پاکستان علماء کونسل کے چیئرمین ،علامہ طاہر اشرفی نے کہا ہے کہ پاکستان کے اسرائیل کے ساتھ تجارتی تعلقات نہیں اور نہ ہی ایسی کوئی کوشش ہو رہی ہے ، تحریک انصاف بے بنیاد الزام تراشی بند کرے،
علامہ طاہر اشرفی کا کہنا تھا کہ اسرائیل کے ساتھ پاکستان کے تجارتی تعلقات کے حوالہ سے پی ٹی آئی پروپیگنڈہ کر رہی ہے، سیاسی مقاصد کے لئے متفقہ موقف کو متنازع بنایا جا رہا ہے ، ایسا نہ کیا جائے، مولانا طاہر اشرفی کا کہنا تھا کہ ایک پاكستانی يہودى کو عمران خان كے دور حكومت ميں اسرائيل جانے كی اجازت ملی پاكستانی يہودى نے ایک عرب ملک سے پاكستانی اشيا اسرائيل بھیجیں، س سے متعلق وزارت تجارت یا خارجہ سے این اوسی سامنے نہیں آیا ، نہ ہی ایسی اطلاع ہے کہ اس کی سرکاری طور پر اجازت دی گئی
علامہ طاہر اشرفی کا مزید کہنا تھا کہ یہ عمل ہم پاکستانیوں کے لیے قابل تشویش تھا دکھ کی بات ہے پاکستانیوں کے متقفہ معاملے پر کچھ دوستوں نے سیاست شروع کردی اور حکومت، مولانا فضل الرحمان ،ان کی جماعت اور دیگرحکومت کی تائید کرنیوالی جماعتوں کو مطعون کرنا شروع کردیا میں نہیں سمجھتا کہ اس عمل میں حکومت، اتحادی جماعتوں یا مولانا فضل الرحمان کا عمل دخل ہے
واضح رہے کہ پاکستانی تاجر کے مسالے، کھجوریں اور ڈرائی فروٹ اسرائیلی مارکیٹ میں فروخت ہونے لگا۔ پاکستانی یہودی شہری فشیل بن خالد نے اپنے ٹوئٹر اکاؤنٹ سے ایک ویڈیو پوسٹ کی ہے جس میں پاکستانی مسالے، کھجوریں اور دیگر سامان یہودی مارکیٹ میں فروخت کیلئے رکھا ہوا ہے فشیل نے خوشی کا اظہار کرتے ہوئے لکھا کہ بحیثیت پاکستانی مجھے مبارک ہو میں نے پاکستانی فوڈ پروڈکٹس کی پہلی کھیپ اسرائیل کی مارکیٹ میں برآمد کی۔
اس ٹویٹ کے بعد تحریک انصاف کی جانب سے سوشل میڈیا پر پروپیگنڈہ کیا جا رہاہے کہ اسرائیل اور پاکستان کی تجارت شروع ہو گئی ہے، ٹویٹر پر تحریک انصاف کے مرکزی رہنما بھی پروپیگنڈہ کر رہے ہیں، رہنما پاکستان تحریک انصاف بابر اعوان نے اسرائیل جانے والے وفد کی گرفتاری کا مطالبہ کر دیا بابر اعوان کا کہنا تھا کہ آئین میں لکھا ہے اسرائیل نہیں جاسکتے، عمران خان کو یہودی ایجنٹ کہنے والے بتائیں کنٹینرز کیسے چلا گیا ؟، تحریک انصاف کے دیگر رہنما بھی ردعمل دے رہے ہیں تا ہم علامہ طاہر اشرفی نے واضح کر دیا ہے کہ ایسا کچھ نہیں ہے،
یو اے ای اسرائیل معاہدہ،ترکی کے بعد پاکستان کا رد عمل بھی آ گیا
سعودی شاہی خاندان میں بغاوت:گورنرہاوسز،شاہی محل فوج کے حوالے،13شہزادےگرفتار،حرمین شریفین کواسی وجہ سےبندکیا : مبشرلقمان
سعودی ولی عہد کے خلاف بغاوت کے الزام میں شاہی خاندان کے 20 مزید افراد گرفتار
سعودی عرب میں بغاوت ، کون ہوگا اگلا بادشاہ؟ سینئر اینکر پرسن مبشر لقمان نےبتائی اندر کی بات
امریکی جیل میں قید ڈاکٹر عافیہ صدیقی کی رہائی ممکن، کیسے؟ سینئر صحافی و اینکر پرسن مبشر لقمان نے بتا دیا
