کی ہے.

چھوٹی سکرین کی بہت ہی خوبصورت جوڑی ایمن خان اور منیب بٹ دونوں خاصے مقبول ہیں. ان دونوں کی ایک بیٹی بھی ہے جو تین سال کی ہے اسکا نام عمل منیب بٹ ہے. عمل کی تیسری سالگرہ بھی منائی ان کے والدین نے دھوم دھام سے. سوشل میڈیا پر ایک وڈیو وائرل ہو رہی ہے جس میں دیکھا جا سکتا ہے کہ عمل منیب بٹ بچوں کی نظم ” بے بی شارک” پر جھوم رہی ہیں اور ان کی والدہ ایمن خان پاس کھڑی تالیاں بجا رہی ہیں اس دوران ایمن کے چہرے کی خوشی دیدنی ہے. عمل خان اپنی سالگرہ پر بلیو کلر کا فراک پہنے ہوئے دکھائی دے رہی ہیں. ایمن اور منیب اپنی بیٹی سے بہت محبت کرتے ہیں.. عمل کی بہترین پرورش کی وجہ سے ایمن خان نے شادی کے بعد ابھی تک شوبز میں واپسی نہیں کی ان کہنا ہے

کہ ان کی ساری توجہ فی الوقت اپنی بیٹی کی بہترین پرورش پر ہے جبکہ منیب بٹ کہتے ہیں کہ ایمن جتنی اچھی اداکارہ ہیں وہ اس سے کہیں اچھی اور بہترین ماں ہیں وہ بعض اوقات عمل کے لئے اتنا پریشان ہو جاتی ہیں کہ میں کہا کرتا ہوں ایمن نارمل رہو کچھ نہیں ہوتا. یاد رہے کہ ایمن اور منیب بٹ نے محبت کی شادی کی تھی اور ان کی شادی دھوم دھام سے دسمبر 2018 میں ہوئی تھی. مینب بٹ آج کل لاہور میں ہیں اور ان کے ساتھ ایمن اور ان کی بیٹی عمل بھی موجود ہیں.