Baaghi TV

Tag: پاکستان

  • ایم کیو ایم کی اتحاد چھوڑنے کی دھمکی پرحکومت پریشان ہوگئی

    ایم کیو ایم کی اتحاد چھوڑنے کی دھمکی پرحکومت پریشان ہوگئی

    اسلام آباد : متحدہ قومی موومنٹ پاکستان کی جانب سے وفاقی حکومت سے اتحاد ختم کرنے کی دھمکی کے بعد مسلم لیگ ن کے رہنما نے وفاقی وزیر امین الحق سے ٹیلی فونک رابطہ کیا۔ن لیگ کے ذرائع کے مطابق مسلم لیگ کے رہنما اور وفاقی وزیر ایاز صادق نے ایم کیو ایم رہنما و وفاقی وزیر برائے انفارمیشن ٹیکنالوجی امین الحق سے ٹیلی فونک رابطہ کیا۔

    بلوچستان میں سرکاری نوکریاں لاکھوں میں بکنے لگیں:جام کمال کا انکشاف

    ذرائع کے مطابق ٹیلی فونک رابطے میں دونوں رہنماؤں نے اہم امور پر تبادلۂ خیال کیا گیا جبکہ ایم کیو ایم کے تحفظات کے حوالے سے بھی بات چیت کی گئی۔ مسلم لیگ ن کے رہنما نے ایک بار پھر ایم کیو ایم کو معاہدے پر پیدا ہونے والے تحفظات دور کرنے کی یقین دہانی کرائی۔

    ذرائع کے مطابق ایم کیو ایم پاکستان کے قائدین سے پیر کے روز مسلم لیگ ن کے رہنما ایاز صادق ملاقات کریں گے، جس میں حکومت کی جانب سے کیے گئے تحریری معاہدے پر پیشرفت کا امکان ظاہر کیا جارہا ہے۔اُدھر رابطہ کمیٹی نے تمام بلدیاتی امیدواران اور علاقائی ذمہ داران کا اہم اجلاس منگل کو طلب کرلیا، جس میں بلدیاتی امیدواروں اور پارٹی کارکنان سے مشاورت کے بعد حکومت کے ساتھ اتحاد کو جاری رکھنے یا علیحدگی کے حوالے سے بات کی جائے گی۔

    لکی مروت: پولیس چوکی شہبازخیل پردہشتگردوں کا حملہ،کانسٹیبل شہید

    قبل ازیں میڈیا سے گفتگو کرتے ہوئے ایم کیو ایم کے کنونیئر خالد مقبول صدیقی نے کہا تھا کہ الیکشن غیر جانب دار اور شفاف ہوں تو ہم ضرور تیار ہیں مگر سندھ کے اندر بلدیاتی الیکشن کے حوالے سے جو حلقہ بندیاں کی گئی ہیں وہ متنازع ہیں، 15 جنوری کو شفاف انتخابات ہورہے ہیں اور ہم نے 8 ماہ کے دوران پیپلز پارٹی کے رہنماؤں سے درجنوں ملاقاتیں کی ہیں جن میں کہا ہے کہ فوری طور پر کراچی و حیدر آباد کی حلقہ بندیاں تبدیل کی جائیں۔

    انہوں نے عندیہ دیا کہ اگر حلقہ بندیوں کو درست نہ کیا گیا تو پھر ہم کارکنان اور عوام کے پاس جائیں گے اور سڑکوں پر آجائیں گے اور یہ بھی سوچیں گے کہ حکومت میں رہتے ہوئے الیکشن لڑیں یا پھر اتحاد کو چھوڑ دیں۔

  • محمودہ غازیہ پاکستان کی ایک معروف شاعرہ اور ادیبہ

    محمودہ غازیہ پاکستان کی ایک معروف شاعرہ اور ادیبہ

    جو راس آئی اسے مسند شہی تو سنو
    شکستہ چوڑیاں اب رزم گاہ میں رکھنا

    محمودہ غازیہ

    تاریخ پیدائش: 01 جنوری 1953ء
    جائے پیدائش:راولپنڈی
    سکونت : اسلام آباد
    زبان:اردو، پنجابی
    اصناف:شاعری، افسانہ
    تصنیفات
    ۔۔۔۔۔۔۔
    ۔ (1)خیابان
    ۔ (2)اعتبار کیوں نہیں کرتے
    ۔ (3)ورق ورق غزل
    ۔ (4)اکائی کی موت
    ۔ (5)اندھے شیشے
    مستقل پتا:بلاک ڈی، مکان نمبر653 ،سٹیلائٹ ٹائون، راولپنڈی

    محمودہ غازیہ پاکستان کی ایک معروف شاعرہ اور ادیبہ ہیں۔ پاکستان آرٹس کونسل کی ڈائریکٹر رہ چکی ہیں اور فاطمہ جناح کالج برائے خواتین میں پڑھاتی تھیں۔ ان کے چار شعری مجموعے منظر عام پر آچکے ہیں:’’اکائی کی موت‘‘، ’’ورق ورق غزل‘‘ ، ’’اعتبار کیوں نہیں کرتے‘‘، ’’نیندکی ڈور ٹوٹ گئی‘‘ اور ’’بے سر کا گوتم‘‘ ان کے افسانوں کا مجموعہ ہے۔

    غزل
    ۔۔۔۔۔۔
    تم اس سے دوری بھی مت خواہ مخواہ میں رکھنا
    بس احتیاط سی اک رسم و راہ میں رکھنا

    تم اپنے رنگ نہاؤ تم اپنی موج اڑاو
    مگر ہماری وفا بھی نگاہ میں رکھنا

    قبول گر نہ کرے وہ تو کیا ہمیں سر شام
    گلاب محفل ظل الہٰ میں رکھنا

    جو راس آئی اسے مسند شہی تو سنو
    شکستہ چوڑیاں اب رزم گاہ میں رکھنا

    بڑا عذاب ہے محمودہ غازیہؔ ہجرت
    مرے خدا مجھے اپنی پناہ میں رکھنا

    نظم
    ۔۔۔۔۔۔
    بے طلب
    ۔۔۔۔۔۔
    میں خواہشوں سے اپنا ہاتھ نہیں کھینچ سکتی
    جب تک خواہشیں مجھ سے نہ کھینچ جائیں
    یہ کافی ہے اور میرے لیے سب
    میری گردن پر میرے محبوب کا چہرہ سجا دو
    یا میری روح کو آزاد ہو جانے دو
    یہ بھی کافی ہے اور میرے لیے بہت ہے
    میں اس کی خواہش سے کچھ کم ہوں یا ذرا زیادہ
    ظاہر ہے گرد مجھے چھپا لیتی ہے
    میری روح میرے ہونٹوں پر ہے
    اڑنے کے لیے بے تاب
    کیا اس کے ہونٹ مجھے امن کا سبق دیں گے؟
    اور یہ بھی میرے لیے بہت ہے

  • قومی سلامتی کمیٹی کا اجلاس کل دوبارہ ہوگا:اہم فیصلے متوقع

    قومی سلامتی کمیٹی کا اجلاس کل دوبارہ ہوگا:اہم فیصلے متوقع

    اسلام آباد:وزیراعظم شہباز شریف کی سربراہی میں قومی سلامتی کمیٹی کل دوبارہ سر جوڑ کر بیٹھے گی،اطلاعات کے مطابق قومی سلامتی کمیٹی کا اجلاس پیر کو سہ پہر وزیراعظم ہاؤس میں ہو گا اعلیٰ سول اور عسکری قیادت کی 4 روز میں دوسری اجلاس کے ایجنڈے میں ملکی معیشت اور سلامتی کی صورتحال سرفہرست ہے۔

    اجلاس میں حساس اداروں کے حکام ملک کی مجموعی سکیورٹی صورتحال پر بریفنگ دیں گے جبکہ جمعہ کے روز ہونے والے اجلاس میں زیرغور آنے والی تجاویز پر اہم فیصلے متوقع ہیں۔ذرائع کے مطابق پیر کو قومی سلامتی کمیٹی ملکی معیشت اور سلامتی پر واضح گائیڈ لائنز کی منظوری دے گی۔

    عون چوہدری کےانکشافات پرجسٹس ریٹائرڈ ثاقب نثار کا رد عمل سامنےآگیا

    اجلاس میں دہشتگردی کے خاتمےکیلئے نیا آپریشن پلان بھی پیش کئے جانے کا امکان ہے اور اس سلسلے میں دہشت گردوں کے خلاف فیصلہ کن کارروائیوں کی منظوری بھی لی جائے گی۔

    یاد رہےکہ دو دن قبل بھی قومی سلامتی کمیٹی کا اجلاس ہوا تھا ،دہشتگردی کی حالیہ لہر اور معیشت کی دگرگوں صورتحال پر قومی سلامتی کمیٹی کا اہم اجلاس جاری ہے۔

    2022 کرکٹ؛ گرین شرٹس کی کامیابیاں اورناکامیوں کا سال رہا

    قومی سلامتی کمیٹی کا اجلاس وزیراعظم شہباز شریف کی زیر صدارت وزیراعظم ہاؤس میں ہو رہا ہے جس میں مسلح افواج کے سربراہان اور وفاقی وزرا بھی شریک ہوئے۔اجلاس میں وزیر خارجہ بلاول بھٹو زرداری، وزیر داخلہ رانا ثنا اللہ، وزیر خزانہ اسحاق ڈار، وزیر دفاع خواجہ آصف اور آرمی چیف جنرل عاصم منیر بھی شریک ہوئے۔

    عسکری حکام کی جانب سے قومی سلامتی کمیٹی کو ملک کی مجموعی سکیورٹی صورتحال پر بریفنگ دی جا رہی ہے جبکہ اجلاس میں دہشتگردی کی حالیہ لہرمیں شہید ہونے والوں کے لیے دعائے مغفرت بھی کی گئی۔

    بلوچستان میں سرکاری نوکریاں لاکھوں میں بکنے لگیں:جام کمال کا انکشاف

    ذرائع کے مطابق عسکری حکام کی جانب سے قومی ایکشن پلان کے تمام نکات پرعملدرآمد یقینی بنانے سے متعلق بریفنگ دی گئی، اجلاس میں مرکز اور صوبوں کے درمیان کوآرڈینیشن بہتر بنانے کے لیے نیکٹا کے کردار پر بریفنگ دی گئی۔

    ذرائع کا بتانا ہے کہ قومی سلامتی کمیٹی کے اجلاس میں خیبرپختونخوا اور بلوچستان میں دہشتگردی کے حالیہ حملوں پر بریفنگ دی گئی، انیٹلی جنس اداروں کی بریفنگ کی روشنی میں قومی سلامتی کمیٹی اہم فیصلوں کی منظوری دے گی۔

  • اسلام آباد میں بلدیاتی انتخابات کرانے کی تیاریاں دوبارہ شروع

    اسلام آباد میں بلدیاتی انتخابات کرانے کی تیاریاں دوبارہ شروع

    اسلام آباد:وفاقی دارالحکومت اسلام آباد میں بلدیاتی انتخابات کرانے کی تیاریاں دوبارہ شروع کردی گئی۔ذرائع کے مطابق بلدیاتی انتخابات کے تیاریوں کے سلسلے میں بیلٹ پیپرز تمام ریٹرننگ افسران کے حوالے کر دیے گئے۔ بیلٹ پیپرزڈسٹرکٹ ریٹرننگ افسر کی جانب سے آراوز کے حوالے کئے گئے۔

    سال نو کا جشن، کراچی میں ہوائی فائرنگ سے 10سے زائد افراد زخمی

    الیکشن کمیشن کی جانب ریٹرننگ افسران کو چھٹی کے روز بیلٹ پیپرز حاصل کرنے کیلئے طلب کیا گیا تھا۔اس سے قبل صدر مملکت ڈاکٹر عارف علوی نے اسلام آباد لوکل گورنمنٹ ترمیمی بل بغیر دستخط واپس بھجوادیا۔

    کراچی:میڈیا سے گفتگو کے دوران گورنر سندھ کامران ٹیسوری کی جانب جوتا پھینک دیا گیا

    صدر مملکت عارف علوی نے آئین کے آرٹیکل 75 کی شق (1) (b) کے تحت اسلام آباد کیپیٹل ٹیریٹری لوکل گورنمنٹ (ترمیمی) بل 2022 کو بغیر دستخط کے واپس کر دیا ہے۔صدر مملکت کا کہنا ہے کہ اس بل کی وجہ سے بلدیاتی انتخابات میں مزید تاخیر ہو گی، وفاقی حکومت کے عجلت میں اٹھائے گئے اقدامات کے نتیجے میں انتخابی عمل میں دو بار تاخیر ہوئی جو جمہوریت کے لیے مثبت نہیں۔

    2022 کرکٹ؛ گرین شرٹس کی کامیابیاں اورناکامیوں کا سال رہا

    ایوان صدر کی جانب سے مراسلے میں کہا گیا ہے کہ وفاقی حکومت کے مندرجہ ذیل غلط اقدامات کی وجہ سے اسلام آباد کیپیٹل ٹیریٹری (آئی سی ٹی) میں انتخابات نہیں ہو سکے۔

  • عوام جانتی ہےکہ خدمت کون کررہا ہے اورسیلاب کے نام پرسیاست کون؟:چودھری پرویزالہٰی

    عوام جانتی ہےکہ خدمت کون کررہا ہے اورسیلاب کے نام پرسیاست کون؟:چودھری پرویزالہٰی

    لاہور:وزیراعلیٰ پنجاب چودھری پرویز الہٰی نے کہا ہے کہ پنجاب حکومت احساس پروگرام کے تحت سیلاب متاثرین کی بحالی کیلئے 10ارب روپے کی خطیر رقم خرچ کر رہی ہے، مخالفین نے سیلاب متاثرین کی امداد کے نام پر بھی صرف سیاست چمکائی ہے۔

    وزیراعلیٰ پنجاب چودھری پرویز الہٰی سے چیئر پرسن پنجاب احساس پروگرام ڈاکٹر ثانیہ نشتر اور صوبائی وزیر سپیشلائزڈ ہیلتھ کیئر ڈاکٹر یاسمین راشد نے ملاقات کی، چیف سیکرٹری عبداللہ خان سنبل بھی اس موقع پر موجود تھے، ڈاکٹر ثانیہ نشتر نے وزیراعلیٰ کو پنجاب احساس پروگرام پر ہونے والی پیشرفت کے بارے میں آگاہ کیا، انہوں نے احساس پروگرام کے تحت سیلاب متاثرین کی مدد اور بحالی کیلئے کیے گئے اقدامات بارے بریفنگ دی۔

    عرب ممالک میں 13 کروڑ افراد غربت کا شکار ہیں:اقوام متحدہ

    چودھری پرویزالٰہی نے ڈاکٹر ثانیہ نشتر کی فلڈ ریلیف پروگرام میں شاندار خدمات کو سراہتے ہوئے کہا کہ ٹیلی تھون کے ذریعے سیلاب متاثرین کے لئے فنڈز جمع کرنے پر چیئرمین تحریک انصاف عمران خان کو خراج تحسین پیش کرتے ہیں، عمران خان نے تنہا اربوں روپے سیلاب متاثرین کیلئے جمع کر کے قومی خدمت کی۔

    سال نو کا جشن، کراچی میں ہوائی فائرنگ سے 10سے زائد افراد زخمی

    وزیر اعلیٰ پنجاب کا کہنا تھا کہ اب تک سیلاب متاثرین کی آباد کاری کے لئے 5 ارب روپے خرچ کیے جا چکے ہیں، پنجاب حکومت احساس پروگرام کے تحت سیلاب متاثرین کی بحالی کیلئے 10 ارب روپے کی خطیر رقم خرچ کر رہی ہے، عمران خان کی ٹیلی تھون سے حاصل ہونے والے فنڈز بھی سیلا ب متاثرین کی بحالی پر صرف کیے گئے ہیں، 36 ہزار متاثرہ خاندانوں کو ادائیگی مکمل کی جا چکی ہے۔

    بلوچستان عوامی پارٹی کے کئی رہنما پیپلز پارٹی میں شامل:اسمبلی میں نشستیں ایک سے…

    چودھری پرویز الٰہی نے مزید کہا کہ وفاقی حکومت نے پنجاب کے سیلاب متاثرین کو یکسر تنہا چھوڑے رکھا، مخالفین نے سیلاب متاثرین کے نام پر بھی صرف سیاست چمکائی، گھروں کی تعمیر کے لئے بھی پنجاب حکومت کی جانب سے سیلاب متاثرین کو مالی معاونت فراہم کی گئی ہے۔

     

    احساس راشن پروگرام کے حوالے سے گفتگو کرتے ہوئے وزیراعلیٰ پنجاب نے کہا کہ حکومت پنجاب نے صوبے کے 80 لاکھ خاندانوں کیلئے 100 ارب روپے کی خطیر رقم سے احساس راشن رعایت پروگرام شروع کیا ہے، پنجاب احساس راشن رعایت پروگرام کے تحت مستحق خاندانوں کو آٹا، دالیں، کوکنگ آئل اور گھی 40 فیصد تک سستا مل رہا ہے، غریب آدمی کو ریلیف دینا عمران خان کا ویژن ہے، جسے ہم نے عملی جامہ پہنایا ہے۔

  • پاکستان کو ڈیفالٹ سے بچانے کا واحد راستہ آئی ایم ایف ہے: عمران خان

    پاکستان کو ڈیفالٹ سے بچانے کا واحد راستہ آئی ایم ایف ہے: عمران خان

    لاہور:چیئرمین پاکستان تحریک انصاف نے کہا کہ ملک کو بچانے کا واحد راستہ آئی ایم ایف ہے ، آئی ایم ایف کے پاس نہ گئے تو ملک ڈیفالٹ کر جائے گا۔

    لاہور میں ویڈیو لنک کے ذریعے خطاب کرتے ہوئے چیئرمین تحریک انصاف نے کہا کہ قوم تیاری کرلے مہنگائی کا نیا طوفان آنے والا ہے ، ملک کو بچانے کا واحد راستہ آئی ایم ایف پروگرام ہے ، آئی ایم ایف کے پاس نہ گئے تو ملک ڈیفالٹ کر جائے گا۔

    سیکرٹری جنرل اقوام متحدہ کا سوشل میڈیا پوسٹ شیئرکرنے سے قبل اس کی تصدیق کا مشورہ

    عمران خان نے کہا کہ صنعتیں بند ہورہی ہیں صنعتکار باہر جارہے ہیں، 7 ماہ میں ساڑھے 7 لاکھ پاکستانی ملک چھوڑ کر باہر چلے گئے، تباہی سے نکلنے کا ایک ہی راستہ ہے کہ قوم ایک ہوجائے۔ ملک میں چوروں کو مسلط کیا گیا ہے ،اس وقت میری جان کو خطرہ ہے مگر ملک چھوڑ کر باہر نہیں جاؤنگا بلکہ ان کا مقابلہ کرونگا۔

    چیئرمین پی ٹی آئی نے خطاب میں کہا کہ قوم ملک میں انصاف کا نظام لانے کے لئے کھڑی ہوجائے، جب پاکستان میں سیلاب آیا تو ہم نے پیسہ اکٹھا کیا،نوشہرہ میں اربوں روپے لگا کر بند بنائے جس سے نوشہرہ سیلاب سے بچ گیا۔

    بلوچستان عوامی پارٹی کے کئی رہنما پیپلز پارٹی میں شامل:اسمبلی میں نشستیں ایک سے…

    اس سے قبل صحافیوں سے ملاقات کے دوران گفتگو میں عمران خان کا کہنا تھا کہ اسمبلیوں میں جانے کا کوئی فائدہ نہیں، استحکام صرف شفاف الیکشن سے ہی ممکن ہے، اسٹیبلشمنٹ معیشت سمیت تمام بحرانوں سے نکلنے کیلئے اہم کردار ادا کر سکتی ہے۔

    عمران خان کا کہنا تھا کہ اسمبلیوں میں جاکر کیا کریں گے، کوئی فائدہ نہیں، بشریٰ بی بی خاتون خانہ ہے، ہم آڈیو لیکس سے اپنی نوجوان نسل کو کیا پیغام دے رہے ہیں، ملک میں شفاف الیکشن ہوں اور پائیدار حکومت بنے، شفاف الیکشن سے ملک میں استحکام آئیگا،

    عرب ممالک میں 13 کروڑ افراد غربت کا شکار ہیں:اقوام متحدہ

    چیئرمین تحریک انصاف نے کہا کہ بلاول بھٹو کو افغانستان کے بارے میں کچھ بھی معلوم نہیں، موجودہ افغان حکومت کے ساتھ بہترین تعلقات تھے، دہشت گردی بیچ کر ڈالرز کمائے جا سکتے ہیں، مشرف نے بھی دہشت گردی بیچ کر ڈالرز کمائے لیکن 80 ہزار جانوں کا ضیاع ہوا۔

    نجم سیٹھی کے حوالے سے گفتگو کرتے ہوئے عمران خان کا کہنا تھا کہ نجم سیٹھی کو کرکٹ کی الف، ب بھی نہیں معلوم، رمیز راجہ کے دور میں پاکستانی ٹیم فائنل میں پہنچی، رمیز راجہ نے پیسے بچائے اور یہ لٹا رہے ہیں، نجم سیٹھی کو لانے کے لئے پی سی بی کا آئین تبدیل کر دیا۔

  • خوشخبری۔۔۔۔نئے سال کا پہلا تحفہ

    خوشخبری۔۔۔۔نئے سال کا پہلا تحفہ

    لاہور:پاکستان کےخلاف دشمن نے ہرمحاذ پرجنگ شروع کررکھی ہے،آج کل ففتھ جنریشن وار کابڑا زور ہے، اس میں کچھ ایسے لوگ اور این جی اوز استعمال ہوجاتی ہیں کہ جن کے ذریعے دشمن اپنے مفادات حاصل کرتا ہے،اس ففتھ جنریشن کا شکارزیادہ اپنے ہی لوگ ہوتے ہیں ، جن کو ریاست کےخلاف استعمال کرنا آسان ہوتا ہے،

    ایسا ہی ایک کردار میجر ریٹائرڈ عدیل راجہ ہے جو کہ ہے تو پاک فوج کا ریٹائرڈ افسر مگراس کا تعلق پاک فوج سے جوڑنا بڑے شرم کی بات ہے،عدیل راجہ راولپنڈی روات کے علاقے کے رہائشی ہیں اور آج کل تو وہ پاک فوج کے خلاف وہ زہراگل رہے ہیں جودشمن بھی نہیں اگل سکتا ،حتی کہ اب تو بھارت میجرریٹائرڈ عدیل راجہ کو پروموٹ کررہا ہے ،

    اس حوالے سے مبشرلقمان کا کہنا تھاکہ وہ بہت پریشان تھے کہ یہ شخص کون ہے جو پاک فوج کا اپنے آپ کو ریٹائرڈ افسرکہتا ہے اور پاک فوج کے خلاف ہی زہر اگل رہا ہے، ان کا کہنا تھاکہ انہیں معلوم ہوا کہ میجرریٹائرڈ عدیل راجہ 99 پی ایم لانگ کورس کے ذریعے پاک فوج میں کمیشن حاصل کرنے میں‌ کامیاب رہے ، ان کے ساتھیوں کا کہنا ہے کہ میجر عدیل راجہ ریٹائرڈ بس داو لگ گیا ، یہ اس لائق نہیں تھا کہ اسے کمیشن کے ذریعے بڑے عہدے پر بٹھا دیا جائے ، انکا کہنا تھاکہ میجرریٹائرڈ عدیل راجہ کے ساتھیوں کا کہنا ہےکہ یہ شخص شروع دن سے ہی منفی سوچ کا حامل افسر تھا ، ان کے ساتھیوں کا کہنا تھا کہ پی ایم لانگ کورس بڑے بڑے لوگوں کوبنا دیتا ہے مگراس کا تو تعلیم نے بھی کچھ نہیں‌ بدلا بلکہ بگڑہی گیا

     

    ان کا کہنا تھا کہ جو فوج میں‌ بھرتی ہوتے ہیں ان کو بڑے عہدوں تک پہنچنے کےلیے بڑے بڑے کورس کرنا پڑتے ہیں، کوئی آرٹلری تو کوئی اور اسپیشل کورس کرکے اپنی قابلیت کا سکہ منواتا ہے مگر یہ میجر عدیل راجہ تو وہ شخص ہے کہ جس نے اپنی قابلیت بہتر کرنے کےلیے کوئی کورس بھی نہیں کیا ، مزید تعلیم بھی حاصل نہیں کی

    ان کا یہ بھی کہنا تھا کہ اس شخص نے بڑے بہانے بنائے ،کبھی ماں اور کبھی بیوی سے متعلق اپنی کہانی سنائی اورپھر ایک وقت آیا کہ فوج سے اس کو چھٹی دے دی گئی ، اس کی پہلی بیوی بھی اس کو چھوڑ چکی ہے ، اور پھر یہ شخص ڈی ایچ اے میں زمینوں پر قبضے کے حوالے سے بھی مشہور ہے، ان کا کہنا تھاکہ اس کے رشتہ دار اس کی سب چالیں جانتے ہیں‌، ان کا مزید کہنا تھاکہ پھر یہ جب کنگال ہوا تو یوکے بھاگ گیا اور وہاں جاکروی لاگ کرنے لگا پھررا نے اس کی مدد کی اورپی ٹی آئی کا پلیٹ فارم اس نے استعمال کیا اور دیکھتے ہی دیکھتے مقبول تین وی لاگر بن گیا،

    مبشرلقمان کا کہنا تھا کہ میجرریٹائرڈ عدیل راجہ اس وقت زہر اگل رہا ہے لیکن اس کو یہ احساس نہیں کہ اس سے پاک فوج کی بدنامی ہورہی ہے اور ملک کا نقصان ہورہا ہے، لیکن اسے کیا اسے تو پی ٹی آئی کی مدد وحمایت حاصل ہے،عمران خان جیسے مقبول لیڈرکی مہم چلا رہا ہے ،یہ شخص ملک کے خلاف زہر اگل رہا ہےمگرکب تک یہ ملک دشمنی کرے گا ، ذمہ داروں کو اس کا نوٹس لینا چاہیےj

  • پاکستان اور بھارت کے درمیان قیدیوں کی فہرستوں کا تبادلہ

    پاکستان اور بھارت کے درمیان قیدیوں کی فہرستوں کا تبادلہ

    اسلام آباد: ترجمان دفتر خارجہ کا کہنا ہے کہ پاکستان اور بھارت کے درمیان قیدیوں کی فہرستوں کا تبادلہ ہوا ہے۔

    باغی ٹی وی: دفتر خارجہ کے ترجمان کے مطابق قیدیوں کی فہرستوں کا بیک وقت تبادلہ 2008 کے قونصلر رسائی کے معاہدے کے تحت ہوا، معاہدے کے تحت دونوں ممالک ہر سال یکم جنوری اور یکم جولائی کو قیدیوں کی فہرستوں کا تبادلہ کرتے ہیں۔

    صدر مملکت نے اسلام آباد بلدیاتی بل بغیر دستخط کے واپس بھیج دیا


    ترجمان دفتر خارجہ کے مطابق بھارتی ہائی کمیشن کو پاکستان میں زیر حراست 705 بھارتی قیدیوں کی فہرست دی گئی، بھارتی قیدیوں میں 51 شہری اور 654 ماہی گیر شامل ہیں۔

    ترجمان کا کہنا ہے کہ بھارت نے نئی دلی میں پاکستانی ہائی کمیشن کو 434 پاکستانی قیدیوں کی فہرست دی، بھارت میں قید 339 پاکستانی شہری اور 95 ماہی گیر شامل ہیں۔

    الیکشن کمیشن کو اختیار ہے کہ وہ کہیں سے بھی نفری لےکر الیکشن کروا سکتا ہے، حافظ نعیم الرحمان

    انہوں نے مزید بتایا کہ بھارت کو اپنے51 سویلین اور 94 ماہی گیروں کی جلد رہائی اور وطن واپسی کی درخواست کی ہے، بھارت میں بیشتر پاکستانی قیدی اپنی متعلقہ سزا مکمل کر چکے ہیں اور ان کی قومی حیثیت کی تصدیق ہو چکی ہے۔

    مزید برآں 1965 اور 1971 کی جنگوں میں لاپتہ ہونے والے دفاعی اہلکاروں کو قونصلر رسائی دینے اور 56 سول قیدیوں تک خصوصی قونصلر رسائی کی درخواست بھی کی گئی ہے۔

    دوسری جانب ترجمان دفتر خارجہ کا کہنا ہے کہ پاکستان اوربھارت نے جوہری تنصیبات کی فہرستوں کا تبادلہ کیا ہے۔

    ترجمان دفترخارجہ کی جانب سے جاری بیان کے مطابق پاکستان میں جوہری تنصیبات کی فہرست آج بھارتی ہائی کمیشن کے نمائندے کے حوالے کی گئی ہے ، دوسری جانب بھارتی وزارت خارجہ نے بھی نئی دہلی میں پاکستانی ہائی کمیشن کو جوہری تنصیبات کی فہرست دی ہے۔

    خیبر پختونخوا میں سی این جی اسٹیشنز ایک مہینے کے لیے بند کر دیئے گئے

    معاہدے کے تحت پاکستان اور بھارت ہرسال یکم جنوری کو جوہری تنصیبات کی فہرست حوالے کرتے ہیں، جوہری تنصیبات کی فہرستوں کے تبادلے کا سلسلہ یکم جنوری1992 سے جاری ہے۔

    ترجمان دفتر خارجہ کے مطابق پاکستان اوربھارت نے جوہری تنصیبات کےخلاف حملوں کی ممانعت کے معاہدے پر1988 میں دستخط کیے، پاکستان اوربھارت میں معاہدہ ہے کہ دونوں ممالک جوہری تنصیبات کے بارے میں آگاہ کریں گے۔

  • بلوچستان میں سرکاری نوکریاں لاکھوں میں بکنے لگیں:جام کمال کا انکشاف

    بلوچستان میں سرکاری نوکریاں لاکھوں میں بکنے لگیں:جام کمال کا انکشاف

    بلوچستان میں سول سیکرٹریٹ میں درجہ سوئم اور چہارم کی نوکریاں 15 سے 40 لاکھ روپے میں فروخت ہونے کا انکشاف ہوا ہے۔سماجی رابطے کی ویب ساٹ ٹوئٹر پر اپنے بیان میں سابق وزیر اعلیٰ بلوچستان جام کمال نے اپنی ہی پارٹی پر تنقید کرتے ہوئے الزام عائد کیا کہ آج بلوچستان کے سول سیکرٹریٹ میں نائب قاصد اور ڈرائیورز کے عہدے کے لیے 15 لاکھ اور اسٹینوگرافر کی پوسٹ کے لیے 40 لاکھ کا مطالبہ کیا جا رہا ہے۔

     

    جام کمال خان نے کہا کہ جو لوگ ایس اینڈ جی اے ڈی چلا رہے ہیں انہیں معلوم ہونا چاہیے کہ کیا ہو رہا ہے، ان عہدوں پر تعینات ہونے والے لوگ سرمایہ کار ہوں گے نہ کہ ملازم۔

     

    سابق وزیر اعلیٰ نے کہا کہ ایک غریب آدمی نے کسی سے کہا ہے کہ وہ اسے ڈرائیور کی نوکری دلوائے کہ وہ قرض لے گا اور ادائیگی کرے گا، باقی اس کی تنخواہوں سے وصول کیا جائے، ان کی تنخواہ میں سے صرف 10 ہزار روپے انہیں دیے جائیں تاکہ وہ اپنے بچوں کا پیٹ بھر سکے،آج اس ماحول اور حال کے کچھ لوگ ذمہ دار ہیں اور ان سب کو پتا بھی ہے۔

  • ڈاکٹر شاہدہ شاہین خٹک المعروف ڈاکٹر شاہدہ سردار صاحبہ

    ڈاکٹر شاہدہ شاہین خٹک المعروف ڈاکٹر شاہدہ سردار صاحبہ

    جو وقت تمھارے ہجر میں کاٹا وہ معتبر ٹھہرا
    جو لمحے ساتھ گزارے فریب دے کے گئے

    ڈاکٹر شاہدہ سردار
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
    تحریر و تعارف : آغا نیاز مگسی
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

    اصل نام :شاہدہ شاہین خٹک
    تاریخ پیدائش:01 جنوری 1971ء
    جائے پیدائش:پشاور
    زبان:پشتو، اردو
    اصناف:شاعری، افسانہ
    تصنیفات
    ۔۔۔۔۔۔۔
    ۔ (1)مہکتی دھرتی سلگتی سانسیں (وطن سے محبت کے حوالے سے نظموں پر مشتمل)

    ۔ (2)حقیقی زندگی (خواتین کے سماجی مسائل پر مبنی)

    ۔ (3)ہوا کی سرگوشی (غزلیات پر مشتمل شععی مجموعہ)
    (4) کرب زیست (افسانوی مجموعہ)
    (5) چراغ آگہی ( شعری مجموعہ
    (6) دیوار کے اس پار ( ہندوستان کا سفرنامہ)

    مستقل سکونت: چارسدہ روڈ پشاور
    خیبر پختون خواہ کے علاقہ کرک سے تعلق رکھنے والی پاکستان کی نامور ادیبہ، شاعرہ ، ڈاکٹر اور سماجی کارکن ڈاکٹر شاہدہ شاہین خٹک المعروف ڈاکٹر شاہدہ سردار صاحبہ یکم جنوری 1978 میں پشاور میں ڈاکٹر زر بادشاہ خٹک کے گھر میں پیدا ہوئیں۔ انہوں نے تمام تر تعلیم پشاور شہر میں حاصل کی اور میڈیکل کے شعبے میں ایم بی بی ایس کا کورس مکمل کرنے کے بعد اسپیشل کورس کر کے ریڈیالوجسٹ ڈاکٹر بن گئیں ۔

    وہ اپنی پیشہ ورانہ مصروفیات کے باوجود شعر و ادب اور دکھی انسانیت کی خدمت کے لیے فلاحی اور سماجی سرگرمیوں میں بھی فعال کردار ادا کر رہی ہیں ۔ ڈاکٹر صاحبہ سماجی خدمات کی غرض سے 2011 سے MAPC کے نام سے ایک این جی او بھی چلا رہی ہیں جبکہ وہ ادبی سرگرمیوں کے حوالے سے اپنے وطن میں ادبی تقریبات و مشاعروں میں بھرپور شرکت کے ساتھ بیرونی ممالک کا سفر بھی کرتی رہتی ہیں انہوں نے ہندوستان اور آسٹریلیا میں منعقد ہونے والی ادبی تقریبات میں بھی شرکت کی ہے ۔ ہندوستان کے سفر کے حوالے سے انہوں نے ” دیوار کے اس پار ” کے نام سے ایک سفرنامہ بھی لکھا ہے۔

    غزل
    ۔۔۔۔۔
    نہیں کہ تم کو سہارے فریب دے کے گئے
    ہمیں بھی دوست ہمارے فریب دے کے گئے

    پھر اس کے بعد سرابوں کا ایک صحرا تھا
    چمکتی رات کے تارے فریب دے کے گئے

    جو وقت ہجر میں کاٹا وہ معتبر ٹھہرا
    جولمحے ساتھ گزارے فریب دے کے گئے

    کوئی ستارا نہ ابھرا وفا کے ساحل پر
    سمندروں کے نظارے فریب دے کے گئے

    وہیں پہ راکھ تھے پھر خواب میری پلکوں کے
    کبھی جو اپنے سہارے فریب دے کے گئے

    نگہہ نے شوق سے دیکھا صبا کی آمد کو
    ہوا کے سارے اشارے فریب دے کے گئے

    پڑی نظر جو کتابوں میں خشک پھولوں پر
    وہیں پہ ضبط ہمارے فریب دے کے گئے
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
    کبھی ایسا بھی ہوتا ہے حسین سرسبز موسم میں
    تمھاری یاد اشکوں میں روانی چھوڑ جاتی ہے
    اترتی ہے تری تصویر آنکھوں کے دریچے پر
    تو دل میں پھر سے اک وحشت پرانی چھوڑ جاتی ہے
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
    ان پہ موسم کی ادائوں کا اثر کیسے ہو
    جن کی آنکھوں کا کوئی رنگ سہانا ہی نہ ہو
    ۔۔۔۔۔۔۔۔۔۔۔۔۔۔۔
    صرف یہ سوچ کے آئینے کو پھر جوڑ دیا
    وقت جتنا ہو محبت کے لیے تھوڑا ہے
    ۔۔۔۔۔۔۔۔۔۔۔۔۔۔۔۔
    مرا وطن کبھی آلودہ غبار نہ ہو
    خدایا اس پہ کبھی مشکلوں کا بار نہ ہو