Tag: پاسپورٹ

سعودی عرب میں پاکستانی سفارت خانے میں تکنیکی وجوہات کے باعث پاسپورٹ سے متعلق خدمات عارضی طور پر معطل ہوں گی-

سعودی عرب میں پاکستانی سفارت خانے میں تکنیکی وجوہات کے باعث پاسپورٹ سے متعلق خدمات عارضی طور پر معطل کر دی گئی ہیں، جس سے درخواست گزاروں کو مشکلات کا سامنا کرنا پڑ سکتا ہے۔

پاکستانی سفارت خانے کی طرف سے سوشل میڈیا پر اعلان کے مطابق تکنیکی مرمت اور دیکھ بھال کے باعث سفارتخانے میں پاسپورٹ سے متعلق تمام خدمات بدھ اور جمعرات، 29 اور 30 اپریل 2026 کو معطل رہیں گی۔

امریکا نے پاسپورٹ کا نیا ڈیزائن متعارف کرا دیا ہے جس میں امریکی صدر ڈونلڈ ٹرمپ کی تصویر شامل کی گئی ہے،پاسپورٹ صرف واشنگٹن پاسپورٹ ایجنسی میں دستیاب ہوں گے۔

فوکس نیوز کے مطابق امریکی محکمہ خارجہ کا کہنا ہے کہ محدود تعداد میں یادگاری پاسپورٹس جاری کیے جائیں گے جن میں صدر ٹرمپ کا پورٹریٹ شامل ہوگا یہ اقدام امریکا کی آزادی کے 250 سال مکمل ہونے کی تقریبات کے سلسلے میں جولائی میں کیا جا رہا ہے، ان پاسپورٹس میں جدید اور منفرد ڈیزائن کے ساتھ سیکیورٹی فیچرز بدستور برقر ار رہیں گے، جاری کردہ نمونوں میں پاسپورٹ کے ایک صفحے پر ٹرمپ کی تصویر جبکہ سامنے 1776 میں اعلانِ آزادی پر دستخط کا منظر دکھایا گیا ہے۔

حکام کا کہنا ہے کہ یہ واضح نہیں کہ شہریوں کو اس یادگاری پاسپورٹ کے حصول سے انکار کا اختیار ہوگا یا نہیں، تاہم اس کے لیے کوئی اضافی فیس وصول نہیں کی جائے گی،اس سے قبل بھی ٹرمپ انتظامیہ کی جانب سے مختلف سرکاری اشیا اور منصوبوں پر صدر کا نام یا تصویر شامل کی جا چکی ہے، جن میں یادگاری سکے، کرنسی پر دستخط، اور دیگر سرکاری اقدامات شامل ہیں۔

سعودی عرب نے مملکت میں موجود لاکھوں اونٹوں کو پاسپورٹ جاری کرنے کا فیصلہ کر لیا۔

سعودی خبر ایجنسی کے مطابق اس منصوبے کا مقصد سعودی عرب کے قیمتی اونٹوں کے ریوڑوں کا بہتر انتظام اور نگرانی کرنا ہے، سعودی وزارتِ ماحو لیا ت، پانی اور زراعت کے مطابق اس منصوبے سے اونٹوں کے شعبے میں پیداواری صلاحیت اور مجموعی کارکردگی میں اضافہ ہوگا۔

اس اقدام سے اونٹوں سے متعلق ایک جامع اور قابلِ اعتماد ڈیٹا بیس بھی تیار کیا جا سکے گا، وزارت ماحولیات نے اونٹوں کے پاسپورٹ کی تصویر بھی شیئر کی ہے، اونٹوں کیلئے پاسپورٹ سبز رنگ کا ہے، پاسپورٹ پر سعودی عرب کا قومی نشان اور سنہری رنگ میں اونٹ کی تصویر نمایاں ہے۔

کشمیر دنیا کا ایک خطرناک نیوکلیئر فلیش پوائنٹ ہے،مشعال ملک

مملکت کے سرکاری اعداد و شمار کے مطابق 2024 میں اونٹوں کی تعداد تقریباً 22 لاکھ تھی، اونٹ صدیوں سے عرب دنیا میں نقل و حمل کا ایک اہم ذریعہ رہے ہیں اور آج بھی انہیں وقار اور سماجی حیثیت کی علامت سمجھا جاتا ہے۔

بلوچستان میں آپریشن رد الفتنہ ون کامیابی سے مکمل ،216 دہشتگرد جہنم واصل

دنیا کا سب سے طاقتور پاسپورٹ، جو دنیا بھر میں سفر کرنے کے خواہشمند افراد کے لیے سب سے زیادہ پسندیدہ قرار دیا گیا ہے، 2025 میں سنگاپور کے پاس ہے۔ سنگاپور اپنے پاسپورٹ کو دوبارہ سر فہرست رکھنے میں کامیاب ہوا ہے اور اب اس کے شہریوں کو 227 مقامات میں سے 195 پر ویزا کے بغیر داخلے کی سہولت حاصل ہے، جو کہ دنیا کے کسی بھی ملک کے شہریوں سے زیادہ ہے۔

جاپان دوسرے نمبر پر ہے اور اس کے پاسپورٹ کے حامل افراد کو 193 مقامات پر ویزا فری داخلے کی اجازت ہے۔ جاپان نے چین کے ساتھ ویزا فری معاہدہ دوبارہ بحال کیا ہے، جس سے اس کی پوزیشن میں بہتری آئی ہے۔ چین کے ساتھ یہ معاہدہ کووِڈ-19 کی بندشوں کے بعد پہلی بار بحال ہوا ہے۔یورپی یونین کے رکن ممالک جیسے فرانس، جرمنی، اٹلی، اسپین، فن لینڈ اور جنوبی کوریا مشترکہ طور پر تیسری پوزیشن پر ہیں، جہاں کے پاسپورٹ ہولڈرز کو 192 مقامات پر ویزا فری داخلہ حاصل ہے۔چوتھی پوزیشن یورپی یونین کے سات ممالک کے پاس ہے جن کے پاسپورٹ ہولڈرز کو 191 مقامات تک ویزا فری رسائی حاصل ہے۔ ان ممالک میں آسٹریا، ڈنمارک، آئرلینڈ، لکسمبرگ، نیدرلینڈز، ناروے اور سویڈن شامل ہیں۔پانچویں پوزیشن پر بیلجیم، نیوزی لینڈ، پرتگال، سوئٹزرلینڈ اور برطانیہ ہیں، جن کے پاسپورٹ ہولڈرز کو 190 مقامات پر ویزا فری رسائی حاصل ہے۔

جہاں دنیا کے سب سے طاقتور پاسپورٹس کے حامل ممالک کی فہرست نے دنیا بھر میں لوگوں کی توجہ حاصل کی، وہیں افغانستان 106ویں نمبر پر ہے، جہاں کے پاسپورٹ ہولڈرز کو صرف 26 مقامات تک ویزا فری رسائی حاصل ہے۔ اس کے علاوہ شام اور عراق کے پاسپورٹس بھی اس فہرست میں کمزور پوزیشن پر ہیں۔

ہینلے اینڈ پارٹنرز کے چیئرمین کرسچن ایچ کیلن نے کہا کہ شہریوں کے حقوق اور ان کی نقل مکانی کی سہولت پر نئے حالات کو مدنظر رکھتے ہوئے غور و فکر کی ضرورت ہے، کیونکہ قدرتی آفات اور سیاسی عدم استحکام کی وجہ سے لوگ اپنے گھر چھوڑنے پر مجبور ہو رہے ہیں۔

یو اے ای نے 2015 سے اب تک 72 نئے ممالک کے لیے ویزا فری رسائی حاصل کی ہے، جس کے نتیجے میں اس کا پاسپورٹ 32 درجے اوپر چلا گیا ہے اور اب یہ 10ویں نمبر پر ہے۔چین نے بھی اس فہرست میں بہتری دیکھی ہے اور 2015 میں 94ویں نمبر سے بڑھتے ہوئے اب 2025 میں 60ویں نمبر پر پہنچ گیا ہے۔

گلوبل پاسپورٹ پاور رینک 2025
سنگاپور (195 مقامات)
جاپان (193 مقامات)
فرانس، جرمنی، اٹلی، اسپین، فن لینڈ، جنوبی کوریا (192 مقامات)
آسٹریا، ڈنمارک، آئرلینڈ، لکسمبرگ، نیدرلینڈز، سویڈن، ناروے (191 مقامات)
بیلجیم، نیوزی لینڈ، پرتگال، سوئٹزرلینڈ، برطانیہ (190 مقامات)
یونان، آسٹریلیا (189 مقامات)
کینیڈا، پولینڈ، مالٹا (188 مقامات)
ہنگری، چیکیا (187 مقامات)
ایسٹونیا، امریکہ (186 مقامات)
لتھونیا، لیٹویا، سلووینیا، متحدہ عرب امارات (185 مقامات)

ہینلے اینڈ پارٹنرز کی جانب سے جنوری سے جون 2025 کے لیے جاری کی گئی عالمی پاسپورٹس کی طاقت کی فہرست کے مطابق پاکستانی پاسپورٹ کو دنیا کے 33 ممالک میں ویزا فری رسائی حاصل ہے۔ اس فہرست میں ویزا فری رسائی کو تین مختلف کیٹیگریز میں تقسیم کیا گیا ہے، جن میں "حقیقی ویزا فری سفر”، "ویزہ آن ارائیول” اور "الیکٹرونک ٹریول اتھارٹی” (ای ٹی اے) شامل ہیں۔

حقیقی ویزا فری سفر: اس میں وہ ممالک شامل ہیں جہاں پاکستانی شہریوں کو کسی قسم کا ویزا یا پیشگی انتظام کی ضرورت نہیں ہوتی۔
ویزہ آن ارائیول: ان ممالک میں پاکستانی شہریوں کو ان کے پہنچنے پر ویزا دیا جاتا ہے۔
الیکٹرونک ٹریول اتھارٹی (ای ٹی اے): ان ممالک میں پاکستانی شہریوں کو الیکٹرانک طریقے سے ویزا یا اجازت حاصل کرنا ضروری ہوتا ہے۔

پاکستانی پاسپورٹ کو جن 12 ممالک میں ویزا فری رسائی حاصل ہے، ان میں شامل ہیں
بارباڈوس: یہ کیریبئین جزائر کا ایک ملک ہے جہاں پاکستانی شہری بغیر ویزے کے قیام کر سکتے ہیں۔
جزائر کک: جنوبی بحرالکاہل کا یہ ملک بھی پاکستانی شہریوں کو ویزا فری رسائی فراہم کرتا ہے۔
ڈومینیکا: کیریبئین جزائر کا ایک چھوٹا ملک ہے، جہاں پاکستانی شہری بغیر ویزے کے قیام کر سکتے ہیں۔
ہیٹی: ایک اور کیریبئین جزیرہ نما ملک ہے، جہاں پاکستانیوں کو ویزا فری رسائی حاصل ہے۔
مڈغاسکر: افریقہ کا چوتھا سب سے بڑا جزیرہ اور دنیا کا مشہور سیاحتی مقام، یہاں بھی پاکستانی شہری بغیر ویزے کے جا سکتے ہیں۔
مائیکرو نیشیا: بحر الکاہل میں واقع یہ ملک پاکستانی شہریوں کے لیے ویزا فری ہے۔
مانٹسریٹ: یہ برطانیہ کے زیر انتظام جزائر ہیں، جہاں پاکستانیوں کو ویزا فری رسائی حاصل ہے۔
نیووے: جنوبی بحرالکاہل کے جزائر پر مشتمل یہ ملک بھی پاکستانیوں کو ویزا فری رسائی فراہم کرتا ہے۔
روانڈا: یہ افریقی ملک پاکستانی شہریوں کو ویزا فری رسائی کی سہولت دیتا ہے۔
سانٹ ونسنٹ اینڈ دی گرینیڈائنز: یہ کیریبئین کا ایک چھوٹا سا ملک ہے، جہاں پاکستانی بغیر ویزے کے قیام کر سکتے ہیں۔
ٹرینیڈاڈ اینڈ ٹوباگو: کیریبئین کے اس ملک میں بھی پاکستانیوں کے لیے ویزا فری رسائی ممکن ہے۔
وانواتو: یہ آسٹریلیا کے قریب واقع جزائر پر مشتمل ملک ہے، جہاں پاکستانی شہری بغیر ویزے کے قیام کر سکتے ہیں۔

گرچہ پاکستانی پاسپورٹ کو ویزا فری رسائی حاصل ہے، مگر اس بات کا خیال رکھنا ضروری ہے کہ ان ممالک میں جانے کے لیے پاسپورٹ کی درست حالت اور مدتِ معیاد کا خیال رکھنا لازمی ہے۔ اس کے علاوہ، بعض ممالک میں دیگر ضروریات بھی ہو سکتی ہیں جیسے کہ صحت کی حالت، مالی حیثیت یا پرواز کی بکنگ،پاکستانیوں کے لیے یہ ایک مثبت ترقی ہے کہ عالمی سطح پر ان کے پاسپورٹ کو ویزا فری رسائی حاصل ہے، جو بین الاقوامی سفر کے مواقع کو مزید وسیع کرتا ہے۔

اسپین جانے والی پناہ گزین کشتی پر بچی کی پیدائش

نائیجیریا کا سب سے بڑا شہر موسم سرما کی پارٹی کی منزل

دہلی ایئر پورٹ پر شہری گرفتار، سامان سے مگرمچھ کی کھوپڑی برآمد

مرکزی مسلم لیگ کا یونین کونسلز کی سطح پر رکنیت سازی کیمپ لگانے کا فیصلہ