Tag: منیب بٹ

منیب بٹ کہنے کو تو اداکار ہیں لیکن وہ سیاست میں اس طرح سے دلچپسی لیتے ہیں جیسے ان کے پاس سیاست کا بہت زیادہ تجربہ ہے وہ ہر سیاسی معاملے پر ٹویٹ کرتے ہیں. ھال ہی میں ایک اخبار کو انٹرویو دیتے ہوئے انہوں نے کہا کہ عمران خان کا میں حمایتی اس لئے ہوں کیونکہ وہ سچ بولتے ہیں اور ایماندار لیڈر ہیں، ان کی حکومت کے خلاف یقینا سزش ہوئی ہے کنفرم ہے یہ بات تو لیکن اس میں ہمارے دیگر سیاستدان شامل تھے یا نہیں یہ دیکھنا باقی ہے اس بارے میں ، میں کچھ بھی کنفرم نہیں کہہ سکتا. لیکن اتنا ضرور کہوں گا کہ سپریم کورٹ‌کو چاہیے کہ وہ جیوڈیشل کمیشن تشکیل دے تاکہ اس معاملے کی انکوائری ہو سکے. منیب بٹ نے مزید کہا کہ عمران خان کی حکومت کے چار سال

نہ بہت برے تھے نہ ہی بہت اچھے تھے لیکن اتنے اچھے ضرور تھے کہ لوگوں کو مالی طور پر فائدہ ہوا انکے دور میں انویسٹرز پاکستان آئے ،لیکن جیسے ہی ان کی حکومت کو گرایا گیا انویسٹرز نے اپنا پیسہ باہر لیجانا شروع کر دیا اب یہاں پر کوئی سرمایہ کاری کرنے کو تیار نہیں ہے. انہوں نے انٹرویو کے دوران ایک سوال کے جواب میں کہا کہ نوازشریف کو میرا یہ مشورہ ہے کہ وہ جلد از جلد پاکستان آئیں اور عوام کا سامنا کریں عوام انکی منتظر ہے جبکہ بلاول کو انہوں نے پاکستانی سیاست کا مستقبل کہہ ڈالا .

ٹی وی کے معروف اداکار منیب بٹ جو کہ تحریک انصاف کے بہت بڑے سپورٹر ہیں ان کو لگتا ہے کہ عمران خان ہی اس ملک کے تمام مسائل کو حل کر سکتے ہیں. وہ عمران خان کے اس بیانیے کوبھی مانتے ہیں کہ رجیم چینج کرنے کے لئے سازش رچی گئی. منیب بٹ ہر اس انسان اور شخصیت کے حق میں نظر آتے ہیں جو عمران خان کو سپورٹ کرتاہے. مولانا طارق جمیل جو کہ عمران خان کے نہ صرف دوست ہیں بلکہ ان کو سپورٹ بھی کرتے ہیں. حال ہی میں مولانا نے جب عمران خان کے علاوہ دیگر سیاسی جماعت کے لیڈران پر تنقید کی تو مولانا کا روپ

کھل کر سامنے آگیا کہ وہ عمران خان کے بہت بڑے سپورٹر ہیں. مولانا کو تبلیغی جماعت سے بھی نکال دیا گیا ہے اور کہا گیا ہے کہ ان کے کسی بھی بیان کے ہم ذمہ دار نہیں ہیں. مولانا کو تبلیغی جماعت سے نکالنے پر اداکار منیب بٹ نے رد عمل دیتے ہوئے کہا ہے کہ مولانا طارق جمیل کو تبلیغی جماعت سے تو نکال دیا لیکن دل سے کیسے نکالو گے. اس بیان کے زریعے منیب بٹ نے مولانا طارق جمیل کے لئے اپنی سپورٹ کا مظاہرہ کیا ہے. منیب بٹ کے اس بیان کے بعد جہں ان کو سراہا جا رہا ہے وہیں ان پر تنقید بھی ہو رہی ہے کہ وہ فنکار ہیں انہیں سیاست اور مذہبی معاملات سے دور رہنا چاہیے.

اداکارہ ایمن خان کے مداحوں کے لئے ایک بڑی خوشخبری ہے کیونکہ انہوں‌نے اشارہ دیدیا ہے کہ وہ ڈراموں میں واپسی کریں گی. اداکارہ نے حال ہی میں ایک مختصر انٹرویو دیتے ہوئے کہا کہ مجھے اگر اچھا سکرپٹ ملا تو میں ڈراموں میں واپسی ضرور کروں‌گی لیکن ابھی میری بیٹی بہت چھوٹی ہے اسکو میری ضرورت ہے، جب تک یہ تھوڑی سمجھدار نہ ہوجائے مجھے ڈراموں‌سے وقفہ برقرار رکھنا ہو گا لیکن یہ بات بھی ساتھ ہے کہ کوئی بہت اچھا پراجیکٹ ملا

تو کر بھی سکتی ہوں. یوں ایمن خان کے بارے میں جو ایک عرصہ سے کہا جا رہا تھا کہ ان کے شوہر منیب بٹ نے ان کو منع کر رکھا ہے کہ ڈراموں‌میں اب کام نہیں‌کریں گی یہ تاثر بھی ختم ہو گیا کہ منیب بٹ نے ان کوکام کرنے سے منع کیا تھا. یاد رہے کہ اداکار منیب بٹ کے ساتھ شادی کے بندھن میں بندھنے کے بعد ایمن خان نے اداکاری سے دوری اختیار کر لی اور گمان یہ ہی کیا جاتا رہا ہے کہ منیب نے منع کیا ہے جبکہ منیب کا یہ کہنا ہے کہ میں نے ایمن کو منع نہیں‌کیا لیکن انہیں کچھ چیزیں سمجھا دی ہیں آگے ان کی مرضی ہے جو ان کا فیصلہ ہو مجھے قبول ہے اور کوئی اعتراض نہیں. منیب بٹ نے بھی اس تاثر کو غلط قرار دیا کہ انہوں‌ نے ایمن خان کو کام کرنے سے منع کیا ہے.

اداکارہ ایمن خان نے فادرز ڈے پراپنے والد کو کیا یاد اور ایک جذباتی پوسٹ سوشل میڈیا پر شئیر اس پوسٹ کے ساتھ انہوں نے اپنے والد کی تصویر بھی لگائی۔ایمن خان نے لکھا کہ ’’ اعتبار آ ہی جائیگا ملو تو سہی ، دھوپ میں کھڑا جل رہا ہوں سایہ دو مجھے‘‘ ہیہی فاردز ڈے میں آپ سے ملنے کےلئے بے چین ہوں ۔ ایمن خان کی اس جذباتی پوسٹ پر ان کے پرستاروں نے ان کے مرحوم والد کی مغفرت کی دعائیں کیں۔ ایمن خان نے شادی کے بعد شوبز میں کام نہیں کیا وہ آج کل گھر میں ہی ہوتی ہیں اور اپنی بیٹی کو پال رہی ہیں۔ کہا جا تا ہے کہ ایمن خان کو کام کرنے سے ان کے شوہر منیب بٹ نے روکا ہے۔ جبکہ منیب بٹ کہتے ہیں کہ ان کی بیوی آزاد انسان ہے وہ بیوی پر پابندی لگانے کے قائل نہیں ہیں اگر وہ کام نہیں کررہیں تو اپنی مرضی سے نہیں کر رہیں میں نے ان کو صرف چند چیزیں سمجھائیں اور اس کے بعد ان پر فیصلہ چھوڑ دیا۔ان کا جب بھی دل چاہے وہ کام کر سکتی ہیں۔

یاد رہے کہ ایمن خان انسٹاگرام پر کافی متحرک ہیں وہ اس ایپ پر مسلسل اپنی تصاویر شئیر کرتی رہتی ہیں ایمن نے جتنے بھی ڈراموں میں کام کیا سب میں ہیروئین کا کردار ادا کیا۔ ایمن کا شمار پاکستان ڈرامہ انڈسٹری کی لیڈنگ ادکارائوں میں ہوتا ہے۔ انہوں نے جتنا عرصہ بھی کام کیا معیاری کام کیا اپنی ایک پہچان بنائی۔ آج بھی ان کے پرستار ان کو دیکھنے کےلئے بےتاب رہتے ہیں۔

عبداللہ کادوانی اور میکال ذوالفقار کے ڈرامہ سیریل”قلندر” کی شوٹنگ لاہور میں جاری ہے۔اے آر وائی پر آن ائیر جانے والے اس ڈرامے کی کاسٹ میں منیب بٹ، علی عباس، کومل میر،علی طاہر،اسمائ عباس،کاشف محمود و دیگر شامل ہیں۔منیب بٹ کا ماضی قریب میں "بددعا” ڈرامہ اختتام پذیر ہوا، اس میں انکے ساتھ امر خان تھیں۔منیب نے اس ڈرامے میں روٹین سے ہٹ کر کردار ادا کیا تھا۔

یاد رہے کہ بہت عرصے کے بعد لاہور میں بیک وقت دو ڈراموں کی شوٹنگ جاری ہے۔ قلندر کے علاوہ جس ڈرامے کی شوٹنگ جاری ہے اسکا نام ہے "فراڈ” ثاقب خان کی ڈائریکشن میں بننے والا یہ ڈرامہ آن ائیر جاچکا ہے۔ اس کی کاسٹ میں صبا قمر، میکال ذوالفقار، احسن خان،اسماءعباس و دیگر کا نام قابل زکر ہے۔اس وقت اسماءعباس اور میکال ذوالفقار علی خان دونوں ڈراموں میں کام کررہے ہیں اور دونوں ڈراموں کی شوٹ بیک وقت لاہور میں جاری ہے۔منیب بٹ کے ساتھ ڈرامہ سیریل قلندر میں کومل میر پہلی بار دکھائی دے رہی ہیں جبکہ میکال احسن اور صبا قمر کافی عرصے کے بعد کسی پراجیکٹ میں اکٹھے ہوئے ہیں

چھوٹی سکرین کے بڑے اداکار منیب بٹ جن کا آج کل لاہور میں ایک ڈرامہ شوٹ ہو رہا ہے وہ کہتے ہیں کہ مجھے لاہور آکر کام کرنے میں بہت مزہ آرہا ہے یہاں لوگ بہت اچھا ریسپانس دیتے ہیں بہت پیار دیتے ہیں تاہم کراچی میں‌کام کرنے کا بھی اپنا ہی مزہ ہے منیب بٹ نے اپنے حالیہ ایک انٹرویو میں کہا کہ میں سوشل میڈیا پر متحرک ہوں اور جو ٹھیک لگتا ہے وہی کہتا ہوں مجھے لگتا ہے کہ عمران خان اس ملک کے لئے بہترین چوائس ہیں اور ان کی حکومت کے خلاف سازش تو ہوئی ہے وہ سازش کس نے کی ہے یہ میں‌حتمی طور پر کچھ نہیں کہہ سکتا. انہوں نے مزید کہا کہ مجھے لگتا ہے کہ اگر لوگ میری بات سنتے ہیں تو میں ان کو وہ بتائوں جو مجھے پتہ ہے یا میں ٹھیک سمجھتا ہوں. منیب بٹ نے ایک سوال کے جواب میں کہا کہ فلموں میں‌کام کروں گا لیکن ابھی ایسا کوئی سکرپٹ سمجھ میں‌نہیں آیا کہ حامی بھر لوں.حالیہ فلمیں اپنے کام کی مصروفیت کی وجہ سے نہیں دیکھ سکا لیکن مجھے یقین ہے کہ ساری فلمیں اچھی تھیں یقینا اچھی تھیں تو لوگ سینما گھروں میں جوق در جوق گئے.منیب نے کہا کہ مجھے ہر قسم کے کردار کرنا اچھا لگتا ہےاور انٹرویوز اس لئے کم دیتا ہوں کیونکہ میرا ایک یوٹیوب چینل ہے وہاں میں اپنے حوالے سے ہر چیز شئیر کرتا ہوں لہذا جس کو میرے بارے کچھ جاننا ہے کچھ پوچھنا ہے تو وہ آئے اور دیکھے میں انہی کے لئے ہر چیز اپ لوڈ کرتا ہوں.

عبداللہ کادوانی اور اسد قریشی کے نئے ڈرامہ سیریل میں اداکار منیب بٹ دکھائی دیں گے اسکی شوٹنگ لاہور میں ہوئی ہے اس حوالے سے منیب بٹ نے سوشل میڈیا پر ایک پوسٹ شئیر کی اور لکھا کہ ” بسمہ اللہ” یہ میرا پہلا پراجیکٹ ہے جو پورا کا پورا لاہور میں شوٹ ہوا ہے اور میں بہت خوش ہوں مجھے اس پراجیکٹ سے کافی امیدیں ہیں. منیب بٹ کا حال ہی میں اے آر وائے پر چلنے والا ڈرامہ سیریل” بددعا ” ختم ہوا ہے اس میں انہوں نے امر خان کے مقابلے میں اداکاری کی یہ ڈرامہ لوگوں‌ کو کافی پسند آیا اور امر خان اور منیب بٹ کی جوڑی بھی سراہی گئی.

منیب بٹ کا ہر پراجیکٹ پہلے والے سے مختلف ہوتا ہے واضح رہے کہ منیب نے ایمن خان سے شادی کی ہے اور دونوں بہت خوش ہیں منیب اور ایمن کی طرف سے سوشل میڈیا پر ایسی پوسٹیں اور تصاویر آتی رہتی ہیں کہ جس سے معلوم پڑتا ہے کہ دونوں کافی خوش ہیں.
منیب بٹ جو کہ چھوٹی سکرین کے بڑے اداکار ہیں نامور ہیروئینز کے ساتھ کام کر چکے ہیں یہ سیاست میں کافی دلچپسی رکھتے ہیں ان کے کام کے اتنے مصروف شیڈیول میں سے بھی یہ اتنا وقت نکال لیتے ہیں کہ سیاسی پوسٹیں کرتے رہے ہیں اور ان کی تمام تر پوسٹیں پی ٹی آئی کے چئیرمین جناب عمران خان کے حق میں ہوتی ہیں. منیب بٹ دل و جان سے عمران خان کو سپورٹ کرتے ہیں اورایسا مانتے ہیں کہ پاکستان کا مستقبل عمران خان کے ساتھ جڑا ہوا ہے.

ماڈل و اداکارہ سنیتا مارشل کے شوہر اداکار حسن احمد نے ٹی وی کی معروف جوڑی منیب بٹ اور ایمن خان سے معافی مانگ لی .حسن نے ایک وڈیو پیغام میں کہا کہ میں خود کا دفاع نہیں کر رہا لیکن میں ایمن خان ،منیب بٹ اور اذان سمیع خان کے متعلق کہے ہوئے اپنے تمام الفاظ واپس لیتا ہوں.ایمن اور منیب بٹ کے لئے خوشگوار زندگی کی دعائیں ہیں.عزت اللہ دیتا ہے میرا نہیں بنتا کہ میں کسی کے بارے مین کچھ کہوں. ہم سب کو جیلسی اور نیگیٹیویٹی سے اوپر ہونا چاہیے خصوصی طور پر مجھے..یاد رہے کہ حسن احمد نے کچھ روز پہلے ایک ٹی وی انٹرویو دیا اس میں انہوں نے ایمن خان اور منیب بٹ کے

انسٹاگرام فالورز کو فیک کہا اور ساتھ ہی اذان سمیع خان کی

اداکاری پر بھی سوال اٹھایا تھ .ان کے اس بیان کے بعد انہیں سوشل میڈیا پر کافی تنقید کا سامنا کرنا پڑا تھا تاہم ایمن اور منیب بٹ نے حسن احمد کے اس بیان پر تبصرہ نہیں کیا اسی طرح‌ سے اذان سمیع خان نے بھی خاموشی اخیتیار کئے رکھی. لیکن جیسے ہی حسن احمد کو اپنی غلطی کا احساس ہوا انہوں‌ نے ایک وڈیو پیغام جاری کر کے اپنے الفاظ واپس لیتے ہوئے شرمندگی کا اظہار کیا اور کہا کہ مجھے بالکل بھی کسی کے بارے میں ایسا نہیں کہنا چاہیے. حسن احمد عمومآ کسی پر تنقید نہیں کرتے عاجزی رکھنے والے انسان ہیں ان کے پرستار حیران تھے کہ انہوں‌ نے ایسا کیسے کہہ دیا لیکن انکے وڈیو پیغام کے بعد کافی خوش ہیں کہ کم از کم حسن نے اپنی غلطی کا احساس کر لیا.