Tag: وزیر اعلی پنجاب

لاہور: وزیراعلیٰ پنجاب مریم نواز نے پولیس اصلاحات کے لیے تین ماہ کی ٹائم لائن مقرر کرتے ہوئے متعدد اہم فیصلوں کی منظوری دے دی۔

مریم نوازکی زیر صدارت اجلاس میں پولیس نظام میں بہتری، شفافیت اور عوام دوست رویے کو یقینی بنانے کے لیے شارٹ، مڈ اور لانگ ٹرم پلان تیار کرنے کی ہدایت کی گئی،اجلاس میں فیصلہ کیا گیا کہ پنجاب بھر میں 14 ہزار باڈی کیمز اور 700 پینک بٹن نصب کیے جائیں گے جبکہ ہر پولیس اسٹیشن کے کم از کم 10 اہلکاروں کو باڈی کیم فراہم کئے جائیں گے۔

وزیراعلیٰ نے باڈی کیمز کے لیے فنڈز کی منظوری بھی دے دی، تھانوں کے باہر پولیس سے متعلق شکایات کے فوری ازالے کے لیے پینک بٹن نصب کیے جائیں گے۔

حکومت نے انوسٹی گیشن کے عمل کی آڈیو اور ویڈیو ریکارڈنگ، ایف آئی آر کی آن لائن ٹریکنگ سسٹم اور کاغذات و شناختی کارڈ کی گمشدگی کی ایف آئی آر آن لائن درج کرانے کا نظام متعارف کرانے کا بھی فیصلہ کیا ہے، بریفنگ میں کہا گیا کہ ایف آئی آر کے اندراج کے لیے پولیس صرف پانچ سوالات کر سکے گی تاکہ تاخیر ختم ہو اور مجرم فائدہ نہ اٹھا سکیں۔

وزیراعلیٰ نے ہدایت کی کہ ہر شہری کو ”سر“ کہہ کر مخاطب کیا جائے اور کسی پولیس اہلکار کو سر یا جناب کے بغیر بات کرنے کی اجازت نہیں ہوگی۔ انہوں نے چھوٹی شکایات 2 سے 3 گھنٹوں میں حل کرنے، 80 منٹ کے رسپانس ٹائم کو یقینی بنانے اور سائلین کے ساتھ عزت و احترام سے پیش آنے کی تاکید کی۔

بریفنگ میں بتایا گیا کہ پنجاب میں مجموعی جرائم میں 48 فیصد جبکہ بڑے جرائم میں 80 فیصد تک کمی ریکارڈ کی گئی ہے، ساہیوال اور گجرات جیسے شہروں میں بڑے جرائم کی کالز نہ ہونے کے برابر ہیں جبکہ پراپرٹی تنازعات میں کمی سے بھی جرائم میں کمی آئی ہے، ہر سال ایک کروڑ 68 لاکھ افراد تھانوں کا رخ کرتے ہیں جن میں سے 68 فیصد پولیس خدمت مراکز کی سروسز کے لیے آتے ہیں۔

وزیراعلیٰ نے کہا کہ بچوں کے ساتھ درندگی کرنے والے کسی رعایت کے مستحق نہیں، پولیس سے صرف مجرموں کو ڈرنا چاہیے عوام کو نہیں انہوں نے ہراسمنٹ کی شکایات پر توہین آمیز رویے کے خاتمے، خواتین کی حوصلہ افزائی اور غریب افراد کے اعتماد کی بحالی پر زور دیا۔

مزید برآں، ٹریفک کو لین میں چلانے کی پابندی، ٹریفک پولیس ون ایپ اور سیف سٹی مانیٹرنگ ایپ کے آغاز، سٹیزن مینجمنٹ سسٹم اور ای ٹیگ انفارمیشن سسٹم کے نفاذ کا بھی اعلان کیا گیا، وزیراعلیٰ نے آئی جی اور سینئر افسران کو خود عوامی فیڈ بیک لینے کی ہدایت کرتے ہوئے کہا کہ اگر اوپر کی سطح پر کرپشن ہوگی تو اس کے اثرات تھانے تک جائیں گے۔

انہوں نے واضح کیا کہ عوام سے بڑا کوئی وی آئی پی نہیں، وی آئی پی موومنٹ کے نام پر شہریوں کی تذلیل برداشت نہیں کی جائے گی اگر ابھی اصلاحات نہ کیں تو پھر کبھی نہیں کر سکیں گے، قانون کو بلا امتیاز نافذ کرنے کے مثبت نتائج سامنے آ رہے ہیں، اب پولیس میں رویوں کی تبدیلی ناگزیر ہے

وزیر اعلیٰ پنجاب مریم نواز شریف کے حکم پر غزہ کے عوام کے لیے امدادی سامان روانہ کردیا گیا ہے۔

وزیر اعلیٰ پنجاب مریم نواز شریف لاہور ایئرپورٹ پہنچیں جہاں سے غزہ کے مظلوم عوام کے لیے 100 ٹن خوراک روانہ کی گئی،پاکستان کی جانب سے بھیجے جانے والے امدادی سامان میں 32 مختلف فوڈ آئٹمز شامل ہیں،اس موقع پر مریم نواز شریف نے کہا کہ پاکستان کے عوام کے دل فلسطینی بھائیوں کے ساتھ دھڑکتے ہیں، غزہ کے بے گناہ مسلمانوں پر ہونے والے مظالم سے ہر حساس دل مضطرب ہے، امدادی سامان اہل پاکستان کی طرف سے غزہ کے عوام کے لیے پیغامِ محبت ہے۔

لاہور: پاکستان پیپلز پارٹی پنجاب کے رہنما چوہدری منظور نے کہا ہے کہ پانی کی تقسیم حساس مسئلہ ہے، وزیرِ اعلیٰ پنجاب بتائیں آپ کونسی نہر بند کر کے نئی نہر کو پانی دیں گی-

باغی ٹی وی : پاکستان پیپلز پارٹی صوبہ پنجاب کے رہنما چوہدری منظور نے پریس کانفرنس میں کہا ہے کہ پانی پر بھارت اور پاکستان کے درمیان مسئلہ ہے، وزیرِ اعلیٰ پنجاب بتائیں آپ کونسی نہر بند کر کے نئی نہر کو پانی دیں گی، آپ شیخوپورہ کا پانی کاٹیں گی، سیالکو ٹ کا کاٹیں گی کہاں کا کاٹیں گی؟ پانی تو سسٹم میں اتنا ہی ہے نا، آپ نے 4 ہزار کیوسک سے اوپر پانی دینا ہے اس نہر کو تو کہاں سے کاٹ کر دیں گی۔

پنجاب کی صوبائی حکومت پر تنقیدکرتےہوئے چوہدری منظور نےکہا ہےکہ یہ لوگ کارپوریٹ فارمنگ کوفروغ دینے کے لیے چھو ٹےکسانوں کا قتل کرنے لگے ہیں،پاکستان پیپلز پارٹی یہ نہیں ہونےدے گی، آپ اتنے باکمال لوگ ہیں کہ آپ ریورس انجینئر نگ کر رہے ہیں، آپ وہاں پر اسپرنکلز اری گیشن کرنا چاہتے ہیں جو نہر کے پانی سے نہیں ہو سکتی۔

آئی سی سی نے ویمنز ورلڈ کپ کوالیفائیر کیلئے میچ آفیشلز کا اعلان کردیا

پیپلز پارٹی رہنما نے کہا ہے کہ آپ جہاں کا پانی کاٹیں گے ہم وہاں اُن کے ساتھ کھڑے ہوں گے، آپ ایک نہر بنانا چاہتے ہیں جس کو چولستان کے نام سے یاد کیا جا رہا ہے، آپ پہلے یہ کہہ رہے ہیں کہ یہ سیلاب کے دنوں میں ہو گا، سیلاب ہوتا کتنے دنوں کے لیے ہے؟ ایک نان ایشو آپ نے کھڑا کیا ہے، 2 صوبوں کے حالات آپ کے سامنے ہیں، جس صوبے کا ایشو ہے اس سے بات کریں، سسٹم میں پانی موجود نہیں ہے، آپ کے پاس پانی کی کمی ہوتی جا رہی ہے۔

حرا مانی کے عید کے بولڈ لباس پر شدید تنقید

وزیر اعلیٰ پنجاب مریم نواز نے اپنی چھت ،اپنا گھر پروگرام کیلئے 62 ارب روپے کی منظوری دیدی ہے۔

باغی ٹی وی کے مطابق وزیر اعلیٰ پنجاب کی زیر صدارت خصوصی اجلاس ہوا جس میں بریفنگ دی گئی کہ تقریباً5ہزار شہری اپنی چھت،اپنا گھر پروگرام کے تحت قرض لے چکے ہیں۔4200سے زائدمکان تیزی سے تکمیل کی طرف گامزن ہیں،روڈا اور ہاؤسنگ اینڈ اربن ڈویلپمنٹ کے اشتراک سے نادار خاندانوں کو بھی بنے بنائے گھر ملیں گے ۔وزیر اعلیٰ نے قرضہ دینے کا عمل جلد از جلد مکمل کرنے کی ہدایت کرتے ہوئے قرضہ 15 سے بیس لاکھ کرنے کی تجویز کا جائزہ لینے کا حکم دیدیا،اس کے علاوہ مئی تک 40ہزار درخواست گزاروں کو قرضہ دینے کاہدف بھی مقرر کردیا۔انہوں نےکہا کہ چاہتی ہوں ہر بے گھر کے پاس اپنی چھت ہو،اپنا گھر ہر شہری کا بنیادی حق ہے ۔

تنگوانی: باغی ٹی وی کی 13ویں سالگرہ کا پریس کلب میں کیک کاٹاگیا

روس اور نیٹو کے درمیان ممکنہ جنگ کے خدشات،ناروے میں بم شیلٹرز کی تعمیر کا منصوبہ

آئی سی سی وفد کا قذافی اسٹیڈیم میں جاری تعمیراتی کام کا بغور جائزہ

وزیراعلیٰ پنجاب مریم نواز نے سابق وزیر اعظم عمران خان کو مخاطب کرتے ہوئے کہا ہے کہ چار سال حکومت کی ہے اب آرام سے جیل کاٹو۔

لاہور میں ستھرا پنجاب پروگرام کی تقریب سے خطاب کرتے ہوئے انہوں نے کہا کہ سلمان اکرم راجہ کہتےہیں لاہور میں کسی کو نکلنے نہیں دیاگیا جب لوگ نکلتے ہیں تو انہیں روکنا کسی پولیس، انتظامیہ اور حکومت کے بس میں نہیں ہوتا، جب کوئی نکلا ہی نہیں تو آپ کو نظر کون آتا؟ یہ محض اتفاق نہیں ہے کہ ان کی ہر کال بری طرح پٹ گئی، ناکام ہوگئی، اس کی ایک وجہ مجھے سمجھ آتی ہے اور آپ کو بھی سمجھ آتی ہے، جب لوگ تنگ، بے چین اور بے آرام ہوتے ہیں، ان کی زندگیوں میں تکلیف اور پریشانی ہوتی ہے تو لوگ نکلتے ہیں۔پاکستان سے سیاسی گند کا صفایا کرنے کا وقت آ گیا، ملک کے آگے بڑھنے کیلئے ان کو ختم ہو جانا چاہیئے، پوائنٹ بلینک رینج سے گولی چلائیں گے تو کیا سکیورٹی فورسز پھولوں کے ہار پہنائیں، یہ پیار محبت والے سلوک کے مستحق نہیں، پنجاب اور پاکستان سے سیاسی گند کا صفایا زیادہ ضروری ہے۔ان کا کہنا تھا کہ میں نے خود 4 سال سڑکوں، گلیوں، محلوں میں عوام کے درمیان گزارے ہیں، جلسے جلوس کیے ہیں، دنیا رات کو 4 بجے بھی امڈ کے آتی تھی، انہیں کوئی روک نہیں سکتا تھا لیکن آج یہ بات بڑی سننے کو ملتی ہے کہ ہم نے تو انہیں جلسے جلوس کی اجازت دی مگر یہ ہمیں اجازت نہیں دیتے، ہم نے 5،6 سال جلسے بھی کیے جلوس بھی کیے اور ہفتے میں کئی کئی بار کیے، کوئی یہ نہیں کہہ سکتا مریم نواز، مسلم لیگ ن یا پی ڈی ایم کے جلسے میں کوئی ایک گملا بھی ٹوٹا، جب آپ خود کو جمہوریت پسند کہتے ہیں تو آپ کے طریقے بھی وہی ہونے چاہئیں۔وزیراعلیٰ پنجاب نے کہا کہ جمہوریت میں آپ ظلم بھی برداشت کرتے ہیں، اس ظلم کے خلاف احتجاج بھی کرتے ہیں آواز بھی اٹھاتے ہیں لیکن تشدد کا راستہ اختیار نہیں کرتے، مریم نواز نے کوئی دیوار، گملا، شیشہ یا میٹرو کا جنگلا توڑا یا کسی ریاستی ادارے کے دفتر کو آگ لگائی ہے تو کوئی بتادے لیکن اڈیالہ جیل میں ماسٹر مائنڈ بیٹھا ہے اُس سے جیل نہیں کاٹی جارہی، پہلے ایسی حرکتیں نہیں کرنی تھیں ناں، 2014ء سے لے کر آج تک ان کا ایک دھرنا دکھا دیں جو پُرامن ہو، ان کو ابھی کُھل کر کھیلنے کی اجازت نہیں، سوچیں ان کو کُھل کر کھیلنے کی اجازت مل جائے تو یہ خون کی ندیاں بہا دیں، ان کیلئے کوئی ریڈ لائن نہیں.

پاکستان کا سکیورٹی کونسل میں مسلم ممالک کی مستقل نشست کا مطالبہ

پی ٹی آئی کو کہیں نہ کہیں دشمن ملک سے سپورٹ مل رہی ہے، سعید غنی

لاہور:وزیراعلیٰ پنجاب مریم نواز کی ہدایت پر "دھی رانی پروگرام” کے تحت دسمبرسے اجتماعی شادیوں کا باقاعدہ آغاز کیا جائے گا۔

باغی ٹی وی : صوبائی وزیر سوشل ویلفیئر اینڈ بیت المال سہیل شوکت بٹ کی زیر صدارت اجلاس ہوا، اجلاس میں وزیراعلیٰ پنجاب کے سیاسی مشیر ذیشان ملک، سیکرٹری سوشل ویلفیئر جاوید اختر محمود، ڈی جی سوشل ویلفیئر سکندر ذیشان، سیکرٹری ویمن ڈیولپمنٹ عثمان علی خان، کمشنر لاہور زید بن مسعود اور ڈپٹی کمشنر لاہور سید موسیٰ رضا نے شرکت کی۔

ڈی جی سوشل ویلفیئر سکندر ذیشان نے اجلاس کے شرکاء کو دھی رانی پروجیکٹ پر پیشرفت سے آگاہ کیا بریفنگ میں بتایا گیا کہ دسمبر 2024 سے اجتماعی شادیوں کا باقاعدہ آغاز کیا جائے گا اور وزیراعلیٰ پنجاب مریم نواز کے دستِ شفقت سے اس نیک عمل کا آغاز لاہور سے کیا جائے گا،پروگرام کے تحت ایسی غریب، یتیم اور جسمانی معذوری کا شکار خواتین جن کے والدین معذور ہیں اور جن کی عمر 18 سے 40 سال کے درمیان ہے، وہ اس پروگرام میں شمولیت کی اہل ہوں گی۔

بریفنگ میں بتایا گیا کہ وزیراعلیٰ پنجاب مریم نواز دھی رانی پروگرام کے تحت صوبے کے تمام اضلاع میں پہلے مرحلے میں 1500 مستحق جوڑوں کی اجتماعی شادیاں کروائیں گی پروگرام کے بارے میں شکایات کے لیے سیکرٹری سوشل ویلفیئر کے دفتر میں براہ راست رابطہ کیا جا سکتا ہے۔

صوبائی وزیر سہیل شوکت بٹ نے کہا کہ وزیراعلیٰ پنجاب مریم نواز کی جانب سے اجتماعی شادیوں کا اعلان حقیقی فلاحی اسلامی ریاست کی جانب ایک اہم قدم ہے اجتماعی شادیوں کے دوران جوڑوں کو دی جانے والی سلامی کی رقم1 لاکھ روپے ہوگی اجتماعی شادیوں کے دوران وزیراعلیٰ پنجاب کی جانب سے دیئے جانے والے تحفوں کی خریداری پیپرا قوانین کے مطابق کی جائے گی تاکہ تحائف کی خریداری کے عمل میں شفافیت برقرار رکھی جا سکے۔

لاہور: وزیراعلیٰ پنجاب کے دورہ لندن کی تفصیلات سامنے آگئیں-

باغی ٹی وی : ذرائع پاکستان مسلم لیگ (ن) کے مطابق وزیراعلیٰ پنجاب کا 5 نومبر کو لندن جانے کا امکان ہے، مریم نواز نجی دورے پر لندن ہوں گی، وزیراعلیٰ پنجاب مریم نواز شریف کی گلے کے انفکیشن کے علاج کے لیے لندن روانگی متوقع ہے۔

پارٹی ذرائع مریم نواز لندن اپنے علاج کے لیے جائیں گی، وہ لندن میں اپنے ذاتی معالج سے علاج کرائیں گی، وہ کافی عرصے سے گلے میں انفیکشن کا شکار ہیں، مریم نواز کا گلے میں انفیکشن کے باعث ڈاکٹرز کی ہدایت پر آپریشن کا بھی امکان ہے، وزیر اعلی پنجاب مریم نواز کا دورہ لندن ایک ہفتے پر محیط ہوگا، مریم نواز کا وزارت اعلیٰ کا منصب سنبھالنے کے بعد یہ پہلا غیر ملکی دورہ ہوگا، نواز شریف اور مریم نواز کا لندن سے اکٹھے وطن واپس آنے کا امکان ہے۔