اسلام آباد:حکومتِ پاکستان نے عوام کی سہولت اور دیرینہ مطالبے پر پاسپورٹ کو ان کی دہلیز پر پہنچانے کی نئی ڈیجیٹل سروس شروع کرنے کا اصولی فیصلہ کیا ہے۔
ڈی جی امیگریشن اینڈ پاسپورٹ محمد علی رندھاوا کی زیر صدارت ایک اہم اجلاس ہوا جس میں امیگریشن اینڈ پاسپورٹ ڈیپارٹمنٹ کی ڈیجیٹل ایپ کی پیشرفت کا تفصیلی جائزہ لیا گیا، اجلاس میں شہریوں کے لیے ڈور اسٹیپ پاسپورٹ ڈیلیوری سروس کے آغاز کا فیصلہ کیا گیا۔
اجلاس میں بتایا گیا کہ پاسپورٹ ڈیلیوری کے نئے ایس او پیز کو حتمی شکل دے دی گئی ہے، جس کے بعد اس سروس پر عملدرآمد شروع کیا جائے گا، حکام کے مطابق اس اقدام کا مقصد شہریوں کو طویل قطاروں اور دفاتر کے چکر سے نجات دلانا اور خدمات کو زیادہ تیز اور مؤثر بنانا ہے تاکہ پاسپورٹ کا حصول آسان ہو سکے حکام کا کہنا ہے کہ اس ڈیجیٹل نظام کے مکمل نفاذ کے بعد پاسپورٹ بنوانے کا عمل نہ صرف تیز ہوگا بلکہ شفافیت بھی یقینی بنے گی۔