Tag: نیپرا

نیشنل الیکٹرک پاور ریگولیٹری اتھارٹی (نیپرا) نے پرانے سول صارفین کیلیے نیٹ میٹرنگ پالیسی برقرار رکھنے کا فیصلہ کیا ہے۔

نیپرا کی جانب سے جاری اعلامیے کے مطابق پرانے سولرصارفین کے لیے نیٹ میٹرنگ پالیسی برقرار رکھنے کا فیصلہ کیا گیا ہے –

نیپرا نے سولر پالیسی 2026 میں ترمیمی مسودے کا نوٹیفکیشن جاری کردیا، جس میں اتھارٹی نے شراکت داروں سے تیس روز میں تجاویز بھی مانگی ہیں نیپرا کی جانب سے جاری نوٹی فکیشن کے مطابق ترامیم کا اطلاق 9 فروری 2026 سے ہوگا۔

نوٹی فکیشن میں واضح کیا گیا ہے کہ موجودہ شمسی نیٹ میٹرنگ صارفین متاثر نہیں ہوں گے منسوخ شدہ ضوابط کے تحت جاری کردہ لائسنس، اور معاہدے درست رہیں گے، اور کسی بھی تقسیم شدہ جنریٹر کو معاہدے کی میعاد ختم ہونے تک سابقہ ​​شرح اور طریقہ کار کے تحت بل دیا جائے گا ستقبل کی تجدید اور نئے کنکشن پانچ سالہ نیٹ بلنگ فریم ورک کے تحت آئیں گے، جو طویل مدتی سرمایہ کاری کے منافع کو نمایاں طور پر تبدیل کرے گا۔

سی ٹی ڈی، ایلیٹ اور ضلعی پولیس کاشانگلہ میں مشترکہ ٹارگٹڈ آپریشن

نئے شمسی صارفین کے لیے نیٹ میٹرنگ کی جگہ ‘نیٹ بلنگ’ کا نظام آئے گانئے صارفین سے اضافی بجلی کی خریداری کی قیمت 11 روپے فی یونٹ یا نیشنل ایوریج ٹیرف کے مطابق کرنے کی تجویز ہے نئے سولر صارفین کے لیے معاہدے کی مدت 7 سال سے کم کر کے 5 سال کر دی گئی ہے نیپرا نے ان ترامیم پر شراکت داروں سے 30 دن میں تجاویز طلب کی ہیں یہ اقدامات ملک میں سولر پینلز کے بڑھتے ہوئے رجحان اور گرڈ پر بوجھ کم کرنے کے لیے مجوزہ پالیسی کا حصہ ہیں، جس پر اسٹیک ہولڈرز سے مشاورت کی جا رہی ہے۔

واضح رہے کہ اس سے قبل نیپرا نے گزشتہ نیٹ میٹرنگ پالیسی ختم کر کے نیٹ بلنگ کے حوالے سے نوٹی فکیشن جاری کیا تھا۔

بھارت نے ایران کے مزید 3 جہاز قبضے میں لے لیے

اسلام آباد: بجلی فی یونٹ مزید مہنگی کر دی گئی-

نیشنل الیکٹرک پاور ریگولیٹری اتھارٹی نے دسمبر کی فیول پرائس ایڈجسٹمنٹ کی مد میں بجلی کی قیمت میں اضافے کی منظوری دے دی نیپرا کی جانب سے جاری نوٹی فکیشن میں بتایا گیا ہے کہ بجلی فی یونٹ 28 پیسے مہنگی کی گئی ہے، جس کا اطلاق فروری کے ماہانہ بلوں میں کیا جائے گا۔

نوٹیفکیشن کے مطابق بجلی کی قیمت میں اس اضافے کا اطلاق کے الیکٹرک سمیت ملک بھر کے صارفین پر ہوگا،اہم لائف لائن صارفین اور الیکٹرک وہیکل چارجنگ اسٹیشنز کو اس فیصلے سے مستثنی قرار دیا گیا ہے، جس کے باعث ان صارفین کو اضافی مالی بوجھ برداشت نہیں کرنا پڑے گا۔

واضح رہے کہ سینٹرل پاور پرچیزنگ ایجنسی نے نیپرا میں دسمبر کی ماہانہ فیول پرائس ایڈجسٹمنٹ کی مد میں بجلی 48 پیسے فی یونٹ مہنگی کرنے کی درخواست جمع کرائی تھی۔ نیپرا نے اس درخواست کا جائزہ لینے کے بعد 28 پیسے فی یونٹ اضافے کی منظوری دی اور باقاعدہ نوٹیفکیشن جاری کر دیا۔

اسلام آباد: وفاقی حکومت نے اوسط بنیادی ٹیرف میں اضافہ نہ کرنے کا فیصلہ کر لیا۔

نیپرا (نیشنل الیکٹرک پاور ریگولیٹری اتھارٹی) میں ہونے والی سماعت کے دوران پاور ڈویژن کی جانب سے پیش کی گئی بریفنگ کے بعد اوسط بنیادی ٹیرف میں اضافہ نہ کرنے کا فیصلہ کیا گیا ایڈیشنل سیکرٹری پاور ڈویژن نے بتایا کہ بجلی کے نرخوں میں اضافے سے بچنے کے لیے سبسڈی میں مناسب ایڈجسٹمنٹ کر دی گئی ہے جس کے باعث اب ٹیرف بڑھانے کی ضرورت باقی نہیں رہی، جولائی سے اب تک انرجی مکس میں نمایاں بہتری آئی ہے جس سے پیداواری لاگت کم ہوئی اور صارفین کو ریلیف فراہم کرنا ممکن ہوا۔

حکام نے واضح کیا کہ حکومت نے تمام حالات کو مدنظر رکھتے ہوئے ٹیرف میں ردوبدل نہ کرنے کا حتمی فیصلہ کیا ہےاس وقت ملک بھر میں تمام کیٹیگریز کے بجلی صارفین کو مجموعی طور پر 629 ارب روپے کی سبسڈی دی جا رہی ہے تاکہ عوام کو بجلی سستی نرخوں پر میسر رہے۔

وفاقی حکومت نے ملک بھر کے لئے بجلی کا بنیادی ٹیرف برقرار رکھنے کا فیصلہ کیا ہے۔

نیشنل الیکٹرک پاور ریگولیٹری اتھارٹی (نیپرا) کے مطابق گھریلو صارفین کیلئے زیادہ سے زیادہ بجلی کا ٹیرف 47 روپے 69 پیسے فی یونٹ پر برقرار رکھنے کی تجویزدی گئی ہے، نیپرا نے اس حوالے سے اپنی سفارشات وفاقی حکومت کو بھجوا دی ہیں پروٹیکٹڈ گھریلو صارفین کے لئے ایک سے 100 یونٹ تک بجلی کا ٹیرف 10 روپے 54 پیسے فی یونٹ جبکہ 101 سے 200 یونٹ تک پروٹیکٹڈ صارفین کا ٹیرف 13 روپے 01 پیسے فی یونٹ برقرار رکھنے کی تجویز ہے۔

نیپرا کے مطابق نان پروٹیکٹڈ گھریلو صارفین کے لیے ایک سے 100 یونٹ تک بجلی کا ٹیرف 22 روپے 44 پیسے جبکہ 101 سے 200 یونٹ تک 28 روپے 91 پیسے فی یونٹ برقرار رکھنے کی سفارش کی گئی ہے201 سے 300 یونٹ تک بجلی استعمال کرنیوالے صارفین کے لئے فی یونٹ ٹیرف 33 رو پے 10 پیسے، 301 سے 400 یونٹ کیلئے 37 روپے 99 پیسے اور 401 سے 500 یونٹ کیلئے 40 روپے 22 پیسے برقرار رکھنے کی تجویز دی گئی ہے۔

بنگلہ دیش نے بھارت میں ویزا سروسز عارضی طور پر معطل کردیں

نیپرا کے مطابق 501 سے 600 یونٹ تک بجلی استعمال کرنے والوں کے لئے ٹیرف 41 روپے 62 پیسے جبکہ 601 سے 700 یونٹ تک 42 روپے 76 پیسے فی یونٹ رکھنے کی سفارش کی گئی ہے 700 یونٹ سے زائد بجلی استعمال کرنے والے گھریلو صارفین کیلئے ٹیرف 47 روپے 69 پیسے فی یونٹ برقرار رکھنے کی تجویز دی گئی ہے تاہم ٹیکسوں اوردیگرسرچارجزشامل ہونے کے بعد سلیب کے حساب سے فی یونٹ قیمت میں اضافہ ہو سکتا ہے۔

اتھارٹی کے مطابق لائف لائن گھریلو صارفین کیلئے ماہانہ 50 یونٹ تک بجلی کا ٹیرف 3 روپے 95 پیسے جبکہ 51 سے 100 یونٹ تک کے لئے 7 روپے 74 پیسے فی یونٹ برقرار رکھنے کی تجویز ہے یکساں ٹیرف کی درخواست سے متعلق فیصلہ وفاقی حکومت کو ارسال کردیا گیا ہے، جس پر حتمی منظوری دی جائے گی۔

منشیات فروشوں سے تعلق کے الزام میں 34 پولیس اہلکار معطل

نیشنل الیکٹرک پاور ریگولیٹری اتھارٹی (نیپرا) نے حکومتی درخواست پر اضافی بجلی کی کھپت پر رعایتی نرخ کی منظور ی دے دی، فیصلہ وفاقی حکومت کو موصول ہو گیا۔

پاور ڈویژن کے مطابق صنعتوں اور زرعی شعبے کو اضافی بجلی کی کھپت پر فی یونٹ 22 روپے 98 پیسے چارج ہو گا،وفاقی وزیرِ توانائی اویس لغاری نے کہا کہ صنعتی پیکیج سے ملک میں صنعتی اور زرعی سرگرمیوں کو فروغ ملے گا، روزگار کے اضافی مواقع دستیاب ہوں گے۔

اویس لغاری نے کہا کہ 3 سال کے پیکیج سے انڈسٹریل سیکٹر مستقبل کی بہتر منصوبہ بندی کر سکے گا، ڈیٹا سینٹر اور کرپٹو مائننگ آپریشنز سمیت گرین فیلڈ صنعتیں بھی مستفید ہوں گی، صنعت اور زراعت معیشت میں ریڑھ کی ہڈی کی حیثیت رکھتے ہیں، عوام سے کیے گئے وعدے پورے کر رہے ہیں، اس اقدام سے معیشت میں بہتری آئے گی۔

پاور ڈویژن نے نیپرا کے فیصلے کا خیر مقدم کیا اور کہا کہ پیکیج کے اطلاق سے متعلق نوٹیفکیشن سے متعلق اقدامات شروع کر دیئے ہیں۔

اعلامیے کے مطابق صنعتی شعبے کو 34، زرعی شعبے کو 38 روپے یونٹ ملنے والی بجلی کے اضافی یونٹس کی قیمت کم کی ہے، اس سے صارفین کی بجلی کی اوسط قیمتِ خرید میں کمی آئے گی،زراعت پر اضافی یونٹس کی قیمت 38 اور صنعتی شعبے کے لیے قیمت 34 روپے سے کم کر کے 22 روپے 98 پیسے کی گئی ہے۔

اعلامیے میں کہا گیا ہے کہ صنعت اور زراعت کے شعبوں کو اضافی بجلی کے استعمال پر کم نرخوں پر بجلی دی جائے گی، شعبہ زراعت میں اضافی 100 یونٹ کے استعمال پر اوسط بجلی کی قیمت میں 7 روپے فی یونٹ کمی ہو گی،صنعتی شعبے میں اضافی 1000 یونٹ کے استعمال پر اوسط بجلی کی قیمت میں تقریباً 5 روپے فی یونٹ کم ہو گی۔

نیپرا نے کراچی سمیت ملک بھر کے صارفین کے لیے بجلی ماہانہ فیول ایڈجسٹمنٹ کی مد میں سستی کردی۔

نیپرا نے اکتوبر کی ماہانہ فیول ایڈجسٹمنٹ کے حوالے سے اپنا فیصلہ جاری کردیا، جس کے مطابق ماہانہ فیول ایڈجسٹمنٹ کی مد میں بجلی 88 پیسے فی یونٹ سستی کردی گئی ہے اور قیمت میں کمی کااطلاق کے-الیکڑک صارفین پر بھی ہوگا بجلی صارفین کو دسمبر کے بجلی بلوں میں ریلیف ملے گا، ماہانہ فیول ایڈجسٹمںٹ کا اطلاق لائف لائن، پروٹیکٹڈ صارفین اور الیکڑک وہیکل چارجنگ اسٹیشنز پر نہیں ہوگا۔

نیپرا کے فیصلے میں ممبر ٹیکنیکل رفیق شیخ کا اضافی نوٹ بھی شامل ہے، جس میں انہوں نے کہا ہے کہ بجلی کمپنیوں کی نااہلیوں کا ملبہ بجلی صارفین پر نہیں ڈالنا چاہیے، گڈو747 کو اوپن سائیکل پر چلانے سے ایک ارب 21 کروڑ روپے سے زائد کا اضافی بوجھ پڑا ہے۔

نیشنل الیکٹرک پاور ریگولیٹری اتھارٹی (نیپرا) نے سہ ماہی ایڈجسٹمنٹ کے تحت بجلی کی قیمت میں 33 پیسے فی یونٹ اضافہ کرنے کا اعلان کردیا۔

یہ اضافہ رواں سال کی پہلی سہ ماہی کی ایڈجسٹمنٹ کے تحت کیا گیا ہےاس اضافے سے صارفین پر 6 ارب روپے سے زیادہ کا اضافی مالی بوجھ پڑے گا، اور صارفین کو دسمبر سے فروری تک اضافی ادائیگیاں کرنی ہوں گی،اضافے کا اطلاق نہ صرف عام صارفین بلکہ سرکاری اداروں اور کے الیکٹرک صارفین پر بھی ہوگا۔

نیپرا نے یہ فیصلہ وفاقی حکومت کو ارسال کر دیا ہے تاکہ اس پر حتمی کارروائی کی جا سکے،دوسری جانب پاور ڈویژن نے نیپرا کے فیصلے کا خیر مقدم کرتے ہوئے نوٹیفکیشن جاری کرنے کے لیے حتمی اقدامات شروع کردیے ہیں۔

نیپرا نے 4 سال قبل ہونے والے بلیک آؤٹ کے بعد بروقت بجلی بحالی میں ناکامی کا ذمہ دارنیشنل گرڈ کمپنی اور سینٹرل پاور پرچیزنگ ایجنسی (سی پی پی اے) کو قرار دیتے ہوئے، دونوں پر ڈھائی، ڈھائی کروڑ روپے جرمانہ عائد کر دیا گیا۔

نیپرا کے فیصلے کے مطابق 9 جنوری 2021 کو ملک 20 گھنٹے تک اندھیرے میں ڈوبا رہا، نیشنل گرڈ کمپنی اور سی پی پی اے بلیک آوٹ کے بعد فوری طور پر بجلی بحال کرنے میں ناکام رہیں،فیصلے میں کہا گیا کہ سال 2021، 2022 اور 2023 میں بجلی معطل ہونے کے واقعات رونما ہوئے دونوں کمپنیاں بروقت بجلی بحالی میں ناکام رہیں جس کے بعد دونوں پر ڈھائی، ڈھائی کروڑ روپے جرمانہ عائد کر دیا گیا۔

اتھارٹی کے مطابق نیپرا نے بلیک آوٹ کے معاملے پر تحقیقاتی کمیٹی تشکیل دی تھی ،سماعت کے دوران نیشنل گرڈ کمپنی، سی پی پی اے نیپرا کو مطمئن کرنے میں ناکام رہی،سماعت میں دونوں کمپنیوں نے ذمہ داری ایک دوسرے پر ڈالنے کی کوشش کی نیپرا نے دونوں کمپنیوں کو 15 روز کے اندر جرمانہ ادا کرنے کا حکم دے دیا۔

پیدائش کے 6 دن بعد بچی کے دانت نکل آئے

دسمبرکےوسط میں بارشوں کا امکان

جنوبی وزیرستان کے سرکاری اسپتال میں سہولیات کی کمی؛ 7 سالہ بچی دم توڑ گئی

نیشنل الیکٹرک پاور ریگولیٹری اتھارٹی (نیپرا) نے لاہور الیکٹرک سپلائی کمپنی (لیسکو) پر ترسیل و تقسیم کے نقصانات بڑھنے پر ڈھائی کروڑ روپے جرمانہ عائد کر دیا ہے۔

نیپرا کے اعلامیے کے مطابق لیسکو کے نقصانات مالی سال 2023-24 میں بڑھ کر 15.92 فیصد تک پہنچ گئے، جب کہ گزشتہ مالی سال 2022-23 میں یہ شرح 11.8 فیصد تھی۔ نقصانات میں اضافے کے باعث قومی خزانے کو 47 ارب 60 کروڑ روپے کا نقصان برداشت کرنا پڑا۔اعلامیے میں کہا گیا ہے کہ لیسکو کو اس حوالے سے شوکاز نوٹس جاری کیا گیا تھا، تاہم وہ اتھارٹی کو مطمئن کرنے میں ناکام رہی۔ لیسکو کو 15 روز میں نامزد بینکوں میں جرمانے کی رقم جمع کرانے کی ہدایت کی گئی ہے۔

نیپرا نے بتایا کہ اسلام آباد الیکٹرک سپلائی کمپنی (آئیسکو) سے بھی وضاحت طلب کی گئی تھی۔ مالی سال 2023-24 میں آئیسکو کی وصولیاں 97 فیصد رہیں جبکہ گزشتہ سال یہ 105 فیصد تھیں۔اعلامیے کے مطابق آئیسکو نے مؤقف اختیار کیا کہ اصل وصولیاں 98 فیصد تھیں، جس پر نیپرا نے آئیسکو کو ریکوری بہتر بنانے کی ہدایت کر دی.

برطانیہ ،مساجد اور مسلم کمیونٹی کے تحفظ کے لیے 10 ملین پاؤنڈ فنڈنگ کا اعلان

امریکی پابندیوں پر روس اور چین کا سخت ردعمل، یوکرین امن کوششوں کو نقصان قرار

ڈبلن میں پناہ گزینوں کے ہوٹل کے باہر احتجاج پرتشدد، پولیس وین نذرِ آتش، متعدد گرفتار