Baaghi TV

Tag: پاکستان

  • سخت گرمی میں بلیک کوبرا کو پانی پلانے کی وڈیو وائرل

    سخت گرمی میں بلیک کوبرا کو پانی پلانے کی وڈیو وائرل

    نئی دہلی :بھارت میں بلیک کوبرا کو گلاس کے ذریعے پانی پلانے کی وڈیو وائرل ہو گئی ہے۔بھارتی آئی بی ایس آفیسر سوسنتا نندا نے اپنے ٹوئٹر ہینڈل اکاؤنٹ پر ایک وڈیو شئیر کی تھی جس میں ایک بندر اور چند بطخ کے بچے ایک دوسرے کو تربوز بانٹتے اور کھاتے ہوئے دکھایا گیا ہے۔

     

    بھارتی آفیسر کی وڈیو کے جواب میں ایک اور یوزر نے جوابی کمنٹس میں کوبرا سانپ کو پانی پلانے کی وڈیو شئیر کی اور ساتھ میں لکھا کہ بندر اور بطخ کے بچے تربوز کھا رہے ہیں اور یہاں ایک کوبرا گلاس سے پانی پی رہا ہے۔

     

    یوزر نے مزید لکھا کہ سانپ کو بھی ہائیڈریٹ ہونا پڑے گا ، لیکن وہ پانی پینے کے لئے منہ نہیں کھولتے بلکہ ان کے منہ کے پاس ایک چھوٹا نتھنا ہے جس سے وہ پانی چوستے ہیں۔

    یہ پوسٹ پرانی ہے، صارف نے گزشتہ سال اگست میں محترمہ نندا کو جواب دیا تھا۔ لیکن یہ ایک بار پھر وائرل ہو رہا ہے کیونکہ یہ گرمیوں کا موسم ہے اور بہت کم لوگ دراصل پیاسے کوبرا سانپ کو دیکھنے کی امید کرتے ہیں۔

    اگرچہ شدید گرمی میں ہر جانور کے لیے خود کو ٹھنڈا رکھنے کے لیے پانی پینا فطری ہے، لیکن اس ویڈیو نے انٹرنیٹ استعمال کرنے والوں کی ریڑھ کی ہڈی کو ٹھنڈا کر دیا ہے۔

  • باکسر عامر خان نے ریٹائرمنٹ کا اعلان کر دیا

    باکسر عامر خان نے ریٹائرمنٹ کا اعلان کر دیا

    لندن : باکسر عامر خان نے ریٹائرمنٹ کا اعلان کر دیا،اطلاعات کے مطابق باکسر عامر خان نے اپنے کیرئیر میں 34 فائٹس جیتیں اور 6 میں انہیں شکست کا سامنا کرنا پپاکستانی نژاد برطانوی باکسر عامر خان نے ریٹائرمنٹ کا اعلان کر دیا۔

    غیر ملکی خبر رساں ایجنسی کے مطابق دو دفعہ کے عالمی چیمپئن اور موجودہ ڈبلیو بی اے سپر ویلٹر ویٹ چیمپئن عامر خان نے باکسنگ سے ریٹائرمنٹ کا اعلان کر دیا ہے۔

     

     

    باکسر عامر خان نے سماجی رابطے کی ویب سائٹ ٹوئٹر پر اپنی ریٹائرمنٹ کا اعلان کرتے ہوئے کہا کہ مجھے اپنے 27 سالہ باکسنگ کیرئیر پر فخر ہے۔

    باکسر عامر خان نے اپنے کیرئیر میں 34 فائٹس جیتیں اور 6 میں انہیں شکست کا سامنا کرنا پڑا۔

    عامر خان 8 دسمبر 1986 کو برطانیہ میں پیدا ہوئے جبکہ وہ برطانوی پاکستانی خاندان سے تعلق رکھتے ہیں۔ ان کے خاندان کا تعلق راولپنڈی کے علاقے کہوٹہ سے ہے۔

     

    یاد رہے کہ اس سے پہلےپاکستانی نڑاد برطانوی باکسر عامر خان نے کورونا وائرس کے سبب جولائی میں باکسنگ رنگ میں واپسی کا ارادہ موخر کردیا تھا ۔عامر خان نے کہا تھا کہ لاک ڈاؤن کے سبب ان کی باکسنگ میں واپسی کا کوئی امکان نہیں اور موجودہ حالات میں وہ سنجیدگی سے ریٹائرمنٹ پر غور کررہے ہیں۔

    عامر نے گزشتہ برس جولائی میں سعودی عرب میں آسٹریلوی حریف بلی ڈب سے فائٹ کی تھی جسے چوتھے راؤنڈ میں روک دیا گیا تھا۔

  • یو اے ای کے صدر شیخ خلیفہ بن زاید النہیان وفات پاگئے

    یو اے ای کے صدر شیخ خلیفہ بن زاید النہیان وفات پاگئے

    متحدہ عرب امارات کے صدر کی وفات پر وزیراعظم شہباز شریف، وزیر خارجہ بلاول کا اظہار افسوس

    متحدہ عرب امارات کے صدرشیخ خلیفہ بن زاید النہیان وفات پا گئے۔،اطلاعات کے مطابق متحدہ عرب امارات کی سرکاری خبر رساں ایجنسی نے خلیفہ بن زاید النہیان کے انتقال کی تصدیق کرتے ہوئے کہا کہ صدر کے انتقال پر 40 روزہ سوگ کا اعلان کیا گیا ہے۔

    میڈیا رپورٹس کے مطابق شیخ خلیفہ بن زایدالنہیان کے انتقال پر40 روز کےسوگ کے ساتھ 3روز کی عام تعطیل بھی ہوگی جب کہ اس دوران قومی پرچم سرنگوں رہے گا۔صدارتی اعلان میں کہا گیا ہےکہ وفاقی سرکاری اور نجی شعبے میں تین دن تک تعطیل رہے گی

    شیخ خلیفہ بن زاید النہیان 3 نومبر 2004 سے متحدہ عرب امارات کے حکمران تھے اور انہوں نے اپنے والد شیخ زاید بن سلطان آلنہیان کی وفات کے بعد یواےای کی قیادت سنبھالی تھی

    وزیراعظم شہباز شریف نے متحدہ عرب امارات کے صدر شیخ خلیفہ بن زید النہیان کے انتقال پر اظہار افسوس کیا ہے اور کہا ہے کہ متحدہ عرب امارات نے قابل رہنما اور پاکستان نے عظیم دوست کھو دیا ہے متحدہ عرب امارات کی حکومت اور عوام کے ساتھ دلی تعزیت کرتے ہیں،

    آرمی چیف جنرل قمر جاوید باجوہ اور پاک فوج نے یو اے ای کے صدر شیخ خلیفہ بن زید النہیان کے انتقال پر اظہار افسوس کیا ہے ،ڈی جی آئی ایس پی آر کے مطابق آرمی چیف جنرل قمر جاوید باجوہ کا کہنا تھا کہ پاکستان ایک عظیم دوست سے محروم ہو گیا ہے، اللہ تعالیٰ شیخ خلیفہ بن زید النہیان کو جنت الفردوس میں اعلیٰ مقام عطا فرمائے اللہ تعالیٰ شیخ خلیفہ بن زید النہیان کے خاندان کو یہ صدمہ برداشت کرنے کی ہمت عطا فرمائے ،آمین

    صدر مملکت ڈاکٹر عارف علوی نے متحدہ عرب امارات کے صدر شیخ خلیفہ بن زید النہیان کی وفات پر گہرے دکھ اور افسوس کا اظہار کیا ہے صدر مملکت نے شیخ خلیفہ بن زید النہیان کے انتقال پر شاہی خاندان اور متحدہ عرب امارات کے عوام کے ساتھ اظہار تعزیت کی اور مرحوم کیلئے درجات کی بلندی کی دعا کی

    وزیرخارجہ بلاول بھٹو نے متحدہ عرب امارات کے صدر شیخ خلیفہ بن زید النہیان کے انتقال پر اظہار افسوس کیا ہے ،بلاول زرداری کا کہنا ہے کہ شیخ خلیفہ بن زید النہیان کا متحدہ عرب امارات کی ترقی میں مثالی کردار ناقابل فراموش ہے شیخ خلیفہ بن زید النہیان کے انتقال سے خطہ عرب ایک غیرمعمولی حکمران سے محروم ہوگیا،

    وزیرداخلہ رانا ثناء اللہ نے متحدہ عرب امارات کے صدر شیخ خلیفہ بن زید النہیان کے انتقال پر اظہار افسوس کیا اور کہا کہ یو اے ای کی ترقی میں شیخ خلیفہ بن زید النہیان کا کردار بے مثال ہے، پاکستان آج ایک قابل بھروسہ دوست اور بھائی سے محروم ہو گیا ہے،یو اے ای کے عوام اور شیخ خلیفہ بن زید النہیان کے خاندان کے غم میں برابر کے شریک ہیں اللہ تعالی مرحوم کو اپنی جوار رحمت میں جگہ عطا فرمائے،

    تحریک انصاف کے چیئرمین،سابق وزیراعظم عمران خان نے متحدہ عرب امارات کے صدر کے انتقال پر اظہار افسوس کیا ہے اور کہا ہے کہ متحدہ عرب امارات کے صدراورابوظہبی کے حاکم شیخ خلیفہ بن زید النہیان کی رحلت کے بارے میں جان کر واقعتاً نہایت رنجیدہ ہوں۔ وہ پاکستان کے ایک عظیم دوست اور اپنے لوگوں کے صاحبِ بصیرت رہنما تھے میری دعائیں اور ہمدردیاں شاہی خاندان اور اماراتی عوام کے ساتھ ہیں

    چیئرمین سینیٹ محمد صادق سنجرانی نے متحدہ عرب امارات کے صدر شیخ خلیفہ بن زید النہیان کے انتقال پر گہرے دکھ و افسوس کا اظہار کیا ہے۔ چیئرمین سینیٹ نے کہا کہ یو اے ای کی ترقی و خوشحالی کیلئے شیخ خلیفہ بن زیدالنہیان نے اہم کردار ادا کیا ہے۔مسلم اُمہ کے اتحاد و یکجہتی کیلئے بھی ان کی خدمات قابل قدر ہیں۔انہوں نے کہا کہ شیخ خلیفہ بن زیدالنہیان کی سربراہی میں متحدہ عرب امارات نے دن دگنی رات چگنی ترقی کی اور ان کی معاشی اور عوام دوستی پالیسوں کی بدولت یو اے ای نے ترقی کے بے شمار منازل طے کیے۔ چیئرمین سینیٹ نے کہا کہ ان کے دور حکومت میں پاکستان اور یو اے ای کے مابین تعلقات کو موثر فروغ ملا اور دونوں ممالک نے سرمایہ کاری کے مواقعوں سے استفادہ کیا۔ چیئرمین سینیٹ نے شیخ خلیفہ بن زیدالنہیان کے خاندان سے تعزیت کرتے ہوئے اللہ تعالیٰ سے مرحوم کی مغفرت، بلندی درجات اور سوگوارن کو یہ صدمہ حوصلے اور صبر سے برداشت کرنے کی دعا کی

    ڈپٹی سپیکر قومی اسمبلی زاہد اکرم درانی کا کہنا تھا کہ متحدہ عرب امارات کے صدر اور ابوظبی کے حاکم شیخ خليفہ بن زايد آل نهيان کی انتقال کی خبر سن کر بہت دکھ ہوا، متحدہ عرب امارات کے عوام سے ہمدردی اور افسوس کا اظہار کرتا ہوں۔

    وزیراعلیٰ پنجاب حمزہ شہباز شریف کا کہنا تھا کہ صدر متحدہ عرب امارات شیخ خلیفہ بن زید النہیان کے انتقال پر پوری اسلامی دنیا سمیت پاکستان اور بالخصوص پنجاب کے عوام سوگوار ہیں، جن کی ایک بڑی تعداد وہاں مقیم ہے۔ پاکستان اور عرب امارات کے انتہائی قریبی برادرانہ تعلقات کی بنا پر تمام پاکستانی شاہی خاندان اور ملک کے غم میں برابر کے شریک ہیں۔

    مسلم لیگ ق کے رہنماؤں چودھری شجاعت حسین ،چودھری پرویز الہیٰ کا کہنا تھا کہ ہم شاہی خاندان کے غم میں برابر کے شریک ہیں، دعا ہے کہ اللہ تعالیٰ شیخ خلیفہ بن زید النہیان کے درجات بلند فرمائے.متحدہ عرب امارات کی جدید ترقی میں ان کا بڑا اہم کردار تھا، یو اے ای ایک عظیم فرمانروا سے محروم ہو گیا

    ن لیگی رہنما رانا مشہود احمد خاں نے شیخ خليفة بن زايد آل نهيان کے انتقال پر اظہار افسوس کیا۔ انہوں نے کہا کہ شیخ خلیفہ بن زید النہیان کا متحدہ عرب امارات کی ترقی میں مثالی کردار ناقابل فراموش ہے۔اللہ پاک ان کے درجات بلند فرمائے اور لواحقین کو یہ نقصان عظیم برداشت کرنے کا صبر دے۔ آمین

    مرکزی صدر عوامی نیشنل پارٹی اسفندیارولی خان کا کہنا تھا کہ متحدہ عرب امارات کے صدر عزت مآب شیخ خلیفہ بن زاید النہیان کی وفات کا سن کر انتہائی دکھ ہوا۔دکھ کی گھڑی میں اے این پی ان کے خاندان، حکومت اور اماراتی عوام کے ساتھ ہے۔ اللہ تعالیٰ مرحوم کے درجات بلند فرمائے

    سابق گورنر پنجاب چوہدری محمد سرور کا کہنا تھا کہ متحدہ عرب امارات کے صدر شیخ خلیفہ بن زید النہیان کے انتقال پر بہت دکھ ہوا ۔شیخ خلیفہ بن زید النہیان جدید امارات کے مؤجد تھے۔شیخ خلیفہ بن زید النہیان کے اہلخانہ کے غم میں برابر کے شریک ہیں ، پاکستان اور متحدہ عرب امارات کے بہترین تعلقات میں شیخ خلیفہ بن زید النہیان کا کلیدی کردار تھا ۔

  • لاہور کے ہسپتالوں کا ڈینگی مریض رپورٹ نہ کرنے کا انکشاف

    لاہور کے ہسپتالوں کا ڈینگی مریض رپورٹ نہ کرنے کا انکشاف

    لاہور: انسداد ڈینگی مہم کے ایک اجلاس میں لاہور کے ہسپتالوں‌کا ڈینگی مریض رپورٹ نہ کرنے کا انکشاف ہوا ہے۔

    تفصیلات کے مطابق انسداد ڈینگی مہم کے اجلاس میں انکشاف ہوا ہے کہ لاہور کے ہسپتال ڈینگی مریضوں کا ڈیٹا فراہم ہی نہیں کر رہے ہیں۔

    بریفنگ میں بتایا گیا کہ ڈینگی ایکسپرٹ ایڈوائزری گروپ بھی ہسپتالوں کی آڈٹ رپورٹ نہیں دے رہی، اگر ہسپتالوں سے درست ڈیٹا نہیں آئے گا تو ڈینگی کیسز کی تعداد کا کیسے پتا لگے گا؟

    اجلاس میں یہ بات بھی سامنے آئی کہ ہسپتالوں سے متعدد بار ڈینگی مریضوں کی تعداد کا پوچھا گیا لیکن درست ڈیٹا نہیں مل رہا ہے، دوسری طرف لاروا تلف کرنے والی ٹیمیں بھی درست کام نہیں کر رہی ہیں۔

    اجلاس میں انکشاف ہوا کہ ہر ٹاؤن سے لاروا کا ڈیٹا بھی غلط دیا جا رہا ہے، نشتر، واہگہ اور سمن آباد زون سے زیادہ کیسز کا خدشہ ہے۔

    اس اجلاس میں ضلعی انتظامیہ، محکمہ صحت پنجاب اور پی آئی ٹی بی کے افسران نے شرکت کی۔

  • مقبوضہ کشمیر:محبوبہ مفتی گھر میں نظربند: جماعت اسلامی کےارکان کیخلاف فرد جرم عائد

    مقبوضہ کشمیر:محبوبہ مفتی گھر میں نظربند: جماعت اسلامی کےارکان کیخلاف فرد جرم عائد

    سرینگر:غیر قانونی طور پر بھارت کے زیر قبضہ جموں و کشمیرمیں بھارتی قابض انتظامیہ نے پیپلز ڈیموکریٹک پارٹی کی صدر محبوبہ مفتی کو سرینگر میں انکی رہائش گاہ پر نظر بند کر دیا ہے ۔

    محبوبہ مفتی نے ایک ٹویٹ میں کہاہے کہ قابض حکام نے انہیں گزشتہ روز بڈگام میں ایک حملے میں ہلاک ہونے والے کشمیری پنڈت کے سوگواراہلخانہ سے اظہار تعزیت کیلئے جانے سے روکنے کیلئے گھر میں نظربند کردیا ہے ۔انہوں نے کہاکہ وہ اپنے تحفظ میں ناکامی پر بھارتی حکومت کے خلاف احتجاج کرنے والے کشمیری پنڈتوں سے اظہار یکجہتی کیلئے بڈگام جانا چاہتی تھی، کیونکہ کشمیری مسلمان اور پنڈت ایک دوسرے کے دکھ درد کوسمجھتے ہیں۔ تاہم انہیں گھر میں نظر بند کر دیا گیا ہے ۔

    واضح رہے کہ گزشتہ روز نامعلوم مسلح افراد نے تحصیل دفتر چاڈورہ کے ملازم کشمیری پنڈت راہل بٹ کو دفتر کے احاطے میں فائرنگ کرکے شدیدزخمی کر دیا تھاجوبعدازاں ہسپتال میں زخموں کی تاب نہ لاتے ہوئے چل بسا تھا۔

    ادھربھارت کے بدنام زمانہ تحقیقاتی ادارے این آئی اے نے نئی دلی میں ایک عدالت میں جماعت اسلامی مقبوضہ کشمیر کے چار ارکان کے خلاف ایک جھوٹے مقدمے میں فرد جرم عائد کی ہے ۔

    نئی دلی میں این آئی اے کی خصوصی عدالت میں جماعت اسلامی کے ارکان جاوید احمد لون، عادل احمد لون، منظور احمد ڈار اور رمیز احمد کونڈو کے خلاف ایک جھوٹے مقدمے میں فرد جرم عائد کی گئی ہے ۔ان کے خلاف غیر قانونی سرگرمیوں کی روک تھام کے کالے قانون اور آرمز ایکٹ کی متعدد دفعات تحت دائر کی گئی ہے ۔ این آئی اے نے ایک بیان میں کہا کہ جماعت اسلامی کے ارکان کے خلاف آزادی کے حق میں اور بھارت مخالف سرگرمیوں پر ایک مقدمہ درج کیاگیا تھا ۔

  • ایف آئی اے کی شہباز شریف اور حمزہ کیخلاف منی لانڈرنگ کیس واپس لینےکی تردید

    ایف آئی اے کی شہباز شریف اور حمزہ کیخلاف منی لانڈرنگ کیس واپس لینےکی تردید

    لاہور:وفاقی تحقیقاتی ایجنسی (ایف آئی اے) نے وزیراعظم شہباز شریف اور وزیراعلیٰ پنجاب حمزہ شہباز کے خلاف منی لانڈرنگ کیس واپس لیے جانے کی تردید کی ہے ۔

    ترجمان ایف آئی اےکا کہنا ہےکہ لاہور میں ایک سیاسی جماعت کے رہنماؤں کے خلاف کیس واپس نہیں لیا گیا، اس حوالے سے جعلی خبریں گردش کر رہی ہیں۔

    ترجمان ایف آئی اے کے مطابق عدالت میں کارروائی جاری ہے،سماعت کی اگلی تاریخ 14مئی ہے، جعلی خبرپھیلانے میں ملوث افراد کے خلاف قانونی کارروائی کی جاسکتی ہے۔

    ترجمان ایف آئی اے کا کہنا ہےکہ 11 اپریل کوکیس پراسیکیوٹر نے پراسیکیوٹر کی تبدیلی کی درخواست جمع کرائی تھی، درخواست جمع ہوتے وقت نئے وزیراعظم نے حلف نہیں اٹھایا تھا، رائےطاہر کو 22 اپریل کو ڈی جی ایف آئی اے تعینات کیا گیا، یہ معاملہ رائے طاہر کے ایف آئی اے میں آنے سے پہلے کے وقت سے متعلق ہے۔

    ترجمان ایف آئی اے کے مطابق پراسیکیوٹر کی تبدیلی معمول کی بات ہے، پچھلی حکومت کے دور میں بھی اسی کیس میں کئی بارپراسیکیوٹر تبدیل کیے گئے تھے۔

    خیال رہے کہ 11 اپریل کی سماعت کے حکم نامے میں اسپیشل جج سینٹرل اعجاز حسن اعوان نے پی ٹی آئی حکومت کے مقرر کردہ ایف آئی اے کے وکیل سکندر ذوالقرنین کی درخواست ریکارڈ کا حصہ بنائی تھی ، سکندر ذوالفقار نے کہا تھا کہ ملزمان شہباز شریف پاکستان کے وزیراعظم اور حمزہ شہباز پنجاب کے وزیر اعلیٰ بننے جارہے ہیں، متعلقہ حکام اب ملزمان کے خلاف کیس چلانے میں دلچسپی نہیں رکھتے ۔

  • آرمی چیف کا کھاریاں گیریژن کا دورہ، جنگی مشقوں کا جائزہ

    آرمی چیف کا کھاریاں گیریژن کا دورہ، جنگی مشقوں کا جائزہ

    کھاریاں: آئی ایس پی آر کا کہنا ہے کہ آرمی چیف جنرل قمر جاوید باجوہ نے کھاریاں گیریژن کا دورہ کیا ہے۔

    پاک فوج کے شعبہ تعلقات عامہ (آئی ایس پی آر) کے مطابق کھاریاں گیریژن پہنچنے پر کمانڈر سینٹرل کمانڈ لیفٹیننٹ جنرل شاہین مظہر محمود نے آرمی چیف کا استقبال کیا۔ آرمی چیف نے دورے کے موقع پر سینٹرل کمانڈ کے زیر اہتمام جاری وار گیمز کا جائزہ لیا۔

    آئی ایس پی آر کا کہنا ہے کہ وار گیم سیشن کا مقصد فارمیشن کے منصوبوں کی تطہیر تھا، آرمی چیف نے حصہ لینے والے جوانوں کے تربیتی جذبے اور مہارت کو سراہا ہے۔

    جنرل قمر جاوید باجوہ نے دورے کے موقع پر جاری تربیتی جنگی مشقوں، سینٹرل کمانڈ کی اسٹرائیک فارمیشنز کی منصوبہ بندی اور آپریشنل تیاریوں کا جائزہ لیا ہے۔

    آئی ایس پی آر کا کہنا ہے کہ آرمی چیف نے جوانوں کی پیشہ ورانہ مہارتوں کے عزم کو سراہا، جبکہ آرمی چیف نے فارمیشنز کے تریبتی اور حربی صلاحیتوں کی تعریف کی۔

    دورہ کے دوران آرمی چیف نے میدان جنگ کی حکمت عملی اور جنگی مظاہرے کا بھی مشاہدہ کیا ہے، مشقوں میں نئی حاصل ٹیکنالوجیز پر مہارت میں اضافہ کی توثیق بھی شامل تھی۔ آرمی چیف نے مشقوں کے دوران نئی ٹیکنالوجی کے استعمال اور مہارتوں کو سراہا ہے۔

    آئی ایس پی آر کا کہنا ہے کہ آرمی چیف نے ابھرتے خطرے کیخلاف فارمیشنزکی آپریشنل تیاری کی تعریف کی ہے۔

  • ملک میں افراتفری اور انارکی پھیلانے کی اجازت نہیں دی جائے گی۔ وفاقی وزیر داخلہ

    ملک میں افراتفری اور انارکی پھیلانے کی اجازت نہیں دی جائے گی۔ وفاقی وزیر داخلہ

    لند ن میں پاکستان مسلم لیگ ن کے قائد سے ملاقات کے بعد لیگی رہنمائوں نے کہا ملک کو بحران سے نکالنے کیلئے فوری اقدامات کی ضرورت ہے،نوازشریف نے جو سوچ اور وژن دیا اتحادیوں سے مل کر اس پر عمل کریں گے۔

    وفاقی وزرانے اپنے قائد میاں نواز شریف سے ملاقات کے بعد میڈیا سے گفتگو کرتے ہوئے کہا کہ عمران خان نوجوانوں کو گمراہ کر رہے ہیںلیکن ہمارے قائد نے ہمیں کہا کہ ان لوگوں کو افرا تفری اور انارکی پھیلانے کی ہر گز اجازت نہیں دینی ،جو کوئی بھی آئین اور قانون کو اپنے ہاتھ میں لینے کی کوشش کرے گا ان کیلئے زیر ٹالرینس ہو گا ۔

    وفاقی وزیر داخلہ رانا ثناء اللہ نے کہا ہے عمران خان ملک میں بدتمیزی کا کلچر متعارف کرا رہے ہیں، پوری قوم کو تقسیم اور نوجوانوں کو گمراہ کر رہے ہیں، اس طرح کی چیزوں کو روکنے کے لئے قائد نوازشریف کے ساتھ تفصیلی بات ہوئی، بطور لیڈر ہماری بہتر طریقےسے رہنمائی کی،ان کی رہنمائی میں اتحادیوں کے ساتھ ملکر ہم اقدامات اٹھائیں گے۔

    انہوں نے کہا گزشتہ چار سالوں کے دوران جو گند پھیلایا گیا اس حوالے سے حکومت کو لیڈر شپ سے جو پالیسی لائن درکار تھی، آج اس پر تفصیلی بات ہوئی ہے، میاں نواز شریف نے بطور پارٹی لیڈر جو وژن دیا ہے، اس پر دیگر اتحادیوں کے ساتھ مل کر عمل درآمد کریں گے۔

    قائد نواز شریف کی واضح پالیسی ہے کہ جس جس نے بھی آئین شکنی کی ہے اس کے خلاف ملک کے قانون کے مطابق آئینی تقاضوں کو پورا کیا جائے، آئین شکنی پر زیرو ٹالرینس ہے، ملک میں افراتفری اور انارکی پھیلانے کی قطعاً اجازت نہیں دی جائے گی۔

    رانا ثنا اللہ نے کہا ملک کو بحران سے نکالنے کیلئے فوری اقدامات کی ضرورت ہےجس کیلئے نوازشریف کے دئیےوژن پر اتحادیوں کیساتھ ملکر عمل کریں گے۔

    دوسری طرف احسن اقبال نے کہا پاکستان میں خانہ جنگی کی صورتحال پیدا کی جارہی ہے،تمام فیصلے اتحادیوں سے مشاورت کے ساتھ ہوں گے۔

  • بچہ پیداکرو یا 5کروڑ روپے دو، والدین کی بیٹے کودھمکی

    بچہ پیداکرو یا 5کروڑ روپے دو، والدین کی بیٹے کودھمکی

    اتراکھنڈ:بھارت میں ایک جوڑا اپنے ہی بیٹے اور بہو کیخلاف بچے کی پیدائش کیلئے عدالت جاپہنچا۔ والدین نے دھمکی دی ہے کہ بچہ پیدا کریں یا 5 کروڑ روپے دیں۔

    بھارتی ریاست اتر آکھنڈ کے شہر ہریدوار کے رہائشی ایس آر پرساد اور ان کی اہلیہ نے اپنے ہی بیٹے اور بہو کیخلاف درخواست دائر کردی۔ایس آر پرساد کا کہنا ہے کہ انہوں نے اپنی تمام جمع پونجی اپنے بیٹے کے بہتر مستقبل پر لگادی، اسے امریکا میں تعلیم و تربیت کا موقع فراہم کیا۔

    ایس آر پرساد کا کہنا ہے کہ اس نے قرض لے کر گھر بنوایا، اب اس گھر کا قرض ادا کرنے کیلئے اس کے پاس پیسے نہیں۔

    دونوں میاں بیوی نے عدالت میں درخواست دائر کی ہے کہ اس کے ازالے میں ان کا بیٹا اور بہو ایک سال کے اندر صاحب اولاد ہوں اور اسے ہمارے حوالے کریں یا پھر دونوں ڈھائی، ڈھائی کروڑ روپے ادا کریں۔

    ایس آر پرساد کے وکیل اے کے سری واستو کا کہنا ہے کہ یہ کیس ہمارے معاشرے کی سچائی کو اجاگر کرتا ہے، والدین اپنی اولاد کیلئے زندگی بھر جدوجہد کرتے ہیں اور انہیں بہتر مستقبل فراہم کرتے ہیں لیکن جب بوڑھے والدین کو ضرورت ہوتی ہے تو بچے ان کے ساتھ نہیں ہوتے۔

  • ایشیائی ترقیاتی بینک کا پاکستان کو اڑھائی ارب ڈالر فراہم کرنے کا عندیہ

    ایشیائی ترقیاتی بینک کا پاکستان کو اڑھائی ارب ڈالر فراہم کرنے کا عندیہ

    اسلام آباد:ایشیائی ترقیاتی بینک نے آئندہ مالی سال کے لیے پاکستان کو اڑھائی ارب ڈالر فراہم کرنے کا عندیہ دے دیا ہے۔

    اسلام آباد میں وزیر مملکت برائے خزانہ ڈاکٹر عائشہ غوث پاشا سے ایشیائی ترقیاتی بینک کے کنٹری ڈائریکٹر یونگ یی نے ملاقات کی۔ اے ڈی بی کے کنٹری ڈائریکٹر یونگ یی کی ٹیم بھی ملاقات میں موجود تھی۔

    ملاقات میں ایشیائی ترقیاتی بینک نے اگلے مالی سال کے لئے 2.5 بلین ڈالر کی اضافی امداد کا عندیہ بھی دیا۔ یہ انسداد پولیو اور سمیت تعلیم اور توانائی سمیت دیگر ترقیاتی منصوبوں کے لیے فاہم کی جائے گی۔

    کنٹری ڈائریکٹر یونگ یی نے کہا کہ اس میں سے ڈیڑھ سے 2 ارب ڈالر موجودہ سال میں دستیاب ہو سکتے ہیں۔

    وزیر مملکت برائے خزانہ نے کہا کہ اے ڈی بی نے ہمیشہ اصلاحات اور ترقی کے ایجنڈے کی پیروی میں مدد کی ہے، توانائی، تعلیم، مالیاتی اور قرضوں کے انتظام میں اے ڈی بی کی قابل اعتماد شراکت داری ہے، اس وقت پاکستان کو مختلف مالیاتی اور مالیاتی چیلنجز کا سامنا ہے۔

    ڈاکٹر عائشہ غوث پاشا کا کہنا تھاکہ حکومت معیشت کو جامع اور پائیدار ترقی کی راہ پر لانے کے لئے اصلاحاتی اقدامات پر کام کر رہی ہے، کنٹری ڈائریکٹر اے ڈی بی نے وزیر مملکت کو اے ڈی بی کے پورٹ فولیو اور ملکی حکمت عملی سے آگاہ کیا۔ اے ڈی بی گورننس اور اصلاحاتی ایجنڈے سمیت فنانس سیکٹر کی ترقی کے لئے تعاون فراہم کرسکتا ہے۔