لاہور:پی ٹی آئی اور ق لیگ نے 10کروڑ روپےکی آفرکی:اطلاعات کے مطابق مسلم لیگ ن کے ممبر صوبائی اسمبلی (ایم پی اے) پنجاب الیاس چنیوٹی نے دعویٰ کیا ہے کہ انہیں پاکستان تحریک انصاف (پی ٹی آئی) اور مسلم لیگ ق نے 10 کروڑ روپےکی آفر کی تاہم انہوں نے ٹھکرادی۔

میڈیا ذرائع کےمطابق نجی ٹی وی چینل سےگفتگو کرتےہوئے ن لیگ کےممبرصوبائی اسمبلی پنجاب الیاس چنیوٹی کا کہنا تھا کہ ابھی میں حج سےآیا ہوں وہاں حمزہ شہباز کی کامیابی کےلیےبھی دعا کی، مجھ سے سعودی عرب میں بھی رابطے کی کوشش کی گئی، الیاس چنیوٹی کہتے ہیں کہ ائیرپورٹ پر اترا تب بھی مجھے کالز آرہی تھیں۔

ارکان اسمبلی کو50:50 کروڑ روپے کی پیشکش کی جارہی ہے:عمران خان

ادھر اس حوالے سےالیاس چنیوٹی کا مزید کہنا تھا کہ اس سے قبل بھی میرے جاننے والےکے ذریعے رابطہ کیا گیا تھا، ان کو کہا گیا کہ 2 کروڑ آپ لیں، 10 کروڑ میں ایم پی اے سے ڈیل کرادیں۔لیگی ایم پی اے الیاس چنیوٹی کا کہنا تھا کہ 10 ارب روپے بھی ہوں گے تو بھی اپنی پارٹی کے ساتھ ہوں، 22 جولائی کو حمزہ شہباز وزیراعلیٰ ہوں گے۔

قائم مقام چیئرمین اور ڈی جی نیب پبلک اکاؤنٹس کمیٹی میں پیش

ان کا کہنا تھا کہ ہارس ٹریڈنگ ویسے ہی ممنوع ہے، مجھےکہا گیا کہ آپ وہیں رہ جاؤ اور ابھی نہ آؤ، ہمارے اوپر عوام کا اعتماد ہے ہزاروں لوگوں نے ہمیں ووٹ ڈالے ہیں، ووٹ امانت ہے کوئی بھی لالچ ہوگا اپنا ووٹ حمزہ شہباز کو کاسٹ کروں گا۔

لاہور:ن لیگ کی نائب صدر مریم نواز نے کہا ہےکہ ان کی جماعت تو کوئی سیٹ نہیں ہاری بلکہ ن لیگ نے پی ٹی آئی سے 4 سیٹیں جیت کر چھینی ہیں‌، ، ان کا کہنا تھا ضمنی انتخابات میں ن لیگ نے بھرپور کامیابیاں سمیٹی ہیں،

پرویز الٰہی کی وفاقی وزرا اور حمزہ شہباز کیخلاف توہین عدالت کی درخواست

مسلم لیگ (ن) کی نائب صدر مریم نواز نے کہا ہے کہ ضمنی انتخابات میں ن لیگ کی کارکردگی بہتر ہوئی ہے ، ووٹ بینک میں‌کمی نہیں ہوئی ، مریم نواز کا کہنا تھا کہ آنے والے انتخابات میں پارٹی کی کارکردگی مزید بہتر ہوگی

فارن فنڈنگ کیس:وزیر اعظم کی الیکشن کمیشن کو جلد فیصلہ سنانے کی استدعا

اپنی ٹوئٹ میں مریم نواز نے کہا کہ ضمنی انتخابات میں مسلم لیگ (ن) کو کئی اچھے نتائج بھی ملے، جن حلقوں میں ضمنی انتخابات ہوئے ان میں سے کئی میں 2018 کے عام انتخابات میں ہمارے پاس کوئی امیدوار ہی نہیں تھا۔

PMLN has gained big time. In many of these constituencies PMLN did not have a candidate in 2018. From not finding a candidate to a neck to neck contest is massive improvement Alhamdolillah. In past few years PMLN hasn’t lost a single seat of its own. In fact has snatched from PTI https://t.co/SMycKZvJzC

— Maryam Nawaz Sharif (@MaryamNSharif) July 19, 2022

مریم نواز نے کہا کہ الحمدللہ امیدوار نہ ملنے سے لے کر سخت مقابلہ کرنے تک بڑی بہتری ہوئی ہے۔رہنما ن لیگ کا کہنا تھا کہ چند برسوں کے دوران ہم نے اپنی ایک بھی سیٹ نہیں ہاری۔ درحقیقت حقیقت پی ٹی آئی سے چھینی ہی ہیں

حکومتی اتحادیوں اور پی ڈی ایم قائدین کی آج لاہور میں اہم بیٹھک

17 جولائی کو ہونے والے ضمنی انتخابات میں مسلم لیگ (ن) کو صرف 4 نشستیں ہی حآصل ہوئی تھی جب کہ تحریک انصاف نے 15 نشستیں اپنے نام کی ہیں۔جبکہ ایک آزاد امیدوار بھی کامیاب ہوا ہے ، جس کے بارے میں ابھی کچھ نہں کہا جاسکتا کہ وہ کون سی پارٹی جوائن کریں گے یا پھرآزاد رہیں گے

کراچی: پنجاب کے ضمنی انتخابات میں ہونے والے بڑے اپ سیٹ کے بعد پاکستان پیپلزپارٹی کے چیئرمین بلاول بھٹو زرداری نے آج سی ای سی کا اجلاس طلب کرلیا۔

باغی ٹی وی : پیپلزپارٹی کے ترجمان کی جانب سے جاری اعلامیے میں بتایا گیا ہے کہ بلاول بھٹو کی زیر صدارت پارٹی کی سی ای سی کا اجلاس شام چار بجے بلاول ہاؤس کراچی میں ہوگا مٹینگ میں اراکین بذریعہ ویڈیو لنک بھی شرکت کریں گے۔

Chairman Pakistan Peoples Party @BBhuttoZardari has convened an emergency meeting of its Central Executive Committee in Bilawal House Karachi tomorrow Monday at 4 pm. It will be a hybrid meeting with participants attending both in person and via Zoom.

— PPP (@MediaCellPPP) July 17, 2022

واضح رہے کہ پنجاب کے بیس حلقوں میں ہونے والے ضمنی انتخابات میں پاکستان تحریک انصاف نے 15 نشستوں پر کامیابی حاصل کی جبکہ مسلم لیگ ن کے حصے میں چار اور ایک نشست آزاد امیدوار نے اپنے نام کی۔

دوسری جانب پنجاب کے ضمنی انتخابات میں شکست کے بعد پاکستان مسلم لیگ ن نے اتحادی جماعتوں کا اجلاس بلانے کا سگنل دیے دیا۔

وفاقی وزیر ریلوے اور مسلم لیگ ن کے رہنما خواجہ سعدرفیق نے میڈیا سے گفتگو کرتے ہوئے کہا کہ ہمارا مقابلہ پی ٹی آئی سے نہیں، مہنگائی سے تھا ۔پی ڈی ایم کی تمام جماعتوں اور پیپلزپارٹی کی قیادت کو بیٹھ کر فیصلہ کرنا ہے۔

انہوں نے کہا کہ ہم نے ہمیشہ عوام کے فیصلے کو تسلیم کیا ہے،اب بھی تسلیم کرتے ہیں، آج ہم بھی عمران خان کی طرح رونا رو سکتے تھے ۔ ہم ایسا نہیں کریں گے، اتحادی جماعتوں کی مشاورت کے بعد آئندہ کا لائحہ عمل بنایا جائے گا۔

خواجہ سعد رفیق کا کہنا تھاکہ مسلم لیگ ن جمہوری سیاسی جماعت ہےجبکہ ووٹ کی عزت اورووٹ کی طاقت تسلیم کرنے کے لیےموجودہ حکومت شامل جماعتوں نےجدوجہد کی ہے ہم نے اپنی سیاست داؤ پر لگائی اور ملک کو دیوالیہ ہونے سے بچایا اور آگے بھی ہماری جدوجہد جاری رہے گی۔

پرویز الٰہی کی حمایت سے متعلق خبروں پر مسلم لیگ ن کے رکن اسمبلی غیاث الدین کا بیان سامنے آ گیا ہے۔

باغی ٹی وی : لیگی ایم پی اے جلیل شرقپوری کے استعفے کے ساتھ یہ خبریں بھی سامنے آئی تھیں کہ غیاث الدین نے بھی پنجاب کی وزارت اعلیٰ کے امیدوار پرویز الٰہی کی حمایت کا اعلان کیا ہے تاہم لیگی ایم پی اے غیاث الدین نے اپنے حوالے سے چلنے والی خبروں کی تردید کرتے ہوئے پرویز الہٰی کی حمایت کی تردید کر دی ہے۔

مسلم لیگ ن کے رکن پنجاب اسمبلی غیاث الدین کا کہنا ہے کہ مجھ سے متعلق چلنے والی خبر غلط ہے، کسی سے ملاقات کی نہ استعفیٰ دینے کا سوچا اور نہ ہی استعفیٰ دوں گا میرا ووٹ پارٹی کی امانت ہے، امانت میں خیانت نہیں کر سکتا۔

یاد رہے کہ سپریم کورٹ نے 22 جولائی کو پنجاب کی وزارت اعلیٰ کا الیکشن دوبارہ کرانے کا حکم دے رکھا ہے، پنجاب کی وزارت اعلیٰ کے لیے مسلم لیگ ن کے امیدوار حمزہ شہباز ہیں جبکہ پاکستان تحریک انصاف نے مسلم لیگ ق کے رہنما چوہدری پرویز الٰہی کو امیدوار نامزد کیا ہے۔

واضح رہے کہ ن لیگ کے رکن پنجاب اسمبلی جلیل شرقپوری نے اسمبلی رکنیت سے استعفی دے دیا ہے،لیگی رکن اسمبلی جلیل شرقپوری نے اسپیکر پنجاب اسمبلی سے ملاقات کی، جس میں انہوں نے چوہدری پرویز الٰہی کو اپنا استعفیٰ پیش کیا۔ اس موقع پر گفتگو کرتے ہوئے جلیل شرقپوری نے کہا تھا کہ میں پہلے بھی تحریک انصاف میں تھا اب بھی تحریک انصاف کے ساتھ ہوں، میں چیئرمین تحریک انصاف عمران خان کے ساتھ کھڑا ہوں-

اسپیکر پنجاب اسمبلی نے جلیل شرقپوری کا استعفی منظور کرلیا ہے، جس کے بعد سیکرٹری پنجاب اسمبلی نے نشست خالی ہونے کا نوٹیفیکیشن جاری کردیا ہے۔سیکریٹری اسمبلی نے نشست خالی ہونے کے نوٹیفیکیشن کی کاپی الیکشن کمیشن کو ارسال کردی ہے۔

خیال رہے کہ جلیل شرقپوری نے 2018 کے عام انتخابات میں پنجاب اسمبلی کے حلقہ پی پی 139 شیخوپورہ سے کامیابی حاصل کی تھی۔

لاہور:پنجاب اسمبلی کے 20 حلقوں کے ضمنی انتخابات میں آج ووٹ ڈالے جائیں گے۔ پنجاب اسمبلی کی 20 نشستوں پر ضمنی انتخابات: آج کانٹے دار مقابلے ہوں گے

صوبے کے 14 اضلاع کے ضمنی انتخابات میں 175 امیدوار آمنے سامنے ہیں۔ 20 حلقوں میں رجسٹرڈ ووٹرز کی مجموعی تعداد 45 لاکھ 79 ہزار 898 ہے جن کیلئے 3 ہزار 131 پولنگ اسٹیشنز قائم کیے گئے ہیں۔

676 پولنگ اسٹیشنز انتہائی حساس اور ایک ہزار194پولنگ اسٹیشنز کو حساس قرار دیا گیا ہے جبکہ انتہائی حساس اور حساس پولنگ اسٹیشنز پر سی سی ٹی وی کیمرے نصب کیے گئے ہیں۔

ضمنی انتخاب کے دوران امان و امان کی صورتحال کے پیش نظر پنجاب رینجرز کے د ستے گشت کریں گے اور فوج اسٹینڈ بائی پوزیشن پر ہوگی۔

پنجاب اسمبلی کے کن حلقوں میں ضمنی انتخاب ہوگا؟
پنجاب اسمبلی کے ضمنی انتخابات راولپنڈی کے حلقے پی پی 7، خوشاب میں پی پی 83، پی پی 90 بھکر 2، پی پی 97 فیصل آباد 1، پی پی 125 جھنگ، پی پی 127 جھنگ 4 ، پی پی 140 شیخوپورہ کی نشست پر ہوں گے۔

اس کے علاوہ لاہور کے حلقوں پی پی 158، پی پی 167، پی پی 168 اور پی پی 170 پر ووٹ ڈالیں جائیں گے۔

پنجاب اسمبلی کے حلقے پی پی 202 ساہیوال، پی پی 217 ملتان، پی پی 224 لودھراں ون اور پی پی 228 لودھراں 5، پی پی 237 بہاولنگر، پی پی 272 مظفر گڑھ 5، پی پی 273 مظفر گڑھ 6، پی پی 282 لیہ اور پی پی 288 ڈیرہ غازی خان میں بھی ضمنی انتخابات ہوں گے۔

ضمنی انتخابات میں مسلم لیگ ن اور تحریک انصاف کے امیدواروں کے درمیان سخت مقابلے کی توقع ہے اور ن لیگ نے پی ٹی آئی کے ڈی سیٹ ہونے والے ارکان کو ٹکٹ دیے ہیں۔

واضح رہے کہ یہ ضمنی انتخابات بہت دلچسپ ہیں جس میں حمزہ شہباز کو وزیراعلیٰ برقرار رکھنے کیلئے ن لیگ کی 20 میں سے 9 نشستوں پر کامیابی ضروری ہے۔

خیال رہے کہ 20 مئی کو الیکشن کمیشن نے پنجاب اسمبلی میں حمزہ شہباز کو وزیراعلیٰ کا ووٹ دینے والے تحریک انصاف کے 25 منحرف ارکان کو ڈی سیٹ کردیا تھا۔ڈی سیٹ کیے جانے والے 20 ارکان کی جنرل نشستوں پر ضمنی انتخابات ہو رہے ہیں۔