Tag: مویشی منڈیاں

اسلام آباد ٹریفک پولیس نے عیدالاضحیٰ پر مویشی منڈیوں کے اطراف ٹریفک کی روانی برقرار رکھنے کے لیے خصوصی پلان تشکیل دے دیا۔

ترجمان اسلام آباد پولیس کے مطابق چیف ٹریفک آفیسر محمد سرفراز ورک کی زیر صدارت ایک اہم اجلاس منعقد ہوا جس میں ایس پی ٹریفک اور زونل ڈی ایس پیز نے شرکت کی، اجلاس میں عیدالاضحیٰ کے موقع پر اسلام آباد میں قائم مویشی منڈیوں کے لیے خصوصی ٹریفک پلان کی منظوری دی گئی۔

چیف ٹریفک آفیسر کے مطابق ٹریفک پولیس کے 350 سے زیادہ افسران اور اہلکار ڈیوٹی انجام دیں گے جبکہ مویشی منڈیوں کے اطراف ٹریفک کی روانی برقرار رکھنے کے لیے خصوصی تعیناتیاں کی گئی ہیں انہوں نے شہریوں سے اپیل کی کہ وہ مویشی منڈیوں کے اطراف سڑکوں پر گاڑیاں پارک کرنے سے گریز کریں اور صرف مختص کردہ پارکنگ ایریاز کا استعمال کریں شہریوں کی سہولت اور ٹریفک نظم و ضبط کو برقرار رکھنے کے لیے اضافی اہلکار بھی تعینات کیے گئے ہیں، جبکہ شہریوں سے ٹریفک پولیس کے ساتھ تعاون اور جاری ہدایات پر عمل کرنے کی درخواست کی گئی ہے، اسلام آباد ٹریفک پولیس شہریوں کی رہنمائی کے لیے ہر وقت موجود رہے گی۔

عید الاضحیٰ کے پیش نظر ضلعی انتظامیہ اسلام آباد نے وفاقی دارالحکومت میں 6 مویشی منڈیاں قائم کرنے کا فیصلہ کرلیا۔

ضلعی انتظامیہ کے مطابق مویشی منڈیاں ضیاء مسجد، آئی-12، بارہ کہو، لہتراڑ روڈ سلطانہ فاؤنڈیشن، سنگجانی اور جاپان روڈ پر قائم کی جائیں گی، جبکہ ان منڈیوں کا قیام 10 مئی سے عمل میں لایا جائے گا ڈپٹی کمشنر اسلام آباد نے متعلقہ اداروں کو پارکنگ، صفائی ستھرائی، سیکیورٹی اور دیگر انتظامات مکمل کرنے کی ہدایت جاری کردی ہے، ڈی سی اسلام آباد کے مطابق منڈیوں میں نوٹیفائیڈ ریٹ سے زائد فیس وصول کرنے کی شکایات کا فوری ازالہ کیا جائے گا۔

ضلعی انتظامیہ نے ہدایت کی ہے کہ ہر مویشی منڈی میں ایک مجسٹریٹ ہمہ وقت ڈیوٹی پر موجود ہوگا تاکہ انتظامی امور کی نگرانی یقینی بنائی جاسکے ڈی سی اسلام آباد نے ٹریفک پولیس کے ساتھ خصوصی حکمت عملی تشکیل دینے کی بھی ہدایت کی ہے تاکہ منڈیوں سے متصل شاہراہوں پر ٹریفک کی روانی برقرار رکھی جاسکے،مقررہ مویشی منڈیوں کے علاوہ شہر کے کسی بھی مقام پر جانوروں کی خرید و فروخت کی سختی سے ممانعت ہوگی۔

وفاقی دارالحکومت اسلام آباد میں عید الاضحی کے موقع پر 6 مویشی منڈیاں لگانے کی منظوری دے دی گئی۔

ضلعی انتظامیہ نے مویشی منڈیوں کے قیام کا نوٹیفکیشن جاری کر دیا، مویشی منڈیاں سنگجانی، آئی 15، آئی 12، بہارہ کہو، لہتڑار روڈ اور ایکسپریس وے پر لگائی جائیں گی،تمام مویشی منڈیوں کے لیے فوکل پرسنز تعینات کر دئیے گئے ہیں، سنگجانی میں قائم مویشی منڈی کی فوکل پرسن اسسٹنٹ کمشنر ماہین حسن ،اسسٹنٹ کمشنر فروا بتول آئی 12، اسسٹنٹ کمشنر نیہل عبداللہ آئی 15، بارہ کہو کے لئے اسسٹنٹ کمشنرعزیر علی خان، لہتڑار روڈ محمد علی اور ایکسپریس ہائی وے منڈی کے فوکل پرسن فہد چیمہ ہوں گے۔