Tag: پاکستان

کراچی :بہت دُکھ ہواکہ ایم کیوایم کوغلط فیصلوں‌ کی وجہ سےاپنی ساخت بچانا مشکل ہوگیاہے:اطلاعات کے مطابق فردوس شمیم نقوی کہتے ہیں کہ اردو بولنے والے سمجھ گئے ایم کیو ایم ذات کی سیاست کررہی ہے،

فردوس شمیم نقوی نے کہا ہے کہ اردو بولنے والے سمجھ گئے ایم کیو ایم ذات کی سیاست کررہی ہے۔

پی ٹی آئی رکن سندھ اسمبلی فردوس شمیم نقوی نے پریس کانفرنس کرتے ہوئے کہا ہے کہ آرٹیکل 5 کی رولنگ کو نہ ماننے والے خود آرٹیکل 6 کے حقدار ہیں، ایسے لوگوں پرغداری کے مقدمات ہونے چاہئیں۔

انہوں نے کہا کہ ایم کیو ایم کاروباری پارٹی ہے، وفاق میں 4 سال مزے کیے، وسیم اختر پہلے نیب کے مقدمات کا سامنا کررہے ہیں، اردو بولنے والے سمجھ گئے ایم کیو ایم ذات کی سیاست کررہی ہے قوم کی نہیں۔

فردوس شمیم نقوی نے کہا ہے کہ عوام جان گئے تحریک انصاف قوم کی سیاست کررہی ہے، اب کراچی سے ان کا خاتمہ ہوگا۔

دوسری جانب اپوزیشن لیڈر سندھ اسمبلی حلیم عادل شیخ نے پارلیمانی لیڈر سندھ اسمبلی خرم شیر زمان ،صدر کراچی بلال غفار سمیت دیگر اراکین کے ہمراہ میڈیا سے گفتگو کرتے ہوئے کہا کہ سندھ ہاؤس میں ضمیر فروشی سندھ میں رہنے والوں کیلئے باعث شرم ہے۔

انہوں نے کہا کہ سندھ اسمبلی کے دروازے پر 3 غداروں کو آج ہم نے پھانسی دی ہے، ہم ان ملک دشمنوں کو معاف نہیں کریں گے، ملک بھر میں 3 چوہوں کا منہ کالا ہوگیا ہے۔

حلیم عادل شیخ نے کہا ہے کہ وزیراعظم نے ان تینوں کو بے نقاب کیا، پاکستانی قوم ان تینوں غداروں کیخلاف ایک ہے، چیف جسٹس ان تینوں غداروں کیخلاف سوموٹو نوٹس لے۔

اپوزیشن لیڈر سندھ اسمبلی نے کہا ہے کہ عوام سپریم کورٹ کے فیصلے اور انصاف کی منتظر ہے، پاکستان تحریک انصاف سندھ میں حکومت بنائے گی۔

پارلیمانی لیڈر سندھ اسمبلی خرم شیر زمان نے پریس کانفرنس کرتے ہوئے کہا ہے کہ ہم نے ان غداروں کیخلاف قرارداد اسمبلی میں جمع کرائی ہے، اسمبلی میں بیٹھے لوگوں نے اگر اس پر دستخط نہیں کیے اس کا مطلب وہ غدار وطن ہے۔

لاہور: پاکستانیوں کی اکثریت نئے الیکشن چاہتےہیں:سروے روپورٹ میں مختلف علاقوں کے حوالے سے مختلف حقائق سامنے آگئے ہیں،دوسری طرف اسی سروے مٰں پاکستان تحریک انصاف کے رہنما اپنے ساڑھے 3 سالہ دور حکومت میں عوامی خدمات کے دعوے کررہے ہیں لیکن صورت حال یہ ہے کہ عوام ہی کی اکثریت ان کی کارکردگی سے غیر مطمئن نظر آتی ہے۔

پاکستان میں ان دنوں شدید سیاسی گرما گرمی ہے جس نے ملک کو بے یقینی کی کیفیت سے دوچار کرکے رکھ دیا ہے۔

موجودہ سیاسی صورت حال پر گیلپ پاکستان نے 3 اور 4 اپریل کو عوامی آرا پر مشتمل ایک سروے کا انعقاد کیا، جس میں ملک بھر سے 800 گھرانوں سے ان کی رائے پوچھی گئی۔

سروے کے نتائج بھی ان ہی کی آرا کی بنیاد پر تیار کئے گئے ہیں۔عوامی سروے کے دوران ملک کی اکثریت نے تحریک انصاف حکومت کی کارکردگی پر عدم اطمینان کا اظہار کیا ہے۔

سروے کے مطابق 54 فیصد لوگ تحریک انصاف کی حکومت کی کارکردگی سے مطمئن نہیں تھے جب کہ 46 فیصد افراد نے اطمینان کا اظہار کیا۔

سندھ کے 57 فیصد اور پنجاب میں 55 فیصد لوگوں نے تحریک انصاف حکومت کی کارکردگی پر عدم اطمینان کا اظہار کیا۔

سروے میں یہ بات سامنے آئی کہ خیبرپختونخوا میں 60 فیصد لوگوں نے پی ٹی آئی حکومت کی ساڑھے 3 سالہ کارکردگی پر اطمینان کا اظہار کیا جب کہ 40 فیصد غیر مطمئن نظر آئے۔

3 اپریل کو ڈپٹی اسپیکر قومی اسمبلی قاسم سوری نے تحریک عدم اعتماد کو ملکی مفاد کے منافی قرار دیتے ہوئے اسے مسترد کردیا تھا۔

اس اقدام کے بعد سیاسی حلقوں اور قانونی ماہرین کی اکثریت اسے غیر آئینی اقدام قرار دے رہی ہے۔

تحریک عدم اعتماد مسترد کئے جانے کے بعد وزیر اعظم نے صدر مملکت کو قومی اسمبلی تحلیل کرنے کی سمری بھجوائی جسے فوری منظور بھی کردیا گیا۔

سروے میں یہ بات سامنے آئی ہے کہ 68 فیصد پاکستانی بھی قومی اسمبلی تحلیل کرنے کے فیصلے کے حامی ہیں۔

پاکستان میں امریکا مخالف آرا نہیں بات نہیں، تازہ ترین سروے میں بھی یہ ظاہر ہوتا ہے کہ پاکستانیوں کی اکثریت امریکا کو اپنا دشمن سمجھتی ہے۔سروے کے دوران 72 فیصد عوام نے امریکا کو پاکستان کا دشمن قرار دیا ۔

وزیراعظم عمران خان نے سوشل میڈیا پر پاکستانی عوام کے لئے پیغام جاری کیا ہے-

باغی ٹی وی : سامجی رابطے کی ویب سائٹ ٹوئٹر پر جاری کئے گئے اپنے بیان میں کہا کہ عوام ہمیشہ ملک کی خودمختاری اور جمہوریت کے مضبوط ترین محافظ ہوتے ہیں۔

The people are always the strongest defenders of a country's sovereignty & democracy. It is the people who must come out & defend against this latest & biggest assault on Pakistan's sovereignty & democracy by a foreign power thru local collaborators — our Mir Jafars & Mir Sadiqs

— Imran Khan (@ImranKhanPTI) April 6, 2022

عمران خان کا ٹوئٹر پر جاری بیان میں کہنا تھا کہ عوام کو باہر نکل کر پاکستان کی خودمختاری اور جمہوریت پر ایک غیر ملکی طاقت کے مقامی ساتھیوں کے ذریعے ہونے والے اس تازہ ترین اور سب سے بڑے حملے اور میرجعفر اور میر صادق کے خلاف کھڑے ہونا چاہیے۔

پی ٹی آئی اکیلے حکومت بنائے گی’:ان شااللہ العزیز:فیصل جاویدخان

قبل ازیں تحریک انصاف کے رہنما فیصل جاوید نے کہا کہ عوام کی سپورٹ سےتحریک انصاف اکیلےحکومت بنائے گی ہمیں کسی اور جماعت کی ضرورت نہیں پڑےگی انتخابات میں ہوسکتاہےکہ کسی جماعت سےکسی جگہ الائنس ہو ان الیکشن میں پہلی بار اوورسیز گھر بیٹھے ووٹ ڈال سکیں گے تقریباً90 لاکھ اوورسیز ہیں جو انٹرنیٹ سے ووٹ ڈال سکیں گے اپوزیشن کویہی پریشانی تھی کہ عدم اعتمادناکام ہوگئی تو پھر کیا ہو گا اپوزیشن چاہتی تھی عدم اعتمادکامیاب ہوا اور شہبازشریف وزیراعظم ہو وہ الیکٹرانک مشین، اوورسیز کی ووٹنگ کاحق چھین لیناچاہتےتھے۔

‏تمام سابق وزراء اور مشیر اپنے زیر استعمال سرکاری گاڑیاں واپس کریں:اوپرسے حکم آگیا

پی ٹی آئی رہنما کا کہنا تھا کہ عوام پی پی، ن لیگ کے30سال، پی ٹی آئی کے3سال کاموازنہ کریں جو آپ فیصلہ کریں گے وہ منظور ہو گا، 3ماہ بعدجب آْپ پولنگ اسٹیشن پہنچیں گےتووہاں ای وی ایم ہوگی الیکٹرونک ووٹنگ مشین پر نشان آ رہے ہوں گے آپ نےبٹن دبانا ہو گا۔

دوسری جانب 54 فیصد پاکستانیوں نے پاکستان تحریکِ انصاف کی حکومت کی ساڑھے تین سالہ کارکردگی پر اظہار مایوسی کا اظہار کیا ہے گیلپ پاکستان نے عوام کی آراء پر مبنی نیا سروے جاری کیا ہے جس کے مطابق 46 فیصد افراد نے کارکردگی سے مطمئن ہونے کا کہا۔

گیلپ سروے کے مطابق سب سے زیادہ غیر مطمئن افراد کی شرح صوبہ سندھ میں 57 فیصد رہی پنجاب میں 55 اور خیبر پختونخوا میں غیر مطمئن افراد کی شرح 40 فیصد رہی۔

فرح خان کے پاس ڈیڑھ کروڑ روپے کا بیگ، سوشل میڈیا پر ہلچل

اسلام آباد:فرح خان کے پاس ڈیڑھ کروڑ روپے کا بیگ، سوشل میڈیا پر ہلچل ،اطلاعات کے مطابق خاتون اول کی قریبی دوست سمجھے جانے والی فرح خان پاکستان سے دبئی جاچکی ہیں جہاں سے ان کی کچھ تصاویر سامنے آئی ہیں جنہوں نے سوشل میڈیا پر ہلچل مچادی، گزشتہ روز علیم خان نے بھی اپنی پریس کانفرنس میں ان کا ذکر کیا تھا۔

تفصیلات کے مطابق فرح خان کو متعدد مقامات پر خاتون اول کے ساتھ دیکھا جاتار ہا ہے جس کے باعث وہ ان کے کافی قریبی سمجھی جاتی تھیں تاہم اب ان پر سنگین الزامات سامنے آ رہے ہیں ، پریس کانفرنس سے خطاب کرتے ہوئے علیم خان نے فرح خان پر کرپشن کا الزام عائد کیا اور کہا کہ پنجا ب میں تین کروڑ روپے دے کر ڈی سی تعینات ہوتا ہے ۔خبریں آ رہی ہیں کہ فرح خان کے شوہر احسن جمیل 31 مارچ کو ہی امریکہ جا چکے ہیں ،رپورٹ کے مطابق اپوزیشن کی طرف سے مذکورہ فیملی پر ٹرانسفر پوسٹنگ میں پیسے لینے کا الزام لگا یا گیا تھا۔

سوشل میڈیا پر فرح خان کی چارٹرڈ طیارے میں بیٹھے تصویر وائرل ہو رہی ہے تاہم ابھی یہ تصدیق نہیں ہو سکی ہے یہ پرانی ہے یا تازہ تصو یر ہے ، اس تصویر میں دیکھا جا سکتاہے کہ فرح خان کے قدموں میں ایک ہینڈ بیگ موجود ہے جو کہ اس وقت لوگوں کی توجہ کا مرکزبناہواہے ، فرح خان نے ایک پیلے رنگ کی جوتی بھی پہنی ہوئی ہے جس نے صارفین کی توجہ اپنی جانب مبذول کروائی ہوئی ہے ۔

سوشل میڈیا پر وائرل ہونے والی پوسٹس میں دعویٰ کیا جارہاہے کہ یہ بیگ دراصل معروف برینڈ ” ہرمز “ کا کیلی بیگ ہے اور اس کی مالیت تقریبا ڈیڑھ کروڑ سے زائد ہے جبکہ فرح خان نے جو پیلے رنگ کی چپل پہن رکھی ہے وہ بھی کچھ کم نہیں بلکہ ایک لاکھ روپے سے زائد کی ہے ۔

اسلام آباد: ‏تمام سابق وزراء اور مشیر اپنے زیر استعمال سرکاری گاڑیاں واپس کریں:اوپرسے حکم آگیا اطلاعات کے مطابق عمران خان حکومت میں شامل وزراء کو سرکاری گاڑیاں واپس کرنے کی ہدایات جاری کردی گئی ہیں‌

ذرائع کے مطابق ‏کابینہ ڈویژن نے ارکان کو سرکاری گاڑیاں واپس کرنے کا ہدایت نامہ جاری کیا جس میں لکھا گیا ہے کہ تمام سابق وفاقی وزراء، وزیر مملکت، معاونین خصوصی اور مشیران اپنے زیر استعمال سرکاری گاڑیاں فوری واپس کردیں۔

ذرائع کا کہنا ہے کہ بیشتر سابق کابینہ ارکان نے سرکاری گاڑیاں واپس کردی ہیں جبکہ بعض وزراء نے وزیراعظم سے سرکاری گاڑیوں کا استعمال جاری رکھنے کی درخواست کی ہے۔

یاد رہے کہ اسمبلی مدت پوری ہونے کے بعد 15 روز تک کابینہ اراکین کو سرکاری گاڑیاں استعمال کرنے کی اجازت ہوتی ہے۔

واضح رہے کہ اتوار تیرہ اپریل کو صدر مملکت کی جانب سے اسمبلی تحلیل کردینے کے بعد کابینہ ڈویژن نے نوٹی فکیشن جاری کیا تھا، جس میں کہا گیا تھا کہ عمران خان وزیراعظم نہیں رہے البتہ آئین کے آرٹیکل 94 کے تحت صدر مملکت نے وزیراعظم کو کام جاری رکھنے کی ہدایت کردی ہے، جس کی روشنی میں نگران وزیراعظم کی تقرری تک عمران خان بطور وزیراعظم کام کریں گے۔

کابینہ ڈویژن نے 52 وفاقی کابینہ تحلیل کرنے کا نوٹیفکیشن بھی جاری کیا تھا، کابینہ ڈویژن نے 25 وفاقی وزرا، 4 وزرائے مملکت کو ڈی نوٹیفائی کردیا تھا۔

علاوہ ازیں کابینہ ڈویژن نے وزیراعظم کے 4 مشیران اور 19 معاونین خصوصی کو بھی ڈی نوٹیفائی کیا تھا۔

اسلام آباد:‏پیپلزپارٹی کا فیصلہ سامنے آیا کہ خیبرپختونخوا، آزاد کشمیر، گلگت بلتستان میں بھی PTI حکومتوں کیخلاف تحاریکِ عدم اعتماد لائی جائیں۔ ھم اس سلسلے میں متحدہ اپوزیشن سے بات کرینگے

مریم نوازاوربلاول بھٹوعمران خان کیخلاف متحد:ڈپٹی اسپیکرکی رولنگ پررولا ڈال دیا،اطلاعات کے مطابق ابھی تھوڑی دیر پہلے پاکستان کے دوحکمران خاندانوں کےنوجوان جانشینوں نے بڑی حکمت عملی کے ساتھ وزیراعظم عمران خان کے خلاف الزامات لگا کرڈپٹی اسپیکر کی رولنگ کے خلاف کامیاب رولا ڈال دیا ہے ،

ایک طرف مریم نواز نیوزکانفرنس کررہی ہیں تو دوسری طرف بلاول بھٹودونوں‌کی ایک ہی ٹائمنگ اداروں کومتاثرکرنے کی ایک حکمت عملی لگ رہی ہے ،

آج پاکستان پیپلزپارٹی کے چیئرمین بلاول بھٹو زرداری نے کہا ہے کہ عمران خان کے غیر آئینی اقدام کو سر پرائز نہیں کہہ سکتے، یہ غداری ہے اور انہوں نے گزشتہ دن جو کیا وہ اپنی انا بچانے کیلئے کیا۔

برطانوی نشریاتی ادارے کو انٹرویو میں بلاول کہا کہنا تھاکہ اپوزیشن سمیت کسی رکن پارلیمنٹ نے وہ سازشی مراسلہ نہیں دیکھا، مراسلے پر نہ کسی سفارتکار کو وزیراعظم ہاؤس یا دفتر خارجہ طلب کیا گیا نہ اس متعلق وزیر خارجہ نے امریکی حکومت سے کوئی شکایت کی۔

انہوں نے کہا کہ عمران خان کو اکثریت کھونے کا احساس ہوا تو انہوں نے بین الاقوامی سازش کا کہہ کر چلانا شروع کردیا۔

بلاول کا کہنا تھاکہ عمران خان کے غیر آئینی اقدام کو سر پرائز نہیں کہہ سکتے، یہ غداری ہے اور انہوں نے گزشتہ دن جو کیا وہ اپنی انا بچانے کیلئے کیا۔

خیال رہے کہ 27 مارچ کو اسلام آباد میں جلسہ عام سے خطاب میں وزیراعظم عمران خان نے خط لہرایا تھا اور کہا تھاکہ ملک میں باہر سے پیسے کی مدد سے حکومت تبدیل کرنے کی کوشش کی جارہی ہے، ہمیں لکھ کر دھمکی دی گئی، میرے پاس خط ہے اور وہ ثبوت ہے۔

قومی اسمبلی میں ڈپٹی اسپیکر نے مبینہ سازش کو جواز بنا کر حکومت کے خلاف تحریک عدم اعتماد مستردکردی تھی جس کے بعد سپریم کورٹ نے معاملے پر ازخود نوٹس لیا تھا اور اس پر عدالت میں سماعت جاری ہے۔

دوسری جانب امریکا کی جانب سے پاکستان میں حکومت الٹنےکی سازش میں ملوث ہونےکے الزام کی تردید کی جاچکی ہے۔