Tag: پاکستان

اسلام آباد:سابق وزیراعظم عمران خان پروزیرآباد میں ہونے والے حملے اوراس سے قبل جاری احتجاج کے حوالے سے سپریم کورٹ بارایسوسی ایشن نے اپنا موقف پیش کیا ہے اور کہا ہے کہ قانون سب کو پرامن احتجاج کا حق دیتا ہے

اس حوالے سے سپریم کورٹ بار کی طرف سے جاری پریس ریلیز میں کہا گیا کہ تین نومبر کو وزیرآباد کے مقام پرسابق وزیراعظم عمران خان پر ہونے والے قاتلانہ حملے کی مذمت کرتا ہے ،

سپریم کورٹ بار ایسوسی ایشن کی طرف سے کہا گیا ہے کہ بار وزیرآباد واقعہ کی ایف آئی آرقانون کے مطابق درج کرنے کا مطالبہ کیا ہے۔

صدر سپریم کورٹ بارایسوسی ایشن عابد زبیری کا کہنا ہے کہ عمران خان کی مرضی کی ایف آئی آردرج نہ ہونا ریاست کی ناکامی ہے۔

بیان میں کہا گیا ہے کہ ایف آئی آر کا اندراج ہر شہری کا بنیادی آئینی حق ہے۔ شکایت کے مطابق ایف آئی آر درج نہ کرنا غیر قانونی اور فیصلوں کی خلاف ورزی ہے۔

سپریم کورٹ بارایسوسی ایشن کے بیان میں مزید کہا گیا ہے کہ پرامن احتجاج کرنا ہر شہری کا بنیادی آئینی حق ہے جبکہ شہریوں کے حقوق اور جان ومال کا تحفظ ریاست کی ذمہ داری ہے۔

اسلام آباد:صدر مملکت ڈاکٹر عارف علوی نے جسٹس اطہر من اللہ سمیت سندھ اور پنجاب کی ہائی کورٹس سے 3 ججوں کی سپریم کورٹ میں تعیناتی کی منظوری دے دی۔

ایوان صدر سے جاری اعلامیے میں کہا گیا کہ صدر مملکت نے اسلام آباد ہائی کورٹ کے چیف جسٹس اطہر من اللہ، سندھ ہائی کورٹ کے جسٹس سید حسن اظہر رضوی اور لاہور ہائی کورٹ کے جسٹس شاہد وحید کو سپریم کورٹ کا جج تعینات کرنے کی منظوری دی ہے۔

آرمی چیف کی قومی ٹیم کو نیوزی لینڈکیخلاف سیمی فائنل جیتنے پر مبارک باد

صدر مملکت نے جسٹس عامر فاروق کو جسٹس اطہر من اللہ کی جگہ چیف جسٹس اسلام آباد ہائی کورٹ تعینات کرنے کی بھی منظوری دے دی۔

بیان میں کہا گیا کہ صدر مملکت عارف علوی نے سپریم کورٹ اور اسلام آباد ہائی کورٹ میں چیف جسٹس کی تعیناتی کی منظوری آئین کے آرٹیکل 175 اے کے تحت دی۔

اس سے قبل قومی اسمبلی کی پارلیمانی کمیٹی نے تینوں ججوں کی تعیناتی کی منظوری دی تھی۔

امریکی وسط مدتی انتخابات؛ پاکستانی امیدوار بھی کامیاب

قومی اسمبلی کی پارلیمانی کمیٹی نے 4 نومبر کو جسٹس اطہر من اللہ اور 7 نومبر کو دیگر دو ججوں جسٹس شاہد وحید اور جسٹس حسن اظہر رضوی کی بطور سپریم کورٹ جج کے لیے نام کی منظوری دی تھی۔

واضح رہے کہ جوڈیشل کمیشن نے 24 اکتوبر کو ساڑھے 3 گھنٹے طویل اجلاس کے بعد متفقہ طور پر جسٹس اطہر من اللہ کی سپریم کورٹ میں تعیناتی کی منظوری دی تھی۔

راولپنڈی:عوامی احتجاج پرپی ٹی آئی کا ایئرپورٹ روڈ پر جاری احتجاجی دھرنا ختم،اطلاعات کےمطابق پاکستان تحریک انصاف نے راولپنڈی میں گلزارقائد کے قریب پرانا ایئر پورٹ روڈ پر 3 روز سے جاری دھرنا ختم کر دیا تاہم مری روڈ پر احتجاج ابھی جاری ہے۔

پرانا ایئر پورٹ روڈ پر جاری دھرنا ختم ہونے کے بعد سڑک دونوں طرف سے ٹریفک کیلئے کھول دی گئی۔ مظاہرین کی قیادت صوبائی وزیر راجہ بشارت کر رہے تھے۔

فیاض الحسن چوہان نے میڈیا سے گفتگو میں کہا کہ 72 گھنٹوں کی جو کال دی گئی تھی وہ پوری ہوگئی ہے۔آئندہ کے لائحہ عمل کا حتمی فیصلہ پارٹی قیادت کرے گی۔

خیال رہے کہ راولپنڈی میں احتجاج کے تیسرے روز پی ٹی آئی رہنماؤں اور کارکنوں نے پاکستان اور نیوزی لینڈ کے درمیان سیمی فائنل کے لیے سڑکوں پر ہی بڑی اسکرینیں نصب کی تھی تاہم شام کے بعد پرانا ایئرپورٹ روڈ پر جاری احتجاجی دھرنا ختم کر دیا گیا۔

دوسری طرف تحریک انصاف کے مارچ کے خلاف سپریم کورٹ میں ایک اور درخواست دائر کی گئی ہے۔جے یو آئی (ف) کے سینیٹر کامران مرتضیٰ نے لانگ مارچ کے خلاف اپنی درخواست میں وفاق اور چاروں صوبوں کو فریق بنایا ہے۔

پاک فوج سے اظہار یکجہتی کےلیے مختلف شہروں میں ریلیاں

درخواست میں کہا گیا ہے کہ پی ٹی آئی نے 25 مئی کو سپریم کورٹ کو کرائی گئی یقین دہانی کی خلاف ورزی کی ، 2014 کےدھرنے میں پی ٹی وی ، پارلیمنٹ اور سیکرٹریٹ پر حملہ کیا، تحریک انصاف ایک بار پھر مارچ اسلام آباد لا رہی ہے، عدالت اسے ماضی کا طرزعمل نہ دہرانے کا پابند بنائے۔

امریکی وسط مدتی انتخابات؛ پاکستانی امیدوار بھی کامیاب

سینیٹر کامران مرتضیٰ نے استدعا کی ہے کہ وفاق اور صوبوں کو حکم دیا جائے کہ مارچ کے دوران عوام کے بنیادی حقوق متاثر نہ ہوں ، مارچ کرنے والوں کا جلسہ اسلام آباد سےباہر ہو، دھرنا یا ریلی غیرمعینہ مدت تک نہ ہو ، تحریک انصاف کو احتجاج سے متعلق قوانین اور ضابطوں پر عمل کا حکم دیا جائے ۔