Baaghi TV

Tag: پاکستان

  • کشمیرپریمئیرلیگ سیزن 2:کھلاڑیوں کےپک آرڈراورریٹینشن آرڈر کا اعلان ہوگیا

    کشمیرپریمئیرلیگ سیزن 2:کھلاڑیوں کےپک آرڈراورریٹینشن آرڈر کا اعلان ہوگیا

    مظفرآباد:کشمیرپریمئیرلیگ سیزن 2 کی تیاریاں شروع ،اطلاعات کےمطابق پلاٹینم ون میں پہلی پک جموں جانباز،دوسری پک میں احمد شہزاد کوراولاکوٹ ہاکس نے ریٹین کیا

    کشمیر پریمئیر لیگ سیزن 2 کے لیے کھلاڑیوں کے پک آرڈر اور ریٹینشن آرڈر کا اعلان کردیا گیا ہے۔پلاٹینم ون میں پہلی پک جموں جانباز، دوسری پک میں احمد شہزاد کو راولاکوٹ ہاکس نے ریٹین کیا ہے۔

     

    پلاٹینم ون میں تیسری پک میرپور رائلز، چوتھی پک میں اوورسیز وارئیرز نے اعظم خان کو پلاٹینم کیٹگری میں ریٹین کیا ہے۔پلاٹینم ون کیٹگری میں پانچویں پک باغ اسٹالینز، چھٹی کوٹلی لائینز جبکہ ساتویں پک مظفر آباد ٹائیگرز کی ہوگی۔

    پلاٹینم ٹو کیٹگری میں مظفر آباد نے افتخار احمد کو ٹریڈ کے ذریعے ریٹین کیا۔

    پلاٹینم ٹو کی دوسری پک کوٹلی لائینز، تیسری پک میں باغ اسٹالینز نے صہیب مقصود ،چوتھی پک میں اوورسیز وارئیرز نے کامران غلام کو ریٹین کیا۔پلاٹینم ٹو کی پانچویں پک میرپور رائلز، چھٹی میں راولاکوٹ ہاکس نے حسین طلعت کو ریٹین کیا جبکہ ساتویں پک جموں جانباز کرے گا۔

     

    ڈائمنڈ ون میں پہلی پک باغ اسٹالینز ،دوسری میں کوٹلی لائینز نے احسن علی کو ریٹین، تیسری پک مظفر آباد ٹائیگرز، چوتھی پک جموں جانباز اور پانچویں پک میں آصف آفریدی کو راولاکوٹ ہاکس نے ریٹین کیا۔

    ڈائمنڈ ون میں چھٹی پک میرپور رائلز جبکہ ساتویں پک اوورسیز وارئیرز کرے گا۔

     

     

    ڈائمنڈ ٹو میں سہیل خان کو اوورسیز وارئیرز نے ریٹین کیا۔سلمان ارشاد کو میرپور رائلز، جبکہ زمان خان کو راولاکوٹ ہاکس نے ریٹین کیا۔ڈائمنڈ ٹو میں انور علی کو مظفر آباد ٹائیگرز، خرم شہزاد کو کوٹلی لائینز، عامر یامین کو باغ اسٹالینز نے ریٹین کیا۔

    ڈائمنڈ ٹو کی چوتھی پک جموں جانباز کرے گا۔

    گولڈ کیٹگری کے پہلے راؤنڈ میں عرفان اللہ کو کوٹلی لائینز،ذیشان اشرف کو مظفرآباد ٹائیگرز جبکہ ابرار احمد کو میرپور رائلز نے ریٹین کیا ہے۔

    ادھر آج گال ٹیسٹ میں پاکستان نے سری لنکا کو شکست دے کر تاریخی فتح حاصل کر لی۔

    آج آخری روز کے کھیل کا آغاز قومی ٹیم نے 222 رنز کے ساتھ کیا، عبداللہ شفیق نے شاندار کھیل پیش کیا، 158 رنز بناکر ناقابل شکست رہے، محمد نواز 19 رنز بنا کر ناٹ آؤٹ رہے۔ بابر اعظم نے 55، اور رضوان نے 40 رنز کی اننگز کھیلی۔ عبداللہ شفیق کی جاندار پرفارمنس کے سبب انہیں مین آف دی میچ قرار دیا گیا ہے۔

    واضح رہے کہ گال میں پہلی بارکسی ٹیم نے 300 سے زائد رنز کا ہدف حاصل کیا ہے اس طرح ٹیسٹ سیریز میں پاکستان کو ایک صفر کی برتری حاصل ہو گئی ہے۔

  • امریکا نے پاکستان کو انسانی اسمگلنگ کی واچ لسٹ سے خارج کردیا

    امریکا نے پاکستان کو انسانی اسمگلنگ کی واچ لسٹ سے خارج کردیا

    امریکا نے پاکستان کو انسانی اسمگلنگ کی واچ لسٹ سے خارج کردیا۔

    باغی ٹی وی : امریکی اسٹیٹ ڈیپارٹمنٹ نے ٹریفکنگ ان پرسن کی سالانہ رپورٹ 2022 جاری کردی ہے جس میں پاکستان کو درجہ ٹو کی واچ لسٹ سے نکال دیا ہے اسٹیٹ ڈیپارٹمنٹ نے پاکستان کا اسٹیٹس بہتر کردیا امریکی اسٹیٹ ڈیپارٹمنٹ نے ٹریفکنگ ان پرسن کی سالانہ رپورٹ 2022 میں پاکستان کی درجہ بندی میں نظر ثانی کی ہے-

    پشاور: افغان شہریوں کیلئے جعلی دستاویزات بنانے والا ملزم گرفتار

    رپورٹ کے مطابق پاکستان کو انسانی اسمگلنگ کی روک تھام کا ریکارڈ بہتر نہ ہونے پر 2018 میں واچ لسٹ میں رکھا گیا تھا نامناسب اقدامات کے باعث پاکستان کو مسلسل 2 سال تک درجہ دوم کی واچ لسٹ میں رکھا گیا –

    رپورٹ کے مطابق امریکا نے سال 2020 کی اپنی اسمگلنگ ان پرسنز رپورٹ میں پاکستان کا درجہ کم کرتے ہوئے اسے ٹیئر 2 سے ٹائیر 2 واچ لسٹ میں شامل کردیا تھا جبکہ رپورٹ میں تسلیم کیا گیا کہ انسانی اسمگلنگ کے خلاف جنگ میں پاکستان ’اہم اقدامات‘ کر رہا ہے۔

    اسلام آباد ہائیکورٹ نے پبلک اکاؤنٹس کمیٹی کو ہراسانی کے ملزم ڈی جی نیب کے خلاف کارروائی سے روک دیا

    ٹی آئی پی رپورٹ کوٹئیر ایک، ٹیئر 2، ٹائیر 2 واچ لسٹ اورٹائیر 3 میں تقسیم کیاگیا ہےٹائیر2 واچ لسٹ والےممالک وہ ہیں جن کی حکومتیں ٹریفکنگ متاثرین سے تحفظ کے ایکٹ (ٹی وی پی اے) کےکم سے کم معیارات پر پورا اترتی ہیں تاہم خود کو ان معیارات کی تعمیل میں لانے کے لیے اہم کوششیں کر رہی ہیں مگر اس کے باوجود اسمگلنگ کے متاثرین کی تعداد میں نمایاں اضافہ ہو رہا ہے

    دریائے سندھ میں کشتی ڈوبنے سے جاںبحق 26 افراد کی نماز جنازہ ادا،27افراد کی تلاش…

  • ملک بھر میں آج سے بارشوں کا نیا سلسلہ شروع ہونے کی پیشگوئی

    ملک بھر میں آج سے بارشوں کا نیا سلسلہ شروع ہونے کی پیشگوئی

    محکمہ موسمیات نے آج سے بارشوں کا نیا سلسلہ شروع ہونے کی پیش گوئی کی ہے-

    باغی ٹی وی : محکمہ موسمیات کے مطابق 20 سے 26 جولائی تک کشمیر، گلگت بلتستان، اسلام آباد اور پنجاب کے کئی شہروں کے ساتھ بنوں، لکی مروت، ڈی آئی خان، اوکاڑہ، بہاول نگر، رحیم یار خان اور ملتان میں بھی بارش کا امکان ہے۔

    محکمہ موسمیات کا کہنا ہے کہ بلوچستان میں ژوب، زیارت، بارکھان، بولان، سبی، قلات اور خضدار میں بھی بارش ہوگی ۔

    اس کے علاوہ محکمہ موسمیات کی جانب سے 24 سے 26 جولائی کے دوران سندھ کے تمام اضلاع میں بارش کی پیش گوئی کی گئی ہے جس کے مطابق کراچی، ٹھٹھہ، بدین میں بارش سے نشیبی علاقے زیرِ آب آنے کا امکان ہے۔

    دوسری جانب مانسہره، دير، کشمير، بارکھان، کوہلو، سبی، بولان اور ڈی جی خان کے ندى نالوں میں طغيانی کا خدشہ ہے۔

    راولپنڈی ، اسلام آباد اور گردوناھ میں وقفے وقفے سے بارش کا سلسلہ جاری ہے ،بارش کے ساتھ ٹھنڈی ہوا نے موسم خوشگوار بنا دیا جبکہ ہری پورشہر اور گردونواح کے علاقوں میں تیز ہواوں کے ساتھ بارش کا سلسلہ جاری ہے شکر گڑھ میں بھی گرج چمک کے ساتھ بارش ، موسم خوشگوار بنا دیا ہے

  • روس اور ایران کے درمیان توانائی تعاون کے بڑے منصوبے پرمعاہدہ ہوگیا

    روس اور ایران کے درمیان توانائی تعاون کے بڑے منصوبے پرمعاہدہ ہوگیا

    تہران :روس اور ایران کے درمیان توانائی تعاون کے بڑے منصوبے پرمعاہدہ ہوگیا ہے اور اس حوالے سے روسی اور ایرانی میڈیا اسے بڑی کامیابھی قرار دے رہے ہیں ، یہ معاہدہ اس وقت سامنے آیا جب یورپ اور نیٹو کے دیگرممالک کےساتھ امریکہ روس کو نیچا دکھانے کے چکروں میں ہیں

    :ایران اور روس کے درمیان توانائی کے شعبے میں تعاون کے لیے تقریبا 40 ارب ڈالرز مالیت کی مفاہمتی یاداشت پر دستخط کیے گئے ہیں۔

    ایرانی وزارت تیل کی خبرایجنسی سے جاری بیان کےمطابق ایران کی نیشنل آئل کمپنی اور روسی کمپنی گیز پروم (Gazprom) کے سی ای اوز نے مفاہمتی یاداشت پر آن لائن تقریب کے دوران دستخط کیے.

    ایرانی حکام کے مطابق روسی کمپنی, کیش آئی لینڈ، شمالی فارس سمیت 6 گیس فیلڈز کی ترقی میں مدد کرے گی، ایل این جی منصوبوں کی تکمیل اور گیس برآمد پائپ لائنوں کی تعمیر میں بھی شامل ہوگی.

    خیال رہے کہ ایران کے پاس دنیا میں گیس دوسرے سے بڑے زخائر موجود ہیں لیکن امریکی پابندیاں ایران کے گیس نکالنے کی ٹیکنالاجی اور ایکسپورٹ میں سست روی کا سبب بنی ہوئی ہے۔

    قابل ذکر ہے کہ روسی صدر شام کے امن عمل سے متعلق ایران، روس اور ترکی کے ساتویں سربراہی اجلاس میں شرکت کے لئے ایران کے دورے پر تہران پہنچے ہیں۔ تہران سربراہی اجلاس میں شام کے مسائل، دہشت گردی منجملہ داعش اور پی کے کے، کے خلاف مہم اور شامی پناہ گزینوں کی وطن واپسی جیسے مسائل پر گفتگو ہو گی۔

  • سائفروزیرخارجہ اور وزیراعظم سےچھپانےکا دعویٰ مکمل بےبنیادہے:دفترخارجہ

    سائفروزیرخارجہ اور وزیراعظم سےچھپانےکا دعویٰ مکمل بےبنیادہے:دفترخارجہ

    اسلام آباد: سائفر وزیرخارجہ اور وزیراعظم سےچھپانےکادعویٰ مکمل بےبنیادہے:اطلاعات کے مطابق ایک بار پھر پاکستانی دفتر خارجہ کو امریکہ سے آنے والے سائیفر کے حوالے سے وضاحت دینا پڑی ہے اور یہ وضاحت ان الزامات کے کے بعد دی جارہی ہے جن میں بار بار کہا جارہا ہے کہ یہ حقائق موجودہ وزیرخارجہ اور وزیراعظم سے چھپائے گئے تھے دفتر خارجہ نے اس دعوے کو سراسر بے بنیاد قرار دیا ہےکہ واشنگٹن میں پاکستانی سفارت خانے سے موصول ہونے والی سائفرکمیونی کیشن وزیر خارجہ یا وزیر اعظم سے چھپائی گئی تھی۔

    ایک بیان میں ترجمان دفتر خارجہ کا کہنا ہے کہ سائفرکمیونی کیشن (خفیہ سفارتی مراسلہ) وزیرخارجہ اور وزیراعظم سے چھپانےکا دعوٰی مکمل بے بنیاد ہے۔

     

    https://mofa.gov.pk/transcript-of-the-press-briefing-by-spokesperson-on-monday-25-april-2022/

    ترجمان دفتر خارجہ کا کہنا ہے کہ سائفرکمیونی کیشن وزیرخارجہ یا وزیراعظم سے پوشیدہ ہونےکا سوال ہی نہیں ہوتا، دفترخارجہ پیشہ ورانہ بنیاد پرکام کرتا ہے،اس کے کام پر شکوک پیدا کرنا نقصان دہ ہوگا۔

     

    اس حوالے سے حکام دفتر خارجہ کا کہنا ہےکہ ہر سائفر وزیراعظم آفس کو لازمی بھیجا جاتا ہے، اس سائفرکو بھی وزیراعظم آفس بھیجا گیا تھا، کوئی بھی سائفر جب آتا ہے تو اس کی ڈسٹری بیوشن کی جاتی ہے،کچھ سائفر کی ڈسٹری بیوشن زیادہ کچھ کی کم کی جاتی ہے۔

    پاکستان کیخلاف امریکی سازشیں ایک بار پھر عروج پر، تحریر:عفیفہ راؤ

    حکام دفتر خارجہ کے مطابق سائفر کو کاپی نہیں کیا جاسکتا، اس کی فوٹو کاپی نہیں ہوتی، سائفرکو اس کی مشین پر ڈی کوڈ کیا جاتا ہے، سائفر کی تحریر کو تبدیل کرنےکا سوال ہی پیدا نہیں ہوتا۔

    خیال رہے کہ سابق وزیراعظم اور چیئرمین تحریک انصاف عمران خان کے چیف آف اسٹاف شہباز گل نے گزشتہ دنوں دعویٰ کیا تھا کہ سائفر وزیراعظم اور وزیر خارجہ سے چھپایا گیا تھا پھر زبردستی نکلوایا گیا۔

  • لاہور: آصف علی زرداری کی چوہدری شجاعت حسین سے ملاقات

    لاہور: آصف علی زرداری کی چوہدری شجاعت حسین سے ملاقات

    لاہور:سابق صدر،پاکستان پیپلزپارٹی کے مرکزی رہنما آصف علی زرداری پی ڈی ایم اجلاس کے بعد چوہدری شجاعت حسین سے ملاقات کے لیے ان کی رہائش گاہ پر پہنچ گئے

    پارٹی ذرائع کے مطابق سابق صدر آصف علی زرداری نے مسلم لیگ ق کے سربراہ چوہدری شجاعت حسین سے لاہور میں ان کے رہائش گاہ پر ملاقات کی ہے۔ملاقات میں وزیر اعلیٰ پنجاب کے انتخابات کے حوالے سے معاملات بھی زیر غور آئے جبکہ ملک کی مجموعی صورتحال پر تبادلہ خیال کیا گیا۔آصف زرداری نے موجودہ سیاسی صورت حال پر چوہدری شجاعت کو اعتماد میں لیا۔

    شان شاہد کی عمران خان کو ضمنی انتخابات جیتنے کی مبارکباد

    خیال رہے کہ اس سے قبل اتحادی جماعتوں کے اجلاس میں پی ڈی ایم اور اتحادی جماعتوں نے اسمبلیوں کا وقت پورا کرنے کا فیصلہ کر لیا۔اتحادی جماعتوں کے اجلاس میں سابق صدر آصف علی زرداری ، وزیر خارجہ بلاول بھٹو زرداری اور جمعیت علمائے اسلام (ف) کے سربراہ مولانا فضل الرحمان نے شرکت کی۔

    اتحادی جماعتوں کے رہنماوں کا کہنا ہے قبل ازوقت انتخابات بہتر آپشن نہیں جبکہ پنجاب میں بھی وزارت اعلیٰ بچانے کے لیے تمام اتحادی جماعتیں کوشش کریں گے۔

    پی ٹی آئی کور کمیٹی کی وزیراعلیٰ کیلئے پرویزالٰہی کے نام کی توثیق، 14 ووٹوں کی برتری کا دعویٰ

    وزیرخارجہ شاہ محمود قریشی کا کہنا ہے کہ سپریم کورٹ کے جج صاحبان کی رائے کا بے حد احترام ہے مگر فی الحال پارٹی میں قومی اسمبلی میں واپس آنے کی کوئی تجویز زیر غور نہیں۔شاہ محمود قریشی کاکہنا تھا کہ موجودہ صورتحال میں ہم قومی اسمبلی آنے کو تیار نہیں کیونکہ ہمارا قومی اسمبلی واپس آنا بے معنی ہوگا۔

    وائس چیئرمین تحریک انصاف کا کہنا تھا کہ قومی اسمبلی میں واپسی کیلئے پارٹی سطح پر کوئی مشاورت بھی نہیں کی گئی، تحریک انصاف کا فوری نئے انتخابات کا مطالبہ برقرار ہے۔

    سابق وزیرخارجہ کا کہنا تھا کہ تحریک انصاف نے ساڑھے 3سال کی محنت سے ملکی معیشت کو مستحکم کیا تھا مگر آج ملکی معاشی صورتحال روز بہ روز بگڑتی جارہی ہے اور موجودہ حکومت ملک کو دیوالیہ ہونے کی نہج پر لے آئی۔

    شاہ محمود قریشی کا کہنا تھا کہ ڈالر کی قدر بلند ترین سطح پر پہنچ گئی، صورتحال حکومت کے کنٹرول سے باہر ہے، ان حالات میں ہم کیسے قومی اسمبلی واپس آئیں۔

    پاکستان ڈیمو کریٹک موومنٹ (پی ڈی ایم) اور حکومتی اتحاد نے قبل از وقت انتخابات نہ کروانے کا فیصلہ کیا ہے۔

    اہم ترین اجلاس میں آصف زرداری، فضل الرحمان اور دیگر جماعتوں کے قائدین شریک ہوئے، ضمنی الیکشن میں بد ترین صورتحال کے بعد کی صورتحال کا جائزہ لیا گیا، شرکا کو صوبائی اسمبلی میں نمبر گیم پر بریفنگ بھی دی گئی۔

    فوری انتخابات:تحریک انصاف قومی اسمبلی میں واپس نہ آنے کے مؤقف پر قائم

    پارٹی ذرائع کے مطابق لاہور میں پی ڈی ایم اور اتحادیوں کے اجلاس کا انعقاد کیا گیا، اجلاس میں پی ڈی ایم اور حکومتی اتحاد نے ملک میں قبل از وقت نہ کروانے کا متفقہ فیصلہ کیا۔

    اس حوالے سے پارٹی ذرائع نے مزید بتایا کہ قبل از وقت انتخابات عمران خان کے دباؤ پر نہیں بلکہ حکومتی اتحاد کے متفقہ فیصلے کے تحت ہوں گے اور اسمبلیاں اپنی مدت پوری کریں گی۔

  • فِچ ریٹنگز نے پاکستان کے آؤٹ لک کو مستحکم سے منفی کر دیا

    فِچ ریٹنگز نے پاکستان کے آؤٹ لک کو مستحکم سے منفی کر دیا

    امریکی ریٹنگز ایجنسی فچ نے پاکستان کا آؤٹ لک مستحکم سے منفی کردیا۔

    باغی ٹی وی : فچ کی جانب سے جاری رپورٹ میں بڑھتے سیاسی عدم استحکام،کمزورحکومتی اتحاد اور جلد الیکشن کو آؤٹ لک بدلنے کا سبب بتایا گیا ہے رپورٹ کے مطابق منفی ریٹنگ پاکستان کی سال 2022 کے آغاز سے بگڑتی لیکوڈٹی اور بیرونی فنڈنگ صورتحال کی عکاسی کرتی ہے۔

    رپورٹ میں کہا گیا ہےکہ آئی ایم ایف معاہدے پر عمل درآمد اور جون 2023 کے بعد فنڈنگ کے حصول پرخدشات ہیں جبکہ زرمبادلہ ذخائر پر کرنٹ اکاؤنٹ خسارے کے باعث دباؤ ہے، مہنگے ایندھن کے سبب مہنگائی کی شرح بلند رہے گی-

    ایجنسی کے مطابق بین الاقوامی مالیاتی فنڈ (آئی ایم ایف) کے ساتھ پاکستان کے اسٹاف لیول معاہدے سے مستقبل میں کافی خطرات دیکھنے میں آ رہے ہیں نئے سرے سے سیاسی اتار چڑھاؤ کو خارج نہیں کیا جا سکتا اور یہ حکام کی مالی اور بیرونی ایڈجسٹمنٹ کو نقصان پہنچا سکتا ہے، جیسا کہ خاص طور پر سست ترقی اور بلند افراط زر کے موجودہ ماحول میں 2022 اور 2018 کے اوائل میں ہوا۔

    10 اپریل کو عدم اعتماد کے ووٹ پر معزول ہونے والے سابق وزیراعظم عمران خان نے حکومت سے قبل از وقت انتخابات کرانے کا مطالبہ کیا ہے اور ملک بھر کے شہروں میں بڑے پیمانے پر احتجاجی مظاہرے کر رہے ہیں نئی حکومت کو پارٹیوں کے ایک متضاد اتحاد کی حمایت حاصل ہے جس کی پارلیمنٹ میں ایک معمولی سی اکثریت ہے باقاعدہ انتخابات اکتوبر 2023 میں ہونے والے ہیں، جس سے آئی ایم ایف پروگرام کے اختتام کے بعد پالیسی میں تبدیلی کا خطرہ پیدا ہو گیا ہے۔

    ریٹنگ ایجنسی فچ کے مطابق محدود بیرونی فنڈنگ اور بڑے کرنٹ اکاؤنٹ خسارے (CADs) نے زرمبادلہ کے ذخائر کو ختم کر دیا ہے، کیونکہ اسٹیٹ بینک آف پاکستان نے کرنسی کی قدر میں کمی کو کم کرنے کے لیے ذخائر کا استعمال کیا۔

    ایجنسی کا تخمینہ ہے کہ جون مالیاتی سال 2022 کو ختم ہونے والے مالی سال میں کرنٹ اکاؤنٹ خسارہ 17 ارب امریکی ڈالرز (مجموعی ملکی پیداوار کا 4.6 فیصد) تک پہنچ گیا، جس کی وجہ تیل کی عالمی قیمتوں میں اضافہ ہے اسٹیٹ بینک میں خالص مائع زرمابدلہ کے ذخائر جون 2022 تک تقریباً 10 ارب امریکی ڈالرز تک گر گئے، جو ایک سال پہلے تقریباً ارب ڈالرز سے کچھ کم تھے۔

    ایجنسی کا کہنا ہے کہ مالیاتی سختیاں، بلند شرح سود، توانائی کی کھپت کو محدود کرنے کے اقدامات اور درآمدات، مالی سال 2023 میں کرنٹ اکاؤنٹ خسارے کے 10 ارب امریکی ڈالرز (مجموعی ملکی پیداوار کا 2.6فیصد) تک محدود رہنے کے اندازے ہیں –

    پاکستان کی ‘منفی بی ’ درجہ بندی ‘بی’ میڈین کے مقابلے میں بار بار آنے والے بیرونی خطرے، ایک تنگ مالیاتی آمدنی اور خراب گورننس کے اشارے کے اسکور کی عکاسی کرتی ہے۔

    ایجنسی نے رپورٹ میں مزید کہا کہ ہم توقع کرتے ہیں مالی سال 2023 میں خسارہ مجموعی ملکی پیداوار کے 5.6 فیصد (تقریباً 4.6 کھرب پاکستانی روپے یا 22 ارب امریکی ڈالرز) تک محدود ہو جائے گا، جو کہ اخراجات میں تحمل کے ساتھ ساتھ ٹیکسوں میں توسیع کے ذریعے کارپوریٹ اور ذاتی انکم ٹیکسز اور پٹرولیم لیوی میں اضافے سمیت بڑھا ہوا ہے۔

  • انٹر بینک میں ڈالر کی قدر میں مسلسل اضافہ، ڈالر 223 روپے کا ہوگیا

    انٹر بینک میں ڈالر کی قدر میں مسلسل اضافہ، ڈالر 223 روپے کا ہوگیا

    کراچی: انٹر بینک میں ڈالر کی قدر میں مسلسل اضافہ دیکھا جارہا ہے۔

    باغی ٹی وی : پیر کے روز کاروباری ہفتے کے آغاز پر بھی ڈالر کی قدر میں اضافہ دیکھا گیا اور کاروبار کے دوران ڈالر ایک بار پھر ملکی تاریخ کی بلند ترین سطح پر پہنچ گیا پیر کے روز کاروبار کے اختتام پر ڈالر 215.20 روپے پر بند ہوا۔

    منگل کے روز بھی کاروبار کے آغاز پر ڈالر کی قدر میں اضافہ دیکھا گیا اور انٹربینک میں ڈالر مزید ایک روپے 55 پیسے مہنگا ہوکر انٹربینک میں ڈالر کی قیمت 216 روپے 75 پیسے ہو گیا تھا بعد ازاں روپے کی قد میں مزید کمی دیکھنے میں آ ئی اور کاروبار کے دوران ڈالر مزید مہنگا ہوا اور اس کی قدر میں مجموعی طور پر6 روپے 80 پیسے اضافہ ہوا جس کے بعد ڈالر کی قیمت 223 روپے ہوگئی ہے جبکہ اوپن مارکیٹ میں ڈالر8 روپے مہنگا ہوکر 224 روپے میں فروخت ہورہا ہے-

    واضح رہے کہ شہبازحکومت کےدوران ڈالر 40 روپے7 پیسےتک مہنگا ہوچکا ہے جبکہ پی ٹی آئی حکومت میں ڈالر 58 روپے88 پیسےتک مہنگا ہواتھا جو ملکی تاریخ میں اس کی بلند ترین سطح ہے ہر روز ڈالر تاریخ کی نئی بلند ترین سطح کوچھو رہا ہے-

  • حب ڈیم سے حب ندی میں مزید ڈیڑھ لاکھ کیوسک پانی آنے کا خدشہ

    حب ڈیم سے حب ندی میں مزید ڈیڑھ لاکھ کیوسک پانی آنے کا خدشہ

    حب ڈیم کے کیچمنٹ ایریا میں پانی کے ریلوں کی آمد اور اسپل وے سے پانی کا اخراج جاری ہے۔

    باغی ٹی وی : تفصیلات کے مطابق ڈی سی افتخار احمد نے بتایا کہ حب ڈیم سے پانی کے اخراج کے باعث حب ندی سے 44 ہزار کیوسک کا ریلہ گزر رہا ہےحب ڈیم سے حب ندی میں مزید ڈیڑھ لاکھ کیوسک پانی آنے کا خدشہ ہے حب ندی کے قریب واقع رہائشیوں کیلئے حفاظتی اقدامات کئے گئے ہیں۔

    واضح رہے کہ جی ایم واپڈا عامر مغل نے 2 روز قبل بتایا تھا کہ سندھ بلوچستان میں بارشوں کے بعد کراچی کو پانی سپلائی کرنے والا حب ڈیم مکمل بھر گیا ہے حب ڈیم مکمل 339 فٹ بھر گیا ہے، 3 سال کا پانی ذخیرہ ہوگیا ہے اور اب ڈیم کا اضافی پانی حب ندی کے راستے سمندر میں گر رہا ہے اس سے قبل ڈیم 2007 اور 2020 میں بھرا تھا۔

    واپڈا ذرائع کا کہنا تھا کہ حب ندی کے کنارے آباد لوگوں کو محفوظ مقامات پر منتقل کیا جا رہا ہے حب ڈیم اور ندی کے اطراف سیکورٹی اہلکار تعینات کر دیے گئے ہیں، غیر متعلقہ افراد کو ڈیم اور ندی کی جانب جانے کی اجازت نہیں ہےقبل ازیں کمشنر قلات، ڈپٹی کمشنر لسبیلہ اور ایکسین ایر گیشن نے حب ڈیم کے دورے میں اسپیل وے کا جائز ہ لیا تھا۔

  • ملک کے بیشترعلاقوں میں موسم خشک اور مرطوب رہے گا

    ملک کے بیشترعلاقوں میں موسم خشک اور مرطوب رہے گا

    محکمہ موسمیات کے مطابق ملک کے بیشتر علاقوں میں موسم خشک اور مرطوب رہے گا-

    با غی ٹی وی : محکمہ موسمیات کے مطابق سندھ ، بلوچستان ، پنجاب، بالائی خیبرپختونخوا میں چند مقا مات پر بارش کا امکان ہے ،گلگت بلتستان ا ور آزاد کشمیر میں گرج چمک کے ساتھ بارش کا امکان ہے-

    محکمہ موسمیات کے مطابق اسلام آباد میں بعض مقامات پر گرج چمک کے ساتھ بارش کا امکان ہے ،خضدار،قلات ،لسبیلہ،خاران، مکران،تربت اورآواران میں بارش متوقع ہے –

    محکمہ موسمیات کے مطابق پنجگور، جیوانی اورگوادر میں تیز ہواؤں کے ساتھ بارش کا امکان ہے ، راولپنڈی ، گلیات، مری ، جہلم ، اٹک ، لاہور،گوجرانوالہ اورسیالکوٹ میں بارش متو قع ہے-

    محکمہ موسمیات کے مطابق کراچی، ٹھٹھہ،بدین، اسلام کوٹ، میر پور خاص اوردادو میں بارش کا امکان ہے ،دیر، سوات، بالا کوٹ،کوہستان، مانسہرہ اور ایبٹ آباد میں گرج چمک کے ساتھ بارش متو قع ہے-