Baaghi TV

Tag: ٹریفک پولیس

  • سرکاری پولیس گاڑی کی بجائے پرائیویٹ گاڑی گاڑی میں چالان

    سرکاری پولیس گاڑی کی بجائے پرائیویٹ گاڑی گاڑی میں چالان

    قصور
    اشفاق نامی ٹریفک پولیس اہلکار نے پرائیویٹ گاڑی کلٹس نمبری ایل ایچ زیڈ 8018 میں لوگوں کے ناجائز چالان کرنا شروع کر دیئے،سرکاری گاڑی بارے پوچھنے پر پرچہ کاٹنے کی دھمکی

    تفصیلات کے مطابق قصور ٹریفک پولیس اہلکار اشفاق نے اپنی پرائیویٹ گاڑی کلٹس نمبری ایل ایچ زیڈ 8018 میں بیٹھ کر کر لوگوں کے ناجائز چالان کرنا شروع کر دیئے ہیں
    کل رات ٹویوٹا ہائی کو گول چکر اسٹیل باغ موڑ پر گاڑی میں بیٹھ کر ہی ٹریفک اہلکار نے رہنے کا اشارہ کیا جس پر ٹویوٹا ڈرائیور نے پرائیویٹ گاڑی سمجھ کر نا روکا کیونکہ پرائیویٹ گاڑیوں میں وارداتیں عروج پر ہیں
    اس بات پر اشفاق نامی اہلکار برہم ہو گیا اور ٹویوٹا ہائی ایس گاڑی کا ناجائز چالان کر دیا جس پر ٹویوٹا ڈرائیور نے سرکاری گاڑی بابت پوچھا تو آگے سے اسے دھمکا دیا گیا کہ تمہارا پرچہ کر دونگا
    بڑھتی ہوئی وارداتوں کے پیش نظر لوگ پرائیویٹ گاڑیوں سے رات کے وقت محتاط رہتے ہیں تاہم پولیس کی جانب سے ہی پرائیویٹ گاڑیوں کا استعمال کرکے لوگوں کو ہراساں کرنا انتہائی قابل مذمت ہے جبکہ محکمہ کی جانب سے سرکاری گاڑیاں دی گئی ہیں
    شہریوں نے ڈی پی او قصور و ڈی ایس پی سٹی ٹریفک پولیس سے نوٹس لے کر کاروائی کا مطالبہ کیا ہے

  • چیف ٹریفک آفیسر کی ٹریفک قوانین پر عملدرآمد یقینی بنانے کی ہدایت

    چیف ٹریفک آفیسر کی ٹریفک قوانین پر عملدرآمد یقینی بنانے کی ہدایت

    چیف ٹریفک آفیسر عباس مجید خان مروتشہر میں ہیلمٹ‘ سیٹ بیلٹ‘ نو پارکنگ زونز اور تجاوزات مافیا کیخلاف جاری مہمات میں مزید تیزی لائی جائے.
    پشاور: چیف ٹریفک آفیسر عباس مجید خان مروت نے تجاوزات مافیا‘ بغیر ہیلمٹ کے ڈرائیونگ کرنیوالے موٹر سائیکل سواروں اور سیٹ بیلٹ باندھے بغیر ڈرائیونگ کرنیوالوں کے خلاف کارروائیاں مزید تیز کرنے کی ہدایت کردی۔ اس سلسلے میں ٹریفک نظام سے متعلقہ جائزہ اجلاس زیر صدارت چیف ٹریفک آفیسر عباس مجید خان مروت منعقد ہوا جس میں ایس پی ہیڈ کوارٹرز افتخار علی‘ ایس پی کینٹ ٹریفک امان اللہ‘ ایس پی سٹی ٹریفک عبد السلام خالد‘ ڈی ایس پیز سمیت ٹریفک آفیسرز اور ٹریفک وارڈنز نے شرکت کی۔ چیف ٹریفک آفیسر عباس مجید خان مروت نے گزشتہ ہفتے سٹی ٹریفک پولیس پشاور کی جانب سے کی جانیوالی کارروائیوں کا تفصیلی جائزہ لیا۔ اجلاس کے دوران چیف ٹریفک آفیسر عباس مجید خان مروت کو پلازوں میں پارکنگ نہ بنانے والوں کو نوٹسز‘ تجاوزات مافیا کے خلاف کارروائیوں‘ کالے شیشوں کے استعمال‘ اوور لوڈنگ‘ نو پارکنگ زونز کی خلاف ورزیوں‘ ہیلمٹ‘ سیٹ بیلٹ‘ ون ویلنگ‘ غیر رجسٹرڈ موٹر سائیکلوں اور دیگر مہمات کے بارے میں بریفنگ دی جس پر چیف ٹریفک آفیسر عباس مجید خان مروت نے اطمینان کا اظہار کیا اور ہدایت کی کہ پلازہ مالکان کو جاری کئے جانیوالے نوٹسز کا دورانیہ ختم ہونے کی صورت میں فوری طور پر کارروائی عمل میں لائی جائے اور شہر میں جاری دیگر مہمات میں مزید تیزی لائی جائے۔ اجلاس میں بتایا گیا کہ سٹی ٹریفک پولیس پشاور کی جانب سے تجاوزات مافیا کے خلاف کی جانیوالی کارروائیوں سے قصہ خوانی‘ جلیل کبابی روڈ اور دیگر بازاروں سے تجاوزات کا خاتمہ کردیا گیا ہے جبکہ چیک اینڈ بیلنس کے لئے اہلکاروں کو تعینات کردیا گیا ہے جس پر چیف ٹریفک آفیسر نے ٹریفک حکام اور اہلکاروں کی کارکردگی کو سراہا اور کہا کہ تجاوزات کے خلاف آپریشنز کا سلسلہ جاری رکھا جائے اور کسی کے ساتھ کوئی نرمی نہ برتی جائے۔ انہوں نے مزید کہا کہ شہر میں بلا تعطل ٹریفک نظام رواں دواں رکھنے کے لئے تمام تر صلاحیتیں بروئے کار لائی جائیں اور اس سلسلے میں کسی قسم کی غفلت برداشت نہیں کی جائیگی جبکہ مرتکب افراد کے خلاف سخت قانونی کارروائی عمل میں لائی جائیگی۔

  • وفات پانے والے ٹریفک پولیس انسپکٹر کی نماز جنازہ پولیس لائن ہیڈکوارٹرز میں ادا

    وفات پانے والے ٹریفک پولیس انسپکٹر کی نماز جنازہ پولیس لائن ہیڈکوارٹرز میں ادا

    اسلام آباد:
    وفات پانے والے اسلام آباد ٹریفک پولیس کے انسپکٹر غلام محی الدین کی نماز جنازہ پولیس لائن ہیڈکوارٹرز میں اداکر دی گئی-

    نماز جنازہ میں آئی جی اسلام آباد قاضی جمیل الرحمان سمیت دیگر سینئیر افسران وملازمین کی شرکت- متوفی ہارٹ اٹیک کے باعث ایم ایچ راولپنڈی میں زیر علاج تھے جہاں وہ اپنے خالق حقیقی سے جاملے- آئی جی اسلام آباد نے مرحوم کے بچوں سے پیار کیا- محروم کے جسد خاکی کو پورے اعزاز کے ساتھ آبائی گاؤں روانہ کر دیا گیا-

    مرحوم غلام محی الدین بہت ملنسار اور اسلام آباد ٹریفک پولیس میں تعینات تھے- آئی جی اسلام آباد کا کہنا تھا کہ مرحوم انسپکٹر کی فیملی کا ہر طرح سے خیال رکھا جائے گا-

  • ٹریفک پولیس اہلکاروں کی موجودگی میں ون وے کی خلاف ورزی

    ٹریفک پولیس اہلکاروں کی موجودگی میں ون وے کی خلاف ورزی

    قصور
    ڈرائیور ہوٹل چوک میں ٹریفک پولیس اہلکاران کی موجودگی میں ون وے کی خلاف ورزی جاری،ون وے کی خلاف ورزی سے آئے روز حادثات پیش آنے لگے
    تفصیلات کے مطابق قصور کے پر رونق چوک ڈرائیور ہوٹل میں دن رات ون وے کی خلاف ورزی ہونا معمول کی بات ہے جبکہ ٹریفک اہلکاران بھی تعینات ہیں جو کہ ٹریفک کنٹرول کرنے کی بجائے خوش گپیوں میں مصروف رہتے ہیں جس سے لوگ بے ڈھرک ہو کر ون وے کی خلاف ورزی کرتے ہیں
    اس خلاف ورزی کی بدولت ٹریف اکثر جام رہتی ہے اور دن بدن حادثات میں بھی اضافہ ہو رہا ہے حالانکہ ون وے کی خلاف ورزی روکنے کیلئے ہی انتظامیہ کی جانب سے چوک کا یوٹرن کٹ بند کیا تھا مگر پھر بھی اس پر عمل درآمد نہیں کروایا جا رہا

  • ٹریفک پولیس کے جبر اور قہر سے تنگ شہری نے گاڑی وارڈن پر چڑھا دی

    لاہور : ٹریفک پولیس گردی سے تنگ شہریوں نے انتقامی کارروائی شروع کردی ، کہیں‌ شہری قانون کی پاسداری نہیں کرتے تو کہیں ٹریفک پولیس نے ہر شہری کو ناکہ لگا کر ذلیل ورسوا کرنا شروع کررکھا ہے، اطلاعات کے مطابق لکشمی چوک میں کار سوار نے چالان کرنے پر ٹریفک وارڈن ساجد پر گاڑی چڑھا دی اور فرار ہوگیا، ساتھی وارڈنز نے گاڑی پکڑ کر تھانہ میں بند کردی۔

    ذرائع کے مطابق اس حوالے سے ایس پی سٹی ٹریفک کا کہنا تھا کہ لکشمی چوک کے قریب رانگ پارکنگ پر ٹریفک وارڈن ساجد نے گاڑی کو روکاجس پر ڈرائیور نے چالان ٹکٹ لینے کی بجائے وارڈن پر گاڑی چڑھا کر فرار ہونے کی کوشش کی، اس دوران ڈرائیور کے گاڑی چڑھانے پر وارڈن ساجد زخمی ہو گیا۔پولیس شہری کو گرفتار کرنے کے لیے کوشش کررہی ہے