Baaghi TV

Tag: پاکستان

  • ٹیکس آمدن سے ہونیوالےاخراجات میں منصفانہ کمی نہیں کی گئی،آئی ایم ایف کے نئے اعتراضات

    ٹیکس آمدن سے ہونیوالےاخراجات میں منصفانہ کمی نہیں کی گئی،آئی ایم ایف کے نئے اعتراضات

    اسلام آباد: عالمی مالیاتی فنڈ(آئی ایم ایف) نے آئندہ مالی سال کی بجٹ تجاویز پر شدید اعتراضات کر دیئے۔

    باغی ٹی وی: پاکستان میں آئی ایم ایف کی نمائندہ ایسٹرپریز نے کہا ہے کہ بجٹ تجاویز میں ٹیکس نیٹ کو وسیع کرنے کا موقع گنوادیا گیا، بے نظیر انکم سپورٹ پرو گرام کیلئے وسائل کو کم کیا گیا ٹیکس آمدن سے ہونے والے اخراجات میں منصفانہ کمی نہیں کی گئی، خرچہ کم کرکے بی آئی ایس پی کیلئے بہتر پلاننگ ہوسکتی تھی ترقیاتی منصوبوں کیلئے بہتر پلاننگ ہوسکتی تھی۔

    گوگل نے پاکستان میں انتخابات کی حمایت میں اپنا ڈوڈل تبدیل کر دیا

    آئی ایم ایف نے نئی ٹیکس ایمنسٹی اسکیم کو بھی قرض پروگرام کی شرائط کے منافی قرار دے دیا نمائندہ آئی ایم ایف ایسٹرپریز نے کہا کہ نئی ایمنسٹی ایک نقصان دہ نظیر پیدا کرتی ہے، ٹیکس اخراجات میں ایمنسٹی پروگرام کی شرائط حکمرانی کے ایجنڈے کے خلاف ہے انہوں نے توانائی کے شعبے پر مالی دباؤ میں کمی کیلئے اقدامات پر زور دیا۔

    گوجرہ : شہر میں ڈاکو راج،3 وارداتیں،لاکھو ں روپے نقدی وموبائل فون چھین لئے گئے

    اس سے قبل گزشتہ روز سینیٹ قائمہ کمیٹی خزانہ کے اجلاس میں وزارت خزانہ کے اعلیٰ حکام نے بھی بتایا تھا کہ آئی ایم ایف نے آئندہ مالی سال کے بجٹ پر عدم اطمینان کا اظہارکرتے ہوئے ٹیکس وصولی کے ہدف کو ناکافی اور پیٹرولیم مصنوعات پر لیوی بڑھانے کا مطالبہ کیا ہے۔

    پنجاب کے مختلف شہروں میں بارش ،موسم خوشگوار ہو گیا

    وزارت خزانہ کے حکام نے سینیٹ کی قائمہ کمیٹی برائے خزانہ کو بریفنگ دیتے ہوئے بتایا کہ عالمی مالیاتی فنڈ نے پیٹرولیم لیوی 50 روپے فی لیٹر سے بڑھاکر 60 روپے کرنے کا مطالبہ کیا آئی ایم ایف نے ایف بی آر ٹیکس وصولی کی کوششیں ناکافی، ٹیکس نیٹ میں اضافے کے اقدامات بھی ناکافی قرار دیے ہیں، آئی ایم ایف نے پاکستان کو ٹیکس وصولیاں بڑھانے کے اقدامات کرنے کا کہا ہے۔

    ڈیرہ غازیخان :مزارات کی کیش بک پر نظر رکھنے کیلئے کیمروں کی تنصیب

  • گوگل نے پاکستان میں انتخابات کی حمایت میں اپنا ڈوڈل تبدیل کر دیا

    گوگل نے پاکستان میں انتخابات کی حمایت میں اپنا ڈوڈل تبدیل کر دیا

    سرچ انجن گوگل نے پاکستان میں انتخابات کی حمایت میں اپنا ڈوڈل تبدیل کر دیا۔

    باغی ٹی وی: گوگل نے پاکستان کے انتخابات میں تاخیر پر اپنا ڈوڈل تبدیل کر دیا اور بتایا کہ پاکستان میں عام انتخابات کب ہونے ہیں گوگل اپنا ڈوڈل تبدیل کر کے یاد دہانی کروارہا ہے کہ 13 اگست 2023 کو قومی اسمبلی کی مدت ختم ہو رہی ہے اور اس کے بعد 60 دنوں میں انتخابات کروانے ہیں اس کا مطلب پاکستان میں عام انتخابات 14 اکتوبر 2023 سے پہلے نہیں ہوں گے-

    کرکٹ ٹیم کی تشکیل ،سعودی ولی عہد نے پاکستان کا انتخاب کر لیا

    گوگل نے اپنے ڈوڈل میں پاکستان کا جھنڈا اور بیلٹ بکس شامل کرتے ہوئے عام انتخابات کی طرف توجہ مبذول کرائی ہے تین بڑی جماعتیں عمران خان کی قیادت میں پاکستان تحریک انصاف (پی ٹی آئی)، موجودہ وزیر اعظم شہباز شریف کی قیادت میں پاکستان مسلم لیگ (ن) (پی ایم ایل این) اور موجودہ وزیر خارجہ بلاول کی قیادت میں پاکستان پیپلز پارٹی (پی پی پی) میدان میں اتریں گی-

    گوجرہ : شہر میں ڈاکو راج،3 وارداتیں،لاکھو ں روپے نقدی وموبائل فون چھین لئے گئے

  • کرکٹ ٹیم کی تشکیل ،سعودی ولی عہد نے پاکستان کا انتخاب کر لیا

    کرکٹ ٹیم کی تشکیل ،سعودی ولی عہد نے پاکستان کا انتخاب کر لیا

    سعودی عرب اور پاکستان کے درمیان دوستی کا ایک اور سنگ میل پار ہونے کا ثبوت، سعودی ولی عہد نے پوری دنیا پر صرف پاکستان کو برتری دے کے پاکستانی کرکٹ کا انتخاب کرلیا اور سعودی ولی عہد محمد بن سلمان نے کرکٹ کے فروغ کیلئے کوئٹہ گلیڈی ایٹرز کے فرنچائز ندیم عمر کو بلا لیا۔ذرائع کا کہنا ہے کہ کوئٹہ گلیڈی ایٹرز اور سعودی حکومت کے درمیان معاہدہ کل طے پا جانے کا امکان ہے جس کے بعد ندیم عمر اپنی ٹیم کے ہمراہ سعودی عرب کی قومی ٹیم تشکیل دیں گے،سعودی علی عہد نے کوئٹہ گلیڈی ایٹرز پر اطمنان کا اظہار کیا ہیں،دوسری جانب اس حوالے سے سابق کرکٹرز کا کہنا ہے کہ دنیا کے بڑے بڑے ناموں کو مسترد کرکے ندیم عمر کا انتخاب پاکستان کیلئے ایک بڑا اعزاز ہے،امید ہے کہ کوئٹہ گلیڈی ایٹرز اپنی تمام صلاحیتیں بھروئے کار لا کے بہترین ٹیم تشکیل دے گی،

  • ایران میں منعقدہ ایشین اسنوکر چیمپئن شپ کیلئے پاکستانی کیوئسٹس آج روانہ ہونگے

    ایران میں منعقدہ ایشین اسنوکر چیمپئن شپ کیلئے پاکستانی کیوئسٹس آج روانہ ہونگے

    پاکستان بلیئرڈز اینڈ اسنوکر ایسوسی ایشن نے ایران میں ہونے والی ایشین 6 ریڈ اسنوکر چیمپئن شپ اور انڈر 21 چیمپئن شپ کیلئے پاکستانی کیوئسٹس کا انتخاب کردیا۔پاکستان بلیئرڈز اینڈ اسنوکر ایسوسی ایشن کے چیئرمین عالمگیر شیخ کے مطابق ایران میں اس ماہ ہونیوالے تین ایونٹس میں دو کیوئسٹ پاکستان کی نمائندگی کریں گے۔انہوں نے بتایا کہ 16 سے 25 جون تک ہونے والے ان تین ایونٹس کیلئے احسن رمضان اور حارث طاہر کا انتخاب کیا گیا ہے، دونوں کھلاڑی آج کراچی سے تہران کیلئے روانہ ہوں گے انہوں نے مزید بتایا کہ حارث طاہر ایشین 6 ریڈ اور ایشین ٹیم چیمپئن شپ میں پاکستان کی نمائندگی کریں گے جبکہ احسن رمضان 6 ریڈ، ٹیم چیمپئن شپ اور انڈر 21 ایونٹ میں بھی پاکستان کی نمائندگی کریں گے۔احسن رمضان اگلے ماہ سعودی عرب میں ورلڈ جونیئر چیمپئن شپ بھی کھیلیں گے۔

  • چار ملکی فٹبال ٹورنامنٹ میں پاکستان کو شکست

    چار ملکی فٹبال ٹورنامنٹ میں پاکستان کو شکست

    موریشیس میں جاری چار ملکی فٹبال ٹورنامنٹ میں ٹیم پاکستان کو کینیا سے بھی شکست ہو گئی ، سترہویں منٹ حریف شمہ موسس کا گول فیصلہ کن ثابت ہواچار ملکی فٹبال ٹورنامنٹ کے دوسرے میچ میں قومی ٹیم کینیا کے خلاف میدان میں اتری ، کھیل کا آغاز جارحانہ انداز میں کیا گیا ، سترہویں منٹ کینیائی کھلاڑی شمہ موسس گول کر کے اپنی ٹیم کو برتری دلائی ، اس کے بعد دونوں ٹیموں کی طرف سے سخت کوشش کے باوجود کسی کو کامیابی نہ مل سکی ، گرین شرٹس کو میزبان موریشیس کے خلاف بھی شکست ہوئی تھی ،

  • سپر سٹار فٹبال نے ورلڈ کپ میں شرکت کی تردید

    سپر سٹار فٹبال نے ورلڈ کپ میں شرکت کی تردید

    سپر اسٹار لیونل میسی نے فٹبال ورلڈکپ 2026 میں شرکت سے متعلق خبروں کی تردید کر دی ، کہتے ہیں قطر میں کیرئر کا آخری ایونٹ جیت کے ساتھ یادگار بن گیا ، کافی ہے ارجنٹائن سے تعلق رکھنے والے مایہ ناز فٹبالر ان دنوں چین کے دورے پر ہیں ، نئی کلب انٹر میامی کو جوائن کرنے کے لیے امریکا جانے سے پہلے وہ بیجنگ میں دوستانہ میچ کھیلیں گے ، ورلڈکپ 2026 میں ملک کی نمائندگی کے سوال پر میسی نے دو ٹوک جواب دیا کہ وہ اب سپر میگا ایونٹ نہیں کھیلیں گے ، قطر میں ہونے والا ٹائٹل کیرئر کا آخری ایونٹ سمجھ کر کھیلے اور چیمپئن بنے ، اس یادگار کارکردگی پر وہ فُل اسٹاپ لگا چکے ہیں ،

  • پاکستان آئی ایم ایف پروگرام کو مکمل کرنے میں ناکام ہو سکتا ہے ،بلوم برگ

    پاکستان آئی ایم ایف پروگرام کو مکمل کرنے میں ناکام ہو سکتا ہے ،بلوم برگ

    اسلام آباد: عالمی مالیاتی ادارے (آئی ایم ایف) کے بغیر پاکستان کے ڈیفالٹ ہونے کا خطرہ بڑھنے لگا۔

    باغی ٹی وی : امریکی جریدے بلوم برگ کے مطابق پاکستان آئی ایم ایف کے ساتھ اپنے 6.7 بلین ڈالر کے بیل آؤٹ پروگرام کو دوبارہ شروع کرنے میں ناکامی کے بڑھتے ہوئے خطرے میں ہے اس صورتحال کو مد نظر رکھتے ہوئے روپے کی ریکارڈ کم ترین سطح اور ذخائر کم ہونے کی وجہ سے پاکستان ڈیفالٹ کے قریب پہنچ گیا ہے۔ رپورٹ کے مطابق اس بات کے خطرات بڑھ رہے ہیں کہ پاکستان جون کے آخر میں ختم ہونے والے آئی ایم ایف پروگرام کو مکمل کرنے میں ناکام ہو سکتا ہے پاکستان اپنے آئی ایم ایف پروگرام کو بحال کرنے کی آخری کوشش کر رہا ہےاس وقت 2 بلین ڈالر کے فنانسنگ گیپ اور ایکسچینج ریٹ پالیسی سب سے بڑی رکاوٹوں میں شامل ہے۔

    بلوم برگ کے مطابق پاکستان کو جولائی میں شروع ہونے والے مالی سال 2024 کیلئے تقریباً 23 ارب ڈالر کے بیرونی قرضوں کی ادائیگی کا سامنا ہے۔ یہ رقم اس کے ذخائر کا تقریباً 5 گنا ہے اور اس میں سے زیادہ تر رقم رعایتی دو طرفہ ذرائع سے لی گئی ہے۔

    دوسری جانب وزیر مملکت برائے خزانہ عائشہ غوث پاشا نے کہا ہےکہ آئی ایم ایف نے بجٹ کےحوالے سے بعض چیزوں پر وضاحت مانگی ہے اور انہیں اخراجات ،ٹیکسوں کے معاملے پر تشویش ہے آئی ایم ایف نے بہت سی چیزوں پر سوال اٹھائے ہیں جس پر اسحاق ڈار نے آئی ایم ایف مشن چیف ناتھن پورٹر کے ساتھ ورچوئل بات چیت کی ہے۔

    سندھ ہائیکورٹ،الیکشن نوٹفکیشن کی معطلی کی درخواست مسترد

    انہوں نے کہا کہ ہم نے آئی ایم ایف کوبجٹ کی حکمت عملی اور وژن سے آگاہ کیا ہے، آئی ایم ایف سے کہا ہے کہ بجٹ کا مقصد معاشی گروتھ لانا ہے تاہم عالمی ادارے کے ساتھ اسٹریٹیجک لیول پر بات چیت ہورہی ہے آئی ایم ایف کے ساتھ اخراجات سمیت دیگر اعداد و شمار پر مزید تکنیکی بات ہوگی، آئی ایم ایف پاور ڈویژن اور اسٹیٹ بینک حکام سے بھی بات چیت کرے گا، ایکسچینج ریٹ اورپالیسی ریٹ پر آئی ایم ایف اسٹیٹ بینک سے بات کرے گا۔انہوں نے مزید کہا کہ حکومت معاشی استحکام کے علاوہ کوئی قدم نہیں اٹھائے گی، پیٹرولیم لیوی بڑھانے کا فیصلہ نہیں کیا، صرف قانون میں گنجائش رکھی ہے، اگرضرورت پڑی تو پیٹرولیم لیوی کی شرح میں اونچ نیچ کریں گے۔

    ملک میں مشکل حالات، ہر ایک کو ہمت، برداشت، تحمل کا مظاہرہ کرنا ہے،چیف جسٹس

    واضح رہے کہ سینیٹ قائمہ کمیٹی خزانہ کے اجلاس میں وزارت خزانہ کے اعلیٰ حکام نے بتایا ہے کہ عالمی مالیاتی فنڈ (آئی ایم ایف) نے آئندہ مالی سال کے بجٹ پر عدم اطمینان کا اظہار کرتے ہوئے ٹیکس وصولی کے ہدف کو ناکافی اور پیٹرولیم مصنوعات پر لیوی بڑھانے کا مطالبہ کیا ہے عالمی مالیاتی فنڈ نے پیٹرولیم لیوی 50 روپے فی لیٹر سے بڑھاکر 60 روپے کرنے کا مطالبہ کیا ہے-

    طوفان کے پیش نظر ایٹمی پاور پلانٹس سے بجلی کی پیداوار میں کمی

    اتحادی حکومت کے پہلے 9 ماہ ،وزراء نے 93 بیرون ممالک دورے کئے شہباز کابینہ کے 22 وزراء نے ایک سال میں 93 ممالک کا دورہ کئے جبکہ ,18 دورے وزیر خارجہ نے کئے ،اور وزیر مملکت برائے خارجہ حنا ربانی کھر نے 11 بیرون ملک دورے۔دستاویزات کے مطابق آئی ایم ایف نے بجٹ کے حوالے سے بعض چیزوں پر وضاحت مانگی ہے، انہیں اخراجات ،ٹیکسوں کے معاملے پر تشویش ہے، آئی ایم ایف نے بہت سی چیزوں پر سوال اٹھائے ہیں، وزیر مملکت برائے خزانہ عائشہ غوث پاشا کا کہنا تھا کہ اسحاق ڈار نے آئی ایم ایف مشن چیف ناتھن پورٹر کے ساتھ ورچوئل بات چیت کی ہے، ہم نے آئی ایم ایف کوبجٹ کی حکمت عملی اور وژن سے آگاہ کیا ہے،بجٹ کا مقصد معاشی گروتھ لانا ہے تاہم عالمی ادارے کے ساتھ اسٹریٹیجک لیول پر بات چیت ہورہی ہے، آئی ایم ایف کے ساتھ اخراجات سمیت دیگر اعداد و شمار پر مزید تکنیکی بات ہوگی، آئی ایم ایف پاور ڈویژن اور اسٹیٹ بینک حکام سے بھی بات چیت کرے گا، ایکسچینج ریٹ اورپالیسی ریٹ پر آئی ایم ایف اسٹیٹ بینک سے بات کرے گا، حکومت معاشی استحکام کے علاوہ کوئی قدم نہیں اٹھائے گی، ،

  • لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو

    لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو

    لوگ لندن اور امریکہ سے پرتگال کیوں بھاگ رہے ہیں اور کالادھن منٹوں میں کیسے سفید ہو رہا ہے پرتگال سے سینئیر صحافی اور اینکر پرسن مبشر لقمان نے ویڈیو شئیر کی ہے جس میں انہوں نے حیران کن انکشافات کئے ہیں-

    باغی ٹی وی : صحافی مبشر لقمان کے یوٹیوب چینل پر شئیر کی گئی ویڈیو میں وہ پرتگال کےمشہورشہر Vilamoura کے تاریخی شہر فارو میں موجود ہیں ویلامورا جنوبی پرتگال کے Algarve علاقےمیں ایک ریزورٹ ہےیہ اپنے بڑے مرینا، گولف کورسز اور کیسینو اور سینڈی ولامورا بیچ کے لیے جانا جاتا ہے۔


    مبشر لقمان نےویڈیو میں بتایاکہ ولامورا چھ گولف کورسز کا گھر ہے، ملک کا سب سےبڑا مرینا یہیں اسی شہرمیں واقع ہے ولامورا سیاحوں میں بہت زیادہ مقبول ہے سیاح ڈاؤن ٹاؤن میں جاتے ہیں اور ویڈیوز بناتے ہیں یورپ اورساؤتھ امریکا کے ٹاپ کے فٹبالرز کے گھر بھی یہاں پر ہیں ہر وقت یہاں پر موسم خوبصورت اور خوشگوار رہتا ہے سردیوں میں یہاں مہینہ ڈیڑھ مہینہ ویسی سردی ہوتی ہے جسی پاکستان میں ہوتی ہے-

    یہاں کے ہوٹلز کی سب سے دلچسپ بات یہ ہے کہ ہالی وڈ کے جتنے بھی بڑے رائٹرز اور سکرین رائٹرز وہ یہاں پر آکر کمرے کرائے پر مہینے دو مہینوں کے لئے کرئے پر لے لیتے ہیں اور ہالی وڈ کی کئی مشہور فلمیں جو کافی مقبول ہوئیں وہ یہیں پر لکھی گئی ہیں کیونکہ یہاں پر سکون ہے تخلیقی کام کرنے والوں کے لئے رائٹرز کیلئے یہ مقام ایک جنت ہے یہاں پر رہائش کافی سستی ہے جو لندن میں نارمل لائف سٹال 4 سے 5 ہزار پاؤنڈ میں ہے وہ یہاں 2000 یورو میں وہی ہے-

    یہاں پر آپ آ جائیں تو آپ کو کسی نہ کسی طرح رہائش ضرور مل جاتی ہے یہ بھی بڑا ہاٹ ٹاپک ہے کہ پاکستان سے کیوں لوگ پرتگال میں زیادہ آ رہے ہیں دنیا کا چوتھے یا پانچویں نمبر پر اس کا پاسپورٹ ہےاگر آپ کا پاسپورٹ پرتگال کا ہو تو دنیا کے 188 ممالک ہیں جہاں پرآپ بغیرویزا کے جا سکتے ہیں –

    پرتگال میں بہت زیادہ کام یہاں زمینداری ہےاگر آپ پرتگال میں زمینداری کرتےہیں تو اس کا آپ کو بہت زیادہ فائدہ ہےاس کی اپنی تفصیلات ہیں کہ زمین یہاں کتنے کی ہے اور آپ کیا اور کیسے لگا رہے ہیں یہاں پر کمپنیز آ کر کاروبار کرتی ہی فصل لگاتی ہیں اور کمپنیز ہی فصل کاٹتی ہیں اگر دو لوگ بھی ہوں گھر والے آپ آرام سے مارکیٹ کر سکتے ہیں یہاں پر پاکستان کی نسبت زمین بیچتے نہیں –

    یہاں پر صحت اور سکول کے اخراجات گورنمنٹ اٹھاتی ہے یہاں تک کہ اگر کوئی طالبعلم کہیں بھی تعلیم حاصل کر رہا ہے خاص طو رپر یورپ میں تو اگر اس کی شہریت پرتگالی ہے تو اس کی 50 فیصد فیس گورنمنٹ ادا کرے گی ہیلتھ کئیر ان کی یوکے سے بہت بہتر ہے یہ بہت آئیڈیل جگہ ہے یہاں پر لوگ ریٹائر ہو کر اپنے آپ کو یہاں پر پارک کرلیتے کوئی تنگ نہیں کرتا بہت زیاہ سیفٹی ہے رات کو نوٹوں کی بوری لے کر بھی کوئی جائے تو کوئی نہیں پوچھے گا یہاں پر بالکل لڑائی جھگڑا نہیں کوئی کسی کو اوئے بھی نہیں کہے گا اسی لئے لوگ دنیا بھر سے یہاں رہنے کے لئے آ رہے ہیں-

    الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

    بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

    تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

    عمران خان، تمہارے لئے میں اکیلا ہی کافی ہوں، مبشر لقمان

    عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

  • عالمی بینک کی پاکستان کیلئے 20 کروڑ ڈالر مالی معاونت کی منظوری

    عالمی بینک کی پاکستان کیلئے 20 کروڑ ڈالر مالی معاونت کی منظوری

    عالمی بینک نے پاکستان کے لیے 20 کروڑ ڈالر مالی معاونت کی منظوری دے دی۔

    باغی ٹی وی: عالمی بینک کے مطابق رقم سیلاب متاثرین کی بحالی و تعمیر نو کے لیے منظور کی گئی ہے رقم خیبرپختونخوا کے سیلاب متاثرین پر خرچ کی جائے گی، رقم سے خیبرپختونخوا کے 55 لاکھ سیلاب متاثرین کو فائدہ ہو گا خیبرپختونخوا کے دیہی علاقوں کی تعمیر و ترقی کے لیے فنڈز منظور کیے گئے ہیں۔

    امریکا پاکستان کو آئی ایم ایف کیجانب سےامداد کی فراہمی میں کردارادا کرے،امریکی رکن کانگریس

    دوسری جانب امریکی رکن کانگریس آل گرین نے امریکی حکومت سے مطالبہ کیا ہے کہ وہ پاکستان کو آئی ایم ایف اور عالمی بینک کی جانب سے امداد کی فراہمی میں کردار ادا کرے آل گرین نےکہا کہ پاکستان پہلے ہی سیلاب سےمتاثر ہےگلوبل وارمنگ کو امریکا مسترد کرسکتا ہےمگر پاکستان اسےجھیل رہا ہے، پاکستان کو اس وقت امداد کی شدید ضرورت ہے جس پر امریکی وزیر خزانہ جینیٹ یلین نے جواب دیا کہ امریکا آئی ایم ایف کے پاکستان میں کام کو سپورٹ کرتا ہے۔

    "اسپیس ایکس” میں نوکری حاصل کرنےوالا 14 سالہ انجینئر

    علاوہ ازیں پاکستانی امریکن طاہر جاوید کی رہائش گاہ پر عشائیہ کے موقع پر امریکی سینٹر ایمی کلوبرچر نے بھی کہا ہے کہ وہ پاکستان کو آئی ایم ایف کی جانب سے قرض کی فراہمی کے لیے کردار ادا کریں گی،اقتصادی طور پر مستحکم پاکستان نہ صرف امریکا بلکہ اقوام عالم کے لیے ضروری ہے میری کوشش ہوگی کہ پاکستان کو آئی ایم ایف سے قرض کی فراہمی یقینی بنائی جائے-

    لاہورماسٹر پلان 2050 کی منظوری کا نوٹیفکیشن کالعدم قرار

  • امریکا پاکستان کو آئی ایم ایف کیجانب سےامداد کی فراہمی میں کردارادا کرے،امریکی رکن کانگریس

    امریکا پاکستان کو آئی ایم ایف کیجانب سےامداد کی فراہمی میں کردارادا کرے،امریکی رکن کانگریس

    واشنگٹن: امریکی رکن کانگریس آل گرین نے امریکی حکومت سے مطالبہ کیا ہے کہ وہ پاکستان کو آئی ایم ایف اور عالمی بینک کی جانب سے امداد کی فراہمی میں کردار ادا کرے-

    باغی ٹی وی: کانگریس کی فنانس کمیٹی کے اجلاس سے خطاب میں آل گرین نے بائیڈن انتظامیہ سے مطالبہ کیا کہ وہ پاکستان کو آئی ایم ایف امداد کی فراہمی ممکن بنائیں۔

    ہرملک کواپنی توانئی کی ضروریات پوری کرنے کیلئے اپنے مطابق فیصلہ کرنا ہے،امریکا

    آل گرین نےکہا کہ پاکستان پہلے ہی سیلاب سےمتاثر ہےگلوبل وارمنگ کو امریکا مسترد کرسکتا ہےمگر پاکستان اسےجھیل رہا ہے، پاکستان کو اس وقت امداد کی شدید ضرورت ہے جس پر امریکی وزیر خزانہ جینیٹ یلین نے جواب دیا کہ امریکا آئی ایم ایف کے پاکستان میں کام کو سپورٹ کرتا ہے۔

    دوسری جانب پاکستانی امریکن طاہر جاوید کی رہائش گاہ پر عشائیہ کے موقع پر امریکی سینٹر ایمی کلوبرچر نے بھی کہا ہے کہ وہ پاکستان کو آئی ایم ایف کی جانب سے قرض کی فراہمی کے لیے کردار ادا کریں گی –

    سمندری طوفان :کراچی میں خطرناک صورت حال نہیں،چیف میٹرولوجسٹ

    رکن کانگریس ایمی کلوبرچر نے کہا کہ اقتصادی طور پر مستحکم پاکستان نہ صرف امریکا بلکہ اقوام عالم کے لیے ضروری ہے میری کوشش ہوگی کہ پاکستان کو آئی ایم ایف سے قرض کی فراہمی یقینی بنائی جائے-

    ٹیکساس اسمبلی کے پاکستانی امریکن رکن ڈاکٹر سلمان لالانی بھی اس موقع پر موجود تھے۔

    مارشل لا کے نفاذ کی کوئی ضرورت نہیں. پیوٹن