شہید محترمہ بینظیر بھٹو خواتین کے لیئے روشنی کا مینار ہے میں اپنے ملک کی ماؤں اور بیٹیوں کو یقین دلاتا ہوں شہید محترمہ بینظیر بھٹو کے فرزند کی حیثیت سے ہمیشہ آپ کے حقوق کے لئے کھڑا رہوں گا بلاول بھٹو زرداری
باغی ٹی وی : پاکستان پیپلز پارٹی کے چئیر مین بلاول بھٹو زرداری نے عورت مارچ کے حوالے سے کہا کہ پاکستانی خواتین اب عورتوں سے نفرت کرنے والوں کی دھونس دھمکیوں سے پیچھے ہٹنے والی نہیں شہید بی بی نے خواتین کے لئے راستے روشن کئے تاکہ ان کی محنت اور جان پر فقط ان کا اختیار ہو شدید مخالفت کے باوجود پیپلز پارٹی نے خواتین کے حقوق کے لئے جدوجہد کی
بلاول بھٹو زرداری نے کہا کہ خواتین و پسماندہ طبقات کو غلامی کی زنجیروں میں جکڑنے کی سازشیں کرنے والوں کے خلاف لڑیں گے پاکستان کی عوام نے مسلم دنیا کی پہلی خاتون وزیر اعظم کے حق میں ووٹ دیا اسی وزیراعظم نے مردوں کے زیرتسلط نظام حکومت میں خواتین کے لئے راستے ہموار کئے
پی پی پی کے چئیر مین نے کہا کہ شہید محترمہ بینظیر بھٹو نے اس امر کو یقینی بنایا کہ وہ اپنے ساتھ دیگر تمام خواتین کو بھی آگے لائیں
پی پی پی حکومت نے خواتین کسانوں کو زمینیں دیں اور خواتین محنت کشوں کے لیئے یکساں اجرت کا قانون بنایا آج، لیڈی ہیلتھ ورکرز ملک کے کونے کونے میں خدمات سرانجام دے رہی ہیں اور قابل احترام زندگی گزار رہی ہیں
بلاول نے کہا کہ سابق صدر آصف علی زرداری نے بی آئی ایس پی کا آغاز کرکے شہید محترمہ کے وژن کی تکمیل کی جبکہ اس پروگرام کو بین الاقوامی سطح پربھی سراہا گیا
انہوں نے کہا عمران خان کی حکومت نے بی آئی ایس پی کارڈز سے شہید محترمہ بینظیر بھٹو کی تصویر اور نام ہٹا دیا لیکن بڑے منصب پر بیٹھے چھوٹے لوگ شہید محترمہ بینظیر بھٹو کی جانب سے اٹھائے گئے اقدامات کو ختم نہیں کرسکیں گے وہ اقدام جن کے نتیجے میں صنفی امتیاز پر قائم پدرانہ شاہی نظام اقتدار کی دیواروں میں دراڑیں پڑ چکی ہیں
بلاول بھٹو نے مزید کہا ہر عورت اب جانتی ہے کہ وہ بھی بینظیر بن سکتی ہے
چئیرمین پی پی پی نے کہا یونین کونسل کی سطح پر شروع کیے گئے پیپلز پاورٹی ریڈکشن پروگرام کے تحت 15 لاکھ خواتین مستفید ہوئیں مذکورہ خواتین کو بلا سود قرضے فراہم کیئے گئے، جن سے انہوں نے اپنے چھوٹے موٹے کاروبار شروع کئے
بلاول بھٹو زرداری نے کہا میں اپنے ملک کی ماؤں اور بیٹیوں کو یقین دلاتا ہوں شہید محترمہ بینظیر بھٹو کے فرزند کی حیثیت سے ہمیشہ آپ کے حقوق کے لئے کھڑا رہوں گا پیپلز پارٹی خواتین کو بااختیار بنانے اور مساوات کے لئے اٹھنے والے ہر قدم کی حمایت کرے گی
کسی بھی فورم پر عورت کی تذلیل ناقابل قبول رویہ ہے فردوس عاشق اعوان
