وفاقی وزیر خزانہ محمد اورنگزیب نے کہا ہے کہ ہماری معاشی سمت درست ہے اور عالمی مالیاتی ادارے پاکستان کی معاشی بہتری کا اعتراف کررہے ہیں، تاہم اس وقت ماحولیاتی تبدیلی سب سے بڑا چیلنج ہے۔
اسلام آباد میں تقریب سے خطاب کرتے ہوئے وزیر خزانہ کا کہنا تھا کہ ملکی نظام و نسق کی بہتری میں پبلک سرونٹس کا بنیادی کردار ہے۔ ان کے مطابق بہتر نظم و نسق کے لیے بروقت اور درست فیصلہ سازی کلیدی اہمیت رکھتی ہےدرست وقت پر درست فیصلے ہی کامیابی کی کنجی ہیں، ہماری معاشی سمت درست ہے، موڈیز نے پاکستان کی رینکنگ کو بہترین قرار دیا ہے۔
ان کا کہنا تھا کہ شرح سود میں کمی سمیت دیگر معاشی اعشاریے بہتر ہوئے ہیں، دیگر عالمی مالیاتی ادارے بھی پاکستان کی معاشی بہتری کا اعتراف کررہے ہیں جب کہ مالیاتی استحکام منزل نہیں، ایک مسلسل سفر ہے،پائیدار معاشی استحکام کے لیے تمام اسٹیک ہولڈرز کو ملکر کام کرنا ہوگا، اس بجٹ میں ہم نے کوشش کی ہے کہ عوام کو ریلیف دینے کی ابتدا کریں،الیاتی استحکام منزل نہیں بلکہ ایک مسلسل سفر ہے، انٹرنیشنل کیپٹل مارکیٹ میں پانڈا بانڈز کے ذریعے داخل ہورہے ہیں۔
احسن اقبال کا کرتارپور کا ہنگامی دورہ
وزیرخزانہ کا کہنا ہے کہ درست پالیسیاں ہی ملک کو درست سمت پر ڈال سکتی ہیں، رائٹ سائزنگ کی بڑی بات ہوئی، ابھی 6 محکموں کو بالکل بند بھی کررہے ہیں اور بعض محکمے دوسرے محکموں میں ضم کیے جارہے ہیں، یوٹیلٹی اسٹورز کارپوریشن اور پی ڈبلیو ڈی ہمارے سامنے ہیں۔
ان کا کہنا تھا کہ انٹرنیشنل کیپٹل مارکیٹ میں پانڈا بانڈ کے ذریعے داخل ہورہے ہیں، اگلے ہفتے وزیراعظم کے ساتھ چین کا دورہ کروں گا، پبلک سرونٹس اہم خدمات انجام دیتے ہیں، ملکی نظم و نسق چلانے میں پبلک سرونٹس کا اہم کردار ہوتا ہے، ملکی نظم و نسق چلانے کے لیے درست فیصلہ سازی کلیدی کردار ادا کرتا ہے،ماحولیاتی تبدیلی اس وقت ملک کا سب سے بڑا چیلنج ہے، گلگت بلستتان اور خیبرپختونخوا میں تباہی ہوئی، حالیہ مون سون سے 800 قیمتی انسانی جانوں کا نقصان ہوا۔
بھارت کی طرف سےاچانک دریائے راوی میں پانی چھوڑا گیا،عظمیٰ بخاری
