Baaghi TV

Tag: پاکستان

  • استحکام پاکستان پارٹی کی رجسٹریشن کا نوٹیفکیشن جاری

    استحکام پاکستان پارٹی کی رجسٹریشن کا نوٹیفکیشن جاری

    الیکشن کمیشن آف پاکستان ے استحکام پاکستان پارٹی یعنی آئی پی پی کی رجسٹریشن کا نوٹیفکیشن جاری کردیا ہے اور استحکام پاکستان پارٹی کی الیکشن کمیشن میں رجسٹریشن مکمل ہوگئی، جس کے بعد الیکشن کمیشن نے استحکام پاکستان پارٹی کی رجسٹریشن کا نوٹیفکیشن جاری کردیا، اب استحکام پاکستان پارٹی انتخابات لڑنے کے لیے اہل ہوگئی۔

    جبکہ الیکشن کمیشن نے استحکام پاکستان پارٹی کے انٹراپارٹی الیکشنز بھی تسلیم کرلیے ہیں، علاوہ ازیں استحکام پاکستان پارٹی نے عوامی رابطہ مہم شروع کرنے کا فیصلہ کیا ہے، پارٹی کی سینیئر لیڈر شپ نے رابط عوام مہم کے شیڈول کی سفارشات جہانگیر ترین کو بھیج دی ہیں۔

    واضح رہے کہ تین ماہ قبل ستحکام پاکستان پارٹی نے رجسٹریشن کے لیے الیکشن کمیشن میں درخواست دائر کی تھی ، درخواست پارٹی کا منشور اور پارٹی عہدیداروں کا ڈیکلریشن بھی جمع کرایا گیا تھا اور استحکام پاکستان پارٹی کے صدرعبدالعلیم خان کے دستخطوں سے قانونی دستاویزات الیکشن کمیشن میں جمع کروا دیے گئے تھے.
    مزید یہ بھی پڑھیں؛
    الیکٹرک موٹر سائیکل بنانے کے لیے 31 کمپنیوں کو لائسنس جاری
    سونے کی قیمتوں میں کمی
    بریسٹ کینسر …… لوگ کیا کہیں گے۔۔؟ (محمد نورالہدیٰ)
    اگر پاکستان سے سپورٹر بھی یہاں ہوتے تو اور اچھا لگتا، بابراعظم
    تاہم اس وقت جمع کرائے گئے ڈیکلریشن کے مطابق جہانگیر ترین پارٹی چیئرمین، عبد العلیم خان کے پارٹی صدر، عامر کیانی پارٹی سیکرٹری جنرل، عون چوہدری ایڈیشنل سیکرٹری جنرل اور ڈاکٹر فردوس عاشق اعوان مرکزی سکریٹری اطلاعات ہیں علاوہ ازیں استحکام پاکستان پارٹی نے الیکشن کمیشن سے شاہین کا انتخابی نشان الاٹ کرنے کی استدعا کی تھی۔

  • الیکٹرک موٹر سائیکل بنانے کے لیے 31 کمپنیوں کو لائسنس جاری

    الیکٹرک موٹر سائیکل بنانے کے لیے 31 کمپنیوں کو لائسنس جاری

    وزارتِ صنعت و پیداوار کے انجینئرنگ ڈویلپمنٹ بورڈ کے حکام نےکہا ہے کہ پاکستان میں کم از کم چھ کمپنیاں برقی موٹر سائیکلیں تیار یا اسمبل کر رہی ہیں جبکہ 31 کمپنیوں کو لائسنس جاری ہو چکے ہیں۔ اس وقت جنوبی ایشیائی ملک برقی گاڑیوں (ای ویز) کو طویل مدت کے لیے اور بڑے پیمانے پر اپنانے کا مقصد رکھتا ہے۔ تاہم خیال رہے کہ 2019 میں منظور کردہ ‘الیکٹرک وہیکل پالیسی 2020-25’ برقی گاڑیوں کی مقامی مینوفیکچرنگ کو فروغ دینے کے لیے مراعات اور ٹیکس میں رعایت پیش کرتی ہے جس کا مقصد یہ دیکھنا ہے کہ برقی گاڑیاں 2030 تک تمام مسافر گاڑیوں اور ہیوی ڈیوٹی ٹرکوں کی فروخت کا 30 فیصد اور 2040 تک 90 فیصد حصہ لے لیں۔ یہ دو اور تین پہیوں والی گاڑیوں اور بسوں کے لیے پرعزم اہداف بھی طے کرتا ہے: 2030 تک نئی فروخت کا 50 فیصد اور 2040 تک 90 فیصد۔

    علاوہ ازیں چین، بھارت، انڈونیشیا اور ویتنام کے بعد پاکستان دنیا میں موٹر سائیکل کی پانچویں بڑی مارکیٹ ہے۔ 240 ملین سے زیادہ آبادی والے ملک میں تقریباً 23 ملین رجسٹرڈ موٹر سائیکلیں ہیں۔ اور ملک کا نقل و حمل کا شعبہ اس کے کاربن اخراج کے کل 30 فیصد کا ذمہ دار ہے۔ متعدد مطالعات کے مطابق زیادہ تر موٹر سائیکلیں گاڑیوں سے زیادہ فضائی آلودگی اور سموگ پیدا کرتی ہیں اور پاکستان کی آٹو موٹیو انڈسٹری 30 لاکھ افراد کو براہِ راست اور بالواسطہ روزگار فراہم کرتی ہے اور ملکی خزانے میں اس کا حصہ سالانہ تقریباً 100 ارب روپے ہے۔

    وزارتِ صنعت و پیداوار کے انجینئرنگ ڈویلپمنٹ بورڈ کے جنرل مینیجر عاصم ایاز نے بتایا، "ہم نے اب تک 31 کمپنیوں کو برقی موٹر بائیکس کی مقامی تیاری کے لیے لائسنس جاری کیے ہیں اور وہ سبھی آہستہ آہستہ پیداوار شروع کر رہی ہیں۔” اور مزید کہا کہ اس وقت کم از کم چھ کمپنیاں مختلف قسم کی موٹر سائیکلیں تیار یا اسمبل کر رہی ہیں۔

    ای وی پالیسی کے تحت ٹیکس مراعات میں برقی موٹر بائیکس کے لیے بیٹریوں، موٹر اور ڈرائیو ٹرین (انجن اور گیئر کی تبدیلی) کی درآمد پر ایک فیصد کسٹم ڈیوٹی شامل ہے جبکہ غیر ای وی حصوں پر کسٹم ڈیوٹی 15 فیصد ہے۔ دو تین پہیوں کی فروخت کے مرحلے پر جنرل سیلز ٹیکس پانچ سال کے لیے ایک فیصد مقرر کیا گیا ہے جس میں رجسٹریشن اور سالانہ ٹوکن ٹیکس سے استثنیٰ ہے۔
    مزید یہ بھی پڑھیں؛
    سونے کی قیمتوں میں کمی
    بریسٹ کینسر …… لوگ کیا کہیں گے۔۔؟ (محمد نورالہدیٰ)
    اگر پاکستان سے سپورٹر بھی یہاں ہوتے تو اور اچھا لگتا، بابراعظم
    ای بائیک کے لیے گھر پر چارجنگ ایک اور آپشن ہے اگرچہ صارفین بجلی کے ہائی وولٹیج اور فریکوئنسی کے مسائل کے بارے میں فکر مند ہیں جس سے ان کی مہنگی گاڑیوں کو خطرہ ہو سکتا ہے۔ اس کے علاوہ بڑھتی ہوئی لوڈشیڈنگ کے ساتھ بجلی کی قابلِ اعتماد فراہمی کا عدم تحفظ ممکنہ خریداروں کے لیے باعثِ تشویش ہوگا اور چونکہ مقامی مارکیٹ میں ابھی توسیع ہونا باقی ہے تو پرزہ جات اور مرمت اور دیکھ بھال کے لیے تکنیکی مہارت کی دستیابی بھی تشویش کا باعث بنی ہوئی ہے۔

  • سونے کی قیمتوں میں کمی

    سونے کی قیمتوں میں کمی

    عالمی مارکیٹ میں سونے کی قیمت میں اضافے کے باوجود پاکستان میں سونے کی قیمتوں میں بڑی کمی آگئی ہے جبکہ جیولرز کے مطابق ڈالر کی قیمت میں نمایاں کمی اور سٹے بازوں کے خلاف کریک ڈاؤن کے بعد سونے کی قیمتیں کم ہورہی ہیں تاہم مقامی صرافہ بازار میں 10گرام سونا ایک لاکھ 62 ہزار 894 روپے پر آگیا۔

    علاوہ ازیں‌جیولرز کے مطابق سونے کا فی تولہ بھاؤ ایک لاکھ 90 ہزار روپے ہوگیا، بین الاقوامی مارکیٹ میں سونے کی قیمت ایک ڈالر نواسی سینٹس اضافے سے 18 سو 23 ڈالر فی اونس ہوگئی۔

    مزید یہ بھی پڑھیں؛
    بریسٹ کینسر …… لوگ کیا کہیں گے۔۔؟ (محمد نورالہدیٰ)
    اگر پاکستان سے سپورٹر بھی یہاں ہوتے تو اور اچھا لگتا، بابراعظم
    دوسری جانب انٹر بینک مارکیٹ میں آج بھی ڈالر کی قیمت میں بھاری کمی دیکھنے میں آئی ہے اور ڈالر کی کمی میں تسلسل کو آج ایک مہینہ پورا ہو گیاہے واضح رہے کہ انٹر بینک مارکیٹ میں کاروبار کے دوران ڈالر مزید 1 روپیہ 8 پیسے سستا ہونے کے بعد 283.60 روپے پر ٹریڈ کر رہاہے جبکہ 5 ستمبر کو ڈالر 307.10 روپے پر تھا ۔ انٹر بینک میں ڈالر گزشتہ 1 ماہ میں 23 روپے 50 پیسے سستا ہواہے ۔

    ادھر سٹاک مارکیٹ میں بھی آج بہتری کا رجحان دیکھنے میں آ رہاہے ، شیئرز کا لین دین شروع ہوا تو 100 انڈیکس 47 ہزار 79 پوائنٹس پر تھا جس میں اب تک 230 پوائنٹس کا اضافہ ہو چکا ہے اور انڈیکس 47 ہزار 310 پوائنٹس پر آ چکا ہے ۔

  • تحریک انصاف سیاسی قوت نہیں ہے. کامران مرتضیٰ

    تحریک انصاف سیاسی قوت نہیں ہے. کامران مرتضیٰ

    جمعیت علماء اسلام (جے یو آئی) کے رہنما کامران مرتضیٰ نے پروگرام کھرا سچ میں مبشر لقمان کے ساتھ بات کرتے ہوئے عثمان ڈار کے انکشافات بارے کہا کہ گھر کی بھیدی نے لنکا ڈھائی ہے اور اسی لیے مولانا فضل الرحمان کہتے تھے کہ ہم تحریک انصاف سے اس لیئے بات نہیں کرتے کیونکہ وہ سیاسی قوت نہیں ہے.


    ان کا مزید کہنا تھا کہ اس سے قبل انہوں نے پاکستان ریڈیو پر حملہ کیا اور پارلیمنٹ پر بھی حملہ کیا تھا جو دراصل ملک سے غداری ہے اور یہی وجہ ہے کہ یہ لوگ نہ معافی اور ناہی بات چیت کے قابل ہیں، جبکہ 9 مئی پاکستان کا 9\11 ہے اور اس میں بہت سارے لوگ شامل ہیں اور یہ لوگ جنکی مدد سے برسراقتدار آئے تھے انہی کے خلاف ہوگئے۔

    انہوں نے کہا ان کا ہدف ادارے تھے، جمعیت علماء اسلام (جے یو آئی) کے رہنما کامران مرتضیٰ نے ایک اور ٹی وی چینل پر کہا کہ حکومت نوازشریف کی تقاریر پر پابندی ہٹاسکتی ہے، سندھ میں پیپلزپارٹی اور جے یو آئی کا نظریہ مختلف ہے، وہاں جے یو آئی، ایم کیو ایم، جے ڈی اے اور ن لیگ کا اتحاد بن سکتا ہے.
    مزید یہ بھی پڑھیں؛
    جی سی سی نے 14 سال بعد پاکستان کے ساتھ معاہدہ کیا . وفاقی وزیر برائے تجارت
    تیل کی پیداوار میں ایک ملین بیرل یومیہ کمی کا اعلان
    کپاس کی پیداوار میں 71 فیصد اضافہ
    ڈالر، ایک روپے سے زائد کمی کے بعد 284.70 روپے پر آ گئی
    جبکہ نجی ٹی وی سے گفتگو کرتے ہوئے جے یو آئی (ف) کے رہنما کامران مرتضیٰ نے کہا کہ ہر قیدی جیل مینول کا پابند ہوتا ہے، سیاستدان کرسی پر ہوتا ہے یا پھر جیل میں، ہمارے یہاں کچھ وزرائے اعظم بنے بنائے آئے، ایک سابق وزیراعظم کو اپنے والد کی قبر کاعلم بھی نہ تھا، کامران مرتضیٰ نے کہا کہ نوازشریف کی تقاریر پر پابندی کے خلاف عدالت جانا پڑے گا، حکومت نوازشریف کی تقاریر پر پابندی ہٹاسکتی ہے، ہوسکتا ہے کہ نوازشریف کو حفاظتی ضمانت مل جائے، حفاظتی ضمانت عدالت میں سرینڈر کرنے کے لیے لی جاتی ہے۔

  • پیپلز پارٹی ملک بھر میں کلین سوئپ کرے گی، وزیر اعظم بلاول ہونگے. شرجیل انعام میمن

    پیپلز پارٹی ملک بھر میں کلین سوئپ کرے گی، وزیر اعظم بلاول ہونگے. شرجیل انعام میمن

    پاکستان پیپلز پارٹی کے رہنما شرجیل میمن نے کہا ہے کہ کوئی کتنے ہی دعوے کر لے بلاول کو وزیراعظم بنا کر رہیں گے جبکہ پشاور میں تقریب سے خطاب کرتے ہوئے شرجیل میمن نے کہا کہ عام انتخابات میں پیپلز پارٹی چاروں صوبوں سے کلین سوئپ کرے گی، عوام کے پاس تمام مسائل سے نکلنے کیلئے پیپلز پارٹی کے علاوہ کوئی چوائس نہیں۔

    واضح رہے کہ شرجیل میمن نے کہا کہ ہمیں مثبت سوچ رکھنی چاہیے، سب کو اندازہ ہے پاکستان میں کس قسم کی سیاست ہوتی رہی ہے، ماضی میں پیپلز پارٹی کے ادوار میں لوگوں کی زندگیوں میں بہتری آئی، پیپلز پارٹی نے پر امن طریقے سے جدوجہد کی ہے۔ جبکہ پی پی رہنما نے کہا کہ جلد از جلد الیکشن ہوں، جسے عوام چنے وہ پارٹی ملک کو سنبھالے، معیشت تب ٹھیک ہوگی جب آصف زرداری کے وژن پر کام کریں گے، آصف علی زرداری نے سی پیک کی بنیاد ڈالی، سابق صدر آصف زرداری نے اپنے اختیارات کم کرکے پارلیمنٹ کو با اختیار بنایا۔
    مزید یہ بھی پڑھیں؛
    جی سی سی نے 14 سال بعد پاکستان کے ساتھ معاہدہ کیا . وفاقی وزیر برائے تجارت
    تیل کی پیداوار میں ایک ملین بیرل یومیہ کمی کا اعلان
    کپاس کی پیداوار میں 71 فیصد اضافہ
    ڈالر، ایک روپے سے زائد کمی کے بعد 284.70 روپے پر آ گئی
    علاوہ ازیں شرجیل میمن نے کہا کہ سرکاری اداروں میں پیپلز پارٹی کے دور میں مزدوروں کو شیئر ہولڈر بنایا گیا، پاکستان کی موجودہ صورتحال کی بہتری میں پیپلز پارٹی کردار ادا کر سکتی ہے، پی ٹی آئی حکومت جب گئی پاکستان کو دو چیلنجز درپیش تھے، پاکستان کو معیشت اور خارجہ سطح پر آئسولیشن جیسے چیلنجز تھے جبکہ انہوں نے مزید کہا کہ معیشت کی بہتری کیلئے مسلم لیگ ن نے اپنا کردار کیا، بلاول بھٹو نے پاکستان کے دیگر ملکوں سے تعلقات بحال کیے، آصف علی زرداری واحد لیڈر ہیں جو سیاست دانوں کو ایک میز پر بٹھا سکتے ہیں۔

  • سانحہ 9 مئی کی منصوبہ بندی ایوان صدر میں ہوئی. محمود مولوی کا دعویٰ

    سانحہ 9 مئی کی منصوبہ بندی ایوان صدر میں ہوئی. محمود مولوی کا دعویٰ

    محمود مولوی کا کہنا ہے کہ نواز شریف جو 3 بار وزیر اعظم رہا ایسا بے ہودہ بیان کیسے دے دیا جبکہ انہوں نے کہا میں نواز شریف کو پاکستان آتے ہوئے نہیں دیکھ رہا ہوں، ان کا مزید کہنا تھا کہ میں عثمان ڈار سے متفق ہوں اور میں نے پہلے ہی انہیں کہہ دیا تھا کہ آپ سب کچھ بول دو، اور 9 مئی کے واقعے سے پہلے میں خود بیٹھا تھا میٹنگ میں.

    محمود مولوی نے کہا کہ عمران‌خان نے کہا تھا کہ ہم حساس عمارتوں پر حملہ کریں گے تو میں نے انہیں جواب دیا کہ کیا ہم سول وار کی طرف جارہے کہ یا کچھ بہت بڑا نقصان کرنے جارہے ہیں‌، اور کہا کہ دوبارہ یہ بات مت کرنا، اور اس ملاقات میں شاہ محمود قریشی اور علی زیدی بھی شامل تھے.

    واضح رہے کہ اس سے قبل تحریک انصاف کے رہنما عثمان ڈار نے پی ٹی آئی اور سیاست چھوڑنے کا اعلان کرتے ہوئے کہا کہ 9 مئی حملوں کا مقصد فوج پر دباؤ ڈال کر آرمی چیف جنرل عاصم منیر کو عہدے سے ہٹانا تھا جبکہ تحریک انصاف کے عثمان ڈار نے نجی ٹی وی کے انٹرویو میں پارٹی چیئرمین عمران خان کے خلاف چارج شیٹ پیش کرتے ہوئے کہا ہے کہ 9 مئی کے واقعات کا منصوبہ تحریک انصاف کی زیر صدارت زمان پارک میں بنایا گیا۔
    مزید یہ بھی پڑھیں؛
    سندھ میں پیپلزپارٹی اور جے یو آئی کا نظریہ مختلف ہے. جی یو آئی ایف
    جی سی سی نے 14 سال بعد پاکستان کے ساتھ معاہدہ کیا . وفاقی وزیر برائے تجارت
    تیل کی پیداوار میں ایک ملین بیرل یومیہ کمی کا اعلان
    کپاس کی پیداوار میں 71 فیصد اضافہ
    ڈالر، ایک روپے سے زائد کمی کے بعد 284.70 روپے پر آ گئی
    جبکہ انہوں نے مزید کہا کہ چیئرمین پی ٹی آئی نے فوج سے ٹکراؤ کی پالیسی کی قیادت کی، چیئرمین پی ٹی آئی کی گرفتاری کی صورت میں حساس تنصیبات کو نشانہ بنانے کی ہدایت دی گئی، حساس تنصیبات کو نشانہ بنانے کی ہدایت خود چیئرمین پی ٹی آئی نے دی علاوہ ازیں عثمان ڈار نے مزید کہا کہ چیئرمین پی ٹی آئی نے خود کو گرفتاری سے بچانے کے لیے کارکنوں کی ذہن سازی کی، کارکنوں کو انسانی ڈھال کے طور پر استعمال کیا گیا۔

  • سندھ میں پیپلزپارٹی اور جے یو آئی کا نظریہ مختلف ہے. جی یو آئی ایف

    سندھ میں پیپلزپارٹی اور جے یو آئی کا نظریہ مختلف ہے. جی یو آئی ایف

    جی یو آئی ایف کا کہنا ہے کہ سندھ میں پیپلزپارٹی اور جے یو آئی کا نظریہ مختلف ہے اور یہی وجہ ہے ہم ایک نہیں ہوسکتے ہیں فلحال کیونکہ ہمارے نظریات اور ان کے نظریات میں زمین آسمان کا فرق ہے جبکہ جمعت کے رہنماء کا کہنا تھا کہ جیتنے کے بعد مل کر حکومت بنانا اور بات ہے مگر الیکشن میں مقابلہ ہونا چاہئے۔

    علاوہ ازیں انہوں نے کہا کہ نہیں معلوم پیپلزپارٹی دوسروں پر کیوں تنقید کررہی ہے، نگراں وزیراعلیٰ مقبول باقر کا بہت احترام کرتا ہوں، ہمارے جلوسوں پر دہشت گرد حملے ہورہے ہیں ان کا مزید کہنا تھا کہ جے یو آئی کو لیول پلئینگ فیلڈ نہیں مل رہی، سندھ میں پیپلزپارٹی اور جے یو آئی کا نظریہ مختلف ہے، سندھ میں ایم کیوایم، جے ڈی اے، ن لیگ کے ساتھ اتحاد بنائیں گے۔

    مزید یہ بھی پڑھیں؛
    جی سی سی نے 14 سال بعد پاکستان کے ساتھ معاہدہ کیا . وفاقی وزیر برائے تجارت
    تیل کی پیداوار میں ایک ملین بیرل یومیہ کمی کا اعلان
    کپاس کی پیداوار میں 71 فیصد اضافہ
    ڈالر، ایک روپے سے زائد کمی کے بعد 284.70 روپے پر آ گئی
    تاہم اس موقع پر مسلم لیگ ن کے رہنما خلیل طاہر سندھو نے کہا کہ سیاستدانوں نے ماضی سے سبق نہیں سیکھا، چیئرمین پی ٹی آئی پر ن لیگ نے کوئی مقدمہ نہیں بنایا، نواز شریف کی حفاظتی ضمانت کی درخواست دائر ہوگی، نوازشریف کو حفاظتی ضمانت مل جائے گی اور خلیل طاہر سندھو کا کہنا تھا کہ پیپلزپارٹی نے ن لیگ کے خلاف الیکشن لڑنا ہے، لیول پلئینگ فیلڈ کی بات کرنا پیپلزپارٹی کی مجبوری ہے، نوازشریف کی تقاریر دنیا بھر میں سنی جائیں گی۔

  • جی سی سی نے 14 سال بعد پاکستان کے ساتھ معاہدہ کیا . وفاقی وزیر برائے تجارت

    جی سی سی نے 14 سال بعد پاکستان کے ساتھ معاہدہ کیا . وفاقی وزیر برائے تجارت

    وفاقی وزیر برائے تجارت گوہر اعجاز کا کہنا ہے کہ خلیج تعاون کونسل کے ساتھ آزادانہ تجارت کا معاہدہ طے پاگیا ہے، جی سی سی نے 14 سال بعد پاکستان کے ساتھ معاہدہ کیا ہے، وفاقی وزراء گوہر اعجاز، سرفراز بگٹی اور محمد علی نے خصوصی سرمایہ کاری سہولت کونسل کے اجلاس کے حوالے سے میڈیا کو بریفنگ دی جبکہ میڈیا سے بات کرتے ہوئے گوہر اعجاز نے کہا کہ معاہدے کیلئےسعودی عرب نے اہم کردار ادا کیا ہے۔

    علاوہ ازیں انہوں نے بتایا کہ صنعتوں کو سردیوں میں توانائی کی فراہمی کیلئے بھی اقدامات کیے گئے ہیں اور ان کا کہنا تھا کہ افغان ٹرانزٹ ٹریڈ معاہدے میں قانون کے مطابق بہترئی لائی گئی ہے، ہمارے اوورسیز پاکستانیوں کا پیسہ افغان ٹرانزٹ ٹریڈ کیلئے استعمال ہوتا رہا، اوورسیز پاکستانیوں کا بھیجا گیا پیسہ غیرقانونی طریقے سے باہر منتقل ہورہا تھا، حکومتی اقدامات سے اب ڈالر کی غیرقانونی منتقلی رُک گئی ہے۔

    تاہم واضح رہے کہ گوہر اعجاز نے کہا کہ امید ہے رواں سال فصلوں کی ریکارڈ پیدوار حاصل ہوگی، وزیرتوانائی محمد علی کا کہنا تھا کہ بجلی چوری روکنے کیلئے اقدامات جاری ہیں اور جاری رہیں گے۔ ان کا کہنا تھا کہ سردیوں میں گیس لوڈشیڈنگ پر قابو پانے کیلئے اقدامات کررہے ہیں، رواں سال دسمبر تک گیس کی کمی کا مسئلہ بہت حد تک حل ہوجائے گا۔
    مزید یہ بھی پڑھیں؛
    افغان سنٹری کی بلا اشتعال فائرنگ؛ 12 سالہ بچے سمیت دو پاکستانی شہید
    تیل کی پیداوار میں ایک ملین بیرل یومیہ کمی کا اعلان
    کپاس کی پیداوار میں 71 فیصد اضافہ
    ڈالر، ایک روپے سے زائد کمی کے بعد 284.70 روپے پر آ گئی
    جبکہ وزیر داخہلہ سرفراز بگٹی نے کہا کہ چمن بارڈر پر فائرنگ کے واقعے کی مذمت کرتا ہوں، پاکستانی فورسز کی جانب سے واقعے پر صبروتحمل کا مظاہرہ کیاگیا، صبروتحمل کی وجہ وہاں پر موجود سویلین تھے، نگراں وزیرداخلہ نے کہا کہ گزشتہ روز سیکیورٹی فورسز نے 10 دہشت گردوں کو ہلاک کیا، ملک سے دہشت گردی کے ناسور کا مکمل خاتمہ کیا جائے گا۔

  • افغان سنٹری کی بلا اشتعال فائرنگ؛ 12 سالہ بچے سمیت دو پاکستانی شہید

    افغان سنٹری کی بلا اشتعال فائرنگ؛ 12 سالہ بچے سمیت دو پاکستانی شہید

    آئی ایس پی آر نے اپنے اعلامیہ میں کہا کہ 04 اکتوبر 2023 کو صبح 6 بجے صوبہ بلوچستان میں پاک افغان سرحد پر چمن بارڈر کراسنگ کے فرینڈ شپ گیٹ پر تعینات ایک افغان سنٹری نے پاکستان سے افغانستان جانے والے پیدل چلنے والوں پر بلا اشتعال اور اندھا دھند فائرنگ کی جبکہ یہ واقعہ زیرو لائن پر واقع آؤٹ باؤنڈ گیٹ پر پیش آیا۔

    جاری اعلامیہ کے مطابق جس کے نتیجے میں ایک 12 سالہ بچے سمیت دو بے گناہ پاکستانی شہریوں نے شہادت کو گلے لگا لیا جبکہ ایک اور بچہ زخمی ہوگیا تاہم فوجیوں نے انتہائی تحمل کا مظاہرہ کیا اور نقصان سے بچنے کے لئے معصوم مسافروں کی موجودگی میں فائرنگ کے کسی بھی تبادلے سے گریز کیا۔

    مزید یہ بھی پڑھیں؛
    نواز شریف کا بھٹو سے موازنہ ہی نہیں بنتا. مرتظیٰ وہاب
    تیل کی پیداوار میں ایک ملین بیرل یومیہ کمی کا اعلان
    کپاس کی پیداوار میں 71 فیصد اضافہ
    ڈالر، ایک روپے سے زائد کمی کے بعد 284.70 روپے پر آ گئی

    واضح رہے کہ جاں بحق افراد کی لاشوں کو ڈی ایچ کیو ہسپتال چمن منتقل کردیا گیا ہے اور زخمی بچہ جسے سیکیورٹی فورسز نے فوری طور پر نکال لیا تھا زیر علاج ہے۔ افغان حکام سے رابطہ کیا گیا ہے کہ وہ اس طرح کے غیر ذمہ دارانہ اور لاپرواہ اقدام کی وجہ معلوم کریں، مجرم کو پکڑیں اور پاکستانی حکام کے حوالے کریں۔

    خیال رہے کہ آئی ایس پی آر کے مطابق آئی اے جی سے یہ بھی توقع کی جاتی ہے کہ وہ اپنے فوجیوں پر کنٹرول کرے گی اور ذمہ داری سے کام کرنے کے لئے نظم و ضبط فراہم کرے گی تاکہ مستقبل میں اس طرح کے واقعات کا اعادہ نہ ہو۔ پاکستان مثبت اور تعمیری دوطرفہ تعلقات کے ذریعے امن، خوشحالی اور ترقی میں اپنا کردار ادا کرنے کے لئے پرعزم ہے، تاہم اس طرح کے ناخوشگوار واقعات مخلص ارادے اور مقصد کو نقصان پہنچانے کا امکان رکھتے ہیں۔

  • نواز شریف کا بھٹو سے موازنہ ہی نہیں بنتا. مرتظیٰ وہاب

    نواز شریف کا بھٹو سے موازنہ ہی نہیں بنتا. مرتظیٰ وہاب

    پیپلزپارٹی کے رہنما مرتضیٰ وہاب نے مسلم لیگ نواز کے رہنما جاوید لطیف کے بیان پر رد عمل دیتے ہوئے کہا کہ جاوید لطیف صاحب شہید بھٹو کا موازنہ نواز شریف سے کر رہے ہیں جو آنکھوں میں دھول جھونکنے کے مترادف ہے خیال رہے کہ اوکاڑہ میں سابق ممبر قومی اسمبلی چوہدری ریاض الحق کی رہائش گاہ پر پریس کانفرنس کرتے ہوئے میاں جاوید لطیف نے کہا کہ 2024 کے الیکشن میں کوئی نواز شریف کو مائنس کرنے کی کوشش نہ کرے، کسی بھی سیاسی جماعت کو الیکشن سے آؤٹ نہیں دیکھنا چاہتے لیکن مجھے یہ کوئی بتا دے جو 9 مئی کو ہوا کوئی سیاسی جماعت کرتی ہے، کوئی باہر سے 9 مئی جیسا کام کرے تو دہشت گردی اگر کوئی سیاسی جماعت کرے تو آپ کیا کہیں گے۔

    جبکہ مسلم لیگ ن کے رہنما کا کہنا تھا کہ 2018 میں آر ٹی ایس بٹھانے کے باوجود ہم نے الیکشن کو مانا، اب میاں نواز شریف یا مسلم لیگ نون کیوں الیکشن نہیں چاہیں گے، ہر مشکل وقت میں نواز شریف نے ہی ملک کو سنبھالا، نواز شریف نے ہی پاکستان کو ناقابل تسخیر بنایا، اللہ تعالی کی ذات کے بعد صرف نواز شریف ہی ملک کو گرداب سے نکالنے کی صلاحیت رکھتے ہیں۔

    علاوہ ازیں انہوں نے مزید کہا کہ اگر 2014 میں سول نافرمانی کو روکا ہوتا تو آج 9 مئی کا سانحہ نہ ہوتا، ہم یہ کہتے ہیں کہ اگر آب 2016 اور 17 کے ذمہ داروں کا احتساب نہیں کرتے تو 9 مئی کے ملزمان کا احتساب تو کریں اور ان کو سزا ملنی چاہیئے، اس وقت ملکی معاشی حالات یہ ہیں کہ لوگوں کو روٹی نہیں مل رہی تو ہم کیا جشن منائیں، اس لیے ہم مینار پاکستان پر جلسہ کر رہے ہیں، جاوید لطیف نے یہ بھی کہا کہ 21 اکتوبر کو لاہور میں ہونے والا نواز شریف کا جلسہ ایک تاریخ رقم کرے گا۔

    مزید یہ بھی پڑھیں؛
    صدق دل سے انقلاب لانا ہے تو۔۔۔۔تجزیہ، شہزاد قریشی
    تیل کی پیداوار میں ایک ملین بیرل یومیہ کمی کا اعلان
    کپاس کی پیداوار میں 71 فیصد اضافہ
    ڈالر، ایک روپے سے زائد کمی کے بعد 284.70 روپے پر آ گئی

    تاہم دوسری جانب میئر کراچی بیرسٹر مرتضیٰ وہاب کا ن لیگ کے رہنما جاوید لطیف اور طلال چوہدری کے بیان پر رد عمل دیتے ہوئے کہنا تھا کہ جاوید لطیف صاحب شہید بھٹو کا موازنہ نواز شریف سے کر رہے ہیں جو آنکھوں میں دھول جھونکنے کے مترادف ہے، ن لیگ کی کار گزاری بھٹو شہید کی قربانیوں کا عشرِ عشیر بھی نہیں ہیں، جاوید لطیف اور طلال چوہدری کس گھمنڈ سے بھٹو شہید کا موازنہ کرنے کی بات کررہے ہیں۔

    نجی ٹی وی کے مطابق مرتضٰی وہاب نے کہا کہ جاوید لطیف صاحب کو ماضی قریب کی سیاسی تاریخ پڑھنے کا مشورہ دیتا ہوں، بھٹو شہید کے خاندان نے جمہوریت کو اپنے خون سے سینچا ہے جس کا اعتراف نواز شریف بھی کرتے ہیں، جاوید لطیف اور طلال چوہدری اعداد و شمار کو مدنظر رکھتے ہوئے موازنے کی بات کریں تو مناسب ہو گا، جاوید لطیف ووٹ حاصل کرنے کے لیے پہلے سیاسی شعور بڑھائیں، حیرت ہے کہ ان کی کارنر میٹنگ میں اس طرح کی باتیں ہو رہی ہیں، انہوں نے کہا کہ جاوید لطیف کو علم نہیں کہ پاکستان کو تحریکِ انتشار کے نرغے سے بھٹو شہید کی پارٹی نے نکالا تھا، بھٹو شہید کی قربانی رہتی دنیا تک یاد رکھی جائے گی، پیپلزپارٹی کا مقابلہ کرنے والوں کا سیاسی حال بھی دنیا نے دیکھا ہے۔