Tag: ن لیگ

لاہور: پنجاب بلدیاتی ایکٹ: کمیٹی نے4 سفارشات پیش کر دیں:ڈپٹی کمشنر کے اختیارات مسئلہ بن گئے ،اطلاعات کے مطابق پنجاب میں نئے بلدیاتی ایکٹ 2021 پر پارلیمانی ترمیمی آرڈیننس کمیٹی نے اپنی سفارشات پیش کر دی ہیں۔

تفصیلات کے مطابق اسٹینڈنگ کمیٹی کے اجلاس کی اندرونی کہانی سامنے آ گئی، ذرائع نے کہا ہے کہ کمیٹی کو ابھی تک 4 اہم سفارشات پیش کی گئی ہیں۔

ذرائع کا کہنا ہے کہ کمیٹی کی جانب سے چیئرمین اور ڈپٹی چئیرمین کے لیے ایف اے کی شرط ختم کرنے کی سفارش کی گئی ہے، ن لیگ اور مسلم لیگ ق کی ڈپٹی کمشنر کے اختیارات بھی ختم کرنے کی سفارش سامنے آئی ہے۔

ذرائع کے مطابق مسلم لیگ ن نے بلدیاتی انتخابات مرحلہ وار نہ کرانے کی تجویز پیش کی ہے، جس میں کہا گیا ہے کہ بلدیاتی انتخابات مرحلہ وار کی بجائے ایک ہی روز کرائے جائیں۔

راہ حق پارٹی کی پنجاب کونسل میں کم از کم ایک مستند عالم دین رکھنے کی تجویز پیش کی گئی ہے۔رکن پنجاب اسمبلی فاروق امان اللہ دریشک نے کہا کہ کمیٹی میں شامل ممبران کی سفارشات کے بعد اس سلسلے میں حتمی فیصلہ کریں گے۔

ذرائع کے مطابق تحریک انصاف نے پنجاب میں بلدیاتی انتخابات کی تیاریاں شروع کردی ہیں اور اس حوالے سے منصوبہ بندی بھی فائنل کرلی گئی ہے۔ ذرائع کا کہنا ہے کہ وزیراعلیٰ پنجاب عثمان بزدار کی زیر صدارت اعلیٰ سطح کاخصوصی اجلاس ہوا جس میں صداقت عباسی، راجہ بشارت اور حسان خاور سمیت دیگر نے شرکت کی، اور بلدیاتی انتخابات کے حوالے سے بات چیت اور تجاویز پر غور کیا گیا۔

ذرائع نے بتایا کہ اجلاس میں فیصلہ ہوا کہ ہرماہ کے پہلے ہفتے ایوان وزیر اعلی میں پنجاب کی ایڈوائزری کو نسل کا اجلاس ہوگا، بلدیاتی انتخابات کی تیاریوں کی رپورٹ ہر ماہ وزیر اعظم بھجوائی جائے گی۔

ذرائع کے مطابق اجلاس میں بلدیاتی انتخابات سے پہلے تمام سرکاری محکموں میں خالی آسامیاں پر کر نے کا فیصلہ بھی کیا گیا ہے، اور ضلعی حکومتوں میں ڈیلی ویجز پر بھی بھر تیوں کیلئے اراکین اسمبلی کیلئے کوٹہ ہوگا۔ جب کہ اجلاس میں وزیر اعلی عثمان بزدار نے یقین دہانی کرائی کہ ترقیاتی فنڈذ کو 100 فیصد یقینی بنانا میری ذمہ داری ہے، جسے ذمہ داری کے ساتھ پورا کروں گا۔ وزیراعلیٰ نے بلدیاتی اداروں کے ایڈ منسٹرز کو اراکین اسمبلی کے ساتھ مل کر فنڈز استعمال کر نے کی بھی ہدایت کی۔

ذرائع نے بتایا کہ اجلاس میں اعجاز چوہدری کی سر براہی میں کام کر نے والی تنظیم پر شدید تنقید کی گئی، جب کہ اعجاز چوہدری کی جانب سے بھی اظہار ناراضی سامنے آیا۔ اجلاس میں یہ بھی فیصلہ ہوا کہ پارٹی کی تنظیم میں پہلے عہدو ں پر رہنے والوں کی بجائے نئے لوگوں کو سامنے لایا جائے گا۔ جب کہ گورنر پنجاب چوہدری محمد سرور پنجاب بھر کے کارکنوں کے ساتھ گورنر ہاؤس میں ہفتہ وار میٹنگز کیا کریں گے

اسلام آباد :عوام کو”پٹّی پڑھانے”اوراحتجاج کی راہ پرلانےکےلیے:شہبازشریف کو موقع مل گیا ،اطلاعات کے مطابق سانحہ مری پرمری سیاست کرنے کے لیے آج اپوزیشن نے ملکر حکومت کے خلاف ایک منصوبہ بنایا ہے ، جس کے لیے پارلیمنٹ میں متحدہ اپوزیشن کا اہم اجلاس پیر کو ہو گا،

ادھر یہ بھی معلوم ہوا ہے کہ حکومت کے خلاف عوام کو کیسے اکسانے اورسانحہ مری پرمری سیاست کو زندہ کرنے کا منصوبہ ڈیزائن کیا گیا ہے جس میں حکومت سے مستعفی ہونے کا مطالبہ کیا جائے گا اور عوام کوگھروں سے نکلنے کے لیے اکسایا جائے گا

ادھران خبروں کی تصدیق پاکستان مسلم لیگ (ن) کی ترجمان مریم اورنگزیب نے کرتے ہوئے کہا ہے کہ پارلیمنٹ میں متحدہ اپوزیشن کا اہم اجلاس پیر کو ہو گا۔

مریم اورنگزیب نے پارلیمنٹ میں متحدہ اپوزیشن کے اجلاس سے متعلق بیان دیتے ہوئے کہا کہ اجلاس پارلیمنٹ ہاﺅس میں اپوزیشن لیڈر کے چیمبر میں سہہ پہر تین بجے ہو گا اور پاکستان مسلم لیگ (ن) کے صدر اور قائد حزب اختلاف شہباز شریف اجلاس کی صدارت کریں گے۔

انہوں نے کہا کہ اجلاس میں فنانس بل، فارن فنڈنگ کیس سمیت دیگر اہم امور پر مشاورت اور قومی اسمبلی میں منی بجٹ کو منظوری سے روکنے کے لیے حکمت عملی پر غور ہو گا۔

ان کا کہنا تھا کہ اجلاس میں پاکستان پیپلز پارٹی کے چیئرمین بلاول بھٹو زرداری کے ساتھ ساتھ پارلیمنٹ میں متحدہ اپوزیشن کے پارلیمانی قائدین، متحدہ اپوزیشن کے اراکین پارلیمان، سینئر قائدین اور رہنماء بھی شرکت کریں گے۔

دوسری طرف عوام الناس کی طرف سے سوشل میڈیا پراس وقت بحث چل رہی ہےکہ اپوزیشن کی سوچ پرافسوس جو کہ ایک قومی سانحے پرسیاست کررہی ہے اورآج شہبازشریف اسے غنیمت جانتے ہوئے اپنی مری ہوئی سیاست کو پھر سے زندہ کرنے کی کوشش کریں‌گے جسے مسترد کیا جاتا ہے

لاہور:بات سے کیسے بنتے ہیں بتنگڑ:خواجہ سعد رفیق کے گھرجہانگیرترین کی آمد،خواہشات دم توڑگئیں ،اطلاعات ہیں کہ تحریک انصاف کے اہم رہنما اور عمران خان کے انتہائی معتمد ساتھی جنہیں دنیا جہانگیر خان ترین کے نام سے جانتی ہے ایک بار پھرسرخیوں اور شہ سرخیوں کی زینت بنے ہوئے ہیں‌

اس حوالے سے معوم ہوا ہے کہ میڈیا پر کچھ ایسی خبریں چلائی گئیں کہ جن سے یہ تاثردیا گیا کہ شاید کہ جہانگیرترین عمران خان کو چھوڑ کرن لیگ کے قریب ہورہے ہیں ، ان خواہشات پر نکلنے والا دم اور امیدیں اس وقت دم توڑ گئیں جب تحریک انصاف کے ناراض رہنما جہانگیر ترین نے کہا ہے کہ سعدرفیق میرے بھائی ہیں اور اکھٹے فیملی میں رہ چکے ہیں ، ن لیگ سے دوستیاں پرانی ہیں اور ایسے ہی چلتی رہیں گی۔ لیکن اس کو پی ٹی آئی سے ناراضگی یا دوری نہ سمجھیں

ذرائع کے مطابق جہانگیر ترین نے ن لیگ کے رہنما خواجہ سعد رفیق کی بیٹی کی شادی میں شرکت کی ، جس نے صحافیوں کی توجہ اپنی جانب مرکوز کر لی اور شادی میں شریک دیگر مہمان بھی اس پر حیران دکھائی دیئے ۔

شادی کی تقریب کے دوران ایک صحافی نے جہانگیر ترین سے سوال کیا کہ کیا جہانگیر ترین کا جہاز ن لیگ کی طرف جا سکتا ہے ؟ جس پر تحریک انصاف کے ناراض رہنما نے جواب دیا کہ جہاز تو کسی بھی جانب جاسکتا ہے ، ؛لیکن میرا ایئرپورٹ وہی ہے جو پی ٹی آئی کا ایئرپورٹ ہے ،

جہانگیرترین نے اس ملاقات کو غیرسیاسی قرار دیتے ہوئے کہا کہ خواجہ سعد رفیق میرے بھائی ہیں اور اکھٹے فیملی میں رہ چکے ہیں ،ن لیگ سے دوستیاں پرانی ہیں اور ایسے ہی چلتی رہیں گی ۔

شادی کی تقریب میں ن لیگ کے رہنما اور سابق سپیکر اسمبلی ایاز صادق بھی شریک تھے ، انہوں نے مسکرا کر صحافیوں کو مخاطب کرتے ہوئے کہا کہ ’’ جہانگیر ترین سے وجہ پوچھیں وہ ن لیگ میں شمولیت کے سوال پر مسکراتے رہے ہیں ۔ ‘‘ ایاز صادق نے بات کو آگے بڑھایا اور خود ہی جواب دیتے ہوئے کہا کہ جہانگیر ترین ہو ں یا کوئی اور ، پی ٹی آئی کا رہنما عمران خان کے علاوہ سب مسکرا ہی رہے ہیں ۔

یاد رہے کہ جہانگیرترین خان کے حوالے سے پہلے بھی ایسی خودساختہ خبریں چلائی گئیں مگراس وقت بھی جہانگیرخان ترین نے مخالفین کی خواہشات سےیہ کہہ کر جان نکال دی تھی کہ عمران خان میرا قائد ہےآج بھی ہے اور کل بھی وہی رہے گا ، آج کی خام خیالیوں کو بھی انہوں نے یہ کہہ کر تہہ تیغ کردیا کہ خواجہ سعد سے خاندانی تعلقات ہیں ، جو پارٹی وابستگیوں سے ہٹ کر ہے ،

لاہور:عمران خان کی حکومت کا خاتمہ چاہتے ہیں‌:ہمارے دور میں ملک میں خوشحالی ہی خوشحالی تھی:شاہد خاقان عباسی کی کھرے سچ میں سینئر صحافی مبشرلقمان سے کھری کھری باتیں ،اطلاعات کے مطابق ن لیگ کے سابق وزیراعظم شاہد خاقان عباسی نے آج پی این این پرسینئرصحافی مبشرلقمان کے "کھرےسچ”پروگرام میں اہم سوالات کے جوابات دیئے

https://twitter.com/TeamLucmanML/status/1479143568375783430?t=9pEaTMQgYGhHZ58dvv4G3A&s=19

سنیئر صحافی کے سوال پرشاہد خاقان عباسی نے کہا کہ پاکستان میں کسی چیز کی کوئی کمی نہیں بس اس کو چلانے والوں کی اہلیت کی ضرورت ہے جو صرف اور صرف ن لیگ کے پاس ہے ،شاہد خاقان عباسی نے کہا کہ ہمارے دور میں ملک میں خوشحالی تھی اور ٹیکسز کا نظام بہترتھا ، تاہم ابھی اس میں اصلاح کی گنجائش تھی مگرنوازشریف کوکرپشن پرسزا مل گئی اور یہ کام نہ ہوسکا

شاہد خاقان عباسی نے کہا کہ ہمارے اس ملک میں شفاف انتخابات ہونے چاہیں تاکہ منتخب حکومت اس ملک کو بہتر انداز سے چلاسکے ، ایک سوال کے جواب میں ان کہنا تھا کہ پچھلی حکومتوں میں شفاف الیکشن نہیں ہوئے ،ان کا یہ بھی ماننا تھا کہ ن لیگ نے نوازشریف کواقتدار میں لانے کے لیے اٹھارہویں ترمیم کی حمایت کی تھی ، تاہم مبشرلقمان کے سوال کے جواب میں انکا کہنا تھا کہ اس وقت حکومت کو درپیش مسائل ن لیگ کی وجہ سےنہیں بلکہ صوبوں کی نااہلیت کی وجہ سے ہے

شاہد خاقان عباسی نے کہا کہ نوازشریف پاکستان اس وقت تک نہیں آئیں گے جبتک وہ صحت یاب نہیں ہوجاتے یا پارٹی ان کو واپسی کی اجازت نہ دے دے

شاہد خاقان عباسی کا یہ بھی کہنا تھاکہ معیشت کے کمزور ہونے سے عالمی مالیاتی اداروں کا دباو بڑھ جاتا ہے اور پھرانکے مطالبات بھی بہت زیادہ ہوجاتےہیں‌

ان کا یہ بھی کہنا تھا کہ ملک کو توانائی کی کمی کا صرف ایک ہی حل ہے اور وہ ایل این جی کی بروقت فراہمی ہے اورانہوں نے قطر سے پاکستان کی تاریخ کا ایک بہت بڑا معاہدہ کیا تھا لیکن موجودہ حکومت یہ بھی نہ کرسکی اور اب اس کی وجہ سے عوام مشکلات کا شکار ہے

شاہد خاقان عباسی نے نیب پرتنقید کرتے ہوئے کہا کہ نیب ایک خودمختارادارہ نہیں بلکہ یہ جان بوجھ کرن لیگیوں کی کرپشن پرمعاملات کو بڑھا چڑھا کرپیش کررہا ہے ، ان کا کہناتھا کہ نیب آج تک ان کے خلاف کوئی مضبوط کیس نہ لاسکا

شاہد خاقان عباسی کاکہنا تھا کہ وہ چاہتےہیں‌کہ اس ملک کے معاشی معاملات جلد درست ہوجائیں ، ان کا یہ بھی ماننا تھا کہ نوازشریف اور اسٹیبلشمنٹ کے درمیان ہونے والی ڈیل اور ڈھیل کی خبریں بے بنیاد تھیں ایسی کوئی ڈیل نہیں ہورہی ہے

پاکستان میں انتخابات کی صورت میں اگرن لیگ برسراقتدار آتی ہے تو کیا مریم نواز وزیراعظم ہوں گی ، اس سوال کا جواب دیتے ہوئے انہوں‌نے کہا کہ یہ پارٹی فیصلہ کرے گی تاہم حتمی فیصلہ نوازشریف ہی کریں گے ،

شاہدخاقان عباسی نے کہا کہ ملک میں چینی کا نایاب ہونا اورپھرمہنگی فروخت ہونا اس حکومت کی ناکامی ہے ، ان کا یہ بھی کہنا تھا کہ وہ تو ہمیشہ یہ چاہتے ہیں کہ حکومتیں اپنی مدت پوری کریں‌ لیکن عمران خان کی حکومت کو پورا ہوتے ہوئےنہیں دیکھ سکتے

لاہور:فارن فنڈنگ پی ٹی آئی پکڑی گئی :مریم نواز کے حکومت پرتابڑتوڑحملے ،اطلاعات کے مطابق پاکستان تحریک انصاف ممنوعہ فنڈنگ کیس کی سکروٹنی رپورٹ جاری ہونے کے بعد مسلم لیگ ن کی نائب صدر مریم نواز نے کہا ہے کہ پے درپے انکشافات، لیکس اور ثبوتوں کے انبار عمران سمیت پوری پی ٹی آئی کو فارغ کرنے کے لیے کافی ہیں۔

سماجی رابطے کی ویب سائٹ ٹویٹر پر اپنے ایک بیان میں انہوں نے لکھا کہ دوسروں پر چور چور کے الزام لگانے والے کی جب اپنی تلاشی لی گئی تو اس کا بال بال چوری میں ڈوبا نکلا۔

عمران خان نے نا صرف چوری کی اور چھپائی بلکہ عوام کی جیبوں پر ڈاکہ ڈالا اور انکی محنت اور خون پسینے کی کمائی پر عیش کی۔ پے درپے انکشافات،لیکس اور ثبوتوں کےانبار عمران سمیت پوری پی ٹی آئی کو فارغ کرنے کے لیے کافی ہیں،اتنے سنگین فراڈ اور سکینڈل تاریخ میں کسی جماعت کے نہیں آئے

— Maryam Nawaz Sharif (@MaryamNSharif) January 4, 2022

ان کا کہنا تھا کہ دوسروں سے فنڈ کے نام پر مال اینٹھنا،پھر اس کو عیاشی کے لیے استعمال کرنا اور چوری چھپانے کے جھوٹ پہ جھوٹ بولنا۔ کیا پاکستان کی تاریخ میں عمران خان جیسا کرپٹ، جھوٹا اور سازشی حکمران آیا؟

مسلم لیگ ن کی نائب صدر کا کہنکا تھا کہ عمران خان نے نا صرف چوری کی اور چھپائی بلکہ عوام کی جیبوں پر ڈاکہ ڈالا اور انکی محنت اور خون پسینے کی کمائی پر عیش کی۔

مریم نواز نے کہا کہ پے درپے انکشافات، لیکس اور ثبوتوں کے انبار عمران سمیت پوری پی ٹی آئی کو فارغ کرنے کے لیے کافی ہیں، اتنے سنگین فراڈ اور سکینڈل تاریخ میں کسی جماعت کے نہیں آئے۔

انصاف کے نام پر پاکستان کو دھوکہ دینے والے عمران خان کا بھانڈہ بیچ چوراہے پھوٹ چکا ہے۔ کون جانتا تھا ثاقب نثار کے ًصادق و امینً کا چہرہ اتنا بھیانک نکلے گا! اس بھیانک چہرے پر پردہ ڈالے رکھنے پر الیکشن کمشن کے سابق عہدیدار بھی جوابدہ ہیں۔

— Maryam Nawaz Sharif (@MaryamNSharif) January 4, 2022

انہوں نے ایک اور ٹویٹ میں مزید کہا کہ انصاف کے نام پر پاکستان کو دھوکہ دینے والے عمران خان کا بھانڈہ بیچ چوراہے پھوٹ چکا ہے۔

مریم نواز نے ایک بارپھرسابق چیف جسٹس آف پاکستان جسٹس ثاقب نثار کی ذاتیات پرحملہ کیا اور پھر یہ بھی کہا کہ کون جانتا تھا ثاقب نثار کے صادق و امین کا چہرہ اتنا بھیانک نکلے گا، اس بھیانک چہرے پر پردہ ڈالے رکھنے پر الیکشن کمشن کے سابق عہدیدار بھی جوابدہ ہیں۔

عمران خان نے نا صرف چوری کی اور چھپائی بلکہ عوام کی جیبوں پر ڈاکہ ڈالا اور انکی محنت اور خون پسینے کی کمائی پر عیش کی۔ پے درپے انکشافات،لیکس اور ثبوتوں کےانبار عمران سمیت پوری پی ٹی آئی کو فارغ کرنے کے لیے کافی ہیں،اتنے سنگین فراڈ اور سکینڈل تاریخ میں کسی جماعت کے نہیں آئے

— Maryam Nawaz Sharif (@MaryamNSharif) January 4, 2022

یاد رہے کہ ایک طرف مریم نواز الزام تراشی کررہی ہیں تو دوسری طرف پی ٹی ائی کے وزرا نے چیلنج کررکھا ہے اور کہا کہ الیکشن کمیشن نے پی ٹی آئی کے فارن فنڈنگ کی پڑتال کرلی اور آج پارٹی سرخ رو ہوگئی مگر دوسری طرف یہ بھی ہونا چاہیے کہ یہ بھی سامنے آئے کہ ن لیگ کو کن پاکستان مخالف قوتوں نے فنڈنگ کی تاکہ قوم بھی پتہ چل سکے کہ ن لیگ کس طرح اپنی کرتوتیں چھپانے کے لیے پیڈ میڈیا اور دیگرذرائع استعمال کرکے حقائق کو توڑمروڑ کرپیش کررہی ہے ،اسد عمر نے کہا کہ پی پی کی فارن فنڈنگ کی رپورٹ بھی قوم کےسامنے آنی چاہیے

اسلام آباد :انصاف کی بات تو یہ ہے کہ ن لیگ،پی پی کی فارن فنڈنگ رپورٹ قوم کےسامنے آئے:اہم شخصیات کا مطالبہ ،اطلاعات کے مطابق وفاقی وزرا نے مطالبہ کیا ہےکہ مسلم لیگ ن اور پیپلز پارٹی کی بھی فارن فنڈنگ رپورٹ جاری کی جائے۔

وفاقی وزیر اسد عمر نےکہا ہےکہ الزامات تو بہت بڑے لگتے رہے ہیں، بے نظير ماضی میں نواز شریف پر اسامہ بن لادن سے امداد لینے کا الزام لگاتی رہی ہیں ، جب فنڈنگ کی رپورٹ قوم کے سامنے آئے گی تو سب کو پتہ چل جائے گا کہ تحریک انصاف نے سب سے زيادہ شفاف طریقے سے پیسا اکٹھا کیا۔

وفاقی وزیر مملکت برائے اطلاعات و نشریات فرخ حبیب نے کہا ہےکہ الیکشن کمیشن کھلی عدالت میں کیس چلائے ہمیں اعتراض نہیں، سپریم کورٹ کےفیصلے پر الیکشن کمیشن کو تمام جماعتوں کی جانچ پڑتال کرنی ہے۔

فرخ حبیب نےکہا کہ 45کروڑ روپےکے فنڈز کا مسلم لیگ ن نے نہیں بتایا، مسلم لیگ ن نے 9 اکاؤنٹس کو خفیہ رکھا ہوا تھا، پیپلز پارٹی نے بھی 2013 میں 9، 2014 میں 11 اور 2015 میں 11 اکاؤنٹس کو چھپایا، پیپلز پارٹی کے 35کروڑ روپےکی فنڈنگ پرکوئی تفصیلات موجود نہیں۔

وفاقی وزیر اطلاعات فواد چوہدری کا کہنا ہےکہ فارن فنڈنگ کیس میں الیکشن کمیشن نے حقائق سامنے رکھے، نواز لیگ اور پیپلزپارٹی کے اکاؤنٹس بھی سامنے رکھے جائیں، تاکہ عوام کو اندازہ ہوسکےکہ کون سی پارٹی کیسےفنڈنگ کر رہی ہے۔

لاہور:لیگی رہنما بلال یاسین پر قاتلانہ حملہ، مریم نواز کا ردعمل سامنے آگیا ،اطلاعات کے مطابق پاکستان مسلم لیگ (ن) کی مرکزی نائب صدر مریم نواز نے رکن پنجاب اسمبلی بلال یاسین پر قاتلانہ حملے کی شدید مذمت کی ہے۔

مسلم لیگ ن کے ممبر پنجاب اسمبلی اور نواز شریف کے باوفا ساتھی بلال یاسین پر قاتلانہ حملہ۔ پیٹ اور ٹانگ میں گولیاں لگیں لیکن اللّہ نے بچا لیا۔ ڈاکٹرز کا کہنا ہے کہ شدید زخمی ہونے کے باوجود حالت خطرہ سے باہر ہے۔اللّہ انھیں جلد اور مکمل شفا عطا فرمائے۔ سب سے دعا کی درخواست ہے 🤲🏼

— Maryam Nawaz Sharif (@MaryamNSharif) December 31, 2021

اپنی ٹوئٹ میں مریم نواز کا کہنا تھاکہ رکن پنجاب اسمبلی اور نواز شریف کے باوفا ساتھی بلال یاسین پر قاتلانہ حملہ ہوا، ان کے پیٹ اور ٹانگ میں گولیاں لگیں لیکن اللّہ نے بچا لیا۔انہوں نے مزید کہا کہ ڈاکٹرز کا کہنا ہے کہ شدید زخمی ہونے کے باوجود حالت خطرے سے باہر ہے۔انہوں نے دعا کی درخواست کرتے ہوئے کہ اللہ انھیں جلد اور مکمل شفا عطا فرمائے، سب سے دعا کی اپیل ہے۔

لاہور سے ن لیگ کے پنجاب سے منتخب رکن اسمبلی بلال یاسین فائرنگ کے نتیجے میں زخمی ہو ‏گئے۔ان کی حالت کچھ اچھی نہیں بتائی جارہی ،تاہم ڈاکٹروں کی طرف سے بار بار تسلیاں دی جارہی ہیں‌

ابتدائی اطلاعات کے مطابق بلال یاسین کو زخمی حالت میں میو اسپتال منتقل کر دیا گیا ہے جہاں ‏انہیں طبی امداد دی جارہی ہے۔خاندانی ذرائع کا کہنا ہے کہ بلال یاسین پر بلال گنج کے علاقے میں نقاب پوش افراد نے فائرنگ ‏کی ہے، دوگولیاں ان کے پیٹ اور ایک پاؤں پر لگی ہے۔

اطلاع ملنے پر پولیس جائے وقوعہ پر پہنچ گئی ہے اور صورتحال کا جائزہ لے رہی ہے۔بلال یاسین مسلم لیگ ن کے سینئر رہنما اور سابق وزیر خوراک ہیں۔ وہ بلال گنج کے رہائشی ہیں ‏اور ان کا پارٹی دفتر بھی اسی علاقے میں ہے جہاں انہیں فائرنگ کا نشانہ بنایا گیا۔ایم ایس میواسپتال کا کہنا ہے کہ بلال یاسین کےآپریشن کیلئےسرجن پہنچ گئےہیں۔ ‏

سی سی پی اوفیاض احمد دیو نے واقعے کا نوٹس لیتے ہوئے ڈی آئی جی آپریشنز سےرپورٹ طلب ‏کر لی ہے۔ سی سی پی اولاہور نے واقعےمیں ملوث ملزمان کی فوری گرفتاری کی ہدایت کی ہے۔