Tag: پاکستان پیپلز پارٹی

پاکستان پیپلزپارٹی کے رہنماء سعید غنی نے 2025ءمیں بانی پی ٹی آئی عمران خان کی رہائی کادعویٰ کر دیا، کہا کہ پی ٹی آئی کا مستقبل عمران خان کے اپنے ہاتھ میں ہے، بانی پی ٹی آئی عمران خا ن جیل سے رہا ہوجائیں گے تاہم ان کا سیاست میں کردار ختم ہو جائیگا.

نجی ٹی وی چینل سے خصوصی گفتگو کرتے ہوئے رہنماء پیپلزپارٹی نے مزید کہا کہ پاکستان تحریک انصاف کا مستقبل ان کے اپنے ہاتھ میں ہے لیکن انہوں نے ثابت کیا ہے کہ یہ اپنا بیڑہ خود غرق کرتے ہیں۔ملک میں سیاسی عدم استحکام کم ہوچکا ہے ۔نئے سال سے ہمیں اچھی توقعات وابستہ کرنی چاہئیں۔ امید ہے نیا سال مجموعی طور پر پاکستان کیلئے بہتر ثابت ہوگا۔انہوں نے کہا کہ پاکستان کیلئے معاشی طور پر نیا سال بہتر ثابت ہوگا۔سیاسی عدم استحکام میں کمی آچکی ہے اور یہ نئے سال میں مکمل ختم ہوجائے گا۔یاد رہے کہ اس سے قبل پاکستان پیپلزپارٹی کے سینئررہنماء منظور وسان نے اپنی پیش گوئی میں بتایا تھا کہ نئے سال میں بہت سی تبدیلیاں ہوں گی۔کچھ نئے چہرے سامنے آئیں گے۔ بانی پی ٹی آئی عمران خان کو سب چھوڑ کر چلے جائیں گے اور وہ اکیلے مار کھائیں گے۔نئے سال میں اداروں میں بھی گرما گرمی چلے گی۔پنی پیش گوئیوں کے حوالے سے مشہور پیپلز پارٹی کے سینئر رہنما ءنے اپنے ایک بیان میں کہا تھا کہ 2025ءدیگر سالوں سے مختلف اور خطرناک ہو گا۔اس سال کئی انوکھے واقعات ہوں گے۔قبل ازیں بھی منظور وسان کا کہنا تھا کہ باتیں ہونی چاہئیں پر باتوں کا مطلب یہ بالکل نہیں کہ صرف آپ کو ریلیز کیا جائے۔ہم نہیں چاہتے کہ جمہوریت کو نقصان ہو ہم نہیں چاہتے کہ باتیں نہ ہوں۔ باتوں سے ریلیف نہیں ملے گا عدالت اور کیسز پر فیصلہ ہوگا۔ان کا کہنا تھا کہ جو پہلے کہتا تھا ہم کوئی غلام ہیں اب امریکا کو مداخلت کرنے کیلئے اپیل کر رہا تھے۔ ہم بھی غلام نہیں کہ کس کے کہنے پر تمہیں ریلیف دیں گے کیسز تو چلیں گے۔رہنماءپیپلزپارٹی کا یہ بھی کہنا تھا کہ باتیں بھی ہوتی رہیں کیسز بھی چلتے رہیں اور عدالت حق کا فاصلہ کرے گی۔ہم کسی چور دروازے سے نہیں آتے ہم جمہوریت پر یقین رکھتے ہیں۔ان کاکہناتھا کہ آئندہ وزیراعظم چیئرمین پیپلزپارٹی بلاول بھٹو زرداری ہونگے۔ ان کا کہنا تھا کہ بانی پی ٹی آئی عمران خان جیل سے باہر آ بھی گئے تو مشکلات میں گھرے رہیں گے۔انہوں نے پیش گوئی کرتے ہوئے کہا تھاکہ حالات بتا رہے تھے کہ بانی پی ٹی آئی عمران خان کا کوئی مستقبل نہیں تھا۔رہنماءپیپلزپارٹی نے بانی پی ٹی آئی کو خاموش رہنے کا مشورہ دیتے ہوئے کہا تھاکہ عمران خان کیلئے بہتر ہے کہ خاموشی اختیار کریں۔پی ٹی آئی دھرنوں سے گریز کریں اور پارٹی مضبوط کرنے کی کوشش کریں۔انہوں نے کہا تھا کہ مجھے سیاستدانوں کیلئے اچھے دن نظر نہیں آ رہے تھے۔منظور وسان نے اپنے بیان میں یہ بھی کہا تھا کہ آئندہ ماہ اسمبلی میں اہم فیصلے ہونے اور کچھ تبدیلیوں کا امکان تھا۔

سعید غنی نے 2025ء میں عمران خان کی رہائی کا دعویٰ کر دیا

وزیر اعلیٰ پنجاب کے دورہ چین کے ثمرات، 700ملین ڈالر کی چینی سرمایہ کاری

میئر کراچی بیرسٹر مرتضیٰ وہاب نے کہا ہے کہ نیا سال کراچی کی تعمیر و ترقی کا سال ثابت ہوگا اور عوام کے دیرینہ مسائل اس سال حل ہوں گے اور شہر ترقی کی راہ پر گامزن ہوگا.

کراچی کے کئی ترقیاتی منصوبے تکمیل کے مراحل میں ہیں اور کئی منصوبوں کے ٹینڈرز جاری کئے جاچکے ہیں جن پر کام کا آغاز اس ماہ کے آخر تک شروع ہوگا، ان خیالات کا اظہار میئر کراچی بیرسٹر مرتضیٰ وہاب نے باغ ابن قاسم کلفٹن میں ثقافتی پروگرام میں مہمان خصوصی کی حیثیت سے خطاب کرتے ہوئے کیا، سٹی کونسل کے پارلیمانی لیڈر کرم اللہ وقاصی، ڈپٹی پارلیمانی لیڈر دل محمد، پیپلزپارٹی کے مقامی رہنما بھی ان کے ہمراہ تھے، نئے سال کا آغاز ہوتے ہی آتش بازی کا شاندار مظاہرہ کیا گیا جس سے پروگرام میں موجود ہزاروں شہری محظوظ ہوئے، میئر کراچی نے کہا کہ عوام کراچی کو بہتر ہوتا ہوا دیکھنا چاہتی ہے جہاں روشنی ، محبت ، رواداری، موسیقی، ہلا گلا ہو اور لوگ زندگی کی خوشیوں سے لطف اندوز ہوں، انہوں نے کہا کہ ہم سب کو اپنے شہر کی تعمیر و ترقی کے لئے دعائوں کے ساتھ ساتھ کوششیں بھی کرنی چاہئے، انہوں نے کہا کہ آج کے پروگرام میں مختلف قومیتوں کو لوگ موجود ہیں اور کراچی ایک ایسا گلدستہ ہے جس میں ہر رنگ و نسل کے پھول موجود ہیں اور یہی اس شہر کی پہچان ہے، میئر کراچی نے کہا کہ چیئرمین بلاول بھٹو زرداری کے وژن کے مطابق کراچی کو ایک بار پھر امن کا گہوارہ بنانا ہے ، روشنیوں کا شہر بنانا ہے، اخوت، مساوات، بھائی چارگی کو فروغ دینا ہے، انہوں نے کہا کہ کراچی کی عوام نے پیپلزپارٹی پر جو اعتماد کیا ہے، اس پر ہم انشاء اللہ پورا اتریں گے اور عوام کو مایوس نہیں کریں گے، میئر کراچی نے کہا کہ اس سال کے ایم سی مالی لحاظ سے اپنے پائوں پر کھڑی ہوگی اور جو ترقیاتی منصوبے شروع کئے گئے ہیں ان کے فنڈز ہمارے پاس موجود ہیں اور ان منصوبوں کو وقت مقررہ پر مکمل بھی کریں گے، انہوں نے کہا کہ ملیر ایکسپریس وے کا فیز ون اسی ماہ شہریوں کے لئے کھول دیا جائے گا، اسی طرح اس سال میں حب سے کنال کے ذریعے پانی کی سپلائی بھی شروع ہوجائے گی اور ضلع غربی اور وسطی میں پانی کی فراہمی کی صورتحال میں نمایاں اضافہ ہوگا، کریم آباد انڈرپاس پر کام کی رفتار کو تیز کیا گیا ہے تاکہ وہ وقت مقررہ پر مکمل ہوسکے، میئر کراچی نے اس موقع پر پروگرام میں موجود ہزاروں شہریوں کو اپنی جانب سے نئے کی مبارکباد پیش کی ، پروگرام میں مختلف فن کاروں نے اپنے فن کا زبردست مظاہرہ کیا۔

سال 2024:سندھ پولیس کی سالانہ رپورٹ پیش

پاکستان اور بھارت کے درمیان قیدیوں کی فہرستوں کا تبادلہ

اسکیننگ کے بعد واٹس ایپ پر ریورس امیج فیچر کی تیاری

پاکستان پیپلز پارٹی کی مرکزی ترجمان شازیہ مری نے کہا ہے کہ پاراچنار معاملے پر سندھ میں سیاست کرنا ناانصافی ہے۔

باغی ٹی وی کے مطابق کراچی میں نیوز کانفرنس کے دوران شازیہ مری نے کہا کہ پاکستان پیپلز پارٹی پارا چنار کے عوام کے ساتھ کھڑی ہے لیکن شہر میں جگہ جگہ دھرنے سے عوام کو پریشانی کا سامنا ہے۔انہوں نے کہا کہ دھرنے سندھ کے بجائے خیبر پختونخوا میں ہونے چاہئیں، پارا چنار کے معاملے پر سندھ میں سیاست کرنا اور لوگوں کو تکلیف دینا ناانصافی ہے۔پی پی ترجمان نے مزید کہا کہ احتجاج کرنا ہے تو خیبر پختونخوا میں کریں۔ وزیراعلی ہائوس پشاور کے باہر دھرنا دیں، وہاں زور لگائیں۔شازیہ مری کا کہنا ہے کہ جنہوں نے ذوالفقار علی بھٹو اور محترمہ بینظیر بھٹو کو شہید کیا وہ غلط فہمی پر تھے۔شازیہ مری نے بلاول ہاؤس کراچی میں پریس کانفرنس میں کہا کہ بینظیر بھٹو کمزور اور غریب کی ا?واز تھیں۔بلاول بھٹو نے بھی اپنی تقریر میں کہا کہ محترمہ غریب اور کمزور کی آواز تھیں۔ترجمان پیپلز پارٹی نے کہا کہ ہم نے صرف ایک لیڈر کو نہیں بلکہ کمزور لوگوں کے لیے لڑنے والی شخصیت کو کھویا ہے۔اٴْنہوں نے کہا کہ لوگ دہشت گردی اور انتہا پسندی کا خاتمہ چاہتے ہیں اور ملک میں امن و استحکام دیکھنا چاہتے ہیں۔شازیہ مری نے مزید کہا کہ پی پی وہ واحد جماعت ہے جو آمروں کے خلاف کھڑی رہی۔

کراچی میں ٹرین حادثات،بچے سمیت دوافراد جاں بحق

ریڈ بک کا مطلوب انسانی اسمگلر 17 سال بعد گرفتار

احتجاج ختم کیا جائے، کراچی کے شہریوں کی تکلیف سمجھے، ترجمان حکومت سندھ

شدید دھند ،موٹر ویز مختلف مقامات پر بند

وفاق میں حکومت کی اہم اتحادی جماعت پاکستان پیپلز پارٹی (پی پی پی) نے مرکزی حکومت کی جانب سے تحفظات دور کرنے کی یقین دہانیوں کی پیش رفت کے حوالے سے عدم اطمینان کا اظہار کیا ہے۔

میڈیا رپورٹس کے مطابق چیئرمین بلاول بھٹو کی زیر صدارت کراچی میں پارٹی کا اہم اجلاس ہوا جس میں وزرائے اعلیٰ بلوچستان اور سندھ سرفراز بگٹی، مراد علی شاہ، خیبرپختونخوا اور پنجاب کے گورنرز فیصل کریم کنڈی اور سردار سلیم حیدر نے شرکت کی۔اجلاس میں پارٹی کے سینئر رہنما سید نوید قمر بھی موجود تھے، اجلاس کے دوران ملک کی مجموعی سیاسی صورت حال پر تفصیلی تبادلہ خیال کیا گیا، اجلاس میں حکومت کے ساتھ مذاکرات کی روشنی میں اب تک کی پیشرفت سے آگاہ کیا گیا۔اجلاس کے شرکا نے چیئرمین پیپلز پارٹی کو آئندہ دنوں میں حکومت کی جانب سے کی جانے والی مجوزہ قانون سازی کے حوالے سے بریفنگ دی۔اجلاس میں شرکا نے وفاقی حکومت کی یقین دہانیوں کی پیش رفت پر عدم اعتماد کا اظہار کیا اس پر بلاول بھٹو نے ہدایت کی کہ حکومت کے ساتھ اپنے رابطوں کو مزید تیز کیا جائے، تاکہ جب پاکستان پیپلزپارٹی کی سینٹرل ایگزیکٹو کمیٹی (سی ای سی) کا اجلاس ہو تو اس میں ان رابطوں کا مثبت نتیجہ سامنے رکھا جاسکے۔واضح رہے کہ گزشتہ ماہ بلاول بھٹو نے کہا تھا کہ مسلم لیگ (ن) پنجاب اور خیبرپختونخوا میں پیپلزپارٹی کو نظرانداز کر رہی ہے، طے تھا کہ خیبرپختونخوا اور پنجاب کے انتظامی معاملات میں حصے دار ہوں گے، (ن) لیگ ہمارے گورنرز سے مشاورت نہیں کر رہی ہے۔16 نومبر کو بلاول ہاؤس کراچی میں گفتگو کے دوران چیئرمین پیپلز پارٹی نے مسلم لیگ (ن) پر 26 ویں آئینی ترمیم کی منظوری کے بعد وعدوں سے انحراف کرنے کا الزام عائد کیا تھا۔انہوں نے کہا تھا کہ حکومت کے ساتھ ناراضی کا سوال ہی نہیں ہے، ناراض ہونے پر سیاست نہیں کی جاتی، سیاست تو عزت کے لیے کی جاتی ہے، معذرت کے ساتھ اس وقت وفاق میں نہ عزت کی جاتی ہے، نہ سیاست کی جا رہی ہے۔بلاول بھٹو نے کہا تھا کہ دنیا میں جہاں اقلیتی حکومت ہو اور ان کا اتحاد ہے کسی جماعت کے ساتھ تو اس معاہدے پر عمل درا?مد ہوتا ہے، ہم اخلاقی حمایت فراہم کرنے کے لیے حکومتی بینچ پر بیٹھے ہیں، ہم ضرور چاہیں گے کہ طے شدہ معاہدے پر عمل کیا جائے۔ان کا کہنا تھا کہ جوڈیشل کمیشن پاکستان سے احتجاجاً علیحدہ ہوئے، آئین سازی کے وقت حکومت اپنی باتوں سے پیچھے ہٹ گئی۔انہوں نے آئندہ ماہ پیپلز پارٹی کی سینٹرل ایگزیکٹو کمیٹی کے اجلاس میں مسلم لیگ (ن) کے ساتھ مرکز میں حکومتی اتحاد پر ممکنہ نظر ثانی کا بھی اشارہ دیا تھا۔لاول بھٹو نے وفاقی حکومت اور وزیر اعظم سے مذاکرات کے لیے کمیٹی تشکیل دی، چیئرمین پیپلزپارٹی کا کہنا تھا کہ ووٹرز اور صوبائی حکومتوں کی مسلم لیگ (ن) سے شکایات ہیں۔اس بیان کے بعد 17 نومبر کو وزیراعظم شہباز شریف نے چیئرمین پیپلز پارٹی بلاول بھٹو زرداری کے تحفظات دور کرنے کی ذمہ داری نائب وزیراعظم اسحٰق ڈار کو سونپ دی تھی۔وزیر اعظم نے ایک کمیٹی تشکیل دی تھی جس کے اراکین میں نائب وزیراعظم اسحٰق ڈار، وزیر دفاع خواجہ آصف، وزیر قانون اعظم نذیر تارڑ اور وفاقی وزیر اقتصادی امور احد خان چیمہ، وفاقی وزیر انجینئر امیر مقام، مشیر وزیراعظم رانا ثنا اللہ، اسپیکر پنجاب اسمبلی ملک احمد خان، سینئر وزیر پنجاب مریم اورنگزیب شامل تھے۔اس کے علاوہ سینئر رہنما خواجہ سعد رفیق، گورنر بلو چستان جعفر خان مندوخیل اور بشیر احمد میمن بھی کمیٹی کے اراکین میں شامل ہیں۔

نیب اور ایف آئی اے نےپانامہ کیسز دوبارہ کھول دئیے گئے

مبینہ نفرت پھیلانے پرلطیف کھوسہ کیخلاف مقدمہ درج

بھارتی پارلیمنٹ کا ہنگامہ خیز سیشن ختم

صوبائی وزرا سعید غنی اور سید ناصر حسین شاہ نے کہا ہے کہ پی ٹی آئی کو ایسے ممالک سے مدد مل رہی ہے جو پاکستان کو ترقی کرتا نہیں دیکھنا چاہتے۔

3 روزہ پاک واٹر اینڈ انرجی ایکسپو 2024 کا افتتاح کرتے ہوئے سندھ کے وزرا کا مزید کہنا تھا کہ معزز عدلیہ کو پی ٹی آئی کے فورن فنڈنگ کیس کو جو سالہا سال سے التوا کا شکار ہے اس کو دیکھنا چاہیے۔ پی ٹی آئی میں ایک انتشاری ٹولہ شامل ہے، ہم چاہتے ہیں پی ٹی آئی والے پرامن رہ کر سیاست کریں۔پی ٹی آئی جس طرح ملک میں بے لگام چل رہی ہے، اس سے لگتا ہے کہیں نا کہیں کوئی نا کوئی کہانی تو ضرور ہے۔ 8 ویں پاک واٹر اینڈ انرجی نمائش کی کامیابی کی علامت یہ ہے کہ اس کا انعقاد سالانہ ہورہا ہے۔اس موقع پر منتظم ڈائریکٹر پرائم ایونٹ کامران عباسی، اختر شاہین رند و دیگر بھی ان کے ہمراہ موجود تھے۔صوبائی وزرا نے نمائش میں لگائے گئے 150 سے زائد ملکی و غیر ملکی اسٹالز کا دورہ کیا اور ان سے ان ہے اسٹالز پر موجود مصنوعات پر بریفنگ لی۔ بعد ازاں میڈیا سے بات چیت کرتے ہوئے صوبائی وزیر سید ناصر حسین شاہ نے کہا کہ یہ نمائش ہمیشہ سے کامیاب رہی ہے اور ہر سال ہزاروں کی تعداد میں لوگ اس نمائش کا حصہ لیتے ہیں۔ انہوں نے کہا کہ گذشتہ سالوں میں اس نمائش کے ذریعے کاروبار کو بھی فروخت ملا ہے۔سعید غنی نے کہا کہ گذشتہ 8 سالوں سے اس نمائش کا انعقاد ہو رہا ہے۔ اس نمائش میں پانی کو بچانے اور قابل استعمال بنانے کے لیے آگاہی بھی دی جارہی ہے، انہوں نے کہا کہ اس نمائش کی کامیابی کی علامت یہ ہے کہ اس کا انعقاد سالانہ ہورہا ہے اور بیرون ملک سے لوگ آتے ہیں تو نمائش کو مزید کامیابیاں ملتی ہے۔ انہوں نے کہا کہ انرجی اور پانی دو اہم سیکٹروں پر مشتمل یہ نمائش ہے جبکہ انرجی اور پانی کو محفوظ کرنے کے لئے دنیا بھر نے نت نئے طریقے ایجاد کرلئے ہیں۔
سعید غنی نے کہا کہ گو کہ عام آدمی اس نمائش کو اہمیت نہیں دیتا لیکن اگر دیکھا جائے تو اس میں لگائے گئے اسٹالز سے عام آدمی بھی اپنے گھر کو مستفید کرسکتا ہے۔ ایک سوال کے جواب میں وزیر بلدیات سندھ سعید غنی نے کہا کہ پی ٹی آئی کو باہر ممالک سے فنڈنگ ہورہی ہے اور اس تحریک کو وہی فنڈنگ کر رہے جو پاکستان کو ترقی کرتا دیکھنا نہیں چاہتے۔ انہوں نے کہا کہ پی ٹی آئی کا فارن فنڈنگ کیس سب کے سامنے ہیں، سمجھ سے بالاتر ہے کہ معزز عدلیہ میں فارن فنڈنگ مسئلے کو کیوں اتنا سادہ اور معمولی لے لیا گیا ہے۔انہوں نے کہا کہ پی ٹی آئی کے انتشاری ٹولے ملک کے حالات خراب کرنا چاہتے ہیں اور یہ تحریک پاکستان کو ترقی سے روکنا چاہتی ہے۔ سید ناصر حسین شاہ نے کہا کہ پی ٹی آئی میں ایک انتشاری ٹولہ شامل ہے، ہم چاہتے ہیں پی ٹی آئی والے پرامن رہ کر سیاست کرے لیکن بدقسمتی سے انتشاری ٹولے کا وتیرہ انارکی پھیلانا ہے۔ انہوں نے کہا کہ اسلام آباد والا ڈرامہ ایک سازش کا حصہ تھا۔احتجاج میں لوگ مرے اور سینکڑوں زخمی ہوئے۔ اسلام آباد دھرنے میں انتشاری ٹولے کی بڑی تعداد خیبر پختون خواہ سے آئی تھی۔ جبکہ اس دھرنے میں بیرون ممالک کے لوگ بھی بڑی تعداد میں شامل رہے۔ سید ناصر حسین شاہ نے کہا کہ انتشاری ٹولہ کہتا رہا تین سو لوگ مارے گئے بعد میں وہ محض بارہ افراد ہوگئے۔ انہوں نے کہا کہ بشری بی بی صاحبہ اور گنڈاپور کیسے جانتے تھے کہ ربڑ کی بلٹ پروف گولیاں چلیں گی اور وہ اس سے پہلے سب کو چھوڑ کر بھاگ گئے۔
انہوں نے کہا کہ پاکستان کو ترقی کی جانب لیکر جانا ہے، ہر ایک کو پاکستان کی معیشت کی بحالی کا سوچنا چاہیے اور ہمیں انتشاری سیاست سے اجتناب کرنا چاہیے۔ پی ٹی آئی کو اسٹیبلشمنٹ کی سپورٹ کے حوالے سے ایک سوال کے جواب میں صوبائی وزیر سعید غنی نے کہا کہ پی ٹی آئی کو اسٹیبلشمنٹ کی سپورٹ حاصل ہے یا نہیں اس کے میرے پاس کوئی ثبوت نہیں ہیں البتہ پی ٹی آئی جس طرح ملک میں بے لگام چل رہی ہے اس سے لگتا ہے کہیں نا کہیں کوئی نا کوئی کہانی تو ضرور ہے۔ایک اور سوال کے جواب میں سعید غنی نے کہا کہ پی ٹی آئی کو ایسے ممالک سے مدد مل رہی ہے جو پاکستان کو ترقی کرتا نہیں دیکھنا چاہتے۔ پی ٹی آئی کا فورن فنڈنگ کیس ہمیں دیکھنا چاہیے۔ انہوں نے کہا کہ خطرناک بات ہے کہ سیاسی جماعت فورن فنڈنگ لے رہی تھی لیکن ہماری معزز عدلیہ کو یہ سنگین اشیو نظر نہیں آتا۔ انہوں نے کہا کہ ہمیشہ یہ دیکھنا چاہیے کہ وہ کونسی طاقت ہے جو امریکہ کی کانگریس میں خطوط جمع کرواتی ہے۔
انہوں نے کہا کہ ایسی قوتیں ضرور ہیں جو آج بھی پی ٹی آئی کو سپورٹ کر رہی ہے۔چھ کنال بنانے کے سوال پر انہوں نے کہا کہ اس پر پیپلز پارٹی کی وفاقی حکومت سے ناراضگی بنتی ہے۔ پیپلزپارٹی اور وفاقی حکومت کی آپسی ناراضگی کوئی میاں بیوی کی طرح کی نہیں ہے۔ انہوں نے کہا کہ ارسا میں جب یہ معاملہ آیا تو اس پر سندھ نے بھرپور اپنے تحفظات کا اظہار کیا اس کے بعد یہ ایکنک میں جب معاملہ آیا تو ایکنیک نے اس کی مشروط منظوری دی ہے اور اس میں لکھا ہے کہ سی سی آئی میں اس معاملہ پر سندھ کے تحفظات کو دیکھا جانا چاہیے۔
ابھی یہ معاملہ سی سی آئی میں آنا ہے اور اس میں بھی سندھ اپنا بھرپور دفاع کرے گا، کوئی یہ سمجھتا ہے کہ یہ منظور ہوگیا ہے تو ایسا نہیں ہے۔ قبل ازیں صوبائی وزرا کو منتظم ڈائریکٹر پرائم ایونٹ کامران عباسی نے نمائش میں آمد خوش آمدید کہا اور اسٹالز کا دورہ کرایا۔ وزرا نے غیر ملکی اور مقامی کمپنیوں کے اسٹالز پر موجود جدید مشینری اور ٹیکنالوجی کو سراہا۔انہوں نے غیر ملکی مہمانوں سے گفتگو کرتے ہوئے انہیں پاکستان میں سرمایہ کاری کی بھی ترغیب دی۔ اس موقع پر میڈیا سے گفتگو کرتے ہوئے صوبائی وزیر توانائی سید ناصر حسین شاہ اور وزیر بلدیات سعید غنی نے نمائش کے انعقاد پر منتظمین کی کوششوں کو سراہا اور کہا کہ پانی اور توانائی دو اہم ضروریات زندگی ہیں جن کی بلاتعطل فراہمی سے نا صرف عوام الناس کو سہولت ملتی ہے بلکہ انڈسٹری کا پہیہ بھی چلتا ہے۔انہوں نے کہا کہ نمائش میں غیر ملکی کمپنیوں کی شرکت بھی خوش آئند اور ملکی معیشت میں بہتری کی نوید ہے۔ اس دوران نمائش کے منتظم کامران عباسی نے بتایا کہ نمائش میں چین، ترکی، مراکو، آسٹریلیا، مصر، امریکہ کی کمپنیاں شریک ہیں۔ دو ہالز میں 60 سے زائد نمائش کنندگان نے 175 اسٹالز لگائے ہیں۔ انہوں نے بتایا کہ نمائش کاروبار کے زبردست مواقع فراہم کرے گی۔ کراچی واٹر اینڈ سیوریج کارپوریشن کی جانب سے ڈائریکٹر انجینئرنگ سکندر زرداری نے نمائندگی کی۔ پہلے روز "ٹیکسٹائل سرکلر اکانومی کی دوبارہ ایجاد” کے موضوع پر ورکشاپ بھی منعقد ہوئی۔ نمائش جمعرات کو اختتام پذیر ہوگی۔

کراچی سے پشاور چلنے والی عوام ایکسپریس کی نجکاری مکمل

کراچی:چینی شہریوں پر خودکش حملے کا ایک اور مقدمہ درج

سندھ کے سینئر وزیر اور پاکستان پیپلز پارٹی کے رہنما شرجیل انعام میمن نے پیپلز پارٹی کے یوم تاسیس کے موقع پر پارٹی کی قیادت، کارکنان اور حامیوں کو شاندار خراجِ تحسین پیش کیا۔

باغی ٹی وی کے مطابق اپنے پیغام میں انہوں نے کہا کہ پیپلز پارٹی کے پاس قربانیوں، جدوجہد اور کارناموں کی ایک تاریخ ہے، جو کسی اور سیاسی جماعت کے پاس نہیں۔ پیپلز پارٹی کی بنیاد شہید ذوالفقار علی بھٹو نے رکھی، جنہوں نے ملک کو آئین، ایٹمی طاقت، طبی سہولتیں اور تعلیمی ادارے فراہم کیے۔ شہید بی بی نے خواتین سمیت ہر مکتبہ فکر کے لیے وہ کام کیے جو پاکستان کی تاریخ میں کبھی نہیں ہوئے، جیسے فرسٹ وومن بینک، وومن پولیس اسٹیشن اور بیسک ہیلتھ یونٹس کا قیام۔انہوں نے مزید کہا کہ صدر آصف علی زرداری نے بینظیر انکم سپورٹ پروگرام شروع کیا اور حقوق بلوچستان کی پالیسی پر عمل درآمد کیا۔شرجیل انعام میمن نے یاد دلایا کہ جب بانی پی ٹی آئی اور اس کا ٹولہ ملک کو مشکل حالات میں چھوڑ کر گیا، اس وقت چیئرمین بلاول بھٹو زرداری نے فیٹف سے پاکستان کا نام نکلوایا اور عالمی سطح پر کلائمیٹ جسٹس کا مطالبہ کیا۔انہوں نے پیپلز پارٹی کی عوامی نوعیت پر زور دیتے ہوئے کہا کہ پارٹی آج بھی 21 لاکھ خاندانوں کے لیے گھروں کی تعمیر کر رہی ہے، جو اس بات کا ثبوت ہے کہ پیپلز پارٹی ایک عوامی جماعت ہے۔ پیپلز پارٹی کی قیادت کا ذکر کرتے ہوئے کہنا تھا کہ چیئرمین بلاول بھٹو زرداری اور صدر آصف علی زرداری نے ہمیشہ عوام کی خدمت کو ترجیح دی اور پارٹی کے شہداء کی قربانیوں کو سراہا۔یوم تاسیس کے موقع پر شرجیل انعام میمن نے کہا کہ پیپلز پارٹی ہمیشہ مظلوموں، محکوموں اور پسماندہ طبقوں کے حقوق کے لیے آواز اٹھاتی رہی ہے اور جمہوریت، انصاف اور عوام کو بااختیار بنانے کے اپنے اصولوں پر قائم ہے۔ سندھ حکومت چیئرمین بلاول بھٹو زرداری کی قیادت میں عوامی منصوبوں کو جاری رکھے گی تاکہ سندھ اور پاکستان کی ترقی اور خوشحالی کو یقینی بنایا جا سکے۔

چینی شہریوں پر حملہ، تفتیش کے لیے جے آئی ٹی تشکیل

ریلوے آمدن میں اضافہ ،بلند ترین سطح پر پہنچ گئی

جنرل ساحر شمشاد کا نیول آپریشنل بیس اورماڑہ کا دورہ

وزیراعلیٰ سندھ مراد علی شاہ کا کہنا ہے کہ پیپلزپارٹی گورنر راج اور سیاسی پارٹی پر پابندی کے حق میں نہیں ہے۔

باغی ٹی وی کے مطابق کراچی میں وزیر اعلیٰ سندھ مراد علی شاہ نے کراچی کے نجی ہوٹل میں میڈیا سے گفتگو کرتے ہوئے بتایا کہ پیپلزپارٹی گورنر راج اور پارٹی پر پابندی کے حق میں نہیں ہے۔ صوبے اور سیاسی جماعت کو اپنی اصلاح کرنی ہوگی، سی سی آئی اجلاس بلانے کا ہمارا مطالبہ آئینی ضرورت ہے۔ہر صوبہ اپنے فائدے کے لیے منصوبہ بناتا ہے، آئین میں لکھا ہے پانی کی کوئی اسکیم سی سی آئی کے بغیرنہیں ہوگی۔مراد علی شاہ کا کہنا ہے کہ سوال ہی پیدا نہیں ہوتا کہ سندھ کے حصے کا ایک قطرہ کوئی لے سکے، سستی شہرت لینا بہت آسان ہے۔ہم نے جے یو آئی کی اے پی سی میں شرکت کی، کچھ جماعتوں کا مقصد صوبے کے مفاد کے خلاف جانا ہے لیکن میں سستی شہرت کے پیچھے نہیں۔
وزیراعلیٰ سندھ نے مزید کہا کہ پیپلزپارٹی صحافت کی آزادی پر یقین رکھتی ہے، آصف زرداری مسلسل 11 سال جیل میں رہے جب کہ نوازشریف اور شہباز شریف بھی جیل میں رہے لیکن کسی نے ایسا نہیں کیا اور ہم عدالتوں سے سرخرو ہوئے۔

سڑکوں ،موٹرویز کی بندش کیخلاف درخواست نمٹا دی گئی

ڈالر کی قدر میں معمولی اضافہ

پشاورمیں رواں برس قتل واقدام قتل کے واقعات میں اضافہ

چیمپئنز ٹرافی کے لیے بلائے اجلاس میں پاکستان ڈٹ گیا

کراچی کی احتساب عدالت نے سابق اسپیکر سندھ اسمبلی آغا سراج درانی و دیگر کیخلاف آمدن سے زائد اثاثے بنانے کا ریفرنس کی سماعت نیب پراسکیوٹر کی غیر حاضری کے باعث بغیر کسی کارروائی کے 2دسمبر تک ملتوی کردی۔

باغی ٹی وی کے مطابق کراچی کی احتساب عدالت میں سابق اسپیکر سندھ اسمبلی آغا سراج درانی و دیگر کیخلاف آمدن سے زائد اثاثے بنانے کے ریفرنس کی سماعت ہوئی۔نیب پراسکیوٹر کی غیر حاضری کے باعث سماعت بغیر کسی کارروائی کے 2 دسمبر تک ملتوی کردی گئی۔سماعت کے بعد میڈیا سے گفتگو میں آغا سراج درانی نے کہا کہ کیس میرا وہیں پر ہے جہاں پچھلی دفعہ چھوڑ گئے تھے۔ نیب پراسیکیوٹر کی کسی رشتہ دار کا انتقال ہوگیا ہے اس لیے سماعت ملتوی ہوئی۔فاروق ایچ نائیک دلائل دینا چارہے تھے۔ آغا سراج درانی نے ملک کی موجودہ صورتحال پر کہا کہ قانون کے مطابق ایسے حالات کا نوٹس لینا چاہئے۔ملکی حالات کو دیکھ کر لگتا ہے کہ ٹی وی سیریل چل رہی ہے۔ ایک صوبے کا وزیر اعلی وفاقی دارلحکومت پر حملہ کرے اس پر قانونی ایکشن ہونا چاہئے۔ 1973 میں بھی ایک صوبے کے وزیر اعلی نے وفاق پر حملہ کیا تھا لیکن اس کیخلاف کارروائی نہیں ہوئی تھی۔ آج بھی ایک وزیراعلی نے وفاق پر حملہ کیاہے لیکن کارروائی نہیں ہورہی۔ 1973 کے آئین کے مطابق ایسے وزیر اعلی کیخلاف کارروائی ہونی چاہئے۔ پاکستان پیپلزپارٹی گورنر راج کے حق میں نہیں ہے۔ اگر ملک میں حالات خراب ہوں تو گورنر راج لگایا جاسکتا۔آئین اجازت دیتا ہے۔

میہڑ: غیر قانونی پٹرول پمپوں کے خلاف کارروائی، دو پٹرول پمپ سیل

فردوس شمیم نقوی سمیت دیگر رہنماؤں کی ضمانتیں منسوخ