Baaghi TV

Tag: ویسٹ انڈیز

  • نیپال کی ویسٹ انڈیز کو دوسرے ٹی ٹوئنٹی میں بھی شکست، سیریز جیت لی

    نیپال کی ویسٹ انڈیز کو دوسرے ٹی ٹوئنٹی میں بھی شکست، سیریز جیت لی

    نیپال نے ویسٹ انڈیز کو دوسرے ٹی ٹوئنٹی میچ میں بھی شکست دے کر تین میچز کی سیریز 0-2 سے جیت لی۔

    میچ میں نیپال نے پہلے بیٹنگ کرتے ہوئے 6 وکٹوں کے نقصان پر 173 رنز بنائے۔ جواب میں ویسٹ انڈیز کی پوری ٹیم 17.1 اوورز میں صرف 83 رنز بنا کر آؤٹ ہوگئی اور 100 رنز کا ہندسہ بھی عبور نہ کر سکی۔ویسٹ انڈیز کی جانب سے جیسن ہولڈر 21 رنز کے ساتھ نمایاں رہے، جبکہ اکیِم نے 17 اور عامر نے 16 رنز بنائے۔ ویسٹ انڈیز کے 8 کھلاڑی ڈبل فگر میں داخل نہ ہو سکے۔ نیپال کے بالر عادل عامر نے شاندار باؤلنگ کرتے ہوئے 4 وکٹیں حاصل کیں۔

    تاریخی کامیابی کے بعد نیپالی شائقین نے اسٹیڈیم اور ملک بھر میں جشن منایا جبکہ سوشل میڈیا پر بھی ٹیم کو مبارکبادوں کے پیغامات کی بھرمار ہوگئی۔واضح رہے کہ آئی سی سی نے 2018 میں نیپال کو ون ڈے انٹرنیشنل کا درجہ دیا تھا۔ ٹیم نے 2014 اور 2024 میں ٹی ٹوئنٹی ورلڈ کپ میں بھی شرکت کی، جہاں 2024 کے ورلڈ کپ میں نیپال نے جنوبی افریقہ کے خلاف شاندار مقابلہ کیا تھا۔

    ٹرمپ پُراعتماد: نیتن یاہو کے ساتھ غزہ جنگ بندی معاہدے کی توقع

    بھارت میں قید پاکستانی شہری راقیب بلال رہا، وطن واپس روانہ

    نیتن یاہو کی قطری وزیراعظم سے دوحہ حملے پرمعذرت

    حکومت سندھ کا بڑا اقدام: پاکستان کی پہلی حکومتی ٹیکسی سروس کا اعلان

  • ویسٹ انڈیز کا پاکستان کو 295 رنز کا ہدف، قومی ٹیم 8 پر 3 وکٹیں گنوا بیٹھی

    ویسٹ انڈیز کا پاکستان کو 295 رنز کا ہدف، قومی ٹیم 8 پر 3 وکٹیں گنوا بیٹھی

    تین ون ڈے میچز کی سیریز کے تیسرے اور فیصلہ کن مقابلے میں ویسٹ انڈیز نے کپتان شائے ہوپ کی شاندار سنچری کی بدولت مقررہ 50 اوورز میں 6 وکٹوں کے نقصان پر 294 رنز بنائے، پاکستان نے ہدف کے تعاقب میں صرف 8 رنز پر 3 کھلاڑی گنوا دیے ہیں۔

    ویسٹ انڈیز کی اننگز میں کپتان شائے ہوپ 94 گیندوں پر 120 رنز کے ساتھ ناٹ آؤٹ رہے، ان کی اننگز میں 10 چوکے اور 5 چھکے شامل تھے۔ جسٹن گریوز نے 24 گیندوں پر 43 رنز کی دھواں دار اننگز کھیلی اور ساتویں وکٹ پر ہوپ کے ساتھ 50 گیندوں پر 110 رنز کی شراکت قائم کی۔اوپنر ایون لوئس نے 37 اور راسٹن چیز نے 36 رنز بنائے، جبکہ دیگر بیٹرز میں کیاسی کارٹی 17، شرفین ردرفورڈ 15 اور گداکیش موتی 5 رنز بنا سکے۔

    پاکستان کی جانب سے نسیم شاہ اور ابرار احمد نے 2، 2 وکٹیں حاصل کیں، محمد نواز اور صائم ایوب نے ایک، ایک کھلاڑی کو آؤٹ کیا۔ آخری 10 اوورز میں ویسٹ انڈیز نے 119 رنز اسکور کیے۔ٹاس پاکستان کے کپتان محمد رضوان نے جیت کر ویسٹ انڈیز کو بیٹنگ کی دعوت دی تھی۔

    عطا اللہ تارڑ اور پی آئی او مبشر حسن ستارہ امتیاز کے لیے نامزد

    اسحٰق ڈار 23 اگست کو بنگلہ دیش کا دورہ کریں گے

    امریکہ میں پاکستانی چاول کی درآمدات میں غیرمعمولی اضافہ متوقع

    مقبوضہ کشمیر میں پاکستانی سرحد کے قریب رات کا کرفیو

  • ٹی ٹوئنٹی سیریز :آسٹریلیا نے ویسٹ انڈیز کو ہوم گراؤنڈ پر کلین سوئپ کردیا

    ٹی ٹوئنٹی سیریز :آسٹریلیا نے ویسٹ انڈیز کو ہوم گراؤنڈ پر کلین سوئپ کردیا

    آسٹریلیا نے ویسٹ انڈیز کو ہوم گراؤنڈ پر ٹی ٹوئنٹی سیریز میں کلین سوئپ کردیا، 5 ٹی ٹوئنٹی میچز کی سیریز 0-5 سے اپنے نام کر لی۔

    آسٹریلوی کرکٹ ٹیم نے ویسٹ انڈیز کے خلاف ٹی20 سیریز میں پہلی بار 5-0 سے کلین سوئپ کرتے ہوئے ایک تاریخی کامیابی حاصل کی نوجوان کھلاڑیوں کی دھواں دار کارکردگی نے آسٹریلیا کو سیریز کے آخری میچ میں 3 وکٹوں سے فتح دلوائی، جو 3 اوورز قبل ہی مکمل ہو گئی۔

    ویسٹ انڈیز کی ٹیم 20 ویں اوور میں 170 رنز بنا کر آوٹ ہوگئی ، میچ میں شمرون ہٹمائر نے 52 اور شرفین ردرفورڈ نے 35 رنز بنائے آسٹریلیا نے ویسٹ انڈیز کا ہدف 17 اوورز میں 7 وکٹ پر پورا کردیا، اگرچہ آغاز میں آسٹریلیا کی بیٹنگ مشکلات کا شکار رہی اور گلین میکسویل بغیر کوئی رن بنائے آؤٹ ہوئے، تاہم ٹم ڈیوڈ، مچ اووَن اور کیمرون گرین کی برق رفتار بیٹنگ نے میچ کا رخ پلٹ دیا۔

    پاکستان کا اسرائیل کوتسلیم کرنےکا کوئی منصوبہ نہیں،اسحاق ڈار

    آسٹریلیا کی اننگز میں مین آف دی سیریز کیمرون گرین 32 اور میچل اوون 37 رنز کے ساتھ نمایاں رہے،اس کے علاوہ ایران ہارڈی 28 رنز بنا کرناٹ آؤٹ رہے جب کہ ویسٹ انڈیز کے عقیل حسین نے 3 وکٹیں حاصل کیں، کپتان مچ مارش نے کہا کہ ہم نے سیریز سے پہلے کبھی 0-5 کا خواب نہیں دیکھا تھا، مگر ٹیم نے غیرمعمولی کھیل پیش کیا۔

    اس موقع پر لیگ اسپنر ایڈم زیمپا نے اپنا 100واں ٹی20 میچ کھیل کر ایک نیا سنگ میل عبور کیا، اور وہ یہ اعزاز حاصل کرنے والے پہلے آسٹریلوی باؤلر بن گئے، وہ ٹی20 میں آسٹریلیا کے سب سے کامیاب باؤلر بھی ہیں جن کے 124 شکار ہیں۔

    روس کا یوکرین کی جیل پر فضائی حملہ، 16 افراد ہلاک، 35 زخمی

    زیمپا نے اس کلین سوئپ کو ٹیم کی نئی تعمیر کا مظہر قرار دیا، اور کہا کہ آسٹریلوی ٹی20 اسکواڈ اب اگلے ورلڈ کپ (2026، بھارت) کی بھرپور تیاری کر رہا ہے،انہوں نے مچ اوون، میٹ کوہنین اور ایرون ہارڈی جیسے ابھرتے ہوئے کھلاڑیوں کی کارکردگی کو ٹیم کا مستقبل قرار دیایہ ایک فخر کا لمحہ ہے، 100 ٹی20 انٹرنیشنل میچز کھیلنا ایک بڑی کامیابی ہے، میں ہمیشہ آسٹریلیا کے لیے کھیلنے کو اولین ترجیح دیتا رہا ہوں۔

  • بدترین شکست، ویسٹ انڈیز صرف 27 رنز پر ڈھیر،آسٹریلیا نے ٹیسٹ سیریزجیت لی

    بدترین شکست، ویسٹ انڈیز صرف 27 رنز پر ڈھیر،آسٹریلیا نے ٹیسٹ سیریزجیت لی

    سڈنی: آسٹریلیا نے تاریخ رقم کرتے ہوئے تیسرے ٹیسٹ کی چوتھی اننگز میں ویسٹ انڈیز کو صرف 27 رنز پر آؤٹ کرکے میچ اور سیریز اپنے نام کرلی۔

    یہ ٹیسٹ کرکٹ کی تاریخ میں ویسٹ انڈیز کا دوسرا کم ترین اسکور ہے،جو 70 سال کی تاریخ میں مکمل ٹیسٹ اننگز کا دوسرا کم ترین ٹوٹل ہے آسٹریلیا کے فاسٹ بولراسکاٹ نے تباہ کن اسپیل کرتے ہوئے ہیٹ ٹرک کی، ویسٹ انڈیز کے ریکارڈ 7 کھلاڑی ایک اننگز میں صفر پر آؤٹ ہوئے اور 4 بیٹرز گولڈن ڈک کا شکار ہوئے،ویسٹ انڈیز کا کوئی بھی بلے باز ڈبل فیگر میں داخل نہ ہو سکا، پوری ٹیم 12 اوورزمیں پویلین لوٹ گئی۔

    آسٹریلوی فاسٹ بولر اسکاٹ بولینڈ نے ہیٹ ٹرک کی اور مچل اسٹارک نے اپنے 100 ویں ٹیسٹ میں 400 وکٹیں مکمل کیں اسٹارک نے اپنے کیرئیر کی بہترین بولنگ کی اور انہوں نے 9 رنز دے کر 6 وکٹیں حاصل کیں، وہ مین آف دی میچ قرار پائے۔

    آسٹریلیا نے پہلی اننگز میں 225 اور دوسری اننگز میں 121 جب کہ ویسٹ انڈیز نے پہلی اننگز میں 143 اور دوسری اننگز میں 27 رنز بنائے آسٹریلیا نے ویسٹ انڈیز میں 3 ٹیسٹ میچز کی سیریز 0-3 سے اپنے نام کی۔

    واضح رہےکہ نیوزی لینڈ اپنے ہی ہوم گراؤنڈ آکلینڈ میں 25 مارچ 1955 کو انگلینڈ کے خلاف ٹیسٹ میچ کی اپنی دوسری اننگزمیں صرف 26 رنزپرڈھیر ہوئی تھی، اس فہرست میں جنوبی افریقہ ہے جو کہ انگلینڈ کے خلاف 2 مرتبہ (13 فروری 1896اور 14 جون 1924) کو محض 30 رنز پرآل آؤٹ ہوئی تھی۔

  • ویسٹ انڈیز کے معروف کرکٹر پرجنسی ہراسانی اور زیادتی کے الزامات

    ویسٹ انڈیز کے معروف کرکٹر پرجنسی ہراسانی اور زیادتی کے الزامات

    ویسٹ انڈیز کے معروف کرکٹر پر 11 خواتین کی جانب سے جنسی ہراسانی اور زیادتی کے الزامات عائد کیے گئے ہیں۔

    ویسٹ انڈیز کی مقامی میڈیا رپورٹس کے مطابق ویسٹ انڈیز کی ٹیم کے اہم کھلاڑی پر متعدد خواتین نے جنسی ہراسانی اور ریپ کے الزامات عائد کیے ہیں،یریبین کے اسپورٹس میکس ٹی وی کی ایک ویڈیو رپورٹ کے مطابق اس کرکٹر کا تعلق گیانا سے ہے اور موجودہ قومی ٹیم کا حصہ ہے، تاہم 11 خواتین کی جانب سے الزامات کے باوجود اب تک کرکٹر کے خلاف کوئی مقدمہ درج نہیں کیا گیا۔

    کرکٹ ویسٹ انڈیز نے بھی اس معاملے پر تبصرہ کرنے سے انکار کر دیا ہے۔

    اطلاعات کے مطابق یہ کھلاڑی جنوری 2024 میں برسبین میں آسٹریلیا کو شکست دینے والی ٹیم کا بھی حصہ تھا اور وطن واپس پہنچنے پر مذکورہ کھلاڑی کا شاندار استقبال کیا گیا تھا میں نے کم از کم 11 خواتین کے بیانات سنے ہیں، جن میں سے ایک کم عمر لڑکی بھی شامل ہے، جنہوں نے الزام لگایا ہے کہ ان کے ساتھ اس کھلاڑی نے جنسی زیادتی، ریپ یا ناپسندیدہ جنسی حرکات کیں۔

    سندھ طاس معاہدہ: عالمی عدالت کے فیصلہ سے پاکستانی مؤقف کو تقویت ملی، وزیراعظم

    اسپورٹس میکس ٹی وی نے کرکٹ ویسٹ انڈیز سے اس بارے میں رابطہ کیا کہ آیا وہ اس معاملے سے واقف ہیں، کیا کوئی تحقیقات ہو رہی ہیں اور کیا حقائق کو چھپانے کی کوشش کی گئی ہے۔

    اس پر کرکٹ ویسٹ انڈیز کے صدر کشور شالو نے کہا کہ کرکٹ ویسٹ انڈیز کو ان حالات کا علم نہیں، لہٰذا اس وقت ہم کوئی تبصرہ کرنے کی پوزیشن میں نہیں ہیں، وکیل نائیجل ہیوز کا کہنا تھا کہ متاثرہ خواتین نے ابھی تک کھلاڑی کے خلاف کوئی مقدمہ درج نہیں کرایا، آسٹریلیا کے دورے کے بعد جب کھلاڑی واپس گیانا آیا تو اس کے خلاف باتیں بھی دب گئی تھیں۔

    سوات میں سیاحوں کو مرنے کے لئے چھوڑ دینے کا ذمہ دار کون ہے؟حافظ خالد نیک

  • ویسٹ انڈیز کرکٹ کی ٹیسٹ ٹیم کےکپتان مستعفی

    ویسٹ انڈیز کرکٹ کی ٹیسٹ ٹیم کےکپتان مستعفی

    ویسٹ انڈیز کی ٹیسٹ کرکٹ ٹیم کے کپتان کریگ بریتھ ویٹ اپنے عہدے سے مستعفی ہوگئے ہیں۔

    غیر ملکی خبر رساں ایجنسی کے مطابق کریگ بریتھ ویٹ نے آسٹریلیا کے خلاف ہوم سیریز سے قبل استعفیٰ دیا ہے تاکہ نئی قیادت کو وقت مل سکے،کرکٹ ویسٹ انڈیز ٹیسٹ کپتان کا اعلان آنے والے ہفتوں میں کرےگا۔کرکٹ ویسٹ انڈیز کے مطابق بریتھ ویٹ 100 ٹیسٹ کھیلنے سے 2 میچوں کی دوری پر ہیں، وہ چاہتے ہیں کہ کپتانی کی اضافی ذمہ داری کے بغیر اپنی بیٹنگ پر مکمل توجہ مرکوز کر سکیں۔

    یاد رہےکریگ بریتھ ویٹ کو 2021 میں ویسٹ انڈیز کی ٹیسٹ ٹیم کا کپتان مقرر کیا گیا تھا۔

    بحر ہند کے اوپر طیارے کا زبردستی دروازہ کھولنے کی کوشش ، طیارے کی واپسی

    میانمار زلزلہ زدگان کے لیےپاکستان سے امداد سامان روانہ

    میانمار زلزلہ زدگان کے لیےپاکستان سے امداد سامان روانہ

  • پاکستان کا دوسرے ٹیسٹ میچ کیلئے پلیئنگ الیون کا اعلان

    پاکستان کا دوسرے ٹیسٹ میچ کیلئے پلیئنگ الیون کا اعلان

    پاکستان نے ویسٹ انڈیز کیخلاف دوسرے ٹیسٹ میچ کیلئے پلیئنگ الیون کا اعلان کیا ہے۔

    پاکستان کی پلیئنگ الیون میں ایک تبدیلی کی گئی ہے،فاسٹ بالر کاشف علی کو خرم شہزاد کی جگہ شامل کیا گیا ہے،کاشف علی کل ٹیسٹ ڈیبیو کریں گے۔پلیئنگ الیون میں کپتان شان مسعود،محمد ہریرہ،بابراعظم،کامران غلام شامل ہیں،محمد رضوان،سلمان علی آغا،ساجد خان،نعمان علی،ابراراحمد اورسعود شکیل بھی سکواڈ میں شامل ہونگے،واضح رہے پاکستان کو 2 ٹیسٹ میچوں کی سیریز میں ایک صفر کی برتری حاصل ہے ۔

    دوسری جانب ملتان پولیس نے ویسٹ انڈیز کرکٹ ٹیم کے کھلاڑیوں اور آفیشلز کے اعزاز میں عشائیے کا اہتمام کیا،ترجمان کے مطابق عشائیے میں پاکستانی بلے باز بابر اعظم نے بھی شرکت کی۔عشائیے میں سی پی او صادق علی ڈوگر،ایس ایس پی آپریشنز کامران عامر نے مہمان کھلاڑیوں کو خوش آمدید کہا،عشائیے میں ملتان کی ثقافت اور مہمان نوازی کو اجاگر کیاگیا۔عشائیے کے موقع پر پولیس کی جانب سے فول پروف سیکیورٹی انتظامات کئے گئے،پولیس نے ٹیموں کو ہر ممکن سہولت فراہم کرنے کے عزم کا اظہار کیا۔ویسٹ انڈیز کے کھلاڑیوں اور آفیشلز نے عشائیے کے انعقاد پر خوشی کا اظہارکیا،پولیس اور انتظامیہ کے اقدامات کو سراہا،ویسٹ انڈیز کرکٹ ٹیم نے شاندار مہمان نوازی اور سیکیورٹی انتظامات کو قابل تعریف قرار دیا۔

    کراچی کی ترقی پر کتنا پیسہ خرچ کیا؟ کورٹ نے تفصیل مانگ لی

    شب معراج پرسندھ میں عام تعطیل کا اعلان

    بنکاک میں فضائی آلودگی کے باعث اسکول بند

    پیپلز پارٹی کا مشترکہ مفادات کونسل اجلاس بلانےاور بلدیاتی انتخابات کا مطالبہ

    ننکانہ : زرعی زمینوں پر غیر قانونی ہاؤسنگ سکیموں کا تباہ کن سلسلہ جاری

  • پہلا ٹیسٹ:پاکستان نے ویسٹ انڈیز کو شکست دے دی

    پہلا ٹیسٹ:پاکستان نے ویسٹ انڈیز کو شکست دے دی

    ملتان: ملتان میں کھیلے گئے پہلے ٹیسٹ میچ میں پاکستان نے ویسٹ انڈیز کو 127 رنز سے شکست دیکر دو میچوں کی سیزیز میں ایک صفر کی برتری حاصل کر لی۔

    باغی ٹی وی:ملتان کرکٹ اسٹیڈیم میں کھیلے گئے میچ میں 251 رنز کے ہدف کے تعاقب میں ویسٹ انڈیز کی پوری ٹیم 123 رنز ہی بنا سکی،پاکستان کی جانب سے تمام 10 وکٹیں اسپنرز نے حاصل کیں، ساجد خان نے 5 کھلاڑیوں کو آؤٹ کیا جبکہ 4 وکٹیں ابرار احمد کے حصے میں آئیں اور ایک وکٹ نعمان علی نے حاصل کی۔

    اس سے قبل قومی ٹیم نے ملتان ٹیسٹ کے تیسرے روز اپنی دوسری نا مکمل اننگز کا آغاز 109 رنز 3 کھلاڑی آؤٹ سے کیا تھا لیکن کھیل کی پہلی ہی گیند پر پہلی اننگز کے نمایاں اسکورر سعود شکیل اپنے انفرادی اسکور میں بغیر کسی اضافے کے 2 رنز پر پویلین لوٹ گئے۔

    محمد رضوان بھی صرف 2 رنز بنا کر آؤٹ ہو گئے، کامران غلام 27 رنز بنا کر آؤٹ ہوئے جبکہ نعمان علی 9 اور ساجد خان 5 رنز بنا کر آؤٹ ہوئے۔ سلمان علی آغا 14 رنز بنا کر آؤٹ ہوئے۔

    ویسٹ انڈیز کی جانب سے جومیل ویریکن نے 7 جبکہ گوداکیش موٹی نے ایک وکٹ حاصل کی، پاکستان کے دو کھلاڑی رن آؤٹ ہوئے۔

  • سعود شکیل نے محمد یوسف کا 18 سالہ ریکارڈ برابر کردیا

    سعود شکیل نے محمد یوسف کا 18 سالہ ریکارڈ برابر کردیا

    قومی ٹیم کے مڈل آرڈر بیٹر سعود شکیل نے محمد یوسف کا 18 سالہ ریکارڈ برابر کردیا ۔

    ملتان کرکٹ سٹیڈیم میں کھیلے جانے والے سیریز کے پہلے ٹیسٹ میں ویسٹ انڈیز کیخلاف پاکستان نے 4 وکٹوں کے نقصان پر 143 رنز بنالیے۔ پہلے ٹیسٹ میچ کا ٹاس (دھند) خراب موسم کے باعث تاخیر کا شکار ہوا تاہم امپائرز نے گراؤنڈ فیلڈ کا جائزہ لینے بعد دوپہر 1 بجے ٹاس کوانے اور ڈیڑھ بجے میچ کے آغاز کا اعلان کیا تھا۔قومی ٹیم کے کپتان شان مسعود نے ٹاس جیت کر پہلے بیٹنگ کرنے کا فیصلہ کیا۔ پہلی اننگز میں ڈیبیو کرنیوالے محمد ہریرہ 6، کپتان شان مسعود 11 اور کامران غلام 5، بابر اعظم 8 رنز کے مہمان ثابت ہوئے۔ پانچویں وکٹ پر سعود شکیل اور محمد رضوان نے 97 رنز کی ناقابل شکست شراکت قائم کرلی ہے، دونوں کھلاڑی اس دوران اپنی نصف سنچریاں مکمل کرنے میں بھی کامیاب رہے۔

    پہلے دن کے اختتام پر سعود شکیل 56 اور محمد رضوان 51 رنز کے ساتھ کریز پر موجود ہیں، ویسٹ انڈیز کے جیڈن سیلز نے 3 جبکہ گداکیش موتی نے 1 وکٹ اپنے نام کی ہے۔ سعود شکیل اب ملتان سٹیڈیم میں زیادہ ففٹی پلس سکور بنانے والے پاکستانی بیٹرز کی فہرست میں محمد یوسف کے ساتھ دوسرے نمبر پر آگئے ہیں، سعود شکیل اب تک ملتان سٹیڈیم میں 4 ففٹی پلس سکورز بنا چکے ہیں ۔ انضمام الحق اس میدان پر 5 ففٹی پلس سکورز (2 سنچریاں اور 3 نصف سنچریاں) کے ساتھ پہلے نمبر پر ہیں ۔ محمد یوسف 4 ففٹی پلس سکورز (3 سنچریاں اور ایک ففٹی ) سکور کرکے سعود شکیل کے ساتھ مشترکہ طور پر دوسرے جب کہ انگلینڈ کے بین ڈکٹ 3 ففٹی پلس سکورز کے ساتھ تیسرے نمبر پر ہیں ۔

    14سالہ لڑکی کو مبینہ زیادتی کا نشانہ بنانیوالا ملزم گرفتار

    14سالہ لڑکی کو مبینہ زیادتی کا نشانہ بنانیوالا ملزم گرفتار

    ڈونلڈٹرمپ کی حلف برداری کامقام تبدیل

    بشریٰ بی بی کی چوری کی وجہ سے بانی رنگے ہاتھوں پکڑے گئے، مصطفی کمال

  • ویسٹ انڈیز کے خلاف پہلے ٹیسٹ کے لیے قومی ٹیم کا اعلان

    ویسٹ انڈیز کے خلاف پہلے ٹیسٹ کے لیے قومی ٹیم کا اعلان

    پاکستان کرکٹ ٹیم نے ویسٹ انڈیز کے خلاف پہلے ٹیسٹ کے لیے پلیئنگ الیون کا اعلان کردیا۔

    پاکستان اور ویسٹ انڈیز کی ٹیموں کے درمیان دو ٹیسٹ میچز پر مشتمل سیریز کا آغاز 17 جنوری سے ملتان کرکٹ اسٹیڈٰیم میں ہونے جارہا ہے۔پہلا میچ 17 سے 21 جنوری کے دوران کھیلا جائے گا جب کہ دوسرا ٹیسٹ 25 جنوری سے شروع ہوگا جو 29 جنوری تک جاری رہے گا۔ پاکستان نے شان مسعود کی قیادت میں ویسٹ انڈیز کے خلاف پہلے ٹیسٹ کے لیے پلیئنگ الیون کا اعلان کردیا ہے جب کہ محمد ہریرہ کل پاکستان کی جانب سے ٹیسٹ ڈیبیو کریں گے۔علاوہ ازیں ٹیم میں بابراعظم، کامران غلام، سعودشکیل، محمدرضوان (وکٹ کیپر)، سلمان علی آغا، ساجد خان، نعمان علی، خرم شہزاد اور ابرار احمد کو پلئینگ الیون کا حصہ بنایا گیا ہے۔

    کراچی کے نوجوانوں کیلئے ترقی کے راستے روکے جارہے ہیں، حافظ نعیم

    کراچی پولیس اور کمیونٹی پولیسنگ وفد کے درمیان ملاقات