Baaghi TV

Tag: پاک فوج

  • گلگت بلتستان میں پاک فوج کی تعیناتی کی خبریں اور قیاس آرائیاں بے بنیاد ہیں،وزیر اطلاعات

    گلگت بلتستان میں پاک فوج کی تعیناتی کی خبریں اور قیاس آرائیاں بے بنیاد ہیں،وزیر اطلاعات

    نگراں وفاقی وزیر اطلاعات مرتضیٰ سولنگی نے گلگت بلتستان میں پاک فوج کی تعیناتی کی تردید کر دی۔

    باغی ٹی وی : مرتضی سولنگی نے کہا کہ محکمہ داخلہ جی بی کے مطابق گلگت بلتستان میں صورتحال مکمل پرامن ہے، پاک فوج کی تعیناتی کے حوالے سے خبریں اور قیاس آرائیاں بے بنیاد ہیں گلگت بلتستان میں تمام سڑکیں، تجارتی مراکز اور تعلیمی ادارے معمول کے مطابق کھلے ہیں، گلگت بلتستان میں چہلم حضرت امام حسین رضی اللہ عنہ کے موقع پر امن و امان برقرار رکھنے کے لئے پاک فوج اور سول آرمڈ فورسز کی خدمات طلب کی گئی ہیں، اور جلوس کے راستوں اور امام بارگاہوں کی سیکیورٹی کے لیے ماضی کی روایت کے مطابق خصوصی اقدامات کیے گئے ہیں-

    امریکا کا یوکرین کوڈیپلیٹڈ یورینیم گولہ بارود فراہم کرنے کا فیصلہ

    علاوہ ازیں چیف سیکرٹری گلگت بلتستان محی الدین وانی نے بھی ایک بیان میں کہا ہے کہ حالات پر امن ہیں اور فوج کو تعینات نہیں کیا گیا گلگت بلتستان میں اسکول، کالجز،مارکیٹیں اور تمام شاہراہوں کھلی ہوئی ہیں، فوج کو تعینات کرنے کا کوئی حکم نامی جاری نہیں کیا گیا، چیف سیکرٹری نے بتایا کہ پاک فوج کے دستے چہلم کے جلوسوں کے موقع پر سکیورٹی دینے کیلئے تیار ہیں۔

    ملک کے مختلف حصوں میں بارشوں کی پیشگوئی

  • بنوں میں شہید ہونیوالے9 شہدا کو ان کے آبائی علاقوں میں سپرد خاک کردیا گیا

    بنوں میں شہید ہونیوالے9 شہدا کو ان کے آبائی علاقوں میں سپرد خاک کردیا گیا

    بنوں کے علاقے جانی خیل میں موٹرسائیکل سوار خودکش حملہ آور کے حملے میں شہید ہونے والے 9 شہدا کو ان کے آبائی علاقوں میں سپرد خاک کردیا گیا۔

    باغی ٹی وی : بنوں میں خودکش حملے میں جام شہادت نوش کرنے والے نو جوانوں کی نماز جنازہ ان کے آبادی علاقوں میں ادا کی گئیں نماز جنازہ میں شہدا کے لواحقین، عزیز و اقارب، قریبی دوستوں، اہل علاقہ اور سماجی شخصیات نے شرکت کی،نائب صوبیدار صنوبر علی کو خانیوال، حوالدار عارف کو لودھراں، حوالدار عمران کو خانیوال اور حوالدار آفتاب کو بہاولنگر میں سپرد خاک کیا گیا سپاہی رشید شہداد کوٹ، سپاہی ذیشان کو کوٹلی، سپاہی حسیب کو لیہ، سپاہی احمد کو لاہور اور سپاہی وارث علی کو اوکاڑہ میں سپردخاک کردیا گیا۔

    میجر عامر عزیز اورسپاہی محمد عارف شہید کی نماز جنازہ ادا

    ترجمان پاک فوج کا کہنا ہے کہ پاک فوج کے یہ شہداء قابل فخر ہیں جنہوں نے ملک میں امن کے قیام کیلئے اپنی جان کا نذرانہ پیش کیا دہشت گردوں کی یہ بزدلانہ کاروائیاں ہمارے حوصلے کمزور نہیں کر سکتیں ، پاکستان آرمی دہشت گردی کیخلاف جاری جنگ کو منطقی انجام تک پہنچا کر رہے گی۔

    دوسری جانب خیبر پختونخوا کے ضلع مردان میں فائرنگ سے 2 خواتین اور ایک بچے سمیت 5 افراد جاں بحق ہو گئے۔

    میرانشاہ خفیہ آپریشن کے دوران میجر سمیت 2 فوجی جوان شہید

    ریسکیو حکام کے مطابق مردان کے علاقے پارہوتی میں فائرنگ کا واقعہ پیش آیا جاں بحق ہونے والوں میں 2 خواتین اور ایک بچہ بھی شامل ہے فائرنگ کے بعد ملزمان فرار ہو گئے جبکہ علاقے میں خوف و ہراس پھیل گیا پولیس نے علاقے کو گھیرے میں لے کر ملزمان کی تلاش شروع کر دی۔

  • میجر عامر عزیز اورسپاہی محمد عارف شہید کی نماز جنازہ ادا

    میجر عامر عزیز اورسپاہی محمد عارف شہید کی نماز جنازہ ادا

    انٹیلی جنس بیسڈ آپریشن کے دوران دہشت گردوں کے خلاف بہادری سے لڑتے ہوئے جام شہادت نوش کرنے والے میجر عامر عزیز (عمر 29 سال، ضلع سرگودھا کا رہائشی) اور سپاہی محمد عارف (عمر 27 سال، ساہیوال ضلع) کی نماز جنازہ ادا کردی گئی۔ نماز جنازہ میران شاہ، شمالی وزیرستان کے علاقے بنوں میں ادا کی گئی۔

    ڈی جی آئی ایس پی آر کے مطابق نماز جنازہ میں اعلیٰ فوجی و سول افسران اور عوام نے شرکت کی۔ شہدا کو ان کے آبائی علاقوں میں پورے فوجی اعزاز کے ساتھ سپرد خاک کیا جائے گا۔ پاکستان کی مسلح افواج مادر وطن سے دہشت گردی کی لعنت کو ہر قیمت پر ختم کرنے کے لیے پرعزم ہیں۔

    دہشت گردوں اور انکے سرپرستوں کے خاتمے سے امن بحال ہوگا،آصف زرداری
    دوسری جانب سیاسی و سماجی رہنماؤں نے دہشت گردی کے خلاف لڑتے ہوئے جام شہادت نوش کرنے پر اظہار افسوس کیا ,سابق صدر آصف علی زرداری نے میرانشاہ میں میجر عامر اور سپاہی عارف کی شہادت پر اظہار افسوس کرتے ہوئے کہا کہ مادر وطن کو دشمنوں سے پاک کرتے ہوئے میجر عامر شہید اور سپاہی عارف شہید نے جان کا نذرانہ دیا ، دہشت گردوں اور انکے سرپرستوں کے خاتمے سے امن بحال ہوگا

    سوات کی طرح آپریشن کرکے مادر وطن کو دشمنوں سے پاک کرنا ہوگا،بلاول
    چیئرمین پیپلزپارٹی بلاول بھٹو زرداری نے میجر عامر اور سپاہی عارف کی شہادت پر اظہار افسوس کیا اور کہا کہ میرانشاہ میں وطن دشمنوں سے دھرتی کو پاک کرتے ہوئے میجر عامر اور سپاہی عارف نے جام شہادت نوش کیا ،سوات کی طرح آپریشن کرکے مادر وطن کو دشمنوں سے پاک کرنا ہوگا، بلاول بھٹو زرداری نے میجر عامر شہید اور سپاہی عارف شہید کے ورثا سے اظہار تعزیت کیا،سیکرٹری جنرل پیپلز پارٹی سید نیئر بخاری نے میرانشاہ میں میجر عامر اور سپاہی عارف کی شہادت پر اظہار افسوس کیا،اورمادر وطن پر قربان ہونے والے قومی ہیروز میجر عامر شہید اور سپاہی عارف شہید کو سلام عقیدت کرتے ہوئے کہا کہ دہشت گردوں کے خاتمے کیلئے سخت سے سخت کاروائیاں لازم ہیں،

    فوجی جوانوں کی شہادت قومی نقصان،دشمن ہمیں خوف زدہ نہیں کرسکتا ،ڈاکٹر سبیل اکرام
    سیاسی سماجی رہنما ڈاکٹر سبیل اکرام نے کہا ہے کہ بنوں میں 9 فوجی جوانوں کی شہادت قومی نقصان ہے ۔ اللہ شہداکے درجات بلند فرمائے اور وطن عزیزکی حفاظت کرے ۔قوم کوپاک فوج کے بہادر جوانوں ، غازیوں اور شہیدوں پر فخر ہے ۔ضروری ہے کہ دہشت گردوں اور ملک دشمنوں کو نشان عبرت بنایا جائے ۔ پاک فوج کے جوان وطن کے دفاع کا حق ادا کررہے اور جانی قربانیاں دے رہے ہیں۔ بنوں میں فوجی جوانوں کی شہادت قومی نقصان ہے ۔ قوم شہدا کے خاندانوں کے غم میں برابر کی شریک ہے اور شہدا کے درجات کی بلند کے لیے دعا گو ہے ۔دہشت گردی پر قابو پانے کے لیے باہمی اتحاد اور فوج کے شانہ بشانہ کھڑے ہونے کی ضرورت ہے ۔ یہ وطن ہمارے پاس شہدا کی امانت ہے اور کلمہ طیبہ کی بنیاد پر معرض وجود میں آیا ہے اس کے چپے چپے کی حفاظت ہمارا ایمانی فریضہ ہے ۔ دشمن ہمیں خوف زدہ نہیں کرسکتا ہے ۔ قوم دہشت گردی کے خلاف جنگ میں سیسہ پلائی دیوار ہے ۔ انھوں نے کہا کہ فوجی جوانوں کی شہادت اس بات کا ثبوت ہے دشمن ہماری فوج سے خوف زدہ ہے ۔ دشمن نے پاکستان پر غیر اعلانیہ جنگ مسلط کررکھی ہے ۔ یہ وقت وطن کے دفاع کےلئے جانیں قربان کرنے والے پاک فوج کے جوانوں کے ساتھ شانہ بشانہ کھڑے ہونے کا ہے ۔ یہ یقینا پریشان کن امر ہے کہ دہشت گردی کی وارداتیں بڑھ چکی ہیں ، دہشت گرد ملک میں انتشار پھیلانا چاہتے ہیں جبکہ پاک فوج کے جوان اپنی جانیں ہتھیلی پر رکھ کر ان کے ناپاک عزائم کو ناکام بنا رہے اور کیفر کردار تک پہنچا رہے ہیں ۔ پاک فوج پاکستان کا فخر ، دفاع اور استحکام کی ضامن ہے ۔ فوج کو کمزور کرنا یہ دشمن کا پروپیگنڈا تو ہوسکتا ہے کوئی محب وطن پاکستانی اس کا تصور بھی نہیں کرسکتا ہے ۔ پاک فوج اندرون ملک بھی دہشت گردوں سے برسرپیکار ہے اور سرحدوں کی حفاظت بھی کررہی ہے ۔ ملک کے دشمن جان لیں کہ دہشت گردی کا مقابلہ کرنے کے لئے پوری قوم پاک افواج کے شانہ بشانہ ہے

    وقت آ گیا ہے کہ عالمی برادری پاکستان کے لئے یہ کام کرے، سیکرٹری جنرل اقوام متحدہ نے کی اپیل

    اقوام متحدہ امن مشن میں کتنی پاکستانی خواتین اہلکار ہیں؟ ڈی جی ملٹری آپریشنز نے بتا دیا

    افغانستان میں جنگ بہت ہو چکی، اب امریکا کی کیا خواہش ہے؟ زلمے خلیل زاد بول پڑے

     عالمی امن کی بحالی میں اقوام متحدہ کا کردار لائق تحسین ہے

     آرمی چیف جنرل عاصم منیر نے بنوں کا دورہ کیا

  • میرانشاہ خفیہ آپریشن کے دوران میجر سمیت 2 فوجی جوان شہید

    میرانشاہ خفیہ آپریشن کے دوران میجر سمیت 2 فوجی جوان شہید

    میرانشاہ میں سکیورٹی فورسزکے خفیہ آپریشن کے دوران میجرسمیت2 فوجی جوان شہید ہوگئے جبکہ ایک دہشت گرد کو جہنم واصل کر دیا گیا جبکہ پاک فوج کے شعبہ تعلقات عامہ کے مطابق سکیورٹی فورسزنےخفیہ اطلاعات پر خیبرپختونخوا کےضلع شمالی وزیرستان کے علاقے میرانشاہ میں آپریشن کیا۔اس دوران فائرنگ کے تبادلے میں ایک دہشت گرد کو جہنم واصل جبکہ میجرسمیت2 فوجی جوان شہید ہوگئے۔

    جبکہ آئی ایس پی آرکے مطابق شہید سپاہی27 سالہ محمدعارف ساہیوال کے رہائشی تھے جبکہ شہید 29 سالہ میجرعامرعزیزکا تعلق سرگودھا سے ہے، آئی ایس پی آرکے مطابق فوجی جوانوں کی ایسی قربانیاں ہمارے عزم کو مزید مضبوط کرتی ہیں،سکیورٹی فورسزدہشتگردی کی لعنت کےخاتمےکیلئےپُرعزم ہیں۔

    تاہم خیال رہے کہ اس سے قبل خیبر میں سکیورٹی فورسز اور دہشت گردوں کے درمیان فائرنگ کے تبادلے میں ایک دہشتگرد ہلاک ہوگیا، پاک فوج کے شعبہ تعلقات عامہ (آئی ایس پی آر) کے مطابق خیبر کے علاقے تیراہ میں 31 اگست اور یکم ستمبر کی درمیانی شب سکیورٹی فورسز اور دہشتگردوں کے درمیان جھڑپ ہوئی تھی۔

    جبکہ آئی ایس پی آر نے بتایا کہ سکیورٹی فورسز نے مؤثر طریقے سے دہشت گردوں کے ٹھکانے کا پتہ لگایااور فائرنگ کے تبادلے میں ایک دہشت گرد ہلاک ہوگیا اور ہلاک دہشت گرد سکیورٹی فورسز کے خلاف دہشت گردی کی متعدد کارروائیوں اور معصوم شہریوں کے قتل میں سرگرم تھا۔
    مزید یہ بھی پڑھیں؛
    پاکستان ہاکی فیڈریشن ایگزیکٹو بورڈ کا اجلاس 5 ستمبر کو ہو گا
    اپر چترال میں چکن پاکس پھیلنے لگا،درجنوں افراد متاثر
    مہنگائی میں مزید اضافہ ہوگیا
    سی پیک مکمل ہونے کے بعد ملک میں ترقی اور خوشحالی کا دور آئے گا،پرویز خٹک
    اوپن مارکیٹ میں ڈالر 328 روپے کی تاریخی سطح پر پہنچ گیا
    ہمیں مہنگائی کا احساس ہے، کوشش کر رہے ہیں کہ عوام کو ریلیف دیں۔ کے پی کے نگران وزیر اطلاعات
    جبکہ آئی ایس پی آر کے مطابق شدید فائرنگ کے تبادلے میں 36 سالہ حوالدار منتظر شاہ نے بہادری سے لڑتے ہوئے جام شہادت نوش کیا، شہید حوالدار منتظر شاہ کا تعلق ضلع صوابی سے تھا علاوہ ازیں آئی ایس پی آر کا کہنا تھا کہ علاقے میں موجود دیگر دہشت گردوں کے خاتمے کیلئے کلیئرنس آپریشن بھی کیا گیا۔

  • بنوں خود کش حملہ،سیاسی رہنماؤں نے کی مذمت،پاک فوج کے ساتھ کھڑے ہونے کا اعلان

    بنوں خود کش حملہ،سیاسی رہنماؤں نے کی مذمت،پاک فوج کے ساتھ کھڑے ہونے کا اعلان

    بنوں میں خود کش حملے کی سیاسی رہنما مذمت کر رہے ہیں تو وہیں عوام پاکستان نے بھی اعلان کیا ہے کہ دہشت گردی کی لعنت کے خاتمے کے لئے عوام پاکستان پاک فوج کے شانہ بشانہ رہیں گی،

    بنوں کے علاقے جانی خیل میں گزشتہ روز موٹر سائیکل سے ہونے والے خودکش دھماکے میں شہادت قبول کرنے والے شہداء کی نماز جنازہ بنوں میں ادا کی گئی ، شہدا کو ان کے آبائی علاقوں میں پورے فوجی اعزاز کے ساتھ سپرد خاک کیا جائے گا۔جنازہ میں سینئر حاضر سروس فوجی اور سول انتظامی افسران اور دستوں نے شرکت کی۔پاکستان کی مسلح افواج مادر وطن سے دہشت گردی کی لعنت کو ہر قیمت پر ختم کرنے کے لیے پرعزم اور پرعزم ہیں۔

    صدر مملکت ڈاکٹر عارف علوی نے بنوں کے علاقے جانی خیل میں فوجی قافلے پر ہونے والے خودکش حملے کی شدید مذمت کی، صدر مملکت نے خود کش حملے میں قیمتی جانی نقصان پر گہرے رنج وغم کا اظہار کیا، صدر مملکت نے دہشت گردی کے مکمل خاتمے کے قومی عزم کا اعادہ کیا،اور کہا کہ پوری قوم دہشت گردی کے خلاف جنگ میں اپنی بہادر سیکیورٹی فورسز کے ساتھ کھڑی ہے،دہشت گردی کے مکمل خاتمے تک کوششیں جاری رہیں گی،صدر مملکت نے شہداء کو وطن کی خاطر جان کا نذرانہ پیش کرنے پر خراج عقیدت پیش کیا صدر مملکت نے شہداء کیلئے بلندی درجات کی دعا کی اور لواحقین سے اظہار تعزیت اور صبر کیلئے دعا کی،

    سابق صدر آصف زرداری نے کی بنوں میں فوج کے قافلے پر خودکش حملے کی مذمت کرتے ہوئے کہا کہ وطن کیلئے جانوں کی قربانی دینے والے جوانوں کوقوم کبھی نہیں بھول سکتی,نیشنل ایکشن پلان پرعمل کرکے دہشت گردوں اور انکے سرپرستوں کوختم کیا جائے,آصف علی زرداری نے فوج کے شہید جوانوں کے ورثاء سے ہمدردی اور تعزیت کا اظہار کیا،

    چیئرمین پیپلزپارٹی بلاول بھٹو نے بنوں میں فوج کے قافلے پر خود کش حملے کی مذمت کی اور فوج کے جوانوں کی شہادت پر اظہار افسوس کرتے ہوئے کہا کہ دہشت گرد قوم اور ملک کے دشمن ہیں, فوجی جوانوں پر خود کش حملہ کرنے والوں کے سرپرستوں اور سہولت کاروں کو انصاف کے کٹہرے میں لایا جائے,

    بنوں میں 9 فوجی جوانوں کی شہادت پر سابق وزیراعلی پنجاب حمزہ شہباز نے کہا ہے کہ خودکش حملے میں 9 فوجی جوانوں کی شہادت پر دل غمزدہ اور بوجھل ہے۔ وطن کی حفاظت کے لئے اپنی جانیں نچھاور کرنے والوں کو سلام پیش کرتے ہیں۔ اللہ تعالی سے دعا ہے کہ شہداء کے اہلخانہ کو صبر جمیل عطا فرمائے۔ دہشتگردی کے ناسور کو پہلے بھی ختم کیا تھا اور انشاللہ آگے بھی اسے جڑ سے اکھاڑ پھینکیں گے۔ مادر وطن کے لئے ایسے بہادر سپوت پیدا کرنے والی ماؤں کی عظمت کا الفاظ احاطہ نہیں کر سکتے۔ اللہ تعالی سے دعا ہے کہ زخمیوں کو جلد از جلد صحتیابی عطا فرمائے۔ آمین

    سینیٹر شیری رحمان کا کہنا ہے کہ بنوں میں فوجی قافلے پر خودکش حملے کی شدید الفاظ میں مذمت کرتی ہوں۔ حملے میں شہید ہونے والے 9 جوانوں کے لواحقین سے دلی یکجہتی ہے۔ ملک کی حفاظت کے خاطر ہماری افواج اور جوانوں کی قربانیاں رائیگاں نہیں جائے گی۔ ہم دہشتگدری کو جڑ سے اکھاڑ پھینکنے، دہشت گرد نیٹ ورکس کو ختم کرنے اور وطن کی حفاظت کو یقینی بنانے کے لئے پاک افواج اور بہادر جوانوں کے ساتھ کھڑے ہیں

    محکمہ انسداد دہشت گردی خیبرپختونخواہ دہشت گردی کا مقابلہ کرنے کی صلاحیت نہیں رکھتا: قومی اداروں کی رپورٹ میں ہوشربا انکشاف

    عمران خان اسمبلیاں توڑنے میں اور دہشتگرد خیبرپختونخوا کے بے گناہ عوام کو قتل کرنے میں مصروف ہیں

     حیدر آباد میں چینی ڈاکٹر کو ٹارگٹ کرنے کی کوشش سی ٹی ڈی نے ناکام بنا دی

    سینیٹر بہرہ مند تنگی کا کہنا ہے کہ بنوں میں فوجی جوانوں کی شہادت ایک المیہ ہے ھمارے ملک اور بچوں کی مستقبل کو محفوظ بنانے کے لیے اپنے جانوں کی قربانی دینے والے پاک فوج کے شہداء کو سلام ابھی فیصلہ کرنا ہوگا کہ جو عناصر افواج پاکستان کے شہداء کے شہادت کے خلاف پروپیگنڈا کرتے ہیں ان کو کٹہرے میں لا کر سزا دی جائے

    متحدہ قومی موومنٹ پاکستان کے کنوینر ڈاکٹر خالد مقبول نے خیبر پختون خواہ کے علاقے بنوں میں پاکستان آرمی کے قافلے پر ہونے والے خود کش دھماکے کی سخت الفاظ میں مذمت کرتے ہوئے دھماکے میں شہید ہونے والے فوجی جوانوں کی شہادت پر دکھ اور افسوس کا اظہار کیا ہے۔

    واضح رہے کہ بنوں میں سیکیورٹی فورسز کے کانوائے پر موٹر سائیکل سوار خودکش بمبار نے حملہ کیا تھا جس کے نتیجے میں نو جوان شہید ہو گئے تھے،

    خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم

    نرسری وارڈ میں 4 بچوں کے جاں بحق ہونے پر وزیراعلیٰ کا نوٹس

    پسند کی شادی جرم بن گئی، سفاک ملزمان نے بچوں،خواتین سمیت سات افراد کو زندہ جلا ڈالا

    طالبعلم کے ساتھ گھناؤنا کام کرنیوالا قاری گرفتار،قبرستان میں گورکن کی بچے سے زیادتی

    حاملہ خواتین کو سموگ سیزن میں خصوصی احتیاط کی ضرورت

    بیرونی سازش ہو اور فوج خاموشی سے بیٹھی رہے، یہ گناہ کبیرہ ہے،آرمی چیف

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    بنوں آپریشن کے بعد سپہ سالار جنرل عاصم منیر کا وزیرستان،ایس ایس جی ہیڈکوارٹر کا دورہ بھی اہمیت کا حامل 

    واضح رہے کہ سیکورٹی فورسز پاکستان کے امن کے لئے جانوں کے نذرانے دے رہی ہیں، قیام امن کے لئے سیکورٹی اداروں کی قربانیاں قابل تحسین ہیں، پاکستانی قوم وطن کے دفاع کے لئے جانیں قربان کرنے والے جوانوں کو خراج عقیدت ہیش کرتی ہے،وطن عزیز سے دہشت گردی کے خاتمے کے لئے پاکستانی قوم پاک فوج کے شانہ بشانہ کھڑی تھی، ہے اور رہے گی،

  • شمالی وزیرستان کےنوجوان نے امریکا میں "کری ایٹو ایوارڈ "جیت لیا

    شمالی وزیرستان کےنوجوان نے امریکا میں "کری ایٹو ایوارڈ "جیت لیا

    شمالی وزیرستان کے ایک نوجوان کامران خان نے پاکستان کا نام روشن کرتے ہوئے امریکا میں "کری ایٹو ایوارڈ 2023” میں پیپلزچوائس ایوارڈ جیت لیا۔

    باغی ٹی وی: تفصیلات کے مطابق شمالی وزیرستان کےکامران احمد نے پاکستان کے لیے ایک بڑا معرکہ سرکرلیا ، کامران خان نے امریکا میں ایم ایس آئی کے تخلیق کار ایوارڈ 2023 میں پیپلز چوائس ایوارڈ جیت کر پاکستان کا سر فخر سے بلند کر دیا ہے۔

    عالمی مقابلہ جیتنے پر کامران کوپاک فوج کی طرف سےبہت سراہاگیا اور کامران خان کو اعزاز کے لیے میران شاہ ڈویژن ہیڈکوارٹر مدعو کیا گیا،ٹو ڈی انیمیشن ٹیکنالوجی کی عدم دستیابی کے باعث کامران کو مشکلات درپیش تھی، تو پاک فوج نے کامران کی صلاحیتوں کو نکھارنے کیلئے جدید ٹیکنالوجی سے لیس لیپ ٹاپ مہیا کیا۔

    جوہانسبرگ میں5 منزلہ عمارت میں آتشزدگی،درجنوں افراد ہلاک

    کامران خان نے یادگار شہداء پرکھڑے ہو کراپنی کامیابی شہداء کے نام کرتے ہوئے کہا کہ ان کی بدولت ہی شمالی وزیرستان میں امن قائم ہوا ہے جولوگ کہتے ہیں شمالی وزیرستان میں امن نہیں ہے، تو میں نے امن کی بدولت یہ ہنر سیکھا ہے، کامران خان شمالی وزیرستان کے لوگوں کیلئےایک مثال ہےاور روشن مستقبل کی ضمانت ہے۔

    یوکرین اور روس کے درمیان ہتھیاروں کی ڈیل پر شدید تشویش ہے،امریکا

  • دریائے ستلج ، بھارتی ڈیم پونگ اورباکھرا میں پانی کی سطح خطرناک حد تک بلند

    دریائے ستلج ، بھارتی ڈیم پونگ اورباکھرا میں پانی کی سطح خطرناک حد تک بلند

    دریائے ستلج پر بھارتی ڈیم پونگ اور باکھرا میں پانی کی سطح خطرناک حد تک بلند

    ترجمان پی ڈی ایم اے کے مطابق مزید بارشوں کی صورت میں بھارت سے پانی کی آمد میں تباہ کن اضافہ متوقع ہے۔ قصور، اوکاڑہ، پاکپتن، ویہاڑی، بہاولنگر، لودھراں،ملتان اور بہاولپور کے اضلاع شدید متاثر ہوسکتے ہیں دریائے ستلج کے راستے میں قائم سوسائٹیوں اور قصبوں کو خالی کروانا پڑ سکتا ہے۔ متاثر ہونے والے موضع، دیہات اور سوسائیٹیوں بارے تفصیلات متعلقہ انتظامیہ کو فراہم کی جاچکی ہیں۔

    ریلیف کمشنر پنجاب نبیل جاوید نے ہدایت کی کہ بھارتی ڈیموں کی صورتحال پر تشویش، تمام ادارے ہائی الرٹ رہیں۔ متعلقہ اضلاع کی انتظامیہ ندی نالوں کے راستوں سے تجاوزات کا خاتمی یقینی بنائے۔مقامی آبادیوں کے ساتھ بھی معلومات شئیر کی جائیں تاکہ وہ ذہنی طور پر تیار رہیں۔عوام اور ادارے مل کر سیلاب کی تباہ کاریوں کو کم سے کم کر سکتے ہیں۔کسی بھی ایمرجنسی صورت حال میں پی ڈی ایم اے کی ہیلپ لائن پر چوبیس گھنٹے اطلاع دے سکتے ہیں۔

    بورے والا دریائے ستلج ہیڈ اسلام کے حدود میں اونچے درجے کے سیلاب ، متعدد زمینیں زیر آب آ گئیں اور کئی گھروں کو نقصان پہنچا ہے ، سیلابی پانی کا تیزی سے شہری آبادیوں کی طرف بہاو جاری ہے ،۔محکمہ آبپاشی کے مطابق بہاولپور کی 3 تحصیلوں میں دریائے ستلج کے سیلابی ریلے سے متعدد بند بہہ گئے، ادھر ہیڈ میلسی سائفن پرپانی کی سطح ایک لاکھ 24 ہزارکیوسک ہو گئی جس کے باعث متعدد دیہات ڈوب گئے

    پاکستان آرمی کی سیلاب زدگان کیلئے امدادی سرگرمیاں جاری ہیں، بھارت کی طرف سے دریائے ستلج میں سیلابی پانی چھوڑا گیا ، پاک فوج کی جانب سے بہاولپور ڈویژن کے نشیبی علاقوں میں امدادی سرگرمیاں جاری ہیں، سیلاب متاثرین کے لئے پاک آرمی کی طرف سے فری میڈیکل کیمپس اور ریسکیو آپریشن سمیت فری راشن تقسیم کا سلسلہ جاری ہے، پاک آرمی کی جانب سے میلسی، چشتیاں، منچناں آباد ، پاکپتن ، عارف والا، وہاڑی ، لودھراں، بورے والا اور ہیڈ سلیمانکی میں مقامی انتظامیہ سے مل کر متاثرہ علاقوں سے سیلاب متاثرین کو محفوظ مقامات پر منتقل کرنےکا سلسلہ جاری ہے،سیلاب کے دوران وبائی امراض سے بچانے کے لیے میڈیکل کیمپس بھی قائم کئے گئے ہیں، بڑی تعداد میں متاثرین کو مفت طبی امداد فراہم کی جا رہی ہے

    بجلی کے بلوں میں اضافہ پرشہری سڑکوں پرنکل آئے

    نگران وزیراعظم انوار الحق کاکڑ نے بجلی کے نرخوں کے حوالے سے ہنگامی اجلاس طلب کرلیا

  • بلندی سے جانیں بچانے کا ڈرامائی ریسکیو آپریشن

    بلندی سے جانیں بچانے کا ڈرامائی ریسکیو آپریشن

    سولہ گھنٹے کا طویل ترین ریسکیو آپریشن، ہر لمحے دل کی دھڑکنیں تیز ہو رہی تھی، پتہ نہیں کیا ہو گا؟ تا ہم چھ بچوں سمیت آٹھ افراد کو کامیابی کے ساتھ بچا لیا گیا، یہ آٹھ افراد پاکستان کے صوبہ خیبر پختونخواہ کے علاقے بٹگرام کے پہاڑی علاقے میں ایک کھائی کے تقریبا 900 فٹ اوپر چیئر لفٹ، ڈولی میں پھنس گئے تھے

    خیبر پختونخواہ کے کچھ علاقے ایسے ہیں جہاں ایک مقام سے دوسرے مقام پر جانے کے لئے چیئر لفٹ کا ہی سہارا لیا جاتا ہے، بٹگرام میں بھی اسی طرح کی کہانی ہے،چیئر لفٹ میں پھنسنے والے بچے روزانہ ہی سکول جانے کے لئے اسی چیئر لفٹ پر سفر کرتے تھے،کیونکہ انکے پاس کوئی متبادل راستہ نہیں تھا، انفراسٹرکچر کی کمی ہے، یہ صورتحال دو اہم کوتاہیوں کو سامنے لاتی ہے، دودراز علاقوں میں تعلیمی اداروں کی عدم موجودگی کی وجہ سے طلبا کو یہ سفر کرنا پڑتا ہے اور اس سفر کے لئے انہیں چیئر لفٹ کا ہی سہارا لینا پڑتا ہے اگر وہ پیدل جانے کا سوچیں تو انہیں دو گھنٹے لگیں ،یہی چیئر لفٹ وہی دو گھنٹوں کو پیدل سفر چار منٹ میں طے کروا دیتی ہے

    بی بی سی کی ایک رپورٹ کے مطابق، محبت شاہ نامی ایک مقامی رہائشی نے محدود سفری آپشنز پر زور دیا۔ ڈولی پر سواری کی لاگت 10 روپے فی مسافر یک طرفہ ہے، جبکہ اسی مقام پرپہنچنے کے لیے ٹیکسی کا کرایہ تقریبا 2000 ہو جاتا ہے،ڈولی سسٹم کے لیے پہل مقامی باشندوں نے کی، جنہوں نے شہر کے معاملات کی نگرانی کرنے والے متعلقہ حکام سے اجازت طلب کی۔ ڈولی جانگری اور بٹنگی گاؤں کے درمیان سفر کی سہولت فراہم کرتی ہے، جہاں اسکول واقع ہے۔ ڈولی یا چیئر لفٹ،پک اپ ٹرک اور موٹر سائیکلوں کے اجزا سے بنائی گئی ہے،

    مقامی شہریوں کو چیئر لفٹ ، ڈولی کی اجازت سے سوال پیدا ہوتا ہے کہ حکومت اپنے شہریوں کو یکساں ضروری خدمات فراہم کرنے میں ناکام ہے وہیں، ایسی سہولیات کی دیکھ بھال کی ذمہ داری کس پر بنتی ہے؟ اگر کوئی ذمہ دار ادارہ ہوتا تو ڈولی کے کمزور پوائنٹس کی نشاندہی ہوتی اور اس واقعہ کو رونما ہونے سے روکا جا سکتا تھا

    خیبر پختونخواہ کی صوبائی حکومت اس واقعہ کی جوابدہ ہے، کے پی کے کئی علاقوں میں تعلیمی اداروں کا نہ ہونا یہ بھی وضاحت طلب ہے، تحریک انصاف کی گزشتہ برسوں کے پی میں حکومت رہی، کے پی کے اکثر علاقوں میں نقل و حمل کے لیے چیئر لفٹ کا استعمال کیا جاتا ہے اور شہریوں نے اپنی مدد آپ کے تحت یہ ڈولی لگائی ہوتی ہیں،ان علاقوں میں نقل و حمل کے لئے متبادل سرمایہ کاری کی کمی خدشات کو جنم دیتی ہے،باقاعدہ دیکھ بھال اور مرمت ، اس کا بھی خیال رکھنا چاہئے،کیا خیبر پختونخواہ کے سابق وزیر اعلیٰ پرویز خٹک کو ان مسائل کو حل کرنے کے لیے آگے بڑھنا چاہیے؟

    بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

    لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان

    لوگ لندن اور امریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو

    صوبہ بھر کی چئیر لفٹس کے معائنہ کی ہدایت

    آرمی ریسکیو ہیلی کاپٹر کے لفٹ کے قریب پہنچتے ہی ڈولی نے ہلنا شروع کر دیا 

  • دہشتگرد، سہولتکار اُن کے ساتھیوں کا پیچھا کریں گے،آرمی چیف

    دہشتگرد، سہولتکار اُن کے ساتھیوں کا پیچھا کریں گے،آرمی چیف

    آرمی چیف جنرل عاصم منیر نے جنوبی وزیرستان کا دورہ کیا ہے

    آرمی چیف جنرل عاصم منیر نے شمالی وزیرستان کے ضلع شیروانگی کا دورہ کیا،ڈی جی آئی ایس پی آر کے مطابق آرمی چیف جنرل سید عاصم منیر کو اسما منزہ کے قریب دہشت گرد حملے سے متعلق بریفنگ دی، آرمی چیف نے دہشت گرد حملے میں زخمی ہونے والے جوانوں کی عیادت کی،

    ڈی جی آئی ایس پی آر کے مطابق آرمی چیف جنرل سید عاصم منیر نے جنوبی وزیرستان کے دورہ کے موقع پر جوانوں سے خطاب میں کہا کہ دہشتگرد، سہولت کار اور اُن کے ساتھی ملک دشمن ایجنڈے پر عمل پیرا ہیں، ان کا پیچھا کریں گے، پاکستان میں مکمل امن و استحکام واپس آئے گا،

    شمالی وزیرستان آمد پر آرمی چیف کو موجودہ انٹیلی جنس اور انسداد دہشت گردی کی کارروائیوں سمیت موجودہ سیکیورٹی صورتحال پر تفصیلی بریفنگ دی گئی۔ آرمی چیف جنرل سید عاصم منیر نے علاقے میں تعینات افسران اور فوجیوں سے بات چیت کی اور دہشت گردی کی لعنت سے لڑنے میں ان کے غیر متزلزل عزم کو سراہا۔ ڈی جی آئی ایس پی آر کے مطابق آرمی چیف جنرل سید عاصم منیر نے جنوبی وزیرستان کے دورہ کے موقع پر جوانوں سے خطاب میں کہا کہ شہدا ہمارا فخر ہیں اور پاکستان میں مکمل امن و استحکام کی واپسی تک ان کی قربانیاں رائیگاں نہیں جائیں گی۔

    قبل ازیں آمد پر کور کمانڈر پشاور نے آرمی چیف کا استقبال کیا۔

    واضح رہے کہ جنوبی وزیرستان کے علاقے آسمان منزہ میں سیکورٹی فورسز اور دہشت گردوں کے مابین فائرنگ ہوئی، سکیورٹی فورسز نے مؤثر طریقے سے دہشتگردوں کے ٹھکانے کا پتا لگایا اور اس دوران فائرنگ کے تبادلے میں 4 دہشتگرد جہنم واصل ہوئے جبکہ 2 دہشتگرد زخمی ہوئے ، اس آپریشن کے دوران پاک فوج کے چھ بہادر سپاہیوں نے جام شہادت نوش کیا ہے، علاقے میں دہشتگردوں کے خاتمے کے لیے سینیٹائزیشن آپریشن جاری ہے پاکستان کی مسلح افواج دہشتگردی کے خاتمے کے لیے پُرعزم ہے اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں

    بیرونی سازش ہو اور فوج خاموشی سے بیٹھی رہے، یہ گناہ کبیرہ ہے،آرمی چیف

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    بنوں آپریشن کے بعد سپہ سالار جنرل عاصم منیر کا وزیرستان،ایس ایس جی ہیڈکوارٹر کا دورہ بھی اہمیت کا حامل 

    واضح رہے کہ سیکورٹی فورسز پاکستان کے امن کے لئے جانوں کے نذرانے دے رہی ہیں، قیام امن کے لئے سیکورٹی اداروں کی قربانیاں قابل تحسین ہیں، پاکستانی قوم وطن کے دفاع کے لئے جانیں قربان کرنے والے جوانوں کو خراج عقیدت ہیش کرتی ہے،وطن عزیز سے دہشت گردی کے خاتمے کے لئے پاکستانی قوم پاک فوج کے شانہ بشانہ کھڑی تھی، ہے اور رہے گی،

    محکمہ انسداد دہشت گردی خیبرپختونخواہ دہشت گردی کا مقابلہ کرنے کی صلاحیت نہیں رکھتا: قومی اداروں کی رپورٹ میں ہوشربا انکشاف

    عمران خان اسمبلیاں توڑنے میں اور دہشتگرد خیبرپختونخوا کے بے گناہ عوام کو قتل کرنے میں مصروف ہیں

     حیدر آباد میں چینی ڈاکٹر کو ٹارگٹ کرنے کی کوشش سی ٹی ڈی نے ناکام بنا دی

  • جنوبی وزیرستان،فورسز کی فائرنگ،ایک دہشتگرد جہنم واصل

    جنوبی وزیرستان،فورسز کی فائرنگ،ایک دہشتگرد جہنم واصل

    جنوبی وزیرستان کے علاقے لدھا میں فورسز اوردہشت گردوں کے درمیان فائرنگ کا تبادلہ ہوا ہے

    ڈی جی آئی ایس پی آر کے مطابق فائرنگ کے نتیجے میں ایک دہشت گرد کو جہنم واصل کر دیا گیا،مارے گئے دہشت گرد سے اسلحہ اور گولہ بارود بھی برآمد کر لیا گیا، دہشت گرد علاقے میں دہشت گردی کی مختلف کارروائیوں میں سرگرم تھا،ڈی جی آئی ایس پی آر کے مطابق علاقے سے دہشت گردی کے خاتمے کے لیے آپریشن جاری رہے گا

    بیرونی سازش ہو اور فوج خاموشی سے بیٹھی رہے، یہ گناہ کبیرہ ہے،آرمی چیف

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    بنوں آپریشن کے بعد سپہ سالار جنرل عاصم منیر کا وزیرستان،ایس ایس جی ہیڈکوارٹر کا دورہ بھی اہمیت کا حامل 

    واضح رہے کہ سیکورٹی فورسز پاکستان کے امن کے لئے جانوں کے نذرانے دے رہی ہیں، قیام امن کے لئے سیکورٹی اداروں کی قربانیاں قابل تحسین ہیں، پاکستانی قوم وطن کے دفاع کے لئے جانیں قربان کرنے والے جوانوں کو خراج عقیدت ہیش کرتی ہے،وطن عزیز سے دہشت گردی کے خاتمے کے لئے پاکستانی قوم پاک فوج کے شانہ بشانہ کھڑی تھی، ہے اور رہے گی،

    محکمہ انسداد دہشت گردی خیبرپختونخواہ دہشت گردی کا مقابلہ کرنے کی صلاحیت نہیں رکھتا: قومی اداروں کی رپورٹ میں ہوشربا انکشاف

    عمران خان اسمبلیاں توڑنے میں اور دہشتگرد خیبرپختونخوا کے بے گناہ عوام کو قتل کرنے میں مصروف ہیں

     حیدر آباد میں چینی ڈاکٹر کو ٹارگٹ کرنے کی کوشش سی ٹی ڈی نے ناکام بنا دی