Baaghi TV

Tag: ٹیکس

  • آئی ایم ایف سے موجودہ قرض پروگرام کی آخری قسط میں کوئی رکاوٹ نہیں،وزیر خزانہ

    آئی ایم ایف سے موجودہ قرض پروگرام کی آخری قسط میں کوئی رکاوٹ نہیں،وزیر خزانہ

    وفاقی وزیر خزانہ محمد اورنگزیب نے کہا ہے کہ آئی ایم ایف سے قرض پروگرام کے ساتھ ماحولیات کی فنڈنگ پر بھی بات ہو سکتی ہے، ماحولیات کی بہتری کیلئے آئی ایم ایف کچھ ممالک کو کوٹے سے زیادہ قرض دیتا رہا ہے

    اسلام آباد میں میڈیا سے گفتگو کرتے ہوئے وفاقی وزیر خزانہ محمد اورنگزیب کا کہنا تھا کہ آئی ایم ایف سے بڑا اور طویل مدت کا پروگرام لینا چاہتے ہیں، پاکستان اپنے کوٹے کے حساب سے بڑا پروگرام لینے کی کوشش کرے گا، آئی ایم ایف پروگرام میں تسلسل رہیں گے تو معاشی نظم و ضبط رہے گا،معیشت کی بہتری آئی ایم ایف سے زیادہ ہماری حکومت کا ہدف ہے، وزیراعظم شہباز شریف معیشت کی بہتری کے لیے کلیئر وژن رکھتے ہیں، وزیراعظم نے معاشی نظم و ضبط قائم رکھنے کی سخت ہدایت کی ہے، آئی ایم ایف سے موجودہ قرض پروگرام کی آخری قسط میں کوئی رکاوٹ نہیں ہے، آئی ایم ایف نے موجودہ قرض پروگرام کی آخری قسط میں 1.1 ارب ڈالر دینے ہیں، آئی ایم ایف سے نئے قرض پروگرام کا ابتدائی خاکہ تیار کر رہے ہیں، معاشی استحکام آئی ایم ایف اور حکومت پاکستان کا مشترکہ ہدف ہے،آئی ایم ایف سے قرض پروگرام کے ساتھ ماحولیات کی فنڈنگ پر بھی بات ہو سکتی ہے، ماحولیات کی بہتری کیلئے آئی ایم ایف کچھ ممالک کو کوٹے سے زیادہ قرض دیتا رہا ہے

    وفاقی وزیر خزانہ محمد اورنگزیب کا کہنا تھا معیشت کی بہتری کے لیے نگران حکومت نے توجہ سے کام کیا، نجکاری کے معاملات فواد حسن فواد نے بڑی دلچسپی اور محنت سے چلائے، ٹیکس آمدن کو ڈیجیٹل طریقے سے جمع کرنا چاہتے ہیں،یکس نظام میں شفافیت حکومت کی اولین ترجیحات میں شامل ہے، قومی آمدنی میں ٹیکسوں کا حصہ 10 فیصد تک پہنچانا چاہتے ہیں.

  • تمباکو پر فیڈرل ایکسائز ڈیوٹی کی شرح میں 30 فیصد اضافہ کیا جائے، ملک عمران

    تمباکو پر فیڈرل ایکسائز ڈیوٹی کی شرح میں 30 فیصد اضافہ کیا جائے، ملک عمران

    تمباکو نوشی کے خلاف پاکستان میں کام کرنے وای غیر سرکاری تنظیم کمپین فار ٹوبیکو فری کڈز (سی ٹی ایف کے) پاکستان کے کنٹری ہیڈ ملک عمران احمد کا کہنا ہے کہ صحت کی لاگت کے بوجھ اور معاشی بحران کو کم کرنے کے لیے تمباکو پر فیڈرل ایکسائز ڈیوٹی کی شرح میں 30 فیصد اضافہ کرنے کی ضرورت ہے۔

    سوسائٹی فار دی پروٹیکشن آف رائٹس آف دی چائلڈ (سپارک) کی طرف سے جاری مشترکہ پریس ریلیز میں ملک عمران احمد کا کہنا تھا کہ پاکستان کو تمباکو کی لعنت کا مقابلہ کرنے میں کافی چیلنج کا سامنا ہے تمباکو نوشی سے متعلق بیماریاں جیسے کینسر، ذیابیطس اور دل کی بیماریاں پاکستان میں سالانہ ایک لاکھ 60 ہزار سے زائد اموات کا باعث بنتی ہیں، یہ اموات نہ صرف افراد کو متاثر کرتی ہیں بلکہ خاندانوں، برادریوں اور صحت کی دیکھ بھال کے نظام پر بھی وسیع تر اثرات مرتب کرتی ہیں، اس وقت ملک میں 9 ملین بالغ افراد تمباکو کی مصنوعات کا استعمال کرتے ہیں جو بالغ آبادی کا تقریبا 19.7 ہے،انھوں نے 2024 میں فوری طور پر 30 فیصد ایف ای ڈی اضافے کی تجویز پیش کرتے ہوئے کہا کہ اس سے اخراجات کا 19.8 فیصد وصول کیا جاسکتا ہے جس سے صحت کے بوجھ اور ٹیکس محصولات کے درمیان فرق کم ہوگا،ٹیکس کی یہ تجویز حکومت اور پاکستان کے عوام کے لیے صحت اور محصولات کے لحاظ سے ایک واضح جیت کی نمائندگی کرتی ہے۔

    ملک عمران احمد کا مزید کہنا تھا کہ تمباکو کی وباء کو روکنے کیلئے جامع حکمت عملی کی ضرورت ہے تمباکو کے استعمال کو روکنے سے پاکستان تمباکو نوشی سے متعلق بیماریوں سے وابستہ معاشی نقصانات کو کم کرسکتا ہے جبکہ ممکنہ طور پر صحت کی دیکھ بھال کے نظام پر بوجھ کو بھی کم کیا جا سکتا ہے

    حکومت بچوں کو سگریٹ نوشی سے بچانے کیلئے ٹھوس اقدامات کرے، شارق خان

    تمباکو جیسی مصنوعات صحت کی خرابی اور پیداواری نقصان کا سبب بنتی ہیں

    ” ہیلتھ لیوی کے نفاذ میں تاخیر کیوں” تحریر: افشین

     اگر کھلے مقام پر کوئی سگریٹ پی رہا ہو تو اسکو "گھوریں”

    تمباکو سے پاک پاکستان…اک امید

    تمباکو سے پاک پاکستان، آئیے،سگریٹ نوشی ترک کریں

    تمباکو نشہ نہیں موت کی گولی، بس میں ہوتا تو پابندی لگا دیتا، مرتضیٰ سولنگی

    ماہرین صحت اور سماجی کارکنوں کا ماڈرن تمباکو مصنوعات پر پابندی کا مطالبہ

    تمباکو نوشی کے خلاف مہم کا دائرہ وسیع کریں گے،شارق خان

  • ٹیکس چوروں کے بجلی وگیس کنکشن منقطع اور موبائل سمز بلاک کرنیکا فیصلہ مؤخر

    ٹیکس چوروں کے بجلی وگیس کنکشن منقطع اور موبائل سمز بلاک کرنیکا فیصلہ مؤخر

    اسلام آباد: ٹیکس چوروں کے بجلی وگیس کنکشن منقطع اور موبائل سمز بلاک کرنےکا فیصلہ فی الحال مؤخر کردیا گیا۔

    باغی ٹی وی: ذرائع ایف بی آر کے مطابق نان فائلرز کے خلاف انکم ٹیکس آرڈیننس 2001 کی شق 114B کے تحت کارروائی کی جانی تھی، نان فائلرز کے خلاف ایکشن لینے سے قبل انکم ٹیکس جنرل آرڈر تیار نہیں کیا جاسکا، نان فائلرز کے خلاف اقدامات سے ایف بی آر کو عدالتوں سے قانونی معاملات کا سامنا کرنا پڑسکتا تھا، یکم مارچ تک فعال ٹیکس دہندہ لسٹ جاری کرنےکے بعد نان فائلرز کے خلاف کارروائی ہوسکتی ہے، نان فائلرز کے خلاف سمز بند،کنکشن منقطع کےعلاوہ جرمانہ لگانے کے اقدامات ہوں گے ایف بی آر لیگل ایشوز کے مسائل اور ڈیٹا مکمل نہ ہونے کے باعث نان فائلرز کے خلاف ایکشن نہیں لے سکا، اقدامات کے تحت جون 2024 تک 20 لاکھ تک نئے ٹیکس دہندگان کو ٹیکس نیٹ میں لانےکا ہدف تھا۔

    بیرون ملک سے کراچی پہنچنے والے مزید 2 مسافروں میں کورونا کی تشخیص

    مقامی انتظامیہ الیکشن کمیشن اور انتخابی عملے کو ہر ممکن تعاون کی فراہمی یقینی بنائے،نگران …

    ڈاکٹر یاسمین راشد اور زلفی بخاری کو الیکشن لڑنے کی اجازت مل گئی

  • بجلی کے بلوں میں سرچارجز کے علاوہ بھی متعدد ٹیکسز وصولی کا انکشاف

    بجلی کے بلوں میں سرچارجز کے علاوہ بھی متعدد ٹیکسز وصولی کا انکشاف

    اسلام آباد: بجلی کے بلوں میں سرچارجز کے علاوہ 8 قسم کے ٹیکسز وصولی کا انکشاف ہوا ہے۔

    باغی ٹی وی: رپورٹ کے مطابق 8 قسم کے ٹیکسز فیول پراس ایڈ جسٹمنٹ ، سہ ماہی ایڈجسٹمنٹس اور دیگر سرچارجز ٹیکسز کے علاوہ صارفین سے وصول کئے جاتے ہیں جن میں تمام صارفین سے 18فیصد جنرل سیلز ٹیکس وصول کیا جا رہا ہے،کمرشل وصنعتی صارفین 19 سے 20 ہزار روپے کے بل پر10 فیصد انکم ٹیکس دیتے ہیں۔

    اسی طرح نان فائلرگھریلو صارفین 25 ہزارروپے سے زائد بل پر 7.5 فی صد ایڈوانس انکم ٹیکس دیتے ہیں، کمر شل وصنعتی غیر فعال صارفین پر5 سے 7 فیصد اضافی سیلز ٹیکس بھی لگایا جاتا ہے کمرشل صارفین20 ہزارسے زائد بل پر 7.5 فیصدریٹیلرز سیلز ٹیکس ادا کرتے ہیں۔

    سوات میں پولیس افسران کو اساتذہ کو سلیوٹ کرنے کے احکامات

    ریٹرننگ افسران کاغذات نامزدگی مسترد کرنے کے فیصلے ویب سائٹ پر جاری کریں ،فافن

    خرم لطیف کھوسہ کو رہا کرنے کا حکم

  • بینکوں کے غیر معمولی منافع پر 40 فیصد کی شرح سے ٹیکس عائد

    بینکوں کے غیر معمولی منافع پر 40 فیصد کی شرح سے ٹیکس عائد

    اسلام آباد: فیڈرل بورڈ آف ریونیو (ایف بی آر) نے بینکوں کے غیر معمولی منافع پر 40 فیصد کی شرح سے ٹیکس عائد کر دیا۔

    باغی ٹی وی : وفاقی حکومت نے بینکوں کی آمدنی پر40 فیصد کی شرح سے ٹیکس عائدکرنے کا نوٹیفیکیشن جاری کردیا،ایف بی آر کی جانب سے اس حوالہ سے بدھ کو جاری کردہ نوٹیفکیشن کے مطابق وفاقی حکومت نے انکم ٹیکس آرڈیننس مجریہ 2001 کے دفعہ 99 ڈی کے ذیلی دفعہ 2کے تحت بینکوں کی ونڈفال آمدن پر 40 فیصد کی شرح سے ٹیکس عائدکردیا ہے۔

    نوٹیفکیشن کے مطابق ایف بی آر نے بینکوں کے غیر معمولی منافع پر ٹیکس آئی ایم ایف کے مطالبے پر عائد کیا گیا، جس سے ونڈ فال ٹیکس سے 33 سے 35 ارب روپے اضافی آمدن کا امکان ہے کیلنڈرسال 2021 اور کیلنڈر سال 2022 میں متعین کردہ فارمولہ کے تحت بینکوں کے ونڈفال آمدن پریہ ٹیکس عائد کردیا گیاہے۔

    پی ٹی آئی کیخلاف دائر انٹراپارٹی کیس کا محفوظ فیصلہ کل سنایا جائے گا

    بحریہ ٹاؤن کراچی کیس:بینک نے سپریم کورٹ میں جواب جمع کرادیا

    ملک ریاض کا انٹرویو ریکارڈ ہو گیا؟

    قبل ازیں وفاقی کابینہ نے دوہفتے قبل بینکوں کو غیرملکی کرنسی کے لین دین سے حاصل ہونے والے منافع پر40 فیصدٹیکس عائدکرنے کی منظوری دی تھی۔

  • بزرگ سیاست چھوڑیں، گھر مدرسہ میں بیٹھ کر ملک کیلئے دعا کریں،بلاول نے ہاتھ جوڑ دیئے

    بزرگ سیاست چھوڑیں، گھر مدرسہ میں بیٹھ کر ملک کیلئے دعا کریں،بلاول نے ہاتھ جوڑ دیئے

    پاکستان پیپلز پارٹی کے چیئرمین، سابق وزیر خارجہ بلاول زرداری نے چترال میں ورکر کنونش سے خطاب کرتے ہوئے کہا ہے کہ میں بے نظیر کے مکمل مشن کو مکمل کرنا چاہتا ہوں،پرانے سیاست دان سیاست چھوڑ دیں، انکے فیصلوں سے مسائل میں اضافہ ہو رہا ہے.

    بلاول زرداری کا کہنا تھا کہ پرانے سیاستدانوں سے جان چھڑوانی ہے، میں اپنے بزرگوں کا احترام کرتا ہوں، ہم پی ٹی آئی کی طرح نہیں ہیں کہ گالی دینا شروع کر دیں، ہم عزت کا خیال کرتے ہیں، پرانے سیاستدانوں سے یہ اعتراض نہیں کہ وہ بزرگ ہیں ،اعتراض یہ ہے کہ وہ یہ سیاست کر رہے ہیں جس سے ملک تباہ ہوا، ستر سال سے یہی ہو رہا، میاں صاحب تیسری بار وزیراعظم بنے تو یہ کہا تھا کہ وہ پرانی سیاست کو چھوڑیں گے اور نئی سیاست لے کر آئیں گے، جب پی ڈی ایم کو حکومت ملی تو وہی پرانی سیاست، ہمارا بزرگوں سے احترام سے مطالبہ ہے کہ پرانا سیاست چھوڑ دیں، گھر بیٹھیں،مدرسہ میں بیٹھیں، ملک کے لئے دعا کریں، اب کام ہم نے کرنا ہے اور کر کے دکھائیں گے، نواز شریف کو جب وزیراعلیٰ پنجاب بنایا گیا تو عمر کیا تھی؟ مولانا فضل الرحمان نے جب سیاست شروع کی تو عمر کیا تھی، بینظیر جب مسلم دنیا کی پہلی خاتون وزیراعظم بنی تو سب سے نوجوان وزیراعظم بنیں، اور اب پاکستان کا ستر فیصد جوان ہے، انکو نظر آ رہا ہے کہ پرانا سیاستدان، ایک دو الیکشن جنہوں نے لڑنا وہ کتنا کام کر سکتے، فیصلے آج کی سوچ کے ہوتے ہیں کل کے لئے نہیں، ان فیصلوں‌کا بوجھ نوجوانوں کو اٹھانا پڑے گا،عمران خان کی حکومت ٹک ٹاکر کی تھی، نوازشریف کی حکومت اشرافیہ کی ہو گی

    https://twitter.com/NasirKashmiri07/status/1727267827839553887

    بلاول زرداری کا کہنا تھا کہ نوجوانوں کو قسمت اپنی ہاتھ میں لینی ہو گی، الیکشن ہونے جا رہے ہیں، ایسی جماعت کو کامیاب کروائیں جس کی تاریخ یہ ہے کہ جب بھی پی پی کی حکومت بنی تو پسماندہ علاقوں کی حکومت بنی،میں چاہتا ہوں اس ملک میں عوامی راج قائم کروں،میں سب کا شکر گزار ہوں کہ وفاداری کی آج چترال میں مثال قائم کی ہے، ہم ایک بار پھر چترا ل کی تین سیٹیں جیتیں گے اور ثابت کریں گے کہ چترال کے لوگ وفادا ر ہیں کل بھی بھٹو شہید کے ساتھ تھے اور آج بھی بھٹو شہید کے ساتھ ہیں، میرا آپ سے وعدہ ہے کہ قائد عوام اور بینظیر کے مکمل مشن کو میں اور آپ ملکر مکمل کریں گے، میرا وعدہ ہے سابق فاٹا کو پاکستان میں ٹیکس فری زون بنائیں گے تا کہ یہاں ترقی ہو اور میں افغانستان کو دکھاؤں کہ ہم فخر کرتے ہیں کہ کس طرح فاٹا کے لوگوں کے لئے کام کیا.میں صرف نعروں، وعدوں پر الیکشن نہیں لڑ رہا،چترال کے لوگوں کے ساتھ ناانصافی ہو رہی ہم اسکو ختم کریں گے.یہاں کے لوگوں نے نعرہ مشہور کرایا تھابے نظیر آئے گی روز گار لائے گی،بلاول نے اپنا زمین اپنا مکان پروگرام کا اعلان کرتے ہوئے کہا کہ ہم حکومت میں آئے تو لوگوں کو گھر بنا کر دیں گے، کچی آبادیوں والوں کو مالکانہ حقوق دلواؤں گا.مجھے وفاق میں حکومت کی ضرورت ہے لیکن خیبر پختونخوا میں مجھے جیالا وزیراعلیٰ چاہیے، صوبائی حکومت چاہئے، اسکے لئے ڈبل محنت کرنی ہو گی، بار بار آنا پڑے گا تو آئیں گے، پختونخواہ کا حق ہے کہ اٹھارہویں ترمیم کے مطابق حق ملنے چاہئے.میں یہ حق دلواؤں گا.

    کسی کو چوتھی بار وزیراعظم بنانے کے بجائے ہمیں موقع دیں،بلاول

    کیا شہباز شریف اور انکے ساتھی 16 ماہ کی کارکردگی پر الیکشن لڑ سکتے ہیں؟بلاول

    طعنوں کی سیاست سے پرہیز کرنا چاہئے، احسن اقبال کا بلاول کو مشورہ

    ایک الیکشن میں انکو کچھ تکلیف ہے تو ویلکم ٹو دی کلب

    اگر اس بار الیکشن کی بجائے سلیکشن ہُوا تو عوام نقصان اٹھائیں گے، بلاول

  • ٹک ٹاک سٹار ڈولی 16 ملین روپے کی ٹیکس نادہندہ

    ٹک ٹاک سٹار ڈولی 16 ملین روپے کی ٹیکس نادہندہ

    مشہور پاکستانی ٹک ٹاک سٹار نوشین سید عرف ڈولی 16 ملین روپے کی ٹیکس نادہندہ نکلی
    پنجاب کے صوبائی دارالحکومت لاہور کے علاقے گلبرگ میں واقع ٹک ٹاک ڈولی کا بیوٹی سیلون پی آر اے کے ریڈار پر آگیا، پنجاب ریونیو اتھارٹی کی جانب سے کاروائی کرتے ہوئے ٹیکس کی ادائیگی نہ کرنے پر اکاوئنٹ فریز کر دیا گیا ،پنجاب ریونیو اتھارٹی نے ٹک ٹاکر ڈولی کے اکاؤنٹ سے 4.4 ملین روپے کی رقم وصول کر لی، رپورٹ کے مطابق ٹک ٹاکر ڈولی سے دیگر رقم کی وصولی کے لئے پراپرٹی ضبط یا دیگر اکاؤنٹ ہونے پر انہیں فریز کیا جائے گا

    ٹک ٹاکر ڈولی کو متعدد بار ٹیکس کی ادائیگی کے لئے نوٹس دیے گئے تھے ،تاہم انہوں نے ٹیکس کی ادائیگی نہیں کی، ڈولی کو متعدد بار ٹیکس کی ادائیگی کے لئے موقع فراہم کرنے کے باوجود ٹیکس کی ادائیگی نہ کرنے پر اکاوئنٹ فریز کیا گیا ،کمشنر پی آر اے مصباح نواز کی ہدایت پر انفورسمنٹ آفیسر سعود عتیق نے کاروائی کی

    دو خواجہ سراؤں کا قتل،پولیس نے خواجہ سراؤں کو دھکے مار کر تھانے سے نکال دیا

    پشاور میں پہلی بار خواجہ سراء کو منتخب کر لیا گیا، آخر کس عہدے کیلئے؟

    خواجہ سرا کے ساتھ گھناؤنا کام کر کے ویڈیو بنانیوالے ملزمان گرفتار

    دوستی نہ کرنے کا جرم، خواجہ سراؤں پر گولیاں چلا دی گئیں

    مردان میں خواجہ سرا کے ساتھ گھناؤنا کام کرنیوالے ملزما ن گرفتار

    مارگلہ ہلز میں آگ لگا کر ویڈیو بنانے والی خاتون ٹک ٹاکر کے 3 ساتھی گرفتار کر لئے گئے ہیں

  • 50 ہزار ماہانہ تنخواہ لینے والے افراد پر ٹیکس عائد کرنے کی تجویز واپس

    50 ہزار ماہانہ تنخواہ لینے والے افراد پر ٹیکس عائد کرنے کی تجویز واپس

    اسلام آباد: عالمی بینک نے 50 ہزار ماہانہ تنخواہ لینے والے افراد پر ٹیکس عائد کرنے کی تجویز واپس لے لی۔

    باغی ٹی وی :عالمی بینک کی ترجمان نے کہا کہ تجویز 2019 کے اعداد و شمار کی بنیاد پر جاری کی گئی تھی، جس کو حالیہ مہنگائی اور لیبر مارکیٹ کی صورتحال کے مطابق اپڈیٹ کرنے کی ضرورت ہے، بینک ٹیکسوں کے نفاذ کیلیے کسی قسم سفارش نہیں کر رہا، کسی بھی قسم کی تجویز دینے کیلیے نئے اعداد وشمار کا جائزہ لینا ضروری ہےعالمی بینک پاکستان کے ٹیکس سسٹم میں جامع اصلاحات کی سفارش کرتا ہے، ایسی اصلاحات کہ جن کے نتیجے میں ٹیکسوں کا بوجھ امیر افراد پر بڑھے اور غریب افراد کو ریلیف حاصل ہو۔

    حکومتی اعداد و شمار کے مطابق تنخواہ دار طبقے نے گزشتہ تین ماہ کے دوران مالدار ایکسپورٹرز اور ریئل اسٹیٹ سیکٹر کے مجموعی ٹیکس سے بھی زیادہ ٹیکس ادا کیا ہے، جولائی تا ستمبر کے دوران تنخواہ دار طبقے نے 70.6 ارب روپے کا ٹیکس ادا کیا ہے، جبکہ ایکسپورٹرز اور ریئل اسٹیٹ سیکٹر نے مجموعی طور پر 65 ارب روپے کا ٹیکس ادا کیا ہے جبکہ تنخواہ دار طبقے اور ریئل اسٹیٹ سیکٹر اور ایکسپورٹرز کے درمیان دولت کا کوئی موازنہ نہیں ہےتنخواہ دار طبقہ کنٹریکٹرز، بینک ڈپوزیٹرز اور امپورٹرز کے بعد سب سے زیادہ ٹیکس ادا کرنے والا چوتھا بڑا طبقہ ہے، جس کی اکثریت کا معیار زندگی انتہائی پست ہے، اور تنخواہ دار طبقے کی اکثریت اپنی آمد و رفت کیلیے پبلک ٹرانسپورٹ اور موٹرسائیکل کا سہارا لیتی ہے۔

    نجکاری کمیشن کل سے پی آئی اے کے مالی معاملات کا کنٹرول سنبھالے گ

    واضح رہے کہ تنخواہ دار طبقے پر ٹیکس بڑھا کر محصولات میں اضافے کی عالمی بینک کی تجویز سے ملک بھر کے پیشہ ور طبقے میں غم و غصے کی لہر دوڑ گئی تھی ، جو پہلے ہی مہنگائی کی وجہ سے پریشان ہیں،چیئرمین آل پرائیویٹ اسکولز ایسوسی ایشن (اے پی ایس اے) طارق شاہ نے کہا تھایہ تجویز بلاشبہ پریشان کن ہے، موجودہ حالات کو دیکھتے ہوئے میں پختہ یقین رکھتا ہوں کہ 50 ہزار روپے سے زیادہ کمانے والے افراد کو بھی ٹیکس میں ریلیف ملنا چاہیے۔

    سربراہ پرائیویٹ اسکولز مینجمنٹ ایسوسی ایشن دانش الزمان نے محدود آمدنی والے افراد پر ٹیکس کا بوجھ ڈالنے کو ’غیر انسانی‘ قرار دیا،پاکستان انجینئرنگ کونسل کے رکن عادل عسکری نے اس بات پر زور دیا کہ ایسا اقدام متوسط طبقے کو درپیش مشکلات مزید بڑھا دے گا،ان لوگوں پر دباؤ ڈالنا کوئی معقول خیال نہیں ہے جو پہلے سے ہی بجلی کے بھاری بلوں کی ادائیگی کے سبب مشکلات کا سامنا کر رہے ہیں۔

    کاروباری ہفتے کے دوران ڈالر کی قیمت میں نمایاں کمی ہوئی

    ینگ ڈاکٹرز ایسوسی ایشن کے ڈاکٹر عمر سلطان نے کہا کہ اس تجویز سے پاکستان ’غلطی سے‘ ایک ’ترقی یافتہ‘ ملک سمجھا جانے لگے گا حالانکہ پاکستان ایک ترقی پذیر ملک کے طور پر متعدد چیلنجز سے دوچار ہے، میرے خیال میں ایک لاکھ سے زائد تنخواہ کمانے والے لوگ بھی مالی طور پر مستحکم نہیں ہیں، انسانی حقوق کی بات کرنے والی ایک عالمی تنظیم ایک ایسے پسماندہ ملک کی آبادی سے ٹیکس ادا کرنے کی توقع کیسے رکھ سکتی ہے جنہیں پہلے ہی بلز کی ادائیگی میں مشکلات کا سامنا ہے؟-

  • ملازمین کو مفت بجلی یونٹس کیخلاف درخواست پر سماعت ملتوی

    ملازمین کو مفت بجلی یونٹس کیخلاف درخواست پر سماعت ملتوی

    ‏لاہور ہائیکورٹ: ملازمین کو مفت بجلی یونٹس اور بجلی بلوں میں ٹیکسز ختم کرنے کیلئے درخواست پر سماعت ہوئی

    عدالت نے ترمیمی پٹیشن کیلئے دائر متفرق درخواست منظور کرلی ،عدالت نے کیس کی سماعت 10 اکتوبر تک ملتوی کردی جسٹس شمس محمود مرزا نے شہری شاہد لطیف کی احمد عبداللہ ڈوگر ایڈووکیٹ کے توسط سے دائر درخواست پر سماعت کی،درخواست میں وزارت قانون، نیپرا اور واپڈا کو فریق بنایا گیا ہے

    لاہور ہائیکورٹ میں دائر درخواست میں کہا گیا ہے کہ بجلی کے بلوں میں مختلف نوعیت کے ٹیکسز وصول کئے جارہے ہیں،ایف سی سرچارج، جی ایس ٹی، ٹی وی فیس، الیکٹریسٹی ڈیوٹی سمیت ٹیکسز وصول کئے جارہے ہیں، اعلی عدالتیں بجلی کے مختلف ٹیکسوں کی وصولی غیر قانونی قرار دے چکی ہیں، واپڈا ملازمین کو اربوں روپے کی مفت بجلی فراہم کی جارہی ہے ,بجلی بلوں میں ایک یونٹ کے فرق پر ہزاروں روپے اضافہ کردیا جاتاہے،بجلی بلوں میں بھاری اضافے نے عوام کی زندگی اجیرن بنا دی، عدالت سرکاری ملازمین کو مفت بجلی یونٹس کی فراہمی روکنے کا حکم دے عدالت بجلی کے بلوں میں ٹیکسوں کی وصولی کالعدم قرار دے

    بجلی کے بھاری بلوں کیخلاف پہیہ جام ہڑتال جاری

    مہنگائی، بچوں کو بھوکا دیکھنا مشکل کام خود کشیاں، احتجاج، بجلی بل موت کا پروانہ

    نگران حکومت سے عوام کی توقعات ، تحریر:ڈاکٹر سبیل اکرام

    سیاستدان سیاست پر ملک کے مفاد کو ترجیح دیں، ڈاکٹر سبیل اکرام

    پاکستان کا زرعی ومعاشی مستقبل نئے ڈیموں کی تعمیر سے وابستہ ہے ،ڈاکٹر سبیل اکرام

    حکومت بھارت کی آبی جارحیت کا فوری سدباب کرے،ڈاکٹر سبیل اکرام

    پنجاب حکومت کا بجلی چوروں کیخلاف کریک ڈاؤن شروع کرنے کا فیصلہ

    واضح رہے کہ گزشتہ ماہ شہریوں کے بجلی کے بل اتنے آئے کہ شہری سڑکوں پر آ گئے، حکومت نے ٹیکس لگا دیئے، جتنے یونٹ استعمال ہوئے، اس سے کئی گنا زیادہ بل موصول ہوئے،290 یونٹ استعمال کرنے والوں کو بارہ بارہ ہزار کا بل ملا تو وہیں کئی شہریوں کو چالیس پچاس ہزار کا بھی بل ملا، زیادہ بل آنے پر شہریوں نے احتجاج کیا، بل جمع نہیں کروائے، وزیراعظم نے نوٹس لیا، ابھی تک زائد بلوں کے حوالہ سے آئی ایم ایف سے بات چل رہی تھی کہ حکومت نے دوبارہ بجلی کی قیمت بڑھا دی ہے،

    پاکستان میں شہریوں کے بجلی کے بل اتنے آئے کہ شہریوں نے گھریلو اشیا فروخت کرنا شروع کر دیں تو وہیں خود کشیاں بھی ہونے لگیں، بجلئ کے بلوں نے عوام کی چیخیں نکلوا دی ہیں، بجلی کے بلوں کی وجہ سے عوام نے احتجاج کیا، لیکن ابھی تک آئی ایم ایف کے ساتھ ہونے والی بات چیت سے یوں لگتا ہے کہ عوام کو کسی قسم کا ریلیف نہیں ملا، کیونکہ جو بل آیا وہ تو ادا کرنا ہی پڑے گا،

  • بجلی کے بلوں میں ریلیف، آئی ایم ایف نے تحریری پلان مانگ لیا

    بجلی کے بلوں میں ریلیف، آئی ایم ایف نے تحریری پلان مانگ لیا

    بجلی کے بلوں کے معاملہ پر آئی ایم ایف نے ریلیف کے لئے پاکستانی حکام سے تحریری پلان مانگ لیا

    پاکستان اور آئی ایم ایف حکام کے مابین ورچوئل رابطہ ہوا ہے، پاکستان کی نگران وزیر خزانہ شمشاد اختر نے آئی ایم ایف کی نمائندہ ایسٹر پیریز سے رابطہ کیا اور بجلی کے بلوں میں ریلیف کیلئے بات چیت کی، میڈٍیا رپورٹس کے مطابق وزیر خزانہ شمشاد اختر نے آئی ایم ایف کو بجلی بلوں میں اضافے کے بعد کی صورتحال سے آگاہ کیا اور بجلی بلوں میں ریلیف کیلئے مختلف تجاویز پیش کیں،

    میڈیا رپورٹس کے مطابق آئی ایم ایف حکام نے بجلی کے بلوں میں ریلیف کیلئے پاکستان کے مؤقف پر بریفنگ لی اور بجلی کے بلوں میں ریلیف کے لیے پاکستانی حکام سے تحریری پلان مانگ لیا ،

    پاکستانی حکام کی جانب سے آج شام تک آئی ایم ایف کو تحریری پلان بھیجے جانے کا امکان ہے ،اگلے چند روز میں ایف بی آر حکام اورآئی ایم ایف کا دوبارہ رابطہ ہو گا ،

    ورچوئل مذاکرات میں نگران وزیر خزانہ, سکرٹری خزانہ اور ایف بی حکام نے شرکت کی ،اسٹینڈ بائی معاہدے کے تحت ایف بی آر کی دو ماہ کی کارکردگی کے جائزہ لیا گیا .آئی ایم ایف کو ایف بی آر نے رواں مالی سال کے پہلے دو ماہ میں ریونیو اکٹھا کرنے کی کارکردگی رپورٹ پیش کی ،ورچوئل مذاکرات میں آنے والے مہینوں کے تخمینوں کا جائزہ بھی لیا گیا ،آئی ایم ایف کو جولائی اور اگست کی آمدنی کی کارکردگی پر بریفنگ دی گئی،

    بجلی بحران کے فوری حل کیلیے نگران وزیراعظم پاکستان کو پانج نکاتی مشورہ

    بجلی کے بل میں ریلیف کے لیے موثر اقدامات کی ضرورت

    بجلی کی قیمتوں میں اضافہ،مرکزی مسلم لیگ کا ملک گیر احتجاجی تحریک کا آغاز

    بجلی بلوں کی کڑک: کن مدوں میں عوام ٹیکس دیتی ہے، ایک تجزیہ!تحریر: ملک شفقت اللہ

    بجلی کے بلوں میں اضافہ پرشہری سڑکوں پرنکل آئے

    نگران وزیراعظم انوار الحق کاکڑ نے بجلی کے نرخوں کے حوالے سے ہنگامی اجلاس طلب کرلیا

    پیس اینڈ جسٹس سوسائٹی پاکستان کے چیئرمین میاں نعیم الدین نے کہا ہے کہ بجلی کے بل غریب لوگوں کیلئے موت کا پروانہ بن چکے ہیں، عوام بجلی کے بلوں میں بے تحاشا اضافے کے خلاف سراپا احتجاج ہے ، غریب اور متوسط طبقہ فاقہ کشی اور خودکشیاں کرنے پر مجبور ہورہا ہے اگر بجلی بلوں پر عوام کو ریلیف نہ دیا گیا توملک میں انارکی پھیلے گی اور اس کی ذمہ دارنگران حکومت اور ماضی کے حکمران ہوں گے ۔ ان خیالات کا اظہار انہوں نے لاہور پریس کلب کے باہر احتجاجی مظاہرے سے خطاب کرتے ہوئے کیا۔ پیس اینڈ جسٹس سوسائٹی پاکستان کے چیئرمین میاں نعیم الدین نے کہا کہ بجلی بل میں13 قسم کے ٹیکسز کے ذریعے ہر مہینے ڈاکہ غریب عوام کی جیبوں پر ڈالا جا رہا ہے،پور ے ملک میں بجلی کے بلوںمیں ہوشربا اضافے کے خلاف صدائے احتجاج بلند ہو رہی ہے، ہر شعبہ ہائے زندگی سے تعلق رکھنے والا شخص پریشان ہے اس کے برعکس اشرافیہ کو بجلی ،گیس ، پٹرول سمیت دیگر سہولیات مفت میں دستیاب ہیں ۔ میاں نعیم الدین کا کہنا تھا کہ آئی ایم ایف کے غلام حکمرانوں کی وجہ سے 24کروڑعوام کی زندگی اجیرن بن چکی ہے،غربت ،مہنگائی،بے روزگاری ،کرپشن، لوٹ مار اورسود پر مبنی استحصالی نظام نے قوم کو بد حال کر دیا ہے، اقتصادی بحران جنم لے رہا ہے، ملکی حالات انارکی کی جانب بڑھ رہے ہیں ، ملک کی موجودہ صورتحال میں حکمران طبقہ اور طاقتور ادارے ہوش کے ناخن لیں کیونکہ اگرسول نافرمانی تحریک شروع ہو گئی تو پاکستان کے حالات سری لنکا سے زیادہ خراب ہوں گے۔