Tag: پاک فضائیہ

پاک فضائیہ کے سربراہ ایئر چیف مارشل ظہیر احمد بابر سدھو نے اسپیکر قومی اسمبلی سردار ایاز صادق کے نام اظہار تشکر کا خط لکھا ہے-

ایئر چیف مارشل ظہیر احمد بابر سدھو نے یہ خط اسپیکر قومی اسمبلی سردار ایاز صادق کے خط کے جواب میں لکھا ہےایئر چیف مارشل نے کہا کہ بھارتی جارحیت کے خلاف قومی یکجہتی قائم کرنے کے لیے اسپیکر سردار ایاز صادق کا کردار قابل ستائش ہے، پارلیمانی قیادت کی جانب سے قومی اتحاد کے مظاہرے پر پاک فضائیہ شکر گزار ہے۔

پاک فضائیہ کے سربراہ نے مزید لکھا کہ قومی اسمبلی کے معزز ارکان کی پاک فضائیہ کے حق میں یکجہتی قابلِ فخر ہے، دشمن کی جارحیت کے مؤثر جواب دینے پر پارلیمانی و قومی قیادت کی جانب سے خراج تحسین ناقابل فراموش ہے، پاک فضائیہ کی کامیابی ربِ کریم کی خاص عنایت اور قومی اتحاد و یکجہتی کا نتیجہ ہے۔

سنی اتحاد کونسل کے 26 ارکان کیخلاف الیکشن کمیشن میں ریفرنس دائر

ظہیر احمد بابر سدھو نے مزید کہا کہ قومی اتحاد و یکجہتی نے دشمن کے ناپاک عزائم کو خاک میں ملایا، قوم کی حمایت سے مسلح افواج ہر چیلنج سے نمٹنے کی بھرپور صلاحیت رکھتی ہے، پاک فضائیہ ملکی سرحدوں کے دفاع کے لیے ہر لمحہ تیار ہے، پاک فضائیہ ملکی سرحدوں کی حفاظت کو اپنی مقدس ذمہ داری سمجھتی ہے۔

خط میں ائیر چیف مارشل ظہیر احمد بابر سدھو نے قومی اہداف کی تکمیل کے لیے ہر ممکن تعاون جاری رکھنے کے عزم کا اعادہ کیا۔

اس سے قبل اسپیکر قومی اسمبلی سردار ایاز صادق نے بھارت کو منہ توڑ جواب دینے پر فیلڈ مارشل سید عاصم منیر اور ایئر چیف مارشل ظہیر احمد بابر سدھو کو خطوط لکھے تھے، جس میں انہوں نے مسلح افواج بالخصوص پاک فضائیہ کو غیرمعمولی جرات اور بہادری پر خراجِ تحسین پیش کیا تھا،اسپیکر قومی اسمبلی نے خط میں پارلیمان کی جانب سے مسلح افواج کے ساتھ غیر متزلزل حمایت اور یکجہتی کا اظہار کیا تھا۔

تشنگی کی راتیں: کربلا کی ساتویں اور آٹھویں شب

صدرِ مملکت آصف علی زرداری نے ایئر ہیڈکوارٹرز اسلام آباد کا دورہ کیا اور پاک فضائیہ کے سربراہ ایئر چیف مارشل ظہیر احمد بابر سدھو سے ملاقات کی۔

یہ دورہ پاکستان کی فضائی سرحدوں کے دفاع میں پاک فضائیہ کی شاندار کارکردگی اور بھارتی جارحیت پر مؤثر ردعمل پر افسران و جوانوں کی حوصلہ افزائی کے لیے کیا گیا۔ صدر کی آمد پر انہیں پاک فضائیہ کے چاق و چوبند دستے نے گارڈ آف آنر پیش کیا۔ملاقات میں ایئر چیف مارشل ظہیر احمد بابر سدھو نے صدر زرداری کو پاک فضائیہ کی آپریشنل حکمت عملی، فورس اسٹرکچر، اہداف اور مستقبل کی جنگی ضروریات کے مطابق جاری منصوبوں پر تفصیلی بریفنگ دی۔

صدر کو بتایا گیا کہ بھارت کے ساتھ حالیہ کشیدگی کے دوران پاک فضائیہ کی کامیابی اعلیٰ تربیت، مسلسل آپریشنل تیاری اور مقامی سطح پر تیار کردہ جدید جنگی صلاحیتوں کی بدولت حاصل ہوئی.بریفنگ کے دوران صدر کو آگاہ کیا گیا کہ پاک فضائیہ نے اپنی تاریخ میں پہلی بار فل اسپیکٹرم آپریشنز کیے جن میں خلائی، سائبر اور الیکٹرانک وار فیئر کو یکجا کیا گیا۔ جدید اور انقلابی ٹیکنالوجیز کے تزویراتی استعمال نے اس کامیابی میں کلیدی کردار ادا کیا۔

صدر مملکت آصف علی زرداری نے پاک فضائیہ کے افسران اور جوانوں کی پیشہ ورانہ مہارت، عزم اور جذبے کو خراج تحسین پیش کرتے ہوئے کہا کہ تاریخ گواہ رہے گی کہ چند گھنٹوں میں مسلح افواج نے دشمن کو پسپا کر دیا۔

ٹرمپ نے جنگوں سے متعلق اپنا سابقہ مؤقف بدل لیا، اسرائیلی جارحیت پر خاموشی

ایرانی پاسداران انقلاب کی تل ابیب خالی کرنے کی وارننگ

اسرائیلی جارحیت اور ایرانی سرخ پرچم.تحریر:سیدہ سعدیہ عنبرؔ الجیلانی

پاکستان کا ایران میں موجود سفارتی عملے کے اہلخانہ کے انخلا کا فیصلہ

امریکی محکمہ دفاع اور اوپن اے آئی کے درمیان فوجی مقاصد کے لیےمعاہدہ

پاکستان میں چین کے سفیر جیانگ زیڈونگ نے ایئر ہیڈکوارٹرز اسلام آباد کا دورہ کیا، جہاں انہوں نے پاک فضائیہ کے سربراہ ایئر چیف مارشل ظہیر احمد بابر سدھو سے ملاقات کی۔

مسلح افواج کے شعبہ تعلقات عامہ (آئی ایس پی آر) کے مطابق ملاقات میں دونوں ممالک کے درمیان ادارہ جاتی روابط، دفاعی تعاون اور خطے کی بدلتی جیو اسٹریٹیجک صورتحال پر تفصیلی تبادلہ خیال کیا گیا۔ملاقات میں اس امر پر اتفاق کیا گیا کہ ابھرتے ہوئے سیکیورٹی چیلنجز سے نمٹنے کے لیے مشترکہ اور مربوط حکمت عملی ناگزیر ہے۔ اس موقع پر خطے میں سیکیورٹی کی صورتحال کو مدنظر رکھتے ہوئے اعلیٰ سطح کی تیاری اور مؤثر ہم آہنگی پر بھی زور دیا گیا۔

ایئر چیف مارشل نے گفتگو کرتے ہوئے کہا کہ کہپاکستان اور چین آزمودہ اور تاریخی دوستی کے لازوال رشتے میں بندھے ہوئے ہیں، جو باہمی اعتماد، تزویراتی ہم آہنگی اور خطے میں امن و استحکام کے مشترکہ عزم پر قائم ہے۔ دونوں ممالک کے درمیان دفاعی تعاون اور شراکت داری وقت کے ساتھ مزید مستحکم ہو رہی ہے۔ایئر چیف نے چین کی جانب سے پاکستان کو حاصل مسلسل حمایت اور غیر متزلزل دوستی پر شکریہ ادا کیا۔ انہوں نے دفاعی نظام کی جدیدیت، ٹیکنالوجی کی منتقلی اور مشترکہ تحقیق و ترقی میں چین کے کردار کو سراہا۔

چینی سفیر جیانگ زیڈونگ نے حالیہ کشیدہ حالات کے دوران پاک فضائیہ کی غیر معمولی آپریشنل مہارت کو سراہا اور اسے قومی دفاع سے وابستگی کا بہترین مظہر قرار دیا۔آئی ایس پی آر کے مطابق ملاقات میں دونوں ممالک نے اعلیٰ سطح روابط کو ادارہ جاتی بنیادوں پر مزید مضبوط کرنے کے عزم کا اعادہ کیا۔

یورپی یونین اور برطانیہ کی روس پر نئی پابندیاں، شیڈو فلیٹ اور مالیاتی ادارے شامل

سندھ کابینہ اجلاس، ٹریفک اصلاحات، عدالتی نظام میں بہتری، اور سماجی ترقی کے اہم فیصلے

پاکستان کا امارات کے بینکوں سے ایک ارب ڈالر قرض لینے کا فیصلہ

فیلڈ مارشل سید عاصم منیر، کیریئر پر ایک جامع رپورٹ

افغانستان اور بھارت ٹرانزٹ ٹریڈ دوبارہ فعال، واہگہ بارڈر سے درجنوں ٹرک بھارت روانہ

’’آپریشن بنیان مرصوص‘’ کے دوران پاک فضائیہ نے بھارتی فضائیہ کو دھول چٹا دی، پاک فضائیہ کی جوابی کارروائی میں بھارتی لڑاکا طیارے کہاں کہاں گرے، تفصیلات سامنے آ گئیں۔

سیکیورٹی ذرائع کے مطابق پاک فضائیہ کی جوابی کارروائی میں بھارتی فضائیہ کے متعدد لڑاکا طیارے مختلف علاقوں میں گر کر تباہ ہوئے، ان تباہ ہونے والے بھارتی فضائیہ کے طیاروں کے پائلٹس زخمی یا لاپتہ بھی ہوئے ایک بھارتی طیارہ اننت ناگ کے علاقے میں گر کر تباہ ہوا، جس کے پائلٹ کی ہلاکت کا خدشہ ظاہر کیا گیا ہے، تباہ ہونے والے بھارتی طیارے کی ایجکیشن سیٹ پہی گاڈول کوکرناگ کے علاقے سے برآمد ہوئی۔

اسی طرح بھارتی فضائیہ کا دوسرا طیارہ پامپور یا پلوامہ کے علاقے میں گر کر تباہ ہوا جس کے دونوں پائلٹس شدید زخمی حالت میں سری نگر اسپتال منتقل کیے گئے جبکہ ایک اور لڑاکا طیارہ پنتھیال / رامسو، ضلع رام بن کے علاقے میں گر کر تباہ ہوا،اس طیارے کے پائلٹ فلا ئنگ آفیسر اقبال سنگھ کو زخمی حالت میں آرمی اسپتال ادھم پور منتقل کیا گیا۔

سیکیورٹی ذرائع کا کہنا ہے ایک اور طیارہ بھردہ کلاں، تحصیل اکھنور کے زرعی کھیتوں میں گرا، اس حادثے میں ایجکیٹ کرنے والے دونوں پائلٹس زخمی ہوئے جنہیں اکھنور کے فوجی اسپتال منتقل کر دیا گیا، بھارتی فضائیہ کا ایک طیارہ بھٹنڈہ کے علاقے میں بھی تباہ ہوا، بھارت کا ایک ہیرون ریموٹ پائلٹڈ وہیکل (Heron RPV) جموں شہر کے مشرق میں 13 ناٹیکل میل کے فاصلے پر مار گرایا گیا۔

دفاعی ماہرین کا کہنا ہے یہ سلسلہ وار تباہی بھارتی فضائیہ کے لیے شدید دھچکا ثابت ہوئے ہیں، آپریشن ’’معرکہ مرصوص‘‘ بھارتی فضائیہ کی مکمل ناکامی کو ظاہر کرتا ہے، بھارتی فضائیہ کے طیارروں کا کھلونوں کی طرح تباہ ہونا ان کی عسکری حکمت عملی پر اہم سوالات اٹھا رہا ہے۔

واضح رہے کہ 7 مئی کو پاکستان کی مسلح افواج نے رات گئے کیے جانے والے بھارت کے بزدلانہ حملے کے جواب میں منہ توڑ جواب دیتے ہوئے بھارتی فضائیہ کے 3 رافیل سمیت 5 جنگی طیارے مارے گرائے تھے جبکہ ایک بریگیڈ ہیڈ کوارٹر،6 مہار بٹالین ہیڈکوارٹرز اور مختلف چیک پوسٹیں اڑا ڈالی تھیں جس کے بعد بھارتی فوج نے ایل اوسی کے 4 سیکٹرز میں پوسٹوں پر سفید جھنڈے لہرا کر شکست تسلیم کرلی تھی