Baaghi TV

Tag: پروازیں

  • مشرق وسطیٰ میں کشیدگی: پی آئی اے کی فجیرہ کے لیے پروازیں معطل

    مشرق وسطیٰ میں کشیدگی: پی آئی اے کی فجیرہ کے لیے پروازیں معطل

    اسلام آباد: پی آئی اے نے خطے کی صورت حال کے پیش نظر فجیرہ کے لیے اپنی پروازیں معطل کرنے کا اعلان کردیا۔

    پاکستان انٹرنیشنل ایئرلائنز کی جانب سے جاری اعلامیے کے مطابق خلیجی ممالک میں سیکیورٹی کی صورتحال کے پیشِ نظر ایئر لائن نے اگلے 48 گھنٹے کے لیے فجیرہ کے لیے اپنی پروازیں فوری طور پر معطل کر دی ہیں۔

    ترجمان پی آئی اے کا مزید کہنا ہے کہ متحدہ عرب امارات کے شہر العین کے لیے ایئر لائن کی پروازیں حسب معمول جاری رہیں گی وضاحت کرتے ہوئے انہوں نےبتایا کہ فی الحال متحدہ عرب امارات کے لیے پروازیں صرف العین کے لیے ہی آپریٹ کی جائیں گی۔

    مشرق وسطیٰ میں کشیدگی: پی آئی اے کی فجیرہ کے لیے پروازیں معطل

    بغداد میں امریکی سفارتخانے پر مسلسل دوسرے روز حملہ

    ایران نے اسرائیل پر میزائل داغ دیئے،تل ابیب،یروشلم میں سائرن

  • مشرق وسطیٰ جنگ: پاکستان کے مختلف ایئر پورٹس سے 90 پروازیں منسوخ

    مشرق وسطیٰ جنگ: پاکستان کے مختلف ایئر پورٹس سے 90 پروازیں منسوخ

    مشرق وسطیٰ جنگ کے باعث پاکستان کے مختلف ایئر پورٹس سے مزید 90 پروازیں منسوخ ہوگئیں –

    ایئرپورٹ ذرائع کے مطابق کویت، بحرین، متحدہ عرب امارات، ایران، عراق اور قطر جانے اور وہاں سے آنے والی متعدد پروازیں منسوخ کی گئی ہیں، غیر یقینی صورتحال اور فضائی راستوں میں ممکنہ خطرات کے باعث کئی ملکی اور غیر ملکی ایئر لائنز نے اپنے فلائٹ آپریشن عارضی طور پر محدود کر دیئے ہیں۔

    ذرائع کا کہنا ہے کہ گزشتہ 17 روز کے دوران پاکستان کے مختلف ایئرپورٹس سے پروازوں کی آمد و رفت شدید متاثر رہی ہے، اس عرصے میں مجموعی طور پر 1955 پروازیں منسوخ ہو چکی ہیں جس سے ہزاروں مسافر متاثر ہوئے۔

    فرانسیسی صدر کا ایران سےآبنائے ہرمز سے جہازوں کی آمدورفت بحال کرنے کا مطالبہ

    لاہور ایئرپورٹ ذرائع کے مطابق موجودہ صورتحال کے پیش نظر کویت، قطر، بحرین اور ایران سمیت دیگر مشرقِ وسطیٰ کے ممالک کے لیے ایک درجن سے زائد ملکی و غیر ملکی ایئر لائنز نے اپنی پروازیں منسوخ کر دی ہیں،خطے میں صورتحال بہتر ہونے تک پروازوں کے شیڈول میں مزید تبدیلیاں بھی کی جا سکتی ہیں۔

    کوسٹ گارڈز کی گوادر میں کارروائی، اعلی کوالٹی کی منشیات برآمد کرلیں

  • مشرق وسطیٰ میں کشیدگی: 5 روز میں 20 ہزار سے زائد پروازیں منسوخ

    مشرق وسطیٰ میں کشیدگی: 5 روز میں 20 ہزار سے زائد پروازیں منسوخ

    مشرق وسطیٰ میں جاری جنگ کے باعث گزشتہ پانچ روز کے دوران 8 ممالک کی منسوخ ہونے والی پروازوں کی تعداد 20 ہزار سے تجاوز کرگئی۔

    فلائٹ شیڈول کے مطابق پاکستان سے آج مسلسل چھٹے روز بھی مشرق وسطیٰ کے لیے پروازیں متاثر رہیں اور مجموعی طور پر 145 پروازیں منسوخ کردی گئیں۔

    ایوی ایشن ذرائع کے مطابق کراچی سے مشرق وسطیٰ کے لیے 35، لاہور سے 29، ملتان سے 12 پروازیں منسوخ کی گئیں، جبکہ اسلام آباد سے 35، پشاور سے 14، سیالکوٹ سے 12 اور فیصل آباد سے 6 پروازیں بھی منسوخی کا شکار ہوئیں ، اس کے علاوہ کوئٹہ سے مشرق وسطیٰ کے لیے 2 پروازیں بھی منسوخ کر دی گئیں۔

    سعودی عرب کی ریاض میں امریکی سفارت خانے پر ایرانی حملےکی شدید مذمت

    دوسری جانب خلیجی ممالک میں ہنگامی انخلا کے پیش نظر دبئی، ابوظبی اور شارجہ ائیرپورٹس سے 167 خصوصی پروازیں آپریٹ کی گئیں حملوں کے باعث ریاض اور دمام کے فضائی آپریشن بھی متاثر ہوئے، جہاں بدھ کے روز 57 پروازیں منسوخ جبکہ 46 پروازیں تاخیر کا شکار رہیں۔

    علاوہ ازیں دبئی، ابوظبی، شارجہ، کویت، بحرین اور دوحہ سمیت خطے کے کئی ائیرپورٹس پر فلائٹ آپریشن شدید متاثر رہا، کویت اور دوحہ سے گزشتہ پانچ روز کے دوران ایک بھی پرواز آپریٹ نہیں ہوسکی، ایران کی 240، عراق کی 215، بیروت کی 58، حیفا کی 25 اور تل ابیب کی 380 پروازیں بھی منسوخ کی جاچکی ہیں۔

    ایرانی وزیر خارجہ اور کرد رہنما بافل طالبانی میں ٹیلیفونک رابطہ

  • خطےکی کشیدہ صورت حال: پاکستان سے مشرق وسطیٰ کی آج بھی سینکڑوں پروازیں منسوخ

    خطےکی کشیدہ صورت حال: پاکستان سے مشرق وسطیٰ کی آج بھی سینکڑوں پروازیں منسوخ

    خطے کی کشیدہ صورت حال کے باعث پاکستان سے مشرق وسطی کی آج بھی 155 پروازیں منسوخ کردی گئیں۔

    کراچی کی 38، لاہور 32، اسلام آباد کی 36 پروازیں منسوخ کی گئیں پشاور کی 16، سیالکوٹ 13، فیصل آباد 8، ملتان 10، کوئٹہ کی 2 پروازیں منسوخ کی گئیں۔ پاکستان کی 4 دن میں مشرق وسطی کی منسوخ پروازیں 600 سے تجاوزکرگئیں۔

    آج بھی 8 ملکوں کی فضائی حدود اور فلائٹ آپریشنز بند ہیں دبئی،ابوظبی،شارجہ، دوحہ، کویت، بحرین ائیرپورٹس زیادہ متاثر ہیں ابوظبی، دبئی ائیرپورٹس پر پھنسے مسافروں کو 34 پروازوں سے پہنچایا گیا اعلامیے کے مطابق اتحاد ائیرنے 24 پروازوں کے بعدفلائٹ آپریشن آج دوپہر 2 بجے تک بند کردیا ایمریٹس نے بھی دبئی سے 16 پروازیں روانہ کیں، کچھ کی واپسی ہوئی ایک پرواز میں 160 مسافروں کی اوسط سے 26 لاکھ مسافر متاثر ہوئے۔

    شہر کے دو درباروں پر موٹر سائیکل پارکنگ کرنے والوں سے اوور چارجنگ

    4 دن میں مشرق وسطیٰ کی 16 ہزار سے زائد پروازیں منسوخ ہوئیں فضا کی مسلسل بندش کے باعث ایران کے ائیرپورٹس کی 1000 پروازیں منسوخ کی گئیں مشرق وسطی کے 7 بڑے ائیرپورٹس کی 10ہزار پروازیں منسوخ ہوچکی ہیں اسرائیل کے تل ابیب ائیرپورٹ سے 4 دن میں 1600 پروازیں منسوخ ہوئیں، ار دن کی 828، بیروت اور حائفہ ائیرپورٹ کی 500 جبکہ دمشق، النجف، بصرہ اور دیگر ائیرپورٹس کی 875 پروازیں منسوخ ہوئیں۔

    علاوہ ازیں قطر ائیر ویز، فلائی دبئی اور ائیر عربیہ کے 3 طیارے28فروری سے کراچی ائیرپورٹ کی پارکنگ میں موجود ہیں غیر ملکی ائیر لائنز کے طیاروں کی کراچی ائیرپورٹ آمد اور پارکنگ سے پی اے اے کو پارکنگ فیس کی مد میں ہزاروں ڈالر کا ریونیو بھی حاصل ہوا ہے۔

    
چین کا ایران پر امریکی و اسرائیلی حملوں کی مذمت، ایک چینی شہری ہلاک، ہزاروں افراد کا انخلا مکمل

    پاکستان ائیرپورٹ اتھارٹی ذرائع کے مطابق28 فروری کے دن اچانک فضائی حدود کی بندش سے پاکستان کی فضائی حدود سے گزرنے والی 27 پروازوں کے طیاروں نے کراچی ائیرپورٹ پر لینڈنگ کی تھی اس میں طیاروں کی ٹیکنیکل لینڈنگ، ڈائیورژن اور ری روٹ شامل ہیں۔

    ترجمان پی اے اے کے مطابق عالمی ہوا بازی کی تنظیم آئیکا کی ہداہت پر آپریشنل کرائسز کنٹرول (occ) تمام ائیرپورٹس پر فعال ہوتے ہیں۔ 28 فروری کو کراچی ائیرپورٹ پر 15 سے زائد طیاروں کی ڈائیورژن ہوئی تھی، مختلف ائیرلائنز کے 12 طیارے چلے گئے لیکن غیر ملکی ائیر لائنز کے 3 طیارے کراچی ائیرپورٹ کی پارکنگ پر تاحال موجود ہیں، جن میں قطر ائیر ویز، فلائی دبئی اور ائیر عربیہ شامل ہیں، ان پروازوں کے تمام مسافر 28 فروری سے کراچی کے ہوٹلوں میں مقیم ہیں، مختلف ائیر لائنز اپنے مسافروں کو متبادل کے طور پر ان کی منزل مقصود پر روانہ کر رہی ہے۔

    
شاہد آفریدی کی شاہین آفریدی پر کڑی تنقید، آخری اوور مہنگا ثابت ہونے پر سوالات

  • موسم کی خرابی :4 پروازیں منسوخ جبکہ 67 پروازیں تاخیر کا شکار

    موسم کی خرابی :4 پروازیں منسوخ جبکہ 67 پروازیں تاخیر کا شکار

    موسم کی خرابی اور انتظامی مسائل کے باعث آج بھی 4 پروازوں کو منسوخ کر دیا گیا جبکہ 67 پروازیں تاخیر کا شکار ہیں۔

    فلائٹ شیڈول کے مطابق پشاور دوحہ کے مابین غیرملکی ایئر لائن کی 2 پروازیں منسوخ کر دی گئی ہیں اس کے علاوہ لاہور مشہد کے درمیان غیرملکی ایئر لائن کی 2 پروازوں کو منسوخ کیا گیا ہے۔

    فلائٹ شیڈول کے مطابق اسلام آباد ایئر پورٹ کی 27 پروازوں میں 1 سے ساڑھے 5 گھنٹے تک تاخیر ہوئی ہے،پشاور ایئرپورٹ پر 6، ملتان 5، کراچی 16 جبکہ لاہور کی 10 پروازیں تاخیر کا شکار ہیں۔

    دوسری جانب پنجاب، بالائی سندھ اور خیبرپختونخوا کے میدانی علاقوں میں گہری دھند کی وجہ سے معمولات زندگی متاثر ہیں شدید دھند کی وجہ سے موٹروے ایم ون، صوابی سے پشاور، ایم 2 ٹھوکر نیاز بیگ سے بلکسر، ایم 3 فیض پور سے سمندری اور ایم 4 پنڈی بھٹیاں سے فیصل آباد تک بند کردی گئی اس کے علاوہ ایم 5 شیرشاہ سے سکھر اور ایم 11 لاہور سے سمبڑیال تک بند ہے۔

    پنجاب: ہر ضلعی اسپتال میں جدید کارڈیک کیتھ لیب کا آغاز

    جبکہ سردی کے حوالے سے محکمہ موسمیات کا کہنا ہے کہ گزشتہ 24 گھنٹوں کے دوران ملک میں سب سے کم درجہ حرارت اسکردو میں منفی 12 ڈگری سینٹی گریڈ ریکارڈ کیا گیا اس کے علاوہ کراچی میں کم سے کم درجہ حرارت 9 ڈگری سینٹی گریڈ رہا۔

    محکمہ موسمیات کے مطابق آئندہ 24 گھنٹوں کے دوران کراچی کا موسم خشک اور رات میں سرد رہنے کا امکان ہےشہر کا کم سے کم درجہ حرارت 9.5 ڈگری سینٹی گریڈ ریکارڈ ہوا اور کم سے کم درجہ حرارت 8 سے 10ڈگری سینٹی گریڈ تک رہنے کی توقع ہے اس کے علاوہ شہر کا زیادہ سے زیادہ درجہ حرارت 24سے 26ڈگری سینٹی گریڈ تک رہنے کا امکان ہے، ہوا میں نمی کا تناسب 58 فیصد ہے اور شمال مشرق کی سمت سے ہوائیں چل سکتی ہیں۔

    پنجاب: بیرونِ ملک روزگار کے خواہشمند نوجوانوں کے لیے پرواز کارڈ پروگرام متعارف

    محکمہ موسمیات نے مزید بتایا کہ شہر میں رات سب سے کم درجہ حرارت جناح ٹرمینل پر 7.9 ڈگری سینٹی گریڈ ریکارڈ ہوا، گلستان جوہر میں 10.5، شارع فیصل 11.5، بن قاسم میں 11 اور ماڑی پور میں 12.5 ڈگری سینٹی گریڈ ریکارڈ کیا گیا۔

  • لاہور موسم کی خرابی اور دھند کے باعث پروازوں کی آمد و رفت میں تاخیر

    لاہور موسم کی خرابی اور دھند کے باعث پروازوں کی آمد و رفت میں تاخیر

    لاہور میں موسم کی خرابی اور دھند کے باعث پروازوں کی آمد و رفت میں تاخیر پیش آرہی ہے۔

    اتحاد ایئر لائن کی ابو ظہبی سے لاہور آنے والی پرواز کو اسلام آباد ائیرپورٹ اتار لیا گیا ہے،سعودی ایئر لائن کی پرواز بارہ گھنٹے کی تاخیر سے لاہور پہنچی جبکہ دھند کی وجہ سے ایک درجن سے زائد پروازیں دو سے بارہ گھنٹے کی تاخیر کا شکار ہیں۔

    علامہ اقبال انٹرنیشنل ایئرپورٹ سے دبئی، ابو ظہبی، استنبول، شارجہ، جدہ ،مدینہ منورہ جانے والی پروازیں بھی تاخیر کا شکار رہی ہیں،ایئر لائن نے مسافروں کو ائیرپورٹ آنے سے قبل پروازوں کی معلومات لیکر آنے کی ہدایت کر دی ہے۔

    دورہ کراچی کے دوران وزیراعلیٰ سندھ سے ملوں گا،سہیل آفریدی

    دوسری جانب نیشنل ڈیزاسٹر مینجمنٹ اتھارٹی(این ڈی ایم اے) کی جانب سے پنجاب میں شدید دھند کے حوالے سے الرٹ جاری کردیا،این ڈی ایم اے کے مطابق اگلے 3 روز کے دوران جنوبی اور وسطی پنجاب کے مختلف علاقوں میں شدید دھند کا امکان ہے۔

    چوہوں نے 200 کلو چرس کھا کر گرفتار ملزم کو رہائی دلوا دی

    این ڈی ایم اے کے مطابق لاہور، جھنگ، ملتان، خانیوال، میاں چنوں اور ساہیوال میں شدید دھند متوقع ہے جب کہ اوکاڑہ، پاکپتن، بہاولپور، بہاولنگر، لودھراں اور وہاڑی کے علاقوں میں بھی شدید دھند کا امکان ہےاس کے علاوہ بالائی سندھ کے علاقوں بالخصوص سکھر کے اطراف دھند ہوسکتی ہے جب کہ اسلام آباد میں بھی رات اور علی الصبح دھند کے امکانات موجود ہیں۔

    چوہوں نے 200 کلو چرس کھا کر گرفتار ملزم کو رہائی دلوا دی

  • ایران، عراق اور اسرائیل سمیت خطے کی تمام فضائی حدود کھول دی گئیں

    ایران، عراق اور اسرائیل سمیت خطے کی تمام فضائی حدود کھول دی گئیں

    ایران اسرائیل جنگ بندی کے بعد متاثرہ ممالک ایران، عراق اور اسرائیل سمیت خطے کی تمام فضائی حدود کھول دی گئی ہیں تاہم فلائٹ آپریشن مکمل بحال نہیں ہو سکا۔

    جنگ بندی معاہدے کے بعد ایرانی فضائی حدود مشروط طور پر کھولی گئی ہے جس کیلئے تہران سے بین الاقوامی آمد اور روانگی کی پروازوں کو حکومت سے پیشگی اجازت لینا ہوگی فضائی حدود کھلنے کے بعد تہران سے مہان ائیر کی نئی دہلی کے لیے پہلی پرواز ڈبلیو 571 شام ساڑھے 6 بجے روانہ کی گئی۔

    رات گئے تک ایران کے امام خمینی ائیرپورٹ تہران، تبریز، شیراز مشہد یا دوسرے ائیرپورٹس پر امارات اور ترکش ائیر لائن کے 12 دن سے پھنسے طیاروں کی روانگی بھی بدھ سے متوقع ہے عراق کے سرحدی شہر بصرہ سے پروازیں پہلے ہی اڑان بھر رہی تھیں جو ٹیک آف کے فوری بعد پڑوسی ممالک کی فضائی حدود استعمال کرتے ہوئے آپریشن برقرار رکھے ہوئے تھیں اب ان پروازوں نے اپنے ملک عراق کی فضائی حدود سے گزرنا شروع کر دیا ہے۔

    اسرائیل کی فضائی حدود کھلتے ہی تل ابیب ائیرپورٹ سے پروازوں کی جزوی آمد روانگی شروع ہوگئی تاہم مختلف غیر ملکی ائیر لائنز نے تل ابیب ائیرپورٹ کیلئے اپنا فلائٹ آپریشن تاحال بحال نہیں کیا اور ائیرپورٹ کی درجنوں پروازیں منسوخ ظاہر ہو رہی ہیں جبکہ خطے میں صورتحال بہتر ہونے کے باوجود شام کے دمشق ائیرپورٹ پر بھی فلائٹ آپریشن بحال نہیں ہو سکا۔

    لبنان کے بیروت ائیرپورٹ سے بھی پروازوں کی آمد روانگی کی معمول کی بحالی نہیں ہو سکی قطر کے دوحہ ائیرپورٹ پر فلائٹ آپریشن معمول پر نہیں آ سکا۔ خاص طور پر قطر کی سرکاری ائیر لائن کی درجنوں پروازیں منسوخ ظاہر ہو رہی ہیں بحرین ائیرپورٹ کا فلائٹ آپریشن معمول پر آگیا ہےجبکہ کویت ائیرپورٹ پر بھی پروازوں کی آمد، روانگی معمول پر ہے اسی طرح دبئی ائیرپورٹ پر بھی فلائٹ آپریشن نارمل ہو گیا ہے۔

  • انتظامی مسائل:3 پروازیں منسوخ ،17 پروازوں میں تاخیر

    انتظامی مسائل:3 پروازیں منسوخ ،17 پروازوں میں تاخیر

    ایئر لائنز کے انتظامی مسائل کے باعث کراچی لاہور کی 3 پروازیں منسوخ کر دی گئیں جبکہ 17 پروازوں میں تاخیر ہوئی ہے۔

    فلائٹ شیڈول کے مطابق کراچی لاہور کی 3 پروازیں پی کے 305، 304 اور پی اے 406 منسوخ کر دی گئی ہیں، کراچی اسلام آباد کی 2 پروازویں ای آر 503 اور 505 میں 6 سے7 گھنٹے تاخیر ہے جبکہ کراچی لاہور کی 2 پروازوں 9P843، 9P847 میں سوا گھنٹے تاخیر ہے۔

    فلائٹ شیڈول کے مطابق اسلام آباد سے شارجہ، دمام اور استنبول کی 5 پروازیں تاخیر کا شکار ہیں، لاہور ایئرپورٹ سے دبئی، بینکاک اور ریاض کی 4 پروازوں میں بھی تاخیر ہوئی ہے۔

  • وہ ممالک جن کی پروازوں پر برطانیہ میں پابندی عائد

    وہ ممالک جن کی پروازوں پر برطانیہ میں پابندی عائد

    ایوی ایشن انڈسٹری کے ضوابط میں 2025 میں بھی نرمی نہیں ہوئی میں پہلے کی طرح سخت ہیں ، بین الاقوامی سطح پر منظور شدہ حفاظتی معیارات پر پورا اترنے میں ناکامی کی صورت میں ایئر لائنز کو یو کے ایئر سیفٹی لسٹ میں شامل کیا جا سکتا ہے۔

    باغی ٹی وی: آپریشنل پروٹوکول کی پیروی کرنے اور انٹرنیشنل سول ایوی ایشن آرگنائزیشن (ICAO) کے طے کردہ بین الاقوامی سطح پر منظور شدہ حفاظتی معیارات پر پورا اترنے میں ناکامی کی صورت میں ایئر لائنز کو کام کرنے پر پابندی اور UK ایئر سیفٹی لسٹ میں شامل کیا جا سکتا ہے۔

    2020 میں یورپی یونین سے علیحدگی کے بعد، برطانیہ کی حکومت نے ہوائی سفر کے لیے ایک نیا فریم ورک قائم کرنے کے لیے 31 دسمبر 2020 سے مستقبل کے تجارتی معاہدے پر اتفاق کیا۔

    سیاسی معاملات پر بات سیاستدانوں سے کریں، بیرسٹر گوہر کی ملاقات کا احوال

    تیسرے ملک کے آپریٹرز کو اب ایک UK-Part TCO سرٹیفکیٹ اور سول ایوی ایشن اتھارٹی (CAA) کی طرف سے جاری کردہ غیر ملکی کیریئر پرمٹ رکھنے کی ضرورت ہے اس سے پہلے کہ کوئی بھی تجارتی پرواز برطانیہ سے یا اس کے اندر سفر کر سکے۔

    سی اے اے اور یو کے ایئر سیفٹی کمیٹی کے مشورے کے مطابق، 138 کیریئرز کو خراب حفاظتی کارکردگی کی وجہ سے اس وقت برطانیہ کی فضائی حدود میں تجارتی پروازیں چلانے سے منع کیا گیا ہے۔

    پی ٹی آئی کا چارٹرڈ آف ڈیمانڈ جھوٹ کے سوا کچھ نہیں، رانا ثنا اللہ

    دی انڈیپنڈنٹ کے سفری نمائندے سائمن کیلڈر نے کہا کہحقیقت میں، اس بات کا کوئی امکان نہیں ہے کہ ان ایئر لائنز میں سے زیادہ تر یورپی یونین یا برطانیہ کے لیے پرواز کر سکیں لیکن یہ فہرست کیریئرز کی ایک آسان گائیڈ فراہم کرتی ہے کہ وہ باقی دنیا میں سفر کرتے وقت محتاط رہیں۔

    مسافروں کی حفاظت اور برطانیہ کے لیے اڑان بھرنے پر پابندی عائد کردہ ایئر لائنز یہ ہیں۔

    ملک میں سونے کی قیمت میں مسلسل دوسرے روز بھی اضافہ

    ان ایئرلائنز پر برطانیہ میں کام کرنے پر پابندی عائد کر دی گئی ،افغانستان، انگولا ،جمہوری جمہوریہ کانگو ،کانگو ، کوموروس ،آرمینیا،ایران ،عراق ،کرغزستان،لائبیریا،لیبیا،نیپال،نارتھ کوریا-پاکستان(ایئر بلیو لمیٹڈ، ایئرسیال، پاکستان انٹرنیشنل ایئر لائنز، سیرین ایئر پرائیویٹ لمیٹڈ ویژن ایئر انٹرنیشنل (پرائیویٹ) لمیٹڈ،) سوڈان، سرینام،وینزویلا وغیرہ کی ائیر لائنز شامل ہیں-

    : پنجاب یونیورسٹی کی اراضی پر 50 سال سے کیا گیا قبضہ ختم،مکانات مسمار

  • اسٹار لنک سروس کی یونائیٹڈ ایئر لائنز کی پروازوں میں موسم بہار تک لانچ متوقع

    اسٹار لنک سروس کی یونائیٹڈ ایئر لائنز کی پروازوں میں موسم بہار تک لانچ متوقع

    ٹیکنالوجی کے ارب پتی شخصیت ایلن مسک کی اسٹار لنک وائی فائی سروس اب یونائیٹڈ ایئر لائنز کی پروازوں پر دستیاب ہوگی۔ اس سروس کا آغاز بہار 2025 میں متوقع ہے، جس کے بعد یونائیٹڈ ایئر لائنز کے مسافر اب پروازوں کے دوران تیز رفتار انٹرنیٹ کا لطف اٹھا سکیں گے۔ یہ اقدام ایلن مسک کے کاروباری اثرورسوخ کی مزید توسیع کا غماز ہے، جس نے اپنی ٹیکنالوجی کی دنیا سے باہر مختلف صنعتوں میں قدم جمانا شروع کر دیا ہے۔

    یونائیٹڈ ایئر لائنز اسٹار لنک کی سروس کا ٹیسٹ فروری 2025 میں شروع کرے گا اور اس کے بعد پہلی کمرشل پرواز پر اسٹار لنک کی سروس فراہم کی جائے گی جو ایئر لائن کی ایمبرائر ای-175 طیارے پر ہو گی۔ کمپنی کا منصوبہ ہے کہ 2025 کے آخر تک اپنی تمام ریجنل فلائٹس کو اسٹار لنک سروس سے لیس کر دیا جائے گا اور اسی سال کے آخر تک اس کی پہلی مین لائن پرواز میں بھی اسٹار لنک کا استعمال شروع ہو جائے گا۔یونائیٹڈ ایئر لائنز نے اعلان کیا ہے کہ اسٹار لنک سروس تمام ممبرز کے لیے مفت دستیاب ہوگی، جس میں اسٹریمنگ سروسز، خریداری، گیمز اور دیگر تفریحی مواد شامل ہوں گے۔ یہ معاہدہ یونائیٹڈ ایئر لائنز اور اسٹار لنک کے درمیان ستمبر 2024 میں طے پایا تھا۔

    ایلن مسک، جو ٹیسلا، اسپیس ایکس اور اسٹار لنک کی مالک کمپنیوں کے سربراہ ہیں، نے اپنے وسیع کاروباری پورٹ فولیو اور بے پناہ دولت کو استعمال کرتے ہوئے ٹیکنالوجی کی دنیا سے باہر بھی اپنے اثرورسوخ کو بڑھایا ہے۔ یونائیٹڈ ایئر لائنز کے ساتھ معاہدہ ایک اور مثال ہے کہ کس طرح ان کی کمپنیاں مختلف امریکی صنعتوں میں اپنی جگہ بنا رہی ہیں۔

    یونائیٹڈ ایئر لائنز واحد ایئر لائن نہیں ہے جو اپنی پروازوں میں تیز رفتار انٹرنیٹ فراہم کر رہی ہے۔ ستمبر 2024 میں ہوائی ایئر لائنز نے اعلان کیا تھا کہ وہ اپنے تمام ایئر بس طیاروں پر اسٹار لنک کی سروس مفت فراہم کرے گا، جو ہوائی جزائر اور امریکہ کے درمیان سفر کرنے والی پروازوں میں شامل ہوگی۔ اسی طرح، نیم پرائیویٹ چارٹر کمپنی JSX بھی اپنی 46 طیاروں میں اسٹار لنک وائی فائی سروس فراہم کر رہی ہے۔ڈیلٹا ایئر لائنز نے 2023 کے آغاز میں اعلان کیا تھا کہ اس کے اسکائی مائلز پروگرام کے اراکین کو مفت وائی فائی فراہم کیا جائے گا۔ جبکہ جیٹ بلیو ایئر لائنز نے 2017 سے اپنی پروازوں میں مفت وائی فائی سروس متعارف کروا رکھی ہے۔

    ہوا بازی کی صنعت میں انٹرنیٹ سروسز کی تاریخ: انٹرنیٹ کی سہولت 2003 میں فراہم کی گئی تھی، جب طیارہ ساز کمپنی بوئنگ نے اپنی سروس "کنیسیکشن” کا آغاز کیا تھا۔ تاہم، بوئنگ نے 2006 میں اس سروس کو بند کر دیا کیونکہ مارکیٹ کی توقعات کے مطابق ترقی نہ ہو سکی تھی۔

    یونائیٹڈ ایئر لائنز اور اسٹار لنک کا معاہدہ ایئر لائنز کی انٹرنیٹ سروسز کی دنیا میں ایک اہم سنگ میل ثابت ہوگا۔ ایلن مسک کی کاروباری حکمت عملی اور اسٹار لنک کی انٹرنیٹ کی فراہم کردہ سروسز نے ایئر لائنز کی مسافروں کے لیے سروسز کو نیا رخ دیا ہے، اور اس سے مستقبل میں دیگر ایئر لائنز کی جانب سے بھی اسی طرح کے اقدامات دیکھے جا سکتے ہیں۔

    کے پاپ، سفید رنگت، پتلے جسم اور نسوانی خصوصیات کو اہمیت

    سعود نے لالی ووڈ کی تباہی کا ذمہ دار 2 بڑی شخصیات کو ٹھہرا دیا