بھارت نے 14 پاکستانیوں کو سمندر سے منشیات سمیت گرفتار کر لیا
بھارتی کوسٹ گارڈ نے دعویٰ کیا ہے کہ انہوں نے گجرات کے ساحل سے دور بین الاقوامی میری ٹائم بارڈر لائن کے قریب 14 پاکستانی شہریوں کو گرفتار کیا ہے،جن کے قبضے سے 80 کلو منشیات برآمد ہوئی ہے، کاروائی این سی بی اور اے ٹی ایس گجرات نے کی، سوشل میڈیا پربھارتی کوسٹ گارڈ نے پوسٹ کرتے ہوئے کہا کہ سمندر میں ایک کاروائی کی گئی جس میں ایک کشتی جس کا تعلق پاکستان سے ہے، مغربی بحیرہ عرب میں پکڑی ہے، اس کشتی پر عملہ بھی پاکستانی تھا، عملے کے 14 افراد کشتی پر سوار تھے، دوران تلاشی کشتی سے 80 کلو منشیات برآمد ہوئی ہے،جس کی قیمت چھ سو کروڑ بنتی ہے،
رواں برس ماہ فروری میں بھی این سی بی اور بھارتی بحریہ نے گجرات کے ساحل کے قریب منشیات کی کھیپ پکڑی تھی۔ اس وقت مشترکہ آپریشن میں 3 ہزار 132 کلو منشیات ضبط کی گئی تھیں جن کی مالیت 1000 کروڑ روپے سے زیادہ تھی،اس آپریشن میں پانچ افراد کو گرفتار کیا گیا تھا،
پاکستان میں تعینات ایرانی سفیر نے کہا ہےکہ اسرائیلی جہاز پر اگر کوئی پاکستانی موجود ہے تو اسے برادرانہ تعلقات پر چھوڑ دیا جائے گا
ایران کے زیرتحویل اسرائیلی جہاز میں پاکستانی عملےکی موجودگی کے معاملے پر ایران کے سفیر رضا مقدم نے بیان دیتے ہوئے کہا ہے کہ کہ زوڈائیک کمپنی کےجہازپرکسی پاکستانی شہری کے موجود ہونےکی تصدیق کا انتظارہے، کل پاکستانی وزارت خارجہ کی جانب سے فراہم کردہ معلومات موصول ہوگئی ہیں جو تہران بھیجی ہیں اگر اس جہاز پر کوئی پاکستانی شہری موجود ہوا، تو قانونی تقاضوں اور برادرانہ تعلقات پراسے رہا کر دیں گے
قبل ازیں پاکستان کے دفتر خارجہ نے ایرانی مسلح افواج کی جانب سے قبضے میں لیے گئے جہاز پر 2 پاکستانیوں کی موجودگی کا معاملہ ایرانی حکومت کے سامنے اٹھا دیا ہے،ایرانی سفارتخانے کو جہاز میں موجود دونوں پاکستانیوں شہریوں کی تفصیلات دے دی گئی ہیں، ایران کی جانب سے جس اسرائیلی جہاز پر قبضہ کیا گیا اس میں دو پاکستانی شہری موجود ہیں جبکہ اس میں بھارتی شہری بھی موجود ہیں،اسلام آباد میں ایرانی سفارتخانے نے معلومات تہران تک پہنچا دی ہیں، دونوں پاکستانیوں کی جلد رہائی کا امکان ہے۔
ایرانی فورسز نے آبنائے ہرمز میں اسرائیلی کمپنی کے پرتگالی جہاز پر قبضہ کیا ہے،اسرائیلی میڈیا کے مطابق پرتگالی جہاز ایم ایس سی ایریز اسرائیلی ارب پتی ایال اوفر کی کمپنی کا ہے،اسرائیلی میڈیا کے مطابق ایران کی جانب سے قبضے میں لیے گئے جہاز پر فلپائن کا 20 رکنی عملہ بھی ہے۔
صیہونی حکومت کیخلاف ایران کی عسکری کارروائی ایک متناسب فوجی کارروائی تھی،ایرانی سفارتخانہ
دوسری جانب پاکستان میں ایرانی سفارتخانے نے اسرائیل پر ایرانی حملے کے حوالہ سے بیان جاری کیا ہے جس میں کہا گیا ہے کہ ایران کی جانب سے اسرائیل پر حملے کا مقصد مقبوضہ فلسطین میں فوجی اڈوں کو نشانہ بنانا تھا، کسی شہری، غیر فوجی مراکز بشمول شہروں، اسپتالوں، عبادت گاہوں، انفرااسٹرکچر وغیرہ کو نشانہ نہیں بنایا، صیہونی حکومت کیخلاف ایران کی عسکری کارروائی ایک متناسب فوجی کارروائی تھی، کارروائی یو این چارٹر کے آرٹیکل 51 کے مطابق دفاع کے موروثی اور جائز حق کے فریم ورک کے اندر کی گئی تھی، کارروائی دمشق میں ایرانی سفارتخانے کے قونصلر سیکشن کو نشانہ بنانے والے صیہونی حکومت کے فوجی حملے کے جواب میں تھی، ایران یو این کے چارٹر کے اصولوں اور اہداف کی پاسداری پر زور دیتا ہے، ایران طاقت کے کسی بھی غیرقانونی استعمال اور جارحیت کیخلاف اپنی خودمختاری، علاقائی سالمیت اور قومی مفادات کا دفاع کرنے کے عزم پر زور دیتا ہے، ایران کا اپنے دفاع کے حق کو استعمال کرنے کیلئے جائز دفاعی اقدامات ایک ذمہ دارانہ رویے کے عکاس ہیں،صیہونی حکومت غزہ کے بے گناہ لوگوں کی نسل کشی اور قتل عام کر رہی ہے، ایران بارہا کہہ چکا ہے کہ وہ اپنے اصولی ڈھانچے میں خطے میں جنگ اور کشیدگی کے دائرہ کار کو بڑھانے کی کوشش نہیں کرتا، ایران نے اس مسئلے پر ذمہ دارانہ تحمل کا مظاہرہ کیا ہے، موجودہ صورتحال حل کرنے کی کلید غزہ میں جنگ کا فوری خاتمہ اور جنگ بندی ہے، جنگ زدہ علاقوں میں انسانی امداد کی آزادانہ روانی ہے، ایران کا ردعمل کم سے کم اور کم سے کم حد تک تھا، ایرانی ردعمل زیادہ سخت ہوسکتا تھا، اگر صیہونی حکومت دوبارہ یہی کام کرتی ہے تو اس بار ایرانی ردعمل زیادہ سخت اور فیصلہ کن ہوگا
دوسری جانب ایران نے ضبط شدہ اسرائیلی بحری جہاز کے بھارتی عملے سے سفارتی حکام کو ملاقات کی اجازت دی ہے، ایران نے اسرائیلی جہاز کو قبضے میں لیا جس میں دو پاکستانی اور 17 بھارتی شہری سوار تھے،بھارتی میڈیا کے مطابق بھارت نے اپنے شہریوں کی حفاظت اور جلد از جلد رہائی کو یقینی بنانے کے لئے سفارتی ذرائع سے ایرانی حکام سے رابطہ کیا جس کے بعد ایران نے سفارتی حکام کو ملاقات کی اجازت دے دی ہے،
ملائشیا میں نماز عید کے لیے جاتے ہوئے چھ پاکستانیوں کو تیز رفتار گاڑی نے کچل دیا۔
باغی ٹی وی: ملائشیا کی ریاست پیراک کے شہر ایپوہ میں نماز عید کے لیے جاتے ہوئے چھ پاکستانیوں کو تیز رفتار گاڑی نے کچل دیاجس میں سے تین پاکستانی موقع پر جاں بحق ہوگئے، جبکہ تین افراد کو انتہائی تشویش ناک حالت میں ہسپتال میں داخل کروا دیا گیا۔
اس حادثہ کے فوراً بعد مقامی پاکستانی کمیونٹی نے اپنی مدد آپ کے تحت حادثے کے ذمہ دار ڈرائیور کو پکڑ کر پولیس کے حوالہ کردیا، جس سے ابتدائی تفتیش جاری ہے عید کے دن اس سانحہ سے ملائشیا میں مقیم پوری پاکستانی کمیونٹی انتہائی دکھ کا شکار ہے، پاکستانی شہریوں کا گاڑی کے حادثہ کا شکار ہو کر جاں بحق ہونے کا یہ ایک ہی ہفتہ میں دوسرا مسلسل واقعہ ہےپاکستانی کمیونٹی کی طرف سے قانون نافذ کرنے والے اداروں کی جانب سے بلا تفریق انصاف کی فراہمی کا پرزور مطالبہ کیا جارہا ہے۔
بھارت جیل میں قید پاکستانی قیدی نے خود کشی کی کوشش کی ہے ،پاکستانی شہری کو تشویشناک حالت میں ہسپتال منتقل کر دیا گیا
بھارت کی جیلوں میں کئی پاکستانی قید ہیں،بھارتی جیل میں قید پاکستانی شہری حامد خان نے خود کشی کی کوشش کی ہے، حامد خان کی عمر 60 سال ہے اور وہ بھارت کی الوار جیل میں قید ہے، حامد خان کی سزا پوری ہو چکی ہے اسکے باوجود بھارت حامد کو رہا نہیں کر رہا، بھارتی حکام کے نامناسب رویئے کی وجہ سے حامد خان نے جیل میں خود کشی کی کوشش کی ہے، حامد خان کی حالت تشویشناک بتائی جا رہی ہے
بھارتی جیلوں میں 347 پاکستانی شہری قید ہیں، جن میں سے 76 کی سز امکمل ہو چکی تا ہم بھارت انکو رہا نہیں کر رہا،ان پاکستانی قیدیوں میں سے اکثر بھارت شادی کی غرض سے بھی گئے لیکن گرفتار کر لیے گئے،ان پاکستانی شہریوں پر مقبوضہ کشمیر میں دہشت گردی جیسے من گھڑت الزامات عائد کیے گئے ہیں،
ہندوستانی جیلوں میں قید پاکستانیوں کے ساتھ انتہائی ظالمانہ اور ناروا سلوک کیا جاتا ہے سینکڑوں افراد کو ایک سخت قید میں ایک ساتھ رکھا گیا ہے اور سونے کے لئے پتھریلے فرش پر بچھانے کے لئے صرف ایک پتلا سا میٹ مہیا کیا گیا ہے،ہندستانی جیل میں قید ایک قیدی اعجاز جوزف کا کہنا ہے کہ جب بجلی نہیں ہوتی ہے تو ، بیرک بھٹی بن جاتی ہے ، اس حد تک کہ بو اور دم گھٹنے سے ایک شخص سانس بھی نہیں لے سکتا ہے ، جیلوں میں زیادہ تعداد میں مسلمان قیدی ہیں ، لیکن ان کی مذہبی یا روحانی ضروریات کو پورا کرنے کے لئے بنیادی سہولیات غائب ہیں سہولیات نہ ہونے کے برابر ہیں جبکہ جیل میں بنائے گئے واش روم گندے اور بمشکل استعمال کے قابل ہیں-
پاکستانی بیرون ممالک میں بھی جرائم سے باز نہ آئے، ڈکیتی و قتل کی وارداتوں کی وجہ سے پانچ پاکستانی موت کے پھندے تک پہنچ گئے، سعودی عرب میں پانچ پاکستانی شہریوں کو سزائے موت دے دی گئی
برادر اسلامی ملک سعودی عرب کے وزارتِ داخلہ حکام نے بتایا کہ جن پاکستانیوں کو پھانسی دی گئی ان 5 پاکستانیوں نے نجی کمپنی میں ڈکیتی کی تھی اور بنگلہ دیشی چوکیدار انیس میاں کو جان سے مار دیا تھا واقعہ کے بعد سیکورٹی اداروں نے تحقیقات کیں اور پانچوں ملزمان کو گرفتار کیا،عدالت نے الزامات ثابت ہونے پر 5 پاکستانیوں ارشد علی ، عبدالمجید اور عبدالغفار ،خالد حسین اور عبدالغفار میر بحر لطف اللّٰہ کو موت کی سزا سنائی تھی
سعودی اپیل کورٹ نے فیصلے کو برقرار رکھا تھا جبکہ سعودی شاہی ایوان نے پانچوں مجرمان کی موت کی سزا کے حتمی فیصلے پر عمل درآمد کی منظوری دی تھی جس پر گزشتہ روز عمل درآمد کرتے ہوئے پانچوں مجرمان کو سزا دے دی گئی ہے،
قبل ازیں سعودی عرب میں منشیات اسمگلنگ کا جرم ثابت ہونے پر ایک پاکستانی کو سزائے موت دی گئی۔ پاکستانی شہری گلزار خان ولد منت خان کو ہیروئن کی اسمگلنگ کے الزام میں گرفتار کیا گیا تھاعدالت میں سماعت کے دوران گلزار خان پراسمگلنگ کا الزام ثابت ہوا تھا جس پر اسے سزائے موت سنائی گئی تھی.اس کے علاوہ عبدالرحیم حمیدی الجوہر نامی شامی شہری کا بھی ممنوعہ نشہ آور گولیاں درآمد اور وصول کرنے پر سر قلم کیا گیا ہے۔
یوٹیوب نے آج ٹاپ ٹرینڈنگ ویڈیوز، میوزک ویڈیوز، شارٹس، کریئیٹرز، اور ابھرتے ہوئے کریئیٹرز کی رینکنگ لسٹ جاری کردی ہے۔ یہ لسٹ سال 2023 میں آن لائن اور آف لائن رونما ہونے والے نہایت خاص لمحات کی عکاسی کرتی ہے۔
یوزرز اور کریئیٹرز کے لیے یوٹیوب شارٹس کی آمد ایک تازہ ہوا کا جھونکا ثابت ہوئی جس سے اُن کی ایکٹو کانٹینٹ کی خواہش سامنے آتی ہے۔ یوٹیوب صارفین معلومات اور تفریحی کانٹینٹ کے متلاشی رہتے ہیں جس کی رفتار تیز ہونے کے ساتھ اُس میں درست تفصیلات بھی شامل ہوں۔ اس تناسب میں یوزرز کے لیے ایک ایسا فارمیٹ مثالی رہا جو صرف چند سیکنڈز میں اُن کی خواہش کو پورا کرسکے۔ یوٹیوب نے اپنے اعلان میں یہ بتایا کہ یوٹیوب شارٹس کو روزانہ اوسطاَ 70 بلین سے زیادہ بار دیکھا جاتا ہے۔ پچھلے سال شارٹس پر روزانہ کی بنیاد پر اپلوڈ ہونے والے چینلز کی تعداد میں 80 فیصد سے زیادہ کا اضافہ دیکھا گیا اور یوٹیوب شارٹس کو اب 2 بلین سے زائد لاگڈ-اِن یوزرز ہر ماہ دیکھ رہے ہیں۔
طویل دورانیے کے کانٹینٹ نے بھی پاکستانی صارفین میں اپنا مقام حاصل کیا ہے جو اس بات کی نشاندہی کرتا ہے کہ صارفین کے استعمال کے طرز عمل میں بدلتے رجحانات کے باوجود دونوں فارمیٹس پاکستان میں ویڈیو فارم کانٹینٹ کی بالادستی قائم رکھے ہوئے ہیں۔ اس کی مثال ٹاپ ٹرینڈنگ ویڈیوز ہیں جو ہر سال الگ موضوعات کا احاطہ کرتی ہیں، ان کا کانٹینٹ جاذب نظر اور متاثرکن یعنی مختصرَ بااثر ثابت ہوتا ہے۔ مزید برآں، ٹاپ ٹرینڈنگ ویڈیوز کی فہرست ویوز کے علاوہ متعداد دیگر عوامل پر مبنی ہوتی ہے، جو ظاہر کرتی ہے کہ ایک ویڈیو کتنی ٹرینڈنگ ہے۔ یوٹیوب کلچر اور ٹرینڈز کی ٹیم اینگیجمنٹ کو بھی بدرجہ خاص رکھتی ہے اور ویڈیو پر شیئرز اور لائکس جیسے سگنلز کو بھی جانجتی ہے۔
پاکستان، بنگلہ دیش اور سری لنکا کے لیے گوگل کے ریجنل ڈائریکٹر، فرحان قریشی نے کہا کہ ” اس سال کی ٹاپ ٹرینڈنگ لسٹیں پاکستان میں ثقافتی ارتقاء کی عکاسی کرتی ہیں، بالخصوص شارٹس ویورشپ میں نمایاں اضافے اور میوزک، ڈراموں اور وی لاگز جیسے مخصوص کانٹینٹ کی اقسام پرستاروں کی بڑھتی ہوئی تعداد کی نشاندہی کرتی ہیں۔ اس کے ساتھ، کانٹینٹ کریئٹرز نئے صنفوں اور سامعین کو دریافت کرنے کے لیے ملٹی فارمیٹ کے طریقہ کار کا استعمال کر رہے ہیں۔ ہم توقع کرتے ہیں کی ملٹی فارمیٹ کانٹینٹ کی توسیع جاری رہے گی جس کے نتیجے میں کانٹینٹ کی پہلے سے کہیں زیادہ مختلف اور دلچسپ رینج سامنے آئیں گی”۔
میوزک بھی یوٹیوب پر مقبول کانٹینٹ کی ایک قسم ہے۔2023 میں یوٹیوب میوزک اور یوٹیوب پریمیم کو پاکستان میں لانچ کیا گیا، جو کہ ایڈ-فری کانٹینٹ، آف لائن اور بیک گراؤنڈ پلے کے ساتھ دیکھنے کے تجربے کو بہتر بنانے کے لیے ایک پیڈ ممبر شپ ہے جو میوزک کا ایک شاندار تجربہ فراہم کرتی ہے۔
اس سال یوٹیوب نے پانچ فہرستیں جاری کی ہیں:
بھارتی فوج بارے حساس معلومات پاکستان بھیجنے کے الزام میں ایک شہری کو بھارت سے گرفتار کیا گیا ہے
انسداد دہشت گردی فورس گجرات نے کاروائی کی ہے اور حساس معلومات پاکستان بھیجنے کے الزام میں تاراپور سے شنکرمانیشوری نامی شخص کو حراست میں لیاہے، حکام کا کہنا ہے کہ شنکر پاکستانی تھا جس نے بعد میں بھارتی شہریت لی،شنکر نے بھارتی فوج کے بارے میں حساس معلومات پاکستان بھجوائی ہیں،حکام کے مطابق شنکر نے بھارتی فوج کے افسرا ن کے موبائل فون کو ہیک کیا اور اسکے لئے جدید طریقہ استعمال کیا گیا، بھارتی فوج کے افسران کے ملنے والے موبائل فونز سے ملنے والی معلومات کو شنکر نے پاکستان بھجوایا
گجرات انسداد دہشت گردی فورس کے ایس پی اوم پرکاش جٹ کا کہنا تھا کہ بھارتی فوج کی حساس معلومات پاکستان بھجوانے کے جرم میں ہم نے ایک ممکنہ پاکستانی ایجنٹ کو گرفتار کیا ہے،جو بھارتی سم کارڈ پر واٹس ایپ استعمال کر رہا تھا جس سے معلومات پاکستان بھجوائی گئی ہیں،شنکر بھارتی فوجی افسران کے موبائل فون سے معلومات لیتا تھا، جو سم وہ چلا تھا وہ محمد ثقلین کے نام پر ہے،
بھارتی میڈیا رپورٹس کے مطابق شنکر پاکستانی تھا، بھارت آیا اور یہاں بھارتی شہریت لے لی ، اسکے خاندان کے لوگ پاکستان میں ہیں، الزام عائد کیا گیا کہ وہ بھارت میں رہ کر جاسوسی کر رہا تھا،
پاک بھارت میچ دیکھنے کے لئے جانے والے پاکستانی مداح شگاگو چاچا کو بھارتیوں کی جانب سے ہراساں کیا گیا جس کے بعد وہ پولیس کی گاڑی میں جا کر بیٹھ گئے
آئی سی سی ورلڈ کپ، پاک بھارت میچ جاری ہے، شگاگو چاچا، میچ دیکھنے کے لئے بھارت پہنچے تو انہیں بھارت میں کئی مقامات پر ہراساں کیا گیا، شگاگو چاچا آج سٹیڈیم پہنچنے تا ہم بھارتیوں کی جانب سے انہیں ہراساں کیا گیا جس کے بعد پولیس انہیں باہر لے آئی اور وہ پولیس وین میں بیٹھ گئے، شگاگو چاچا اس موقع پرانتہائی مایوس نظر آئے،
بھارتی حکومت نے پاکستانی شائقین کو ویز ے نہیں دیئے، مودی سٹیڈیم میں بھارتی شائقین موجود ہیں، پاکستانی ٹیم کے کھلاڑیوں کا کہنا تھا کہ اگر سٹیڈیم میں پاکستانی شائقین ہوتے تو کھیلنے کا اور مزہ آتا تا ہم مودی سرکار نے پاکستانی شائقین کونہیں جانے دیا، شگاگو چاچا پہنچے تو انکے ساتھ بھی عین میچ کے وقت بدسلوکی کی گئی، شگاگو چاچا کی پولیس وین میں بیٹھے تصویر سامنے آئی ہے وہیں ایک اور تصویر بھی سامنے آئی ہے جس میں وہ سٹیڈیم میں بیٹھے ہیں،
انتخابی اصلاحات کمیٹی نے الیکشن ایکٹ 2017 میں ترامیم پر اتفاق رائے کر لیا
انتخابی اصلاحات کمیٹی حتمی مسودہ تیار کر کے ارکان کو بھیجے گی کمیٹی ارکان پارٹی مشاورت سے مسودہ پر اپنی حتمی رائے سے آگاہ کریں گے، وزیر قانون اعظم نذیر تارڑ نے میڈیا سے گفتگو کرتے ہوئے کہا ہے کہ کمیٹی میں تمام ترامیم پر اتفاق ہو گیا ہے، کاغذات نامزدگی میں کچھ تبدیلیاں کر کے درست کر دیا گیا۔ فہمیدہ مرزا کی جانب سے کچھ تحریری تجاویز آئیں گی، پرسوں تک مسودہ کا ڈرافٹ ارکان کو بھجوا دیا جائے گا،الیکشن ایکٹ میں ترامیم پر الیکشن کمیشن آن بورڈ ہے،
اعظم نذیر تارڑ کا کہنا تھا کہ اچھی قانون سازی کے ثمرات اچھے رویوں کے باعث ہی مل سکتے ہیں،ترامیم سیاسی جماعتوں کی وابستگی سے بالاتر ہو کر کی گئی ہیں،اوورسیز پاکستانیوں کو انٹرنیٹ کے ذریعے ووٹ کی سہولت میسر نہیں ہو گی، یہ بل ایسا نہیں کہ صدر مملکت رکاوٹ بنیں،
دس پاکستانیوں سمیت 40 سے زائد غیرملکی کوہ پیماؤں نے نانگا پربت کو سر کرنے کی مہم میں حصہ لیا، جن میں ثمینہ بیگ، نائلہ کیانی، واجد اللہ نگری کے علاوہ رضوان داد، عید محمد، احمد بیگ، وقار علی، سعید کریم، لیاقت کریم، سوزین اور شاہ دولت اپنی مہم میں کامیاب رہے۔
الپائن کلپ آف پاکستان کے مطابق آج صبح 11 بجے تمام کوہ پیماؤں نے نانگا پربت کو سر کیا۔
مشہور خاتون کو پیماہ ثمینہ بیگ آج صبح 11 بجکر 8 منٹ پر نانگا پربت پہاڑ کی بلندی پر پہنچیں وہ اس سے قبل کے ٹو اور ماؤنٹ ایوریسٹ بھی سر کر چکی ہیں۔ثمینہ بیگ کو 8 ہزار میٹر بلند پہاڑ سر کرنے والی پہلی پاکستانی خاتون کوہ پیماہ ہونے کا اعزاز حاصل ہے۔اس کے علاوہ نائلہ کیانی نے بھی نانگا پربت کی چوٹی پر کامیابی سے پہنچ کر ناقابل یقین کارنامہ سر انجام دیا۔
نائلہ دنیا کی سات بلند ترین چوٹیوں کو سر کرنے والی پاکستانی خاتون بھی ہیں۔
کوہ پیما نائلہ کیانی کا کہنا ہے کہ اس مہم کے حوالے سے وہ تھوڑی خوفزدہ تھیں، تاہم پھر بھی اپنے اس مشن کو مکمل کرنے کیلئے پرعزم تھی۔
نائلہ کیانی کی اس مہم میں بارڈ فاؤنڈیشن نے مکمل طور پر معاونت فراہم کی ہے۔
مینیجنگ ڈائریکٹر بارڈ فاؤنڈیشن مہرین داؤد نے کہا کہ کوہ پیمائی میں خواتین کیلئے محدود مواقعوں کے باوجود نائلہ ایک بہترین مثال بن کر سامنے آئیں، ہم ایسے باصلاحیت افراد کی معاونت اور ہمت افزائی کرتے رہیں گے۔
