کابل پر طالبان قبضے کے 2 سال مکمل ہونے پر امریکی وزیر خارجہ نے کہا ہے کہ جب تک خواتین کو تحفظ نہیں دیا جائے گا طالبان کے ساتھ تعلقات معمول پر نہیں آسکیں گے-

باغی ٹی وی: امریکی وزیرخارجہ انٹونی بلنکن نے اپنے بیان میں کہا ہے کہ افغان طالبان نے وعدے کیے، مگر پورے نہیں کیے ، طالبان کو وعدوں کے لیے جوابدہ ٹھہرانے کے لیے کام جاری رکھے ہوئے ہیں،جب تک خواتین کو تحفظ نہیں دیا جائے گا طالبان کے ساتھ تعلقات معمول پر نہیں آسکیں گے-

انٹونی بلنکن کا کہنا تھاکہ 2 برس میں تقریباً 34 ہزار افغان شہریوں کو خصوصی امیگرنٹ ویزے جاری کیے گئے جبکہ اگست 2021 سے اب تک 1.9 بلین ڈالر افغان عوام کی امداد کے لیے عطیہ کیے افغانستان میں شراکت داروں کے ساتھ وعدوں کی تکمیل پر پیشرفت جاری ہے۔

یونیورسٹیاں خواتین کو دوباہ داخلہ دینے کیلئے تیارہیں، افغان محکمہ تعلیم

یاد رہے کہ طالبان حکام نے امریکی فوج کے انخلا کے بعد 15 اگست 2021 کو افغانستان پر قبضہ کرلیا تھا،طالبان نے دسمبر 2022 میں خواتین کی یونیورسٹی تعلیم پر پابندی لگا دی تھی جس سے عالمی سطح پر غم و غصہ پیدا ہوا تھا اگست 2021 میں اقتدارسنبھالنے کے بعد چھٹی جماعت کےبعد سےلڑکیوں کو اسکول جانے سے روک دیا تھا،طالبان کے عبوری حکومت سنبھالنے کے بعد سے اففانستان دنیا کا واحد ملک ہے جہاں خواتین کی تعلیم پرپابندی عائد کی گئی۔

امریکا میں بھارتی شہریوں پر فراڈ کا جرم ثابت،ملزمان کو15 سال سے زائد قید کی …

دوسری جانب حال ہی میں افغان محکمہ تعلیم کے ایک اہلکار نے کہا تھا کہ یونیورسٹیاں خواتین کو دوباہ داخلہ دینے کیلئے تیارہیں، تاہم اس بات کی منظوری طالبان کی اعلٰی قیادت دے گی،افغان وزیرتعلیم ندا محمد ندیم کا کہنا تھا کہ یونیورسٹیوں میں مخلوط تعلیم پرپابندی لازمی تھی کیونکہ کچھ مضامین پڑھائے جانے سے اسلام کے اصولوں کی خلاف ورزی ہوتی ہے،یہ پابندی طالبان سپریم کمانڈر ملا ہیبت اللہ اخونزادہ کی طرف سے لگائی گئی تھی،یہ عارضی ہے ، مخلوط تعلیم، نصاب اور ڈریس کوڈ کا مسئلہ حل ہو جائے گا تو یونیورسٹیاں دوبارہ کھول دی جائیں گی ہیبت اللہ اخوندزادہ کی طرف سے جنوبی شہر قندھار سے جاری کردہ پابندی اگلے نوٹس تک برقرار ہے۔

نریندرمودی کی انوکھی اپیل ماننے پر بی سی سی آئی گولڈن ٹک سے محروم ہوگیا

ایرانی وزیرخارجہ حسین امیرعبدالہیان اگلے ماہ پاکستان کا دورہ کریں گے-

باغی ٹی وی : ایرانی وزیرخارجہ حسین امیرعبدالہیان 3 اگست کو پاکستان پہنچیں گے، ان کے پاکستانی ہم منصب بلاول بھٹو سے باضابطہ مذاکرات ہوں گے، جس میں دو طرفہ تعلقات کے مزید فروغ پر مشاورت کی جائے گی، اور دونوں وزرائے خارجہ مشترکہ نیوز کانفرنس سے خطاب کریں گے۔

چینی وزیر خارجہ کوعہدے سے فارغ کر دیا گیا

ذرائع کے مطابق افغانستان میں دہشت گردوں کی محفوظ پناہ گاہیں دونوں ممالک کے لیے باعث تشویش ہیں، ایرانی وزیرخارجہ کے دورہ کے موقع پر افغانستان میں سلامتی کی صورت حال پر خصوصی طور بات ہوگی۔

بھارت کے 26 جماعتی اتحاد کا مودی کے خلاف عدم اعتماد لانے کا فیصلہ

قبل ازیں امریکی وزیرخارجہ انٹونی بلنکن نے وزیر خارجہ بلاول بھٹو زرداری سے ٹیلی فونک رابطہ کیا ،امریکی دفتر خارجہ کے ترجمان نے کہا تھا کہ انٹونی بلنکن نے پاکستانی وزیر خارجہ بلاول سے گفتگو میں پاک امریکا تعلقات میں تعمیری شراکت داری قائم رکھنے کے عزم کا اعادہ کیا ،امریکی وزیرخارجہ انٹونی بلنکن کا کہنا تھا کہ پاکستانی عوام دہشت گردی سے شدید متاثر ہوئے ہیں انسداد دہشت گردی کے لیے پاکستان کے ساتھ تعاون جاری رکھیں گے ،ترجمان امریکی دفتر خارجہ کے مطابق دونوں ممالک کے وزرائے خارجہ نے روس کی یوکرین کے خلاف جنگ کے اثرات سمیت پرامن اور مستحکم افغانستان پر تبادلہ خیال کیا-

بلاول بھٹو سے مثبت گفتگو رہی،امریکی وزیرخارجہ

انٹونی بلنکن کا کہنا تھا کہ بلاول بھٹو سے مثبت گفتگو رہی،پاکستان کی معیشت کی بحالی اور علاقائی بالخصوص افغانستان کی صورت حال پر بھی تبادلہ خیال کیا گیا امریکا پاکستان سے مثبت جمہوری اور تعمیری تعلقات کی حمایت کرتا ہے

پاکستانی دفتر خارجہ کی ترجمان ممتاز زہرا بلوچ کے مطابق وزیر خارجہ بلاول بھٹو زرداری نے امریکی وزیرخارجہ انٹونی بلنکن سے ٹیلی فون پر تبادلہ خیال کیا اس دوران دونوں وزرائے خارجہ نے پاک امریکا تعلقات میں مثبت رفتار کا جائزہ لیا ، فریقین نے امن، سلامتی اور ترقی کے فروغ کے لیے تعمیری رابطے جاری رکھنے پر اتفاق کیا-

ایرانی وزیرخارجہ آئندہ ماہ پاکستان کا دورہ کریں گے

چین نے اپنے وزیر خارجہ چِن گینگ کوعہدے سے فارغ کردیا چین نے منگل کے روز اپنے وزیر خارجہ چن گینگ کو عہدے سے ہٹا دیا اور ان کی جگہ اپنے پیشرو وانگ یی کو نیا وزیر خارجہ مقرر کیا جنہوں نے پہلے ہی چین کی کمیونسٹ پارٹی کی اشرافیہ کی ذاتی زندگیوں اور سیاسی دشمنیوں پر افواہوں کو ہوا دی ہے۔

باغی ٹی وی : اس حوالے سے چین کی سرکاری خبر رساں ایجنسی شنہوا نے اپنی رپورٹ میں کہا ہے کہ چین کے اعلیٰ ترین قانون ساز ادارے نے وانگ ای کو وزیر خارجہ مقرر کرنے کے حق میں ووٹ دیا ہے اور چن گینگ کو عہدے سے ہٹا دیا گیا ہے-

چن گینگ کو عہدے سے ہٹائے جانے کی کوئی وجہ بیان نہیں کی گئی تاہم رپورٹس میں یہ کہا گیا ہے کہ چینی صدر شی جن پنگ نے چن گینگ کو فارغ کیے جانے کے فرمان پر دستخط کردیئے ہیں۔

خطرناک پرواز،آسمان پر دو جہاز 60 میٹر کے فاصلے پر آگئے

نئے وزیر خارجہ حکمران جماعت کمیونسٹ پارٹی کے فارن افیئرز چیف وانگ ای ہوں گے، وہ پہلے بھی اس عہدے پر فائز رہ چکے ہیں،عہدے سے ہٹائے جانے والے 57 سالہ وزیر خارجہ چن گینگ کو آخری بار 25 جون کو عوامی سطح پر دیکھا گیا تھا جس کے بعد سے ان کا کچھ پتہ نہیں تھے، ان کی غیر حاضری پر وزارت خارجہ نے بھی چپ سادھ رکھی تھی جس نے قیاس آرائیوں کا جنم دیا تھا۔

چن گینگ کو گزشتہ برس دسمبر میں وزیر خارجہ تعینات کیا گیا تھا انہیں تقرری کے 7 ماہ سے بھی کم عرصے میں عہدے سے فارغ کر دیا گیا ہے انہیں چینی صدر شی جن پنگ کا معتمد خاص سمجھا جاتا ہے۔

یہ حکمران کمیونسٹ پارٹی کے انتہائی مبہم سیاسی نظام کے اندر اہلکاروں کے معاملات کے بارے میں معیاری نقطہ نظر کے مطابق ہے جہاں میڈیا اور آزادی اظہار پر سخت پابندی ہے،وزارت نے منگل کو اپنی روزانہ کی بریفنگ میں کوئی تبصرہ نہیں کیا۔ یہ اقدام چین کی بڑھتی ہوئی جارحانہ خارجہ پالیسی کے خلاف غیر ملکی ردعمل کے درمیان سامنے آیا ہے، جس میں چن ایک اہم حامی تھے۔

کوپن ہیگن؛ قرآن کی ایک بار پھر بے حرمتی، ڈنمارک کا سفارتی عملہ بغداد نکال …

چن کو ہٹانے کے بارے میں راز میں اضافہ کرتے ہوئے، اسے چین کی ربڑ اسٹیمپ مقننہ، نیشنل پیپلز کانگریس کی اسٹینڈنگ کمیٹی کے اجلاس میں منظور کیا گیا، جو عام طور پر مہینے کے آخر میں جمع ہوتی ہے۔

چین کی سفارت کاری میں تبدیلی واشنگٹن کی طرف سے امریکی وزیر خارجہ انٹونی بلنکن اور دیگر اعلیٰ حاضر سروس اور ریٹائرڈ اہلکاروں کو بیجنگ بھیجنے کے بعد ایسے تعلقات کو بحال کرنے کی کوشش میں ہے جو تجارت، انسانی حقوق، ٹیکنالوجی، تائیوان اور چین کے دیگر علاقائی دعوؤں پر گہرے تنازعات کا شکار ہے۔

ویڈیو،بھارتی انجو فاطمہ بن گئی، اسلام قبول کر لیا،شادی بھی کر لی