Tag: پاک فوج

27فروری2019 پاک فضائیہ کی یاد گار فتح پاک فضائیہ کی اس دلیری اور شاندار کامیابی کو منانے کے لئے
اروا فاونڈیشن کے زیر اہتمام یادگار تقریب منعقد کی گیی۔
تقریب کی صدارت اروا فاونڈیشن کے مرزا اسد اللہ سعید نے کی۔تقریب میں صوبائی وزیر سید یاور عباس بخاریصوبائی پارلیمانی سیکرٹری سردار مہندر پال سنگھ ، چوہدری سلطان علی ۔اشرف بٹر ایڈووکیٹ, چیئرمین کل مسالک علماء بورڈ مولانا محمد عاصم مخدوم , ممتاز حامد منصور، صفدراحمد ،قاسم علی قاسمی, چوہدری محمد ارشد گجر , منظور احمد, اروا فاونڈیشن کے جنرل سیکرٹری رانا ظہیر اصغر نے شرکت کی۔
سید یاور بخاری صوبائی وزیرنے کہا کہ وہ پاک فوج اور پاک فضائیہ کی خدمات کو خراج تحسین پیش کرتے ہیں ۔
پاک فوج نے وطن عزیز کے لیے لازوال قربانیاں دی ہیں

سردار مہندر پال سنگھ صوبائی پارلیمانی سیکرٹری نے کہا کہ فوج کے خلاف کسی بھی قسم کی ہرزا سرائی کو برداشت نہیں کریں گے ۔
مولانا عاصم مخدوم نے کہا کہ پاک فوج نے ملک کی سلامتی کے لیے لازوال قربانیاں دی ہیں.پاک فوج نڈر، بہادر اور دشمن کے ہر وار کا جواب دینے کی صلاحیت رکھتی ہے.قوم کو اپنی فوج پر فخر ہے۔ پوری قوم اپنی فوج کے شانہ بشانہ کھڑی ہے ۔ اپنی فوج کے خلاف بولنے والے محب وطن نہیں ہوسکتے۔

سینیٹر رحمان ملک کی زیرصدارت سینیٹ قائمہ کمیٹی داخلہ کا اجلاس منعقد ہوا۔ سینیٹ قائمہ کمیٹی داخلہ کے اجلاس میں اعتزاز احسن خصوصی طور پر شریک ہوئے- سینیٹ قائمہ کمیٹی داخلہ کا ‏جنوبی وزیرستان میں پاک فوج کے چار جوانوں کی شہادت پر گہرے دکھ و افسوس کا اظہارکیا گیا- کمیٹی نے وزیرستان میں پاک فوج کےشہداء کے لئے فاتحہ خوانی کی گئی-

سینیٹر رحمان ملک کا کہنا تھا کہ کیمٹی دہشتگردوں کی طرف سے پاک فوج پر بزدلانہ حملے کی شدید مذمت کرتی ہے- اللہ تعالی شہداء کی قربانی کو قبول اور اعلٰی مقام عطا فرمائے- شہید جوانوں کے خاندانوں کے غم میں برابر کے شریک ہیں- شہداء اور شہداء کے لواحقین کو سلام و خراج عقیدت پیش کرتے ہیں- ہمارے شہداء کا خون رائیگاں نہیں جائے گا، شکست دشمن عناصر کا مقدر ہے- سخت اپریشن کے ذریعے جنوبی وزیرستان کو ان سفاک دھشتگردوں سے مکمل پاک کیا جائے- دشمن عناصر اسطرح کے بزدلانہ حملوں سے ملک میں امن و امان برباد کرنا چاہتے ہیں-

سینیٹر رحمان ملک نے مزید کہا کہ دشمن اپنی مذموم عزائم میں کبھی کامیاب نہیں ہونگے- بھارت افغانستان کی سرزمین کو پاکستان کیخلاف دھشتگردانہ واقعات کے لئے استعمال کر رہا ہے- حکومت پاکستان دھشتگردانہ حملوں کا معاملہ حکومت افغانستان کیساتھ اٹھایا جائے- حکومت سے ایک بار پھر مطالبہ کرتا ہوں کہ مودی کیخلاف عالمی عدالت انصاف میں جائے- یہ کمیٹی ہر اجلاس میں مظلوم کشمیریوں کیساتھ اظہار یکجہتی کا اظہار کرتی آئی ہے-

کور کمانڈر کراچی نے جائے حادثہ پر امدادی سرگرمیوں کا جائزہ لیا
آرمی چیف کی ہدایت کی روشنی میں پاک فوج اور رینجرز کے دستے امدادی سرگرمیوں میں پیش پیش .

پاک فوج اور رینجرز کے دستوں کی امدادی سرگرمیوں میں بھرپور معاونت.

فواج پاکستان نے ہر مشکل گھڑی میں ملک و قوم کا تحفظ کیا ہے۔ میجر محمد اصغر نے قوم کو کورونا وباء سے بچانے کے عمل میں جان کی قربانی دی۔ صوبائی حکومت لمحہ بہ لمحہ کورونا وائرس کی صورت حال مانیٹر کر رہی ہے۔ حکومتی گائیڈ لائنز پر عملدرآمد نہ کرنے والوں کے کاروبار کو سیل کر دیا جائے گا۔ ان خیالات کا اظہار وزیرِ اعلیٰ خیبر پختونخوا کے مشیر اطلاعات و تعلقات عامہ اجمل خان وزیر نے پشاور میں میڈیا بریفنگ کے دوران کیا۔ ان کا کہنا تھا کہ شہید میجر محمد اصغر طورخم بارڈر پر خدمات سر انجام دے رہے تھے جہاں وہ کورونا وائرس کا شکار ہوئے۔ اجمل وزیر کا افواج پاکستان کی ملک و قوم کے لیے خدمات کو خراج تحسین پیش کرتے ہوئے کہنا تھا کہ بارڈرز پر دشمن کا مقابلہ کرنا ہو یا کسی بھی آفت سے نمٹنا ہو پاک فوج کے جوان اپنی جان پر کھیل کر شہریوں کو تحفظ فراہم کرتے ہیں۔ پوری قوم اس وباء سے برسرِ پیکار پاک فوج، طبی عملے اور دیگر فرنٹ لائن ورکرز کو سلوٹ پیش کرتی ہے۔ اجمل وزیر کا صوبے میں کورونا نمٹنے کے لیے اٹھائے گئے اقدامات کے حوالے سے کہنا تھا کہ خیبرپختونخوا میں اس وقت 359 قرنطینہ مراکز قائم ہیں جن میں 22483 افراد کو قرنطینہ کرنے کی گنجائش ہے۔ یہ مراکز صوبے کے مختلف اضلاع میں بنائے گئے ہیں۔ قرنطینہ مراکز میں رکھے گئے افراد کی نگداشت کے لیے عملے کے 443 ارکان اپنی خدمات سر انجام دے رہے ہیں۔ مشیر اطلاعات نے بتایا کہ پشاور ائیرپورٹ پر اب تک 8 فلائٹس کے ذریعے 1932 افراد وطن واپس آئے ہیں جنہیں مختلف قرنطینہ مراکز میں رکھا گیا۔ بیرون ممالک سے آنے والے ان پاکستانی شہریوں میں سے 1140 افراد کو اسکریننگ اور کورونا ٹیسٹ منفی آنے کے بعد گھروں کو بھیجا گیا ہے جبکہ 792 افراد اب بھی قرنطینہ مراکز میں قیام پذیر ہیں۔ خیبرپختونخوا میں ٹڈی دل کے حملوں کے حوالے سے اجمل وزیر کا کہنا تھا کہ اس وقت صوبے کے 15 اضلاع میں ٹڈی دل کے انسداد کے لیے 25833 ایکڑ اراضی پر اسپرے کیا جا چکا ہے۔ مشیر اطلاعات نے مزید کہا کہ لاک ڈاؤن میں نرمی کے بعد حکومتی گائیڈ لائنز پر عملدرآمد نہ کرنے والوں کا کاروبار کو سیل کیا جائے گا۔ انہوں نے صوبے کے عوام خصوصاً پشاور کے شہریوں سے اپیل کی کہ وہ غیر ضروری طور پر گھروں سے نہ نکلیں اور حفاظتی تدابیر اختیار کریں۔ صوبائی حکومت اپنے شہریوں کو اس مہلک وباء سے بچانے کے لیے ہر ممکن اقدامات اٹھا رہی ہے اور اس سلسلے میں وزیرِ اعلیٰ خیبر پختونخوا محمود خان خود لمحہ بہ لمحہ صورتحال کی مانیٹرنگ کر رہے ہیں۔ مشیر اطلاعات نے کورونا وائرس سے متاثر مریضوں کے اعداد و شمار کے حوالے بتایا کہ گزشتہ روز 160 نئے مریض سامنے آنے کے بعد صوبے میں کل کیسز کی تعداد 4669 ہو گئی ہے جبکہ اب تک 1126 افراد صحت یاب بھی ہوچکے ہیں۔ گزشتہ 24گھنٹوں میں 11 اموات بھی ریکارڈ ہوئیں جس سے صوبے میں اموات کی کل تعداد 245 ہوگئی ہے۔