Tag: وفاقی وزیر داخلہ محسن نقوی

وفاقی وزیر داخلہ محسن نقوی کی زیر صدارت کاؤنٹر ٹیرر ازم اور ہارڈن دی اسٹیٹ کمیٹی کے تیسرے اجلاس میں ملک بھر میں غیر قانونی مقیم غیر ملکیوں کے خلاف جاری آپریشن کو مزید تیز کرنے کا فیصلہ کیا گیا ہے۔

باغی ٹی وی کے مطابق اجلاس میں دی گئی بریفنگ کے مطابق، روزانہ کی بنیاد پر 250 سے زائد انٹیلیجنس بیسڈ آپریشنز کیے جا رہے ہیں، جن کے نتیجے میں وزارت داخلہ اور صوبائی حکومتوں کے اشتراک سے اب تک 142 ارب روپے کی ریکوری ممکن ہو چکی ہے۔محسن نقوی نے ہدایت دی کہ نادرا تمام ایگزٹ پوائنٹس پر لائیو ڈیٹا ویریفیکیشن کی سہولت فراہم کرے، اور تمام متعلقہ ادارے مل کر "ون ڈاکومنٹ سسٹم” کو مکمل طور پر نافذ کریں۔

انہوں نے مزید کہا کہ بجلی چوری کی روک تھام کے لیے وزارت توانائی اور صوبائی حکومتوں کو مکمل تعاون فراہم کیا جا رہا ہے۔اجلاس کے دوران وفاقی وزیر داخلہ نے بھکاری مافیا کو ملک کی بدنامی کا سبب قرار دیتے ہوئے اس کے خلاف سخت کارروائی کی ہدایت دی۔ انہوں نے گداگری کو ناقابل ضمانت جرم قرار دینے کی تجویز بھی پیش کی۔

اجلاس میں تجاوزات کے خلاف آپریشن، پاکستان پورٹ اتھارٹی کے قیام، گوادر کے سیف سٹی منصوبے اور پروٹیکشن وال پر پیش رفت کا بھی جائزہ لیا گیا، جبکہ ملک میں غیر قانونی اور اسمگل شدہ پٹرول کی روک تھام کے لیے پٹرول پمپس کی ڈیجیٹلائزیشن کے عمل کا بھی تفصیلی جائزہ لیا گیا۔

صادق آباد:صحت کے نام پر فراڈ، نجی ہسپتال میں جعلی اپینڈکس آپریشنز ،ہسپتال سیل

اوگرا نے ایل پی جی مزید سستی کر دی، فی کلو قیمت میں 4 روپے 63 پیسے کمی

ڈی ایچ اے کراچی میں کام کے دوران گیس لائن پھٹنے سے دھماکہ

سونے کی قیمتوں میں مسلسل کمی، فی تولہ مزید 1,400 روپے کم

بلوچستان کے ضلع سوراب میں معصوم شہریوں، بینک اور انتظامیہ کے افسران پر ہونے والے دہشتگرد حملے پر وزیراعظم شہباز شریف اور وفاقی وزیر داخلہ محسن نقوی نے شدید مذمت کی ہے۔

باغی ٹی وی کے مطابق حملے میں ایڈیشنل ڈپٹی کمشنر (ریونیو) ہدایت اللہ بلیدی شہید ہو گئے، جنہوں نے دہشتگردوں کے خلاف لڑتے ہوئے جام شہادت نوش کیا۔وزیراعظم نے دہشتگردی کے اس واقعے کو بزدلانہ کارروائی قرار دیتے ہوئے کہا کہ دہشتگردوں نے معصوم اور نہتے شہریوں کو نشانہ بنایا، جن میں خواتین اور بچے بھی شامل تھے۔

انہوں نے شہید ہدایت اللہ بلیدی کو خراجِ عقیدت پیش کرتے ہوئے کہا کہ شہید ایڈیشنل ڈپٹی کمشنر نے بہادری کی اعلیٰ مثال قائم کی، پوری قوم ان کے اہل خانہ کے ساتھ کھڑی ہے۔شرپسند عناصر کا معصوم شہریوں اور ان کی املاک پر حملہ ان کی عوام دشمن اور بلوچستان دشمن سوچ کی واضح عکاسی کرتا ہے۔

انہوں نے کہادہشتگردوں کے مکمل خاتمے تک جنگ جاری رہے گی، افواجِ پاکستان بھارتی سرپرستی میں دہشتگردی پھیلانے والوں کا ہر محاذ پر مقابلہ کر رہی ہیں۔ پوری قوم افواج پاکستان کے شانہ بشانہ کھڑی ہے۔”وزیراعظم نے واقعے کے ذمہ داران کی فوری نشاندہی اور انہیں قرار واقعی سزا دینے کی ہدایت کی۔

وفاقی وزیر داخلہ محسن نقوی نے بھی سوراب میں ہونے والے حملے کی شدید الفاظ میں مذمت کرتے ہوئے شہید ہدایت اللہ بلیدی کو زبردست خراج عقیدت پیش کیا۔محسن نقوی نے کہا کہ شہید افسر نے جان دے کر فرض شناسی اور بہادری کی اعلیٰ مثال قائم کی۔ ہم شہید کے اہلِ خانہ کے ساتھ کھڑے ہیں۔

انہوں نے دہشتگردوں کو "فتنہ الہندوستان” قرار دیتے ہوئے کہا یہ عناصر ریاستی رٹ کو چیلنج کر رہے ہیں۔ انہیں ڈھونڈ کر عبرتناک انجام تک پہنچایا جائے گا۔ دشمن سافٹ اہداف کو نشانہ بنا رہا ہے کیونکہ وہ ہر محاذ پر شکست کھا چکا ہے۔”

سگریٹ پر ٹیکس: غریب کی صحت کا تحفظ یا معاشی بوجھ؟تحریر:ڈاکٹرغلام مصطفےٰ بڈانی

پاکستان کی شاندار فتح، بنگلہ دیش کو 57 رنز سے شکست

مسجد الحرام میں جمعہ کی نماز، 15 لاکھ سے زائد عازمین کی شرکت

شدید گرمی اور ذہنی صحت، عالمی منصوبہ بندی میں اہم پہلو نظر انداز

وفاقی وزیر داخلہ محسن نقوی کا ڈی پورٹ افراد کے خلاف سخت کارروائی کا فیصلہ

وفاقی وزیر داخلہ محسن نقوی کی زیر صدارت وزارتِ داخلہ میں ایک اہم اجلاس منعقد ہوا، جس میں ڈی پورٹ ہو کر واپس آنے والے افراد کے خلاف سخت اقدامات کا فیصلہ کیا گیا۔

اجلاس میں فیصلہ کیا گیا کہ ڈی پورٹ ہونے والے افراد کے خلاف ایف آئی آر درج کی جائے گی اور ان کے پاسپورٹ منسوخ کیے جا ئیں گے اس کے علاوہ پانچ سال کے لیے انہیں پاسپورٹ کنٹرول لسٹ میں بھی شامل کیا جائے گا۔

بھارتی وزیر خارجہ کا جنگ بندی میں امریکی کردار کااعتراف

وفاقی وزیر داخلہ محسن نقوی نےاس موقع پر کہاکہ ڈی پورٹ ہونے والے افراد پاکستان کے لیے بین الاقوامی سطح پر شرمندگی کا باعث بن رہے ہیں، اب ان سے کوئی رعایت نہیں برتی جائے گی، پاسپورٹ کے قوانین کو مزید سخت اور مؤثر بنانے کے لیے سیکر ٹر ی دا خلہ کی سربراہی میں ایک اعلیٰ سطحی کمیٹی تشکیل دے دی گئی ہے جو فوری طور پر اپنی سفارشات مرتب کرے گی۔

محسن نقوی نے اس عزم کا اظہار کیا کہ ایسے اقدامات سے نہ صرف پاکستان کا عالمی تشخص بہتر ہو گا بلکہ انسانی اسمگلنگ اور غیر قانونی امیگریشن جیسے مسائل پر بھی مؤثر قابو پایا جا سکے گا۔

بلوچستان میں بھارت کا کردار کسی سے ڈھکا چھپا نہیں۔رضوان شیخ

اجلاس میں وزیر مملکت برائے داخلہ طلال چوہدری، سیکرٹری داخلہ، ڈی جی ایف آئی اے اور ڈی جی پاسپورٹ سمیت دیگر اعلیٰ حکام نے شرکت کی۔

وفاقی وزیر داخلہ محسن نقوی نے سعودی سفیر سے ملاقات کی جس میں دوطرفہ تعلقات کے فروغ پر تبادلہ خیال کیا گیا۔

باغی ٹی وی کے مطابق وزیر داخلہ محسن نقوی نے معاشی و سماجی شعبوں میں پاکستان کا بھرپور ساتھ دینے پر سعودی عرب کی حکومت اور سفیر کا شکریہ ادا کیا۔ اس سے قبل ڈپلومیٹک انکلیو سعودی سفارتخانے آمد پر سعودی عرب کے سفیر نواف بن سعید احمد المالکی نے وزیر داخلہ محسن نقوی کا خیر مقدم کیا، ملاقات کے دوران باہمی دلچسپی کے امور، دوطرفہ تعلقات کے فروغ اور باہمی تعاون بڑھانے کے حوالے سے تبادلہ خیال کیا گیا۔

محسن نقوی نے کہا کہ پاک گلف تعاون کونسل انسداد منشیات کانفرنس میں سعودی عرب کے اعلیٰ سطح کے وفد کی شرکت پر مشکور ہیں، انسداد منشیات اور انسانی سمگلنگ کی روک تھام کیلئے سعودی عرب کے ساتھ تعاون بڑھانا چاہتے ہیں، بھکاریوں اور غیر قانونی امیگریشن روکنے کیلئے پاسپورٹ کے حصول کیلئے نئی شرائط عائد کی جا رہی ہیں۔ بھکاری مافیا کے خلاف گھیرا تنگ کر دیا گیا، سعودی شہریوں کیلئے پاکستان آنے پر کوئی ویزا نہیں، جب چاہیں آئیں۔

وزیر داخلہ نے منشیات کیس میں ملوث بے گناہ خاندان کی رہائی کیلئے بھرپور تعاون پر بھی سعودی حکومت اور سفیر کا شکریہ ادا کیا اور کہا کہ بے گناہ خاندان کی رہائی و وطن واپسی کیلئے سعودی عرب نے بہت ساتھ دیا، سعودی عرب حکومت کے تعاون کی بدولت ہی خاندان کے 5 افراد کو رہائی ملی اور وطن واپس آئے۔اس موقع پر سعودی سفیر کا کہنا تھا کہ پاکستان کے ساتھ انتہائی قریبی تعلقات ہیں جنہیں مزید فروغ دینا چاہتے ہیں۔

شادی کا جھانسہ، گھوٹکی پولیس نے ضلع خیبر کے رہائشی کو اغوا ہونے سے بچالیا

سیالکوٹ: علامہ اقبال ٹیچنگ ہسپتال، بدعنوانی پراہلکار معطل

اب شناختی کارڈ نمبر ہی ان کا میڈیکل ریکارڈ نمبر ہوگا،مصطفیٰ کمال

وزیراعظم شہباز شریف سے وفاقی وزیر داخلہ محسن نقوی نے اسلام آباد میں اہم ملاقات کی اور وزیراعظم کو عید الفطر کی مبارکباد پیش کی۔

باغی ٹی وی کے مطابق وزیراعظم آفس کے جاری اعلامیہ میں کہا گیا کہ وزیر داخلہ نے وزیراعظم کو ملک میں سکیورٹی کے لیے اقدامات کی پیشرفت اور افغان باشندوں کی وطن واپسی کے عمل کی پیشرفت کے حوالے سے بھی آگاہ کیا۔وزیراعظم محمد شہباز شریف نے بالخصوص عید الفطر کے موقع پر ملک میں امن و امان کی صورتحال پر اظہار اطمینان کیا۔ ملاقات کے دوران متعلقہ وزارت کے امور پر بھی گفتگو کی گئی۔

یاد رہے کہ اس سے قبل وزیراعظم محمد شہباز شریف سے وزیر اعلیٰ بلوچستان سرفراز بگٹی نے ملاقات کی، جس میں باہمی دلچسپی کے امور، بلوچستان کی اقتصادی و سماجی ترقی، امن و امان کی صورتحال اور وفاقی حکومت کی جانب سے جاری ترقیاتی منصوبوں پر تفصیلی تبادلہ خیال کیا گیا۔ملاقات کے آغاز میں وزیر اعلیٰ بلوچستان سرفراز بگٹی نے وزیراعظم کو عید الفطر کی مبارکباد دی اور نیک تمناؤں کا اظہار کیا۔

دونوں رہنماؤں نے بلوچستان کی مجموعی صورتحال پر تبادلہ خیال کرتے ہوئے اس بات پر زور دیا کہ صوبے کی ترقی اور عوامی فلاح و بہبود کے لیے مشترکہ کوششیں جاری رکھی جائیں گی۔وزیر اعلیٰ بلوچستان نے وزیراعظم کو صوبے میں جاری ترقیاتی منصوبوں کی پیشرفت سے آگاہ کیا اور درپیش چیلنجز پر روشنی ڈالی۔ انہوں نے وفاقی حکومت کی جانب سے بلوچستان کے لیے فراہم کردہ تعاون پر شکریہ ادا کیا اور مزید وسائل و حمایت کی ضرورت پر زور دیا۔

ڈاکووں کو سرکاری افسر سے لوٹ مار مہنگی پڑ گئی

وفاقی وزیر داخلہ محسن نقوی کا کہنا ہے کہ وزیر اعلیٰ خیبر پختونخوا علی امین گنڈاپور کی قیادت میں اسلام آباد میں دھاوا بولا گیا، شرپسندی میں ملوث تمام عناصر کے خلاف بلاتفریق کارروائی ہوگی اور پولیس اہلکاروں پر حملہ آوروں سے کوئی رعایت نہیں برتی جائے گی۔

باغی ٹی وی کی رپورٹ کے مطابق ڈی چوک اسلام آباد میں آئی جی اسلام آباد و آئی جی پنجاب کے ہمراہ میڈیا سے گفتگو کرتے ہوئے محسن نقوی نے کہا کہ اسلام آباد پولیس نے احتجاج کرنے والے 564 افراد کو گرفتار کیا ہے، گرفتار افراد میں 120 افغانی شہری بھی شامل ہیں، جبکہ خیبرپختونخوا کے 11 پولیس اہلکاروں کو بھی گرفتار کیا گیا ہے۔انہوں نے بتایا کہا کہ خیبرپختونخوا پولیس کے یہ اہلکار سادہ لباس میں تھے اور ان سے آنسو گیس کے شیل، ماسک اور ربر کی گولیاں برآمد ہوئی ہیں۔ان کا کہنا تھا کہ صبح کو پنجاب پولیس پر فائرنگ کی گئی لیکن پنجاب پولیس نے صبروتحمل کا مظاہرہ کیا، مظاہرین میں تربیتی یافتہ عسکریت پسند بھی تھے، ہمارے پولیس اہل کاروں نے پتھراؤ کا مقابلہ کیا، مظاہرین نے طویل فاصلے تک مار کرنے والے آنسو گیس کے شیل استعمال کیے، مظاہرین کے پتھراؤ سے اسلام آباد پولیس کے 31 اہلکار اور پنجاب پولیس کے 75 اہلکار زخمی ہوئے جن میں سے ایک اہلکار کی حالت تشویشناک ہے۔

محسن نقوی نے کہا کہ اس دھاوے کے منصوبہ سازوں کے خلاف سخت کارروائی کی جائے گی، آج رات کو کلیئرنس کریں گے، جبکہ اس تکلیف پر اسلام آباد اور راولپنڈی کی عوام سے معذرت چاہتا ہوں۔انہوں نے کہا کہ ہم نے انتہائی تحمل کے ساتھ صورتحال کو کنٹرول کیا اور تمام قانون نافذ کرنے والے اداروں نے اپنے فرائض بہترین انداز میں انجام دیے، ہماری ترجیح تھی کہ کوئی جانی نقصان نہ ہو۔ان کا کہنا تھا کہ وزیر اعلیٰ خیبر پختونخوا علی امین گنڈاپور کی قیادت میں اسلام آباد میں دھاوا بولا گیا، مظاہرین کا مقصد ڈی چوک پہنچ کر شنگھائی تعاون تنظیم (ایس سی او) کانفرنس تک دھرنا دینا تھا، شرپسندی میں ملوث تمام عناصر کے خلاف بلاتفریق کارروائی ہوگی اور پولیس اہلکاروں پر حملہ آوروں سے کوئی رعایت نہیں برتی جائے گی۔

میانوالی پولیس شرپسندوں کے آگے سیسہ پلائی دیوار بن گئی، دوسرا حملہ بھی پسپا کردی

سکیورٹی فورسز نے بحالی امن کیلئے ہمیشہ جانوں کا نذرانہ پیش کیا ،وزیر اعلی بلوچستان

اسلام آباد: وفاقی وزیر داخلہ محسن نقوی سے چینی سفیر جیانگ زی ڈونگ کی ملاقات، وزیر اعظم پاکستان کے دورہ چین کی تیاریوں کے حوالے سے بات چیت کی گئی-

باغی ٹی وی : پاکستان بھر میں چینی شہریوں کی فول پروف سکیورٹی کے لئے کئے اقدامات اور بشام واقعہ پر ہونے والی پیش رفت پر بھی گفتگو کی گئی ،محسن نقوی نے کہا کہ پاکستان بھر میں چینی شہریوں کی سکیورٹی کے لئے نئے ایس او پیز پر سختی سے عملدرآمد یقینی بنایا جا رہا ہے۔

چین کے سفیر جیانگ زی ڈونگ نے وفاقی وزیرداخلہ محسن نقوی سے ملاقات کی، وزارت داخلہ آمد پر وفاقی وزیر داخلہ محسن نقوی نے چینی سفیر کا خیرمقدم کیا۔ملاقات میں وزیر اعظم پاکستان کے دورہ چین کی تیاریوں کے حوالے سے بات چیت ہوئی جبکہ پاکستان بھر میں چینی شہریوں کی فول پروف سکیورٹی کے لئے کئے اقدامات پر تبادلہ خیال کیا گیا اور بشام واقعہ پر ہونے والی پیشرفت پر بھی گفتگو کی گئی، چین کے سفیر نے وزارت داخلہ کا قلمدان سنبھالنے پر محسن نقوی کو مبارکباد پیش کی۔

بشام حملے میں ملوث دہشت گردوں کے تانے بانے افغانستان سے ملتے ہیں، دفتر خارجہ

وزیر داخلہ نے کہا کہ بشام واقعہ پاک چین دوستی پر حملہ تھا، ملوث عناصر کو ہر صورت عبرتناک انجام تک پہنچائیں گےانہوں نے مزید کہا کہ پاکستان بھر میں چینی شہریوں کی سکیورٹی کے لئے نئے ایس او پیز بنائے ہیں اور ان پر سختی سے عملدرآمد یقینی بنایا جا رہا ہے، وزیر داخلہ نے کہا کہ لاہور اور کراچی میں چینی قونصلیٹ کا دورہ کیا اور قونصل جنرلز سے ملاقات کی، چینی قونصل جنرلز نے چینی شہریوں کی سکیورٹی کے اقدامات پر اطمینان کا اظہار کیا۔

وزیراعظم سے قطری وزیر خارجہ کی ملاقات

انہوں نے کہا کہ پاک چین دوستی کو سبوتاژ کرنے کی کوئی سازش کامیاب نہیں ہونے دیں گے،پاکستان اور چین کے درمیان برادرانہ تعلقات دہائیوں پر محیط ہے اور دشمن ان مضبوط تعلقات میں دارڑ نہیں ڈال سکتا ،اس موقع پر وفاقی سیکرٹری داخلہ خرم علی آغا، چین کے سفارت خانے کے اعلی حکام اور متعلقہ افسران بھی موجود تھے۔

پاک بحریہ نے آٹھ ایرانی ماہی گیروں کو کیا ایران کے سپرد