Tag: ٹریفک پولیس

منعم ظفر خان کی قیادت میں جماعت اسلامی کے وفد نے آئی جی سندھ غلام نبی میمن سے ملاقات کیاور حادثات بالخصوص ڈمپرزو ٹینکرز کی ٹکر سے شہریوں کی بڑھتی ہوئی اموات ، بدترین ٹریفک جام اور ٹریفک پولیس کی ناقص کارکردگی کے حوالے سے تبادلہ ٴ خیال کیا.

باغی ٹی وی کے مطابق ملاقات مٰن وفد کا کہنا تھا کہ ٹریفک حادثات میں اس قدر بڑے پیمانے پر شہریوں کی اموات نہایت تشویش ناک امر ہے ، ان حادثات کا سبب بے ہنگم ٹریفک اور بے قابو ہیوی وہیکل کی شہر میں غیرقانونی آمد ورفت ہے ، ڈمپرز ، ٹینکرز اور ٹرالرز مقرر اوقات اور مقررہ راستوں سے ہٹ کر سارے شہرمیں چلتے نظر آتے ہیں ،ان کے اکثر ڈرائیورز غیر لائسنس یافتہ اور ٹریفک کے اُصولوں سے ناواقف ہیں ، حادثہ میں ضمانت اور نرم سزائوں کے قانون نے ان ڈرائیو رز کو قانون کی گرفت سے بے خوف کردیا ہے ، جماعت اسلامی کے وفد میں پبلک ایڈ کمیٹی کراچی کے صدر و اپوزیشن لیڈر سیف الدین ایڈوکیٹ ،نائب امراء جماعت اسلامی کراچی راجہ عارف سلطان اور مسلم پرویز شامل تھے۔

منعم ظفر خان نے کہا کہ لائسنس کے اجراء کو آسان بنایا جائے ، چنگ چی رکشائوں کو متعین جگہوں پر پارکنگ کا سختی سے پابند کیا جائے ، سڑکوں پر موجود تجاوزات ختم کی جائیں ، ٹریفک پولیس کی کارکردگی کو یونین کمیٹیز کے تعاون سے بہتر بنایا جائے اور ہر سطح پر ٹریفک مینجمنٹ سسٹم بنایا جائے ،انہوں نے آئی جی سے گفتگو کرتے ہوئے مزید کہا کہ سارے شہر میں چنگ چی اور رکشائوں کی بے ہنگم پارکنگ نے شہر میں ٹریفک جام معمول بنادیا ہے ، ایک جانب شہری صوبائی حکومت اور کے ایم سی کی نااہلی کے سبب سڑکوں کی ٹوٹ پھوٹ سے اذیت میں مبتلا ہیں دوسری طرف پبلک ٹرانسپورٹ کی لاقانونیت اور ٹریفک پولیس کی خراب کارکردگی نے بھی شہریوں کی زندگی اجیرن بنا دی ہے ، کراچی اگر ذمہ دار صوبائی حکومت اور حقیقی منتخب نمائندوں کے ہاتھوں میں ہوتا توشہر میں موثر ماس ٹرانزٹ سسٹم ہوتا ،شہر میں پبلک ٹرانسپورٹ کے لیے بہترین بسیں مہیا ہوتیں جس کا سلسلہ نعمت اللہ خان کے دور میں شروع ہوا تھا اور کراچی کے 65فیصد شہری موٹر سائیکلوں اور چنگ چی رکشائوںمیں سفر کرنے پر مجبور نہ ہوتے .

منعم ظفر خان نے اس بات پر زور دیا کہ ٹریفک حادثات سے کسی بھی صورت میں شرپسندوں کو فائدہ اُٹھانے کی اجازت نہیں دیں گے اور ان معاملات کو لسانی رنگ دینے اور مختلف طبقات میں کشیدگی کا سبب نہیں بننے دیں گے ۔ملاقات میں سیف سٹی پروجیکٹ کی جلد تکمیل پر بھی تفصیل سے گفتگو ہوئی ، آئی جی سندھ نے اس موقع پر ٹریفک کی بہتری اور سیف سٹی پروجیکٹ کے حوالے سے پولیس کے اقدامات پر بریفنگ دی اور جماعت اسلامی کی جانب سے مثبت تجاویز کا خیر مقدم کیا۔

پٹرولیم مصنوعات کی قیمتوں میں کمی کا امکان

بارودی مواد کا سراغ لگانے والی جدید مشینیں اے ایس ایف کو دینے کا فیصلہ

حکومت کا ججز کے خلاف ریفرنس لانے کا ارادہ نہیں، عرفان صدیقی

پاکستان کو شکست، نیوزی لینڈ نے سہ ملکی ون ڈے سیریز جیت لی

،پنجاب میں خشک سالی کا الرٹ جاری

افغان طالبان نے 34 ملین ڈالر کی 9 منزلہ تجارتی عمارت بنا لی

کراچی میں ٹریفک پولیس ڈمپر اور ٹرک مافیا کے سامنے بے بس ہو گئے

باغیٹی وی کے مطابق کراچی شہر میں دن کے اوقات میں ہیوی ٹریفک پر سختی سے پابندی کے دعوے دعوے ہی رہ گئے، پابندی کے باوجودبے لگام ہیوی ٹریفک کو مین شاہراہ پر آنے سے کوئی نہ روک سکا .پابندی کے اوقات میں بھی سامان سے لدا ٹرک شاہراہ پاکستان پر دوڑتا ہوا دیکھا جا سکتا ہے وہیں رات نو بجے بنائی جانے والی ویڈیو میں مال برادر ٹرک کو لوڈ دیکھا جا سکتا ہے ۔مختلف ٹریفک سیکشنز کی حدود سے ہوتا ہوا یہ ٹرک سپر ہائی وے پر نکل گیا ۔

دوسری جانب کراچی میں انسداد دہشت گردی عدالت نے جلاؤ گھیراؤ اور دہشت گردی کے مقدمات میں گرفتار مہاجر قومی موومنٹ (ایم کیو ایم) کے چئیرمین آفاق احمد کو جوڈیشل ریمانڈ پر جیل بھیج دیا۔کراچی میں گزشتہ روز گرفتار کئے گئے چیئرمین مہاجر قومی موومنٹ آفاق احمد کو پولیس کی سخت سیکیورٹی میں انسداد دہشتگردی عدالت پہنچایا گیا۔آفاق احمد پر الزام ہے کہ انہوں نے عوام کو اشتعال دلا کر کراچی میں ہیوی ٹریفک کے خلاف کارروائیوں پر اکسایا، جس کے نتیجے میں مال بردار گاڑیوں کو نذر آتش کیا گیا۔ پولیس کے مطابق، کورنگی میں ٹرک جلانے کے مقدمے میں انہیں گرفتار کیا گیا ہے، اور ان کے خلاف جلاؤ گھیراؤ کی دفعات کے تحت مقدمہ درج کیا گیا ہے۔

شیر افضل مروت کو پی ٹی آئی سے نکال دیا گیا، نوٹیفکیشن جاری

صائم ایوب کے ساتھ خاتون مداح کی بدتمیزی ،ویڈیو وائرل

پاکستان کی جنوبی افریقہ کو 6 وکٹوں سے شکست، وزیراعظم کی مبارکباد

پاکستان کی جنوبی افریقہ کو 6 وکٹوں سے شکست، وزیراعظم کی مبارکباد

سندھ کے سینئر وزیر شرجیل انعام میمن نے کہا ہے کہ معاشرے میں سب سے زیادہ قابل رحم ٹریفک پولیس والے ہیں جو 40 سے 45 ڈگری کی گرمی میں بھی گھنٹوں کھڑے ہوکر ڈیوٹی کرتے ہیں.

باغی ٹی وی کی رپورٹ کے مطابق سندھ اسمبلی میں توجہ دلا نوٹس پر بات کرتے ہوئے سندھ کے سینئر وزیر اور صوبائی وزیر برائے اطلاعات، ٹرانسپورٹ، ماس ٹرانزٹ، ایکسائز، ٹیکسیشن و نارکوٹکس کنٹرول شرجیل انعام میمن نے بتایا کہ اچھے برے لوگ ہر جگہ ہوتے ہیں، لیکن محکمے کو الزام نہیں دینا چاہئے ، کراچی میں ماضی میں ٹریفک پولیس کے جوانوں کو بھی نشانہ بنایا جاتا تھا ، ٹریفک پولیس کے اہلکار جان ہتھیلی پر رکھ کر ڈیوٹی کرتے رہے ، کسی بھی معاملے میں پورے محکمے کو مورد الزام ٹھہرانے سے پورا محکمہ ڈی مورلائز ہوجاتا ہے ۔کم عمری میں گاڑی چلانے پر یکم جنوری سے 30 اکتوبر تک 304 چالان ہوئے ہیں جن سے 9 لاکھ 12 ہزار روپے حکومت نے چالان کے مد میں وصول کئے ہیں ، ڈرائیونگ لائنسنس کے بغیر گاڑی چلانے پر 1860 لوگوں کو چالان کیا گیا، 37 لاکھ 20 ہزار چالان کے مد میں وصول کئے گئے ، جبکہ ٹریفک قوانین کی خلاف ورزی پر 60 چنگچی رکشہ چالان ہوئے ، جن سے ایک لاکھ 20 ہزار روپے جرمانہ وصول کیا گیا ۔انہوں نے کہا کہ محکمہ ٹرانسپورٹ اور ماس ٹرانزٹ ڈپارٹمنٹ کی جانب سے اسنیپ چیکنگ کی جاتی ہے ، اضافی کرایہ وصول کرنے پر بھی کارروائیاں کی جا رہی ہیں، حکومت کی جانب سے چنگچی رکشہ پر پابندی ہے، عدالت کی جانب سے حکم امتناعی کی وجہ سے وہ شہر میں چل رہی ہیں ۔ سینئر وزیر شرجیل انعام میمن نے کہا کہ اسمبلی ممبران کورٹ میں فریق بنیں اور پوچھیں کہ جب حکومت کی جانب سے پابندی لگا گئی ہے تو پھر یہ میٹروپولیٹن شہر میں چنگچی رکشہ کیوں چل رہے ہیں ۔انہوں نے کہا کہ آج کل بچے گاڑیاں چلا رہے ہیں، اس ضمن میں سب سے بڑی ذمہ داری والدین کی ہے، ہم کیوں آنکھیں موند کر بیٹھے ہیں، اگر کسی بچے سے کوئی حادثہ ہوتا ہے تو وہ قتل شمار ہوگا ، معصوم بچوں کو چابی دینے سے ہونے والا حادثہ قتل کے زمرے میں آتا ہے ۔ سینئر وزیر شرجیل انعام میمن نے کہا کہ ہمیں احساس کرنا چاہئے کہ ہم کس قدر ٹریفک قوانین کی پاسداری کرتے ہیں، کراچی شہر میں کار شو رومز والوں کی گاڑیاں روڈ پر کھڑی ہیں، سنگل روٹ چلتے ہیں، ٹریفک پولیس والے ان کو کہہ کہہ کر تھک گئے ہیں ، حکومت اگر سختی کرتی ہے تو تمام ایسو سی ایشنز جاگ جاتی ہیں کہ ہم ہڑتال کریں گے، تمام اسمبلی ممبران اپنے اپنے حلقے میں پیغام پھیلائیں کہ اس طرح نہ کریں ، ہم سب نے مل کر اس کو ٹھیک کرنا ہے، ذمہ داری حکومت کی ہے، لیکن فرض ہم سب کا ہے ۔

سکیورٹی مزید سخت،ملک بھر کے ایئر پورٹس پر بائیو میٹرک مشینیں نصب کرنے کا فیصلہ

ایف بی آر نے کراچی کیلئے جائیداد کی نئی قیمتوں کا تعین کردیا

کراچی کے علاقے کلفٹن میں تین تلوار چورنگی پر پیش آئے واقعے پر پولیس حکام نے ایکشن لیتے ہوئے اے ایس آئی کو معطل کردیاہے۔

باغی ٹی وی کی رپورٹ کے مطابق گزشتہ روز تین تلوار پر ضلعی پولیس افسر کے بیٹے کا ٹریفک پولیس افسران نے چالان کیا تھا جس پر پولیس افسر نے ٹریفک پولیس اہلکار سے جھگڑا کیا تھا۔میڈیا پرخبرنشرہونے کے بعد ایس ایس پی انویسٹی گیشن سائوتھ عبدالرحیم شیرازی نے ایکشن لیتے ہوئے بوٹ بیسن تھانے میں انویسٹی گیشن میں تعینات اے ایس آئی گلزار کو معطل کر دیا۔ایس ایس پی انویسٹی گیشن سائوتھ کے مطابق ضلعی پولیس افسر کے بیٹے کی گاڑی کو ٹریفک پولیس نے فینسی نمبر پلیٹ اور کالے شیشے پر روکا تھا۔گاڑی کا چالان کرنے پر پولیس افسر اے ایس آئی گلزار موقع پر پہنچ گیا تھا، ویڈیو میں بھی دیکھا گیا ہے کہ ضلعی پولیس کے اے ایس آئی نے ٹریفک اے ایس آئی سے چالان کرنے پر بدتمیزی کی تھی۔

آپ سے کہا تھا کہ مایوس نہ ہوں مایوسی گنا ہ ہے، آرمی چیف کی کراچی مٰیں تاجروں سے گفتگو

ایڈیشنل آئی جی کراچی جاوید عالم اوڈھو اور ڈی آئی جی ٹریفک احمد نواز چیمہ کی ہدایت پر ٹریفک پولیس نے فینسی، جعلی نمبر پلیٹ اور ٹینٹڈ گلاس کے خلاف کارروائی کی۔

باغی ٹی وی کی رپورٹ کے مطابق ڈسٹرکٹ ساؤتھ میں ٹریفک پولیس نے ناکہ لگا کر چیکنگ شروع کردی۔پرائیویٹ گاڑیوں پر سرکاری نمبر پلیٹ استعمال کرنے والوں کے خلاف بھی کریک ڈاؤن کیا گیا۔درجنوں گاڑیوں سے نمبر پلیٹیں اتار لی گئیں۔متعدد پرائیویٹ گاڑیوں سے سرکاری نمبر پلیٹ بھی قبضے میں لے لی گئیں۔قانون کی خلاف ورزی کرنے والوں کے خلاف قانونی کارروائی اور چالان کیا جارہا ہے۔ڈسٹرکٹ ساؤتھ کے مختلف علاقوں میں ٹریفک پولیس کی چیکنگ کا عمل جاری ہے۔

نواز شریف کی مولانا فضل الرحمان کے گھر آمد متوقع