Tag: ن لیگ

عمران خان کو پنجاب میں بھی شکست نظر آنے لگی، بڑا حکم دے دیا

باغی ٹی وی کی رپورٹ کے مطابق خیبر پختونخواہ کے بلدیاتی الیکشن میں پی ٹی آئی کی شکست اور جے یو آئی کی کامیابی کے بعد وزیراعطم عمران خان کو پنجاب میں بھی شکست ابھی سے نظر آنے لگ گئی ہے، خیبر پختونخواہ جہاں دو بار پی ٹی آئی کی صوبائی حکومت بن چکی اب بلدیاتی الیکشن میں عوام نے پی ٹی آئی کو مسترد کر کے جے یو آئی کو چن لیا، پشاور کا میئر جے یو آئی کا بن گیا جبکہ مجموعی طور پر زیادہ نشستیں جے یو آئی کے پاس ہیں، وزیراعظم عمران خان نے دوسرے فیز کے الیکشن کے لئے خود سے امیدوار منتخب کرنے کا اعلان کیا ہے تو دوسری جانب پنجاب میں بھی وزیراعظم عمران خان نے ترقیاتی کام کرنے کی ہدایت کی ہے تا کہ انکو بنیاد پر پنجاب سے ووٹ لیے جا سکیں،

وزیراعظم کے حکم پر حکومت نے سیاسی حریفوں کا مقابلہ سیاسی میدان میں کرنے کے لئے بڑا منصوبہ تشکیل دے دیا ہے۔اس مقصد کے لیے پورے صوبے میں یونیورسٹیز ، کالجز اوردیگرتعلیمی اداروں کا جال بچھانے کا فیصلہ کرلیا گیا ہے ،

ذرائع کے مطابق حکومت نے پنجاب میں ن لیگ کے گڑھ میں بڑا ترقیاتی پیکیج دے دیا ہے، ان ترقیاتی منصوبوں کی منظوری13دسمبر کو لاہور اجلاس میں دی گئی، اجلاس کی صدارت وزیراعظم عمران خان نے کی تھی۔

ذرائع کا کہنا ہے کہ مجموعی طور پر 76 منصوبوں کی منظوری دی گئی ہے، جن میں یونیورسٹیاں، بڑی سڑکیں، فلائی اوورز، اسپورٹس، زراعت اور انڈسٹریل اسٹیٹ قابل ذکر ہیں، گوجرانوالہ، گجرات، سیالکوٹ، نارووال اور منڈی بہاؤالدین کو منصوبےدیئےگئے ہیں۔

ذرائع کا کہنا ہے کہ وزیراعظم کی جانب سے گوجرانوالہ ڈویژن کے لیے125ارب کے ترقیاتی پیکیج کی منظوری دی گئی ہے، سب سےزیادہ71 ارب روپےسڑکوں اورفلائی اوورز کی تعمیر پر لگیں گے، 26ارب روپے کی لاگت سے4یونیورسٹیاں تعمیر کی جائینگی، یہ یونیورسٹیاں سمبڑیال، منڈی بہاؤالدین،حافظ آباد، گوجرانوالہ میں تعمیر کی جائیں گی۔

ذرائع کے مطابق منڈی بہاؤالدین سےسرائےعالمگیرروڈ پر 10ارب روپے لگیں گے،جلالپور جٹاں سےگجرات روڈپر2 ارب روپےلاگت آئےگی اسی طرح کھاریاں ڈنگہ روڈپربھی 2 ارب خرچ ہوں گے جبکہ سیالکوٹ رنگ روڈپر15ارب روپے خرچ ہوں گے۔

ذرائع کا کہنا ہے کہ شیخوپورہ سے گوجرانوالہ روڈ پر5 ارب، مرید کےنارووال روڈ پرڈیڑھ ارب خرچ ہوگا جبکہ وزیرآباد ڈسکہ روڈپر فلائی اوور70کروڑکی لاگت سےتعمیرہوگا، نیوانڈسٹریل اسٹیٹ گجرات پرایک ارب30کروڑلگیں گے۔

ذرائع کے مطابق چاول کی پیداواربڑھانےپر1ارب89 کروڑ خرچ ہونگے، گندم پرایک ارب 10کروڑ، سرجیکل سٹی سیالکوٹ پرایک ارب 70 کروڑ، ہائی پرفارمنس کرکٹ اکیڈمی سیالکوٹ پر50کروڑلگیں گے۔بیشتر ترقیاتی منصوبے 2023اور چند آئندہ سال میں مکمل ہوں گے۔

واضح رہے کہ ان اضلاع میں پی ٹی آئی کے3، ق لیگ کے2 اور ن لیگ کے15ایم این ایزہیں، لاہور میں ہونیوالےاجلاس کی تفصیلات اور تصاویرجاری نہیں کی گئی تھیں۔

جاتی امرا :کے پی سے ن لیگ اپنے اختتام کے قریب:اگلے مرحلے میں مکمل صفایا ہونے کا امکان،اطلاعات کےمطابق ن لیگ کی قیادت اس وقت سخت پریشان ہے اورن لیگ میں پریشانی مزید بڑھ رہی ہے،اطلاعات ہیں کہ ن لیگ کو کے پی کے بلدیاتی انتخاب میں جوشکست ہوئی ہے اس شکست نے پارٹی کے وجود کوخطرے میں‌ ڈال دیا ہے

ادھر ذرائع کے مطاق نوازشریف نے اس شکست کا نوٹس لیا ہے اورپارٹی کوہدایت کی ہےکہ وہ شکست کے اسباب نوٹ کرکے لندن روانہ کریں ، ادھر یہ بھی اطلاعات ہیں کہ پارٹی ویسے ہی دو گروہوں میں واضح تقسیم ہوتی ہوئی نظر آتی ہے ، ن لیگ اور ش لیگ کی صورت میں سامنے آنے والے گروہوں کے بعد اب پارٹی پنجاب کی حد تک رہ گئی ہے

کے پی میں 64 میں سے صرف 3 نشستیں حاصل کرنے کے بعد جو تصویر سامنے آئی ہے وہ کچھ اس طرح ہے ، ن لیگ نے جو تین نشستیں حاصل کی ہیں ان میں ن لیگ کوجمیعت علما اسلام فضل الرحمان،جمعیت علمائے اسلام نورانی گروپ ، جمعیت علمائے اسلام نیازی گروپ،مرکزی جعمیت اہلحدیث، پختون خواہ ملی عوامی پارٹی، نیشنل پارٹی،پی ٹی ایم سمیت ایک درجن کے قریب علاقائی جماعتوں نے سپورٹ کیا

یہ بھی معلوم ہوا ہے کہ اسی اتحاد نے جے یو آئی ف کو کے پی میں‌ سپورٹ کرکے حکومت کوٹف ٹائم دیا ہے،

ادھر انہیں حالات کی نشاندہی کرتے ہوئے وزیراعظم کے معاون خصوصی برائے سیاسی ابلاغ ڈاکٹر شہباز گِل نے کہا ہے کہ نااہل لیگ کی امیدوں کا مرکز لوکل گورنمنٹ الیکشن ہے۔

شہباز گِل نے احسن اقبال کے بیان پر ردعمل دیتے ہوئے کہا کہ گزشتہ آٹھ برس سے پی ٹی آئی خیبرپختونخوا کی مقبول ترین پارٹی ہے،ن لیگ کا خیبر پختونخوا سے صفایا ہو گیا ہے، نااہل لیگ صرف پنجاب کے چند حلقوں کی پارٹی ہے۔

انہوں نے مزید کہا کہ پہلے فیز کی ناکامی پر خوش ہونے والے کل ہماری جیت پر آنسو بہاتے ملیں گے، خیبرپختونخوا پی ٹی آئی کا قلعہ تھا اور رہے گا، عمران خان پاکستانی عوام کے واحد امید ہیں۔

اس سے قبل احتساب عدالت کے باہر میڈیا سے گفتگو کرتے ہوئے احسن اقبال نے کہا تھا کہ عوام کو مبارک ہو، عمران نیازی نے خیبر پختونخوا کی شکست کا نوٹس لے لیا ہے۔انھوں نے کہا کہ خیبر پختونخوا کے بلدیاتی الیکشن میں پی ڈی ایم کی جماعتوں پر اعتماد کا اظہار کیا ہے۔

ان کا کہنا تھا کہ عمران نیازی کی حکومت نے عوام سے جھوٹے وعدے کیے اور انتقامی ایجنڈے پر کام کیا۔ ملک میں گیس کا بحران شدت اختیار کر چکا ہے۔ عوام کی ضرورت کی اشیا کو منافع خوروں کے ہاتھوں میں دے کر سٹہ بازی کروائی۔

حیدرآباد:حکومت کی 13سالہ ناقص کارکردگی کے ذمہ دار آصف زرداری ہیں: مفتاح اسماعیل نے حقیقت بتادی ،اطلاعات کے مطابق پاکستان مسلم لیگ(ن) سندھ کے جنرل سیکرٹری اور سابق وفاقی وزیر خزانہ مفتاح اسماعیل نے کہا ہے کہ پیپلزپارٹی کی حکومت کی 13سالہ ناقص کارکردگی کے ذمہ دار آصف زرداری ہیں ، ان کو جواب دینا چاہئے

پی پی دور حکومت پرتنقید کرتے ہوئے حیدرآباد میں میڈیا سے گفتگو کرتے ہوئے مفتاح اسماعیل نے کہاکہ دنیا جانتی ہے کہ عمران خان کا بنی گالا کا خرچ جہانگیر ترین اٹھاتے ہیں ، خان صاحب نے کبھی زندگی میں پیسے نہیں کمائے تو اتنے بڑے گھر میں کیسے رہتے ہیں۔

مفتاح اسمٰعیل کا کہنا تھا کہ سندھ 65فیصد گیس پیدا کرتا ہے ، یہاں کے لوگوں کے پاس گیس نہیں ہے۔ سندھ کو اگر وسائل مل جائیں تو غربت ختم ہوسکتی ہے۔ پیپلزپارٹی کی سندھ حکومت کی 13سالہ ناقص کارکردگی کے ذمہ دار آصف زرداری ہیں ، ان کو جواب دینا چاہئے ، ان کے دور حکومت میں سندھ میں نہ تو کارخانے لگے نہ ہی کاروبار کے مواقع فراہم کئے گئے، بیروزگاری آسمان کو پہنچ گئی، سندھ حکومت تمام وسائل اپنے پاس رکھنا چاہتی ہے۔

ن لیگی رہنما مفتاح اسمٰعیل نے کہاکہ اب الیکشن آرہے ہیں تو ایم کیوایم بلدیات کی بات کررہی ہے ، پیپلزپارٹی اور ایم کیوایم ایک ہی سکے کے دو رُخ ہیں ۔ پی ٹی آئی کی حکومت بھی ناکام ہوگئی ہے انہوں نے کوئی کام نہیں کیا ، ان کے دور حکومت میں بجلی، گیس، تیل، کھاد اور دیگر اشیاء ضروریہ کی قیمتوں میں سینکڑوں فیصد اضافہ ہوگیا۔

مفتاح اسمٰعیل نے کہا کہ ہمارے دو رمیں سی پیک کے اندر کوئی بدعنوانی نہیں ہوئی اگر بدعنوانی ہوتی تو ہمارے دور کی سی پیک کی فائل عمران خان کی ٹیبل پر پڑی ہے وہ ہمیں کبھی نہیں چھوڑتے۔

لاہور:”مائی جھوٹاں والی”مریم اورنگزیب شریف فیملی کی خاطراپنی آخرت بھی تباہ کررہی ہیں:اطلاعات کے مطابق ترجمان وزیر اعظم، معاون خصوصی برائے سیاسی ابلاغ ڈاکٹر شہباز گِل نے کہا ہے کہ بِلا ناغہ پروپیگنڈہ اور جھوٹ پھیلانا مریم اورنگزیب کی ڈیوٹی ہے۔

ڈاکٹر شہباز گِل نے مریم اورنگزیب کے بیان پر ردِ عمل دیتے ہوئے کہا کہ نا اہل درباریوں کو رٹے رٹائے بیانات کے بجائے آقاؤں کے چوری کی رسیدیں پیش کرنی چاہیے، بِلا ناغہ پروپیگنڈہ اور جھوٹ پھیلانا مریم اورنگزیب کی ڈیوٹی ہے۔

انہوں نے کہا کہ وزیر اعظم عمران خان کی بہترین خارجہ پالیسی کے باعث پوری دنیا کی نظریں پاکستان کی جانب ہے، پاکستان کو 41 سال بعد او آئی سی کی کانفرس کی سربراہی کا موقع ملا ہے۔

ڈاکٹر شہباز گِل کا کہنا تھا کہ او آئی سی کانفرس کی سربراہی پاکستان کو ملنا ہر محبِ وطن پاکستانی کے لیے فخر جبکہ کرپٹ الائنس کیلئے باعثِ تشویش ہے، او آئی سی کے وزرائے خارجہ کا پاکستان میں آخری اجلاس 1981 میں ہوا تھا۔

انہوں نے کہا کہ پھر شریفوں اور زرداریوں کی باریوں کی سیاست نے پاکستان کو تنہا کر دیا، 5 سال تک وزیر خارجہ نہ ہونے کے باعث پاکستان کو شدید نقصان پہنچانے والوں پر آج سَکتَہ طاری ہے۔

ترجمان وزیر اعظم، معاون خصوصی برائے سیاسی ابلاغ ڈاکٹر شہباز گِل کا مزید کہنا تھا کہ عالمی نوعیت کے تقریب کے دنوں میں نااہلوں کی تنقید انکی گھٹیا سیاست کی غماز ہے۔

واضح رہے کہ پاکستان مسلم لیگ (ن) کی ترجمان مریم اورنگزیب نے اپنے بیان میں کہا تھا کہ وزیر اعظم عمران خان نے عوام کو کرپٹ، چور اور مافیا کا غلام بنا دیا ہے، عمران صاحب الزام دوہرانے سے وہ سچ ثابت نہیں ہوتے، ٹرانسپیرنسی انٹر نیشنل آپ کو کرپشن کا انٹر نیشنل سرٹیفیکیٹ دی چکی ہے۔

ان کا کہنا تھا کہ پاکستان کرپشن میں 111 سے 124 نمبر پر عمران صاحب آپ کی حکومت میں پہنچا ہے، عوام کو کرپٹ، چور، مافیا، کارٹلز کا غلام بنا دیا ہے۔

مریم اورنگزیب کا کہنا تھا کہ عمران صاحب 22 سال سے آپ الزام لگا رہے ہیں، 4 سال سے حکومت میں ہیں لیکن ایک الزام ثابت نہیں ہوا، عدالتوں کے فیصلے عمران صاحب کو جھوٹا ثابت کر چکے ہیں۔

خانیوال:خانیوال:ن لیگ اپنی سیٹ بچانے میں کامیاب:مہنگائی پی ٹی آئی کو لے ڈوبی ،اطلاعات کے مطابق پاکستان مسلم لیگ ن پی پی 206 کے ضمنی الیکشن میں تحریک انصاف کو ہرا کر کر اپنی سیٹ میں بچانے میں کامیاب ہو گئی۔ الیکشن جیتنے پر متوالوں نے جشن منایا۔

اس الیکشن کی دلچسپ بات یہ ہے کہ 2018ءمیں پاکستان تحریک انصاف (پی ٹی آئی) کے ٹکٹ پر الیکشن ہارنے والے رانا محمد سلیم نے 2021ء کے ضمنی الیکشن میں مسلم لیگ ن کے ٹکٹ پر اپنی ہی پرانی جماعت پی ٹی آئی کو شکست دی۔ پی ٹی آئی کی موجودہ امیدوار نورین نشاط ڈاہا کے شوہر 2018ء میں مسلم لیگ ن کے امیدوار تھے اور الیکشن میں کامیاب ہوئے تھے۔ نشاط ڈاہا کے انتقال کے باعث یہ سیٹ خالی ہوئی تھی۔

ضمنی الیکشن 2021ء میں نورین نشاط ڈاہا پاکستان تحریک انصاف کے ٹکٹ پر الیکشن میں حصہ لے رہی ہیں۔ ضمنی الیکشن میں پیپلز پارٹی کے میر واثق اور ن لیگ کے رانا سلیم اور دیگر امیدواروں نے حصہ لیا۔

ضمنی الیکشن کے لئے حلقے میں 183 پولنگ اسٹیشن بنائے گئے ہیں۔ 2 لاکھ 30 ہزار 698 ووٹرز نے اپنا حق رائے دہی استعمال کیا، ہر پولنگ سٹیشن پر پولیس کے ساتھ رینجرز اہلکار سیکورٹی کے فرائض سر انجام دیئے۔

پولنگ سٹیشن 45 پر لیگی کارکن اور تحریک لبیک کے کارکنان میں جھگڑا ہوا، کارکنوں نے ایک دوسرے پر تشدد کیا اور ایک دوسرے پر تھپڑ اور مکوں کی بارش کی، پولیس اور رینجر کی بھاری نفری موقع پر پہنچ گئی۔

غیر حتمی اور غیر سرکاری نتائج کے مطابق تمام پولنگ سٹیشنز پر لیگی امیدوار رانا محمد سلیم 47 ہزار 985 ووٹ ووٹ لیکر سے کامیاب ہوئے، پاکستان تحریک انصاف (پی ٹی آئی) کی امیدوار نورین نشاط ڈاہا 33 ہزار 875 ووٹ لیکر دوسرے نمبر پر رہیں۔

غیر حتمی غیر سرکاری نتائج کے مطابق پیپلز پارٹی کے امیدوار سید واثق حیدر 15233 ہزار ووٹ لیکر تیسرے جبکہ تحریک لبیک پاکستان (ٹی ایل پی) کے شیخ محمد اکمل 9678 ووٹ لے کر چوتھے نمبر پر ہیں۔

دوسری طرف سوشل میڈیا پرعوامی ردعمل بھی آرہا ہے اکثروبیشترعوام کا کہنا ہے کہ مہنگائی کی وجہ سے عوام نے تنگ آکرپی ٹی آئی مخالفین کو ووٹ دیا ہے ، بعض کا تو یہ کہنا تھا کہ عمران خان کی تمام اچھی پالیسیاں بھی مہنگائی کی نذرہوگئی ہیں‌

خانیوال: خانیوال پی پی206: ضمنی الیکشن، پولنگ کا وقت ختم ،کس کی ہوگی جیت؟ ووٹوں کی گنتی شروع ،اطلاعات کے مطابق خانیوال کے حلقہ پی پی206 کے ضمنی الیکشن کیلئے پولنگ کا وقت ختم ہونے کے بعد ووٹوں کی گنتی کا عمل شروع کردیا گیا ہے۔ہرجماعت جیت کا دعویٰ کررہی ہے مگرجیتے گا وہی جس کے ووٹ ہوں گے زیادہ

یاد رہے کہ یہ نشست مسلم لیگ ن کے رہنما نشاط احمد ڈاہا کے انتقال کے باعث خالی ہوئی تھی لیکن ان کی اہلیہ نورین نشاط ڈاہا پاکستان تحریک انصاف کے ٹکٹ پر الیکشن میں حصہ لے رہی ہیں۔ ضمنی الیکشن میں پیپلز پارٹی کے میر واثق اور ن لیگ کے رانا سلیم اور دیگر امیدوار میدان میں ہیں۔

ضمنی الیکشن کے لئے حلقے میں 183 پولنگ اسٹیشن بنائے گئے ہیں۔ 2 لاکھ 30 ہزار 698 ووٹرز نے اپنا حق رائے دہی استعمال کیا، ہر پولنگ سٹیشن پر پولیس کے ساتھ رینجرز اہلکار سیکورٹی کے فرائض سر انجام دیئے۔

الیکشن کمیشن کا کہنا ہے کہ امن و امان کے پیش نظر تمام پولنگ اسٹیشن پر پولیس کے ساتھ رینجرز اہلکاروں کو تعینات کیا گیا ہے۔

پولنگ سٹیشن 45 پر لیگی کارکن اور تحریک لبیک کے کارکنان میں جھگڑا ہوا، کارکنوں نے ایک دوسرے پر تشدد کیا اور ایک دوسرے پر تھپڑ اور مکوں کی بارش کی، پولیس اور رینجر کی بھاری نفری موقع پر پہنچ گئی۔

پولنگ صبح 8 بجے سے شام 5 بجے تک بغیر کسی وقفے کے جاری رہی۔اس دوران پاکستان تحریک انصاف کی امیدوار نورین نشاط ڈاہا نے ووٹ ڈالنے کے بعد اپنا ووٹ میڈیا کو دکھایا جس پر الیکشن کمیشن نے ان کے ووٹ کو مسترد کر دیا ہے۔

لاہور:ن لیگ،پی پی اور جے یو آئی ف سمیت سیاسی جماعتوں کےکھاتے کھلنے چاہئیں:،اطلاعات کے مطابق وفاقی وزیر برائے اطلاعات و نشریات فواد چودھری نے کہا ہے کہ گوادرکےعوام کےمسائل گزشتہ حکومتوں نےحل نہیں کیے، الیکشن کمیشن کو مضبوط کرنا چاہتے ہیں،فارن فنڈنگ کیس پرویسےکام نہیں ہورہاجیسےہوناچاہیے،الیکشن کمیشن تینوں بڑی پارٹیوں کا فنڈنگ ریکارڈ ایک ساتھ سامنے لائے، فنڈنگ تحقیقات کا آغاز بے شک پیپلزپارٹی، پی ٹی آئی اور ن لیگ سے کیا جائے ،تمام سیاسی جماعتوں کےکھاتےعوام کےسامنےآنےچاہئیں۔

لاہور میں وفاقی وزیر اطلاعات فواد چودھری اور وزیر مملکت فرخ حبیب نے نیوز کانفرنس کی،اس دوران فواد چودھری نے کہا کہ بلوچستان حکومت عوام کےمسائل ضرورحل کرے گی جبکہ گوادر میں بجلی ، پانی اور گیس کے مسائل کا احساس ہے،موجودہ حکومت مسائل کے حل کیلئے تیار ہےوزیراعظم نے مسائل کے حل کیلئے بلوچستان کی حکومت سے بات کی ہے، رواں ہفتےبلوچستان کیلئےسب سےبڑاپیکج لارہےہیں۔

انہوں نے مزید کہا کہ الیکشن کمیشن کو مضبوط کرنا چاہتے ہیں، بہت سی شدت پسند جماعتیں الیکشن کمیشن میں رجسٹرڈ ہیں،ن لیگ کے ایک بھی ڈونر کا ریکارڈ موجود نہیں پارٹیوں کی فنڈنگ لوگوں کےسامنے آنی چاہیے،پیپلزپارٹی کا 2009سے 2012تک فنڈنگ کا کوئی ریکارڈ موجود نہیں،فنڈنگ کے ذرائع ابھی تک کسی کو معلوم نہیں ہیں ۔ہے،خیبر پختونخوا ڈویژن میں ن لیگ کا کبھی احتساب ہی نہیں ہوا۔

انہوں نے مزید کہا کہ پارٹیوں کی فنڈنگ لوگوں کےسامنے آنی چاہیے،پیپلزپارٹی کا 2009سے 2012تک فنڈنگ کا کوئی ریکارڈ موجود نہیں،الیکشن کمیشن تینوں بڑی پارٹیوں کا فنڈنگ ریکارڈ ایک ساتھ سامنے لائے،جے یو آئی کی فنڈنگ پر بہت اعتراضات ہوتے رہے ہیں،فنڈنگ تحقیقات کا آغاز بے شک پیپلزپارٹی، پی ٹی آئی، ن لیگ سے کیا جائے۔

فواد چودھری کا کہنا تھا کہ پنجاب میں لوکل گورنمنٹ آرڈیننس منظوری پر مبارکباد دیتا ہوں ،وزیر اعلیٰ سندھ کو ہوش کے ناخن لینا چاہیے ،کل کی تقریر بھی ٹھیک نہیں تھی ،پنجاب حکومت نے لوکل گورنمنٹ کا نظام بنایا ہے ،ہر ڈسٹرکٹ میں میئر کے الیکشن ہونے جارہے ہیں ،میئر اپنے علاقے کا وزیر اعلیٰ ہوگا ،پنجاب میں ضلع کا میئر براہ راست آئے گا، اس کا شیڈول جلد آجائے گا ۔

وزیر اطلاعات نے کہا کہ یہ الیکشن سو فیصد ای وی ایم پر ہوسکتے ہیں ،دو ماہ کے اندر تمام مشینیں مل سکتی ہیں ،منی بجٹ میں کوئی ایسا ایشو نہیں ہے ،مہنگائی میں تیسرا ہفتہ ہے کمی آرہی ہے ،مڈل کلاس کے ہیلتھ کا بوجھ حکومت نے اٹھا لیا ہے ۔

وزیر مملکت برائے اطلاعات و نشریات فرخ حبیب نے کہا کہ الیکشن کمیشن میں 22والیم ہم نے جمع کرائے ہیں،تحریک انصاف نے الیکشن کمیشن میں تمام ریکارڈ جمع کرایا ہے، پیپلزپارٹی اورن لیگ کے اکاونٹس کا معاملہ حتمی مراحل میں نہیں پہنچایا جارہا جبکہ پیپلزپارٹی اور ن لیگ نے آج تک اکاونٹس کا کوئی ریکارڈ جمع نہیں کرایا۔

اکستان پیپلز پارٹی پارلیمنٹیرینز کی ترجمان شازیہ مری نے کہا ہے کہ تحریک انصاف نے فارن فنڈنگ کیس میں ہمیشہ راہ فرار اختیار کی، پیپلز پارٹی کا تمام ریکارڈ الیکشن کمیشن کے پاس موجود ہے ، فواد چودھری اور فرخ حبیب کی نوکری ہی جھوٹ بولنا ہے۔

ترجمان پیپلز پارٹی پارلیمنٹیرینز شازیہ مری نے وفاقی وزرا کی پریس کانفرنس پر رد عمل دیتے ہوئے کہا کہ فواد چودھری اور فرخ حبیب کی نوکری ہی جھوٹ بولنا ہے ، پاکستان پیپلز پارٹی کا تمام ریکارڈ الیکشن کمیشن کے پاس ہے ،فارن ممنوعہ فنڈز کیس میں پی ٹی آٸی مسلسل راہ فرار اختیار کر رہی ہے

کراچی:اپوزیشن جاہل اوربالکل جاہل ہے:مراد علی شاہ نے سب کو رگڑدیا ،اطلاعات کے مطابق وزیراعلیٰ سندھ مراد علی شاہ نے اپوزیشن کو جاہل قرار دے دیا۔ کہتے ہیں پی پی اکثریتی جماعت ہے، اپوزیشن کو اقلیت کہہ دیا تو آگ بگولا ہو گئے۔

لاڑکانہ میں میڈیا سے بات کرتے ہوئے مراد علی شاہ نے کہا کہ اپوزیشن کو صرف ہنگامہ آرائی کرنا آتی ہے۔ ایسا نہیں ہے کہ لاڑکانہ کے فیصلے کراچی اور کراچی کے لاڑکانہ میں ہو رہے ہیں۔ اپوزیشن کا کام صرف گالم گلوچ کرنا ہے جس پر اُنہیں شاباش ملتی ہے۔

انہوں نے کہا کہ ہم اگر کچھ کہہ دیں اس پر باز پرس ہوتی ہے۔ وفاقی حکومت کا کہنا ہے کہ سب کچھ سندھ حکومت کی وجہ سے ہو رہا ہے، یہ سب درست کرنا وفاق کے بس کی بات بھی نہیں ہے، مہنگائی کے خلاف 27 دسمبر کو اپنا پارٹی پلان دیں گے۔

دوسری طرف کل پاکستان پیپلز پارٹی کے چیئر مین بلاول بھٹو زرداری کا کہنا تھا کہ پنجاب کے عوام کا مسلسل استحصال کیا جارہا ہے، ظلم و جبر کا سلسلہ اب نہیں چلے گا۔

چیئرمین پی پی پی کی سربراہی میں این اے 133 کی انتخابی مہم کے حوالے سے قائم کوآرڈینیشن کمیٹیوں کے اراکین کا اجلاس ہوا، اجلاس کے دوران این اے 133 کے حلقے کے زون 166 اور 168 کی یوسیز کوآرڈینیٹرز، یوسی صدر، جنرل سیکرٹری سمیت دیگر اراکین نے اپنی کارکردگی سے آگاہ کیا۔

چیئرمین بلاول بھٹو زرداری نے این اے 133 کے ضمنی انتخابات میں بہترین کارکردگی کا مظاہرہ کرنے پر جیالوں کو سراہتے ہوئے کہا کہ صوبے کے عوام کا مسلسل استحصال کیا جارہا ہے، ظلم و جبر کا سلسلہ اب نہیں چلے گا، پیپلزپارٹی عام انتخابات میں لاہور سمیت پنجاب میں سرپرائز دے گی۔

ان کا کہنا تھا کہ پنجاب کے عوام کے مسائل کا واحد حل پیپلزپارٹی کے پاس ہے، جلد پنجاب کے تمام اضلاع کا تفصیلی دورہ کروں گا۔