وزیر دفاع خواجہ آصف نے کہا کہ فوج کی بہادری کی داستان کتابوں میں بیان کی جائیں گی، اللہ نے ہمیں ہرمیدان میں فتح دی، اب ہماری جنگ دہشت گردوں کے خلاف ہے۔
سیالکوٹ میں پاک فوج سے اظہاریکجہتی کیلئے طالبات کی بڑی تعداد وزیردفاع خواجہ آصف کی رہائش گاہ پہنچی اور پاک فوج زندہ باد کے نعرے لگائے طالبات کی جانب سے خواجہ آصف کا شاندار استقبال کیا گیا اور گلدستے پیش کیےگئے، اس موقع پرخواجہ آصف نے بچو ں کے سر پر شفقت کا ہاتھ رکھا اور میڈیا سےگفتگو کرتے ہوئےانہوں نے کہا کہ بچوں کا اپنے وطن سے محبت کا انداز منفرد ہے جو میر ے لئے جذباتی لمحات ہیں آئندہ مستقبل میں یہ بچے خود پر فخر محسوس کریں گے۔
وزیر دفاع نے میڈیا سے گفتگو میں کہا کہ 10 مئی کی رات تاریخ میں فیصلہ کن موڑ آیا اور ہماری افواج نے بھارت کے بڑے بڑے جہازوں کو پتنگوں کی طرح کاٹ کر رکھ دیا اللہ کے کرم سے مشرقی سرحدوں پرفتح حاصل کی اس سےبڑھ کرمغربی محاذ پرکامیاب ہوں گے۔
روہنگیا مسلمانوں کے ساتھ غیر انسانی رویہ، اقوام متحدہ نے بھارت سے جواب طلب کرلیا
خواجہ آصف نے پاک افواج کے سربراہان کوفتح پر مبارکباد پیش کرتے ہوئے کہا کہ پاک فوج کی بہادری کی داستان کتابوں میں بیان کی جائے گی بھارت کے دس جہاز ہمارے نشانے پر تھے ابھی وہ ادھار بھی باقی ہے کیونکہ مودی اس وقت اپنے زخم چاٹ رہا ہےقومی وحدت میں جو دراڑیں نظر آتی تھیں اب وہ اتحاد میں بدل چکی ہیں اب سے ہماری جنگ دہشتگردی کے خلاف ہے اگر بھارت نے دوبارہ جارحیت کی تو پہلے سے زیادہ موثرجواب دیں گے-
ان کا کہنا تھا کہ وزیراعظم شہبازشریف نے ہر وقت ہر لمحہ قو م کی قیادت کی ہے، بہادر فوج کو یہ باور کروایا کہ حکومت دل و جان سے آپ کے ساتھ ہے نوجوان نسل کو تاریخ سے روشناس کرانا چاہیے، ہم نے قربانیا ں دیکر پاکستان کو حاصل کیا، آزادی کے بعد سے اب تک بھارت پاکستان کے خلاف ہے-
روہنگیا مسلمانوں کے ساتھ غیر انسانی رویہ، اقوام متحدہ نے بھارت سے جواب طلب کرلیا
