Tag: نوازشریف

لندن :مسلم لیگ ن کے قائد نواز شریف نے کہا ہے کہ اگر پرویز مشرف واپس آنا چاہیں تو حکومت کو چاہیے کہ ان کو تمام تر سہولیات فراہم کرے۔سماجی رابطوں کی ویب سائٹ ٹویٹر پر جاری اپنے بیان میں نواز شریف نے لکھا کہ میری پرویز مشرف سے کوئی ذاتی دشمنی یا عناد نہیں ہے۔ میں نہیں چاہتا کہ اپنے پیاروں کے بارے میں جو صدمے مجھے سہنا پڑے۔ وہ کسی اور کو بھی سہنا پڑیں۔ ان کی صحت کے لئے اللّہ تعالی سے دعاگو ہوں۔ وہ واپس آنا چاہیں تو حکومت سہولت فراہم کرے۔

خیال رہے کہ آج ہی پاک فوج کے ترجمان کی جانب سے جاری ایک اہم بیان میں کہا گیا ہے کہ پرویز مشرف کی صحت بہت خراب ہے۔ اللہ انہیں صحت دے۔ ہماری لیڈرشپ کا موقف ہے کہ پرویز مشرف کو واپس آجانا چاہیے لیکن یہ فیصلہ ان کی فیملی نے کرنا ہے۔

میری پرویز مشرف سے کوئی ذاتی دشمنی یا عناد نہیں۔ نہیں چاہتا کہ اپنے پیاروں کے بارے میں جو صدمے مجھے سہنا پڑے، وہ کسی اور کو بھی سہنا پڑیں۔ ان کی صحت کے لیے اللّہ تعالی سے دعاگو ہوں۔ وہ واپس آنا چاہیں تو حکومت سہولت فراہم کرے۔

— Nawaz Sharif (@NawazSharifMNS) June 14, 2022

سابق وزیراعظم نوازشریف نے سابق صدر جنرل پرویز مشرف کے‌حوالے سے اپنے خیالات کااظہار کرتے ہوئے کہا کہ میری پرویز مشرف سے کوئی ذاتی دشمنی یا عناد نہیں۔ نہیں چاہتا کہ اپنے پیاروں کے بارے میں جو صدمے مجھے سہنا پڑے، وہ کسی اور کو بھی سہنا پڑیں۔ ان کی صحت کے لیے اللّہ تعالی سے دعاگو ہوں۔ وہ واپس آنا چاہیں تو حکومت سہولت فراہم کرے۔

یاد رہے کہ ادھر آج ڈی جی آئی ایس پی آر نے کہا کہ پرویز مشرف کو وطن واپس لانے کیلئے ان کی فیملی سے رابطہ کیا گیا ہے۔ پرویزمشرف کی فیملی کے جواب کے بعد انتظامات کئے جا سکتے ہیں۔ پرویز مشرف کی صحت کی صورتحال میں ادارے کا اور قیادت کا موقف ہے کہ ان کو واپس آنا چاہیے۔ اسی سلسلے میں پرویز مشرف کے خاندان سے رابطہ کیاگیا۔ پرویز مشرف کی واپسی کا فیصلہ ان کی فیملی اور ان کے ڈاکٹرز نے کرنا ہے کہ وہ ان کو ایسی کنڈیشن میں سفر کرنے کی اجازت دے سکتے ہیں یا نہیں؟

انہوں نے کہا کہ اگریہ دونوں چیزیں سامنے آجاتی ہیں تو اس کے بعد ہی کوئی انتظامات کیےجاسکتے ہیں، انسٹی ٹیوشن محسوس کرتاہے کہ جنرل مشرف کو اگر ہم پاکستان لاسکیں تو لانا چاہیے کیوں کہ ان کی کنڈیشن ایسی ہے۔

اسلام آباد:آصف زرداری کی مولانا فضل الرحمن سے ملاقات’ موجودہ سیاسی صورتحال پر غور،اطلاعات کے مطابق سابق صدر آصف علی زرداری نے جے یو آئی کے امیر مولانا فضل الرحمن سے ملاقات کر کے موجودہ سیاسی صورتحال پر تبادلہ خیال کیا۔

ملاقات کے دوران دونوں رہنماؤں کا کہنا تھا کہ تمام فیصلے قومی حکومت کے مشاورت سے کر رہے ہیں اور مستقبل میں بھی مشاورت سے کریں گے۔

رہنماؤں کا کہنا تھا کہ پاکستان پہلے ہے اور سیاست بعد میں ہے اور آئندہ بھی تمام اقدامات پاکستان کی بہتری کے لیے کریں گے نہ کہ دوسروں کی طرح دو ٹکے کی سیاست کے لیے۔ملاقات میں رہنماؤں نے مزید کہا کہ قومی حکومت ہی ملک اور اس قوم کو سابق حکومت کے بنائے ہوئے بھنور میں سے نکال سکتی ہے۔

ادھر سابق وزیراعظم نوازشریف نے کہاہے کہ ہم نے تو کب سے الیکشن کی تیاری کر رکھی ہے،ضمنی الیکشنزمیں بھی عمران خان کو ہرایا، اب بھی ہرائیں گے۔

لندن میں میڈیا سے گفتگو کرتے ہوئے مسلم لیگ ن کے قائد نے کہا کہ ن لیگ نے ہمیشہ دلیرانہ فیصلے کئے ،ہم نے تو کب سے الیکشن کی تیاری کر رکھی ہے،ضمنی الیکشنزمیں بھی عمران خان کو ہرایا، اب بھی ہرائیں گے، ہم الیکشن کیلئے تیار ہیں۔

سابق وزیراعظم نے کہاکہ عمران خان نے سیاست میں بدتہذیبی کا کلچر متعارف کرایا،اس شخص نے ملک کی معیشت کا بیڑاغرق کردیا۔

اسلام آباد:پاکستان مسلم لیگ (ن) کے قائد اور سابق وزیراعظم نواز شریف نے اتحادی جماعتوں کے سربراہان کو ٹیلی فون کیا اور انتخابی اصلاحات سے متعلق ن لیگ کے فیصلوں پر اعتماد میں لیا، عوام کو ریلیف دینے اور سبسڈی کو محدود کرنے پر بھی بات چیت کی گئی۔

ذرائع کے مطابق معاشی پیکج اور انتخابی اصلاحات کی صورتحال کے پیش نظر قائد ن لیگ نواز شریف نے اتحادی جماعتوں کے آصف زرداری، مولانا فضل الرحمان، سردار اختر مینگل، خالد مقبول صدیقی، خالد مگسی، محمود اچکزئی و دیگر سے ٹیلیفونک رابطے کئے۔

اس حوالے سے ذرائع کا بتانا تھا کہ نواز شریف نے آئندہ انتخابات سے قبل انتخابی اصلاحات سے متعلق ن لیگ کے فیصلوں پر اعتماد میں لیا، عوام کو ریلیف دینے اور سبسڈی کو محدود کرنے پر بھی بات چیت کی گئی، اتحادی جماعتوں کے سربراہان نے نواز شریف کو اپنے موقف سے آگاہ کیا۔

ذرائع کے مطابق نواز شریف نے وزیراعظم شہباز شریف کو بھی تمام اتحادیوں کو اعتماد میں لینے کی ہدایت کرتے ہوئے کہا کہ وزیراعظم سب سے مل کر ایک متفقہ لائحہ عمل مرتب کریں۔

ادھر وزیراعظم کا آئندہ دو دن میں قوم سے خطاب بھی متوقع ہے، شہباز شریف قومی سلامتی کمیٹی کے اجلاس میں بھی تمام صورت حال رکھیں گے۔

لندن:مسلم لیگ (ن) کے قائد اور سابق وزیراعظم نوازشریف نے کہا ہے کہ عمران خان سے آئندہ الیکشن میں مکمل جان چھوٹ جائے گی۔

لندن میں میڈیا سے گفتگو میں نواز شریف نے کہا کہ پاکستان تحریک انصاف نے ہمارا قومی کلچر ہی بگاڑ دیا، پاکستان میں70 سال میں پہلی بار ایسا کلچر دیکھ رہے ہیں۔ عمران خان نے وہ تباہی مچائی ہے، جس کی مثال نہیں ملتی، شکر ادا کرو جان چھوٹی ہے، آئندہ الیکشن میں مکمل جان چھوٹ جائے گی۔

سابق وزیراعظم نے مزید کہا کہ عمران خان کی حکومت نے سیاسی، معاشی، اقتصادی، آئینی اور معاشرتی بحران پیدا کردیا ہے۔ سابقہ حکومت سر سے پاؤں تک بحران پیدا کر کے گئی ہے، وزیراعظم شہباز شریف بدھ کو لندن پہنچیں گے، ان سے اہم امور پر بات چیت ہوگی۔

نوازشریف سے جب یہ پوچھا گیا کہ صدرمملکت ملک میں آئینی بحران پیدا کررہے ہیں تو انہوں نے کہا کہ یہ حکومت پہلے دن سے ہی ملک میں آئینی بحران ، سیاسی ،معاشری اورمعاشی بحران پیدا کررہی ہے

ادھر چوہدری احسن اقبال نے کہا ہے کہ احسن اقبال نے کہا ہے کہ سب اپنے ذاتی پیسوں سے ٹکٹ خرید کر نوازشریف سے ملنے لندن جار ہے ہیں۔

سماجی رابطے کی ویب سائٹ ٹویٹر پر اپنے ایک پیغام میں وفاقی وزیر برائے مںصوبہ بندی اور مسلم لیگ ن کے رہنما احسن اقبال نے عمران خان کے جہلم میں خطاب پر ردعمل دیتے ہوئے کہا کہ سب اپنے ذاتی پیسوں سے ٹکٹ خرید کے جارہے ہیں اور قیام کا بندوبست بھی اپنا اپنا کر رہے ہیں۔

احسن اقبال نے کہا کہ یہی کافی ہے عمران نیازی تمہیں جھوٹا اور کذاب ثابت کرنے کے لئے، تمہیں تمہارے جھوٹ کی نحوست نے ہی مارا ہے۔

فیصل آباد:رانا ثناء اللہ پر نواز شریف کے استقبال کو حج سے بڑا ثواب کہنے پر توہین مذہب کا مقدمہ درج کرنے کی درخواست،اطلاعات کے مطابق فیصل آباد میں موجودہ وزیرداخلہ رانا ثنااللہ کے خلاف توہین مذہب کا مرتکب ہونے پرمقدمہ دائر کرنے کی درخواست کی ہے

فیصل آباد میں کراس ایف آئی آر کیلئے درخواست مدینہ ٹاون تھانے کو وصول، پولیس نے ای ٹیگ لگا کر جمع کر لی، رانا ثناء اللہ پر نواز شریف کے استقبال کو حج سے بڑا ثواب کہنے پر توہین مذہب کا مقدمہ درج کرنے کیا جائے

اس درخواست میں کہا گیا ہے کہ رانا ثنااللہ نے سینیئرصحافی مبشرلقمان کے اس سوال کے جواب میں یہ اپنا عقیدہ بیان کرتے ہوئے اس وقت توہین مذہب کیا تھا جس سے مسلمانوں کی دل آزاری ہوئی

درخواست گزار نے کہا ہے کہ وہ ایک راسخ العقیدہ سُنی مسلمان ہے اور وہ شعائراسلام کی عزت کا خواستگار ہے ، اس درخواست میں رانا ثنااللہ کے حوالے سے یہ ثبوت پیش کیے گئے ہیں‌ کہ ایک نجی ٹی وی کے پروگرام میں جب مبشرلقمان نے رانا ثناللہ سے پوچھا کہ نوازشریف کولینےجارہےہیں اس میں کوئی حج کا ثواب ہے تو رانا ثنااللہ نے جواب دیتے ہوئے کہا جی نوازشریف کا استقبال کرنا حج سے بھی بڑا ثواب ہے

درخواست گزارکی طرف سے کہا گیا ہےکہ حج اسلام کے بنیادی ارکان میں سے ہے اورحج کی حجت اور اس کی اہمیت ایمان کا درجہ رکھتی ہے ، اس لیے چونکہ رانا ثنااللہ نے حج جیسے شعار کی توہین کرتے ہوئے نوازشریف کے استقبال کو اس سے بہترقرار دیا ہے

درخواست گزار کی طرف کہا گیا ہے کہ چونکہ رانا ثناللہ نے اعلانیہ یہ توہین کی ہے اور اس توہین پرڈٹے رہے ہیں اس لیے ان کے خلاف مقدمہ درج کیا جائے