Tag: پاکستان

ڈیووس: سعودی وزیرخزانہ محمد الجدان نے کہا کہ پاکستان کو دیے جانے والے تین ارب ڈالرز ڈیپازٹ میں توسیع کر رہے ہیں۔سوئٹزرلینڈ کے شہر ڈیووس میں ہونے والے ورلڈ اکنامک فورم کے سائیڈ لائن پر سعودی وزیرخزانہ نے برطانوی خبر رساں ادارے رائٹرز کو بتایا کہ اس وقت 3 ارب ڈالرز ڈیپازٹ کی مدت میں توسیع کو حتمی شکل دے رہے ہیں۔

رائٹرز کے مطابق گزشتہ سال سعودی عرب نے پاکستان کے مرکزی بینک میں تین ارب ڈالرز پاکستان کے زرمبادلہ کے ذخائر کو سپورٹ کرنے کے لیے جمع کرایا تھا۔

محمد الجدان نے مزید تفصیلات نہیں بتائیں تاہم یکم مئی کو دونوں ممالک نے مشترکہ بیان میں کہا تھا کہ وہ زرمبادلہ کے ذخائر کی مد میں سپورٹ کے لیے ڈیپازٹ کی مدت میں توسیع سمیت دوسرے آپشن پر غور کریں گے۔

پاکستان کو اس وقت افراط زر میں اضافے، زرمبادلہ کے ذخائر میں کمی اور روپے کی قدر میں مسلسل گراوٹ کے سبب زرمبادلہ کی اشد ضرورت ہے۔سعودی وزیر خزانہ نے کہا کہ پاکستان مملکت کا اہم اتحادی ہے اور سعودی عرب اس کے ساتھ کھڑا رہے گا۔

پاکستان میں نئی حکومت آنے کے بعد آئی ایم ایف کے ساتھ قرض معاہدے کی بحالی کے اوپر منڈلاتے خدشات کی وجہ سے مارکیٹ اور معیشت کو بہت زیادہ عدم استحکام کا سامنا ہے۔

لاہور:سٹور میں چھپنے والے سابق صوبائی وزیر میاں محمودالرشید گرفتار،اطلاعات کے مطابق لاہور میں پولیس نے پاکستان تحریک انصاف (پی ٹی آئی) کے رہنمامیاں محمود الرشید کو گرفتار کرلیا۔پولیس ذرائع کے مطابق محمود الرشید کو 16 ایم پی او کے تحت گرفتار کیا گیا ہے۔

خیال رہے کہ عمران خان کی جانب سے لانگ مارچ کے اعلان کے بعد پولیس لا ہور سمیت پنجاب کے مختلف علاقوں میں پی ٹی آئی رہنماؤں اور کارکنوں کے گھروں پر چھاپے مار رہی ہے۔

تحریک انصاف کے رہنما اور سابق صوبائی وزیر میاں محمود الرشید نے بتایا کے چھاپے کے دوران وہ گھر کے اسٹور میں آدھا گھنٹہ چھپے رہے۔پاکستان تحریک انصاف کے چیئر مین عمران خان کی جانب سے لانگ مارچ کے اعلان کے بعد پولیس لا ہور سمیت پنجاب کے مختلف علاقوں میں پی ٹی آئی رہنماؤں اور کارکنوں کے گھروں پر چھاپے مار رہی ہے۔

اس حوالے سے میاں محمود الرشید نےمیڈیا سے بات کرتے ہوئے بتایا کہ مارچ کے حوالے سے لاہور سے روانگی کیلئے حماد اظہر کے گھر فائنل میٹنگ تھی، میٹنگ میں پارٹی کی لاہور کی لیڈرشپ اکھٹی تھی۔انہوں نے بتایا کہ میٹنگ کے دوران چوکیدار نے شور مچا دیا کہ پولیس آگئی، تو میں گھر کے اسٹورمیں ایک باکس کے نیچے چھپ کر آدھا گھنٹہ بیٹھا رہا۔

دوسری جانب رکن پنجاب اسمبلی سعدیہ سہیل نے بتایا کہ میرے گھرپر 15 پولیس اہلکاروں نے چھاپہ مارا، خواتین کے ساتھ بدتمیزی کی۔سعدیہ سہیل کاکہنا تھا کہ پولیس والوں نے کوئی وارنٹ نہیں دکھائے، گھر کی تلاشی لی اورجاتے ہوئے اہلکار میری سرکاری گاڑی بھی لے گئے۔

اسلام آباد:باغی ٹی وی کی رپورٹ کے بعد تحریک انصاف کے چیئرمین عمران خان نے حکومت کے خلاف لانگ مارچ کا اعلان کر رکھا ہے اور آج وہ اسلام آباد پہنچیں گے عمران خان نے کارکنان کو ہدایت کی ہے کہ وہ آزادی مارچ میں نکلیں اور جب تک اس حکومت کا خاتمہ نہین ہوتا تب تک وہ اسلام آباد میں دھرنا دیں گے

تاہم دوسری جانب عمران خان کی ایک ویڈیو سوشل میڈیا پر وائرل ہوئی ہے ۔ویڈیو اسوقت کی ہے جب عمران خان وزیراعظم تھے اور غالبا تحریک لبیک احتجاج کر رہی تھی اس ویڈیو میں عمران خان کہتے ہیں کہ یہ کہتے ہیں ملک بند کر دیں گے کچھ نہیں چلنے دیں گے اس سے کیا ہو گا غریب عوام کو نقصان ہو گا دیہاڑی دار کو نقصان ہو گا آپ نے انکی باتوں میں نہیں آنا ملک دشمن عناصر اس طرح کی باتیں کرتے ہیں سڑکیں بند کرنے سے ملک کا نقصان ہو گا

عمران خان اپنے اس بیان سے بھی یوٹرن لے چکے ہیں اور اب لانگ مارچ کی قیادت کرتے ہویے اسلام آباد پہنچیں گے۔ یوٹرن کے بارے میں مشہور عمران خان کے کئی ایسے بیانات ہیں جس میں بعد میں انہوں نے یوٹرن لیا اب موجودہ حکومت بھی یہی کہ رہی ہے کہ پاکستان کی معاشی صورتحال ایسی نہیں ہے کہ دھرنے دیئے جائیں ملک کو معاشی استحکام چاہیے دھرنے ہوں گے تو کاروبار بند ہو گا جس سے ملکی معیشت کو نقصان پہنچے گا لیکن عمران خان بضد ہیں اور وہ ہر صورت لانگ مارچ کرنا چاہتے ہیں

عمران خان کا یہ پرانا بیان ہے جو ٹی ایل پی کے دھرنے کے موقع پر دیا گیا تھا جو اب وائرل کیا جارہا ہے

وزیر داخلہ رانا ثناءاللہ نے بھی اعلان کیا ہے کہ عمران خان کو اسلام آباد نہیں آنے دیں گے ایسے میں عمران خان اسلام آباد کیسے پہنچتے ہیں یہ آج واضح ہو جایے گا صوابی میں ہیلی پیڈ بنا لیا گیا ہے عمران خان پشاور سے صوابی ہیلی کاپٹر پر صوابی تک آئیں گے اسکے بعد مارچ کی قیادت کریں گے اور اسلام آباد کی جانب نکلیں گے

اسلام آباد:عمران خان کے لیے مشکلات میں اضافہ ،اطلاعات کے مطابق وفاقی وزیر داخلہ رانا ثنااللہ نےکہا ہےکہ وہ کسی صورت عمران خان کو اسلام آباد نہیں آنے دیں گے۔ وفاقی وزیر داخلہ رانا ثنااللہ نےکہا کہ تحریک انصاف کے کارکن اسلحہ جمع کر رہے ہیں، کسی صورت عمران خان کو اسلام آباد نہیں آنے دوں گا۔

وفاقی وزیر داخلہ کا کہنا تھا کہ ہمارے پاس رپورٹس ہیں کہ عمران خان کاارادہ پر امن احتجاج کانہیں بلکہ فتنہ فسادکا ہے۔

اس سے قبل میڈیا سےگفتگو میں رانا ثنااللہ کا کہنا تھا کہ ریڈ زون سمیت پورے اسلام آباد کی سکیورٹی اہم ہے، ریڈ زون کی فول پروف سکیورٹی یقینی بنائی جائےگی، ایجنسیوں کی رپورٹ ہے کہ ان کے جتھے خیبرپختونخوا سے اسلحہ بردار ہو کر آئیں گے، عمران خان سمیت ان کے ممبران کی گرفتاری ضرور بنتی ہے، موقع ملا تو عمران خان اور ان کے ممبران کو ضرور گرفتار کیا جائےگا۔

رانا ثنااللہ کا کہنا تھا کہ یقین دلاتا ہوں کہ آئندہ 2 سے 3 دن نہیں بلکہ کل شام تک حالات نارمل ہو جائیں گے، اگر اسلام آباد انتظامیہ نے درخواست کی تو رینجرز اور فوج کو طلب کیا جا سکتا ہے۔

یاد رہے کہ اس سے پہلے آج چیئرمین تحریک انصاف عمران خان کا کہنا ہے کہ موجودہ صورتحال بیورو کریسی، عدلیہ اور نیوٹرل کا امتحان ہے۔

پشاور میں تحریک انصاف یوتھ ونگ کی تقریب سے خطاب کرتے ہوئے عمران خان کا کہنا تھا کہ نیوٹرل کا امتحان ہے کہ وہ امریکی نوکروں کے ساتھ کھڑے ہیں یا ملک کے حقیقی آزادی کے ساتھ کھڑے ہیں۔

عمران خان کا کہنا تھا کہ قوم بیدار ہے، قوم کو سازش کا پتہ ہے، قوم ان چوروں اور امپورٹڈ حکومت کو کبھی برداشت نہیں کرے گی، جو بھی عوامی سیلاب کو روکنے کی کوشش کرے گا وہ بہہ جائے گا۔چیئرمین تحریک کا کہنا ہے کہ کل اسلام آباد جانے والے راستوں سے رکاوٹیں ہٹانا نوجوانوں کی ذمہ داری ہے۔انہوں نے کہا کہ کل رات ایسا کریک ڈاؤن کیا گیا جیسے ہم کوئی غداری کررہے ہیں، ہمارے لوگوں کوپکڑ کرجیلوں میں ڈالا، گھرمیں گھس کرہراساں کیا۔

عمران خان کا کہنا تھا کہ کل پشاور سے مارچ کی قیادت کروں گا، مارچ پاکستان کی تاریخ کا سب سے بڑا جلوس ہوگا۔سابق وزیراعظم کا کہنا تھا کہ يہ سياست نہيں جہاد ہے، يہ ملکی آزادی کی جنگ ہے، تحريک تب تک چلے گی جب تک اليکشن کی تاريخ نہيں ملتی۔

اسلام آباد: ملک کے کسی بھی حصے میں موبائل فون سروس بند نہیں‌ کی جائےگی:ترجمان وزارت داخلہ کی جانب سے جاری ہونے والے بیان میں کہا گیا ہے کہ پاکستان کے کسی بھی علاقے میں موبائل فون یا انٹرنیٹ سروس بند کرنے کا تاحال کوئی فیصلہ نہیں کیا گیا ہے۔

اس سے قبل یہ خبر سامنے آئی تھی کہ حکومت نے تحریک انصاف کے لانگ مارچ کو روکنے کے لیے پنجاب کے مختلف اضلاع میں جزوی طور پر موبائل فون سروس بند کرنے کا فیصلہ کیا ہے۔

ذرائع کے مطابق قانون نافذ کرنے والے اداروں نے وزیر اعلیٰ پنجاب کو موبائل فون سروس بند کرنے کے حوالے سے بریفنگ بھی دی، جس پر وزیر اعلیٰ پنجاب حمزہ شہباز نے لاہور کے 20 اور پنجاب کے 350 مقامات پر موبائل فون سروس بند کر نے کی منظوری دی تھی تاہم اس کا نوٹی فکیشن اب تک جاری نہیں ہوسکا۔

دوسری جانب حکومت نے پی ٹی آئی کا لانگ مارچ روکنے کیلئے اسلام آباد میں 2 ماہ کے لیے دفعہ 144 نافذ کر دی ہے اور وفاقی دارالحکومت میں ریڈ زون کی سیکیورٹی کے لیے فوج اور ایف سی کو بھی طلب کیا گیا ہے۔

اس کے علاوہ حکومت نے پنجاب سے اسلام آباد جانے والے تمام راستوں کو بند کردیا ہے، اور موٹروے ایم ون کو اسلام آباد جاتے ہوئے صوابی کے مقام پر بند کیا گیا ہے جب کہ موٹروے لاہور سے راوی ٹول پلازہ پر بھی کنٹینرز رکھ کر بند کردیا گیا ہے۔

واضح رہے کہ تحریک انصاف کے چیئرمین عمران خان نے 25 مئی کو اسلام آباد کی طرف مارچ کا اعلان کیا ہے جس کے بعد پولیس کی جانب سے پی ٹی آئی رہنماؤں کے خلاف کریک ڈاؤن جاری ہے۔

اسلام آباد: طلباء نے عمران خان کے لانگ مارچ کو مسترد کر دیا،اطلاعات کے مطابق سابق وزیراعظم عمران خان کی طرف سے لانگ مارچ کے اعلان کےبعد جہاں لاکھوں کی تعداد میں لوگوں نے ساتھ اسلام آباد جانے کا وعدہ کررکھا ہے وہاں اس لانگ مارچ کو ناپسند کرنے والوں کی بھی کمی نہیں ، اسلام آباد کے طالب علموں نے اس لانگ مارچ کی مخالفت کی ہے اور کہا ہےکہ وہ لانگ مارچ نہیں کریں گے

طلبا نے سوشل میڈیا پر اپنا پیغام وائرل کرتے ہوئے کہا ہے کہ سیاستدان اپنے ایجنڈے لے کر اسلام آباد کے شہریوں کی زندگی اجیرن کر رہے ہیں۔اور وہ نہیں جانتے کہ اس دوران تعلیم کا کتنا نقصان ہوتا ہے ، ایک طالب علم کا کہنا تھا کہ وہ اس لانگ مارچ کے خلاف ہیں

شاید اسی حوالے سے ایک طالب علم نے ویڈیو پیغام دیا ہے کہ وہ عمران خان کے لانگ مارچ کو مسترد کرتے ہیں۔ایک طالب علم کا کہنا تھا کہ عمران خان نے اسلام آباد کو سیاسی منڈی بنا دیا ہے۔طالب علم کا کہنا تھاکہ اس لانگ مارچ سے ہماری تعلیم کا ہرج ہو رہا ہے،طالب علم کا یہ بھی کہنا تھا کہ پہلے کووڈ کی وجہ سے مسائل پیدا ہوئے ، اب عمران خان کے دھرنوں نے مسائل پیدا کر دیے۔

ایک طالب علم نے ویڈیو وائرل کرتے ہوئے کہا ہے کہ عمران۔آپ کے بچے باہر پڑھ رہے، آپ ہمارے مستقبل کے پیچھے کیوں پڑے ہو۔اس طالب علم کا کہنا تھا کہ عمران خان لانگ مارچ کو ملتوی کریں