Baaghi TV

Tag: پاکستان

  • ورلڈ بینک نے پاکستان کیلئے 10 کروڑ ڈالر کی منظوری دے دی

    ورلڈ بینک نے پاکستان کیلئے 10 کروڑ ڈالر کی منظوری دے دی

    اسلام آباد: ورلڈ بینک نے پاکستان کے لئے 10 کروڑ ڈالر کی منظوری دے دی ہے۔

    باغی ٹی وی: عالمی بینک کے مطابق رقم پنجاب میں منصوبہ بندی کے پروگرام کے لئے خرچ ہوگی، پروگرام کا مقصد 60 فیصد خاندان میں منصوبہ بندی کو بڑھانا ہے منصوبہ بندی پاکستان کی ترقی کے لئے اہم ہے، زیادہ آبادی ترقی کی شرح میں رکاوٹ کا باعث بنتی ہے جب کہ آبادی میں اضافے سے غربت میں اضافہ ہوتا ہے۔

    دوسری جانب انٹربینک میں روپے کے مقابلے میں آج بھی ڈالرکی گراوٹ کا سلسلہ جاری ہےآج انٹربینک میں کاروبار کے آغاز پر ڈالرکا بھاؤ 3 روپے 48 پیسےکم ہوکر 274 روپے ہوگیا، بعدازاں ڈالر ایک روپے 98 پیسے کمی کے بعد 275 روپے 50 پیسےکا ہوگیا انٹربینک تبادلہ مارکیٹ میں گزشتہ روز ڈالر ایک روپیہ 9 پیسے سستا ہونےکے بعد277 روپے 48 پیسے پر بند ہوا تھا،دوسری جانب اوپن مارکیٹ میں ڈالر 2 روپے سستا ہوکر 279 روپےکا ہوگیا ہے۔

    پاکستان ریلوے نیٹ ورک کو شمسی توانائی پر منتقل کرنے کا فیصلہ

    خیال رہےکہ عالمی مالیاتی فنڈ (آئی ایم ایف) کے ایگزیکٹو بورڈ نے پاکستان کا 3 ارب ڈالرز قرض پروگرام منظور کرلیا ہے، آئی ایم ایف کے ایگزیکٹو بورڈ نے پاکستان کے ساتھ اسٹینڈ بائے معاہدے کی منظوری دی ہے جس کے بعد فوری طور پر ایک ارب 20 کروڑ ڈالر کی قسط پاکستان کو جاری کردی جائےگی۔

    پاکستان کی پہلی خاتون انگریزی مصنفہ، صحافی، ایڈیٹر اورشاعرہ بیگم زیب النساء حمید اللہ

    خزانہ اسحاق ڈار نے بتایا ہےکہ سعودی عرب اور یو اے ای سے 3 ارب ڈالر آچکےہیں، اس سے ہمارے اسٹیٹ بینک کےذخائر میں بہتری آئے گی، آئی ایم ایف معاہدے کی خلاف ورزی کرنے کا سوچنا بھی زیادتی ہوگی،وزیر خزانہ نے کہا کہ پچھلی حکومت کی طرف سے آئی ایم ایف معاہدے کی خلاف ورزی کی قیمت ملک نے ادا کی، کوشش ہے کہ موجودہ حکومت کی مدت پوری ہونے تک ملک میں زرمبادلہ کے ذخائر 14 سے 15 ارب ڈالر کے درمیان ہوں اسٹیٹ بینک کے پاس موجود ذخائر 9 سے 10 ارب ڈالر کے درمیان ہونے چاہئیں۔

    دریائے ستلج میں پانی کی سطح میں مسلسل اضافہ،20 سے زائد دیہات زیر آب، زمینی …

    عالمی مالیاتی فنڈ (آئی ایم ایف) کی مینیجنگ ڈائریکٹر (ایم ڈی) کرسٹالینا جارجیوا کا کہنا ہےکہ پاکستان کو اس پروگرام پر پوری لگن سے عمل کرنا ہوگا، ماضی میں قرض پروگرام کی پالیسیوں پر عملدرآمد نہ ہونے سے مہنگائی میں اضافہ ہوا قرض پروگرام کی پالیسیوں پر عمل نہ ہونے کے باعث پاکستان کے اندرونی و بیرونی مالی ذخائرمیں کمی آئی، پالیسیوں پر تسلسل سے عملدرآمد کے ذریعے عدم توازن دور ہوگا۔

    جو نیازی کو کندھوں پہ بٹھا کے لائے تھے وہ ہسپتال مکمل کرواتے،وزیراعظم

  • پاکستان ریلوے نیٹ ورک کو شمسی توانائی پر منتقل کرنے کا فیصلہ

    پاکستان ریلوے نیٹ ورک کو شمسی توانائی پر منتقل کرنے کا فیصلہ

    حکام کی جانب سے پاکستان ریلوے نیٹ ورک کو شمسی توانائی پر منتقل کرنے کا فیصلہ کیا گیا ہے۔

    باغی ٹی وی : پاکستان ریلویز کی جانب سے سوشل میڈیا پر جاری بیان میں کہا گیا ہے کہ وزیر ریلوے خواجہ سعد رفیق کی ہدایات پر 20 جولائی سے موہنجو ڈرو ایکسپریس کو بحال کرنے کا فیصلہ کیا گیا ہے، موہنجو ڈرو ایکسپریس 8 اکانومی کوچز پر مشتمل ہو گی-


    سی ای اوپاکستان ریلوے کا کہنا تھا کہ ٹرین براستہ دادو اور حبیب کوٹ چلے گی،صبح سات بجے روہڑی سے چلے گی جبکہ ٹرین صبح موہنجوڈرو ایکسپریس کی کامیابی کی صورت میں بولان ایکسپریس کوبھی بحال کیا جائے گا تاہم خوشحال خان خٹک ایکسپریس کو چلانا ابھی کمرشل اعتبار سے موزوں نہیں ہے پاکستان ریلویز کا معاشی بوجھ ختم کرنے کے لئے ریلوے نیٹ ورک کو شمسی توانائی پر منتقل کیا جائے گا۔

    سمجھ سکا نہ کوئی آج تک کہ کیا ہوں میں، ہوا کےدوش پہ جلتا ہوا …

    واضح رہے کہ پاکستان ریلوے کا خسارہ، پنشن، ملازمین کی تنخواہوں اور قرضوں کی مد میں سالانہ ادائیگیوں کا بل ریکارڈ 109 ارب تک پہنچ گیا غیرملکی قرضے، سود، پنشن، مختلف ٹھیکوں میں گھپلے، معاہدوں اور اسکریب کی چوری کا نقصان تراسی ارب روپے سے بھی زیادہ ہے کئی ٹرینیں بند ہوئیں، کئی اسٹیشن بھی بند ہوگئے، یہاں تک کہ دو درجن سے زائد شہروں میں ٹرین کی آمد و رفت معطل ہوچکی ہے، ملازمین نے بیرون ملک دوروں میں کروڑوں روپے پھونک دیئے۔

    ہیڈ آف ہم انویسٹی گیشن ٹیم زاہد گشکوری کی رپورٹ کے مطابق ریلوے کے ایک لاکھ گیارہ ہزار دو سو انچاس ریٹائرڈ ملازمین کی پنشن کا بل پچھلے سال ریکارڈ 41 ارب رہا،ریلوے کے پنشن لینے والے 15 ہزار ملازمین کی بائیو میٹرک شناخت کا عمل ابھی تک مکمل نہیں ہوا 61 ہزار ملازمین کی تنخواہوں کا بل 36 ارب روپے ہےریلوے کی ایک لاکھ 11ہزارکنال یعنی 25 ارب روپے مالیت کی زمین قبضہ گروپوں نے ہتھیائی ہوئی ہے،ریلوے کی کل زمین ایک لاکھ اڑسٹھ ہزار آٹھ سو اٹھاون ایکڑ ہے جس سے سالانہ ساڑھے تین ارب کمائی آتی ہے۔

    دریائے ستلج میں پانی کی سطح میں مسلسل اضافہ،20 سے زائد دیہات زیر آب، زمینی …

    دستاویزات کے مطابق مالی سال 2021 اور 2022 میں ریلوے کا مجموعی خسارہ بالترتیب 47 اور32 ارب روپے رہا،2021میں ریلوے کے مجموعی اخراجات 108 ارب روپے رہے،مالی سال 2021 اور 2022 میں ریلوے کی مجموعی آمدنی 60 اور62 ارب روپے رہی 2018میں ریلوے کے اخراجات 86 ارب، خسارہ 32 ارب جبکہ آمدنی 55 ارب رہی، دستیاب دستاویزات کے مطابق 2012میں خسارہ 27 ارب، خرچے 63 ارب جبکہ ریونیو 32 ارب رہا۔

    ریلوے کے 102 ملازمین نے پچھلے 9 سال میں 375 بین الاقوامی سفر کیے،ان غیرملکی دوروں پر سرکاری خزانے سے 5 کروڑ سے زائد رقم خرچ ہوئی آڈٹ حکام کے مطابق، ریلوے کے جاری منصوبے بروقت مکمل نہ ہونے سے 20 ارب کا نقصان ہوا، غیرملکی قرض، شرح سود میں اضافہ اور پنشن کا 38 ارب کا اضافی بوجھ پڑا۔

    شاہ محمود قریشی، اسد عمر کی درخواست ضمانت پر آیا فیصلہ

    پنجاب ریونیو اتھارٹی کے ساتھ رجسٹرڈ نہ ہونے پر8 ارب کا نقصان ہوا، خلاف قانون ایک ٹھیکہ دینے پر ریلوے کو 7 ارب کا نقصان ہوا، ٹریکنگ ایکسس معاہدہ پر عمل نہ کرنے سے 6 ارب کا نقصان ہوا شفاف پراکیورمنٹ نہ ہونے سے 5 ارب کا نقصان، بلوں کی عدم وصولی سے بھی 5 ارب کا نقصان جبکہ بڈنگ میں تاخیرسے 2 ارب کا نقصان ہوا، ریلوے حکام کا کہنا ہے کہ زیادہ نقصانات گزشتہ سال کے سیلاب میں ریلوے ٹریک کی ٹوٹ پھوٹ کی وجہ سے ہوئے۔

    ریلوے حکام کے مطابق سابقہ حکومت کی غلط پالیسیوں کی وجہ سےبھی ریلوےٹریک کی اپ گریڈیشن پر کام نہیں کیا گیا،آمدنی میں اضافے کیلئے اراضی کے استعمال کے قوانین کی منظوری ہوچکی ہے،گرین لائن کی طرزپرمال بردار ٹرینیں چلا کر بھی آمدن میں اضافہ کیا جائے گا، چین کے تعاون سے ایم ایل ون پر کام کی رفتار تیز کی جائے گی کوئلے کے وزن میں جھول سے ریلوے کو 2 ارب کا نقصان ہوا، ایک غیرملکی کمپنی سے وصولی نہ کرنے پر سوا ارب سے زائد کا نقصان ہوا، خراب مواد کے استعمال سے 31 کروڑ کا خسارہ ہوا،5 کروڑ کی خورد برد ہوئی۔

    پاکستان کی پہلی خاتون انگریزی مصنفہ، صحافی، ایڈیٹر اورشاعرہ بیگم زیب النساء حمید اللہ

  • ڈالر کے مقابلہ میں روپے کی قدر میں مزید بہتری

    ڈالر کے مقابلہ میں روپے کی قدر میں مزید بہتری

    امریکی ڈالر کے مقابلے میں روپے کی قدر مزید تیزی سے بہتر ہونے لگی ہے جبکہ اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے چوتھے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 1 روپے 2 پیسے کم ہو گئی ہے۔ دن بھر ٹریڈنگ کے دوران ایک موقع پر امریکی ڈالر کی قیمت میں 3 روپے کی کمی دیکھی گئی تھی۔

    اعداد و شمار کے مطابق کاروبار کے اختتام پر انٹر بینک میں روپے کے مقابلے میں امریکی ڈالر کی قیمت 277 روپے 48 پیسے سے کم ہو کر 276 روپے 46 پیسے ہو گئی ہے۔ مرکزی بینک کے مطابق امریکی ڈالر کے مقابلے میں روپے کی قدر میں 0.37 فیصد کی بحالی دیکھی گئی۔ تاہم خیال رہے کہ گزشتہ روز بھی روپے کے مقابلے میں امریکی ڈالر کی قدر 1 روپیہ 9 پیسے گر گئی تھی اور قدر 278 روپے 57 پیسے سے کم ہو کر 277 روپے 48 پیسے ہو گئی تھی۔

    اُدھر اوپن مارکیٹ میں بھی ڈالر2روپے سستا ہو کر 278 روپے پر آگیا۔ معاشی ماہرین کا کہنا ہے کہ سعودی عرب، متحدہ عرب امارات، عالمی مالیاتی ادارے (آئی ایم ایف) معاہدے کے بعد روپیہ اپنی ’منصفانہ قدر‘ کی جانب بڑھ رہا ہے، موجودہ منظر نامے میں روپے کی قیمت تقریباً 265 روپے بنتی ہے۔
    مزید یہ بھی پڑھیں؛
    کبری خان اور میں شادی نہیں کررہے گوہر رشید
    فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
    علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
    ماہرین کے مطابق درآمدی اشیا اور خام مال کی مانگ میں کمی کی وجہ سے کرنٹ اکاؤنٹ میں توازن حاصل کرنے کی توقع ہے، جس کے نتیجے میں امکان ہے کہ کم از کم آئندہ 6 ماہ تک کوئی خاص اتار چڑھاؤ نہیں آئے گا۔ جو لوگ اثاثے کے طور پر ڈالر جمع کر رہے ہیں وہ گھبرا کر اپنے ڈالر فروخت کر سکتے ہیں۔ پاکستان کو موجودہ صورتحال کو ایک اہم موقع سمجھ کر اس سے فائدہ اٹھانا چاہیے۔ تاہم ماہرین کے مطابق اگر اسی طرح مسلسل کے ساتھ روپے کی قدر بحالی ہوتی رہی تو پٹرولیم مصنوعات کی قیمتوں سمیت دیگر درآمد کی جانے والی اشیاء میں بھی گراوٹ دیکھنے کو مل سکتی ہے۔

    دوسری جانب عالمی مارکیٹ میں قیمتیں بڑھنے کے بعد پاکستان میں فی تولہ سونے کے بھاؤ میں ہزاروں روپے کا بڑا اضافہ دیکھا گیا، بین الاقوامی مارکیٹ میں فی اونس سونے کی قیمت 13 ڈالر اضافے کے بعد 1959 امریکی کرنسی ہو گئی ہے۔ عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، ملتان سمیت دیگر جگہوں پر فی تولہ سونے کی قیمت 4 ہزار روپے بڑھوتری کے بعد 208000 روپے ہو گئی ہے۔ اُدھر دس گرام سونے کی قیمت بھی 3429 روپے بڑے اضافے کے بعد 178326 روپے ہو گئی ہے۔ مزید برآں فی تولہ اور دس گرام چاندی کی قیمتوں میں 50 روپے اور 42.87 روپے کا اضافہ دیکھا گیا اور قدریں بالترتیب 2600 روپے اور 2229.08 روپے ہو گئی ہے۔

    جبکہ ادھر اسٹیٹ بینک کی جانب سے جاری کردہ اعداد و شمار کے مطابق 7 جولائی 2023 کو سٹیٹ بینک کے پاس زرمبادلہ کے ذخائر کا حجم 4.53ارب ڈالر اور کمرشل بینکوں کے پاس زرمبادلہ کے ذخائر کا حجم 5.31ارب ڈالر ریکارڈ کیا گیا۔ تاہم گزشتہ ہفتہ کے دوران زرمبادلہ کے ذخائر میں 61ملین ڈالر کا اضافہ ہوا ۔رواں ہفتے کے دوران، اسٹیٹ بینک کو سعودی عرب سے 2 ارب ڈالر ، متحدہ عرب امارات سے ایک ارب ڈالر اور آئی ایم ایف سے تقریباً 1.2 ارب ڈالر موصول ہوئے ۔ مزکزی بینک کے مطابق یہ رقوم 14 جولائی 2023 کو ختم ہونے والے ہفتے کے لئے ایس بی پی کے زرمبادلہ ذخائر میں ظاہر ہوں گی۔

  • سریا کی قیمت میں کمی

    سریا کی قیمت میں کمی

    بلند ترین سطح پر پہنچنے والی اسٹیل کی قیمت بھی نیچے آنے لگی ہے جبکہ عالمی میڈیا کے مطابق انٹرنیشنل مارکیٹ میں سریا کی قیمتیں فی ٹن 130 امریکی ڈالر تک گر گئی ہیں۔ بین الاقوامی مارکیٹ کے زیراثر مقامی اسٹیل اور لوہے کی مارکیٹ میں لوہے کی قیمتوں میں کمی ہو گئی ہے۔ انٹرنیشنل مارکیٹ میں سریا کی قیمتوں میں کمی کی وجہ سے مقامی مارکیٹ میں بھی سریے اور لوہے کی قیمتوں میں 15 ہزار روپے فی ٹن کمی ہو گئی۔

    تاجروں کا کہنا ہے کہ جی پی اور سی آر سی کی قیمتوں میں تقریبا 30 ہزار روپے فی ٹن کمی واقع ہوئی ہے جس کی وجہ سے مہنگا لوہا خریدنے والے تاجر لوہے کی قیمتوں میں اچانک کمی کی وجہ سے پریشان ہیں۔
    مزید یہ بھی پڑھیں؛
    سیاسی جماعت پر پابندی،ایاز صادق نے اعلان کر دیا
    یوکرینی وزیر خارجہ رواں ماہ پاکستان کا دورہ کریں گے
    کوئی بتا دے ریاست پر حملہ کرنا جرم ہے یا نہیں؟ جاوید لطیف
    جنسی ہراسانی کے الزامات کے بعد رکن پارلیمنٹ کی ایک اور ویڈیو سامنے آ گئی
    پاکستان اور سری لنکن بورڈ الیون کا دو روزہ میچ ڈرا

    تاہم خیال رہے کہ اس سے قبل سریے کی فی ٹن قیمت 2 لاکھ 29 ہزار سے لے کر2 لاکھ 33 ہزار روپے تک مقرر کی گئی تھی۔ ڈالرمہنگا اور عالمی مارکیٹ میں قیمت بڑھنے سے پاکستان میں 2 سال سے فولاد اور لوہا مسلسل مہنگا ہورہا تھا، اسٹیل کی فی ٹن قیمت 2 لاکھ 40 ہزار روپے کی ریکارڈ سطح پر پہنچ گئی تھیں۔ بال پین اور بجلی کے سامان سے لے کر اونچی اونچی عمارات اور بحری جہازوں تک میں لوہے کا استعمال لازمی ہے۔ پاکستان میں لوہے اور فولاد کی قیمتوں میں اضافے کی وجہ سے تعمیراتی شعبے کی لاگت میں بھی بے تحاشا اضافہ ہوگیا تھا۔ جس کا براہ راست اور بالواشطہ طریقے سے ملک کے عوام پر ہی بوجھ بڑھ رہا تھا۔

  • ملالہ یوسفزئی کی 26 ویں سالگرہ؛ آج ملالہ ڈے منایا جارہا

    ملالہ یوسفزئی کی 26 ویں سالگرہ؛ آج ملالہ ڈے منایا جارہا

    ملالہ یوسف زئی کی سالگرہ پر آج دنیا ملالہ کا عالمی دن منارہی ہے جبکہ پاکستان کی پہچان ملالہ کو نوبل انعام برائے امن سے بھی نوازا جاچکا ہے اور ملالہ یوسف زئی دنیا کی سب سے کم عمر نوبل انعام یافتہ شخصیت ہیں، پاکستان کا نام دنیا بھر میں روشن کرنے والی ملالہ یو سف زئی 1997ء میں سوات کے شہر مینگورہ میں پیدا ہو ئیں تھیں۔


    سالگرہ کے موقع پر ملالہ یوسف زئی نے اپنے ٹوئیٹ میں کہا کہ کہ اقوام متحدہ میں تقریر کے دس سال بعد مجھے اندازہ نہیں تھا کہ آگے کیا ہوگا، وہ حیرت انگیز لوگوں سے ملیں گی، وہ کہاں جائیں گیں۔ وہ صرف لڑکیوں کی تعلیم کے لئے اپنی لڑائی جاری رکھنے کے لئے پرعزم تھیں۔ خیال رہے کہ 12 جولائی، 2013ء کو ملالہ کی 16 ویں سالگرہ تھی جب ملالہ یوسفزئی نے اقوام متحدہ سے عالمی خواندگی کے بارے میں خطاب کیا۔ اقوام متحدہ نے اس واقعے کو ملالہ ڈے یعنی یومِ ملالہ قرار دے دیا، اس کے بعد سے دنیا ہر سال ان کی سالگرہ کے دن کو بطور ملالہ ڈے کے طور پر مناتی ہے۔

    ملالہ یوسفزئی نے برطانیہ کی جامعہ آکسفورڈ سے اعلیٰ تعلیم حاصل کی ہے جبکہ تمام زندگی تعلیم اور محروم بچوں کے حقوق کے لئے آواز اٹھانے والی ملالہ نے ہمیشہ اس عزم کا اظہار کیا ہے کہ دنیا بھر میں حقیقی تبدیلی صرف تعلیم کے ذریعے ہی ممکن ہے۔ امن کے نوبل انعام سمیت ملالہ کو اب تک درجنوں ایوارڈز سے نوازا جا چکا ہے۔ گل مکئی ملالہ کو اقوام متحدہ نے دو ہزار سترہ میں خیرسگالی سفیر برائے امن مقرر کیا تھا۔


    آج انکے جنم دن پر دنیا بھر کے عالمی رہنما انہیں مبارکباد پیش کررہے ہیں اور انتونیو گریترس نے بھی انکے ساتھ اپنی تصویر شیئر کرتے ہوئے ملالہ ڈے پر انہیں مبارک باد دی ہے. تاہم یاد رہے کہ تعلیم، امن اور لڑکیوں کی تعلیم کیلئے آواز بلند کرنے والی ملالہ کی آواز کو خاموش کرنے کیلئے دہشت گردوں نے ان پر 9 اکتوبر 2012ء کو حملہ کیا۔ انھیں اسکول سے گھر جاتے ہو ئے فائرنگ کرکے شدید زخمی کر دیا گیا تھا۔ وہ صحت یاب ہوئیں تو دنیا بھر میں خواتین اور بچوں کی تعلیم کی آواز بن گئیں، اس باہمت لڑکی کی آج دنیا بھر میں 26ویں سالگرہ منائی جارہی ہے۔

  • پاکستان اور سری لنکن بورڈ الیون کا دو روزہ میچ ڈرا

    پاکستان اور سری لنکن بورڈ الیون کا دو روزہ میچ ڈرا

    پاکستان اور سری لنکن کرکٹ بورڈ الیون کے درمیان ہمبنٹوٹا کے مہندرا راجا پاکسے اسٹیڈیم میں کھیلا گیا دو روزہ پریکٹس میچ ڈرا ہوگیا۔

    جب کھیل ختم ہوا تو میزبان ٹیم نے اپنی دوسری اننگز میں 88 رنز بنائے تھے اور اس کے 4 کھلاڑی آؤٹ ہوئے تھے۔ پہلی اننگز میں سنچری بنانے والے اوشادا فرنینڈو 6 رنز بناسکے۔نووانیدو فرنینڈو31 رنز بناکر ناٹ آؤٹ رہے۔گرنے والی ان چار میں سے دو وکٹیں سلمان علی آغا نے حاصل کیں۔ شاہین شاہ آفریدی اور نسیم شاہ نے ایک ایک کھلاڑی کو آؤٹ کیا۔

    اس سے قبل پاکستانی ٹیم نے اپنی پہلی اننگز میں 342رنز اسکور کیے جس کی خاص بات شان مسعود کے 83 بابراعظم کے 79اور سعود شکیل کے61 رنز تھے۔میچ کے دوسرے دن پاکستانی ٹیم نے 160رنز تین کھلاڑی آؤٹ پر اپنی پہلی اننگز شروع کی۔بابراعظم نے جو14 رنز پر ناٹ آؤٹ تھےایک بار پھر اپنی ورلڈ کلاس کے مطابق بیٹنگ کی اور وہ 113 گیندوں پر 79 رنز بناکر ریٹائرڈ آؤٹ ہوئے۔ان کی اننگز میں ایک چھکا اور سات چوکے شامل تھے۔سعود شکیل نے بھی عمدہ بیٹنگ کرتے ہوئے 86گیندوں پر چھ چوکوں کی مدد سے 61 رنز اسکور کیے۔ وہ بھی ریٹائرڈ آؤٹ ہوئے۔بعد میں آنے والے بیٹسمینوں میں سرفراز احمد 17 رنز بناکر ناٹ آؤٹ رہے۔ سلمان علی آغا۔ محمد رضوان اور محمد حریرہ بارہ بارہ رنز بناکر آؤٹ ہوئے۔میزبان ٹیم کی طرف سے لکشیاتھا مانا سنگھے نے82 رنز دے کر 4 وکٹیں حاصل کیں۔

    اس سے قبل سری لنکن کرکٹ بورڈ الیون پہلی اننگز میں196 رنز بناکر آؤٹ ہوگئی تھی جس میں اوشادا فرنینڈو کی سنچری قابل ذکر تھی۔پاکستان کی طرف سے شاہین شاہ آفریدی اور حسن علی نے تین تین وکٹیں حاصل کی تھیں۔اب پاکستانی کرکٹ ٹیم اتوار سے گال میں سری لنکا کے خلاف پہلے ٹیسٹ میچ میں مدمقابل ہوگی۔

    مختصر اسکور۔

    سری لنکن کرکٹ بورڈ الیون 196 رنز ( 46 اعشاریہ 3 اوورز ) اوشادا فرنینڈو113۔حسن علی 22/ 3 وکٹ ۔ شاہین شاہ آفریدی 3/37 وکٹ۔

    پاکستان پہلی اننگز۔ 342 رنز( 78 اعشاریہ 3 اوورز ) ۔ شان مسعود 83۔ بابراعظم 79۔ سعود شکیل 61۔ماناسنگھے 82 / 4 وکٹ۔)

    سری لنکن کرکٹ بورڈ دوسری اننگز88 رنز4 کھلاڑی آؤٹ ( 30 اوورز) ۔

    نووانیدو فرنینڈو 31 رنز ناٹ آؤٹ۔ سلمان علی آغا 18/2 وکٹ

  • ڈالر کے مقابلے روپے کی قدر میں بہتری

    ڈالر کے مقابلے روپے کی قدر میں بہتری

    اسٹیٹ بینک آف پاکستان نے آفیشل ٹویٹر پر جاری کردہ اعداد و شمار میں بتایا کہ رواں ہفتے کے چوتھے کاروباری روز کے دوران انٹر بینک میں ایک مرتبہ پھر روپے کے مقابلے میں امریکی ڈالر کی قیمت میں 1 روپیہ 9 پیسے کی کمی ریکارڈ کی گئی۔ اعداد و شمار کے مطابق انٹر بینک میں روپے کے مقابلے میں امریکی ڈالر کی قیمت 278 روپے 57 پیسے سے کم ہو کر 277 روپے 48 پیسے ہو گئی ہے۔


    مرکزی بینک کے مطابق امریکی ڈالر کے مقابلے میں روپے کی قدر میں 0.39 فیصد کی بحالی ریکارڈ کی گئی۔ دوسری طرف اوپن مارکیٹ میں روپے کے مقابلے میں امریکی ڈالر کی قیمت میں دو روپے کی کمی دیکھی گئی اور بھاؤ 280 روپے کا ہو گیا ہے۔ روپے کی قدر بحال ہونے سے پٹرولیم مصنوعات کی قیمتوں میں کمی کی توقع، معاشی ماہرین کے مطابق سعودی عرب سے 2 ارب ڈالر کے ڈیپازٹ سٹیٹ بینک کو موصول ہونے، پاکستان کی ریٹنگ میں بہتری اور آئی ایم ایف کی پاکستان کے ایکسٹرنل فنانسگ گیپ ختم کرنے کی دستاویزی حکمت عملی منظور کیے جانے سے زرمبادلہ کی دونوں مارکیٹوں میں ڈالر کی جاری رہنے والی پیشقدمی رک گئی۔
    مزید یہ بھی پڑھیں؛
    سیاسی جماعت پر پابندی،ایاز صادق نے اعلان کر دیا
    یوکرینی وزیر خارجہ رواں ماہ پاکستان کا دورہ کریں گے
    کوئی بتا دے ریاست پر حملہ کرنا جرم ہے یا نہیں؟ جاوید لطیف
    جنسی ہراسانی کے الزامات کے بعد رکن پارلیمنٹ کی ایک اور ویڈیو سامنے آ گئی
    پاکستان اور سری لنکن بورڈ الیون کا دو روزہ میچ ڈرا

    ماہرین کے مطابق آئی ایم ایف ایگزیکٹیو بورڈ سے قرضوں کی مطلوبہ قسط کے اجراء کی منظوری کے بعد دیگر دوست ممالک اور عالمی مالیاتی اداروں سے بھی پاکستان کے لیے وہ قرضے جاری ہوسکیں گے جنہیں آئی ایم ایف پروگرام کی بحالی سے مشروط کیا گیا تھا۔ ماہرین کے مطابق ملک میں انفلوز کی آمد سے ڈالر کے مقابلے میں روپیہ کے مزید تگڑا ہونے کے امکانات ہیں۔ اگر روپیہ کی قدر بحالی ہوتی رہتی ہے تو پٹرولیم مصنوعات کی قیمتوں میں بڑی کمی دیکھنے کو ملے گی۔ جبکہ واضح رہے کہ کرنسی ایکسچینج ایسوسی ایشن کے سربراہ ملک بوستان نے دعویٰ کیا تھا کہ چند روز میں ڈالر 250 روپے پر آجائے گا۔

    عالمی مارکیٹ میں ایک مرتبہ پھر قیمت کم ہونے کے باوجود ملک بھر میں سونے کے بھاؤ میں 500 روپے کی گراوٹ دیکھی گئی، بین الاقوامی مارکیٹ میں فی اونس سونے کی قیمت 14 امریکی ڈالر اضافے کے بعد 1946 امریکی کرنسی ہو گئی ہے۔ عالمی مارکیٹ میں قیمتیں بڑھنے کے باوجود ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد سمیت دیگر جگہوں پر فی تولہ سونے کی قدر میں 500 روپے کی گراوٹ دیکھی گئی اور نئی قیمت 20400 روپے ہو گئی ہے۔

    اُدھر دس گرام سونے کی قیمت 429 روپے کی تنزلی کے بعد 174897 روپے ہو گئی ہے۔ تاہم فی تولہ اور دس گرام چاندی کی قیمتوں میں 70 روپے اور 60 روپے کا اضافہ دیکھا گیااور قدریں بالترتیب 2550 روپے اور 2186.21 روپے ہو گئی ہے۔

  • یوکرینی وزیر خارجہ رواں ماہ پاکستان کا دورہ کریں گے

    یوکرینی وزیر خارجہ رواں ماہ پاکستان کا دورہ کریں گے

    یوکرین کے وزیر خارجہ دمتری کولیبا رواں ماہ پاکستان کا دورہ کریں گے

    یوکرین کے وزیر خارجہ دورہ پاکستان کے دوران وزیر خارجہ بلاول بھٹو زرداری سے ملاقات کریں گے یوکرینی وزیرخارجہ کےدورہ پاکستان کی تیاریاں حتمی مراحل میں ہیں روس اور یوکرین کی جنگ کےدوران یوکرینی وزیر خارجہ کا پاکستان کا یہ پہلا دورہ ہوگا ،دونوں وزرائے خارجہ جنگ کے بعد یوکرین میں خوراک کے بحران پر بات کریں گے ،پاکستان روس یوکرائن جنگ کا خاتمہ اور تنازع کا پرامن حل چاہتا ہے ،پاکستان روس اور یوکرین تنازع پر غیر جانبدارانہ موقف رکھتا ہے پاکستان پہلے ہی جنگ زدہ ملک یوکرین میں انسانی بحران پر تشویش کا اظہار کیا ہے پاکستان نے تاحال کبھی کھل کر روس کے جنگی اقدامات کی مذمت نہیں کی ،یوکرین سے افواج کے انخلا کے مطالبے کی حمایت پرپاکستان بارہا اقوام متحدہ میں روس کے خلاف ووٹنگ میں حصہ نہیں لیا

    لاپتہ افراد کی عدم بازیابی، سندھ ہائیکورٹ نے اہم شخصیت کو طلب کر لیا

     لگتا ہے لاپتہ افراد کے معاملے پر پولیس والوں کو کوئی دلچسپی نہیں

    سندھ ہائیکورٹ کا تاریخی کارنامہ،62 لاپتہ افراد بازیاب کروا لئے،عدالت نے دیا بڑا حکم

    انسان کی لاش مل جائے انسان کو تسلی ہوجاتی ہے،جبری گمشدگی کیس میں عدالت کے ریمارکس

  • اقوام متحدہ میں قرآن پاک کی بےحرمتی کیخلاف پاکستان کی قرارداد منظور

    اقوام متحدہ میں قرآن پاک کی بےحرمتی کیخلاف پاکستان کی قرارداد منظور

    اقوام متحدہ کی سلامتی کونسل میں قرآن پاک کی بے حرمتی کے خلاف پاکستان کی قرارداد منظور کرلی گئی۔

    باغی ٹی وی : میڈیا ذرائع کے مطابق پاکستان کی قرارداد میں قرآن پاک کی بےحرمتی سمیت مذہبی منافرت کی مذمت کی گئی قرارداد میں قرآن پاک کی بے حرمتی میں ملوث عناصرکو انصاف کے کٹہرے میں لانے اور ریاستوں پر مذہبی منافرت کی روک تھام کے لیے قوانین اپنا نے پر زور دیا گیا اور زور دیا گیا ہے کہ ایسے قوانین بنائے جائیں تا کہ بے حرمتی کے واقعات میں ملوث عناصر کوسزا دی جائے منافرت، دشمنی اور تشدد پر اکسانے والوں سے بھی نمٹا جائے۔

    سلامتی کونسل میں پاکستان کی جانب سے قرارداد کی حمایت میں 28 ممالک نے ووٹ دیا جب کہ قرارداد کی 12 ارکان نے مخالفت کی سلامتی کونسل میں پاکستان کی جانب سے قرارداد پر7 ارکان نے ووٹنگ میں حصہ نہیں لیا امریکا اور یورپی یونین نے سلامتی کونسل میں پاکستان کی جانب سے قرارداد کی مخالفت کی۔

    واضح رہےکہ منگل کو اقوام متحدہ کے انسانی حقوق کے ادارے میں گزشتہ مہینے کے تازہ ترین واقعے کے جواب میں دائر کی گئی ایک تحریک میں، ممالک سے مطالبہ کیا گیا ہے کہ وہ اپنے قوانین پر نظرثانی کریں اور ایسے خلا کو ختم کریں جو "مذہبی منافرت کی وکالت اور کارروائیوں کی روک تھام اور قانونی کارروائی میں رکاوٹ بن سکتے ہیں-

    یاد رہےکہ سویڈن کے دارالحکومت اسٹاک ہوم کی مسجد کے باہر عید الاضحیٰ کے روز قرآن پاک کو نذرآتش کرنے اور بے حرمتی کا واقعہ پیش آیا تھا اسٹاک ہوم کی پولیس نے عراق سے تعلق رکھنے والے شہری کو کئی بار قرآن پاک نذر آتش کرنے کی اجازت دینے سے انکار کیا تھا لیکن مقامی عدالت نے پولیس کے فیصلے کو آزادی اظہار رائے کے خلاف قرار دیا مقامی پولیس نے شہری کو عید کے روز شہر کی مرکزی جامع مسجد کے باہر مظاہرے کی اجازت دی جس کے بعد ملعون نے قرآن پاک کو نذر آتش کیا اور مسلمانوں کی مقدس کتاب کی بے حرمتی کی۔

  • بیرونی امداد کی بجائے پاؤں پر کھڑا ہونے کی ضرورت ہے،عبدالعلیم خان

    بیرونی امداد کی بجائے پاؤں پر کھڑا ہونے کی ضرورت ہے،عبدالعلیم خان

    باغی ٹی وی کی رپورٹ کے مطابق سعودی عرب کی جانب سے پاکستان کو دو ارب ڈالر کی امداد ملنے پر سیاسی رہنماؤں کی جانب سے سعودی عرب کا شکریہ ادا کرنے کا سلسلہ جاری ہے

    استحکام پاکستان پارٹی کے صدر عبدالعلیم خان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ "ایک مرتبہ پھر پاکستان کا ساتھ دینے پر شاہ سلمان اور ولی عہد شہزادہ محمد بن سلمان کا شکریہ” پاکستان کو 2 ارب ڈالر موصول ہونے پر پوری قوم سعودی حکومت کی شکر گزار ہے۔ ایک دوست کے ناطے سعودی عرب نے ہمیشہ مشکل حالات میں پاکستان کا بھرپور ساتھ دیا۔ اس پیکج کے حصول میں آرمی چیف کی کاوشیں بھی لائق تحسین ہیں۔ اب پاکستان کو بیرونی امداد کی بجائے اپنے پاؤں پر کھڑا ہونے کی ضرورت ہے کیونکہ بیرونی امداد مسائل کا حل نہیں۔ماضی کی حکومتوں کی نااہلی اور بد انتظامی کی وجہ سے آج پاکستان مشکلات سے دوچار ہوا۔ اب ہمیں مالیاتی ڈسپلن یقینی بنانا ہوگا۔

    سابق حکومت نے پاکستان کو ڈیفالٹ کرانے کی بھرپور کوشش کی،شیری رحمان
    وفاقی وزیر شیری رحمان کا کہنا ہے کہ آئی ایم ایف پروگرام کی منظوری اور سعودی عرب کی جانب سے اسٹیٹ بینک میں 2 ارب ڈالر ڈپازٹ کرانے کے بعد معاشی استحکام کی توقع ہے۔ تحریک انصاف کی سابق حکومت نے پاکستان کیلئے جو معاشی دلدل پیدا کی تھی اس سے ہم آہستہ آہستہ نکل رہے ہیں۔ سابق حکومت نے پاکستان کو ڈیفالٹ کرانے کی بھرپور کوشش کی، یہ نئی حکومت کیلئے ورثے میں ریکارڈ قرضاجات اور عوام کیلئے شدید معاشی بحران چھوڑ کر گئے تھے۔ تحریک انصاف نے حکومت میں رہتے ہوئے آئی ایم ایف کے معاہدے کی خلافورزی کی تاکہ اتحادی حکومت کو معاشی عدم استحکام کا سامنہ کرنا پڑے۔ انہوں نے آئی ایم ایف معاہدے کو سبوتاژ کرنے کیلئے ہر ممکن پروپیگنڈا کیا اور خط لکھے۔ تحریک انصاف کی نااہل حکومت نے ملکی معیشت کو جس نہج پر پہنچایا تھا اس سے نکلے میں ابھی بہت وقت لگے گا۔

    سینیٹر عبدالکریم کا کہنا تھا کہ شکریہ سعودیہ شکریہ سعودیہ ،آج سعودی حکومت نے پہلے کی طرح پاکستان کی دو ارب ڈالر امداد کر کے دوستی کا حق ادا کر دیا ،جس طرح آئی ایم ایف کی کڑی شرائط اور پی ٹی آئی کی ناکام پالیسیوں کے سبب پاکستان کو ڈیفالٹ کرنے کا منصوبہ بنا رکھا تھا اس سے ہمیں نکالنے کے لیے سعودی حکومت نے بہت بڑا کردار ادا کیا

    واضح رہے کہ سعودی عرب نے اسٹیٹ بینک آف پاکستان میں 2 ارب ڈالر جمع کروا دیئے، وزیر خزانہ اسحاق ڈار کا کہنا تھا کہ اسٹیٹ بینک کو سعودی عرب سے یہ رقم موصول ہو گئی ہے سعودی عرب سے امداد ملنے کے بعد زر مبادلہ کے ذخائر میں اضافہ ہو گیا یے

    سعودی عرب نے اسٹیٹ آف پاکستان میں 2 ارب ڈالر ڈپازٹ کردیئے،اسحاق ڈار
    سرکاری ملازمین کا دوسرے روز بھی مطالبات کی منظوری کے لئے احتجاج
    پیپلز پارٹی کی حکومت نے شہر میں امن و امان بحال کیا،وزیراعلیٰ سندھ
    چیئرمین پی ٹی آئی جیسا ڈکٹیٹر ملکی تاریخ میں پیدا نہیں ہوا، شرجیل میمن
    موسم گرما میں حاملہ خواتین کے لئے قدرتی مشروبات
    سویڈن میں اسلام دشمن سرگرمی پر جنرل ہسپتال میں ہیلتھ پروفیشنلز کی احتجاجی ریلی
    کویت کا سویڈش زبان میں قرآن کریم کے ایک لاکھ نسخے شائع کرنے کا اعلان