Tag: مولانا فضل الرحمن

لاہور: میں شہباز شریف کی جان بخشی نہیں ہونے دوں گا ، یہ جو این آر او کی شکل میں عمران خان شہباز شریف کو رعایت دینا چاہتے ہیں میں رکاوٹ بنوں گا ان خیالات کا اظہار جمعیت علمائے اسلام (جے یو آئی) ف کے سربراہ مولانا فضل الرحمان نے ایک پریس کانفرنس میں کیا

مولانا فضل الرحمٰن نے کہا کہ ہم اس سے پہلے بھی 15 ملین مارچ کر چکے ہیں اور تن تنہا آزادی مارچ کرنے کی بھی صلاحیت رکھتے ہیں۔ یہ مارچ ناموس ختم نبوت، مہنگائی اور ناانصافیوں کے خلاف ہو گا

مہنگائی اور دیگر مسائل کے بارے میں مولانا فضل الرحمن نے کہا کہ اس وقت سخت مشکل دور سے گزررہا ہے ، لیکن ہمارا مارچ ایک امید کی کرن ہوگا جس کے لیے تمام اپوزیشن جماعتیں ہمارا ساتھ دیں گی

اسلام آباد:میں نے نواز شریف اور زرداری کو مشورہ دیا تھا کہ نیب کو ختم کردو ابھی موقع ہے ورنہ ہمیں سب کو اس کا خمیازہ بھگتنا پڑے گا.ان خیالات کا اظہار میدان سیاست کے معروف پلیئر جمعیت علمائے اسلام (ف) کے سربراہ مولانا فضل الرحمان نے ایک نجی ٹی وی کے پروگرام میں کیا .مولان فضل الرحمن کا کہنا تھا کہ نیب ڈمی ادارہ ہے جو مشرف کے وقت سے استعمال ہو رہا ہے،انہوں نے کہا کہ آل پارٹیز کانفرنس میں تمام جماعتوں کا ایک پلیٹ فارم پر جمع ہونا قوم کے لیے بڑی خبر ہے جس میں تمام فیصلے متفقہ ہوئے۔مولانا فضل الرحمن نے مزید کہا کہ اے پی سی میں چیئرمین سینیٹ کی تبدیلی پر سب کا اتفاق تھا، یقین ہے کہ ن لیگ اور پیپلز پارٹی کی نظر ہو گی کہ چیئرمین سینیٹ کو کیسے تبدیل کیا جائے، عدم اعتماد کی تحریک کے لیے ارکان کو منظم کرنا ہو گا۔

مولانا فضل الرحمن کی باتون سے اے پی سی میں اختلافات کی بو بھی آرہی تھی جب ایک سوال کے جواب میں انہوں نے کہا کہ ن لیگ کی رائے ہے کہ اے پی سی کی سربراہی کرنے والا ہی رہبر کمیٹی کی سربراہی کرے لیکن اگر یوسف رضا گیلانی سربراہی کریں تو مجھے اعتراض نہیں ہے۔حکومت نے آئی ایم ایف کا آدمی اسٹیٹ بینک میں بٹھا دیا، حکومت نے باہر کا آدمی ایف بی آر میں بٹھا دیا، ملک کے حالات ایسے ہیں کہ نواز شریف جیسے آدمی کے لیے بھی ملک کی معیشت کو ٹھیک کرنا مشکل ہو گا۔

رانا ثناء اللہ کی گرفتاری سے متعلق مولانا فضل الرحمن کا کہنا ہے کہ گرفتاریوں سے تحریکیں ختم نہیں ہوتیں بلکہ انہیں جلا ملتی ہے، رانا ثناء اللہ کو گرفتار کر کے ڈراما رچایا گیا ہے، جسے علم ہو کہ اسے گرفتار کیا جانا ہے تو کیا وہ اس طرح کرے گا؟ چیئرمین نیب سے ملاقات کی تصدیق کرتے ہوئے کہا کہ وہ میرے پاس آئے اور کہا میرا بہت احترام کرتے ہیں۔ چیئرمین نیب مجھے ملنے آئے تو میں نے انہیں نہیں پہچانا، میں نے انہیں وہی احترام دیا جو ملنے آئے شخص کو دیا جاتا ہے لیکن بعد میں مجھے بتایا گیا کہ جو آپ سے ملنے آئے وہ چیئرمین نیب تھے جس پر میں نے ان لوگوں سے کہا مجھے بتانا تو چاہیے تھا کہ یہ چیئرمین نیب تھے۔