Tag: وزیراعظم شہبازشریف

اسلام آباد: وزیراعظم شہبازشریف نے لوڈشیڈنگ میں اضافےپربرہمی کا اظہار کرتے ہوئے متعلقہ حکام کو طلب کر لیا ہے-

باغی ٹی وی : وزیراعظم شہبازشریف کی زیر صدارت لوڈشیڈنگ سے متعلق اجلاس جاری ہے وزیراعظم شہبازشریف کی زیر صدارت اجلاس میں توانائی بحران پر مشاورت کی گئی اجلاس میں لوڈشیڈنگ کی وجوہات،محرکات اورسدباب کیلئےاقدامات کاجائزہ لہا گیا جبکہ متعلقہ حکام وزیراعظم شہبازشریف کولوڈشیڈنگ پررپورٹ پیش کی-

اجلاس میں لیسکو نے تجویز دی کہ بجلی بچت کے لیے دکانیں مغرب سے بند کی جائیں،گرمی میں صبح جلد دکانیں کھلنی چاہییں،،پلازے دکانیں بند ہونے سےلیسکو کو ایک ہزار میگاواٹ لوڈ مل سکے گا، دکانیں اورپلازے جلد بند کرنے سے لوڈشیدنگ میں واضح کمی ہو سکتی ہے-

وزیر اعظم شہباز شریف نے کہا کہ عوام تکلیف میں ہیں،اس پرکوئی سمجھوتہ نہیں ہوگا،کچھ بھی کریں،2 گھنٹے سےزیادہ لوڈشیڈنگ برداشت نہیں ، عوام کومشکل سےنکالیں،کوئی وضاحت نہیں چاہیے ، عوام کو بجلی کی لوڈشیڈنگ سےنجات چاہیے-

وزیر اعظم نے سرکاری افسران کو ہدایت کی کہ عوام کی مشکلات کو حل کرنا ہماری ذمہ داری ہے،ذرائع کے مطابق انہوں نے کہا کہ لوڈشیڈنگ کے خاتمے کے لیے شارٹ اور لانگ ٹرم پلان تیار کیا جائے،شارٹ ٹرم پلان کے تحت لوڈشیڈنگ کے دورانیہ میں فوری واضح کمی لائی جائے-

ذرائع کے مطابق وزیر اعظم شہباز شریف نے متعلقہ حکام کو ہدایت کی کہ سستی اور وافر مقدار میں بجلی پیدا کرنے کے منصوبوں پر کام کریں-

دوسری جانب ذرائع پاور ڈویژن کے مطابق ملک بھر میں بجلی کا شارٹ فال 6 ہزار 865 میگاواٹ تک پہنچ گیا ہے ملک بھر میں بجلی کی مجموعی پیداوار 19 ہزار 135 میگاواٹ ہے اور طلب 26 ہزار میگاواٹ ہے۔ پانی سے 4 ہزار 622 میگاواٹ بجلی پیدا کی جا رہی ہے اور سرکاری تھرمل پلانٹس ایک ہزار 134 میگاواٹ بجلی پیدا کر رہے ہیں۔

سگریٹ نوشی پر پابندی کی خلاف ورزی کرنے پرعدالتی اہلکاروں کو شوکاز نوٹسز

نجی شعبے کے بجلی گھروں کی مجموعی پیداوار 9 ہزار 377 میگاواٹ ہے اور ونڈ پاور پلانٹس ایک ہزار 415 میگاواٹ اور سولر پلانٹس سے پیداوار 113 میگاواٹ ہے۔ بگاس سے چلنے والے پلانٹس 190 میگاواٹ بجلی پیدا کر رہے ہیں۔

ذرائع پاور ڈویژن کے مطابق جوہری ایندھن سے 2 ہزار 284 میگاواٹ بجلی پیدا کی جا رہی ہے۔

ذرائع پاور ڈویژن کے مطابق ملک کے مختلف علاقوں میں 14 گھنٹے تک کی لوڈشیڈنگ کی جارہی ہے،آئیسکو کو 550 میگاواٹ شارٹ فال کا سامنا ہے ،اسلام آباد ریجن میں 8 گھنٹے تک لوڈ شیڈنگ جاری ہے ،نقصانات والے علاقوں میں لوڈشیڈنگ کا دورانیہ زیادہ ہے-

منی لانڈرنگ کیس: ایف آئی اے نے شہباز شریف اورحمزہ شہباز کی درخواست ضمانت کی مخالفت…

وزیراعظم شہبازشریف نے وزیرستان میں دہشتگردوں کےحملے کی شدید مذمت کی اور جام شہادت نوش کرنےوالےسپاہی ظہوراورسپاہی رحیم گل کوخراج عقیدت پیش کیا-

باغی ٹی وی : وزیراعظم شہباز شریف نے کہا کہ بھرپور جوابی کارروائی پر پاک فوج کے بہادر جوانوں کوخراج تحسین پیش کرتے ہیں وزیراعظم شہباز شریف نے شہداکےاہلخانہ سےاظہار ہمدردی اور تعزیت کا اظہار کیا-

یوکرین جنگ سے معاشی طور پر متاثرہ ممالک میں پاکستان بھی شامل

وزیراعظم نے کہا کہ دہشتگردی کےخلاف افواج پاکستان کی قربانیاں تاریخ کا سنہرا باب ہے،پوری پاکستانی قوم دہشتگردی کےخلاف جنگ میں اپنی مسلح افواج کے شانہ بشانہ ہے-

شمالی وزیرستان: دہشتگردوں کا سیکیورٹی چیک پوسٹ پر حملہ،2 جوان شہید

واضح رہے کہ 23 مئی کو دہشت گردوں نے شمالی وزیرستان کے ضلع میر علی کے عام علاقے میں ایک فوجی چوکی پر حملہ کیا آئی ایس پی آر کا کہنا تھا کہ دہشت گردوں کی جانب سے کئے گئے حملے کے جواب میں فوجیوں نے فوری جوابی کارروائی شروع کی اور دہشت گردوں کے ٹھکانے کو مؤثر طریقے سے تلاش کیا شدید فائرنگ کے تبادلے کے دوران سپاہی ظہور خان (عمر 20 سال، رہائشی لوئر دیر) اور سپاہی رحیم گل (عمر 23 سال، رہائشی ایبٹ آباد) نے بہادری سے لڑتے ہوئے جام شہادت نوش کیا –

سعودی ولی عہد اور آرمی چیف جنرل قمر جاوید باجوہ کے درمیان ٹیلیفونک رابطہ

اسلام آباد: وزیراعظم شہبازشریف کا کہنا ہے کہ اسرائیل کی جانب سے فلسطینیوں پر تشدد میں اضافہ انسانی حقوق اور انسانی قوانین کی سنگین خلاف ورزی ہے۔

باغی ٹی وی : سماجی رابطے کی ویب سائٹ ٹویٹر پر اپنی ٹویٹ میں وزیراعظم شہبازشریف نے مسجد اقصیٰ پر اسرائیلی فوجیوں کے حملے کی شدید مذمت کرتے ہوئے کہا کہ اسرائیل کی جانب سے فلسطینیوں پر تشدد میں اضافہ انسانی حقوق اور انسانی قوانین کی سنگین خلاف ورزی ہے۔

Condemnable raid on Al-Aqsa Mosque & escalation of violence by Israel in gross violation of HR & humanitarian laws. We stand in solidarity with the Palestinians. Time for international community to protect innocent Palestinian lives, and uphold international law & UN Charter.

— Shehbaz Sharif (@CMShehbaz) April 16, 2022

صیہونی فوج کا مسجد اقصیٰ پر دھاوا: افغان طالبان کا شدید ردعمل

وزیراعظم نے کہا کہ ہم فلسطینیوں کے ساتھ یکجہتی کے ساتھ کھڑے ہیں، وقت آگیا ہے کہ بین الاقوامی برادری معصوم فلسطینیوں کی جانوں کے تحفظ، بین الاقوامی قانون اور اقوام متحدہ کے چارٹر کو برقرار رکھے۔

قبل ازیں ترجمان دفترخارجہ عاصم افتخار احمد نے کہا تھا کہ پاکستان فلسطین کے مختلف مقبوضہ علاقوں میں موجودہ صورتحال پر شدید تحفظات کا اظہار کرتا ہے آج مسجد الاقصی پر اسرائیلی افواج کے حملوں میں 152 افراد کے زخمی اور 300 فلسطینیوں کو گرفتار کیا گیا، یہ عبادت گزاروں پر بالخصوص رمضان المبارک میں قابل مذمت حملہ تمام انسانی اقدار اور انسانی حقوق قوانین کی کھلی خلاف ورزی ہے۔

مقبوضہ بیت المقدس میں فلسطینیوں پرصہیونیوں کے مظالم پاکستان کاردعمل بھی آگیا

عاصم افتخار احمد کا کہنا تھا کہ حالیہ چند ہفتوں میں اسرائیلی افواج نے مشرقی یروشلم و دیگر علاقوں میں درجنوں افراد کا قتل عام کیا جبکہ حالیہ چند ہفتوں میں اسرائیلی افواج نے مشرقی یروشلم و دیگر علاقوں میں بے شمار فلسطینیوں کو زخمی بھی کیااسرائیلی افواج کی جانب سے فلسطینی علاقوں میں تشدد میں اضافہ کی بھرپور مذمت کرتے ہیں، فلسطینی علاقوں میں اسرائیلی فوج کے تشدد میں حالیہ اضافہ افسوسناک ہے۔

قبل ازیں افغانستان میں طالبان حکومت نے صیہونی فوج کی جانب سے ماہ رمضان میں مسجد اقصیٰ پر دھاوا بولنے پر شدید ردعمل کا اظہار کیا تھا افغان وزارت خارجہ کی جانب سے جاری بیان میں کہا گیا تھا کہ افغان حکومت مسجد اقصیٰ میں فلسطینیوں پر تشدد کی شدید مذمت کرتی ہے عالمی برادری بالخصوص اسلامی ممالک فلسطینیوں کے انسانی حقوق کی بحالی اور اسرائیلی مظالم کو روکنے کیلئے عملی اقدامات کریں۔

مقبوضہ بیت المقدس:اسرائیلی پولیس کی مسجد اقصیٰ میں ہوائی فائرنگ اور شیلنگ؛ 152…

واضح رہے کہ گزشتہ روز اسرائیلی سیکیورٹی فورسز نے نماز فجر کے بعد مسجد اقصیٰ میں داخل ہوکر ہوائی فائرنگ اور آنسو گیس کی شیلنگ کی جس کے نتیجے میں 152 نمازی زخمی ہوگئے۔

مسجد اقصیٰ میں نماز فجر کے بعد نمازیوں اور اسرائیلی سیکیورٹی فورسز کے درمیان جھڑپ ہوئی، اسرائیلی سیکیورٹی فورسز نے آنسو گیس کا بے دریغ استعمال کیا اور ہوائی فائرنگ بھی کی۔ اسرائیلی سیکیورٹی فورسز نے نمازیوں کو زدوکوب کیا اور تشدد کا نشانہ بنایا۔

فلسطینی ہلال احمر نے بتایا تھا کہ اسرائیلی فورسز کی کارروائی میں 152 نمازی زخمی حالت میں لائے گئے جن میں درجن بھر کی حالت تشویشناک ہے۔

اسرائیلی فوج کی کارروائیاں،17 روزے دار فلسطینی زخمی