Baaghi TV

Tag: وسیم اکرم

  • پاکستان کو مستقبل میں بابر اعظم اہم فتوحات دلوائیں گے،وسیم اکرم

    پاکستان کو مستقبل میں بابر اعظم اہم فتوحات دلوائیں گے،وسیم اکرم

    وسیم اکرم کا کہنا ہے کہ بابر ہمارے سپر اسٹار اور دنیا کے بہترین کھلاڑیوں میں سے ایک ہیں،پاکستان کو مستقبل میں بابر اعظم اہم فتوحات دلوائیں گے-

    سابق کپتان وسیم اکرم نے نجی ٹی وی کے پروگرام میں کہا کہ بابراعظم کو مشورہ دیتے ہوئے کہا کہ پرسکون رہیں، غیر ضروری پریس کانفرنسز کو اہمیت نہ دیں، یاد رکھیں فارم وقتی ہوتی ہے لیکن کلاس ہمیشہ کے لئے ہے، محنت جاری رکھیں، دنیا کے بہترین بیٹرز میں آپ دوبارہ شمار ہوں گے بابر ہمارے سپر اسٹار اور دنیا کے بہترین کھلاڑیوں میں سے ایک ہیں=

    سابق کپتان نے کہا کہ بابراعظم عالمی معیار کے بلے باز ہیں لیکن ان کی بہترین کارکردگی ابھی آنا باقی ہے، پاکستان کو مستقبل میں بابر اہم فتوحات دلوائیں گے ان کے پاس میچ ونر کی تمام صلاحیتیں موجود ہیں، اب وقت آ گیا ہے کہ بابراعظم اپنی بیٹنگ سے دو سے تین بڑے میچز جتوا کر اپنی حیثیت منوائیں۔

    چلاس میں پاک فوج کا ہیلی کاپٹر گر کر تباہ،آئی ایس پی آر کی تصدیق

    واضح رہے کہ بابراعظم کی بیٹنگ مسلسل فلاپ ہو رہی ہے، وہ 2023ء میں ایشیا کپ میں سنچری بنانے کے بعد سے کوئی بڑی اننگز کھیلنے میں ناکام رہے ہیں،انکو کمتر اسٹرائیک ریٹ کے باعث پاکستان کی ٹی ٹوئنٹی ٹیم سے بھی ڈراپ کردیا گیا تھا۔

    دریائے سندھ میں انتہائی اونچے درجے کا سیلاب آنے کا امکان

  • وسیم اکرم نے اپنے مجسمے کے ساتھ چیتے کی تصویر شئیر کردی

    وسیم اکرم نے اپنے مجسمے کے ساتھ چیتے کی تصویر شئیر کردی

    پاکستان کرکٹ ٹیم کے سابق کپتان وسیم اکرم نے اپنے مجسمے پر خاموشی توڑدی۔

    وسیم اکرم کا مجسمہ حال ہی میں نیاز اسٹیڈیم حیدرآباد میں نصب کیا گیا جو شائقین کرکٹ کو متاثر کرنے میں ناکام رہا، مجسمے کی تصاویر سوشل میڈیا پر وائرل ہونے کے بعد کرکٹ شائقین نے اس کی شباہت پر شدید تنقید کی ہے،جس پہ وسیم اکرم نے ردعمل دیا ہے-

    سوشل میڈیا پلیٹ فارم ایکس پر وسیم اکرم نے اپنے مجسمے کے ساتھ چیتے کے مجسمے کی تصویر لگا کر لکھا کہ میرا مجسمہ یقیناً اس چیتے سے بہتر ہے نیاز اسٹیڈیم حیدر آباد میں لگائے گئے میرے مجسمے کے حوالے سے بہت باتیں ہو رہی ہیں، میرے خیال میں آئیڈیے کی زیادہ اہمیت ہوتی ہےمجسمہ بنانے والے کو کریڈٹ دینا چاہیے، اس کوشش پر اور جو اس میں شامل رہا ہے، انہیں فل مارکس دینے چاہئیں۔

    https://x.com/wasimakramlive/status/1933020952348279153

    واضح رہے کہ یہ مجسمہ آئی سی سی ورلڈکپ 1999 کی پاکستانی جرسی پہنے وسیم اکرم کے بولنگ ایکشن کو ظاہر کرتا ہے تاہم مداحوں نے شکایت کی ہے کہ مجسمے کا چہرہ وسیم اکرم سے بالکل مشابہت نہیں رکھتا بلکہ وہ کسی ہالی وڈ ایکشن ہیرو جیسا لگتا ہے۔

  • ٹیم میں کم سے کم دو سے تین تبدیلیاں ناگزیر ہیں،وسیم اکرم

    ٹیم میں کم سے کم دو سے تین تبدیلیاں ناگزیر ہیں،وسیم اکرم

    کراچی: سابق ٹیسٹ کپتان وسیم اکرم کا کہنا ہے کہ پاکستان کرکٹ ٹیم میں کم سے کم دو سے تین تبدیلیاں ناگزیر ہیں، نئے لڑکوں کو لا کر ان کو موقع فراہم کریں۔

    باغی ٹی وی : کراچی میں میڈیا سے گفتگو کرتے ہوئے سوئنگ کے سلطان وسیم اکرم نے کہا کہ چیمپیئنز ٹرافی میں پاکستان کی مایوس کن کارکردگی پر افسوس ہوا، ہار جیت کھیل کا حصہ ہے لیکن ٹیم کے نتائج کے حوالے سے یہی توقعات تھیں پاکستان کرکٹ ٹیم کی کارکردگی پر باتیں بہت ہو چکیں، اب آگے کی سوچیں اور مستقبل کے بارے میں غور کریں، چیمپیئنز ٹرافی کا پاکستان میں انعقاد خوش آئند ہے۔

    واضح رہے کہ چیمپیئنز ٹرافی میں بھارت سے شکست کے بعد وسیم اکرم نے بدترین کارکردگی پر سخت برہمی کا اظہار کرتے ہوئے 6 بڑے نام فارغ کرنے کا مطالبہ کیا تھا کہا تھا کہ پاکستان کرکٹ ٹیم شکستوں کی عادی ہوچکی ہے لہٰذا اب وقت آگیا ہے کہ ہم وائٹ بال ٹیم میں نئے نوجوان کرکٹرز لائیں جن کے اندر کوئی خوف نہ ہو۔

    پنجاب پختونخوا سرحد پر خوارجی دہشتگردوں کی 2 کارروائیاں ناکام

    یورپ اور امریکہ ایک،ٹرمپ ڈرامہ چین کا راستہ روکنا؟تجزیہ:شہزاد قریشی

    ہر کوئی حقیقی امن کے لیے متحد ہے،یوکرینی صدر

  • وسیم اکرم کے بیٹے نے ماڈلنگ کی دنیا میں قدم رکھ دیا

    وسیم اکرم کے بیٹے نے ماڈلنگ کی دنیا میں قدم رکھ دیا

    کراچی: پاکستان قومی کرکٹ ٹیم کے سابق کپتان وسیم اکرم کے بیٹے اکبر اکرم نے ماڈلنگ کی دنیا میں قدم رکھ دیا۔

    باغی ٹی وی : سابق قومی کرکٹ ٹیم کے کپتان وسیم اکرم تو اشتہارات میں ماڈلنگ کرتے دکھائی دیتے ہیں اب ان کے بیٹے اکبر نے بھی ماڈلنگ کی دنیا میں قدم رکھ دیا ہے،وسیم اکرم جہاں کرکٹ سے ریٹائرمنٹ کے بعد اب کمنٹری اور ٹی وی پر تجزیے کرتے دکھائی دیتے ہیں وہیں وہ مختلف اشتہارات میں ماڈلنگ کرتے بھی نظر آتے ہیں۔

    سابق کرکٹر وسیم اکرم نے سوشل میڈیا پر بیٹے اکبر اکرم کے ساتھ متعدد تصویروں پر مبنی پوسٹ شیئر کی ہےان تصاویر میں باپ اور بیٹے کو ماڈلز کی طرح پوز دیتے ہوئے دیکھا جا سکتا ہے۔

    مری میں برف باری کا سلسلہ جاری ،محکمہ موسمیات کی نئی پیشگوئی جاری

    وسیم اکرم نے اس سے قبل کی گئی ایک پوسٹ کے کیپشن میں اعلان کیا کہ میرے بیٹے، جس شاندار انسان میں تم تبدیل ہوئے ہو اور جس سمت میں تم آگے بڑھ رہے ہو مجھے تم پر بے حد فخر ہے، 24 ویں سالگرہ کے موقع پر میں اپنے بیٹے کی پہلی ماڈلنگ جاب کی ایک تصویر چپکے سے شیئر کر رہا ہوں۔

    سویڈن: قرآن پاک کی بے حرمتی کرنے والے ملعون کا قتل، 5 گرفتار افراد کو رہا کرنے کا حکم

    واضح رہے کہ وسیم اکرم کے اپنی پہلی اہلیہ ہما وسیم سے دو بیٹے تیمور وسیم اور اکبر وسیم ہیں، ہما وسیم کے 2009 میں انتقال کے بعد سا بق فاسٹ بولر نے آسٹریلوی شہری شنیرا سے شادی کی تھی، جن سے ان کی ایک بیٹی آیلا ہے۔

  • وسیم اکرم کی ریمپ پر واک کے جلوے

    وسیم اکرم کی ریمپ پر واک کے جلوے

    کراچی: پاکستان کرکٹ ٹیم کے سابق کپتان وسیم اکرم کی ہاتھوں میں گیند پکڑ کر ریمپ واک کی –

    باغی ٹی وی:برائیڈل کٹیور ویک 2024 کے 3 روزہ فیسٹیول کا رنگا رنگ آغاز لاہور میں ہو چکا ہے جہاں ملک بھر کے ڈیزائنرز کو ایک معزز اسٹیج پر اپنی تخلیقات پیش کرنے کا موقع فراہم کیا گیا ہے، یہ 3 روزہ فیشن شو 20 دسمبر سے 22 دسمبر تک جاری رہے گا جو اس ایو نٹ کا 22 ویں ایڈیشن ہے-

    اس فیشن کے پہلے دن کئی مشہور پاکستانی اداکاروں نے مشہور ڈیزائنرز اور فیشن برانڈز کے لیے ریمپ پر واک کی، ان میں ’صبا قمر، کنزہ ہاشمی، عروہ حسین، نمرہ خان، نمرہ مہرہ، رجب بٹ، سونیا حسین، بلال سعید، وسیم اکرم’ اور دیگر شامل تھے جو اپنے غضب ڈھاتے عروسی جوڑوں میں حسن کے جلوے بکھیر رہے تھے۔

    کرکٹ کے میدان میں پچ پر اپنی تیز رفتار گیند بازی کا مظاہرہ کرنے والے سوئنگ کے سلطان نے لاہور میں منعقدہ برائیڈل کٹیور ویک میں ریمپ پر جلوے بکھیر دئیے،مختلف سوشل میڈیا پلیٹ فارمز پر وائرل ہونے والی ویڈیو میں وسیم اکرم کو سرخ شیروانی، سیاہ شلوار، گلے میں مالا اور دھوپ کے چشمے پہنے ریمپ واک کرتے دیکھا جا سکتا ہے۔

    یہ پہلا موقع نہیں ہے جب وسیم اکرم نے برائیڈل کٹیور ویک میں ریمپ واک کی ہو، اس سے قبل 2019 میں وہ اہلیہ شنیرا اکرم کے ہمراہ ریمپ واک کر چکے ہیں۔

    دوسری جانب ریمپ پر واک کرتے ہوئے پاکستانی اداکارہ عروہ حسین لڑکھڑا گئیں، سوشل میڈیا پر وائرل ویڈیو میں عروہ حسین کو ریمپ واک کے دوران دو مرتبہ لڑکھڑاتے ہوئے دیکھا جا سکتا ہےاداکارہ نے لڑکھڑانے کے بعد بہت ہی بہترین انداز میں اپنے آپ کو سنبھالا اور اپنی واک جاری رکھی۔

    نیو ہم ٹی وی برائیڈل کٹیور ویک 2024 میں شرکت کیلئے عروہ حسین نے ڈیزائنر ‘عائشہ شعیب ملک’ کا شاہکار زیب تن کیے ریمپ پر واک کی ہاتھی دانت کے رنگ کے خوبصورت جوڑے کیساتھ عروہ حسین نے اپنے لُک کو مکمل کرنے کیلئے میچنگ چاندی اور ہیرے کے زیورات کا انتخاب کیا جبکہ چمکدار میک اپ انکی خوبصورتی کو چار چاند لگارہا تھا۔

  • آسٹریلیا کیخلاف فتح: آج کی فتح نے پوری قوم کے چہروں پر خوشیاں بکھیر دی ہیں،محسن نقوی

    آسٹریلیا کیخلاف فتح: آج کی فتح نے پوری قوم کے چہروں پر خوشیاں بکھیر دی ہیں،محسن نقوی

    لاہور: چیئرمین پاکستان کرکٹ بورڈ محسن نقوی اور سابق کرکٹر وسیم اکرم نے آسٹریلیا کو ہوم گراؤنڈ پر ون ڈے سیریز میں شکست دینے پر قومی کرکٹ ٹیم کو مبارکباد پیش کی ہے۔

    باغی ٹی وی : پاکستان نے پرتھ میں کھیلے گئے تیسرے اور فیصلہ کن ایک روزہ میچ میں آسٹریلیا کو 8 وکٹوں سے شکست دیکر 22 برس بعد آسٹریلیا کو ان کے ہوم گراؤنڈ میں شکست دی۔

    صدر مملکت آصف زرداری نے قومی ٹیم کو تاریخی فتح پر مبارکباد اور 22 سال بعد آسٹریلیا کے خلاف ون ڈے سیریز جیتنے پر شاباشی بھی دی۔

    وزیراعظم شہباز شریف نے بھی پاکستان کرکٹ ٹیم کو مبار کباد دیتے ہوئے کہا کہ پاکستان ٹیم بہترین بہترین کارکردگی کا مظاہرہ کیا، ہمیں اپنی کرکٹ ٹیم پر فخر ہے۔

    محسن نقوی نے اپنے پیغام میں کہا کہ آسٹریلیا جیسی مضبوط ٹیم کو ہوم گراؤنڈ پر شکست دے کر کھلاڑیوں نے قوم کا سر فخر سے بلند کیا، تاریخی جیت پر تمام کھلاڑی اور مینجمنٹ تعریف کے مستحق ہیں، قومی کرکٹ ٹیم کے کھلاڑیوں نے فیلڈنگ، بولنگ اور بیٹنگ میں آسٹریلیا کو آؤٹ کلاس کیا، آج کی فتح نے پوری قوم کے چہروں پر خوشیاں بکھیر دی ہیں، 8 وکٹوں سے کامیابی ٹیم ورک کا نتیجہ ہے۔

    چیمپئنزٹرافی: بھارتی ٹیم کے کپتان روہت شرما کا بیان سامنے آگیا

    انہوں نے کہا کہ پاکستانی بالر نسیم شاہ، شاہین شاہ آفریدی اور حارث رؤف نے عمدہ بولنگ کرکے آسٹریلیا کو کم سکور پر آؤٹ کیا، صائم ایوب اور عبداللہ شفیق نے ایک بار پھر ذمہ داری سے بلے بازی کرکے فتح دلائی جبکہ بابر اعظم اور محمد رضوان نے بھی بہترین بیٹنگ کی،میرا یقین ہے کہ جذبے، محنت اور عزم سے کیے ہر کام میں کامیابی ملتی ہے۔

    وزیر اعلیٰ پنجاب مریم نواز نے پاکستان ٹیم کو مبارکباد دیتے ہوئے کہا کہ شاہینوں نے کینگروز کو ہوم گراؤنڈ پر ہراکر تاریخ رقم کی۔

    دوسری جانب وسیم اکرم نے قومی ٹیم کی تاریخی فتح پر کھلاڑیوں اور پوری قوم کو مبارکباد دیتے ہوئے کہا کہ میں پوری قوم سے یہی کہوں گا کہ ہماری ٹیم کا مستقبل بہت روشن ہے، ان لڑکوں کو سپورٹ کرتے رہیں، یہ لڑکے آخری وقت تک لڑتے ہیں، ٹیم چاہے ہارے یا جیتے ان لڑکوں کو سپورٹ کریں۔

    پاکستان نے آسٹریلیا میں 22 سال بعد ون ڈے سیریز جیت کر تاریخ رقم کردی

    وسیم اکرم نے کہا کہ رضوان نے بطور کپتان فاسٹ بولرز کو بہت اچھے طریقے سے استعمال کیا، کبھی 2 اوور کا اسپیل کروایا کبھی 5 اوورز کا اسپیل کروایا، جب ٹیم کو وکٹ کی ضرورت پڑی تو انہوں نے حارث رؤف کو استعمال کیا اور بریک تھرو حاص کیا، آج شاہین آفریدی نے بہت اچھی بولنگ کی، انہوں نے نئی گیند کو دونوں جانب سوئنگ کیا، اب آگے ٹی ٹوئنٹی سیریز ہے، امید ہے کہ ٹی ٹوئنٹی سیریز بھی اچھی رہے گی۔

    وزیراعلیٰ سندھ مراد علی شاہ نے بھی پاکستان کرکٹ ٹیم کی آسٹریلیا کے خلاف سیریز جیتنے پر قوم کو مبارکباد دی۔

  • ہمیں دشمنوں کی ضرورت نہیں، ہم خود ہی بہت ہیں،وسیم اکرم نے ایسا کیوں کہا؟

    ہمیں دشمنوں کی ضرورت نہیں، ہم خود ہی بہت ہیں،وسیم اکرم نے ایسا کیوں کہا؟

    کراچی: پاکستان کرکٹ ٹیم کے سابق کپتان وسیم اکرم نے کہا ہے کہ ہمیں دشمنوں کی ضرورت نہیں، ہم خود ہی بہت ہیں-

    باغی ٹی وی : وسیم اکرم نے میلبرن میں آن لائن پریس کانفرنس کے دوران کہا کہ فخر زمان امپیکٹ پلئیر ہے، مجھے یقین ہے کہ سوشل میڈیا بیان فخر زمان نے نہیں لکھا، جس نے بھی لکھا اسے بتانا چاہیے تھا کہ سینٹرل کنٹریکٹ کی وجہ سے آپ کو مسئلہ ہو سکتا ہے، میں سمجھتا ہوں کہ یہ فخر زمان کے لیے ایک سبق ہے، سوچ سمجھ کر سوشل میڈیا پر لکھنا چاہیے، پی سی بی کا اس معاملے پر اپ سیٹ ہونا بنتا تھا،محسن نقوی کرکٹ کے لیے بہت اچھا کام کر رہے ہیں، وہ کرکٹ بورڈ کو پروفیشنل انداز میں چلا سکتے ہیں، مجھے جاب کی آفر ہوئی لیکن میں 9 سے 5 جاب کرنے والا بندہ نہیں ہوں۔

    انہوں نے ہوم ایڈوانٹیج کے لیے پچز بنانے پر تنقید کرنے والوں کے حوالے سے کہا کہ ہمیں دشمنوں کی ضرورت نہیں، ہم خود ہی بہت ہیں، ہوم ایڈوانٹیج پر تنقید سمجھ سے باہر ہے، میں 5، 6 سال سے کہہ رہا ہوں کہ ٹرننگ پچز بناؤ، چاہے ہار جاؤ، شکر ہے کسی کو تو خیال آیا اور ہم نے مسلسل تین ٹیسٹ میچز ہارنے کے بعد مسلسل دو ٹیسٹ میچز جیتے۔

    سلمان خان کو قتل کی دھمکی اورتاوان مانگنے والا ایک اور ملزم گرفتار

    سابق کرکٹر نے کہا کہ چیمپئنز ٹرافی کے لیے بھارت سے اچھے اشارے مل رہے ہیں، پاکستان کرکٹ بورڈ نے بھارتی بورڈ کو کئی آفرز کی ہیں، بھارت کو پاکستان آنا چاہیےویرات کوہلی، ہاردک پانڈیا اور سوریا کمار یادیو کے پاکستان میں بہت فینز ہیں، فینز کو شدت سے بھارتی کھلاڑیوں کا انتظار ہے،میں 6، 7 سال سے بھارت نہیں گیا، میں وہاں کے کھانے اور لوگوں کو مس کرتا ہوں، بھارتی کھلاڑی پاکستان آئیں، انجوائے کریں گے۔

    ملک بھر میں 2 ماہ کے لیے سی این جی اسٹیشنز بند کر نے کا …

    وسیم اکرم نے محمد رضوان کی کپتانی کے حوالے سے کہا کہ محمد رضوان کو کپتانی کا تجربہ ہے، وہ اچھی چوائس ہے وہ بس کھیل پر فوکس کرے، آسٹریلیا میں کنڈیشنز مشکل ہوتی ہیں، پاکستان کی یہاں سیریز آسان نہیں ہو گی، ایک بھی ون ڈے جیت جاتے ہیں تو یہ بہت بڑی کامیابی ہے جبکہ ٹی ٹوئنٹی سیریز اچھی ہو گی،شاہین آفریدی، نسیم شاہ سمیت دیگر کرکٹرز کھیل پر فوکس کریں، سوشل میڈیا کو چھوڑ دیں،کرکٹ کھیل کر گھر جائیں اور انجوائے کریں، بابر اعظم کو بھی کپتانی بھول جانی چاہیے، وہ کرکٹ کھیلیں اور رنز کریں۔

    خواجہ سرا سے برہنہ ڈانس کروانے کا واقعہ،کے پی حکومت کی پراسرارخاموشی

  • وسیم اکرم کا پی سی بی کو ویڈیو ڈیلیٹ کر کے معافی مانگنے کا مطالبہ

    وسیم اکرم کا پی سی بی کو ویڈیو ڈیلیٹ کر کے معافی مانگنے کا مطالبہ

    پاکستانی لیجنڈ وسیم اکرم نے پاکستان کرکٹ بورڈ (پی سی بی) سے جاری کردہ ویڈیو سے کرکٹ کے عظیم عمران خان کو خارج کرنے پر معافی مانگنے کا مطالبہ کیا جس میں 1952 میں قومی اسکواڈ کے قیام سے لے کر اب تک کی تاریخی کامیابیوں کو اجاگر کیا گیا تھا۔بورڈ گزشتہ 48 گھنٹوں سے تنقید کی زد میں ہے کیونکہ لوگوں نے پی سی بی سے ویڈیو کو حذف کرنے کا مطالبہ کیا تھا کیونکہ اس میں اب تک کی سب سے بڑی کامیابی والی ویڈیو شامل نہیں تھی۔لیجنڈری کرکٹر وسیم اکرم نے سوشل میڈیا پلیٹ فارم X پر لکھا کہ "سری لنکا پہنچنے سے پہلے طویل پروازوں اور گھنٹوں کی ٹرانزٹ کے بعد، مجھے اپنی زندگی کا جھٹکا لگا جب میں نے پاکستان کرکٹ کی تاریخ کے بارے میں پی سی بی کا مختصر کلپ مائنس دی گریٹ عمران خان کو دیکھا،”وسیم اکرم نے کہا کہ سیاسی اختلافات کے باوجود کوئی بھی خان کی کرکٹ میں شراکت کو نظر انداز نہیں کر سکتا اور مطالبہ کیا کہ اس ویڈیو کو واپس لے کر معافی مانگے۔..سیاسی اختلافات کے علاوہ عمران خان عالمی کرکٹ کے ایک آئیکون ہیں اور انہوں نے اپنے دور میں پاکستان کو ایک مضبوط یونٹ کے طور پر تیار کیا اور ہمیں ایک راستہ دیا… پی سی بی کو جاری کی ہوئی ویڈیو کو ڈیلیٹ کرنا چاہیے اور معافی مانگنی چاہیے،” انہوں نے مزید کہا۔ تاریخ میں پاکستان کے عظیم ترین کپتانوں میں سے ایک مانے جانے والے، عمران خان نے 1992 میں پاکستانی ٹیم کی واحد ورلڈ کپ جیتنے میں قیادت کی۔ انہوں نے کرکٹ کے عظیم کھلاڑیوں کی بھی رہنمائی کی ہے، جن میں وسیم اکرم، وقار یونس، اور معین خان شامل ہیں۔
    عمران خان کرکٹر سے سیاست دان بنے اس وقت بدعنوانی کے الزامات میں جیل کی سلاخوں کے پیچھے ہیں جب ایک عدالت نے انہیں توشہ خانہ کیس میں مجرم قرار دیا، انہیں تین سال قید کی سزا سنائی اور بعد ازاں الیکشن کمیشن نے انہیں پانچ سال کے لیے عہدے کے لیے نااہل قرار دیا۔
    واضح رہے کہ عمران خان نے1980 کے دہائی میں اپنے شاندار کرکٹ کیریئر کے دوران پاکستان کے لیے 88 ٹیسٹ اور 175 ون ڈے کھیلے۔اس کی اوسط، بلے کے ساتھ 37 اور گیند کے ساتھ 22، نے انہیں اسٹار آل راؤنڈرز کی چوٹی میں سب سے اوپر رکھا، ایان بوتھم، رچرڈ ہیڈلی اور کپل دیو دوسرے تھے، جنہوں نے ٹیسٹ کرکٹ میں سب کو متاثر کیا۔خان کے بین الاقوامی کرکٹ کیریئر کے آخری 10 سالوں کے دوران، انہوں نے 51 ٹیسٹ میں نمایاں کارکردگی کا مظاہرہ کیا، جس کی اوسط بلے سے 50 اور گیند کے ساتھ 19 تھی۔
    عمران خان نے 1987 میں انگلینڈ میں پاکستان کو پہلی سیریز میں فتح دلائی لیکن ان کے کیریئر کا بہترین لمحہ اس وقت آیا جب مین ان گرین نے ان کی متاثر کن قیادت میں 1992 کے ورلڈ کپ کی ٹرافی اپنے نام کی۔

  • فواد خان اور وسیم اکرم کی فلم ’منی بیک گارنٹی‘ کا ٹیزر جاری

    فواد خان اور وسیم اکرم کی فلم ’منی بیک گارنٹی‘ کا ٹیزر جاری

    کراچی: پاکستان کے سپر اسٹار فواد خان اور وسیم اکرم کی فلم ’منی بیک گارنٹی‘ کا ٹیزر جاری کر دیا گیا۔

    باغی ٹی وی: یوٹیوب سمیت سوشل میڈیا پلیٹ فارمز پر جاری کئے گئے ایکشن اور کامیڈی سے بھرپور فلم ’منی بیک گارنٹی‘ کے ٹیزر میں فواد خان کو وسیم اکرم کی اہلیہ شنیرا اکرم کے ساتھ مزاحیہ انداز میں رقص کرتے دیکھا جا سکتا ہے۔

    ٹیزر کی جھلک وسیم اکرم نے اپنے سوشل میڈیا اکاؤنٹس پر بھی شیئر کی، جسے رواں برس عید الفطر پر سنیما گھروں کی زینت بنایا جائے گا۔


    قبل ازیں گزشتہ دنوں جاری کئےگئے فلم کےٹریلر میں سب ہی اداکاروں کو پیسے لوٹتے، ایک دوسرے کےخلاف سازش کرکےایک دوسرے سے دولت کو چھیننے کی کوشش کرتے دکھایا گیا جبکہ ایک گینگ کو بڑی مہارت کے ساتھ بینک میں جمع دولت کو چراتے دیکھایا گیا تھا۔

    منی بیک گارنٹی کی ہدایت کاری فیصل قریشی نے دی ہے فلم کی میگا کاسٹ میں وسیم اکرم اور ان کی اہلیہ سمیت جاوید شیخ، فواد خان، عائشہ عمر، فیصل قریشی، میکال ذوالفقار، جان ریمبو، حنا دلپزیر، گوہر رشید، علی سفینا، مانی، کرن ملک سمیت دیگر اداکار شامل ہیں۔

  • عمران خان نےایک بارمجھےامریکی جزیرےپراکیلاچھوڑدیا تھا:وسیم اکرم کاانکشاف

    عمران خان نےایک بارمجھےامریکی جزیرےپراکیلاچھوڑدیا تھا:وسیم اکرم کاانکشاف

    لاہور:سوئنگ کے سلطان وسیم اکرم نے ماضی کو یاد کرتے ہوئے اپنے کپتان عمران خان کے بارے میں دلچسپ انکشاف کیا ہے۔ وسیم اکرم نے ایک پوڈ کاسٹ میں گفتگو کرتے ہوئے بتایا ہے کہ عمران خان نے ایک بار مجھے ایک جزیرے پر اکیلا چھوڑ دیا تھا۔

    سابق سٹار بائولر نے بتایا کہ عمران خان کو ایئر پورٹ پر اپنی ایک خاتون دوست سے ملنے جانا تھا، جہاں وہ مجھے بھی ساتھ لے گئے۔ ان کی اس خاتون دوست کے پاس ذاتی جہاز تھا۔ وہ ہمیں 45 منٹ کی پرواز کے بعد ایک جزیرے پر لے گئی۔ وہاں پہنچ کر عمران خان مجھے اکیلا چھوڑ کر اپنی خاتون دوست کے ساتھ چلے گئے اور ہمیں جنوبی امریکی جزیرے کے درمیان اکیلا چھوڑدیا جہاں سے میں ہوٹل واپس بھی نہیں جاسکتا تھا۔

     

    وسیم اکرم نے ایسا ہی ایک اور واقعہ یاد کرتے ہوئے بتایا کہ یہ میرے کیریئر کے شروع کے دنوں کی بات ہے۔ میرے وہ دن عمران خان کے ساتھ بہت دلچسپ گزرے۔ ایک بار انہوں نے مجھے کہا کہ چلو نائٹ کلب چلتے ہیں۔

     

     

    نائٹ کلب پہنچ کر عمران خان نے دودھ آرڈر کیا کیونکہ انہوں نے کبھی ڈرنک نہیں کی تھی۔ وہاں عمران خان کو لڑکیوں کے ساتھ ہاتھ ملاتے دیکھ کر میں حیران رہ گیا تھا۔پوڈ کاسٹ کے میزبان سے گفتگو کرتے ہوئے وسیم اکرم نے مزید بتایا کہ عمران خان بہت سخت کپتان تھے مگر گرائونڈ کے باہر وہ بہت مذاق بھی کیا کرتے تھے۔